"الامير ويليام" هيطلق "كيت" يا جدعان ولسه ماعداش 5 اسابيع عالجواز

[fatfouta]

الامير ويليام وكيت هيطلقوا خلاص..

تعالى يا "هند على" شوفى العرسان اهم هيطلقوا ياستى بعد ماكنتى متبنية موضوع جوزاهم وتجهيزات الفرح...طب مش خسارة الحفلات اللى اتعملت ومراسم الزفاف اللى اتكفلت اد كده ؟؟

الظاهر ان احنا حسدناهم وبصينا لهم فى حفل زفافهم ولا ايه؟؟

اقرأو كلام ويليام

فى مؤتمر يوم الثلاثاء اعلن الامير ويليام بطلاقة من الاميرة كيت بعد زواج دام 5 اسابيع

وقال أن زواجه يعتبر خطأ وانه لم يحب الاميرة كيت ابدا ، واعلن وليام بأنه حاليا غير مرتبط

واشار بأن الجميع يعتبر حفل زفافه نوع من الخرافة ولكن فى حقيقة الامر الحفل كان مهزلة مروعة

واكد بأن الامر الان قد انتهى وانه يشعر بالسعادة لانه لن يرى تلك المرأة مرة اخرى

ونشرت العديد من الصحف فى لندن خبر طلاق الامير ويليام من الاميرة كيت

وحتى لم ينفى قصر باكنجهام الخبر

تم تعديل 3 يونيو 2011 بواسطة fatfouta

[se_ Elsyed]

أه يا معفن .. إنتوا فاكرين بنات - مع الاعتذار لكلمة بنات - لعبة

صحيح .. من شابه أباه تشارلز فما ظلم ...

بس الولا ده المفروض يتعلم عليه واي بريطانية تقبل تتجوزة بعد كده يبقى تستاهل اللي يجرا لها

-------------

بس أنا دلوقت إتلخبطت ....

هو مين اللي راح فين ؟

هي الصورة دي مش معناها إن وليم ممكن يكون حامل ؟ ولا قرفان من كيت ولا إيه بالظبط ؟

[fatfouta]

ولا قرفان من كيت ولا إيه بالظبط ؟

مانا قصدت احط الصورة دى عشان نتحقق منها هو كان بيعمل كده ليه؟؟ قرفان من مين يعنى؟؟

بس الصراحة طلع مش اصيل خالص!!! bsh:)

[م تيمور المراغي]

اناحرسيكوا عالفولة ,,

هيا كانت بوليكه وخلصت عشان يلموا النقطة من المعازيم وبالمره الواد يصلح غلطته مع البت ,,

هارش !!

[dongol]

أمر لا يصدقه عقل

بس انا بصراحة مصدق

الجماعة بتوع انجلترا دول مش بتوع جواز

بس ليطلع في الاخر الموضوع زي كدبة ابريل كده

[م تيمور المراغي]

وعشان كده ومن البداية خالص الحركة تحفظت على قبول الدعوة لحضور مراسم حفل الزفاف :P

[جويرية]

عجايب

في صحة المفاجأت علي رأى استيفان روستى

[mamdowh]

الظاهر إنه اكتشف إنها بكر :cry1: يعنى خاينه

[Howayda Ismail]

ولا قرفان من كيت ولا إيه بالظبط ؟

مانا قصدت احط الصورة دى عشان نتحقق منها هو كان بيعمل كده ليه؟؟ قرفان من مين يعنى؟؟

بس الصراحة طلع مش اصيل خالص!!! bsh:)

من شابه اباه فماظلم

ماهو طالع نتن لابوه حيجيبه من برة يعنى

هو بس تلاقى تيتة اليزابيث نبرت فى الموضوع وهددته تحرمه من الميراث ولا حاجة

ومش بعيد يطلقها رسمى ارضاء لعيلته ويرجع يجوزها عرفى من وراهم هههههههههههه

يعنى بقاله سنين وايام سارح بالبت فى الشوارع ولسة مكتشف انه عمره ماحبها

بس تعرفى البت دى ربنها بيحبها ان نفدت بجلدها من العيلة الشؤم دى احسن متلاقى مصير ديانا

للاسف الناس فاكرة السعادة فى الجاه والمال وهما اكتر سببين للتعاسة

سيبك مافيش احسن من راحة البال بكنوز الدنيا

[Howayda Ismail]

بصى انا كنت شمة ريحة ندالة من ساعة ماعرفت انهم خمسوا مع ابوها فى مصاريف الفرح

الظاهر كانوا عاملين حسابهم يلموا النقوط والهدايا وبعد كده يدوها استمارة 6

[masraweya]

إشاعة

الخير مش موجود في اي وكالة اخبار

[ابوهنا]

فين 6 ابريل؟

الشباب الهمام ماحاولوش ليه يصالحوهم على بعض

وتبقى حاجه من ضمن الحاجات الخرافيه اللى بيعملوها

[أشرف حسين]

على كده احنا مُغيبين هنا

الخبر غير صحيح...شويه فبركه صحفيه :)

[عادل أبوزيد]

المسألة ليست إلا كذبة لا ترقى حتى إلى مستوى الحوار حولها

ما سبق كان إستهلالا لابد منه

أبسط آلية لمراجعة مثل هذه الأخبار - إذا كانت تستحق مراجعة فى ظروفنا الحالية - هى تصفح جريدة أو مجلة بريطانية أو البحث فى أخبار جوجول أو cnn هذه صفحة من جريدة الديلى ميل البريطانية و هى جريدة خفيفة من ضمن إهتماماتها أخبار الناس و العائلة المالكة و الزواج و الطلاق و المودة http://www.dailymail...ding/index.html

عتاب صغير للفاضلة fatfouta التى أوردت الخبر و فتحت به موضوعا.

[engmido]

الاخت الفاضلة صاحبة الموضوع ...ياريت نبقى ناخد بالنا من الخبر

صحيح الستات مبيحبوش الخير لبعض ...هههههههه :P

[ريمون]

الخبر ده كان من يومين على جريده ساخره سمها البصله

the onion

الجريده دى مبتنشرش غير اخبار مختلقه للتريقه بس

مثلا ده خبر مختلق ان وزاره الخارجيه الامريكيه رفدت موظف كبير علشان طالب اسرائيل بضبط النفس

http://www.theonion.com/articles/government-official-who-makes-perfectly-valid-well,20499/

ده تريقه على سياسه امريكا الغير حياديه فى الشرق الاوسط

فيه جريده مصريه بنفس الفكره اسمها الكشرى

http://www.elkoshary.com/

[fatfouta]

خلاص يا جماعة الادارة تقفل الموضوع طالما الخبر مش صحيح

ما ياما جبنا اخبار ورجعت اتكذبت

ومافيش داعى للزعل ولا الالتفات لخبر كاذب

[عنبو]

طيب الحمد لله انه طلع اشاعه اصل تلاقى الامير وليام دلوقتى ماضى على قايمه ومؤخر بقى قيمة 50 الف جنيه كده

[se_ Elsyed]

لا حول ولا قوة إلا بالله

ظلمنا الواد

ليه كده يا فتفوته .. ليه ليه ؟

ده أنا روحت البطحا وجبت العربيات النقل عشان ننقل عفش البت عالبيت عندي ... وقولت افضى شويه وأروح أرزع وليام وابوه علقه أكسر فيها عضمهم عشان يعرفوا قيمة بنات الشيوخ..

اصيل يا وليام وطول عُمرك أصيل زي ابوك وتعرف قيمة الحُرمة وتعرف إزاي تشيلها في عينك ....

مطلوب من فتفوتة فتح صفحة عالفيس بؤ نسميها " إحنا أسفين يا برنس "

وكمان لازم نعمل وقفة مليونية في ميدان التحرير يوم الجمعة الجاية .. وندعي ربنا يهدي سرهم ويلم شملهم ويرزقهم بالذُرية الصالحة

ليه كده تخربوا بيوت الناس ليه ليه ليه

[ريمون]

" إحنا أسفين يا برنس "

ايه الدماغ العاليه دى :closedeyes::)