اشمعنى

[Farida]

شوفتوا البنات اليونانيات اللى بيقفوا و الناس بتستلم الميداليات ....شوفتوا لابسين ايه ....لابسين حشمة جدا و مغطيين شعرهم ....اشمعنى بقه ما حدش قال عليهم ارهابيين و موافقين ان دى عادتهم و تقاليدهم ....دى اول اشمعنى ...

تانى اشمعنى بقه ....ليه البنات المصريات اللى فى المهرجانات الدوليه بيلسبوا من غير هدوم و قصير جدا .....حكمتك يارب

[Tamsite]

تصدقي يا أخت فريدة ؟؟

انت فتحتي موضوع في غاية الأهمية ، وأخذت عليه مثال وهو المقارنة بين الزي ا لشرفي للفتيات المشاركات في أوليمبيلد أثينا ، والزي الشرفي للفتيات في التجمعات التي تقام بمصر عموما

أنا ليا وجهة نظر متواضعة عموما ، واحب أذكرها وأطرحها لنقاش في سياق الموضوع اللي حضرتك فتحتيه

الزي الرسمي أو الشرفي لمن يمثلون مصر في المحافل الدولية ؟

كيف يتم اختياره وتصميمه ؟

[Tamsite]

من الملاحظ انه في معظم المحافل الدولية ، التي تقام داخل مصر أو خارجها ، يتم فيها اختيار الزي الرسمي للوفد المصري المشارك بطريقة خالية من كافة أشكال الذوق الرفيع

هل ده معناه ، ان المصريين معندهمش ذوق ؟؟

لأ طبعا ، علط ان احنا نعمم الحالة

وانما اللي بيحصل ان العيش ما بيروحش لخبازه .....

بمعنى ...............

انه لازم اللي يسند ليه مسألة الزي الرسمي دي يكون متخصص في حاجة زي كده ، ويكون مكلف بعمل مسابقات لمصممي لأزياء وبيوت الخبرة للوصول إلى الزي الأمثل والذي يليق بنا ويشرفنا

تعالي مثلا نشوف شوية امثلة على كلامي :

الأستاذ / ابراهيم حجازي - كاتب وناقد رياضي في جريدة الأهرام ،

كتب في مقالته الأسبوعية يوم الجمعة الماضي عن موضوع إختيار زي الوفد المصري في حفلة افتتاح أوليمبياد أثينا ، وانتقد بشدة شكل و لون الزي الرسمي للبعثة واعتبره أسوأ زي من وسط الوفود المشاركة

وطرح سؤال هام جدا ، من هو المسئول عن اختيار هذه الأزياء ؟

وهل يتم الاختيار من خلال طرح مناقصة واختيار الأقل سعرا دون النظر للتقييم الفني ؟

أنا لم أشاهد الحفل ، ولكني قرأت المقالة ، واستندت إلى روايات الأصدقاء التي أكدت جميعها صحة النقد الذي جاء بالمقالة

وأن شكل بعثة مصر في الأوليمبياد بهذا الزي قد أساء لنا جميعا كمصريين ...... :blink:

[Tamsite]

طيب ،

نيجي لنقطة مهمة ، وهي :

ما هي مواصفات الزي الرسمي الامثل لكل من يمثل مصر رسميا في أحد المحافل الدولية ، والذي يليق بنا ويشرفنا كمصريين ؟

------------------------------------------------------------

مع ملاحظة الآتي :

وضع مواصفات محددة ليس معناه زي موحد لكل من يمثل مصر

------------------------------------------------------------

أتمنى إني اسمع اقتراحات الأعضاء الأعزاء في هذا الصدد، ونبتدي نناقش بعض ،

لأني حاسس اني اتكلمت كتيرقوي

يا رب بقى أبطل عادة الرغي دي !!!!! :blink:

وشكرا لك مرة اخرى أيتها الأخت فريدة على طرحك لهذا الموضوع في حوارات المصريين ...........

تحياتي وتقديري ....................

[Abouhemeed]

يا عم تامسايت

فيروز كانت بتتكلم على الحشمة التي كانت ظاهرة في زي الفتيات اليونانيات و لو عملناها إحنا لقالوا إرهابيين و متخلفين إلى آخر هذا الكلام ..

تقوم إنت تقلبه للزي الشرفي و قلة ذوق الإختيارو يضيع الموضوع في رد طويل يجعل المهتمين بهذا الموضوع ينسون هو أصله كان إيه ؟

الموضوع ببساطة شديدة هو إشمعنى لما تتحشم اليونانيات يقولون زي قومي و لما تتحشم المسلمات يقولون تحديد من حقوق المرأة و إرهاب .

أوع تزعل دا مجرد تعليق عابر :blink:

[Farida]

Abouhemeed شارك في تاريخ Aug 26 2004, 10:52 PM

  يا عم تامسايت

فيروز كانت بتتكلم على الحشمة التي كانت ظاهرة في زي الفتيات اليونانيات و لو عملناها إحنا لقالوا إرهابيين و متخلفين إلى آخر هذا الكلام ..

عمنا ابو حميد ....سعادتك انا اللى فتحت الموضوع عموما انا و فيروز واحد .....

الأخ تامسيت انا فعلا لم اعلق على الزى الشرفى من ناحيه الذوق و الألوان بل من حيث انه يتفق مع اخلاقيتنا و لا لأ ......البنات فى مهرجان السينما و اللأغنيه و غيره بيلبسوا لبس قصير جدا و مكشوف جدا .....مع ان اليونانيات حشمه و مغطيين رأسهم ....تخيل لو فى اى مهرجان دولى لبست المصريات غطاء للشعر و لبس طويل .....اللى بالى بالك حايعملوا ايه ...

[sos]

قصدك....طبعا يا استاذ/ ابو حميد...

الدكتورة/ فريدة.....وليست المهندسة فيروز...

معذرة لمداخلتى الخارجة عن هدف الموضوع...

[Tamsite]

واضح ان انا عشان مكملتش كلامي للآخر ...............

اتفهمت غلط خالص ، وان انا بقلب دفة الحوار، وباخرج عن سياق الموضوع :blink: وبلخبط الدنيا

علما ان اللي انا قلته كان لازم هيصب في الآخر في مجرى الموضوع اللي فتحته الأخت / فريدة

موضوع الحشمة في اختيار الأزياء وعلاقته بالارهاب

انا حقيقي زعلت اني اتفهمت غلط بالشكل ده cbyb:

شوفوا بقى يا أعزائي :

ما هو احنا لو عندنا مواصفات لإختيار الزي ، كانت المواصفات دي هتشتمل على الحشمة ، الذوق العالي المعاصر المستمد من تراثنا وعاداتنا وتقاليدنا ، و معتقداتنا الدينية

بحيث لما ييجي مواطن من دولة نيبال مثلا ولاّ دولة ترينداد توباجو ، يشوف وفد دولة كده اسمها (مصر) أول مرة يسمع عنها ، هيحس ان الدولة دي ليها عادات وتقاليد شرقية ،

دولة محافظة ،

دولة ليها تاريخ ،

دولة اسلامية ، يتصف مواطنيها بالاحتشام

دولة عندها ذوق ،

دولة الناس اللي فيها عارفين تماما ازاي يختاروا الزي الملائم لصفاتهم كشعب محافظ من دولة اسلامية ، تميزت بالذوق الرفيع على مر التاريخ

وبالتالي يبتدي يتكون في الرأي العام العالمي في جميع الأمم ، إن المصريين ، هو ده لبسهم المستمد من صميم مجتمعهم ، وان الموضوع مالوش دعوة لا بارهاب ولا دياولو

بدل ماحنا كده عمالين نقتبس في أزياء من دول مالهاش دعوة بينا من حيث العادات والتقاليد ، و ، و ، و ، ... إلخ

وبالتالي تبقى وجهة النظر عن المجتمع المصري ، إنه منحل ، بلا تاريخ ولا قيم

يا رب أكون اتفهمت المرة دي ..............

على العموم يا أعزائي

لو أنا كده لسه خارج سياق الموضوع ،

يا ريت حد يبلغني ، lmo:

عشان أكتم خالص ، وأدورلي على موضوع تاني أتكلم فيه swar::

وفي النهاية حقكوا عليا

تحياتي وتقديري .................

تم تعديل 27 أغسطس 2004 بواسطة Tamsite

[Farida]

يا أخى تامسيت

انا مش عارفه انت خدت الموضوع بحساسيه انا اللى حسيت انك فهمتنى غلط و على فكرة انا مش انصار ان اللى يدخل يشارك يا اما يبقى فى صميم الموضوع يا ما بلاش ...بالعكس احنا فى مكلمه و اللى يجى على بالنا نقوله طالما لم نخرج عن الأداب و القواعد ...اما حكايه الرغى و الخروج عن الموضوع و الأسف فما فيش مشكله ......و خصوصا لو انا اللى فاتحه الموضوع ....اتكلم براحتك

[جـورج]

شوفوا بقى يا أعزائي :

ما هو احنا لو عندنا مواصفات لإختيار الزي ، كانت المواصفات دي هتشتمل على الحشمة ، الذوق العالي المعاصر المستمد من تراثنا وعاداتنا وتقاليدنا ، و معتقداتنا الدينية

بحيث لما ييجي مواطن من دولة نيبال مثلا ولاّ دولة ترينداد توباجو  ، يشوف وفد دولة كده اسمها (مصر) أول مرة يسمع عنها ، هيحس ان الدولة دي ليها عادات وتقاليد شرقية ،

دولة محافظة ،

دولة ليها تاريخ ،

دولة اسلامية ، يتصف مواطنيها بالاحتشام

دولة عندها ذوق ،

دولة الناس اللي فيها عارفين تماما ازاي يختاروا الزي الملائم لصفاتهم كشعب محافظ من دولة اسلامية ، تميزت بالذوق الرفيع على مر التاريخ

طيب الزى ده شكله ايه ؟

للأسف احنا فى مصر ماعندناش زى معين بحيث لما تشوفه تعرف ان ده واحد او واحده مصريه

[Guest Mohd Gramoun]

طيب الزى ده شكله ايه ؟

حتي الزي الشعبي أو الفلوكلوري الذي يظهر في إحتفالات الدولة و قصور الثقافة أشبه ببدل الرقص و كأن المصرية تمشي في الشوارع و قد شقت ثوبها إلي أعلي الركبة؟!!!!

هناك زي وطني يتمثل في الجلباب الفضفاض و الطرحة و هو ما يمثله لباس المرآة الريفية التي تحافظ علي عاداتها و تقاليدها حتي اليوم... ولكنه بالنسبة لهؤلاء الذين يحاولون دوما الإساءة لمصر زي غير معروف و غير محبب.

تري ماذا سيقول العالم عن المصري إذا لبس الجلباب؟ و هو زيه الوطني الذي دأب علي لبسه منذ فترات طويلة تماما كما الفلاح أو الصعيدي الذي يظهر في المسلسلات و الأفلام التي طالما تشدقوا بأنها تعبر عن مصر و المصريين

[mohamed]

اه صحيح هو احنا ايه الزى الوطنى بتاعنا ؟؟؟؟؟؟؟؟؟؟

حد يعرف :lol: :lol:

[METALLICA]

أعزائي . . . . .

تحية طيبة .. وبعد .؛

كم هو جميل هذا الزي اليوناني الذي ظهرت به بنات اليونان بالأوليمبياد . . . ولكن أرى هنا جدالاً دائراً حول التحشم والزي الرسمي و و و .. . . .

أحب أولاً ذكر معلومة بسيطة قبل الدخول في مناقشة تفصيلية .

الزي اليوناني الذي رأيناه ليس هو الذي الرسمي أو الوطني لليونانييات . . بل إن مرجعيته مرجعية تاريخية ثقافية بحتة . . . تتساءلون كيف !!

إن هذا الزي ما هو إلا الزي اليوناني القديم ؛ أي الزي الذي كانت ترتديه المرأة في أزمان اليونان التاريخية . هذا هو سبب إختيارهم اهذا الذي خاصة بعد رجوع الأولمبياد إلى موطنها الأصلي " اليونان " التي هي الدولة المؤسسة لتل المنافسات الرياضية منذ قديم الزمن .

وإذا أراد المصريون السير حزو اليونانيين فما عليهم غير نقل الزي الفرعوني لترتديه الفتيات في المناسبات المماثلة . . وهو ما حدث بالفعل عند إستضافتنا للأولمبياد الأفريقية ( على ما أتذكر ) من قبل . وهو زي محتشم لا يمت بصلة لدين أو عادات شعبية محافظة .. وغنما يتعلق بناحية تاريخية ثقافية فقط

[Abouhemeed]

فريدة ... إعتذاراتي على الخلط الغير مقصود

إنت و فيروز أحباء إلى قلبي و لذلك تم الخلط

سماح بقى ... :lol:

SOS...

يا صاحبي سماح إنت كمان ..

:lol:

ميتاليكا

عمرك شفت الزي الفرعوني إلا في الرسومات و التماثيل في المعابد ؟

ديكور يعني كده .. زي أفيشات السينما

ما هو لبس الفلاح و الفلاحة من قدماء المصريين ؟ ( لا أقول فراعين لأن دول كانوا الحكام ) ..

لو تدري أن لبس الفلاحة المصرية لم يتغير لقرابة ثلاثة آلاف سنة ( إسأل الجبرتي )

لبس البدوية لم يتغير أيضا ( الجبرتي ) ، بل إن لبس العامة و منهم العبرانيين و الفينقيين و المصريين كان متشابها لحد كبير ، من يشاهد أفلام تتحدث عن العبرانيين في مصر تجدهم يلبسون الجلباب و القماط ، و الإذار و غطاء للرأس على هيئة عمامة أو العقال و المنطقي أنهم يلبسون لبس مجتمعهم الذي عاشوا فيه قرون و عندما تنتقل الكاميرا لقصر فرعون تجدالفراعين و راقصاتهم و حاشيتهم يلبسون ملابس مستوحاة من الرسومات على جدران المعابد ( أفيش فرعوني من وضع فنان عاوز يبسط الباب العالي .. فرعون يعني ) .

بل إن الحضارة الإغريقية و اليونانية التي كانت في شمال البحر الأبيض المتوسط نهجت نفس النهج على الرغم من أن لباس المرأة العادية عندهم كان لا يختلف كثيرا عن لباس نظيرتها في جنوبه ، و لكن نظرا للتأثير السينمائي على العقول في القرن العشرين جعلنا نعتقد أن ما نراه في السينما هو الحقيقة الموثقة .

:lol:

[Farida]

عمنا ابو حميد حصل خير و سماح النوبه ...

انا اعلم ان الزى الأغريقى كان عبارة عن ملايه حلوة كده و بيربطوها من ناحيه واحده على الكتف ....اما الزى اللى البنات اليونانيات لابسينه ده زى النساء القرويات زى ما كانوا طالعين فى الفيلم التحفه زوربا .و زى ما بيرقصوا فى مهرجانات الفلكلور الشعبى ....يعنى مش لازم نرجع لورا قوى كده علشان نقول ده اصلنا و كمان لازم يكون عندنا ثقه فى لبسنا و اننا ناس عندها عادات و تقاليد لازم تحترم مش نلبس اللى بيكشف اكتر علشان الناس تقول علينا متحضرين و مش ارهابيين و الدليل اليونانيات ليه ماحدش قال متخلفين و مغطيين شعرهم و ارهابيين علشان لابسين طويل و شاربات كمان لأنهم واثقين فى نفسهم ...

[METALLICA]

ابو حميد . . . .

لقد تحدثت عن البعد التاريخي للملابس اليونانية و قارنتها بالملابس الفرعونية ؛ فوجدت رد غير متوقع منك عن ديكورات و فبنبقيين وعبرانيين . . . .

لقد أوحى لي كلامك بأن لم تقم بزيارة المتحف المصري قط ؛ مما كان سيتيح لك رؤية الملابس الفرعونية و التأكد من أن الرسومات الجدارية الفرعونية ليست بالزخارف الديكورية . . إنما هي تصوير جداري للحياة المصرية القديمة و ستجد هناك الفارق بين الملابس الخاصة بالفلاحين والعلماء والملوك . .

وعندما ظهرت الفتيات المصرية في البطولة الأولمبية الأفريقية التي أقيمت بمصر لم تكن مرتديات للجلابية الفلاحي والمنديل أبو أوية !!! بل إرتدين الملابس الرسمية الفرعونية. .

حتؤلي فرعوني إيه اللى جاي تؤوول عليه

أقول أن الزي المصري الرسمي للفتيات والرجال معروف . . ألا وهو البدلة الرجالي والتيير الحريمي و مش علشان شوية بيلبسووه بجيب قصير يبقى الكل كده . . . رجاء الموضوعية في نشر الآراء . . . . وشكرً

الأخت فريدة . . .

هناك فارق بين الزي اليوناني الخاص بالملوك و مثيله لعامة الشعب . . .

الزي الذي كنت تتحدثين عنه ذو الالملاية المربوطة على جنب هو زي إغريقي كما قلت وليس يوناني و هناك فارق بينهما

طب ماهو اليونانيين رجعو لوارا قوي فعلاً . . . مانرجعش إحنا كمان ليه !!!

ده اللي مالوش تاريخ بيشتريله تاريخ . . اشحال إحنا أصحاب أقدم تاريخ حضاري عرفته البشرية . . ده أمريكا اللى تاريخها له من 200 سنة بس عاملة كتب وفرحانين ومسمينها التاريخ الأمريكي !!! طب ده اسمه كلاااااااااااام !!!

تم تعديل 29 أغسطس 2004 بواسطة METALLICA

[Farida]

ميتاليكا

مافيش مانع نقول و نعيد و نزيد لأن فى الأعادة افادة .....اللى باقوله ان اليونانين مارجعوش لورا لأن الزى اللى البنات لابسينه كان موجود فى فيلم زوربا و موجود لحد دلوقتى فى مهرجانات الرقص الفلكلورى.. يعنى دى ملابس الريفيين التى لازالت موجوده و هم فخورين بها ..يعنى الموضوع مش موضوع تاريخ و اللى ماعندوش بيشتريله و الكلام الكبير ......ليه احنا كمان ما نفخرش بالجلابيه هم مش دول اغلبيه الشعب المصرى و لا دول ناس دخيله و على فكره الجلابيه و الطرحه لبس المسلمين و المسيحين فى الريف ........

ثانيا انا اول مرة اعرف ان فيه فرق بين الأغريق و اليونانيين ....ايه هو الفرق اصلى كنت علمى ؟

[METALLICA]

الأخت فريدة . . .

تحية طيبة . . وبعد ؛

أنا برضه كنت علمي dj$) بس درسنا في التاريخ قبل ما ندخل علمي ( على أيامي كان علمي وأدبي من تالتة ثانوي بس ) درسنا إن فيه حضارة يونانية وكانت في جنوب شرق أوروبا والتي امتدادها هو الحضارة الرومانية أما الحضارة الإغريقية كانت في وسط وغرب أوروبا . . يمكن أكون أنا كنت محظوظ شوية بدراستي للفنون بالجامعة بعد ذلك مما زاد تعمقي في تفاصيل الفن بالحضارات المختلفة . . . .

بس برضة هرجع وأقول إن اللبس اليوناني ده ممتد منذ عصور الحضارة اليونانية القديمة ومش معناه إن لازم تكون الملابس ديه إنقرضت . . . ومع ذلك فالزي اليوناني الرسمي الآن هو كالمتبع بجميع أنحاء العالم من البدلة الرجالي والتايير الحريمي . . . وفيه فرق كبير بين الزي الرسمي والأزياء الفلكورية أو الشعبية و ده ما يمنعش إن الناس تلبسه في مناسبة زي الألعاب اليونانية . . .

وبعدين فيلم زوربا ده كان بيعبر عن أية فترة زمانية و أية منطقة باليونان ؟

ولو انت عايزة البنات يطلعو بالجلابية الفلاحي والمنديل المدندش يا ستي ما فيش مشكلة . . . . لكن هل تعتقدي أنه بالشكل الائق في مثل هذه المناسبات ؟؟ أنا شخصياً كمصري لو شفتهم لابسين اللبس ده سيكون تعليقي " الله يكسفكم يعنى ملقتوش غير الزي ده تطلع بيه البنات أمام العالم " إحنا مش ناقصين ندي إنطباع للعالم إننا متخلفين .. خاصة أن هذه حقيقة لديهم . . . ألم تقابلك تخيلات الأجانب عن مصر في الأفلام أو الواقع ؟؟ إن كانت الإجابة بالنفي ؛ أحب أن أوضح لك أن العالم متخيل مصر كلها صحراء والناس راكبة جمال وساكنة في خيام !! و لو كنت شاهدت فيلم يوم الإستقلال لرأيت كيف أظهروا المصريين يخرجون من الخيام بجانب الأهرامات والنيل من الخيام التي تتوسط الصحراء الشاسعة يركبون الجمال مهللين الله أكبر لإنزياح الغزو الفضائي عن الأرض !!!

صدقيني مش ناقصة nosb:

تم تعديل 29 أغسطس 2004 بواسطة METALLICA

[وليد صفوت]

سلام عليكم يا جماعة......

على فكرة انا مقتنع 100% اننا لو لبسنا الجلبية الفلاحى أو العمة و القفطان الصعيدى او حتى الزى الفرعونى أو الزى الاسلامى ........

فأننا فى النهاية بنعبر عن حقبات من تاريخنا الثرى بالصور المختلفة ......أحنا يا جدعان عدت علينا حضارات العالم كلها ......

اشوريين , هكسوس , فُرس , أغريق , رومان , عرب , أتراك , فرنسيين , إنجليز ...........

فطبيعى جدا اننا نبقى أثرياء حضارياً .......

فأى زى مش حتفرق .......المهم بس انه يمثل احد حقبات تاريخنا ........ لاننا فعلا محتاجين نرجع الثقة للناس فى تاريخ مصر ........و حضارتنا .......

و الزى ما هو الا أحد نقاط التكامل الحضارى لأى بلد ......و بالنسبة لمصر ......طبعا انا قولت اننا عدت علينا حضارات ياما ....و بالتالى تعددت أشكال الملابس ........

ملابسنا ( الرسمية ) مثلا ......أتأثرت أكيد بالفينيقيين فى حقبة التعاون و التجارة معاهم .....

أتأثر بالهكسوس فى اثناء فترة أحتلالهم لمصر .....

أتأثر بالفرس , أتأثر بالاغريق , أتأثر بالرومان .......و هكذا .....

هو ده اللى انا أقصده ......................شكراً ..........صدعتكوا ;)

Fair is foul, and foul is fair

[hamo90]

معليش يا أخوانا أطلب وقت مستقطع

أحنا كمصريين لايوجد عندنا زي وطني زي كثير من الدول وأيه سبب في كده مش عارف ؟

بعض الاخوة قال أن الجلابية هي الزي الرسمي لرجال مصر

وذا أتفقنا أن الجلابية ممكن تكون زي وطني لنا كمصريين نلبسه في الاحتفالات والمهرجانات وخلافه ( مع العلم أن لبس الجلباب يعتبر من السنة)

المهم أي نوع من الجلابية الي حيتلبس الجلابية الخليجي الزبدة ولا المغربي الي بزعبوط والي العماني والجلالبيب الصعيدي الي بنص لياقة ولا الجلابية البلدي الي من غير لياقة ولا أيه

مش المهم يكون في زي وطني المهم الذوق والاحتشام والمظهر الطيب

ويا ريت ما يكونش أصفر زي بتاع حفلة الافتتاح في أثينا ;)

hamo