فرع جديد لأمن الدولة داخل القوات المسلحة؟

[Alshiekh]

في الماضي إعتدنا على تلفيقات جهاز أمن الدولة

وكثيرا ماشاهدنا قضايا يعترف فيها المقبوض عليهم بجرائم يثبت بعد ذلك تلفيقها لهم بعد القبض على الجناة الحقيقيين.

ولكن بعد ثورة 25 يناير،

وبعد أن أصبح للقوات المسلحة تواجد ( أمني ) بين المدنيين ، هل قام الجيش بتدريب البعض على نفس ممارسات أمن الدولة القديم ، ليصبح لدينا جهاز جديد لأمن الدولة وربما أشد بطشا من الجهاز السابق ، وهذه المرة يأتي من داخل مؤسسة من المفروض أنها تحتفظ بحق الإحترام في أعين الشعب المصري ، مؤسسة الجيش الذي من مهامه الأساسية التضحية والفداء من أجل حماية هذا الوطن.

لنقرأ الخبر ونري ماذا يحدث وماذا سيحدث.

منصور: اضطريت أقول إني واخد فلوس من خوفي

حاوره ـ هشام أصلان

بصعوبة شديدة، وافقت والدة الطالب، منصور أمين منصور، أن يحكي لـ "الشروق" ما حدث له بعدما تم القبض عليه من قبل قوات الجيش، والتعذيب الذي تعرض له داخل مجلس الشعب.

ومنصور هو أحد طفلين ظهرا بالفيديو الذي بثه المجلس العسكري في المؤتمر الصحفي للواء عادل عمارة، وهو أيضا الذي قال إن الناشر محمد هاشم صاحب دار ميريت كان أحد المحرضين على أعمال التخريب بمجلس الوزراء، وحرق المجمع العلمي، عن طريق توزيع الكمامات والخوذ والنقود على المتظاهرين، وبمجرد خروج منصور من حبسه ذهبت به والدته إلى هاشم كي يبرر له ما قاله في الفيديو، حفاظا على الجيرة، حيث أنه، الطفل وعائلته، من سكان المنطقة التي يقع فيها مقر دار "ميريت" للنشر.

يحكي منصور: "كانت الساعة 10 الصبح، يوم السبت 19 نوفمبر، كنت نازل أشتري حاجات من مول البستان، لقيت الناس بتجري في شارع طلعت حرب، مرضيتش أجري لأني مضربتش ومعملتش حاجة، لقيت الظابط جه ورايا، وقالي تعالى إنت تبعهم؟ وازاي ماشي بالراحة، إنت مش هاعملك حاجة؟".

يكمل منصور: "أنا مضربتش ولا عملت حاجة، أنا ساكن هنا وطالب في ثانوي عام، مصدقنيش، وخدني في مجلس الشعب، أول ما دخلت انضربت بمواسير حديد، على دماغي".

منصور سأل احد العساكر"مش قلتولي إنكوا هتحققوا معايا؟"

أجابه عسكري، بدا أنه متعاطف معه، بأنه: "معلش، جايلنا أوامر إننا ناخد أي حد، عشان معندناش عدد كبير فعايزين العدد يزيد، وعايزين نكترهم عشان مش هينفع يروحوا المحكمة وهم قليلين كده".

فسلم الولد أمره إلى الله، وقال إن دعوة المظلوم مستجابة"، لكن للحق يشهد منصور إن هذا العسكري الذي أجابه كان غير الذين ضربوه، بل إنه حاول الدفاع عنه مرارا دون فائدة.

يكمل: "دخلونا غرفة صغيرة، عن طريق طرقة، وكانت الريحة فظيعة، ريحة زفرة من كتر الدم اللي كان في الطرقة، ولقيت مطرح الدم في الحيطان، كأن واحد دابح ناس جوه"بعض زملاء منصور في الحبس، حسدوه لأنه كان على وشك الوصول، قالوا له إنهم أتوا قبله بعشر دقائق فقط: "كانوا مقلعنا هدومنا وبيخلونا ناكل النجيلة، واللي ميكالهاش، كان بيلحس الجزمة" قالها منصور وهو محرج، من لفظ "الجزمة"، فهو كما ذكرنا طالب من أسرة محترمة وليس أحد أطفال الشوارع.

منصور لم ينس أن يكتب على الحائط عبارة "الله أكبر " بدمه الذي سال ..

ويكمل: "واللي كان بيغم عليه منهم يروحوا يفوقوه بالكهرباء، ولما يفوق يضربوه، كل ما عسكري معدي يضربه".

كانت معاكو بنات يا منصور؟. أسأله فيجيب: " آه ومن كتر الضرب مبقتش فيهم حتة سليمة". دخلونا وجه التليفزيون يصور معانا، وكان الظباط بيقولوا لللي هيتصور، قول أنا واخد فلوس، أنا في الأول قلتله إني ساكن هنا ومليش دعوة، والمصور قاللي متقلقش انا هعمل نفسي بصورك لكن مش هصورك عشان هما مديني اوامر إني أصور أي حد".

سألته إن كان هناك شعار أو اسم للقناة التي كانت تصوره، فقال إنها "أخبار مصر".

أحد الذين تم تصويرهم بحسب منصور قال إنه "طالب بكلية التجارة، وكان نازل التحرير يتفرج وماخدش فلوس"، فأوقف الضاط وجنوده التصوير وانهالوا على هذا الطالب ضربا، وخلوه يصور ويقول إنه واخد فلوس".

بعد ذلك أخذوه على السجن الحربي. سألته كيف عرف أنه في السجن الحربي؟.

قال: "دخلونا مكان تحت الأرض وكله أبواب حديد، كان مكتوب عليه: السجن الحربي، وفي حتة تانية مكتوب: ش ع 28". فهمت بعد ذلك أن هذا هو شعار الشرطة العسكرية. يكمل: "عاملونا معاملة أحسن من بتوع مجلس الشعب، وقالوا إن الجيش مش من حقه يعمل الكلام ده، وعالجونا لمدة حوالي 3 ساعات".

ماذا حدث بعد التحقيق؟.

طالما لم يتم تصويرك في مجلس الشعب، متى تم التصوير؟.

قال: "في السجن الحربي، والمصور قاللي متخافش دي مش كاميرا تليفزيون، دي هيشوفها بس المشير وناس كبيرة في البلد".

قاللي مشفتش حد كان بيساعد الثوار راجل كويس كده؟، قلتله اه فيه راجل كويس بيدي الناس خوذه عشان متتعورش، ومكنش في دماغي حاجة غير كده، بعدها قالولنا لازم تقولوا إن الناس بتدي فلوس حتى لو مخدتش عشان تروح، واضطريت أقول كده من خوفي".، وبطبيعة الحال كان منصور يحكي هذه النقطة بحرج بالغ، لن اللقاء كان في مكتب محمد هاشم، الذي قدر موقف الصبي، وقال لأمه "دا واحد من عيالي".

والحديث مع منصور كان طويلا، تطرق فيه لتنقله من مكان إلى مكان، من مجلس الشعب إلى السجن الحربي ومن النيابة إلى سجن طره إلى الإصلاحية، وكيف أنه في النيابة عاملوه بلطف، وكان هذا اللطف عباره عن الضرب "على القفا فقط، بهزار" حسبما قال، فيما كان الضرب في طره بالحزام فقط، بينما في الإصلاحية كان حديثه عن "مسح الأرضية" والتذنيب واقفا".

[Alshiekh]

فيديو اللقاء مع " منصور "

http://www.youtube.com/watch?v=VXom6M5yH1Q

[se_ Elsyed]

ومش عايز الناس تنزل يا محمد بيه وتقول يسقط حكم العسكر ويسقط المشير ؟؟؟؟

وطبعاً عرفت قصة الثلاث أطفال اللي محبوسين في قضايا اخرى من يوم 14 وجابوهم يمثلوا ويقولوا الاعترفات دي ؟

وعشان ربنا يفضح المجرم طنطاوي تربية المجرم مبارك .. عمى قلوب اللي قاموا بمنتاج فيديو الإعترافات ومن كتر ربكتهم نسيوا يحذفوا الأصوات اللي إتسجلت مع الولاد وظهر في الخلفية أصوات صريخ تعذيب لناس زي منصور

ولو كنت بتتابع الأخبار هاتعرف إن السائق الخاص لعمرو الليثي تم القبض عليه من يومين بتهمة إرسال رسائل تهديد لعدد من الإعلاميين .... والراجل إعترف النهاردة إن عمرو الليثي هو اللي حرضه يعمل كده .. وبمجرد ما راح النيابة قال الامن عذبني وقالوا لي لو ما قولتش إن عمرو الليثي هو اللي حرضك ما نتاش خارج

فهل تظن سيادتك إن النظام القذر سقط ؟

وهل فعلاً سيسقط بمجرد إنتخاب مجلس شعب بالرغم من إن كل القيادات القذرة مازالت موجودة كما هي بل بالعكس زادت شراسة نقمتاً على الشعب الثائر ؟

وقد يتسائل البعض وما الحل ؟

الحل هو مظاهرات سلمية أخرى لإسقاط وكنس كل رموز النظام كنساً تاماً

وحسبنا الله ونعم الوكيل

ويا ليت قومي يتعظون ويفهمون ما يدور حولهم

[raouf]

ومش عايز الناس تنزل يا محمد بيه وتقول يسقط حكم العسكر ويسقط المشير ؟؟؟؟

وطبعاً عرفت قصة الثلاث أطفال اللي محبوسين في قضايا اخرى من يوم 14 وجابوهم يمثلوا ويقولوا الاعترفات دي ؟

وعشان ربنا يفضح المجرم طنطاوي تربية المجرم مبارك .. عمى قلوب اللي قاموا بمنتاج فيديو الإعترافات ومن كتر ربكتهم نسيوا يحذفوا الأصوات اللي إتسجلت مع الولاد وظهر في الخلفية أصوات صريخ تعذيب لناس زي منصور

ولو كنت بتتابع الأخبار هاتعرف إن السائق الخاص لعمرو الليثي تم القبض عليه من يومين بتهمة إرسال رسائل تهديد لعدد من الإعلاميين .... والراجل إعترف النهاردة إن عمرو الليثي هو اللي حرضه يعمل كده .. وبمجرد ما راح النيابة قال الامن عذبني وقالوا لي لو ما قولتش إن عمرو الليثي هو اللي حرضك ما نتاش خارج

فهل تظن سيادتك إن النظام القذر سقط ؟

وهل فعلاً سيسقط بمجرد إنتخاب مجلس شعب بالرغم من إن كل القيادات القذرة مازالت موجودة كما هي بل بالعكس زادت شراسة نقمتاً على الشعب الثائر ؟

وقد يتسائل البعض وما الحل ؟

الحل هو مظاهرات سلمية أخرى لإسقاط وكنس كل رموز النظام كنساً تاماً

وحسبنا الله ونعم الوكيل

ويا ليت قومي يتعظون ويفهمون ما يدور حولهم

معاك مليون فى المية بس اضمن لى نقطتين

سلمية المظاهرات

عدم تعطيل اى مرافق للدولة

كده تقدر تاخد دعم مصر كلها

[se_ Elsyed]

غريبة جداً

موضوع زي ده المفروض الدنيا كانت تتقلب عليه

انا مستغرب من كام التعليقات دي كلها ومش قادر ألاحق أقرا إيه ولا إيه

كل سنة وإنتم طيبين

[م تيمور المراغي]

رهاننا على شعب مصر انه يضغط زي ما عمل 25 يناير

هو شعب طيب وعاوز يعيش بامان حتى لو كرامته و حريته منتقصه

لكن لما بيفيض بيه الكيل مافيش قوة في الكون تقف قصاده

دور النشطاء التوعوي هو كشف الحقيقة بكل اصرار وثبات امام كل الناس

ثم دعوتهم الى التظاهر بالملايين لنقل السلطة

و تركهم بعد ذلك يقررون المشاركة من عدمها بدون اي وصاية او تعالي من اي احد كان والتمسك بسلمية الثورة لاقصى حد ممكن

وبالمناسبة اعتذار واجب عن جملة (الابريلي بالف واحد تاني ) دي عنصرية تم لفت نظري لها وحبيت اني اعتذر عنها ,,

[لونا]

في الماضي إعتدنا على تلفيقات جهاز أمن الدولة

وكثيرا ماشاهدنا قضايا يعترف فيها المقبوض عليهم بجرائم يثبت بعد ذلك تلفيقها لهم بعد القبض على الجناة الحقيقيين.

ولكن بعد ثورة 25 يناير،

وبعد أن أصبح للقوات المسلحة تواجد ( أمني ) بين المدنيين ، هل قام الجيش بتدريب البعض على نفس ممارسات أمن الدولة القديم ، ليصبح لدينا جهاز جديد لأمن الدولة وربما أشد بطشا من الجهاز السابق ، وهذه المرة يأتي من داخل مؤسسة من المفروض أنها تحتفظ بحق الإحترام في أعين الشعب المصري ، مؤسسة الجيش الذي من مهامه الأساسية التضحية والفداء من أجل حماية هذا الوطن.

أو أن من يقوم بهذه المهمة هم بالفعل ضباط أمن الدولة بنفسهم

و لكن يرتدون ملابس الجيش

لأنها نفس الأساليب الخسيسة القديمة

لم يتغير منها حرف

و لا أعلم إذا كان للجيش خبرة في هذه الأمور

أتوقع أننا لا نرى الصورة كاملة

البعض يرى أن المجلس العسكري هو الشيطان بذاته

و في اعتقادي أنه له أخطاء جسيمة و لكن هم على ما يبدو أنهم مكبلون من جهة ما أو أنهم لا يملكون زمام الأمور كلها

و البعض الآخر يرى أن الثوار ملائكة بأجنحة

و هم في النهاية بشر و لهم أخطاء و سقطات كثيرة

بالإضافة إلى أن هناك من يندس بينهم بالفعل و إن لم يعترفوا بذلك فهم يستكبرون فقط عن الاعتراف بالحقيقة

هذه ثورة يا سادة في أكبر و أهم بلد في المنطقة

ألن تكون مستهدفة ليتم توجيهها في دروب معينة

كل طرف داخل و خارج مصر يحاول أن يوجهها على هواه؟

و آخرون يسخرون من وجود ما يسمى بالطرف الثالث

و أنا موقنة بالفعل أنه موجود

و لكن بما أن المجلس العسكري أضطلع بمهمة إدارة شئون البلاد فيجب أن يكون على قدر المسئولية

و لا يكتفي بالتصريح بأن هناك طرف ثالث

أعلن عنه و قم بالقبض عليه ببساطة

و بم أنه لم يفعل ذلك فهو لا يستطيع

كما قلت في البداية لأنه مكبل من جهة ما

و لذلك أقول أننا لا نرى المشهد بصورة صحيحة

الحكاية فيها إن ...

الحكاية فيها حد زي عمر سليمان

[التونسى]

صحيحة

الحكاية فيها إن ...

الحكاية فيها حد زي عمر سليمان

سبحان الله .. انا الليله اللى فاتت خطر عليا برده عمر سليمان .. وحاسس انه له يد فى اللعب والفوضى اللى بتحصل .. بس مش قادر اوصل لدليل مادى .. او حتى استنتاج منطقى .. طب سؤال .. انت مصدرك ايه يا لونا بخصوص عمر سليمان .. والا هو احساس برده ؟

[ابو محمود]

يا عم محمد باشا الم تسمع عن جهاز التحريات العسكرية والفرقة 13والفرقة 17

انهم كما تعلم من قوات مسلحة ومخابرات وتحريات عسكرية وبها من الظلم والتنكيل اشد عزيزى اننا كنا ولازلنا نعيش فى دولة بوليسية اما ان تقول ان امن الدولة!!! اننا فى دولة عسكرية من الاساس يعنى امن الدولة تابع اصلآ للعسكر ولما بيجي شيء خاص بالعسكر ينزوي امن الدولة ويكش ملك للعسكر

ياعزيزى الجيش المصرى اقوى سلطة بالبلاد سيبك بقى من اي شيء اخر المخابرات المصرية العامة جزء اصيل من الجيش وفرع من فروع المخابرات المصرية الحربية او كلاهما واحد مع الفارق بين ما يحدث بداخل الجيش

ياريت بقى نسيب الموضوع الشائك دة لانى غير مرتاح للكلام عن تلك الفئة من الناس فهم اذي وبيحضرو زى بسم الله الرحمن الرحيم هههههههههههههههههههههههههههههههههههههههههههههههههههههههههههههه

تم تعديل 23 ديسمبر 2011 بواسطة محمودمصطفى

[لونا]

صحيحة

الحكاية فيها إن ...

الحكاية فيها حد زي عمر سليمان

سبحان الله .. انا الليله اللى فاتت خطر عليا برده عمر سليمان .. وحاسس انه له يد فى اللعب والفوضى اللى بتحصل .. بس مش قادر اوصل لدليل مادى .. او حتى استنتاج منطقى .. طب سؤال .. انت مصدرك ايه يا لونا بخصوص عمر سليمان .. والا هو احساس برده ؟

مصادر إيه يا أ/ محمود ؟؟

بريء يا بيه

هو إحساس .. على شوية كلام تلاقيه متناثر هنا و هناك

أصلي مش قادرة أصدق إن أي واحد منتمي للجيش المصري مهما كان مرتشي أو فاسد أو فيه العبر

ما أقدرش أصدق إنه يكون خاين

طيب إيه اللي بيعرقل المجلس العسكري ؟

و تلاقيه بيقول كلام إنه لم و لن يطلق طلقة واحدة و الكلام ده

أمال الناس اللي بتموت دي إيه؟

و لو تفتكر بعد التنحي ..

كان م / تيمور قبل كل مليونية يقول وصلنا إن المجلس العسكري عايزنا نضغط عليه

يعني الجيش محتاج ضغط شعبي عشان يقول لحد تاني أنا باعمل كدة بضغوط

طيب مين الحد التاني؟

ليه عمر سليمان الوحيد من الرؤوس الكبيرة الذي لم يتم لمسه؟

ليه بيسافر و يقابل مسئولين في السعودية؟

لو أمن الدولة إتفكك زي ما بيقولوا ..

يبقى ده شغل مخابرات

و الله أعلم

[ابو محمود]

فيديو منع صاحبة من الظهور بالتليفزيون او الاعلام الحكومى

http://www.youtube.com/watch?v=OdPzdWRnx08

الرجاء من احدى الزملاء يظهر الفيديو

تم تعديل 25 ديسمبر 2011 بواسطة Mohammad

[التونسى]

فيديو منع صاحبة من الظهور بالتليفزيون او الاعلام الحكومى

http://www.youtube.com/watch?v=OdPzdWRnx08

الرجاء من احدى الزملاء يظهر الفيديو

الفيديو ده خطير .. ولعب لى فى دماغى بجد .. ويستحق موضوع منفصل بذاته .. عشان تفنيده والرد عليه باستفاضه ..

لو منتجع طره هو اللى بيحرك البلد وبيلعب بيها .. عبر التنظيم المزعوم ده .. كده البلد فعلا محتاجه ثورة ثانيه .. لكن ازاى يتم تحضير الشعب تانى عشان ((يحمى )) الثوار من التصفيه .. وللضغط بقوه على المجلس العسكرى؟

لا لا ثوره تانيه متنفعش حاليا .. الواحد تعب والله من كتر التفكير .. وبفكر اعتزل الاخبار والفيديوهات والسياسه كلها .. عشان فقدت القدره فعلا على الرؤيه من كثرة الضباب

تم تعديل 25 ديسمبر 2011 بواسطة محمود البصيلى

[ابو محمود]

فيديو منع صاحبة من الظهور بالتليفزيون او الاعلام الحكومى

http://www.youtube.com/watch?v=OdPzdWRnx08

الرجاء من احدى الزملاء يظهر الفيديو

الفيديو ده خطير .. ولعب لى فى دماغى بجد .. ويستحق موضوع منفصل بذاته .. عشان تفنيده والرد عليه باستفاضه ..

لو منتجع طره هو اللى بيحرك البلد وبيلعب بيها .. عبر التنظيم المزعوم ده .. كده البلد فعلا محتاجه ثورة ثانيه .. لكن ازاى يتم تحضير الشعب تانى عشان ((يحمى )) الثوار من التصفيه .. وللضغط بقوه على المجلس العسكرى؟

لا لا ثوره تانيه متنفعش حاليا .. الواحد تعب والله من كتر التفكير .. وبفكر اعتزل الاخبار والفيديوهات والسياسه كلها .. عشان فقدت القدره فعلا على الرؤيه من كثرة الضباب

علشان كدة يا صديقى نحتاج الى وقت مستقطع علشان نصحح المسار ودة مالا يوافق علية اهل الثورة او ركابها هههههههههههههههههههههههههههههههههههههههههههههههه