شهادة مرعبة لجودت الملط رئيس الجهاز المركزي للمحاسبات

[se_ Elsyed]

شيء مرعب ولا يصدقه عقل إنسان على وجه الأرض

ويتمثل كل هذا فيما كشف عنه المستشار جودت الملط رئيس الجهاز المركزي للمحاسبات ... وهي عن جزء فقطط وبالأرقام من فساد عصر مبارك

[se_ Elsyed]

أنا أستمعت لشهادته وكنت باذاكر وباتعشا في نفس الوقت .. وتركت كل حاجه ودخلت في وصلة بكاء وكأني في ميتم

لإن هو ميتم فعلاً .. والضحية هي مصر في عصر المجرم مبارك اللي لسه بيعامل كرئيس دولة

وإليكم الأرقام اللي كتبتها وراء الرجل الذي كان يتحدث ببكاء متواصل في برنامج الحياة اليوم

[fatfouta]

الملط بيقول انه جاله تهديد بحرق اسرته

وعصام شرف بيرد عليه وبيقوله انت فخر لمصر وانا بعتذر لك

الملط : انا فاض بى واستشعر الحرج لما اقول انى لا املك سيارة واسكن فى شقة 120م بالايجار

اعذرونى انى مش هاجى فى التليفزيون عشان انا قاعد فى البيت مكتئب على اللى بيحصل فى البلد وانا بشر من لحم ودم

عاجل ااااا د. عصام شرف يعتذر على الهواء مباشرة للمستشار جودت الملط رئيس الجهاز المركزي للمحاسبات لما اصابه من اتهامات

[se_ Elsyed]

التقرير اللي كان بيقرا منه هو التقرير اللي كان من المفترض ان يعرضه على مجلس الشعب في اول ماس الحالي

1- في سنة واحده فققط وهي سنة 2009-2010

الفرق بين إيرادتنا ومصروفاتنا بلغ

124 مليار جنيه

بالسالب طبعاً

رقم مفززززززززع .. باقول في سنة واحده فققط مال بالنا في السنين اللي فاتت ؟

وتم تغطية المبلغ ده عن طريق الإقتراض الداخلي والخارجي وأصدار أذون وسندات الخزانة

[se_ Elsyed]

- حتى 2010 بلغ الدين العام الداخلي

888 ملياررررررررررررررررررررررر نيه

وإجمالي الدين الداخلي والخارجي 1080 مليارررررررررررررررررر جنيه

- نسبة الدين مقارنة بالناتج المحلي حوالي 90 %

يعني بالبلدي .... 90 ديون و10 إنتاج فقط

[fatfouta]

كان فيه خبر نشرته الوفد النهاردة عن استقالته ومش عارفة هو رد على كده ولا ايه

بس اعتقد انه مستمر فى منصبه

[se_ Elsyed]

- الحرامي الكبير .. البيه يوسف بطرس غالي الكلب

ديون وزارة المالية للدولة بلغت 121 مليار جنيه

- عدد المصريين اللي تحت خط الفقر .. يعني تقريباً لا يملكوا قوت يومهم بلغ 16 مليون مصري

- النسب في بعض المحافظات مفزعه ولا تُصدق

أسيوط 61 % تحت خط الفقر

سوهاج 47 %

بني سويف 41 %

أسوان 41 %

[se_ Elsyed]

في عهد أحمد نظيف فقط تم إرسال 1000 تقرير لمجلس الشعب ورئاسة الجمهورية والنيابة الإدارية

وكلها امر فتحي سرور بتطنيشها والإنتقال إلى جدول الاعمال

[se_ Elsyed]

الراجل طبعاً بتتنظم ضده حملة شعواء وبتتهمه هو بالفساد والسكوت عن الفساد

وأقسم بالله العظيم على الهواء إنه يسكن في شقة 120 متر بالإيجار ولا يمتلك سيارة خاصة في بيته وإن مرتبه بالحوافز والبدلات هو 10 الاف جنيه بعد عمل 45 سنة في الحكومة وكان منصبة قبل ان يعمل بالجهاز هو رئيس محكمة مجلس الدولة ... وهو الان في مرتبة نائب رئيس مجلس الوزراء

[se_ Elsyed]

وحكي الرجل على إنه أثناء عرضة تلك التقارير السنوية المفزعة امام البهوات الوزراء والسادة اعضاء مجلس الشعب .. كان منهم من يقزقز اللب ... ومنهم من يلعب جيمز على الموبيل ومنهم من ياكل تفاح .. وكان هناك زي الباعة الجائلين اللي بيعدوا على الأعضاء أثناء مثل تلك الجلسة الهامة .. وكان هناك من الوزراء والمسئولين من يتطاول عليه باللفظ - أنا شوفت احمد عز ويوسف بطرس غالي بصراحة في احد الجلسات بيتطاولوا عليه -

وفي النهاء يامر فتحي سرور السادة الأعضاء بالإنتقال لجدول الاعمال

[se_ Elsyed]

- ومن ضمن التقرير .. ما جاء بخصوص إهدار أراضي الدولة .. وإن كثير من رجال الاعمال أستغل الأرض في غير الهدف الذي بيعت من أجله وبنوا عليها منتجعات جولف وكومباوندز وشاليهات

وإنه لما رفع تقرير بهذا الخصوص ومنها إن طريق مصر الإسكندرية فقط أُهدر فيه 200 مليار جنيه ..

بصراحة أحمد نظيف عرق الرجولة نطر في قفاه وأمر رجال الأعمال دول بدفع الفرق للدولة ... وكان الفرق حوالي 47 قرش عن كل متر سرقوه . ولما لقى المبلغ كبير قسطه لهم على 5 سنوات

[Howayda Ismail]

يمهل ولا يهمل

التحفظ على أموال "نظيف" و6 وزراء سابقين و17 رجل أعمال وأسرهم

أيدت محكمة جنايات القاهرة برئاسة المستشار شوقى إياد، قرار النائب العام، بمنع د. أحمد نظيف و7 وزراء

سابقين وأسرهم، و17 رجل أعمال وأسرهم، من التصرف فى أموالهم الشخصية، دون أرصدة الشركات التى يساهمون فيها.

ففى القضية رقم 76 لسنة 2011 حصر أموال عامة عليا، أيدت المحكمة قرار النائب العام المستشار

عبد المجيد محمود بمنع كل من أحمد نظيف رئيس الوزراء السابق وزوجته زينب عبد اللطيف محمد والدكتور

يوسف بطرس غالى وزير المالية السابق وزوجته ميشال خليل صايغ وأولاده القصر (نجيب ونادر ويوسف)

واللواء حبيب العادلى وزير الداخلية السابق وزوجته إلهام شرشر وولده القاصر "شريف" من التصرف مؤقتاً

فى أموالهم الشخصية، دون أرصدة الشركات التى يساهمون فيها.

أما القضية رقم 59 لسنة 2011 حصر تحقيق أموال عامة، فبعد الاطلاع على نيابة الأموال العامة العليا،

أيدت المحكمة منع كل من زهير جرانه وزير السياحة السابق وزوجته جيلان شوكت جلال الدين وأولاده القصر

(حبيبة وأمير وأدهم) ورجل الأعمال محمد أبو العينين رئيس مجلس إدارة مجموعة كليوباترا ونجله القاصر

"طارق" من التصرف فى أموالهم الشخصية، وذلك وفق المادة 208 مكرر "أ" من قانون الإجراءات الجنائية.

كما أيدت التحفظ على أموال رجل الأعمال المهندس نهاد بهيج إبراهيم وزوجته رانيا الحريرى ونجليه القاصرين

مروان وسيف من التصرف فى أموالهم وفقاً لتحقيقات نيابة الأموال العامة العليا فى القضية رقم 37 لسنة 2011

أوامر تحفظ.

كما تم منع كل من رجل الأعمال حسين سالم وزوجته نظمية عبد الحميد محمد من التصرف فى أموالهم مؤقتاً

ومحمد إبراهيم سليمان وزير الإسكان الأسبق وزوجته منى المنيرى ورجل الأعمال مجدى راسخ وزوجته ميرفت عبد القادر

ورجل الأعمال صفوان أحمد ثابت وزوجته بهيرة الشاوى وعبد المنعم الصوالحى وزوجته نجلاء أحمد فؤاد

ورجل الأعمال أحمد بهجت وزوجته لونه صبرى مالكى ونجلته القاصر "ميرا" وشفيق البغدادى

وزوجته منى عبد القادر صالح عيد شقيقة زوجة رجل الأعمال مجدى راسخ من التصرف فى أموالهم الشخصية مؤقتاً.

بالإضافة لمنع رجل الأعمال والخبير السياحى حامد الشيتى وزوجته تيودورا هيلين ووزير الإسكان السابق

أحمد المغربى وزوجته نجلاء الجزائرلى ورجل الأعمال منير غبور وزوجته مارى وليم وحسين على حبيب سجوانى

وأمير زهير جرانه وزوجته شريفة أبو الفتوح وأبنائهم القصر (ياسين ومحمد ومالك) ومحمد كريم زهير جرانه

وزوجته سونيا محمود حسن وعلاء أحمد هانى جرانه وزوجته مريانا إيزابيلا لينيشيا (فرنسية الجنسية)

وأولادهما القصر (هانى وتيا) وعلاء سعد أبو الخير وزوجته وابنه ومصطفى كامل بريقع وزوجته وإبراهيم سالم محمدين وزوجته.

....................................

حبس منير غبور 15 يوماً بتهمة الاستيلاء على أراضى الدولة

أمرت نيابة الأموال العامة العليا برئاسة المستشار على الهوارى المحامى العام الأول، مساء اليوم الخميس،

بحبس رجل الأعمال منير غبور، 15 يوماً على ذمة التحقيقات، وذلك بتهمة الاستيلاء على أموال الدولة بدون وجه حق.

كشفت تحريات الأجهزة الرقابية، أن المهندس أحمد المغربى وزير الإسكان السابق، سهل لشركة غبور التعدى

على 17 فدانا مملوكة للدولة دون أن يسدد ثمنها، كما أنه تربح من المال العام بما قيمته 270 مليون جنيه،

فضلا عن بيع الأرض بأقل من سعرها وبالأمر المباشر عام 2006

[Om Zayd]

- الحرامي الكبير .. البيه يوسف بطرس غالي الكلب

ديون وزارة المالية للدولة بلغت 121 مليار جنيه

***********************

دي صناديق التأمينات الاحتماعية و المعاشات اللي استولى عليها .. أو بكلامه .. اقترضها .. و لم يرد مليم منها حسب كلام الملط

اللي يخنق بقى.. ليه ما فضحهمش من زمان؟؟؟؟

هتقولولي كان بيعمل واجبه و مفيش في ايده حاجة اكثر من كده

هقولكم .. كان شايف الكوارث دي كلها و بيكتفي برفع التقارير.. أكيد كان ممكن يعمل حاجة

حاسة انه كان بيتصرف كموظف

عموما هسأل قرايبي في الجهاز .. هما أدرى

تم تعديل 10 مارس 2011 بواسطة Om Zayd

[ذهبية]

حسبى الله و نعم الوكيل

للاسف مش لاقية كلام يعبر عن الحسرة اللى جوايا

[Melhakim]

مش عارف ليه بعد ما سمعت كلام المستشار انهارده حسيت انى مش مقتنع بالكلام اللى كان بيقوله

اه طبعا كان فى سرقة وفساد وبلاوى سودا

بس ليه الكلام ده متقالش من زمان

ليه كان بيشوف التقارير اللى بيقدمها محدش كان بياخد بيها ومكنش ليه اى رد فعل وقتها

ليه مكنش يطلع ساعتها ويخلى مسئوليته ويقول اللهم بلغت اللهم فأشهد

وموضوع مرتبه عليه علامة استفهام كبيرة

انا ليا واحد صاحبى خاله كان شغال فى الجهاز واستقال السنة اللى فاتت مرتبه بعد 12 سنة كان 4500 جنيه ازاى يبقى مرتب رئيس الجهاز اللى هوا بدرجة نائب رئيس وزراء طبقا لكلام المستشار جودت الملط يكون 10000 جنيه بس ؟؟

الواحد خلاص مبقاش فاهم مين الكويس ومين الوحش

[Alshiekh]

- الحرامي الكبير .. البيه يوسف بطرس غالي الكلب

ديون وزارة المالية للدولة بلغت 121 مليار جنيه

***********************

دي صناديق التأمينات الاحتماعية و المعاشات اللي استولى عليها .. أو بكلامه .. اقترضها .. و لم يرد مليم منها حسب كلام الملط

اللي يخنق بقى.. ليه ما فضحهمش من زمان؟؟؟؟

هتقولولي كان بيعمل واجبه و مفيش في ايده حاجة اكثر من كده

هقولكم .. كان شايف الكوارث دي كلها و بيكتفي برفع التقارير.. أكيد كان ممكن يعمل حاجة

حاسة انه كان بيتصرف كموظف

عموما هسأل قرايبي في الجهاز .. هما أدرى

الجهاز المركزى للمحاسبات هو جهاز رقابى فقط وليست لديه اى سلطات تنفيذية.

يقوم بالمراقبة والتفتيش على مؤسسات الدولة والموؤسسات الخاصة ذات الصفة الشعبية ويسجل ملاحظاته ويرسلها للجهات المسئولة بما فيها الجهات التى قام بالتفتيش عليها ورئاساتها والوزارات التابعة لها ومجلس الشعب وديوان رئاسة الجمهورية.

الجهاز ليس مستقلا عن الحكومة وليس مخولا بنشر تقاريره وبالتالى فلا لوم على الجهاز او رئيسه لعدم نشر تقاريره ، ولالوم عليه ايضا على عدم محاسبة المقصرين والمخالفين.

[capitshino]

http://www.youtube.com/watch?v=yOM5HUDpakc&feature=player_embedded#at=79

[fatfouta]

http://www.youtube.com/watch?v=PsnS6zebccA&feature=player_embedded

[خالد شحاته]

جودت الملط للحياه اليوم : الدين الداخلى لمصر يقدر ب 888 مليار جنيها فى 30/6/2010

وصافى الدين العام 1080 مليار جنيها اى ان نسبته من الناتج المحلى الاجمالى

89,5% تلقى برنامج "الحياة اليوم " اتصالاً هاتفياً من المستشار جودت الملط ,رئيس الجهاز المركزى للمحاسبات , كشف فيه النقاب عن العديد من الحقائق المفزعة عن أحوال البلاد و قضايا فساد النظام المخلوع ,و حاول أيضاً الدفاع عن نفسه ضد من يحاولون تشويه سمعته , حتى كادت عيناه تذرف بالدمع ,و تأثر المشاهدين كثيراً بحديثه الذى يبدو عليه الصدق .

قال د.جودت : "أستحى أن أقول أنى أسكن فى شقة بالإيجار مساحتها 120 متر ,و لا أملك سيارة و سيارة الحكومة التى تنقلنى مصنعة منذ 20سنة " و تابع :

"تلقيت تهديدات من جهات عديدة لعدم الإفصاح عن قضايا الفساد , لكنى تكلمت " .

** قدمت 1000 تقرير يكشف فساد حكومة نظيف ,و لم تناقش ,و قدمت 1000 تقرير آخر لحكومة عاطف عبيد

و من ضمن الحقائق التى ذكرها "الملط " ما يلى :

-بلغت الديون الداخلية للبلاد 1080 مليار جنيه .

-نسبة الفقر فى أسيوط 61 % ,و فى بنى سويف 41.5 % و فى اسوان 40 % ....الخ

-قيمة المال العام المهدر فى سنة 2010 وحدها بلغ 124 مليار دولار .

-قضية التعدى على أراضى الدولة : قمنا بإعداد تقرير عنها و كانت العقوبة التى تم توقيعها على المخالفين الذين بنوا على الأرض المفروض استصلاحها زراعياً , منتجعات سياحية و خلافه , كانت عقوبتهم أن يدفع كل منهم 47 قرشاً عن كل متر ,و يتم تقسيطها على 5 سنوات .

و اتصل د.عصام شرف رئيس الوزراء بالبرنامج نفسه بعد ذلك ليشكر د.جودت الملط ,و قال له أن كل كلمة تكتب ضده لتشويه صورته تعتبر تتويجاً لك ,و نحن نتأسف لك ,لأنك قيمة كبيرة بالنسبة لنا .

[se_ Elsyed]

أعتقد إن مافيش أصدق من لغة الأرقام

يعني الراجل لما يقول مرتبي 10 الاف جنيه . يبقى من السهل إن واحد من الاف الموظفين في الجهاز المركزي يطلع يكذبه ويعرض لنا ورق فيه مرتبة الحقيقي

كمان الارقام اللي ذكرها عن الديون والمصايب .... سهل برضوا حد يقول له إنت كذاب والوضع زي الفل وأهي أرقام رسمية بتكذبك

بالمناسبة يا جماعة ... الجهاز المركزي مش جهة تحقيق أو تنفيذ ..

لكن هو جهة رقابية لرفع التقارير اللي شوفناها دي

الاغرب بقى واللي كتير ما يعرفهوش .. إنه هو اللي بيلخص التقارير اللي بتصدر عن جهات كتيرة ومنها

البنك المركزي المصري

يعني معظم الأرقام دي مأخوذه من تقارير البنك المركزي

اما لماذا لم يستقيل ؟

تخيلوا لو إستقال وجابوا لنا واحد تبعهم ويظبط لنا الأرقام زي ما هما عاوزين

أما كان فين الفترة دي كلها ؟

أنا بنفسي ويشهدالله كنت اقرأ واسمع واشاهد له مواقفه في مجلس الشعب وهو يفضح الحكومة .. طب يعمل ايه اكتر من كده ؟