25 يناير 2012 ,, موعد تسليم السلطة !

[م تيمور المراغي]

.. خللي الرئاسية تسبق الدستور مع تاجيل حل البرلمان لما بعد الاستفتاء على الدستور

كلنا خالد سعيد

دعوة تنتشر بكثافة الآن على صفحات الفيسبوك تقترح إجراء انتخابات الرئاسة 25 يناير، إعلان النتائج 2 فبراير ذكرى موقعة الجمل، تنصيب الرئيس والقسم يوم 11 فبراير. لو موافق شير

https://www.facebook.com/ElShaheeed

خلونا كلنا نتوحد خلف الهدف ده

التوبيك ده المفروض مايبقاش فيه اي مشاحنات على الاطلاق

ان شاء الله

[عنبو]

موافق

[elzahraa]

انا شايفة ان دا كلام منطقي 100% ولو رجعنا للاستفتاء اللي قبل الاعلان الدستوري حنلاقي ان كان هو دا الكلام

انتخابات الرئاسة بعد مجلس الشعب و مجلس الشعب يكون اللجنة التأسيسية و تشتغل في الدستور في وجود الرئيس

و اول ما الدستور يتوافق عليه يتفض المجلس و يمشي الرئيس و ننتخب مجلس و رئيس جديد

كلام مظبوط بنسبة 100% من وجهة نظري

و قلته هنا

http://www.egyptiantalks.org/invb/index.php?showtopic=130496

شكرا لك

[م تيمور المراغي]

استفتاء \\ هل تؤيد رحيل المجلس العسكري عبر الغاء انتخابات الشورى و فتح باب الترشح للانتخابات الرئاسية 25 يناير ؟ \\ الرباط الخاص بي

[م تيمور المراغي]

لو ممكن الادارة الكريمة تضيف استفتاء على التوبيك بالصياغة التالية

هل توافق على اجراء الانتخابات الرئاسية 25 يناير 2012

- موافق

- غير موافق

[محمد عبدالعزيز]

موافق

[م تيمور المراغي]

تطوير لللفكرة ,,

مطلب تسليم السلطة يجب ان يتم يوم 4 يناير لمجلس شعب منتخب و حكومة منتخبة

و فتح انتخابات رئاسية يوم 25 يناير

ثم عودة الجيش لثكناته و نبدأ فى تشكيل دستورنا بعيدا عن حكم العسكر مثلما يحدث الان فى تونس

عملوا انتخابات جمعية و اختاروا رئيس و شغالين فى الدستور

[raouf]

تطوير لللفكرة ,,

مطلب تسليم السلطة يجب ان يتم يوم 4 يناير لمجلس شعب منتخب و حكومة منتخبة

و فتح انتخابات رئاسية يوم 25 يناير

ثم عودة الجيش لثكناته و نبدأ فى تشكيل دستورنا بعيدا عن حكم العسكر مثلما يحدث الان فى تونس

عملوا انتخابات جمعية و اختاروا رئيس و شغالين فى الدستور

اولا تيمور هاتنتخب حكومة ازاى ؟

ثانيا هل ستوافق بلجنة بناء الدستور اللى هايشكلها مجلس شعب معظمه من الاسلاميين ؟

صدقنى اشك ولو حتى رايك الشخصى كتيمور هتوافق هايطلع ناس يعملوا العن من اللى موجودين

وايه وضع الجيش بعد كده ؟

مين هايضمن الملفات القديمة ما تتفتحش

مش قلت ليك يا تيمور الموضوع عايز حكمة وتفكير مش حماسة شباب

[se_ Elsyed]

مش موافق لإن الموضوع هايبقى مسلوق ....

ومازلت عند رأيي إن الحكومة الموجودة ولتكن حكومة الجنزوري أو أي واحد يحصل على الصلاحيات التنفيذية .. ويتولى مجلس الشعب السلطة والصلاحيات التشريعية وكده تبقى خلصت

[ابراهيم عبد العزيز]

موافق طبعا مائة بالمائة

ولا أرى حلا للوضع الحالي إلا هذا الطرح

وهو طرح مثالي ويرضي كل الأطراف السياسية

فبهذا الطرح نكون قد أتممنا الإنتخابات البرلمانية بشكل يرضي التيارات الدينية وقطاع عريض من الشعب المصري بالطبع

وأيضا يتم نقل السلطة في مصر لرئيس مدني منتخب يرضى عنه الشعب في فبراير 2012 على أقصى تقدير , تكون فترته إنتقالية محددة بسنة مثلا يصيغ فيها دستور البلاد ويعرضه في إستفتاء شعبي وبعدها يتم أجراء إنتخابات برلمانية ورئاسية في أول عام2013 ( على نور ) ونظام الدولة واضح ومحدد سواء برلماني أو رئاسي أو برلماني رئاسي

بإختصار أعتقد أنه مطلب من الممكن أن يكون عامل محفز لتجمع القوى السياسية بإختلافها وتنوعها على قلب رجلا واحد مرة أخرى

لكن

هذا الطرح لن يتم الموافقة عليه من قبل المجلس العسكري

لأن المجلس العسكري لن يسلم السلطة قبل كتابة الدستور وهو حريص على أن يكون موجودا أثناء كتابة الدستور .

تم تعديل 18 ديسمبر 2011 بواسطة ابراهيم عبد العزيز

[ماستر]

موافق

بس لازم تفضلوا فى الميدان مهما حصل

[Ahmed Anwer]

أنا موافق علي اي حل يغوووور العسكر

و حسبت ما فهمت أن الخلاف دلوقتي

إنتخاب رئيس جمهورية بعد الشعب مباشرة و إلغاء الشوري

أم نقل السلطة لمجلس الشعب و رئيس المجلس رئيس الجمهورية

و الإثنين شغالين في وجهة نظري

[ابو محمود]

هل مصر نضبت من الرجال حتى يتم املاء شروط من الميدان ؟؟؟

لماذا تصرون على مواجهة العسكر بالقوة ؟؟

اي مخطط هذا وبهذا المكر حتى تفشلو الاستقرار القادم ؟؟

حسبي الله ونعم الوكيل

[ماستر]

لو سمحتم بلاش تشعيب الموضوع هو مطلب واحد بس وكلنا نتوحد وراة,

انتخابات الرئاسة مباشرة بعد انتخابات مجلس الشعب وتأجيل مجلس الشورى,

[م تيمور المراغي]

اولا تيمور هاتنتخب حكومة ازاى ؟

ثانيا هل ستوافق بلجنة بناء الدستور اللى هايشكلها مجلس شعب معظمه من الاسلاميين ؟

صدقنى اشك ولو حتى رايك الشخصى كتيمور هتوافق هايطلع ناس يعملوا العن من اللى موجودين

وايه وضع الجيش بعد كده ؟

مين هايضمن الملفات القديمة ما تتفتحش

مش قلت ليك يا تيمور الموضوع عايز حكمة وتفكير مش حماسة شباب

الاجابات حسب الترتيب

1 - الاغلبية المنتخبة في البرلمان هي التي ستشكل الحكومة ولو لم يحز حزب معين على الاغلبية تتشكل ( حكومة ائتلافية )

2 - طبعا موافق والحركة موافقة

3 - الجيش المصري مؤسسة تابعة للدولة يعين قواده رئيس الجمهورية بعد موافقة مجلس الشعب ويخضع بالكامل لمراقبة ااجهزة المعنية بالدولة تحت اشراف لجان نوعية برلمانية

4 - كل الملفات حتتفتح امام القضاء المصري والفاسد يحاسب

5 - الحكمة هي الاسراع بتسليم الدولة للمدنيين وده هو الهدف النهائي ايه دخل حماس الشباب هنا ؟؟

تحيتي

[م تيمور المراغي]

مش موافق لإن الموضوع هايبقى مسلوق ....

ومازلت عند رأيي إن الحكومة الموجودة ولتكن حكومة الجنزوري أو أي واحد يحصل على الصلاحيات التنفيذية .. ويتولى مجلس الشعب السلطة والصلاحيات التشريعية وكده تبقى خلصت

مشكوك في نزاهتهم يا احمد وانت نفسك قولت على الجنزوري انه شرابة خرج وان العسكر بيديروهم زي الماريونت

لماذا نرضى بالدنية في حريتنا وفي مصريتنا !!

ياريت لو تدعم الفكرة بقلمك المتميز

تحيتي

[raouf]

اولا تيمور هاتنتخب حكومة ازاى ؟

ثانيا هل ستوافق بلجنة بناء الدستور اللى هايشكلها مجلس شعب معظمه من الاسلاميين ؟

صدقنى اشك ولو حتى رايك الشخصى كتيمور هتوافق هايطلع ناس يعملوا العن من اللى موجودين

وايه وضع الجيش بعد كده ؟

مين هايضمن الملفات القديمة ما تتفتحش

مش قلت ليك يا تيمور الموضوع عايز حكمة وتفكير مش حماسة شباب

الاجابات حسب الترتيب

1 - الاغلبية المنتخبة في البرلمان هي التي ستشكل الحكومة ولو لم يحز حزب معين على الاغلبية تتشكل ( حكومة ائتلافية )

2 - طبعا موافق والحركة موافقة

3 - الجيش المصري مؤسسة تابعة للدولة يعين قواده رئيس الجمهورية بعد موافقة مجلس الشعب ويخضع بالكامل لمراقبة ااجهزة المعنية بالدولة تحت اشراف لجان نوعية برلمانية

4 - كل الملفات حتتفتح امام القضاء المصري والفاسد يحاسب

5 - الحكمة هي الاسراع بتسليم الدولة للمدنيين وده هو الهدف النهائي ايه دخل حماس الشباب هنا ؟؟

تحيتي

اهو البند ده لوحده كقيل بنسف الفكرة

اما موضوع الحماسة لانك توقعت ان المجلس يوافق بسهولة

يا تيمور الموضوع عامل زى لعبة الشطرنج ما ينفعش من اول لعبة تموت الملك

الامر عايز خكمة وتفاوض وذكاء مش تسرع وضرب وعافيه

انا باحب شباب حركة 6 ابريل جدا جدا جدا ومقدر دورهم لكن اسهمهم الان لدى الشعب قى النازل سواء عن جهل اوتشويه من الاعلام او غيره ولكن ده الواقع الان

اى حل ستدهمه او تعلنه 6 ابريل سيركو الشعب كله على سلبياته

دى نصيحة للشباب عندك اخفاء اسم 6 ابريل عن اى اقتراحات الان وهاصة التحجث باسم الشباب او الثوار او غيره وده مش عيب بالعكس ده الحكمة دلوقتى

تصور كده فقط تصور ان يتحرق المتحف المصرى او يتقتل شخصية سياسية بايدى هناصر مدسوسة او مخربة شوف مين اللى هايتلام اركد لك من قبل ان يفتح حد فمه ستلام 6 ابريل مباشرة بدون اى تحقيق ومهما جبت من ادلة تثبت العكس لن يراها الخرون اللى مسح الاعلام مخهم

تعال ادينى تحليلك فى موضوع الرئيس اللى جاى قريب

[م تيمور المراغي]

لكن

هذا الطرح لن يتم الموافقة عليه من قبل المجلس العسكري

لأن المجلس العسكري لن يسلم السلطة قبل كتابة الدستور وهو حريص على أن يكون موجودا أثناء كتابة الدستور .

لو طاوعنا المجلس العسكري حنقعد 30 سنه كمان تحت حكمهم السعيد

ان شاء الله نقدر نوحد كل الفصائل والقوى السياسية خلف هذا المطلب الاوحد

[م تيمور المراغي]

موافق

بس لازم تفضلوا فى الميدان مهما حصل

ان شاء الله مش حننسى ولا نسيب الميدان

تحيتي ,,

[التونسى]

الجيش الخائن العميل مش حيوافق .. هى الحدايه بتحدف كتاكيت