أنا فرحانة بينا .. مش ممكم إتلمينا إزاى

[Amira Khaleel]

أنا فرحانة بينا صحيح .. فرحانة و حا أحسدنا

مش معقول كوووووول الناس دى الحلووة و المحترررمة فى حتة واحدة

خمسة فى وشى و النهاردة الخميس 5 شهر خمسة سنة الفين و خمسة !!

صحيح إيه اللى لمنا كلنا دا نا حاسة إنى أقل واحدة ... دانا بجد بجد لما آجى أخش محاورات المصريين أبقى عاوزة أمشى على طراطيف صوابعى ..

أبقى عاوزة آخد ناس كتير بالحضن .. فى ناس أبقى عاوزة أبوس إيدها .... و ناس عاوزة أعيط على كتفها

حقيقى الفرحة مش سايعانى دى مصر حلووووووة بشكل ..

أنا ما تقابلتش مع حد منكم ... يمكن مرة أو مرتين زمااااان لكن بقرا و أقرا و أحس بينا كلنا

مش أدعيلكم و اللا أدعيلنا بإيه ربنا يخليكم يخليييييكم قوى و يبارك فيكم و دايما مفتوح و عامر

على فكرة زرت أماكن تانية كويسة آه .... لكن هنا حااااجة تانى

[عصام]

الله يجبر بخاطرك يا أميرة يا بنتى ..

الله يطعمك ما يحوجك

الله ما يعرى لك جته

الله ما يرأدلك جسد

إلهى وانت جاهى تتجوزى :)

[سقراط المصري]

الله يجبر بخاطرك يا أميرة يا بنتى ..

الله يطعمك ما يحوجك

الله ما يعرى لك جته

الله ما يرأدلك جسد

إلهى وانت جاهى تتجوزى  :)

<{POST_SNAPBACK}>

امين.

[Salwa]

اهلا اهلا اهلا بأميرة الأمراء ..

وانا ايضا على خجل واستحياء ....ارد عليك قائلة .

لم يأخذ احد مكانك ...وكما قالوا لك قبلا ...حتى لو عدتى بعد عشر سنوات فسوف تجدى نفس المكان محجوز دائما لك .

واذكرك بشئ هام .........

انت ومن معك كنتم دافع لكل من انضم لكم .

اذن ....قبل ان تمدحى فى المجموعة ...اعرفى قدر نفسك .

فأنت كنت ناضجة النضج الكافى الذى جعلك تتخذين قرارك بالانضمام للمحاورات فى عام 2001 رغم علمك انها ليست بالتأكيد مكان للترفيه وضياع الوقت ....

سوف اذكر لك شيئا يااميرة لعله قريب مما تشعرين ...........

من سنين طويلة جدا جدا مضت ....

اكتشف (( س )) من الناس ان احد اجداده كانت له بصمات على أرض بعيدة .....

وككل شئ ...مع مرور الزمن ...تطمس المعالم .

وحتى احفاد الأحفاد ....يخجلوا حتى من مجرد ........الفخر..

مع ترديد ما تعودناه ...لا فائدة ....لا فائدة ...

ورغم مرور كل السنين والاعتقاد فى اندثار كل شئ ......فجأة ...نجد نقطة ضوء تسطع ..ونجد من يزيح الاتربة عن معادن نفيسة ..

فجأة نكتشف ان اللبنات الاولى لا تضيع ولا تندثر ...وان الحفر فى وعلى الصخر يترك بصمة ...

وان النقش على الماء غير موجود الا فى مخيلة الحالمين ...

وكيف يتم النقش على الماء ؟؟؟

الا يصنع الماء مجرى ؟؟؟

ورغم انى لم استمتع معكم ببناء اولى الطبقات الا انى حفظت الفضل لأهله ..

ورغم غياب البعض ..ورغم انفصال البعض ...ففى حقيقة الأمر انا اكن كل الاحترام والحب والاعتراف بالجميل للجميع .........

الجميع بلا استثناء كل بمذاقه الخاص صنعوا هذا الصرح ....ومن يقل غير ذلك فهو ناكر للجميل ..

اهلا يا اميرة ..مرحبا بك وبعودتك ..

انا فعلا وحقيقة سعيدة بك ..

واتمنى عودة كل الطيور المهاجرة ...

[se_ Elsyed]

..

الله يطعمك ما يحوجك

:)

<{POST_SNAPBACK}>

معليش عشان الأمانة التاريخية والأجيال اللي جايه

إسمها " إلهي يطعمك ما يحرمك "

كان معكم مندوب المحاورات س س من امام مسجد السيدة زينب ... أقليم التفاح ( هو الدكتور سيد علي راح فين ؟ )

[dark side of the moon]

اهلا بسيادتك .

[Amira Khaleel]

شكرا على تذكيرى بالموضوع ده

ياه يا كسوفى يا كسوفى

مكسوفة من نفسى و أنا بكتب بعد الغيبة الطويلة دى

سامحونى