شباب المحافظات..

[بنت شعنونة]

فاكرين الموضوع اللي كتبناه زماااااااااااان

واحنا بنقارن بين الشاب المصري والشاب العربي واللبنااااااااانيي :)

اللي ناس حدفوا بعض بالطوب فيه :lol: :)

المرادي قررت اكتب عن شباب مصر منهم فيهم.

شباب المنصورة

هدفه في الحياة العربية

طوووووووووول اليوم وخاصة من بعد المغرب او بعد ما يخلص الكلية يركب العربية وهااااااااااااااتك يا لف ع الكورنيش و المشااااااااية خصوصا

وبعد ما يزهق من كتر الدوران في نفس الحلقة المفرغه

يقف عند المشاية او نادي جزيرة الورد يقعد على كبوت العربية يدخن ويعاكس البنات :)

دايما عربيته متلمعه ومتقمعه واهمممممممممم حاجا فيها انها تكون مغسولة والكاسيت فيها اغلى منها

اشي سب هوفر واشي سماعات بتاعت افراح عشان لما يلف ع المشايا يعلي الصوت ف البلد كلهااااااااااا تسمعوا :P

اللبس بقى

الصراحا ذوقه عاااااااااالي جدااااااااا واخر موضه وكاجوال ويعز البرفانات اوي وقصات الشعر جداااااااا

الحالقين هناك اكتر ناس بتشتغل بصراحا

ويعز انه يتصور جدااااااااا!!!! مش عارفا ليه؟؟

يمكن عشان المصورين هناك ذوقهم عالي؟

يوم الخميس = كنتاكي و بيتزا او التورجي بتاع الجمبري!

القهوة هناك مش مميزة اوي

مالهاش سوق يعني

يوم الجمعه بقى كله جلالالالالالالالاليب وجري ع الجامع!! مش عارفا ازاي لكن ماشي

لو بنت كانت بتتعاكس وصرخت في حد بيخاف وممكن يمشي

دا لو لحق نفسه قبل ما شباب تانيين يتخانقوا معاه عشان خاطر البنت حتى لو ما يعرفوهاش؟

مش عارفا ليه

مع انهم ممكن هما نفسهم يكونوا واقفين يعاكسو؟

اللغة..

كل حاجا مكسورة

ايه ديه..

اييييييه الحلوييييية ديييييييييه " ايه الحلاوة دي"

واخر الحروف ملغية

خصوصا في الأسماء

يا محماااااااااااااااااااااااااااااه = يا محمد

احمممممممممممممممممممااااااااااااه = احمد! :)

وحرف الجيم تقيللللللل اووووي زي ما يكون جبل كديييييييييه

[بنت شعنونة]

شباب اسكندرية

شاب اليط موووووووووت ويعز العنطزة والفنطزية جداااااا

عربيته عنده صديقه المفضل ووسيلة لمعرفة البنات

المهم نووووووووووووع العربية

لآنها لو عربية فيات والا 128 يبقى احسنله يركب مواصلات بدل العار اللي هوا فيه دا :)

يعز الوقفة جدااااااا

طوووووووووول اليوم واقف تحت المدرج في الكلية " في الملطعة على راي بابا" مع شباب وبنات والحياة ظريفة وضحك وهزار

بعد كدا ياخد العربية ويطلع على جرين بلازا او كارفور او زهران المهم انه يتلطع في اي حتة

على كافية على شنطة عربية على رصيف سينما.. مش مهم المهم انهم يكونوا تجمع عشان يستنوا البنات صاحباتهم :)

اللبس..

خلطبيطة .. اشي فنكي جداااااااااااا وشبه عفريت العلبة

واشي كاجوال ابن ناس

واشي بيجامة ما تفهم والا شورت ممنوع من النشر

واشي بنطلون اخوه الكبير وتلاقيه واقع من على وسطه كدا يعني لو عطس البنطلون اتسسسسسسلت خلاص :lol:

وكله كوووووووووم والسالوبيت دا كووووووووووم تانيييي

كمااااااااالوا حلو يا ناااااااااااااس

تلاقيه كدا اسم الله عليه ربنا يحرسه عنده حاجا وعشرين سنة

ولابس البربرطوز كدا وموقع الحمالات على رجليه ومجرجرهم وراه

حبيب امه يا ناااااااااااس :)

يعز الشياكة

مش مهم شيك والا لا

المهم انها غاااااااااااااااليه وبس

وماركاااااااااااات بقى

يحترم الساعات و الاحذية جدااااااااااا وبعد كدا ممكن البرفان

وكله كووووووووم وقصات الشعر بقى و الألوان

كوووم لوحده :)

يوم الخميس يبقى كارفور وجرين بلازا وشيشة وهييييييييصة بقى

او نادي سموحة او سبورتنج

اللغة...

بنت ناس

لحد ما حد ينرفزة تلاقي الهبو كللللللللله طلع في وشك

دمه حامي اووووووي

لو لقى واحدا بتتعاكس

يروح يتفرج :)

لما تكون الحيا ضلمة و الفلوس مقصرة يبقى قعدة شباب في بعض على اقرب قهوة

او لما تكون السنيورة في المحاضرة يبقى لازم هوا يكون ع القهوة

القهوة عنده ليها معزة خاصة!! :P

[بنت شعنونة]

شباب القاهرة

زهقاااااااااان طهقااااااااان متضاااااااااااايق

على طول حران كدا مش عارفا ليه! :lol:

وكل حاجا بسرعة بسرعة بسرعه

يتفسح بسرعة

يخرج بسرعه

يرجع بسرعه

يحب بسرعه

يفركش بسرعه

على راي الأعلان...

بيبوا فرقع زيزييييييييييييييييييي :)

كلامه كله مصطلحات

اشي قشطة اشي بيس اشي صباحوا

صعب يتكلم كلمة واحدا مافيهاش حاجا غريبة

عربي او انجليزي

ايييييييييييي حاجا المهم انه يبان واد استاااااااااايلش :P

واد انيق جداااااااااااا

ذوقه عالي

بيحب يلبس لبس ابن ناس يعني ويهندم نفسه كدا

العربية عنده وسيلة مواصلات بس

على راي اخويا

ينزل من بيته يدخل الترااااااااااااااك

زززززززززززوووووووووووووووووووو :)

الخروج يبقى كافيه ومكان مكييييييييييف مش اي مكان والسلام

وكل خروجه وليها مكان شكل

يحب التجديد يعني

الموبايل عنده اغلى من ابنه

واهم حاجا لما يتصل بحد

هااااااااي

هالو

هاي ماااااااااان :)

[Cleo]

شباب القاهرة

الموبايل عنده اغلى من ابنه

واهم حاجا لما يتصل بحد

هااااااااي

هالو

هاي ماااااااااان :P

إنتى بتعرفى الأشكال دى منين.....!!!! :lol:

[amir]

شباب اسكندرية

شاب اليط موووووووووت ويعز العنطزة والفنطزية جداااااا

رمضان كريم

fsh::

[yasovinas]

شعنونة كلامك كبير قوي وفيه حاجات كتير صح

بس واضح انك واخده يالك من التفاصيل

طيب وشباب مطروح مش انت برضه قي مطروح اليومين دول

[بنت شعنونة]

استاذ امير

الله اكرم :D

انا بهزر والله

وبكتب حاجات بشوفها مع ناس كتير فعلا والله :rolleyes:

انتظروا حلقة مطرووووووووووووووووح :ph34r:

[amir]

أنا مستنى باقى المحافظات

بس بعد كده عايزين سلسله عن بنات المحافظات !!

و خصوصا المغتربات فى فى الصحراء الغربيه :ph34r:

وقد اذعر من انذر :rolleyes:

[سقراط المصري]

شانا ، موضوع ظريف، احب اسمع بقيه وجهة نظرك.

هي دي موضوعات شانا.

انت المفروض كنت اشتغلت صحفيه.

سقراط

[Tafshan]

و النبي ...

عايزين شباب المنوفيه

على شان حبيبي .... حبيب الملاين mc:

[Mohammad Abouzied]

خلي بالك منطقة الصعيد محظورة

me0: mc: s-:

[mnman]

وها هنا قد عادت شانا!!!!!!!!!!!!!!!!! mf( lo::

شانا انا شايف انك بتتكلمي علي فئة معينة من الشباب!!! في ناس بتروح الكلية بالاوتوبيس و القطار!! ومش كل الشباب بتروح كارفور (غريبة والله بتروحوا تتفسحوا في سوبرماركت- صحيح مصر ام العجايب) او بيتزا هت او كنتاكي!! انتي هنا بتتكلمي عن شباب المجتمع الفوق متوسط ( مش البحر الابيض المتوسط mc: ) مثلا انا مكنش عندي عربية وانا في الجامعة وكنت مقضيها ميكروباسات و اتوبيسات!! عادي جدا!!

نقدر نقول ان شانا بتتكلم عن شباب محافظات مصر من اولاد النوادي!!

ورمضان كريم !!

ومفيناش من الضرب!! fsh::

[محمد شلبى]

شانا منك لله

خليتينى احس بالروتين اللى انا عايش فيه

وبوظتيلى مزاجى قبل ما اخرج

كده مش هاعرف اغسل عربيتى والمعها وانزل الف بيها كعب داير حوالين المشاية واطلع وانزل لغلية ما ازهق واروح اقعد قدام جزيرة الورد لغاية ما اجوع اقوم رايح واكل فى كوك دور وبعدين.............

ايه اللى انا باقوله ده؟

[بنت شعنونة]

ty:)

يبقى انت من المنصووووووووووورة rs:

ليه بس بوظتلك مزاجك!

بالله

مش الكلام دا فيه صح كتير htr::

[محمد شلبى]

هو كله صح بس انا فى حكاية الكلام دى والله شخص طبيعى زيى زى البشر باقول محمد مش محماااااااااااااااااا,ولو ان معظم الناس هنا بتقولها كده.

ألا قوليلى يا شانا انتى عرفتى الكلام ده منين؟هو انتى جيتى المنصورة قبل كده؟ده لو حصل يبقى المنصورة نورت بيكى htr::

[سهيلة]

بجد وصفك هايل يا شعنونة

انا بشوف الكلام دة بيحصل قدام عينى كتييييييييييييييير

بس انتى وصفتى طبقة معينة من الشباب وهما الشباب اللى مخهم فاضى ودول بقى سن معين اللى هو سن المراهقة او اكبر شوية

يعنى لسة ما شالوش المسولية او لسة ما اشتغلوش ومخهم نضج

بضم صوتى للباقين وعايزة اسمع باقى المحافظااااااااااااااااات rs:

[بنت شعنونة]

ربنا يخليكي يا سهيلة rs:

بس انتي عارفا ان الشباب المراااااااااهق اللي لسسسسا ما شالوش المسؤولية شفتهم لحد سن كام؟؟؟؟؟

35 واكتر والله rs: rs:

rs: ربنا يهدييييي