اذهب إلى المحتوى
محاورات المصريين

روبي ودينا وولاد الذين

مصرى

بواسطة مصرى
في دعوة للأبتسام

 مشاركة

Recommended Posts

مصرى عضو جديد

مصرى

بتاريخ:
بتاريخ:
طبعا ما جابش سيرة عن مرافقة " روبى هانم .. ودينا هانم خبيرات تنشيط ..........الإقتصاد بلاش افترا

أيه ده يا عمنا .. هوه روبى ودينا كانوا فى دافوس !! vlh::

عزيمة فرد واحد يمكن أن تحدث فرقاً .. وتصنع التغيير

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
طبعا ما جابش سيرة عن مرافقة " روبى هانم .. ودينا هانم خبيرات تنشيط ..........الإقتصاد بلاش افترا

أيه ده يا عمنا .. هوه روبى ودينا كانوا فى دافوس !! vlh::

تصور يا عم مصري إنهم كانوا هناك ؟

وهناك أخبار تناقلتها الصحف عن هذ الموضوع .. ونفت الحكومة إنها أخدتهم على حساب الدولة ..

بس اعتقد إن الموضوع دخل في غيرة حريم .. ومش أي حريم :o mig: .. دول بتوع البهاريز كلها ...

فلقد رأيت شارون ستون واقفه وقفه أسد في إحد إجتماعات دافوس وبعون الله في قعدة واحده لمت مليون دولار لمساعدة ضحايا الملاريا في القارة الأفريقيا ...

وبالتالي إستنتاجاتي بتقول إن دينا وروبي شافوا كده راحت الغيره كلت قلبهم فراحت روبي قايله لدينا :

روبي : بت يا دينا .. ماحنا حلوين برضوا ومسجلين اداب ... إشمعنى البت شارون بتاعت غريزة أساسية في هزة واحده لمت أرنب اخضر من الجماهير بتاعت دافوس ؟

دينا : بتتكلمي جد يا روبي ... طب إحلفي بالختمة كده ؟

روبي : إن شالله أعدمك ده حصل .... والظاهر يا دودي إن الفلوس هناك بالهبل ... ما تيجي نقلب عيشنا هناك يا بت ونطلع لنا بكام باكو من أبو خمسة جنية وثمانين قرش ؟

دينا : بس هاناخد تأشيرة سويسرا إزاي ؟... ده إحنا سمعتنا سبقانا وبالتأكيد لازم تلاقي واد من المقاريص اللي في سفارة سويسرا إتفرج على السي دي بتاعي وشكلي هايبقى وحش قدامه وانا بأقدم على الفيزا وهايظن فيه ظن بطال ويقول انا رايحه سويسرا عشان قلة أدب ...

روبي : ولا يهمك .. سيبي لي أنا الموضوع ده ... أنا يا سيتشي إلا ما انتي هاروح للدكتور نظيف ... واطلب منه أننا نروح كمشجعين مرافقين للبعثة المصرية .. أو تقدري تقولي كده مصاريف رحلتنا هاتبقى تحت بند الترفيه عن أفراد البعثة اللي بيشقوا ويتعبوا عشان يسلكوا لنا قرشين من الناس اللي متريشه بتوع دافوس ... وإن قالي ساعتها لأ ... هاقولوا أنا آه ... وإن قالي تاني لأ هاقوله برضوا آه ... وأفضل وراه لحد ما أدور دماغه ويوافق .

وهكذا يا ساده تختار مصر ممثلينها بعناية فائقة ... مش عيب إن واحده من الوفد تكون رقاصة ولها أفلام متداولة في السوق ، أو متبرة ساقطة زي روبي لا تستخدم صوتها فقط في الغناء ولكنها تُغني بجميع جوارحها وأحاسيسها ( ربنا يعلم باللي في بالي :o ) ... ولكن العيب في ان يكون لدى مصر تلك المواهب المدفونة ولا نحاول إستخدامها كمورد من موارد الدخل القومي ...

ويجعله عامر ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

أسف لتحويل مسار موضوع أيمن نور الراجل اللي بزمانه يتسحل دلوقت وواخد 45 يوم قابلة للتجديد .. وتلك الفترة كفيلة بإنها تنسيه إسمه ..

لكن بمناسبة روبي ودينا ... أنا بأقترح إستحداث وزارة جديدة لتضم في عضويتها روبي ودينا مع بعض ولنطلق عليها " وزارة الدعم المعنوي " او " وزارة الأُنس "

وتكون اهدافها محددة والهدف الرئيسي لها هو جلب العملة الصعبة والسهلة عن طريق هز الوسط وأشياء آخرى ..

ونلف بهم بقى على المؤتمرات والإجتماعات والسهرات ونلم من وراهم ....

وانا واثق إن في خلال خمس سنوات او نقول ستة هانوصل ونبقى حاجة جامده قوي وكل الدول التانية هاتحترمنا ...

انا حزين قوي وتقريباً هاتيجلي نقطة ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
مصرى عضو جديد

مصرى

بتاريخ:
  • كاتب الموضوع
بتاريخ:
وإن قالي ساعتها لأ ... هاقولوا أنا آه ... وإن قالي تاني لأ هاقوله برضوا آه ...

vlh:: لا يا أبوالسيد .. الموضوع ده ما يفوتش كده .. ضرورى يتم فصله فى موضوع مستقل ونتابع تفصيلاته mig:

عزيمة فرد واحد يمكن أن تحدث فرقاً .. وتصنع التغيير

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

هذ ولقد نما إلى علمنا بإن المدعوه دينا وتابعتها روبي أثرتا على الرجل الضعيف أحمد نظيف وتم إدراجهما على قائمة الوفد المسافر لتمثيل مصر في مؤتمر دافوس إضافة إلى السيد الأستاذ الدكتور جمال مبارك الشهير بعبقرينو ... والسيد زكريا عزمي الشهير بـ " مطرح ما ترسي دقلها ... وأركب الموجه بدل ما تروح في الهوجه "

وإلى حضراتكم وقائع المؤتمر العالمي :

د / نضيف : أيها السيدات والسادة الأغنياء ... ليدز أن جينتل مين المتريشين ... يُسعدني أن أُقدم لكم أعضاء الوفد المصري :

1- السيد / جمال مبارك .... الخليفة المنتظر ... والرئيس القادم غصبٍ عن عين التخين ...

2- زكريا عزمي ... الراجل المهم ورئيس ديوان رئيس الجمهورية ... اللي انا شخصياً مش عارف يعني إيه لحد دلوقت ..

3- نجمة الموسم وكل موسم ... السيدة الدكتورة دينا اللي أطلقنا عليها لقب " أم المصريين " - على فكرة إحنا سحبنا اللقب من صفية زغلول والحي أبقى من الميت - الست دينا صاحبة الصدر الحنون الذي يرتمي عليه كل مصري متعطش لحنان الام ..

طب واحد سويسري لمض يسألني إيه علاقة دينا بدافوس بالإقتصاد وبك إنت أساساً ا ؟

أقوله يا حبيبي أنا اول ما مسكت الوزارة روحت رافع شعار الحكومة الأ ليكترونية ... طب برضوا ممكن يزود في الكلام ويقولي .. برضوا دينا فين من الموضوع ده كله ؟ ..

أقوله يا حبيبي .. الست دينا بتساهم إسهامات مباشرة في الطفرة التكنولوجية التي تحدث في مصر الآن ... فبلا فخر كان لها إنجازات عديدة وأيادي بيضاء في إنعاش تجارة السي ديهات في مصر ... وأصبح كل فتى مصري صغير السن يسأل ويتعلم عن كيفية إستخدام برامج نسخ السي ديهات .. لدرجة إن شركة LG وشركة Gold وهما من أكبر مصنعي السي ديهات الفاضية في العالم بعثوا لها خطابات شكر وتأييد على ما حققته لهما من زيادة في أرباح المبيعات في السوق المصرية ...

طب نفس الشخص السويسري اللمض هايسألني .. طب دينا وعرفناها .. طب وروبي يا نضيف جايه تعمل إيه ؟

أقوله يا لمض .. روبي هي " صوت مصر الحُر " والحُر ممكن تتقري بمعنيين واحد جاي من الحريه والتحرر من كل شيء حتى من الملابس .. وواحد تاني من الحر اللي الناس بتبقى طالعه فيه من هدومها ... وروبي تجمع بين الإثنين أيها السيدات والسادة ...

والأن اترككم مع فاصل غنائي راقص تؤديه لكم السيدتان روبي ودينا ...

ونفس السويسري اللمض هايسألني طب وغنت هاتعمل إيه يا نضيف .. هاقوله أنا هاطبل وجيمي هايلم النُقطة .. وعزمي هايراقب الجو عشان بوليس الآداب السويسري ما يعرفش أبوه ..

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
achnaton عضو جديد

achnaton

بتاريخ:
بتاريخ: (معدل)

مش معقول يا ابو عمر .. كل ده يطلع منك .. ؟!!! الحمد لله انك مشرف .. عندك حصانه .. مش زى حصانة سيد قراره .. هل تعلم أن النائب طلعت السادات - هو انت قريبه .. ولا فتحت المندل وعرفت اللى قاله تحت القبه .. لأ .. ماتروحش بعيد !!.. قبة المجلس الموقر .. شوف ياسيدى .. أنا حانقل لك كلام النحروس أبن الباشا الكبير " الفة " المجلس .. وافتح لى ودانك وتمعن .. ولما تتسلطن تمام .. علق .. أو علج حسب ما تشاء .. ماهى كانت فى العراق واحد ..

فى صفحة 5 من جريدة الجماهيريوم 2 فبراير2005 لصاحبها ورئيس مجلس ادارتها الشاب النابغة اللآمع معتز الشاذلى فيه خبر صفغنن بيقول الآتى : <span style='font-size:17pt;line-height:100%'><span style='font-family:arial'>" شطب كلام السادات من المضبطه "

ده العنوان النص بقى :

" الشطب من المضبطه يكون لكلمه او كلمتين لكن المرة دى الشطب لكل الكلام اللى قاله طلعت السادات عندما تحدث عن اسماء الفنانين الذين توجهوا الى دافوس لتمثيل مصر مع وفدها الرسمى . استنكر النواب اقحام الفنانين وعدم اعتماد النائب على الحقيقة ووافق المجلس على شطب كلام السادات من المضبطة .. "

وخلص النص .. وخلصت معاه كل معانى الكرامة بذمتكم دا مجلس ونواب ممكن ان تسريح لهم فى تعديل مواد الدستور ؟؟؟ </span></span>

vlh::mig: taz:: taz:: taz::

تم تعديل بواسطة achnaton

كلمات حق وصيحة فى واد .. إن ذهبت اليوم مع الريح ، فقد تذهب غدا بالأوتاد ..

ليس كل من مسك المزمار زمار .. وليس كل من يستمع لتصريحات الحكومة الوردية ..حمار

ويا خسارة يامصر .. بأحبك حب يعصر القلب عصر

رابط هذا التعليق
شارك
مصرى عضو جديد

مصرى

بتاريخ:
  • كاتب الموضوع
بتاريخ:

يقال أن دينا كانت فى الشهر الماضى ضيفة البرنامج الذى يقدمه محمود سعد فى التليفزيون وأنها خلال هذا البرنامج اعترفت بهدوء بسلامة الفيلم الاباحى الذى يجمعها بأبوالفتوح .. لكنها بكت بحرقة وأقسمت بأغلظ الإيمان بأن صورتها وهى ترتدى الحجاب مزورة ولا أساس لها من الصحة .. وأنها حينما ذهبت إلى الحج كانت حريصة على عدم التصوير بالحجاب !! vlh::

Large294555.jpg

دينا بالحجاب .. قبل السفر إلى دافوس mig:

عزيمة فرد واحد يمكن أن تحدث فرقاً .. وتصنع التغيير

رابط هذا التعليق
شارك
مصرى عضو جديد

مصرى

بتاريخ:
  • كاتب الموضوع
بتاريخ:

دينا وأخواتها

إشكالية العلاقة بين الفضائح والسياسة

من فنانات يبحثن عن الشهرة .. إلى حكومات تسعى إلى ستر عوراتها

الوصـــــــــــلة

عزيمة فرد واحد يمكن أن تحدث فرقاً .. وتصنع التغيير

رابط هذا التعليق
شارك
Cleo عضو جديد

Cleo

بتاريخ:
بتاريخ:
يقال أن دينا كانت فى الشهر الماضى ضيفة البرنامج الذى يقدمه محمود سعد فى التليفزيون وأنها خلال هذا البرنامج اعترفت بهدوء بسلامة الفيلم الاباحى الذى يجمعها بأبوالفتوح .. لكنها بكت بحرقة وأقسمت بأغلظ الإيمان بأن صورتها وهى ترتدى الحجاب مزورة ولا أساس لها من الصحة .. وأنها حينما ذهبت إلى الحج كانت حريصة على عدم التصوير بالحجاب !!  cl:

Large294555.jpg

دينا بالحجاب .. قبل السفر إلى دافوس  :D

الصورة بالفعل واضح إنها متفبركة.....

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...