الحوار القادم مع الرئيس

[Sherief AbdelWahab]

رغم إحساسي بأن المفاجأة المرتقبة إياها لن تكون سوى مقبلات لمشاهدة الحوار ، إلا أن لدي إحساس شخصي بأن ذلك الحوار الذي سيذاع الأحد في التاسعة والنصف سيكون استثنائياً.. فالمحاور هو عماد الدين أديب والمخرج هو شريف عرفة..

أليس غريباً وغير معتاد أن لا يستعين قطاع الأخبار بموظفيه البيروقراطيين ، وأن نجد مكانهم طاقماً من محترفين يقودهم مخرج مخضرم مثل شريف عرفة؟.. هل في الحوار ما هو مهم لدرجة الاستعانة بأهم المخرجين السينمائيين المصريين الحاليين بعد علي بدرخان؟

خلص الكلام

[se_ Elsyed]

وما تنساش عمار الشريعي وموسيقته التصويرية ..

أعذروني مش قادر أمسك نفسي ..

أنا متخيل مشهد خارجي نهار .. الأشجار المحيطة بقصر العروبة .. سكون تام ... أصوات ذئاب تعوي في الخلفية .... وحريم بتصوت وصوتها جاي من بعيد .. والرئيس بيقول لعماد الدين أديب ..

" يا عما يابني ... يا عماد يا بني .. أنا ... أنا ..... أنا .... وفجأة تنزل موسيقى تصويرية لتترات مسلسل رأفت الهجان .. وبعدين موال حزين ... ونلاقي عماد بيقولنا ... وإلى اللقاء في الحلقة القادمة "

بإختصار الرئيس مبارك المفروض أنه أصبح كتاب مفتوح لكل المصريين ... وبالتالي مفاجأت إيه اللي متوقعينها ؟

متوقعين يُعيد للبلد هيبتها وسط الدول ؟

متوقعين يُصلح ما أفسده خلال ربع قرن تقريباً ؟

متوقعين يحسسنا إننا بلد مسلم عربي شرقي .. مش بلد فيديو كليبات وأغاني أشبة بالأفلام الجنسية .. وشارع منفلت على البحري ... ومطاردة وسحل لكل من يقول ربي الله ويدعي إنه مسلم ( شوفتوا عملوا إيه في الإخوات إمبارح ؟ ) ؟

متوقعين إنه يستغنى عن الركوع لأمريكا ويقوم بتحويل القبلة من البيت الأبيض غرباً إلى المسجد الحرام شرقاً ؟

متوقعين إنه يُعيد للمواطن المصري البسيط حمال الآسية كرامته ويجعله يسير في الشارع مرفوع الرأس وما يخافش من عسكري الشرطة الخايب ؟

متوقعين إنه يقول إن الرئيس ووزراءه ورجالته هم من يعملون لدى الشعب مش العكس ؟

متوقعين يقولنا سر الأموال التي نُهبت من مصر وفر بها أمثال لكح وشنكح وسنكح ؟

متوقعين إنه يقولنا فين مليارات الخصخصة ؟

متوقعين إنه يقولنا أخبار حلوه صادقة عن توشكى ؟

متوقعين يقول حاجة عن إلغاء قانون الطواريء ؟

مازالت هناك جملة قالها أخ عزيز لنا أعتقد إن لم تخننا الذاكرة هو أخونا " تصحيح " لما قال مقولته الخالدة " إنتوا متوقعين من إحم إحم إسمه إيه ده ... كرمله "

صلي على الرسول وكل واحد يشوف مصلحته ...

[Salwa]

ياجماعة ..ياجماعة ...

الصبر ....الصبرررررررررر..

لو صبر القاتل على المقتول ...كان مات لوحده.

يعنى هو المقتول ...مقتول ..

يعنى يعنى ....ما هو خلاص قالوا له ....كش ملك .

سواء اراد يكمل اللعبة ...او اخدها من قصيره وساب غيره يلعب دور تانى ..هو ماشى ماشى ..

انما حايفضل قاعد بس يتفرج على لوحة الشطرنج ...مش حايحل حاجة .

وبرضه مش حايكسب ..

الدور انتهى ياجماعة ...

ييجى بقى عماد اديب..والا شريف عرفة ...والا صفوت الشريف..والا كل( الشرفاء )اياهم ..

والا سرور المسرور دائما ....

مفيش فايدة ...

الدور خلص ...

مينفعش فى التفويق ...ولا كلونيا ولا نشادر .....ولا بصل اخضر ...

مينفعش يكمل لعب ..

الدورررررررررر...خلاص.....خلص.