رشيد نكاز لمنتقبات فرنسا : أخرجي حرة واذهبي حيث تشائين وأنا سأدفع الغرامة .

[أبو يمنى]

هذا هو الرجل الشهم الشجاع رشيد نكاز الجزائري الأصل الذي وضع مليون يورو من ماله الخاص كرصيد بحيث يتم الدفع منها أي غرامة تضعها السلطات الفرنسية على كل فتاة مسلمة ترتدي النقاب

ومنذ بدء تطبيق قانون منع غطاء الوجه بعث رشيد نكاز بخطابات إلى كافة مراكز الشرطة في فرنسا يتطوع فيها لدفع كل الغرامات التي يحررها أفراد الدوريات ضد النساء اللاتي يخالفن القانون وينزلن إلى الشوارع بنقابهن و قد صرح متوجها بكلامه للمنتقبات ( إرتدين النقاب وانا اسدد عنكن )

وهذه أحدى صور رشيد نكاز هذا الرجل الغيور الشهم وهو يسدد بنفسه عن أخواتنا المسلمات المنتقبات في مراكز الشرطة في فرنسا ويخرجهن مرفوعات الرأس

رشيد نكاز الرجل .. الذي قال لا لفرنسا ..

وقال بالفـــــم المليـــــــان لكل المسلمات في فرنسا ( أخرجي حرة وأذهبي حيث تشائين وانا سادفع الغرامة )

أستمع لشيخنا الحويني حفظه الله وهو يقول عنه انه رجل واحد هزم دولة بموقفه وشهامته وغيرته على أخواته المسلمات

http://www.youtube.com/watch?v=--hnv6QJUQU

[الدكتور ياسر]

والله يا باشمهندس تامر لقد ارتجف بدنى طربا و تأثرا حين قرات هذا الخبر ..

هكذا يكون الرجال .. وهكذا تكون الغيرة على دين الله .. هذا رجل رزقه الله مالا فسلطه على هلكته في الحق..

أسأل الله ان يجعل ما ينفق في ميزان حسناته ..

[MohamedAli]

انا عن نفسي احب الرجل الشهم الذى عنده غيرة وحمية ولو كان اعدى اعدائي

واكره الرجل اللزج الذى يبرع في اختراع الاعذار والتبريرات لأعداء الاسلام ولو كان اخى

بارك الله في رشيد نكاز وبارك الله في ماله ورزقة خيراً منه

[Salwa]

لاحول ولاقوة الا بالله العلى العظيم.

مش عارفة بقى انا اللى فاهمة غلط.........والا كوووووول الناس دى هى اللى فاهمة غلط.

ياترى لما كوووووول دووووول ........ماشيين ف طريق .

وانا ماشية عكس الطريق ...

يبقى مين فينا اللى صح؟؟؟

طيب (( اقسم بكل ماهو مقدس ))...انى انا اللى صح .

انا اللى صح وكلامى صح .

والشيخ الحوينى ...ولالالالالالالالالا هو هنا...ولالالالا يعرف الحقيقة .

ولالالا عنده خلفية عن اى شئ ..

هو خلاص؟؟؟

كل اللى يعمل فرقعة اعلامية نصدقه؟؟؟

ياخسارة ..

يامليون خسارة ...

الله يرحم شيوخنا .....الله يرحم الناس الواعية اللى كانوا يعرفوا الحق من الباطل ...الله يرحم ناس اناروا الطريق فعلا .

كانوا بيفهموا .....ومكانش حد بيضحك عليهم .

ضحك على كووول دول ؟؟؟ بالتلويح بمليون يورو ؟؟؟

لاحول ولاقوة الا بالله..

الراجل ده بيعمل لنفسه دعاية انتخابية بعد ماحاول الترشح للانتخابات ف 2007 ومكانش عنده توقيعات كفاية ..

الرااااااجل ده ........متجوز اميركية كاثوليكية .....(( وللآن لم تسلم ولن تسلم )) ......بدل ما يتجدعن ويعمل نفسه حامى حمى الاسلام والمسلمات ..

يروح يتجدعن ويقنع زوجته انها تسلم..

هى رضيت انه يعرض بيته للمزاد العلنى ..........علشان الدعاية الانتخااااااابية .

خلاص الواحد زهق بجددددددددد

هذا الرجل كان ضد النقاب ...

كان ضد النقاب ....

كان ولازال ضد النقاب .......والله العظيم كان ضد النقاب ..

قالها ف حديث صحفى .قال ...انا ضد النقاب .

كلامه موجود ...تصريحاته السابقة كوووولها موجودة ياجماعة ..

ودلوقت .؟؟؟

عامل سوبر مان اللى بينقذ المسلمات من الغرامات؟؟ ياعينى على الصبر ..

طريقة حلوة وجديدة ..

لأ بجد ..نااااصح ....

......علشان ساركوزى قال الغرامات كمان ....للمنقبات ف الشاااااارع..

علشان كدة بس اعترض .....علشان حكاية الشارع .

لكن هو ؟؟؟ كان سوف يطالب بقانون يحظر النقاب فى المؤسسات والمدارس والجامعة والمستشفيات واى مؤسسة حكومية ..

برافو عليكم كلكم .....هللوا له...هللوا له ......كمااااان

هو فعلا رجل ولا كووول الرجال ..........عرف يضحك على ( ناس كتيرررررررر )

والدعاية نجحت...

يااااارب ......امتنا على دين الاسلام الحق ....

واحفظنا واحفظ ابنائنا من ...مدعى التدين ..,المتاجرين بالدين .

[طارق مصرى]

بارك الله فى هذا الرجل و جزاه الله خيرا

و لكن لا أرى ما يفعله صحيحا فالحكومة الفرنسية مستفيدة بالمال الذى يأتيها بدون تعب

و ماذا بعد نفاذ المليون دولار ؟؟

اما ان يضع مبلغ اخر يحول الى خزانة الحكومة الفرنسية او لا يضع و تمنع المرأة من النقاب او تدفع غرامة ظالمة تذهب الى الخزانة

أنا أعلم أن المسلم لا يجوز له العيش فى دولة تمنعة من ممارسة شعائره الدينية فالاولى ان يبحثن عن دولة مسلمة للعيش فيها او دولة اخرى يمارسن فيها شعائر الدين بحرية و أيضا يجب الضغط على الحكومة الفرنسية بمظاهرات و اعتصامات و دعايات فى الاعلام لتبيان الظلم الواقع على المسلمات فى فرنسا و ان النقاب حرية شخصية ..

[capitshino]

الرااااااجل ده ........متجوز اميركية كاثوليكية .....(( وللآن لم تسلم ولن تسلم )) ......بدل ما يتجدعن ويعمل نفسه حامى حمى الاسلام والمسلمات ..

ليه حضرتك متاكدةاوى كده من انها لن تسلم ؟

[Salwa]

الرااااااجل ده ........متجوز اميركية كاثوليكية .....(( وللآن لم تسلم ولن تسلم )) ......بدل ما يتجدعن ويعمل نفسه حامى حمى الاسلام والمسلمات ..

ليه حضرتك متاكدةاوى كده من انها لن تسلم ؟

شوف حضرتك .

مش حكاية متأكدة قوى كدة .او....مش متأكدة وبقول اى كلام .

هى مسألة محسوبة يعنى ومعروفة وفيه معطيات كثيرة تقول الكلام ده ....وف الحقيقة سواء اسلمت او لم ...و...لن تسلم ..( ده شئ مش مهم دلوقت ومش دى المشكلة ) .

بدل ما نبحث هى حاتسلم والا مش حاتسلم...مفروض نتساءل.

ليه الراجل ده غير رأيه.....ولو انه تغيير طفيف ...(( وكان يعارض النقاب ويطالب بمنع المنتقبات من دخول الأماكن المزدحمة ؟؟))

وبالتجربة ...لو واحدة ديانتها هى الاسلام ...وواحدة ديانتها هى الكاثوليكية ...,كل منهما مقتنعة بدينها ....(( خللى بالك من حتة الاقتناع دى ))..

من المستحيل ان واحدة فيهم حاتغير دينها ....حتى لو تزوجت شيخ ..او قسيس.

تمام...

متفقين لحد كدة ؟؟

طيب..

امتى بقى الواحدة بتغير دينها علشان زوجها ؟؟؟؟؟؟....لما بتكون هى اساسا مش مقتنعة بحاجات كتير ف دينها ..

وغير كدة لأ...حتى لو هو نفسه بيكون مثل صادق للدين الجميل ده.

وتانى حانقول .........وعن تجربة وعن رؤية لأمثلة كثيرة جدااااااااااا

بيكون فيه تعايش جميل ومحدش بيغير دينه .

زى حالة صاحبنا ده اللى بنتكلم عليه ......زوجته لم تغير دينها ولا تفكر فى تغيير دينها ...(( ولا تحاسبنى انا ولكن حاسبها على كلامها وحاسبه هو على كلامه ))..انا لم افترى على اى منهما .

دى حياتهم..,على العلن...وكل الجرائد تتحدث ..

ف حالتنا دى مع السيد رشيد ...زوجته واقفة بجانبه ( تعضده يعنى ) ..بس علشان الحملة الانتخابية مش علشان دينه ؟؟

مش عبيطة هى وحاترهن بيتها او تبيعه علشان يدفع غرامات؟؟؟غرامات لمسلمات عايزين يتمشوا ف الشارع..!!!!!!!

ياجماعة خلينا نستخدم عقلنا ونبحث فى (( صحفهم هم )) ...

خلونا نتساءل .......ايه اصل الحكاية ؟؟؟

انا فعلا حزنت جدااا لما لقيت واحد زى الشيخ الحوينى بيتدخل ويفخم ف الشخص ده ...من غير ما يعرف حقائق كتير...

كدة غلط طبعااا

غلط...

خليك ف دروسك الدينية ياسيدنا وبلاش تتكلم على حاجة متعرفهاش او لم تدرسها وتبحث عن حقيقتها جيداا..

هذا الرجل .(( رشيد)) ..فجأة وبمجرد التلويح انه حايدفع الغرامات المفروضة على من تسير ف الشارع الفرنسى او البلجيكى او او او او او ...منتقبة .

سارع الناس ...على النت وف الجرائد على التهليل والتكبير .( واكيييد هو نفسه مكانش متوقع كل هذا النجاح )..واحاديث صحفية وشهرة بقى ...زيادة يعنى .

للأسف الشديد ..جدااااااا

ده مش لوجه الله..

لو عايز يعمل خير فعلا ...بدل ما يدفع غرامات مليون يورو ........

يروح يساعد فقراء المسلمين اللى بيموت منهم يوميااااااااا..

(( يوميااااااااا)) آلاف الاطفال .

لايجدوا حتى .....خبزااا فقط.

ياسلام على الاسلام ( المودرن )....الملايين تتصرف غرامات لمنتقبات عايزين يتمشوا شوية ف الشارع ..

طيب ما...يقرن فى بيوتهن ..

وهو دلوقت لديه حجة واحدة ....بيقول انه بيدافع عن حقوق الانسان .

طيب..

طيب...

والانسان اللى بيموت جوعاااااا...........مش انسان؟؟

عموما...

كل واحد له عقل يفكر بيه ومحدش بيحجر على فكر حد.

ربنا يهدىنا جميعا للخير..

[capitshino]

بصراحة يا مدام سلوى انا مش مقتنع بكلام حضرتك ولا عمرى اقتنع بكلام اى حد فى الدنيا

دى يقول على شخص ما انه لن يسلم لان ببساطة شديدة "دى حاجة لا يعلمها الا الله"

انا غير مهتم بالموضوع كثيرا بس استوقفنى كلمة حضرتك "لن تسلم" ومُتعجب اكتر من تحليلك لها .

تحياتى

[Alshiekh]

الحقيقة مش حاقدر اقول اكثر مما قالته مدام سلوى

ولكني الحقيقة أشعر بالإشفاق عندما تكون قضيتنا هي النقاب ومن يدفع الغرامة.

وكما قالت مدام سلوى انه دعاية لجذب الأنظار ، فموضوع دفع الغرامة ليس إلا إحدي وسائله للدعاية ، فعل شيئ مماثل في انتخابات 2007 لما عمل حزب باسمه ولم يحصل حزبه سوى على نصف في الماشة ، وبعدين قال ادخل انتخابات محلية ( بلدية ) ووعد اللي ينتخبه بـ 300 يورو ، وبرضه مانفعتش ،

وحاليا ناوي على انتخابات الرياسة الفرنسية 2012 ، ففكر يلم أصوات العرب والمسلمين بأيه؟ قال بتحدي الحكومة بفكرة ان يدفع غرامة ارتداء النقاب في الشارع.

طيب الشفقة ليه بقى؟

لان الموضوع اللي بتتكلموا فيه ده مش جديد ، لانه بقى له اكثر من سنة ، ومش بالصورة اللي انتوا متخيلينها ، يعني مثلا ايه اللي يخليه يسافر بروكسل مخصوص علشان يدفع الغرامة ويتصور بالمرة على نظام " الخواجة كوهين ينعي زوجته ويصلح ساعات ".

طيب طالما الرجل بيحب الخير وبيدافع عن المسلمين طيب نظرة عطف على بتوع الصومال او بنجلاديش.

عموما أنا قلت الكلمتين اللي عندي ، وعلى فكرة انتوا ممكن تتبرعوا برضه وتعملوا جمعية وتدفعوا الغرامة عنهم لانه مش احسن من اي حد فيكوا والا تسيبوه يكسب الحسنات دي كلها لوحده وانتوا قاعدين تشجعوا وبس. :closedeyes: :closedeyes:

خدوا شموا الورد ده وماتزعلوش نفسكوا من الناس الوحشين اللي ماعندهمش شهامة وماعملوش زي رشيد نكاز

[capitshino]

انا محتاج ادلة على كلامك يا مدام سلوى ويا استاذ محمد

مش تشكيك فيكم لا سمح الله .. محتاجاها علشان ابعت لبعض الزملاء لانى حاولت الاقى حاجة على

اليوتيوب بس للاسف مش لاقى . اما بخصوص الغرمات ففعلا كما قالت مدام سلوى الاولى كان

ارسلهم الى الصومال ودول القرن الافريقى .. انا كنت فى اثيوبيا من كام شهر والله يا جماعة

الواحد رجع عنده اكتئاب من اللى شافه هناك .. ناس مش لاقية قطعة خبز لها ولاطفالها .

[ابو محمود]

نفترض ان الراجل دة بيعمل كدة من اجل مصلحة

طب ما الناس المغتربين فى اوروبا علشان برضو المصلحة والناس اللي بيدفعو للسياسيين علشان مصلحة والسياسيين فى دول منهجها مادى علمانى مافيش حاجة ببلاش خلية يدفع انتو زعلانيين انة بيدفع لمسلمين طب مافية مسيحيين عندهم مجاعة هم اولى بما يدفعة بس مزاجة جة عند المسلمين ههههههههههه شيء يدعو للضحك يا سادة يا أخوانا كل واحد حر ف رأية وفلوسة المهم بيدفعها فين فى شرب خمرة او اباحية او لمشاريع خيرية ودفع ظلم لية بقى بنحكم على النيات ونكرة من يحكم على نياتنا رغم انى اعرف جيدآ ان نيتكم سليمة بس دى وجهات نظر

ذى السيما يعنى الفيلم ينقدة كذا ناقد وكل واحد شايف العاهرة اللي بالفيلم من زازيتة واحد يقول فاجرة وذنديقة واخر يقول مظلومة وصاحبة نظرية وكلة ماشى الله يرحمك يا عمو فؤاد يا مهندس

ههههههههههه على فكرة اناعارف وحاسس انى هترزع كام علامة حمرا لزوم الأتيكيت ههههههههههههههه بس مش هزعل واخدين بالكم ههههههههههههه

شمو فى الوردة دى يمكن تخفف حدة النقاش

تم تعديل 26 أكتوبر 2011 بواسطة محمودمصطفى

[capitshino]

انتو زعلانيين انة بيدفع لمسلمين طب مافية مسيحيين عندهم مجاعة هم اولى بما يدفعة بس مزاجة جة عند المسلمين ههههههههههه

ممكن توضح الاقتباس ده .

[Alshiekh]

انا محتاج ادلة على كلامك يا مدام سلوى ويا استاذ محمد

مش تشكيك فيكم لا سمح الله .. محتاجاها علشان ابعت لبعض الزملاء لانى حاولت الاقى حاجة على

اليوتيوب بس للاسف مش لاقى . اما بخصوص الغرمات ففعلا كما قالت مدام سلوى الاولى كان

ارسلهم الى الصومال ودول القرن الافريقى .. انا كنت فى اثيوبيا من كام شهر والله يا جماعة

الواحد رجع عنده اكتئاب من اللى شافه هناك .. ناس مش لاقية قطعة خبز لها ولاطفالها .

ممكن تعمل بحث عن اسمه في الأخبار او في محركات البحث ، أسمه rachid nekkaz

[ابو محمود]

انتو زعلانيين انة بيدفع لمسلمين طب مافية مسيحيين عندهم مجاعة هم اولى بما يدفعة بس مزاجة جة عند المسلمين ههههههههههه

ممكن توضح الاقتباس ده .

حضرتك عايز توضيح انة مسلم وبيدفع لمسلمين ولا لانة فية مسيحيين برضو عايشين فى حالة لا يرسى لها بافريقيا ؟؟

انا عن رآيي كل واحد حر ف مالة وكمان لا نسأل شخص يعيش فى مجتمع مادى تعلوة المصالح ان نحاسبة عن ما بدر منة من توجية لمالة الى اين والا نكون اقل ليبرالية كما يتشدق اهلها او من يحاولون الانتساب اليها فى عالمنا

[MZohairy]

انتو زعلانيين انة بيدفع لمسلمين طب مافية مسيحيين عندهم مجاعة هم اولى بما يدفعة بس مزاجة جة عند المسلمين ههههههههههه

ممكن توضح الاقتباس ده .

حضرتك عايز توضيح انة مسلم وبيدفع لمسلمين ولا لانة فية مسيحيين برضو عايشين فى حالة لا يرسى لها بافريقيا ؟؟

انا عن رآيي كل واحد حر ف مالة وكمان لا نسأل شخص يعيش فى مجتمع مادى تعلوة المصالح ان نحاسبة عن ما بدر منة من توجية لمالة الى اين والا نكون اقل ليبرالية كما يتشدق اهلها او من يحاولون الانتساب اليها فى عالمنا

اسمها يرثى لها

مش لا يرسى لها يا محمود

و بعدين انا رأيي ان طالما بعض المسلمين بيفرحوا حتى و لو كان ما يفرحهم وراءه هدف آخر تماما و ليس له علاقه بما فرحوا به...يا سيدي خلي الناس تتبسط

ماحدش واخد منها حاجه يا ريس

تحياتي

[أبو يمنى]

لاحول ولاقوة الا بالله العلى العظيم.

مش عارفة بقى انا اللى فاهمة غلط.........والا كوووووول الناس دى هى اللى فاهمة غلط.

ياترى لما كوووووول دووووول ........ماشيين ف طريق .

وانا ماشية عكس الطريق ...

يبقى مين فينا اللى صح؟؟؟

طيب (( اقسم بكل ماهو مقدس ))...انى انا اللى صح .

انا اللى صح وكلامى صح .

والشيخ الحوينى ...ولالالالالالالالالا هو هنا...ولالالالا يعرف الحقيقة .

ولالالا عنده خلفية عن اى شئ ..

هو خلاص؟؟؟

كل اللى يعمل فرقعة اعلامية نصدقه؟؟؟

ياخسارة ..

يامليون خسارة ...

الله يرحم شيوخنا .....الله يرحم الناس الواعية اللى كانوا يعرفوا الحق من الباطل ...الله يرحم ناس اناروا الطريق فعلا .

كانوا بيفهموا .....ومكانش حد بيضحك عليهم .

ضحك على كووول دول ؟؟؟ بالتلويح بمليون يورو ؟؟؟

لاحول ولاقوة الا بالله..

الراجل ده بيعمل لنفسه دعاية انتخابية بعد ماحاول الترشح للانتخابات ف 2007 ومكانش عنده توقيعات كفاية ..

الرااااااجل ده ........متجوز اميركية كاثوليكية .....(( وللآن لم تسلم ولن تسلم )) ......بدل ما يتجدعن ويعمل نفسه حامى حمى الاسلام والمسلمات ..

يروح يتجدعن ويقنع زوجته انها تسلم..

هى رضيت انه يعرض بيته للمزاد العلنى ..........علشان الدعاية الانتخااااااابية .

خلاص الواحد زهق بجددددددددد

هذا الرجل كان ضد النقاب ...

كان ضد النقاب ....

كان ولازال ضد النقاب .......والله العظيم كان ضد النقاب ..

قالها ف حديث صحفى .قال ...انا ضد النقاب .

كلامه موجود ...تصريحاته السابقة كوووولها موجودة ياجماعة ..

ودلوقت .؟؟؟

عامل سوبر مان اللى بينقذ المسلمات من الغرامات؟؟ ياعينى على الصبر ..

طريقة حلوة وجديدة ..

لأ بجد ..نااااصح ....

......علشان ساركوزى قال الغرامات كمان ....للمنقبات ف الشاااااارع..

علشان كدة بس اعترض .....علشان حكاية الشارع .

لكن هو ؟؟؟ كان سوف يطالب بقانون يحظر النقاب فى المؤسسات والمدارس والجامعة والمستشفيات واى مؤسسة حكومية ..

برافو عليكم كلكم .....هللوا له...هللوا له ......كمااااان

هو فعلا رجل ولا كووول الرجال ..........عرف يضحك على ( ناس كتيرررررررر )

والدعاية نجحت...

يااااارب ......امتنا على دين الاسلام الحق ....

واحفظنا واحفظ ابنائنا من ...مدعى التدين ..,المتاجرين بالدين .

المشرفة الفاضلة مدام سلوى ، من واقع تقديرنا لكم ولشخصكم الكريم لي هذا التوجيه البسيط .

لماذا هذا الانفعال الشديد في مشاركة حضرتك ، وبفرض أنك رأيت خطئاً في وجهة نظر مطروحة ، ألم يكن من الممكن صياغة رؤية حضرتك في نقاط واضحة وهادئة بدلاً من طريقة قلب المائدة على المخالف .

مع التحيّة .

[الغريب]

الفاضلة سلوى

برجاء ذكر الرروابط التي تدلل عن ما جاء في مشاركتك ، لأنها بالفعل تحمل معلومات تستحق التأكيد والنشر

لأني في الحقيقة بحثت كثيرا -كما أشار الأخ محمد- فلم أجد شئ

لم أجد إلا وجهة نظر شخصية جاءت في مدونة شخصية ، ولكنها رمت إلى ناحية أخرى، وهي أن رشيد نكاز رجل أعمال ويهدف من وراء هذا الفعل إلى كسب مزيد من التبرعات من المسلمين حول العالم ، وأراى أن هذا التوقع بعيد، وإلا لكان من المفترض أن يصاحبه دعاية وترويج لأخبار الرجل فنجده كل يوم هنا وهناك في الدول المسلمة لكسب تبرعات وتعاطف أثرياء المسلمين مثلا، كما يدعي صاحب المدونة.

وأيضا بخصوص وجهة النظر التي وردت في مداخلتك ، فلو كان الرجل يتبرع لتحقيق مكسب سياسي في فرنسا سواء كسب أصوات الناخبين المسلمين مثلا في فرنسا، فما له يتبرع للمنتقاب في بلجيكا أيضا ، والتي صدر بها قانون مماثل للذي ظهر في فرنسا!!

ولكني أعتقد والله أعلم أن الرجل يتبرع من ناحية حقوق الإنسان ، وبخاصة أن السيرة الذاتية له توضح أنه ناشط في هذا الجانب وكان يدير أحد منظمات المجتع المدني وكان إسمها (إلا دستوري) وهو ما يعني أن الرجل مهتم بالمواثيق والدساتير والتي من أهم بنودها حقوق الإنسان ، وهذا يكسب الرجل صفة العدل والإنصاف (بغض النظر لديانته المسلمة) وهو ما أستحسنه رسول الله صلى الله عليه وسلم في غير المسلم وهو النجاشي ملك الحبشة ، فما بالنا لو كان هذا العدل والإنصاف لأصحاب الحقوق مدعّم بإنفاق من المال الخاص ، بل وربما يأتي من خلفية ديانته الإسلامية، فلا شك أن هذا يمثل ميزة متفردة في هذا الشخص

وفي النهاية هذا تحليل شخصي للرجل ، يصاحبه حسن ظن به، والله أعلم به مني

تحياتي...

[se_ Elsyed]

أنا مش مع اللي الأخ ده بيعمله ... لإنه كده زي اللي رصد ميزانية وبيدفع للناس اللي بيخالفوا قواعد المرور ... وفعلاً الفلوس هاتروح عالجاهز للبلد ومستحيل تكفي

فاللي قاعد في بلد زي دي وممنوع فيها النقاب - النقاب مش الحجاب خلوا بالكم - يبقى عنده فرصة يسيب البلد ويروح لبلد أخر وأرض الله واسعة ...

[Alshiekh]

أنا مش مع اللي الأخ ده بيعمله ... لإنه كده زي اللي رصد ميزانية وبيدفع للناس اللي بيخالفوا قواعد المرور ... وفعلاً الفلوس هاتروح عالجاهز للبلد ومستحيل تكفي

فاللي قاعد في بلد زي دي وممنوع فيها النقاب - النقاب مش الحجاب خلوا بالكم - يبقى عنده فرصة يسيب البلد ويروح لبلد أخر وأرض الله واسعة ...

ياعم سين سين الموضوع بالنسبة للبلد اكبر من غرامة او مخالفة

الموضوع انه مع الغرامة مجبرة المنتقبة تحضر " كورس في المواطنة " يعني يبقى عندها مدرسة ليلية لحضور دروس عن المواطنة وبالطبع لن يسمح لرشيد نكاز ان يحضر الكورس عنهم.

[MohamedAli]

فاللي قاعد في بلد زي دي وممنوع فيها النقاب - النقاب مش الحجاب خلوا بالكم - يبقى عنده فرصة يسيب البلد ويروح لبلد أخر وأرض الله واسعة ...

انت ياسي السيد بتتكلم عن مهاجرين وانا نفسي لو كنت مهاجر لفرنسا ولم تعجبني لعدت لبلدي

لكن على ارض الواقع من نتكلم عنهم هم ملايين من المسلمين الفرنسين هم الجيل الثالث والرابع

ولايعرفون وطن يذهبون اليه او لغة غير فرنسا

فهل الذين يدعونهم لترك فرنسا سيقبلون بهم في بلادهم ويفورون لهم عمل وتعليم وجنسية ؟

تم تعديل 27 أكتوبر 2011 بواسطة MohamedAli