بعيدا عن السياسة..

[بنت شعنونة]

لاحظت مؤخرا ان الأصلاح مرتبط بالسياسة؟

مش عارفا ليه

مع اني حاسا انه مالهمش علاقة ببعض..

يعني عشان مصر تبقى كويسة لازم السياسة تبقى تمام!

طب والشعب؟

ماهوا خربان خربان!

اصلح انهي بقى اهم

الشعب والا السياسة!

عشان كدا فكرت بعمل حملة صغيرة

ليس لها اي علاقة بالسياسة

لكنها نواة لموضوع مهممممممممممم جداااااااا وها يفرق كتيييييييير لو عملنا فيها انجاز وقدرنا ننجز حاجا..

الحملة هي...

لا للتنسيق..

ايوا.. لا للتنسيق.. مكتب التنسيق...

بجد...

عاوزة اطالب بلغي حاجا اسمها مكتب التنسيق

انا بذاكر عشان ادخل جامعة ليا انا

واشتغل شغلة بحبها انا

انت مين عشان تقولي ادرس ايه؟

وليييييييييييييه اصلا تملي عليا ادرس ايه؟

هل لو جبت درجات عالية في الاحياء دا معناه اني ها اكون طبيب ممتاز؟؟؟؟

ابدا.؟؟

هل لو سقطت في الرياضيات يبقى انا مهندس فاشل؟

ابدا..

انا اطالب بحقي في دراسة ما اشاء بدون قيد او شرط..

عارفين لو دا حصل... ايه ها يحصل؟؟

فرص عممممممممممممممل بالهبل بحق وحقيقي

اهالي ها يتخلوا عن الضغط على ولادهم عشان المجموع ويبقى دكتور!!

تفان في العمل من قبل اللي بيحب العمل فعلالالالالالالالالا

عارفة انه ها يبقى فيه بلبلة اول سسسسسسسسسسنة فقط

كلللللللللله ها يدخل طب

لكن مع مرور شهور كله ها يتغربل ويصحح مسارة

تخيلوا البلد شكلها ايه وكل واحد بيشتغل الحاجا اللي بيحلم بيها

تفتكروا ها نوقل العامل المصري او المنتج المصري السيء بعد كدا؟

مش دي برضه السياسة اللي بتقولوا عليها؟

لو موافق على الحملة رد عليا

ولو رافض قولي ليه

ولو انت معايا ها اكتب رسالة الأمل وكل المطلوب بعتها لاكبر كمية من الناس عبر النت..

معانا والا علينا؟ :rolleyes:

تم تعديل 22 مايو 2005 بواسطة بنت شعنونة

[Tamsite]

أولا حمد لله على سلامتك يا شعنونة ،

بقالنا كتير أوي ما شوفناش كتاباتك الشيقة على صفحات المنتدى

ثانيا : فكرتك ممتازة ، و لكن ............. ( و آه من لكن )

الفكرة نفسها تخص مرحلة محدودة و هي التعليم الجامعي دون النظر إلى ما يسبقه من مراحل تعليمية مختلفة تبدأ بالروضة ( الحضانة ) ( KG 1 على رأي الموضة الجديدة ) و تنتهي بالثانوية العامة

في مستهل تحليلي لأطروحتك ساتخذ لك مثالا ،

فلو أردنا مثلا أن نقوم بترميم بناية متهالكة يوحي هيكلها الخرساني بانهيار وشيك ، ينبغي علينا أولا أن نبدأ من أسفل ، من اساسات هذه البناية ، بحيث نقوم بعمل التدعيم اللازم لها لتقبل استيعاب أحمال جديدة و اضافية من جراء ترميم باقي طوابق هذه البناية و حتى الوصول إلى الطابق الأخير

و لا يجوز باي حال من الأحوال ان نبدأ بالطابق الأخير و نزولا إلى الأساسات لما يشكله هذا من خطر جسيم على سلامة المنشأة أثناء اجراء أعمال ترميمها.

و بالرجوع إلى منظومة العملية التعليمية ، نجد اننا بحاجة لأن نبدأ من أسفل سلم العملية التعليمية، لإعداد جيل من الطلبة القادر على استيعاب الفكر الجديد الذي تقترحينه في المرحلة الجامعية

يجب ان تتوفر لهذا الجيل مجموعة من المواصفات و الخصائص التي يستمدها من المادة العلمية التي يقوم بتحصيلها خلال سنين التعليم ما قبل الجامعي

من هذه الخصائص القدرة على التحليل و الابتكار و الابداع ، و هو ما ينادي به كافة المختصين في الأمور التربوية، دون ان يجد نداؤهم صدى مناسب لدى المسئولين الذين يحتلون كراسي قيادة العملية التعليمية في مصر

اذا توصلنا إلى جيل يتحلى بمثل هذه الخصائص، فإن هذا الجيل يستطيع أن يعتمد على نفسه في اختيار نوع التعليم الذي يرغبه و الذي يؤهله لممارسة مهنة اكتشف اثناء دراسته ماقبل الجامعية بانه يرغب العمل بها

سنجد طالب يكتشف قدراته بنفسه و يستطيع توظيفها في شكل قوة في سوق العمل

حاليا كل الطلبة ( و كذلك أهاليهم ) ترغب في كليات الطب و الهندسة و الصيدلة و علوم الحاسب او الاقتصاد و العلوم السياسية و الاعلام و الألسن او ما يسمى بكليات القمة ( ذلك المصطلح هو نتاج هرجلة العملية التعليمية في مصر )

عندما تسالين الطالب لماذا ترغب في الهندسة على سبيل المثال ، تتعدد الاجابات :

1- عشان اطلع زي بابا

2- عشان بيلاقوا شغل

3- برستيج عالي في المجتمع ( واجهة اجتماعية )

4- عشان بأحب الرياضة ( الرياضيات ) و الرسم

كلها اجابات تنم عن قصور شديد في فكر الطالب ، و تنم عن جهل شديد فيما تعنيه كلمة الهندسة ( الدراسة و المهنة ) ، و هي كلها تؤدي في النهاية لأن يلتحق الطالب باحدى كليات الهندسة و يفاجأ بانه يدرس ما لا يرغبه و يتخرج و يعمل فيما لا يحبه و عزاؤه الوحيد ، ان أهله فرحانين بيه و بيقولوا الباشمهندس راح و الباشمهندس جه ، و أنا المهندس فلان الفلاني ( يا فرحة أمي و أبويا بيا )

و من بعدها دعونا لا نسأل عن سبب انخفاض كفاءة الخريجين من كليات الهندسة عند الاعتماد عليهم في سوق العمل

و قس على ذلك كافة المهن الأخرى مثل الطب و الصيدلة و خلافه

ولنتخيل مثلا ما يمكن أن يحدث اذا ما فتح باب كافة الكليات على مصراعيه امام جميع طلبة الثانوية العامة ، ما الذي يمكن ان يحدث اذا تجاهلنا اعداد الطلبة لمواجهة هذا الاحتمال ، و على افتراض أن كليات القمة تستطيع استيعاب اعداد غير محدودة من الطلبة :

الأمر يفوق كثيرا ما ذكرتيه في مداخلتك ، لأن الهرجلة المتوقعة قد تستمر لعدة أعوام ، ينتج عنها اختلاط الحابل بالنابل داخل هذه الكليات ، وصولا إلى تخريج عدة دفعات لا تفقه شيئا في مجال تخصصها ( على افتراض انهم اتخرجوا أصلا و ما انتحروش أو استقالوا أو حولوا ورقهم لحتة تانية ليعاودوا الكرّة )

هذه الدفعات التي ستتخرج ستقضي على البقية الباقية من كفاءة الخريجين في سوق العمل بالاضافة إلى انهيار سعر الخريج فيهم و تشبع سوق العمل بهم ، و نجد أن من يستحق تساوى مع من لا يستحق في تساوي فرص العمل الضئيلة أو المعدومة في سوق العمل

و انت تدركين حجم الكارثة من جراء انخفاض الكفاءة في مجال مثل الطب ( بحكم تخصصك ) ، طبيب جاهل لا يجيد التشخيص أو قياس النبض أو حتى اعطاء حقن ، و ما يمثله ذلك من خطورة على المرضي - الذين لا حيلة لهم - و الذين يقعون تحت يديه الغير مدربتين

وكذلك المهندس الغير مؤهل تأهيلا كافيا ، و ما يمثله ذلك من خطورة على الأرواح و الاموال و المعدات و الاستثمارات و خلافه و كل على حسب التخصص الهندسي

و كذلك الصيدلي الفاشل و رجل السياسة و الاقتصاد الغير مؤهل ، و علوم الحاسب و ... و ... و ...... .

لذا ،

و من باب أولى ، علينا أن نفكر في الأطروحة بعد تصويب دائرة الضوء على مراحل ما قبل التعليم الجامعي ، حتى نستطيع بعدها تطبيق اطروحتك بشكل نظري على التعليم الجامعي ، لان التطبيق العملي ليس بايدينا.

تحياتي و تقديري ......

[بنت شعنونة]

كلامك صح الصح

ولكن لي تعليق صغير..

قدام بيتك حفرة صغيرة يمكن اصلاحها بنفسك

مع انه الشااااااااااااااااااااااااااااارع كللللللللللللللللللله مبهدل

انه اسهل؟ واسرع؟ وها يدي نتيجه فعلا؟

حفرة ب حفرة

والا الشارع كله؟

خلينا نبدا بخطوة

بدل ما نحس بالعجز واحنا بنصلح الشااااااااااااااارع كله...

النمل بيقطع الصرصار عشان ينقله :D

[عادل أبوزيد]

نقطة البداية  هى صياغة الحلم  !  إذا لم نعرف لماذا نريد التغيير  نعرف بطريقة جازمة قاطعة  فكل ما نتكلم عنه مجرد تسلية مثقفين  لاغير

إذا لم تكن لك شخصيا و أسرتك مصلحة واضحة جلية من التغيير و لفظة مصلحة قد تعنى مكسبا واضحا أو رفع غبن (زيادة المكاسب  مرادف لتقليل الخسائر)  و فى نفس الوقت  ينطبق هذا على عم عبده البواب هنا و هنا فقط تتحرك الجماهير فى منظومة واحدة تعزف    ...أكتب يا تاريخ.

ليتك تكون تصفحت موضوع صياغة الحلم المصرى.

النقطة الهامة و الهامة جدا  هى إغفال فئة الطلبة بالكامل رغم أن طليعة التغيير الممكن فى مصر هم الطلبة    و أكثر فئة تعانى من القهر  هى فئة الطلبة و هى الفئة المؤهلة لقيادة و توجيه حركة التغيير أضف لذلك أنهم هم أصحاب هذا البلد.

تصور الطالب لو إستطاع أن يحلم  برفض السباق المجنون من أجل المجموع و فى نفس الوقت المسار الحياتى الطبيعى  مثلا - مجرد مثل - لو كان يدرس بطبيعته بعيدا عن سباق المجموع و عنده الوقت يدخل الجامعة هذا العام أو الذى يليه أو الذى يليه    و كان كذلك أمامه فرضة تغيير المسار من طب إلى هندسة إلى حقوق (نظام الساعات المعتمدة مثلا)  ما سبق مجرد تصور  تصور حجم الجهد و المال الذى يمكن توفيره و حجم التوتر الذى سيتجنبه الطالب و أهله

لم يتم حتى الآن إشراك الطلبة فى الحوار !!

الفاضلة شعنونة

ما سبق كان جزء من تعقيب فى موضوع البنية التحتية للتغيير فى باب السياسة أوردتها لمجرد الإسترشاد لاغير .

ما ذكرتيه هو كل القضية فى كبسولة

كيف نبيعها لمن يمكنه شرائها أى تبنيها و نشرها ؟

لا يجب أن نشعر بالإحباط فالبداية هى أن نزرع الحلم تحت جلود أهلى و أهلك و تحت جلد كل من يتطلع لخدمة ذلك الوطن.

هل لى أن أطلب مجرد إضافات لهذا الموضوع و بعض التفاصيل ممن يؤرقه حال مصر و التعليم فى مصر

و بعدها تتفضلين بإعادة صياغة .. الحلم أو الخلاصة سمه ما شئت - و أنا أقصد شعنونة بطبيعة الحال - و بعدها نبدأ محاولات نشر العدوى ...- أقصد الحلم

دعينا نبدأ و لنعطى الخطوة الأولى ليكن ثلاثة أيام منذ الآن

[بنت شعنونة]

هل انت مصري؟ هل انت مصرية؟

هل امضيت 12 سنة من عمرك وانت تحلم بدخول كلية معينة..ثم قام "مكتب التنسيق" بحرمانك من حلم حياتك؟

هل حاولت المستحيل للتحويل الى كلية اخرى تحلم بها وفشلت؟

هل شعرت باليأس و الأحباط؟؟

هل لديك اولاد ولا تريدهم ان يعملوا في مهنة لا يحبونها؟

هل تريد ان ترهم ممدوحين من الناس..في عملهم و في اتقانهم؟

هل لديك ابنة تسافر يوميا بالقطار من محافظة الى اخرى لمجرد ان ترتاد كلية لا تحبها؟؟

هل تخافين انت الأخرى على بنتك من الغربة في بيت الطالبات بسبب الكلية؟

انا موطن مصري..و انا مواطنة مصرية..

ولي مــــطــــــلــــق الحرية ان ادخل اي كلية على ارض بـــــــــــلــــــــدي

وان كان الـــمـــــــــال قد كفل هذا الحق لغير المصريين

فان جنسيتي تكفله لي على ارضــــــــي!

ليس من حق اي من كان ان يمنعني من دخول اي كلية اريدها.. فليس هناك قانون يحدد نسبة دخول الكلية ولا شريعة حتى..

ولذلك... فاننا مواطنوا مصر..

نطالب ب الـــــــــــــغـــــــــــــــــاء ما يسمى بالتنسيق

ومنح كل مواطن الحق التااااااااام في دراسة ما يتمناه دون قيد او شرط

فهذا حقنا كمصريين على ارضنا و لسنا نطلب كثيرا!!

___________________________________

اذا كنت توافق على صيغة الرسالة

ارجو منك ان تبعثها الى كل من تعرف على النت او خارجه

وليكن زمام امرنا بيدنا

ولناخذ حقنا من بلدنا

واقله حق التعليم

هل من مساعد؟

[عادل أبوزيد]

إلغاء التنسيق بالكامل تصور غير منطقى

و الأفضل أن لا يكون التنسيق مسألة قدرية لا نهائية

مثلا لو تم الإعتداد بنتيجة الثانوية العامة لمدة خمس سنوات فخريج هذا العام يمكن مثلا أن يتقدم للتجنيد أو يجرب قدراته فى مهنة أو وظيفة و ربما يتقدم للتنسيق فى العام التالى أو الذى يليه

و فى نفس الوقت يكون لكل كلية متطلباتها الخاصة ربما يكون التقدم للكلية ذاتها مجرد مثل

و بعد كل ذلك إمكانية الإنتقال من مجال دراسى لآخر عند طريق تجميع الساعات المعتمدة فمن يريد التغيير من مجال لآخر سيكون العبء فى تأخير التخرج مثلا و للعلم هذا النظام معمول به فى الجامعة الأمريكية بالقاهرة فكثيرا ما تجد طالبا إلتحق و هو ينوى دراسة الهندسة و ينتهى به الأمر إلى دراسة بيزنس لست على معرفة بكافة التفاصيل لكن هذا هو المدخل للبديل المعقول.

و أخيرا فى الصياغة النهائية نريد الإشارة إلى حجم التوتر و حجم المال الذى سيتوفر لأشياء أكثر أهمية للأسرة

[Salwa]

اعتقد ياشانا ان الأمل رائع والحلم اروع ...لكن الحقيقة ؟؟ ..شئ آخر تماما ..

بداية ...كما قال الاخوة ..لابد من التنسيق لكن بشروط ولنبدأ من البراعم ..نبدأ من سن الحضانة بالنسبة للطفل ...ننمى قدرات الاطفال فى كل شئ ليصبح لديهم فى سن آخر متقدم حرية الاختيار والتركيز على ما يتقنونه ويحبونه ..

اى اتاحة الفرصة لهم وتعليمهم تعليم صحيح نظرى وعملى ...(( اى حرفيا ايضا )) ..

يعنى يعنى تخيلى مجرد انك تعطى الطفل جاروف وشوكة وتعلميه يزرع فى حديقة المدرسة (( اقصد جزء من الحديقة ))...ده حاينمى عنده هواية الزراعة ...

نفس الشئ بالنسبة للعمارة وبالنسبة لأى حرفة ..

المشكلة مش انا عاوز ادخل هندسة يبقى ادخل هندسة وخلاص علشان آخد لقب مهندس ؟؟؟ لالالالالا...نفس الشئ بالنسبة للطبيب ....او الدبلوماسى ...او اى كلية مما تطلقون عليه كليات القمة ..(( معرفش قمة فى ايه يعنى ؟؟ ))

مشكلتى معكم ومع نفسى انى مقدرش اتكلم فى موضوع من غير ما دخل فى موضوع تانى ..

ازاى اربى طالب لديه مقدرة انه يختار بوضوح طريقه واغلب الشباب بيعيشوا فى ضنك ...

شوفى آخر الاحصائيات الرسمية ....

------------------------------------------------.

6.8 مليون ليس لديهم ماء جارى ..

4.1 مليون لايوجد فى مساكنهم مراحيض ...(( او العشوائيات اللى بتداريهم )).

16.7 % من مجموع77 مليون يعيشوا تحت خط الفقر ..(( حسب آخر تقرير للامم المتحدة ))..

نحتاج ل750 الف وظيفة سنويا على الأقل ... فقط حتى لا تستشرى البطالة فى ال2 مليون عاطل ..سنويا برضه ..

(( ده الرقم الرسمى ..ده غير اللى مش متسجل ))..

-------------------------------------------------.

يعنى يعنى تانى حنقول .........العقل السليم فى الجسم السليم ...

نحسن الاحوال المعيشية للناس كلها ونعاملهم على انهم آدميين ...لابد من وجود مدارس صالحة وملاعب ...

لما يبقى عندنا طفل ذكى ومبدع بالتالى حايكون عندنا شباب مبدع وواعى وصحيح البدن والعقل ...

ممكن ساعتها اللى رغبته فى دراسة شئ معين بمنتهى السهولة ممكن يوصل له ..

يعنى مسألة ابن الدكتور ممكن يدخل كلية الطب او الهندسة لأن له كذا درجة مئوية زيادة علشان خاطر ابوه !!!!! ويمكن طالب عبقرى يترفض لمجرد درجة واحدة اقل من المطلوب ..

نفس الشئ بالنسبة للعشرة فى المائة بسبب التفوق الرياضى !!!!!يعنى ده ظلم فعلا ...

لابد من اداء امتحان قبول للجامعة اللى يرغب الطالب فى دخولها بعد حصوله على الدرجات التى تطلبها هذه الجامعة ...

لو بطلنا نوزع الدرجات زى (( اللب ))...وللمحاسيب (( شوية فوق البيعة ))..

حايتصلح حال التعليم ...

ما ينفعش ياشانا آجى اقول ...مش عاوزين تنسيق ..

احنا مش عاوزين حاجات كتير ..كتير قوى قوى ..

و...طوبة طوبة حانبنى البيت من اول وجديد ...وحانوصل للبلكونات (( قصدى للتنسيق ومشكلته ))..

شوية صبر ...شوية كمان ...هانت ياشانا ...

[بنت شعنونة]

يا ماما سلوى انا مع حضرتك في كلامك

انما انا اتجاهي معاكس بس

انتوا ماشيين بالسيستم

يعني ابني اساس سليم بعدين اطلع بالأدوار العالية

انا عكسكم

انا بتبع راي

عشان ابني عمارة سليمة

لالالالالالالالالالالازم اهد القديييييييييمة الأول يا جماعا!

واهدها منين

من اعلى حتة فيها

التنـــــــــــســــــــــــــيـــــق...

وبعدها واحدا واحدا نبني بقى العملية التعليمية

تمام لحد هنا؟

النقطة التانية

انتوارافضين الغي التنسيق

الحياة علمتني

لما اطلب حاجا من حد وعارفا انه مستحيييييييل ينفذها او 1% تتنفذ

يبقى اطلب اصعععععععععععععععب حاجا

عشان لما ينزل عليها التخفيض من الطرف الأخر اوصل للي انا عاوزاه بالضبط

نظرية البيع والشرا

حد فاهمني؟

[Salwa]

دى بالذات ياشانا (( نظرية البيع والشراء )) ..مفهومة طبعا جدا ...جدا ..

لو انا عاوزة ابيع بعشرة ...اعرض البضاعة باتناشر ..وحتى لو حصل منافسة حاضطر اخفض اتنين وابقى برضه انا اللى كسبانة ووصلت للعشرة بتوعى ...

بس هنا الوضع يختلف ....

تانىىىىىى.حانرجع لموضوع ...(( اتكلم فى موضوع داخل الموضوع ))..

عارفة ده عامل زى ايه ؟؟؟

زى حكاية 50 % نسبة ال عمال وفلاحين فى المجلس اياه ...

ما هو اساسا ده كان معمول ليه ؟؟؟

علشان العدالة والاشتراكية والكلام الكبير اياه ...كله ..

القرار اتاخد بدون بحث او روية ....القرار اتاخد فى لحظة حماس والكل هلل ...وكانت النتيجة ....ومازالت ايه ؟؟؟

بقى مجلس (( النوام ))......

وفضلنا نمشى فى مكاننا ...يعنى (( محلك سر ))...

اذن القرارات التى تؤخذ فى لحظات الحماس مش دائما ومش شرط تكون قرارات ناجحة ...

على فكرة انا سعيدة جدا جدا وانا بتكلم معاكى فى الموضوع ده ....ياريت كل الشباب كل واحد يقول اللى نفسه فيه ...اكيد فى الآخر حانوصل لحاجة ...او بمعنى اصح ...انتم حاتوصلوا لحاجة ..(( ومش شرط تكون اول حاجة انتم فكرتوا فيها )) ..

البنية التحتية ياشانا .....

خلينا نبدأ بيها ....بلاش (( حتة )) نبدأ من حيث انتهى الآخرون ...

دى متنفعش فى ظروف البلد دلوقت ....سيبك من الأكاذيب الكتيرة ...

ايوة كان فيه اصلاح بطئ ..اصلاح بنسبة 3 % فقط سنويا ياشانا ....نسبة الاصلاح دى مقدرش ابنى عليها اى شئ ..

جه على الدور اقولك ....يارب تكونى فهمانى ..

تعرفى ياشانا ؟؟ ....لو ..لو ..لو يعنى حصل (( لاقدر الله )) ...واتحقق كلامك فورا ...

حاتحصل فوضى غير طبيعية ...

وحايكون فيه خلل اكتر من اللى حاصل حاليا ...

حاتلاقى المعاهد ........فاضيةةةةةةة....

حاتلاقى مستوى التعليم بقى اكثر انحدارا ....

يعنى التعليم دلوقت ..تجارة ..متلاقيش مدرس او استاذ جامعى متخصص فقط للتدريس فقط ...

ده مش فاضى للطلبة ...مابين دروس خصوصية وبين تجارته وبين مؤتمرات مدفوعة وعلى حساب الدولة ..وبس تأليف كتب وحشو مخ الطلبة بكلام معاد وبقاله سنين ...

تخيلى بقى لما الطالب نفسه يكون حاصل على مجموع 50% او 60% ويقولك عاوز ادرس كيمياء ؟؟ طيب ازاى ؟؟؟ مانا مزاجى ادرس كيمياء اصلى بحبها ..

وعاوز اخترع حاجة زى الاسبرين ....مثلا يعنى مثلا ...

بقولك المثل ده ...لأن ..زميلة بنتى من سن ثلاث سنوات كانت بتحلم تدرس كيمياء ...وهى فى ابتدائى (( خدى بالك ))..كانت بتقرأ كتب كيمياء مبسطة ..وهى فى ثانوى ...كانت تقرأ ابحاث ...وجابت مجموع 70 % وعملت امتحان لدخول الجامعة ونجحت بتفوق وهى دلوقت فى سنة رابعة وبالتأكيد حاتعمل حاجة ....وعاوزة تخترع حاجة محصلتش واكيد حاتوصل ..

لأن البداية صح ...والصح كان فيه استمرارية ..بمساعدة الاسرة ومساعدة المدرسة والدولة ..

فهمتى ياشانا ؟؟؟.....وبرضه..

حانسمعك للآخر ....ويمكن انتى تطلعى صح ...ياريت تطلعى صح ...

[بنت شعنونة]

:angry:

والله يا ماما سلوى انا مش عكسك

بس انا عاوزة اعمل نتيجة الأول

موضوع البنية التحتية دي عامل زي طائر الرخ كدا :angry:

انما في رايي المتواضع انه موضوع التنسيق مقدور عليه...

ليييييييييييه بقى...

اقولكم على السر...

بس قبله انا عارفة انه ها تحصل هرجلة كتييييييييييير جدا اول سنة دي

ويمكن اقل من سنة

عارفة

لكن لأن كل الكليات مفتوحة ومش ها يبقى فيه القلق والضغط بتاع انه كلية ولو سبتها ها اروح فين و المشاكل دي كلها..

ف ها يبقى سهل على كل واحد مش لاقي نفسه في حتة انه يحول للتانية

وبالتالي ف الغربلة ها تاخدلها سنة و الناس تريح

2- بناء على كدا ها تنتهي محنة الدروس الخصوصية ويبقى التعليم للتعليم دا لو كان عندنا تعليم

3- المدرس مش ها يلاقي دروس يديها لحد خصوصية.. وها تبقى البقاء للأفضل.. كله ها يحاول يحسن نفسه " نقطة خيالية شوية انا عارفة <_< "

نيجي بقى للسر...

ايييييييييه اللي يخليني اتحمس للموضوع دا في الوقت دا بالذات

اولا موسم امتحانات وبعده الكليات وقلق الطلبة واهلهم والفلم بتاع كل سنة

يبقى اطرق الحديد وهوا سخن

2- التداعيات السياسية و الحملات الأنتخابية و الازمة السياسية المتفجرة في مصر اليومين دول مخلية الحكومة بتلف حول نفسها وحوالينا

وبالتالي

لو طلعنا بالحملة دي للـــــــــــــــــــنـــــــــــــــــــــــــور دلوقتي

في احتمال كبيييييييير جدا انه مطلبنا يتحقق

الحكومة ها تقول وماله

حاجا نلهي بيها الشعب واهو يتلهي بعيد عنا وفي نفس الوقت نكسب شوية رضا بدل البركان الكامن اللي ما حدش عارف ها ينفجر امتى

يبقى كدا بنضرب عفورين بحجر واحنا وحظنا...

هااااااااا كلامي صح والا ايه؟

وصححوني لو غلطانا :angry:

[عادل أبوزيد]

أولا عنوان الموضوع "بعيدا عن السياسة" ... ده عين عين السياسة و كل ما عداه "طق حنك" بلغة الشوام ... هذه هى السياسة حقا و ما عدالة مجرد "تسلى مثقفين" .... إن لم تكن هذه هى عين عين السياسة - تكرار لفظ عين للتأكيد - لقد خدعنا سنوات و سنوات و نحن نتحمس و نتلقى عبارات ضخمة جوفاء دفاعا عن كذا و كذا و كله كلام فى " الهجايص" ..

حقيقة السياسة هى ما يهمنى و يهم إبنى و أمى و جارى و أستاذى .. كل ما يمس حياة الناس الفعلية.

ما سبق كان إستهلالا لابد منه

فى أحد الجرائد الرسمية يعيب الكاتب و يتحمس و ينكر على القضاة قضيتهم و يقول هذه ليست مطالب قومية و لكنها مطالب فئوية و نفس الوضع على مشكلة المراقبين الجويين و كنت أود الرد عليه "سيبولنا إنتم الفئوية و تفرغوا أنتم للقومية و سيبونا فى حالنا"

قبل أن أنا أمس قررت أن أقوم إلى الحاسب و أشد على يد الفاضلة شعنونة و أعتذر عن أسلوبى الذى قد يكون محبطا - بضم الميم و كسر الباء - و أنبت نفسى كثيرا لماذا التراجع و الكلام عن العقل .. إلخ

الفاضلة سلوى

الوضع يا سيدتى أصبح مثل "دومينو مقفولة" ... دهاقنة النظام تمكنوا عبر السنين من إقناعنا بالقبول و الرضوع لقواعد و نظم إخترعوها هم ووضعوا تفاصيلها و علينا ألا نحيد عنها و لو فى أحلامنا و أصبحب فعلا " دومينو مقفولة" و صنعوا فى دهاليز وزاراتهم ما أطلق عليه " الكتلة الحرجة" على ما أذكر و هم مجموعة من الموظفين و رجال الإعلام يدافعون عن كل ما ينطق به الوزير و يخترعون الحجج و البراهين لتأكيد قدسية كلام الوزير ... هذا صحيح و ليس بلاغة لفظية ..

الفاضلة سلوى لحديث بقية و حتى لا تطول المداخلة سأستطرد فى مداخلة أو إثنين

يتبع ... !!

[عادل أبوزيد]

هنا فى مصر تجدين نظرة الإنكسار و الذل و الحزن و الخوف من المجهول تجدين تلك النظرة فى عينى الطفل فى سن الحضانة .... حتى الشاب الذى على وشك التخرج ... تجدبن نفس النظرة فى عيون الأب الذى عليه أن يذهب بإبنه لدرس فى الهرم (من المنيل ) و طفله الآخر لدرس فى المعادى أو يذهب بإبنته لدرس فى المقطم (من مدينة نصر) ..... سهل جدا وضع حروف و كلمات على لوحة المفاتح و سهل جدا أن تقرأوا هذه الحروف و الكلمات.

أتمنى ... و سيحدث يوما أن يكتب كاتب ملحمة الذل التى يعيشها الإنسان المصرى العادى فى ظل منظومة التعليم الجهنمية التى ليس منها فكاك منظومة من قوانين و قواعد .... تسلب إنسانية الإنسان ... برغبته

أصدقكم القول حينما أفكر أجدنى أحيانا أكاد ألتمس العذر للخمير الحمر فيما فعلوه بكمبوديا عندما نادوا بالرجوع إلى الأصل و التخلص من مستجدات الحضارة .

لقد قام تلامذة فرنسا بالثورة الثقافية سنة 68 و لم يكونوا تعرضوا هم و أهلهم لعشر معشار ما نحن فيه

يا شباب مصر .... لا تسمعوا لنا فنحن جيل تجرعنا الذل تحت جلودنا و إرتشفناه - بإرادتنا - لسنوات طوال بل هللنا له و نظمنا فيه القصائد و دبجنا فيه الأطروحات ..

فى العالم كله يستطيع الإنسان أن يلعب كرة شراب فى الشارع يستطيع الإنسان أن يستمتع بشئ ما ببساطة إلا فى مصر الدائرة الجهنمية المجموع الدروس الخصوصية الدخل الإضافى المواصلات ....

هل تذكرون نشيد إحنا التلامذة يا عم حمزة

أكاد أجزم أن البداية ستأتى من التلامذة

أستحضر رباعية صلاح جاهين

إقلغ غماك ياتور .... و أرفض تلف

كسر تروس الساقية ... و إشتم و تف

من غباه التور .. يقول

لفة كمان و كمان لفة

يا السكة تخلص ... يا البير يجف

عجبى

سيحاول المثقفون مثلى الحذلقة و التفسير و القول و القول المضاد بضرورة النظام و العدالة و مش عارف إيه

نحن "العواجيز" نراها "دومينو مقفولة" و لم نتعلم أو قولى نسينا ما تعلمناه عن الحرية و رفض الظلم.

الفاضلة سلوى

لا أعرف ما إذا كنت نجحت فى إستثارتك أم لا .... أنا نفسى تؤرقنى أحلام من فيلم قديم عن ملك طاغى يكره الأطفال و يبعث البصاصين ليتشمموا وجود أطفال فى المدينة ليقبضوا عليهم و يضعونهم فى سجن مظلم تحت الأرض .....

لا أذكر كيف إنتهى الفيلم و لكن المؤكد أن الأطفال إنطلقوا نحو الشمس و الهواء و الحدائق و الزهور

تم تعديل 24 مايو 2005 بواسطة عادل أبوزيد

[بنت شعنونة]

بقالي يومين ومش شايفة حد قال امين والا حتى ولا الضالين!!!!!!!!!!

معانا والا علينا طيب يا بشر؟؟

نبتدي يعني الحملة والا ناخدها من قصيرها واسافر برا المعمورة!!

من يومين كنت في حفلة اخي في مدرستة

وعزف السلام الجمهوري

الجميع وقف

الا انــــــــــــــــــــــــــــــــــــــا............

ومش ناوية اقف تاني

الا لما

احس اني فعلا عاوزة اقف....!

[مصرى]

إزيك يا شانا .. والله زمانك .. حمدا لله على السلامة :)

لاحظت مؤخرا ان الأصلاح مرتبط بالسياسة؟

مش عارفا ليه

مع اني حاسا انه مالهمش علاقة ببعض..

يعني عشان مصر تبقى كويسة لازم السياسة تبقى تمام!

طب والشعب؟

ماهوا خربان خربان!

اصلح انهي بقى اهم

الشعب والا السياسة!

طيب وهى السياسة أيه غير الاهتمام بالشئون العامة ؟!

السياسة هى إدارة الدولة .. والشعب أهم عناصر الدولة .. يعنى إدارة الشعب والعمل من أجل تحقيق مصالحه هو الهدف الأسمى للسياسة

يبقى زى ما عمنا عادل أبوزيد قال أن هذا الموضوع يدخل فى لب السياسة

انتى عايزة تلغى مكتب التنسيق .. طيب إيه البديل ؟! لا تقولى أن كل واحد يدخل الكلية اللى بيحبها .. لأن ليس كل إنسان قادر على تحديد هدفه بوضوح .. وهى ظاهرة إنسانية وليست مصرية

مكتب التنسيق يعد أنسب السبل لتحقيق تكافؤ الفرص .. إضافة إلى الاختبارات الخاصة التى تجريها بعض الكليات كشرط للقبول مثل التربية الرياضية على سبيل المثال أو الكليات العسكرية ..

مكتب التنسيق ليس مسئولا عن تردى أوضاع التعليم فى مصر .. جاءت 7 جامعات اسرائيلية بين أفضل 500 جامعة فى العالم و4 جامعات من جنوب أفريقيا وجامعتان من سنغافورة .. وغابت جميع الجامعات المصرية والعربية !!

جامعات مصر يتظاهر أساتذتها مطالبين بالإستقلال وعدم تدخل الأمن فى شئون التعليم !! جامعات مصر تسيطر عليها المباحث .. المباحث تتدخل فى الترقية للدرجات العلمية واختيار كوادرها من رؤساء أقسام وعمداء كليات ومديرين

إدارة جامعات مصر كجزء من منظومة الإدارة العامة فى الدولة .. يسيطر عليها رجال السلطة بدلا من رجال العلم

والسلطة برجالها الفاشلين مهمومة بسبل الاستمرار الهادىْ فى مقاعد الحكم دون أن تفجر غضب الشارع أو تفقد الرضا الأمريكى

تم تعديل 24 مايو 2005 بواسطة مصرى

[مندوب القِلة المندسة]

تقطيع فروع الشجرة الخبيثة مفيش منه فايدة , لأن هاتطلع بدلها فروع جديدة , ما تيجي نقطع الشجرة من جدرها أحسن

[Sherief AbdelWahab]

ليس لأني واحد من ضحايا النظام الفاسد للتعليم الفتحسروري ، بل كمصري يدلي برأيه في شأن وطنه وهذا أضعف الإيمان ، أقف بكل قوتي مع حملة العزيزة نونة الشعنونة ضد ما يسمى بمكتب التنسيق .. والنظام التعليمي الفاسد بأسره..

نظام لا يعلمك مهارة ويتباهى بحشو المقررات باسم التطوير..

نظام يجعل من الثانوية العامة أشبه بمعركة حياة أو موت .. مما أدخل المدرسين الخصوصيين إلى دائرة المليونيرات على حساب عائلات تطمح لأبنائها لمكان أفضل حتى لو نفد مرتب عائلها يوم 10 منه..

نظام يكبت حرية التعبير ويقمع التفكير ويشجع الحفظ ..

نظام فاسد فاسد فاااااااسد :) ولا أفسد منه إلا سوق العمل.. وعنه ح يطول الكلام..

العزيز مصري:

للعبد لله موضوع في شئون الفساد باسم أكاديميون ولكن .. أتشرف بتعليقك وتعليق كل الأحباب فيه .. وإن كنت هنا لأقول أن استقلال أساتذة الجامعات مطلب سياسي وأسيء استغلاله من قبلهم حتى تحولوا إلى ديكتاتوريات في قلب الجامعة.. ومهما قيل عن عزل الجامعة عن السياسة فإن أساتذة الجامعة ومسئوليها متورطين في السياسة حتى النخاع..

خلص الكلام

[Sherief AbdelWahab]

أواصل الرد:

أختلف معك بشدة فيما يخص مكتب التنسيق هذا..

مكتب التنسيق غير المحترم يقوم برص خريجي الثانوية العامة وتوزيعهم على الكليات بحسب نجاحهم في امتحانات الصم والدح امبوه إن جاز التعبير.. أكثر الصميمة غالباً يذهبون لكليات القمة ، والتي تحرك مجاميع القبول فيها حسابات ترتبط بالمجلس الأعلى للجامعات وللنقابات المهنية المرتبطة بتلك الكليات..

أما من أخفق ، أو من لم يصم كما يجب .. فالإجابة واضحة:

"احدف" على حقوق وتجارة!

كلية الحقوق التي يفترض بها أن تخرج محامين ووكلاء نيابة ، وكلية التجارة التي يفترض بها تقديم عمالة تغذي قطاع البنوك والتأمين ..

وطبعاً لأن عدد من يحرزون مجاميع من 90 أو 85% فما أقل لحد 80% بالنظام الجديد كبير خلقة ، توقعوا تكدساً أكبر في تلك الكليات ، وانهياراً في نظام الدراسة بها وفي المهن المرتبطة بها..

كلية حقوق مثلاً..

كل من يتخرج من كلية الحقوق يحصل على عضوية النقابة ، عدد المحامين أي الذين دخلوا كلية الحقوق لا لشيء إلا لأنهم لم يحرزوا المجموع الذي يؤهلهم إلى كليات القمة المزعومة أصبح في الليمون وفي الأرز كمان.. حيلاقوا فين مكاتب تشغلهم أساساً؟..وتقولوا ليه مهنة المحاماة حصل لها اللي حصل..

المسخرة الحقيقية في كلية التجارة..

العدد برضه كبير، بينضاف عليه عدد من حملة الدبلومات الفنية اللي اجتهدوا وبذلوا جهد وعندهم خلفية في الاقتصاد والمحاسبة أكبر من أي خريج ثانوية عامة "خام" لسة جديد.. والكل بيتكربس في كلية واحدة.. وبيوصلوا للشارع بنفس السيناريو.. ظلم مضاعف ومربع.. أبقى أنا كخريج ثانوية عامة أتساوى بواحد أفضل مني في المجال ونتحدف بعد كل التعب اللي تعبته أنا وهو في الشارع!

الكلام ح يجيب كلام..ودلوقت جه دور اللزمة بتاعتي:

خلص الكلام

[wagdi]

أنا عارف إن كلامي مش حيعجب ناس كتير… بس أنا في رأيي إن الي جايب تعليمنا ورا هو مجانية التعليم….

طالب الجامعة علشان يبقى اسمه اتعلم بيتكلف في السنة حوالي 30000 جنيه… و طبعاً الحكومة ولا أي حكومة في اغنى بلد في الدنيا تقدرعلى كده… فالي بيحصل مجرد ضحك على الدقون…

في أي بلد محترم التعليم الأساسي (يعني لحد الإعدادية) فيها بيبقى مجاني وإجباري، التعليم الثانوي بيبقى بمصاريف ومهما كانت المصاريف مش حتبقى أكتر من تمن الدروس الخصوصية… الجامعة بقى حاجة تانية… لازم تبقى بمصاريف تعادل الي بيتصرف على الطالب…

المشكلة إن الخواجة هنا بيبص للجامعة على إنها مكان لتخريج العلم، أما إحنا فبنبصلها إنها مكان لتخريج المتعلمين…وده فرق السما والأرض…

العلم محتاج امكانيات والامكانيات محتاجة فلوس والفلوس محتاجة رجال أعمال وشركات يدفعوا… ودول مش حيدفعوا لله والوطن لازم يستفيدوا والاستفادة في صورة ابحاث يتم تمويلها بصورة مباشرة و غير مباشرة ويكون لهم حق الاستفادة من نتايجها لمدة معينة… وعشان ده يحصل لازم يبقى للجامعة مصداقية ومعياراختيار الطلبة فيها قائم على اسس علمية…

الناس عندنا بتخش طب وهندسة استخسار… أو عشان يمسك عيادة أو مكتب أبوه… أو أهي شهادة يتجوز بيها والدنيا مظاهر…

لو كان دافع من جيبه كان حيعتبر الجامعة دي مشروع أو استثمار لازم يدرس كويس احتملات نجاحه فيه ومدى استفادته وافادته بعد ما يخلص…

حتقولي الفقير ما يتعلمش أقولك فيه حاجة اسمها نظام منح دراسية معمول بيه في كل مكان في العالم يسمح للمتفوقين والنوابغ انهم يتعلموا من غير مايدفعوا نكلة…

أما لو اعتبرنا الجامعة مكان لتخريج المتعلمين وخلاص يبقى حنفضل زي محنا محلك سر… ننسق ولاماننسقش نحسن ولا مانحسنش وأنظمة عجيبة بدعها الله لا يسامحهم بقى.

أما عن موضوع نهدم العمارة ونبني من جديد ولا نهد من فوق ولا نحط قمصان للعواميد فده كلام لا حيجيبنا ولا يودينا… يعني لو هدينا النظام ده "ولازم يتهد لو عايزين نتقدم" ماينفعش نجرب نظام جديد من اختراعنا زي الي قبله و نقعد نجرب في نفسنا…

نشوف الناس عملت إيه… نشوف التعليم في المانيا واليابان وامريكا وسنغافورة وانجلترا وفرنسا مثلاً… ندرسهم كويس… نشوف مين فيهم يمشي معانا و نطبقه كله كده زي ماهوا… نثبت رجلينا الأول وبعدين نبقى نطور ونتفذلك براحتنا…

اتفرجوا على الباسبور المصري… مافيش زيه في الدنيا كلها… بصراحة انا شخصياً ببقى مكسوف وانا بطلعه في المطارات… عامل زي كشكول المحاضرات…

عرافين ده اتعمل ازاي… لما جم وقالوا حنغير شكل الباسبور المصري كان سهل عليهم يجيبوا نماذج من باسبورتات الدول كلها ينقوا أشيك وأحلى واكثر واحد فيهم عملى و يعملوا زيه… وخلاص…

لكن ازاي… امال نبقى شعب رائد ازاي؟ عملوا لجنة من 7 هيئات ووزارات… وفضلت اللجنة تجتمع 6 شهورعلشان في الأخر يخرجوا لينا بهذا التصميم البديع…

فياريت يوم ما نقول ياللا يا تغيير… ما يبقاش تعليمنا زي باسبورنا…