النوم التاريخي

[عبير يونس]

بمناسبة ان ربنا كرمني آخر كرم

و قدرت أنام بعد أرق طويل استمر شهرين بحالهم

بسبب شغلي في الصيف

و اللي بيبقى زيادة شويتين

و طبعا كنت الجأ للنسكافيه كي استطيع أتحمل ساعات الشغل

و لأني بحمد الله انهيت الكورس الصباحي

و مش باقي غير امتحانات و نتائج

من الله علي بنوم تاريخي

استمر 12 ساعة بحالهم

محصلتش من سنين

طول عمري 4 ساعات بيبقوا آخر تمام معايا

و لو مرهقة 6 ساعات بيبقوا آخر فل

[نوران]

مبروك وعقبال نوم مريح بلا ارق ولا قلق كل ليله

yaw:

[عبير يونس]

كل ليلة مين يا بنتي

خدي على كده شهرين كمان من غير نوم

ههههههههههه

دول 12 ساعة يا بنتي

همة لعبة هههههههههههه

[نوران]

بطلي نسكافيه علي الأقل بالليل

وكلي كتير في العشاء عشان الدوره الدمويه تتجه للمعده وتسيب المخ

مع كوباية لبن دافي كبيره وهاتي كتاب وحاولي تقري علي السرير

هاتلاقيكي مش فاهمه حاجه وراسك هتتقل و mfb:

بس الرشاقه هتتأثر شويتين

وابقي ادعيلي po::

تم تعديل 19 أغسطس 2011 بواسطة نوران

[عبير يونس]

بس الرشاقه هتتأثر شويتين

وابقي ادعيلي po::

تفتكري بعد الضرب ده حادعيلك برضه

ههههههههههه

لا و كمان عايزاني اخسر رشاقتي

:blink:

ركزي يا بنتي

انت عايزاني ادعيلك و الا....

ههههههههه

[نورالعين]

12 ساعة !!!

المهم انتهى الارق

احلام سعيدة

[عبير يونس]

12 ساعة !!!

المهم انتهى الارق

احلام سعيدة

دي هي مرة

ههههههههه

الارق اسبابه انتهت

و لله الحمد و المنة

ميرسي يا جميل

بس مكانش فيها احلام سعادتك هههههههههه

ده انا اتحطيت ما تقلبتش حتى

ههههههه

[أثر الطائر]

متهيألي أغلس تهنئة ممكن تتقال في موضوع زي ده :

كل سنة وأنتي طيبة يا أستاذة عبير :)

لا..بعيد عن الهزار خلينا نقول :

كل يوم وأنتي طيبة..كل يومين..تلاته..أسبوع..بقى زي ما تحبي

هو فعلا تاريخي من ناحية مدته القياسية

بس عندي سؤال :

هو فيه نسكافيه يعمل في الناس كده؟!!

طول عمري باعتبر النسكافيه ده هزار :)

أمال مدمنين القهوة التركي اللي زي حالاتي يقولو إيه

[عبير يونس]

يا أستاذ ....

مش عارفة اقولك

يا أستاذ أثر

و لا يا أستاذ طائر

هههههههههههه

هو الطائر لقب العائلة طبعا

شوف الغلاسة اللي على أصلها بقى

:P

النسكافيه عمره ما كان هزار سعادتك

انا اصلي بأشربه بلاك يافندم

من غير لا سكر و لا حليب

و كمان تقيل

اما القهوة التركي دي

ففنجان منها ممكن يقعدني يومين صاحية

[عطر الجنة]

انا حقولك على وصفة سهلة للنوم

سبحى و استغفرى الله عز و جل

فى ثوانى الشيطان حيخليكى تنامى

تحياتى

[Howayda Ismail]

بمناسبة ان ربنا كرمني آخر كرم

و قدرت أنام بعد أرق طويل استمر شهرين بحالهم

طيب كنتى قولتى لى يابنتى وانا ابعت حبة نوم من عندى

انا تقريبا نايمة 28 ساعة فى ال 24 ساعة

على كده بقى انا من اهل الكهف ومش واخدة بالى

[hOuSsAm]

طول عمري 4 ساعات بيبقوا آخر تمام معايا

و لو مرهقة 6 ساعات بيبقوا آخر فل

السلام عليكم

طبعا مبروك عالنوم الهادئ

بس لى سؤال

ازاى الواحد يوصل لمعدل النوم ده 4 سعات فى اليوم وبالذات اذا كان عنده لوود فى الشغل ومذاكرة او قراءة عالاقل وبيلعب رياضة وشوية اهتمامات اخرى ومش بيعرف ينام الضهر ولا حتى ربع ساعة

فعلا اليوم ثرى بحيث الواحد بيجي ينام (بيغمى عليه اصلا) وبيبقى تانى يوم تعبان جدا او مرهق وبيضطر يعوض النوم ده اليوم اللى بعده

او عالاقل فى الاسبوع بيحصل انه مرتين بينام كتير اوى وده فى حد ذاته بيعمل لخبطة فى النوم والمواعيد

---------------

اتذكر فى مرة كنت راجع من الرياض لجدة مرهق جدا ومنمتش يومين ولما نمت صحيت بعد 16 ساعة مع ظبط الكثير من المنبهات

لما صحيت كان احساس غريب اوى وفضلت نص ساعة على مستوعبت هو ايه اللى حصل

وفضلت اسال نفسى هو انا فى مصر ولا السعودية

حالة من التوهان غريبة واللى اتوقع ان النوم الكتير ده ليه تاثيره السلبى

--------------------

سؤال للمتخصصين لو فيه

هل فيه فترة استنادرد كافية للنوم ولا تختلف من شخص لاخر ومن جسم لاخر ومن ظروف واحداث وتغذية لاخرى

وهل فيه آلية معينة لتقليل عدد سعات النوم ولا الواحد يسيب نفسه للظروف؟

تقبلوا تحياتى

[التونسى]

النوم بصراحه متعه.. ومتعته فى الاستغراق فيه بعد يوم عمل شاق .. بدون اى ازعاج .. مع درجة حراره معتدله .. مع احلام جميله ورديه..مبروك اولا يا استاذه عبير على ذاك الحدث او النوم التاريخى .. ربنا يديمها عليكى نعمه ويحفظها من الزوال .. بس اعتقد النوم بانتظام ولساعات معقوله يوميا ((6 الى 8 ساعات))افضل للصحه بشكل عام ... عن نفسى ممكن اتحمل اى مجهود بدنى .. وكنت ساعات بشتغل 15 ساعه متواصله ((فحت و ردم )) .. بس ده عندى أهون من أنى انام اقل من اربع ساعات فى اليوم .. لو فى يوم منمتش بشكل كافى ببقى فاصل .. وبيركبنى صداع رخم .. وبحس ان فيه اكياس رمل فى رجلى وايدى ورقبتى .. وعنيا حمرااااااا .. ..وساعتها بنتهز اى فرصه عشان انام فى اى مكان .. حتى لو كنت فى مولد .. او حفلة فيه موسيقى واغانى وصخب ...مكانين بس مقدرش انام فيهم .. مكان عملى .. لانه خطر جدا وبيتطلب اليقظه حفاظا على حياتى وحياة الاخرين .. والطياره .. بسافر كتير فيها .. ومع ذلك فشلت حتى الان من التخلص من التوتر والقلق أثناء رحلات الطيران ..

الحمد لله ربنا عافانى من شرب المنبهات .. مش بحب اى نوع من انواع القهوه والنسكافيه .. حتى الشاى بشربه بشكل محدود ... رغم ان بقالى حوالى 6 سنوات بشتغل نايت شيفت .. الا انى محبتش خالص شرب القهوه .. رغم انها اساسى عند زملائى فى العمل .. معرفش ليه طعم القهوه بيقلب معدتى .. وبيغير نفسيتى ومزاجى .. عشان كده هو مشروب منفر بالنسبه ليا .. رغم انى بحتاجه كتير

مبروك مره تانيه .. وان شاء الله يتحول من نوم تاريخى الى نوم اعتيادى ((بس بحد اقصى 8 ساعات بس))

[عبير يونس]

انا حقولك على وصفة سهلة للنوم

سبحى و استغفرى الله عز و جل

فى ثوانى الشيطان حيخليكى تنامى

تحياتى

ما هو الشيطان هو اللي ماكانش بينيمني

ههههههه

بس عندك حق اكيد الاستغفار بيهدّي النفس فعلا

شكرا لك

[عبير يونس]

بمناسبة ان ربنا كرمني آخر كرم

و قدرت أنام بعد أرق طويل استمر شهرين بحالهم

طيب كنتى قولتى لى يابنتى وانا ابعت حبة نوم من عندى

انا تقريبا نايمة 28 ساعة فى ال 24 ساعة

على كده بقى انا من اهل الكهف ومش واخدة بالى

هنودة حبيبتي

نوم العوافي على قلبك

ربنا يبارك لك في نومك

و يبعد عنك الوحش كله

آمين

[Howayda Ismail]

هنودة حبيبتي

نوم العوافي على قلبك

ربنا يبارك لك في نومك

و يبعد عنك الوحش كله

آمين

ربنا يسعد قلبك يابيرو حبيبتى

ويهنى ايامك

ويبعد عنك كل سوء

[عبير يونس]

طول عمري 4 ساعات بيبقوا آخر تمام معايا

و لو مرهقة 6 ساعات بيبقوا آخر فل

السلام عليكم

طبعا مبروك عالنوم الهادئ

بس لى سؤال

ازاى الواحد يوصل لمعدل النوم ده 4 سعات فى اليوم وبالذات اذا كان عنده لوود فى الشغل ومذاكرة او قراءة عالاقل وبيلعب رياضة وشوية اهتمامات اخرى ومش بيعرف ينام الضهر ولا حتى ربع ساعة

فعلا اليوم ثرى بحيث الواحد بيجي ينام (بيغمى عليه اصلا) وبيبقى تانى يوم تعبان جدا او مرهق وبيضطر يعوض النوم ده اليوم اللى بعده

او عالاقل فى الاسبوع بيحصل انه مرتين بينام كتير اوى وده فى حد ذاته بيعمل لخبطة فى النوم والمواعيد

---------------

اتذكر فى مرة كنت راجع من الرياض لجدة مرهق جدا ومنمتش يومين ولما نمت صحيت بعد 16 ساعة مع ظبط الكثير من المنبهات

لما صحيت كان احساس غريب اوى وفضلت نص ساعة على مستوعبت هو ايه اللى حصل

وفضلت اسال نفسى هو انا فى مصر ولا السعودية

حالة من التوهان غريبة واللى اتوقع ان النوم الكتير ده ليه تاثيره السلبى

--------------------

سؤال للمتخصصين لو فيه

هل فيه فترة استنادرد كافية للنوم ولا تختلف من شخص لاخر ومن جسم لاخر ومن ظروف واحداث وتغذية لاخرى

وهل فيه آلية معينة لتقليل عدد سعات النوم ولا الواحد يسيب نفسه للظروف؟

تقبلوا تحياتى

الله يبارك فيك

محسسني انه عيد ميلادي

ههههههههههه

بص يا حسام باشا

مفيش حاجة استاندرد للنوم

كل واحد له حالة لوحده

بس في حاجة اسمها القيلولة

وتتراوح من 45 دقيقة حتى ساعة ونصف

ودي اللي باعتمد عليها لما مكونش نايمة كفاية

انام و على وداني ميوزك مخصوصة بذبذبات معينة لتساعد على الاسترخاء

http://www.youtube.com/watch?v=hzAuJ6xgPXA

بأصحى فاقدة الذاكرة

و لا فاكرة كان فيه قبل ما انام

هههههه

و دي بتبقى مفيدة جدا لما بيكون عندي لود ذهني

وده طبعا شيء مستمر

ههههههه

[عبير يونس]

النوم بصراحه متعه.. ومتعته فى الاستغراق فيه بعد يوم عمل شاق .. بدون اى ازعاج .. مع درجة حراره معتدله .. مع احلام جميله ورديه..مبروك اولا يا استاذه عبير على ذاك الحدث او النوم التاريخى .. ربنا يديمها عليكى نعمه ويحفظها من الزوال .. بس اعتقد النوم بانتظام ولساعات معقوله يوميا ((6 الى 8 ساعات))افضل للصحه بشكل عام ... عن نفسى ممكن اتحمل اى مجهود بدنى .. وكنت ساعات بشتغل 15 ساعه متواصله ((فحت و ردم )) .. بس ده عندى أهون من أنى انام اقل من اربع ساعات فى اليوم .. لو فى يوم منمتش بشكل كافى ببقى فاصل .. وبيركبنى صداع رخم .. وبحس ان فيه اكياس رمل فى رجلى وايدى ورقبتى .. وعنيا حمرااااااا .. ..وساعتها بنتهز اى فرصه عشان انام فى اى مكان .. حتى لو كنت فى مولد .. او حفلة فيه موسيقى واغانى وصخب ...مكانين بس مقدرش انام فيهم .. مكان عملى .. لانه خطر جدا وبيتطلب اليقظه حفاظا على حياتى وحياة الاخرين .. والطياره .. بسافر كتير فيها .. ومع ذلك فشلت حتى الان من التخلص من التوتر والقلق أثناء رحلات الطيران ..

الحمد لله ربنا عافانى من شرب المنبهات .. مش بحب اى نوع من انواع القهوه والنسكافيه .. حتى الشاى بشربه بشكل محدود ... رغم ان بقالى حوالى 6 سنوات بشتغل نايت شيفت .. الا انى محبتش خالص شرب القهوه .. رغم انها اساسى عند زملائى فى العمل .. معرفش ليه طعم القهوه بيقلب معدتى .. وبيغير نفسيتى ومزاجى .. عشان كده هو مشروب منفر بالنسبه ليا .. رغم انى بحتاجه كتير

مبروك مره تانيه .. وان شاء الله يتحول من نوم تاريخى الى نوم اعتيادى ((بس بحد اقصى 8 ساعات بس))

ميرسي يافندم على الدعاء الجميل ده ولك مثله

و برافو انك مش بتحب المنبهات

عقبالي

بس أنا مش مدمنة يعني

بفضل الله وقت اما أحب ابطل حاجة بابطلها

بس المهم أكون عايزة ابطلها

الحمدلله على مزاجي المتقلب مبيخليش حاجة تقدر تسيطر عليا مهما كنت بحبها

يعني ممكن أقعد شهور اشرب شاي مثلا يوميا و بانتظام وفجأة انسى يعني ايه شاي أساسا

هههههه

بالنسبة لشغل حضرتك

قعدت اعصر دماغي ايه اللي في خطورة على حياة الناس و فيه نايت شفت

ملقتش سعادتك غير سواق لوري

أو حارس أمن :blink:

ياترى حضرتك دكتور;)

وش عيل رخم من بتوع لماضة

[عبير يونس]

هنودة حبيبتي

نوم العوافي على قلبك

ربنا يبارك لك في نومك

و يبعد عنك الوحش كله

آمين

ربنا يسعد قلبك يابيرو حبيبتى

ويهنى ايامك

ويبعد عنك كل سوء

آمين

و لك مثله بإذن الله