تحول فى موقف الاخوان : صبحى صالح: الإخوان يدعمون البرادعى فى الانتخابات الرئاسية

[عصام أبوالفتح]

الحقيقة الخبر كان مفاجأة سارة جداً

ودلالاته عديدة جدا ، ويبدوا ان اقوى تحالف للانتخابات الرئاسية سيكون البرادعى - البسطويسى كنائب - وزويل كنائب ثانى.

فطن الاخوان اخيرا ان قوتهم التصويتية لا تكفى لجعل البسطويسى رئيساً وانهم بحاجة للتحالف مع اطراف اخرى .. وبعض من نكران الذات لمصلحة البلد .. توجه رائع

صبحى صالح: الإخوان يدعمون البرادعى فى الانتخابات الرئاسية - بوابة الشروق

[se_ Elsyed]

بدون مبالغة ... قلتها من زمان . اي مرشح سيدعمة الاخوان .. ستكون حظوظة كبيرة في المنافسة ...

ولو إن زويل خارج اللعبة تماماً لزواجة من سورية

ولو إن عمرو موسى بقى عامل زي الأستريو تايب اللي الناس بتردده وخلاص ومش مهم معناه إيه

[م تيمور المراغي]

تحية للتوبيك الرائع عصام

نتحد ,,

[الباشمهندس ياسر]

انا عرفت الخبر من بدري شوية

و سعيد ان حضرتك فتحت بيه موضوع عشان نتناقش

اولا الاخوان مصريين بطبيعة الحال و تهمهم مصلحة البلد زي اي حد عنده شيء من الوطنية و الاحساس بالبلد

فتخيل حجم المسؤولية دي لما يكون الحد ده ممن اوذي في سبيل هذا الوطن كثيرا

لو اشتغلنا ع الفرضية دي يبقي برافو ووضع صحيح و منطقي

ثانيا لو اشتغلنا من منطلق ان الاخوان اقروا امام الشعب انهم لن يرشحوا ممثا لهم ف انتخابات الرياسة

و ارادوا ان تزيد هذه الثقة في قلوب الناس .. خصوصا بعد تاريخهم الحافل بالتحالف مرة مع الوفد و مرة مع التجمع ..و مع اي حد لضمان شيء من مقاعد المجلس ... يبقي منطقي جدا ان الاخوان يختاروا انهم يقفوا وراء البرادعي اللي وقفت معاه معظم قوي العمل السياسي اللي قلوبها ع البلد فعلا

طب ايه الفرضية اللي ممكن نبني عليها ان دي لعبة من الاخوان مش اكتر و انهم هيقفوا بكل ثقلهم وراء ابو الفتوح

شخصيا مش عارف و مش شايف مبرر انها تبقي حكاية م الاخوان

و اكون سعيد لو حد م الاخوة اهتم فعلا و ناقشني

[عصام أبوالفتح]

بدون مبالغة ... قلتها من زمان . اي مرشح سيدعمة الاخوان .. ستكون حظوظة كبيرة في المنافسة ...

ولو إن زويل خارج اللعبة تماماً لزواجة من سورية

ولو إن عمرو موسى بقى عامل زي الأستريو تايب اللي الناس بتردده وخلاص ومش مهم معناه إيه

طبعا كلامك مضبوط وانا انضميت مؤخرا بدعوة من البرادعى على تويتر لحملته الانتخابية ووصل المتطوعين ل 10 الاف حسب اخر معلومات وصلتنى ..وهو دعا لعدم بدء الحملة الا بعد الاستقرار

كان مشكلتى مع اصحابى من الاخوان انهم بيدعموا البسطويسى وقلتلهم كتير ان البرادعى هو اللى هاينفع البلد والبسطويسى ممكن يساعده .. والحمد لله انهم دخلوا على الخط لان ده خطوة كبيرة منهم فى اتجاه الليبرالية المعتدلة

تم تعديل 13 أبريل 2011 بواسطة عصام أبوالفتح

[Ahmed Anwer]

كويس ،، بس مش شرط ينجح ،،

ده توقعي الشخصي ،،

انتخابات الرئاسة غير انتخابات البرلمان

و لو كان الأخوان ليهم باع طويل في انتخابات البرلمان و فعلا فيه دواير مقفولة ليهم مسبقا

بس انتخابات الرئاسة وضع مختلف و البرادعي مكروه من جزء كبير في الشارع المصري للأسف

[الباشمهندس ياسر]

بدون مبالغة ... قلتها من زمان . اي مرشح سيدعمة الاخوان .. ستكون حظوظة كبيرة في المنافسة ...

ولو إن زويل خارج اللعبة تماماً لزواجة من سورية

ولو إن عمرو موسى بقى عامل زي الأستريو تايب اللي الناس بتردده وخلاص ومش مهم معناه إيه

اولا الاخوان هما المتحكم رقم واحد ف الانتخابات المصرية

تليها العائلات

اما عن فرص البرادعي

يسعدني كتير اوي اني اقولك ان الناس البسيطة بقت تسال و عاوزة تفهم

و ما شاء الله ف تقدمات كويسة عن الاول اوي

بدأنا نكسب الشارع .. بالهدوء و بالابتسامة و بالكلمة الحلوة بدأت الناس تفهم

اما عن عمرو موسي

يؤسفني اني اقولك انه حرق نفسه بكام كارت كده

و البسطاء بيقولوا باللفظ .. ده واحد من رجالة مبارك و فوريجي بوء

[م تيمور المراغي]

بكده شباب الاخوان حريجعوا للائتلاف تاني

والله ورجعت اللمه الجميلة من تاني :happy:

[عصام أبوالفتح]

بكده شباب الاخوان حريجعوا للائتلاف تاني

والله ورجعت اللمه الجميلة من تاني :happy:

هو صبحى صالح بيتكلم باسم شباب الاخوان بس ؟ !!! .. ده موقف ( الجماعة )

[جسار]

المهم فى أختيار الرئيس هو من ترضى عنه المؤسسة العسكرية الحاكمة

البرادعى شخصية متميزة للغاية وصفحته بيضاء لم تلوث داخليا او خارجيا ، بل وحاصل على جائزة نوبل للسلام

يداه نظيفتان ، يمتلك رؤية واضحة لأولويات العمل السياسى فى مصر، ويمتلك قدرا كبيرا من الشجاعة والصبر

ومواجهة الصعاب .....

أما عن عمرو موسى فبالرغم من أنه شخصية لامعة وبراقة ومشهورة داخليا وخارجيا ألا أن رأسه ممتلئ بالبطحات

سواء فى فترة تولية الخارجية المصرية أو فى الامانة العامة لجامعة الدول العربية ولن نستطرد فيها ....

الجيش حاول دفع الفريق حتاته واللواء بلال الى الساحة الا أن حظوظهما من النجاح وضحت انها معدومة للغاية

فلا شعبية ولابريق ولاحاجة ...

من تتبع مسار الاحداث فى الفترة الماضية نجد تنسيقا واضحا بين جماعة الاخوان وظهيرها الاستراتيجى الجماعات

السلفية من ناحية وبين المجلس العسكرى الحاكم ، وقد ظهر هذا التوافق فى موضوع الاستفتاء

والسؤال المعقد الآن هل ترضى تلك القوى السالفة بشخص له حضوره كالبرادعى يتبنى مذهب الطهارة الثورية

ومستعد لتطبيقه فى حال وصوله للرئاسة ويطبق على الجميع ... على الجميع ويتم فتح الملفات القديمة

للكل وتناقش قضايا صعبة وخطرة ....

أم نأتى بأبو بطحة ويسمع الكلام ....

[عصام أبوالفتح]

المهم فى أختيار الرئيس هو من ترضى عنه المؤسسة العسكرية الحاكمة

كل كلامك تمام ما عدا السطر ده.. جبته منين مش فاهم ؟ .... ولا كأن فى ثورة لو كان ده صحيح لأ ده كمان يودينا فى داهية

[Alrefaey]

فعلا الخبر ده اسعدنى جدا واتمنى ان يكون صحيحاواتمنى ان يعلن عنه من احد اعضاء مكتب الارشاد

البرادعى رجل له رؤية وهو الوحيد اللى على الساحة الان اثق انه سوف ينقل مصر نقلة حضارية وعلمية واقتصادية كبرى

وجود الاخوان بقوة فى المجلس والاجهزة الرقابية سوف يساعد كثيرا فى تقليص حجم الفساد الذى ربما تنتهجه بعض الوزارات

اتمنى بالفعل ان ارى البرادعى رئيسا والبسطويسى وزويل نواب له

لكن هل ياترى ما الذى سوف يتطلع اليه الاخوان من وراء هذا التأيد ,لا اعتقد انهم يأملون فى وزارات او رئاسة حكومة ولن يستحوزوا على اغلبية مجلس الشعب

فبماذا تكون المساومة ؟

[عصام أبوالفتح]

فعلا الخبر ده اسعدنى جدا واتمنى ان يكون صحيحاواتمنى ان يعلن عنه من احد اعضاء مكتب الارشاد

البرادعى رجل له رؤية وهو الوحيد اللى على الساحة الان اثق انه سوف ينقل مصر نقلة حضارية وعلمية واقتصادية كبرى

وجود الاخوان بقوة فى المجلس والاجهزة الرقابية سوف يساعد كثيرا فى تقليص حجم الفساد الذى ربما تنتهجه بعض الوزارات

اتمنى بالفعل ان ارى البرادعى رئيسا والبسطويسى وزويل نواب له

لكن هل ياترى ما الذى سوف يتطلع اليه الاخوان من وراء هذا التأيد ,لا اعتقد انهم يأملون فى وزارات او رئاسة حكومة ولن يستحوزوا على اغلبية مجلس الشعب

فبماذا تكون المساومة ؟

اللى يعرف البرادعى كويس وتابع مواقفه مع امريكا ومبارك ومواقفه منذ اقتحم الحياة السياسية .. هايعرف انه لا يعرف المساومة .. انا علقت على موقف الاخوان بالتحول لانى كنت عارف موقفهم كويس قبلها ... وممكن نفتكر مع بعض انهم لم يتدخلوا لحمايته اثناء حادثة المقطم مثلا .. التحول حصل من داخل الاخوان مع بعض ويشير لتحول ليبرالى فى فكرهم وتوجههم ودى حاجة تسعدنى جدا

[se_ Elsyed]

و البرادعي مكروه من جزء كبير في الشارع المصري للأسف

ما هو من الفتي وترديد الأخبار والإشاعات زي البغبغانات

[Alrefaey]

اللى يعرف البرادعى كويس وتابع مواقفه مع امريكا ومبارك ومواقفه منذ اقتحم الحياة السياسية  .. هايعرف انه لا يعرف المساومة .. انا علقت على موقف الاخوان بالتحول لانى كنت عارف موقفهم كويس قبلها ... وممكن نفتكر مع بعض انهم لم يتدخلوا لحمايته اثناء حادثة المقطم مثلا .. التحول حصل من داخل الاخوان مع بعض ويشير لتحول ليبرالى فى فكرهم وتوجههم ودى حاجة تسعدنى جدا

ليس عندى شك فى مبادىء ووضوح البرادعى ,كما اننى اعرف ان للاخوان حساباتهم الخاصة وان كل خطواتهم مدروسة وان لهم ثوابت ومرجعية من الصعب تغيرها لذا لا اعتقد ان التحول الليبرالى تحول حقيقى ولكنة ربما له مسببات مؤقتة مرتبطة بالوضع الراهن , من الصعب التكهن بما يدور فى رؤوسهم الان او على اى اساس بيتم عمل بلان للسنوات المقبلة ,,

ومع كل اتمنى ان يثبتوا على موقفهم فهم والبرادعى وشباب الثورة املنا فى الوقت الراهن لعدم بناء ديكتاتور جديد.

[Simba]

و البرادعي مكروه من جزء كبير في الشارع المصري للأسف

ما هو من الفتي وترديد الأخبار والإشاعات زي البغبغانات

كمان معايا واحد في الشغل طول الليل يقولي البرادعي عميل وكفاية ان دخل امريكا العراق

اقوله يا سيدي لا وفيه فيديوهات علي النت شوفها واسمعه الاول قبل ما تحكم عليه

برضه راسه والف سيف ان البرادعي عميل

يايلا عادي ان كان مرتضي منصور وهو محامي مشهور قال عليه عميل

عيب البرادعي الوحيد اني بحس ان عزيمته مش قوية لكن يمكن هو ماشي بحكمة بطئ لكن أكيد

[أحمد سيف]

في رأيي ... التشكيلة المثالية لحكم مصر في الفترة القادمة هي رئيس ليبرالي معتدل وبرلمان إسلامي معتدل ونظام مختلط فيه توازن بين صلاحيات الرئيس والبرلمان

وكنت قد دعوت منذ فترة طويلة لتحالف البرادعي والبسطاويسي باعتبارهما أقوى المرشحين من تيار الإصلاح وأضم اليهم الدكتور عبد المنعم أبو الفتوح كنائب ثان للرئيس لمزيد من التمثيل والمشاركة للقوى الإسلامية في مواجهة مرشحي النظام القديم عمرو موسى وأحمد شفيق ومرشحي المؤسسة العسكرية

وأنا أدعو الإخوان للتراجع عن قرارهم المنافسة على نسبة محدودة من المقاعد والنزول بمرشحين في كل دوائر الجمهورية لقطع الطريق على مرشحي الحزب الوطني والمال السياسي لأن الفترة المتبقية لن تكفي الأحزاب للاستعداد وبناء قواعد شعبية مؤثرة وأدعو جميع القوى السياسية لدعم مرشحي الإخوان في الانتخابات البرلمانية ... على أن يتعهد الإخوان أمام الجميع بأن يسعوا لإشراك جميع التيارات السياسية في القرارات التي تمس مستقبل الوطن مثل صياغة الدستور ووضع قوانين ممارسة العمل السياسي.

[محمد عبدالعزيز]

يارب يكون الخبر أكيد ومانرجعش نسمع نفى له بعد كده

[عادل أبو عمر]

في رأيي .. لا أقتنع بوجود مساومات خبيثة للإخوان في هذا الوقت الخطير لأنهم (و هي الحقيقة ) ذاقوا مرارة السجن أكثر من غيرهم وهم الآن يعملون لصالح مصر بالتوازي مع توسيع قاعدتهم الشعبية و يدركون أكثر من قبل خطورة موقفهم لأن جميع الأنظار تتجه نحوهم و معظمها في توجس منهم و عدد ليس بقليل لا يقبلهم بالمرة .. أشك أن يكونوا من الغباء السياسي ليضيعوا على أنفسهم فرصتهم الوحيدة للانسجام مع هذا الشعب الذي طالما تربى على الخوف منهم و التشكيك في نواياهم ..

في النهاية كل فرد من هذا الشعب سيكون مسئول عن اختياره (برلمان و رئاسة )

وأعتقد أنه قليل جدا الآن من لا يعي تماما تبعات اختياره على نفسه و على أولاده ..... و على مصر ...

لنحسن الظن بالمواطن المصري لأنه هو أساس النهضة القادمة بإذن الله ولأنه أذكى من أن يعطى صوته لسجانه مرة أخرى

[الغريب]

وجهة نظري ..

لو عبد المنعم أبو الفتوح أترشح هتكون فيه كروت جديدة وشغل كبير

والرهان على الإسلاميين في الإنتخابات القادمة ، لأن فك الإرتباط بين الدين والتصويت حلم غير قابل للتحقيق

أؤيد البرادعي كرجل مؤسسات وأفضل مرشح حتى الآن ، ولكن أنتظر منه ضمانات إسلامية

تحياتي ..