السبب وراء الدروس الخصوصيه - من؟؟؟؟؟؟؟؟؟؟؟

[هشام عبد الوهاب]

لماذا يلجأ اغلب الطلاب فى المدارس الى الدروس الخصوصيه هل بسبب المدرس ام المدرسة ؟؟؟؟  

هل المشكلة فى ضعف المدرسين ام ضعف الاداره ام صعوبة المقررات التعليمية ؟؟؟  

هل المشكلة فى التلميذ نفسه ؟؟؟

انتظر مشاركتكم ثم نتناقش  فقد نصل لأساس المشكلة  ثم قد نصل الى ايجاد بعض الحلول لها ......  و ارجو ان نكون موضوعيين والا نبالغ فى الاسباب .....

[abla]

الموضوع كبير جدا والاسباب كتيرة ... انتظر بعد ماارجع من الكلية اقولك رايي المتواضع

[M.Alshiek]

بلاشك ان معظمنا يتمنى فرصة التحاق ابناؤه بكليات القمة ، طب ، هندسة ، اسنان ، صيدلة ، وهكذا

وحيث اننى واحدا من هؤلاء ، فغصبا عنى ادفع سنويا حوالى 6000 جنيه دروسا خصوصية لكل من ابنائى على مدار 6 سنوات اليس هذا مما يدعو للشفقة.

مكتب التنسيق يختار اعلى المجاميع ، وبالتالى فيجب ان يحصل ابنائى على مجاميع عالية ، ومن سيحصل على 96% لن يكون سعيدا بطبيعة الحال لانه سيعيش فى قلق حتى يضمن ان ابنه او بنته قد قبل بالكلية التى يرغبها ، وهذا بالفعل حدث معى عندما حصل ابنى على 95% ( رياضة ) الى ان من الله عليه بكلية الهندسة ، وبالطبع فالقلق سيكون اكثر لو كانت الرغبة هى احدى كليات الطب.

لو كان السؤال هو لماذا او ماهو السبب وراء الدروس الخصوصية ، فقد او ضحت السبب،

أما لو بحثنا عن حلول عملية للمشكلة ، فيحب ان تتغير طريقة وعادتنا فى تناول هذا الامر ، يجب ان نعلم ابنائنا ان يبدأوا العمل مبكرا وان يصرفوا على تعليمهم من ناتج عملهم ولا بأس من مساعدتهم ، ولكن يجب ان يتحملوا جزءا من النفقات ، عندها سيختار الابناء مجال الدراسة الذى يحبونه فعلا او الذى يتوافق مع قدراتهم.

بلا شك لو استطعنا عمل ذلك فقد اصطدنا اكثر من عصفور بحجر واحد ، ستزيح بعض النفقات عن كاهل الاسرة ، وستكون بلاشك اقتصادية للبلد حيث ستستغل الطاقة المهدرة للشباب الذين لايؤدون عملا حقيقيا وقد بلغ بعضهم من العمر 25 - 30 عاما.

لو بدأ الشاب رحلة البحث عن وظيفة مبكرا واقصد بعد انتهاء المرحلة الثانوية فسيقدر قيمة العمل ، وقيمة المال ايضا ، وبالتالى فعندما يفكر فى الالتحاق بكلية ما ، فسوف يختار الكلية التى يرغبها فعلا لانه سيدفع ثمن التعليم

ربما اكون حالما ، او مخطئا ، قد لااستطيع ان اطبق ذلك على نفسى وابنائى ، لاننى مضطر ان اسير مع التيار ، ولكن فى الحقيقة الموضوع محتاج ثورة لتغيير عادات ومفاهيم عشنا عليها لسنين ، لو تحقق ذلك فسوف تختفى الدروس الخصوصية او على اسوء تقدير ستقل بدرجة كبيرة.

وعلى فكرة مدرسى ابنائى ( ولد وبنتين ) كانوا ممتازين ولكن المدرسة وحدها لن تحقق لهم الـ 99%.

ربنا يعيننا جميعا

[NonSuperior]

كلام السيد م.شيخ صحيح الى حد كبير :) كل الناس عاوزه تدخل كليه من كليات القمه وعشان تحقق ده لازم تجيب مجموع كبير وعشان تجيب مجموع كبير لازم تدح وتحفظ وتخلص المنهج سبع مرات قبل ما السنه تخلص .. طيب كل ده ممكن فى ظل الذهاب للمدرسه يوميا وتضييع الوقت مع مدرسين هما كمان مشغولين بالبحث عن دروس و طلبه اضافيين طول الوقت؟

المشكله مشتركه بين الطلبه و الاهالى اللى عاوزين مجاميع صاروخيه و المدرس اللى عاوز جنيهات اضافيه ماهو كمان عنده عيال محتاجين دروس.

مين باه اللى حط الاتنين فى الموقف ده؟ الوزاره مثلا؟ مش عاوزه القى اللوم عليها لوحدها انما مين اللى قرر نظام قبول فى الجامعه بل وكل المراحل التعليميه يعتمد على الحفظ و المجموع العالى بصرف النظر عن اى مهارات اخرى؟ اليست هى الوزاره؟ مش بدل ما الوزاره تصرف مبالغ طائله على مؤتمرات ووعود كاذبه بتطوير التعليم كانت طورت حال المدرس و المدارس واخذت اى نظام تعليمى اثبت نجاحه ؟ انما ليه :) خلينا فى الدوامه دى للابد :(

اعتراضى الوحيد على كلام الاخ الشيخ خاص بموضوع العمل .. مش عشان العمل وحش فى حد ذاته انما لعدم وجود عمل مناسب و مامون لافراد مفترض انهم هيكونوا فى مرحلة المراهقه مثلا يعنى فى حدود 15 سنه .. ايه الوظيفه اللى ممكن تامن ام على بنتها مثلا ولا حتى ابنها فى مثل هذا السن ولا تؤثر سلبا على سلوكه وتفكيره؟ لو كنا فى بلد مستواه الاقتصادى مرتفع عن وضعنا جايز كان الموضوع اصبح اسهل انما انا شخصيا بعد ما خلصت الثانويه العامه حبيت اشتغل مندوبة مبيعات لانها الوظيفه الوحيده المتاحه لذوى عدم المؤهلات زيى ساعتها :) وطبعا الموضوع رفض تماما :( مش عشان الشغل فى حد ذاته فكره سيئه انما لانه فى الغالب الوظيفه الملائمه للسن ده صعب ايجادها

الشغل طبعا تجربه رائعه لاى شخص انما المشكله ان العمل الذى لا يحتاج مؤهل هيكون فى الغالب عمل بسيط وكذلك ما يدره من دخل وده صعب تصور انه سوف يؤدى بالابن انه يدرس بعد ان يعمل .. لان العائد لن يكفى فى الغالب .. وماعرفش مدة صلاحية شهادة الثانويه العامه اد ايه عشان مثلا ادرسها السنه دى وادخل الجامعه بعد خمس سنين !! وطبعا للحديث بقيه ان شاء الله