حوار عقلاني مهذب مع المنتمين للتيار الاسلامي

[MZohairy]

عايزين نتناقش بهدف الوصول الى انهاء الأزمه بهدوء و بدون سخريه و برقي

ده اذا اعترفتوا اولا بوجود ازمة

و اذا اعترفتوا ثانيا بضخامة عدد معارضيكم

من غير الشرطين دول مش هينفع نتناقش...و بالتالي اللي مش مقتنع بيهم يبقى فضلا لا امرا يعفينا من الجدال

مش هقول 49% زي نتائج انتخابات رئاسة الجمهورية رغم ان قناعاتي بتقول ان المعارضين للتيار الاسلامي اكثر من 65% من الشعب المصوت حسب توضيحي فيما سبق كثيرا

خلينا ناخد بخاطركم و نقول انهم 40% مثلا...يعني مجرد رقم يعني الضخامة و الاقلية في نفس الوقت

دلوقتي ال 40% دول يخالفوكم الرأي 100%

و مصريين عايشين في مصر

عايزين تسموهم فلول تسموهم ثوار تسموهم كفار تسموهم معارضين ...فالنتيجه النهائية انهم مصريون و مختلفون معكم في الرأي تماما....

الناس دي هتفضل تعارض بكل قوتها فيما تراه في مصلحة بلدها (من وجهة نظرهم)

و انتو و مرسي منشفين دماغكم و مش مستعدين لاي تنازلات

طيب ايه الحل؟

مستحيل يا جماعه حد يقدر يقضي على التاني

او يسجنه

او ينفيه

الاتنين قاعدين على قلب بعض الى ان يشاء الله

هل شايفين اي حل غير الحرب ...او التفاوض (مع تقديم تنازلات من الطرفين)....او التقسيم؟

لن يستطيع مرسي و النظام اخماد المظاهرات و الاعتراضات ابدا

و طبعا ده بيعكس صوره للعالم ان جزء لا يستهان به من الشعب يرفضه

يعني الاستقرار مستحيل و الاستثمار مستحيل و الهدوء و الراحة مستحيلة و النمو مستحيل و النهضة مستحيله (في ظل هذا الوضع)

مما يعني ايضا فشل اول نموذج اسلامي لحكم مصر و العياذ بالله

يعني الوضع ده مضر لكم قبل مايكون مضر لمعارضيكم

ايه الحل العقلاني الهادئ لمثل هذا الوضع؟

اشكركم

[متعب]

حل ايه يافنان .. ومع مين اصلا .

الكل يعرف ان كل المنتمين الى هذه التيارات المشبوهه ملهمشى اى تصرف شخصى . . مفيش اى اختيار عندهم

يعنى لايملكوا اى شىء من امورهم . يبقى هتتحاور مع مين بقى . اذا كانوا اصلا لايملكون اى حلول ومنتظرين مكتب .... ال مشغلهم . البيج بوص يعنى

هاتلى واحد فى ظل الاحداث دى او ال قبلها او او . اتخلى عنهم او انفصل عنهم

طيب حاول تتخفى كده فى دور واحد لاينتمى لاى تيار وتحاور مع اخوانى او سلفى . هيقولك على الفور ان قتل اى معارض ليهم حلال وهتلاقيه يتكلم بغل وحقد محدش شافه قبل كده على اى قتله او اى مجرمين .

الانشقاق ده وهمى والصراع الان بين مصر والتيار المتأسلم .يعنى مصر مش مقسومه نصين زى ما بيروجوا لده

يبقى الصح الانقسام حاليا كتاتى

بين كفرة مدعين اديان وبين الشعب المصرى . فى تصنيف تانى . فى اى تيار تانى معاهم ؟

تم تعديل 7 ديسمبر 2012 بواسطة عطر الجنة
حذف بعض الاتهامات

[Alshiekh]

يا أستاذ زوهيري انت طيب قوي

المعارضين الآن أصبحوا خونة وعملاء وفلول وكفرة

وبما ان المعاضين كذلك، وبما انهم يرون انه قد تم لهم التمكن،

فما على المعارضين إلا دفع الجزية عن يد وهم صاغرون،

الحوار مع هؤلاء غير مجدي لانهم يؤمنون بنقض العهود ويسمونها تورية وتعريض.

الحل مع هؤلاء هو ان يواجههم رئيس مثل جمال عبد الناصر

[متعب]

هما دول ال بتطلب الحوار معاهم يازوهيرى

http://www.youtube.com/watch?v=CaS9hF4H7_g

[MZohairy]

انا مش عايز اعمل زيهم و اتعالى على خصمي

عايز اتواصل معاهم كشريك في الوطن مضطر شئت ام ابيت ان اتعايش معهم

وهمهم و تعاليهم و اعتقادهم بأننا اقلية مش عايز اقابله باعتقاد بانهم خونه و جهلاء ووووو

لازم نتحاور كأعداء بنحترم بعض للوصول الى حل في هذه الازمه المهوله

[متعب]

اعتقد آن الان لك ان تعتذر بشرف عن فتح هذا الحوار مع هؤلاء وان تطلب من الادارة قفل هذا الموضوع ومن ثم الحوار

http://www.youtube.com/watch?v=t2liwEqNfFY

تم تعديل 7 ديسمبر 2012 بواسطة متعب

[MZohairy]

خلاص اطلب من الادارة قفل الموضوع

شكلها كده مش هتخلص على خير ابدا

[متعب]

خلاص اطلب من الادارة قفل الموضوع

شكلها كده مش هتخلص على خير ابدا

موقف محترم واضم صوتى لهذا الصوت للادارة الموقرة بقفل هذا الموضوع ومن ثم الحوار من اصله

[aimen]

"انا اسف يا محمد " مع حفظ الالقاب

دا اللى اقدر اقوله لك .....

للاسف الموضوع كده بقى فعليا

اما تيار دينى بمختلف اتجاهاته ولا استثنى احد لان الكل يظهر للاسف عكس ما يخفى فى المعظم واما ناس وسطية

وابشرك بدأت البوادر من امس البعض على تويتر بدأ تجهيز قوائم بشركات الاخوان ومنتجاتهم وبدأ يدعو لمقاطتعها

لك الله يا مصر

[الفنان]

احيك استاذ زهيري

لكن معنى حوار ان تكون محايد و منصف اما و انت ترى اني عدو من البداية و شققت عما بقلبي مثل كلام الاساتذة بالاعلى اذا لماذا تتحاور و انت صانع قناعة مسبقا عن محاورك

هذا ليس انصافا و سيكون جدالا مش حوارا

الحوار البناء ان ينصاع احدنا بالغالب في النهاية للحقيقة المتكشفة من الطرف الاخر و لكن زي ما حصل قبل ذلك مع ابو ريم و استاذ سكوربيون من حوار و تعليق يبين بالصوت و الصورة كذب المنشور من الاستاذ سكوربيون و يطلب منه ابو ريم الاعتذار و لم يستجب بل قال اغتذار ايه !!!!!!!!!!

ده نموذج اننا نجادل و لا نتحاور

عندما تكون النفوس صافية تطلب بصدق الحقيقة هو ده التحاور

تحياتي

[eslam elmasre]

حوار مع مين يا زهيري

اذا كان هم لا يؤمنون بالحوار اصلا ومتربيين على السمع والطاعة وكل من ليس معهم فهو عليهم

تتحاور مع ناس مقتنعة بنسبةمية في المية ومش تسع وتسعين في المية انهم صح وغيرهم على خطأ

ناس تتحاور معك من منطلق التعالي والكبرياء وانهم عالمين بما لا تعلمه لذلك وجبت طاعتك

تتحاور مع ناس تنصر اخاها ظالما او مظلوما بمفهومها السطحي وليس الموضوعي

تتحاور مع ناس ليست مقتنعة واحد على المليون بانهم من الممكن ان يخطئو

وعلى رأي المثل

لا ترقع الدايب ولا تعاتب الخايب

لا الدايب عمره ما هايرجع جديد ولا يتصلح

ولا الخايب ممكن يتعدل ابدا

وفر وقتك ومجهودك في حاجة مفيدة

[أبو محمد]

زوهيرى قال :

و اذا اعترفتوا ثانيا بضخامة عدد معارضيكم

حسـبـة بسـيـطة

من غير زيـطة

ولازمـبــليـطـة

فى انتخابات المرحلةالأولى حصل مرسى على ما يقارب 5 مليون صوت

وحصل أبو الفتوح على ما يقارب 3.5 مليون صوت

من مجموع الأصوات البالغ عددها حوالى 20 مليون صوت

مرسى أخد "كل" أصوات الأخوان والمتعاطفين والمحبين وبعض أصوات السلفيين

أبو الفتوح أخد أصوات باقى أصوات السلفيين وبعض أصوات الثوار

سنفترض أن جميع أصوات ابو الفتوح كانت من السلفيين

إذن أصوات ما يسمى بالتيار التيار الاسلامى 8.5 مليون صوت من العشرين مليون

أى بنسبة 44.5% من مجموع الأصوات

الآن نجح مرسى فى تقسيم البلاد إلى "إسلاميين" ومصريين

فلمن الأغلبية يا متعلمين يا بتوع المدارس ؟

يبقى "لو" فيه حوار .. ياريت يبطل "الإسلاميون" نغمة التعالى بتاعتهم

والاعتماد على نتائج الاستفتاءات الالكترونية المضروبة

[التونسى]

مرسى لو سقط او تم خلعه .. البلد دى لن تقوم لها قائمه .. مش عشان مرسى هو الراجل السوبر والاخوان دول هما المخلصين .. بالعكس تماما ..مرسى والاخوان فعلا اخطاؤا سياسيا فى ادارة الازمه الاخيره .. انا كواحد من مؤيدى مرسى بعترف بده .. ومعجبنيش خطابه امبارح ..لكن انا عايز اخواتنا المثقفين والنخبه والعلمانيين والليبراليين يستخدموا عقلهم وبُعد نظرهم ويعاينوا الموقف الحالى بزاوية ((عين الطائر)) .. احنا مقدمناش فعلا حاليا غير اننا ندعم مرسى ونسايسه وناخده باللين .. و خصوصا الاعلام .. مفروض الاعلام .. لا مش مفروض .. دا(( لازم)) يغير من لهجته وخطابه الاعلامى الهجومى الشرس على مرسى وعلى الاخوان .. لو الناس دى فعلا وطنيه ومش ((مأجوره أو مغرضه)) .. انا امبارح عجبنى جدا حوار لحسنين هيكل مع لميس ((رغم انى مش من محبينه)) . الراجل داخل على تسعين سنه ورغم ذلك كان رأيه عقلانى وحكيم اكتر من ناس كتير فى نصف عمره ويدعون العقلانيه .. الراجل قال مش معقوله فى سنتين الشعب يقول ((ارحل)) سبع مرات .. والمره دى ارحل حتكون صعبه جدا لان فيه شعب انتخب .. وفيه ديموقراطيه اتفعلت

مش عايز اطول عليكم .. انا طبعا بحترم جدا جدا دعوتك يا فنان فى ايجاد حل (رغم ردك المتناقض مع دعوتك دى فى موضوع الثور الاخوانى)) .. لكن ما علينا .. عاذرك برده .. الموقف صعب جدا ويبرجل أجدعها عقل

انا لو رجع بيا الزمن مكنتش دعمت مرسى او الاخوان .. حماية لمصر من فتنة محتمله.. وحماية للاخوان والتيار الاسلامى اللى ورط نفسه فى فخ الرئاسه . لكنى حاليا وبعين الواقع .. حدعمهم بكل قلبى وعقلى وروحى ..لانهم أصبحوا قدر مصر .. مش عشانهم لكن عشان مصر ..ودا مش كلام عاطفى او للاستهلاك المحلى ..

انا على فكره مش فارقه معايا مين يحكم .. وكنت حدعم اى حد يوصل للرئاسه ((الا شفيق )) وكان ومازال كل امنيتى انى اشوف بلدى زى الدول المتقدمه اللى انا عشت فيها .. واللى بتمنى مرجعش لها تانى ..

انا عندى كلام كتير .. بس بختصار انا رؤيتى للوضع كالتالى .. ياما احترام الديموقراطيه وتدعيم مرسى حتى نهاية فترته الرئاسيه .. يا إما ((ولا إنتم ولا هُما)) ويتم اعلان الاحكام العرفيه .. وواحد دكر من الجيش يروح لامم شويه من قيادات الليبراليين واليساريين على شويه من قيادات الاخوان والسلف .. ويرميهم فى السجون والمعتقلات ... ونرجع نتحكم زى ما طول عمرنا بنتحكم .. بالحديد والنار .واللى مش عاجبه بقى ساعتها وعايز حريه وديموقراطيه يبقى يشوف له بلد تانيه

وتوته توته خلصت الحدوته .. واحمد ربنا يا فنان انك عندك وطن بديل .. زى ما انا ما بحمد ربنا على ده ايضا

تم تعديل 7 ديسمبر 2012 بواسطة محمود البصيلى

[أبو محمد]

للأسف يا شاعر

مداخلتك جميلة ومكتوبة كويس

لكنها تقوم على أساس خاطئ

وهو أن الجميع يريد إسقاط مرسى

ولذلك فإنها تخلص إلى اقتراح أكثر خطأ من الاساس الذى بنيت عليه المداخلة

حضرتك بتقترح إننا ناخده باللين .. يعنى حضرتك شايف المصريين بهذا الضعف ؟

إن كنت فعلا تعتقد هذا .. فهو خطأ ثالث ينضم إلى الخطأين السابقين

الحل ياأستاذ محمود أن يرجعه مناصروه ممن ليس فى رقبتهم بيعة

أقول هذا لأن من فى رقبتهم بيعة لا حول لهم ولا قوة .. ولا خيار لهم

سوى السمع والطاعة

المفروض أن المناصرين ممن ليس فى رقبتهم بيعة أن ينبهوه

إلى أنه يجب أن يتحلى ببعض الوعى للتاريخ القريب فضلا عن البعيد

فما أورد مبارك موارد الخزى والخلع سوى عناده وانفصاله عن الشارع

وسماعه لبضع مستشارين من مستشارى السوء أو سوى سماعه لأوامر من يمسك

بخيوط عرائس الماريونيت فى يده ويلعب فى الظلام من وراء ستار

لو فهم مرسى أن إعلانه المشؤوم قد قسم الشعب المصرى وجره إلى اقتتال

ولو كان يملك من أمره شيئا لسارع إلى إلغائه (على افتراض أنه ليس من تدبيره هو)

لو عنده ذرة من استقلالية وإرادة لكان قد فهم أنه لا يمكن أن يتم استفتاء

فى هذا الجو من الاستقطاب الرهيب الذى وصل إلى حد الاقتتال بالرصاص والخرطوش

ومع ذلك ظهر أمس وكأن ليس له من الأمر أى شئ .. واقترح اقتراحا ليس هو والعدم سواء

فالعدم كان أفضل من أن يهين القوى المعارضة بدعوتهم الى اجتماع يوافقون فيه

على ما قرره هو أو ماقرره مكتب الارشاد له

لا ياشاعر

أنت مخطئ فى افتراض أن المعارضين ضد الشرعية ويريدون اسسقاطها

(والحمد لله أنك ما زلت عند حسن الظن بك ولم تفترض أن المعارضين ضد شرع الله)

أنت مخطئ فى أن تدعو الشعب المصرى لأخذه باللين وهو يدفع البلد إلى دمار شامل

أنت مخطئ فى اعتقادك بأن الشعب المصرى أضعف من مكتب الارشاد وممن فى رقبتهم بيعة

على السمع والطاعة فى المنشط والمكره

طبعا مع كامل احترامى لدوافعك النبيلة من وراء مداخلتك (اللى مكتوبة كويس)

[التونسى]

للأسف يا شاعر

مداخلتك جميلة ومكتوبة كويس

لكنها تقوم على أساس خاطئ

وهو أن الجميع يريد إسقاط مرسى

ولذلك فإنها تخلص إلى اقتراح أكثر خطأ من الاساس الذى بنيت عليه المداخلة

حضرتك بتقترح إننا ناخده باللين .. يعنى حضرتك شايف المصريين بهذا الضعف ؟

إن كنت فعلا تعتقد هذا .. فهو خطأ ثالث ينضم إلى الخطأين السابقين

الحل ياأستاذ محمود أن يرجعه مناصروه ممن ليس فى رقبتهم بيعة

أقول هذا لأن من فى رقبتهم بيعة لا حول لهم ولا قوة .. ولا خيار لهم

سوى السمع والطاعة

المفروض أن المناصرين ممن ليس فى رقبتهم بيعة أن ينبهوه

إلى أنه يجب أن يتحلى ببعض الوعى للتاريخ القريب فضلا عن البعيد

فما أورد مبارك موارد الخزى والخلع سوى عناده وانفصاله عن الشارع

وسماعه لبضع مستشارين من مستشارى السوء أو سوى سماعه لأوامر من يمسك

بخيوط عرائس الماريونيت فى يده ويلعب فى الظلام من وراء ستار

لو فهم مرسى أن إعلانه المشؤوم قد قسم الشعب المصرى وجره إلى اقتتال

ولو كان يملك من أمره شيئا لسارع إلى إلغائه (على افتراض أنه ليس من تدبيره هو)

لو عنده ذرة من استقلالية وإرادة لكان قد فهم أنه لا يمكن أن يتم استفتاء

فى هذا الجو من الاستقطاب الرهيب الذى وصل إلى حد الاقتتال بالرصاص والخرطوش

ومع ذلك ظهر أمس وكأن ليس له من الأمر أى شئ .. واقترح اقتراحا ليس هو والعدم سواء

فالعدم كان أفضل من أن يهين القوى المعارضة بدعوتهم الى اجتماع يوافقون فيه

على ما قرره هو أو ماقرره مكتب الارشاد له

لا ياشاعر

أنت مخطئ فى افتراض أن المعارضين ضد الشرعية ويريدون اسسقاطها

(والحمد لله أنك ما زلت عند حسن الظن بك ولم تفترض أن المعارضين ضد شرع الله)

أنت مخطئ فى أن تدعو الشعب المصرى لأخذه باللين وهو يدفع البلد إلى دمار شامل

أنت مخطئ فى اعتقادك بأن الشعب المصرى أضعف من مكتب الارشاد وممن فى رقبتهم بيعة

على السمع والطاعة فى المنشط والمكره

طبعا مع كامل احترامى لدوافعك النبيلة من وراء مداخلتك (اللى مكتوبة كويس)

تصدق يا بومحمد العزيز فكرتنى انى شاعر ههههههههههههههههههه .. ما علينا .. والله ده شئ يسعدنى فعلا لو دى نية حضرتك بشكل شخصى ((نية عدم اسقاط او افشال الرئيس)) .. لكنى من ناحيه تانيه شايف الاعلام كله تقريبا ماشى على نفس النغمه دى حاليا وكإنه كان بيخطط لها .. والنغمه هى (( الرئيس فقد شرعيته.. )) والغازيه لازم ترحل .. قالها ناس كتير .. علاء الاسوانى .. عبد الحليم قنديل .. النائب ابو العلا بتاع اسكندريه .. ابراهيم عيسى .. وغيره وغيره كتير من الرموز السياسيه الاشهر .. اللى بيتاجروا بكل الدماء .. سواء كانت دماء بلطجيه.. او دماء شهداء بالفعل

وهنا فى المحاورات وبدون ذكر اسماء .. انتقاد اقل ما يوصف انه بشع وقمئ لكل ما يفعله الرئيس .. وشائعات بالكوم .. وتحريض إجرامى.. وتدليس مفضوح.. واخبار وصور مفبركه .. بصراحه شئ فعلا لا يحتمل جعلنى شخصيا ((أنخرس)) .. داعيا الله مخلصا أن يهدى النفوس وينور البصائر .. وبرده برجع اعذر الناس قليلا .. لانى اكتشفت ان كره الاخوان ده بيجرى مجرى الدماء فى الشرايين للبعض .. والكره ده اللى مسيطر عليهم وعاملهم غسيل مخ ((متجدد)) ولا يفنى

أنا زى ما قلت فى مداخلتى ان مرسى فعلا اخطأ سياسيا ((او يبدو) فى اكثر من موضع واخرهم خطابه امس ((والله اعلم بالكواليس وما وراء الستار اللى دفعه ان يكون ده موقفه)) انا مش بحاول اختلق له اعذار .. لكن فعلا محدش يقدر يجزم بخطأ او صحة توجهات مرسى وموقفه العنيد تجاه الازمه الحاليه .. واذا كنت بدعو معاه باللين .. فده مش عشانه هو .. لكن عشان هو دلوقتى شئنا ام ابينا هو رئيسنا وولى امرنا .. وبرده مفروض يكون له احترام وهيبه .. ومش عايز اقولك انه خليفة الله فى الارض لحكم مصر عشان عارفك عندك حساسيه من موضوع ((الخلافه)) هههههههههههههههههههه

أتمنى سيدى الفاضل أن اكون مخطئ فيما ذهبت إليه .. بل اتمنى ان أنسحق رمالاً.. تطاؤها الاقدام .. فداءا لرفعة الوطن.. وعزته.. وأمنه.. وسلامه الاجتماعى

تم تعديل 7 ديسمبر 2012 بواسطة محمود البصيلى

[justme]

فلنقرأ اولا تاريخ نجاح الأمم المختلفة التي نهضت من كبوتها والتي فشلت في النهوض ونقارنه بما يحدث في مصر

اقرأوا كيف كانت بداية لولا دي سيلفا مع الاعلام وكيف انتهى

وكيف بدأت رومانيا ثورتها وكيف انتهت

ولنسأل لماذا توحد الفلول ضد الدستور ؟

ابحث عن المصالح تعرف اين الحق واين الهوى

المشكلة اننا جميعا نعتبر انفسنا على صواب والأخرين على خطأ تماما ولا حجة لهم

كل من هم على الساحة الا عدد بسيط يقول انا منهجي هو السليم ولا يقبل النقاش

ما يحدث في مصر مثل اصحاب السفينة الذين هموا بخرق القاع لمصلحتهم ولو فعلوا لغرقت السفينة

كل من طالب بالديموقراطية من التيارات الليبرالية والعلمانية الان لا يقبلها ويعتبر نفسه الشعب ويطالب بتشكيل لجنة بدون انتخاب ترضيهم ولم يرفعوا ابدا خيار انتخاب لجنة مباشرة من الشعب كذلك يرفض الاستفتاء على الدستور من الشعب

هل سمعنا ان الاسلاميين يحرقون مقرات حزب الدستور او اي حزب أخر الأن؟

هل تحالف الأخوان مع الفلول وهل يؤيدوه ؟

هل اذا خرج اي دستور بنسبة 70% سيرفض يعني مثلا 8 مليون قالوا لا يبقى مش هناخده

وفي النهاية

(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) 32 سورة المائدة

تم تعديل 7 ديسمبر 2012 بواسطة justme

[MZohairy]

يا جماعة الخير

صدقوني لن نتفق كفريق واحد لأننا فعلا أعداء فكريا

لذلك طالبتكم بحوار مماثل لمفاوضات مصر مع إسرائيل في كامب ديفيد

أعداء بس لازم نحترم بعض لان مفيش فينا طرف يقدر يقضي على الآخر

يبقى نتفاوض بحيث نشوف كل فريق يقدر يقدم تنازلات قد ايه لخصمه من اجل السلام

إنما العداوة باقية فكريا لا محالة