هل أصبحا سيد وهناء خروفين فدا لحسن راتب ؟

[se_ Elsyed]

لو الخبر ده صحيح ... يبقى حسن راتب بيحاول يقول : أنا بريء يا باشا وأنا مع الثورة وساكن في شارع الثورة ... مع إن دوره جاي لإنه مفسد من مفسيد الحزن الوطني وواخد شمال سينا بيع وشرا وبيبرطع فيها هناك

فيما يشبه تطبيقاً عملياً لدعاء "الله أم اضرب الظالمين بالظالمين" ، قام حسن راتب رئيس قناة المحور وعضو الحزب الوطني بالتخلص من سيد علي وهناء السمري وبرنامجهم "48 ساعة" ، بعد أن قاموا بدور مشين طوال أيام الثورة يتعمد الإساءة لشبابها ، حيث وصل بهم الأمر لاستضافة فتاة تدعي أنها كانت ضمن شباب التحرير وأنها تلقت تدريبات في أمريكا لقلب نظام الحكم مقابل الأموال ، وهو ما تم كشف زيفه فيما بعد .

الغريب أن سيد علي وهناء السمري قد قاما بتغيير موقفهم 180 درجة فور نجاح الثورة ، حيث أكدوا أنهم معها منذ أول يوم !! وأنها ثورة طاهرة وناجحة ، وهو ما تسبب في توبيخ الفنان أحمد عيد لهم في مكالمة هاتفية عنيفة ، طلب منهم فيها الكف عن الموالسة والنفاق وتحمل تبعات موقفهم حتى النهاية او الاعتذار للشعب المصري عما بدر منهم ، ثم أغلق الهاتف في وجههم .

ويأتي طرد سيد علي وهناء السمري من قناة المحور كمحاولة من رئيسها تقديمهم ككبش فداء إثر ثورة الشباب الذين طالبوا مقاطعة القناة بناءً على ما بدر منها طوال أيام الثورة

[م تيمور المراغي]

http://www.youtube.com/watch?v=sLOTABmLvMQ&feature=related تم تعديل 16 فبراير 2011 بواسطة architect

[المهندسه]

انا كنت متابعه كل القنوات ايام الثوره و منها سيد و هناء و فعلا كانوا فى الاول ضد الشباب خااالص و بعد ما الرئيس تنحى غيروا رأيهم 180 درجه

هما لو كانوا من الاول قالوا رأيهم بموضوعيه سواء اختلافهم او اتفاقهم ...و بعد التنحى فضلوا برضه على رأيهم مكنش حد قال حاجه لان ده رأيهم الشخصى

لكن النفاق هو ده ال عيب اوى عليهم....

[shiko]

للاسف .....

هذه النتيجة الحتمية ...والوحيدة للحرس القديم .....

....الاعلام الكاذب ...والموالى للسلطة .....

لابد له ان يرحل .....

بصراحة ....انا احترمت الفنان احمد عيد ومكالمته...( ومن الواضح انها جائت على خوانة )

فقد كانت مكالمته اول كلمة حق تخرج على هذه القناة ......

على العموم امثال قناة المحور وقناة الفراعين ...ومودرن فقد خسروا الكثير ولن يحصدوا الا وبال كذبهم ....

[fatfouta]

الخبر منتشر فى كل المواقع

ودلوقتى على قناة اون تى فى بيقولوه وبيقول هنتصل بيهم ونأكد الخبر

والخبر كمان موجود فى الوفد

عل طريقة كبش الفداء أطاح رجل الأعمال وعضو الحزب الوطني »حسن راتب« ببرنامج »٨٤ ساعة« بكل من فيه، كوسيلة لغسل يديه مما فعلته قناة »المحور« من مآس إعلامية منذ بداية الثورة وحتي الآن.. تلك القناة التي هاجمت الثورة ووصفتها بأبشع الاتهامات ثم تحولت الي النقيض تماما بعد تنحي الرئيس، الطريف أن حسن وراتب وقناته كانت تنقل فعاليات مؤتمر الحزب الوطني كل عام وكانت تسبح بحمد مبارك، وقامت بعمل فيلم تسجيلي أذاعته من قبل عن عظمة مبارك وعهده.

الوفد

[se_ Elsyed]

إحنا في مرحلة غربلة

ومن الشجاعة غن كل واحد إتخذ موقف أو قرار معين .. لازم يبقى قده

يعني مش عيب إن هناء السمري تؤيد الثورة حيث أنها كانت مراسلة التليفزيون المصري في قصر الرئاسة .. والان بعد انا حصحص الحق . لازم بقى تتحجب وتقعد في البيت وتشوف طلبات جوزها وعيالها

وسيد علي بما إنه ينتمي للحزب الوطني ... يبقى يروح يربي دقنه ويبقى إخوان ... يا يشتغل عند كنتاكي لإن الثورات كتيرة اليومين دول والحج كنتاكي مش ملاحق طلبات ديليفري

وخيري رمضان وتامر أمين وشوية الإمعات بتوع التلافزيون المصري العبيط .. كل ده لازم يتكنس

[أسد]

عادي ...

كل ده طبيعي ..

ولسه فيه كمان ...

[ComingSoon]

هناك شئ مميز تنفرد به قناة المحور وهو ان كل مذيعيهم علي درجة عالية جداً من الغباء والنفاق

حتي نفاقهم من النوع الصريح المفضوح

[hakeem]

شكرا يا س س على الخبر المفرح ده..

انا كنت بتفرج على البرنامج ده وكنت هتنقط او هتشل من النفاق بتاعهم.وحاولت اتصل بيهم وافش غلى منهم بس بائت كل محاولاتى بالفشل الزريع..بس كنت مبسوط جدا لما احمد عيد كلمهم ومسح بيهم بلاط الاستديو..

أول برنامج اسمع منه عن وجبات الكنتاكى والدولارات واليورهات والايرانيين ومش عارف مين..ولا الصحفيه اللى جابوها تقول ان الامريكان جندوها هى ومجموعه شباب ودربوهم فى بلاد كتيرة منها اسرائيل على القيام بالثورات.يالهوى كنت هتشل من البرنامج ده..

سيد وهناء..على موبايلات بئا :P

تم تعديل 16 فبراير 2011 بواسطة hakeem

[Om Zayd]

منورين على المحور مبااااااااااشر

و بيسألوا زينا عن علي الدين هلال و زكريا عزمي و .. و ..و

[fatfouta]

لا وبيتكلموا ولااااااااا كإن فيه حاجة

الظاهر مافيش فايدة فى الاعلام

[المهندسه]

ايه يا جماعه ما ابو السيد و هنؤه منورين اهم

[rewsha]

لا وبيتكلموا ولااااااااا كإن فيه حاجة

الظاهر مافيش فايدة فى الاعلام

ياخوفي لامايبقاش في في فايده في حاجات كتير

(بامارة حبيب العادلي)

تم تعديل 17 فبراير 2011 بواسطة rewsha

[Simba]

احنا اتخدعنا يا رجالة

لا الثورة نجحت ولا بطيخ ولسه عايشين في مية البطيخ

ماليش دعوة انا مش معاكم لسه واحد متبهدل في امن الدولة وخارج امبارح بس

بكل حب

انا اسف يا ريس :sad:

[tarek hassan]

احنا اتخدعنا يا رجالة

لا الثورة نجحت ولا بطيخ ولسه عايشين في مية البطيخ

ماليش دعوة انا مش معاكم لسه واحد متبهدل في امن الدولة وخارج امبارح بس

بكل حب

انا اسف يا ريس :sad:

فعلا ثبت إن أمن الدولة لسه بتعذب الناس وإن حسني مبارك لسه موجود ليس بشخصه ولكن بنظامه كاملا

سمعت أحمد شفيق وهو يطمئن الجماهير في قناة الحياة على حسني مبارك وأنه بصحة جيدة ومستقرة وأنه على اتصال به خلافا لإشاعات المغرضين

ومازال عمر سليمان وزكريا عزمي يمارسان عملهما والكل على اتصال به

ولا يزال الحديث عن ثروته ممنوعا في الإعلام الرسمي

ولا تزال حكومة الحزب الوطني ومازال أبو الغيط ورموز النظام السابق موجودين جاثمين على صدورنا

ومازال الأموال تهرب على قدم وساق

ومازالت حالة الطوارئ

ومازال المعتقلون السياسيون ومن انتهت مدة محكوميتهم بالسجون

ومازالت نفس الأشكال في القنوات المصرية من مذيعين ومذيعات ومنافقين ومنافقات من أبواق النظام الفاسد السابق بتوع صباح الخير ومساء النور والأنوار والفل والقشطة

هل سقط حسني مبارك فعلا

أظن للآن لا

مع الاعتذار الشديد لثورة الشباب و25 يناير وفبراير ومارس وطوبة وأمشير

أما سيد وهناء فالأعلام كله أثبت إنه كويس ورائع واحنا اللي مكناش بنعرف نتفرج

تم تعديل 17 فبراير 2011 بواسطة tarek hassan

[Om Zayd]

لا و جايبين آخر الأخبار

جاوبوا على كل أسئلتي

زكريا و صفوت و سرور هيعتزلوا العالم السياسي

العادلي بدأت التحقيقات معاه في أمن الدولة

مبارك عايش على عصير التفاح فقط

و بيطالبوا بمحاكمة عادلة تبرد قلوب أهل الشهداء

و دلوقت بيتكلموا عن السويس و بيمجدوها

و اللي يشوفهم دلوقت يقول انهم زعماء الثورة

[se_ Elsyed]

أنا بقيت اشك في نفسي

يكونش إحنا اللي فاسدين ومنافقين ومش داريين ؟

[خالد شحاته]

هناء وسيد جايبن المستشاره نهي الزيني وبيعتزرو لهم والله انا قولت قبل كدا حاسس اننا في اكذوبه حسن راتب الكل عارف انه فاسد ليه اسمه منزلش القوائم وجايب ناس فاشله في الاعلام واظاهر هناء صعب عليها النظام القدم علشان كانت المرسله الوحيده للرئيس السابق اتقي الله يا سيد وانتي يا هناء رحم عليكم بلاش خداع في الناس

[Simba]

[عبير يونس]

أنا بقيت اشك في نفسي

يكونش إحنا اللي فاسدين ومنافقين ومش داريين ؟

ممكن برضهi*:

بس لا أعتقد كلنا

أنت بس

و احنا كلنا مغيبين و مغرر بينا:cry1:

اخص عليك يا سين سين يا خاين يا عميل ....أيظن

انت اللي جرجرتنا وراك

و دمنا في رقبتك

انا خلاص فقت يا بابا

سامحني يا بابا

:cry:

:Head: