الإستمرار من أجل الإندحار ، الجزء الأول -

[se_ Elsyed]

خير اللهم أجعله خير قال إيه أشوف في المنام محمد جرمون وهو جايلي ولابس أخضر في أخضر .. ففرحت ودار بيننا هذا الحوار :

س س : إيه يا عم ده أنا كل ما أروح حته أشوفك وساعات الأقيك مغير إسمك كمان من قبيل حركات التمويه على الاعداء .. فإيه نظامك .

جرمون : الحقيقة يا أخي أنا أعمل في مجال التبشير هذه الأيام ، لذا ستجدني في كل مكان وكل زمان .. وكل هذا من اجل الدعوة .

س س : ما شاء الله ..بارك الله فيك .. فمجال التبشير والدعوة للدين الإسلامي شيء جيد .. ربنا يجعله في ميزان حسناتك .. روح يا شيخ ربنا يكثر من امثالك .

جرمون : لأ .. دعوة إسلامية إيه ؟ هذا العمل له أُناسه المتخصصون .. انا الآن أعمل في مجال التبشير للفكر الجديد للحزب الوطني .

س س : حزب وطني ؟!!!!!!! :rolleyes: روح يا شيخ .. ولا بلاش ...

طب وده دين جديد يعني ولا حاجة كده زي عبادة الشيطان .. ولا معتقدات زي بتوع الهيبيز ولا إيه بالظبط ؟.. قولي يا جرمون ياخويا أصل أنا جاهل سياسياً ... وبعدين إيه اللي إنت ماسكه في إيدك ده .. إنتوا بتسرحوا بحاجة اليومين دول ؟

جرمون : الحقيقة يا أخي الكريم أنا أمُسك بكلتا يدي بشعار الحزب الوطني الجديد .. " الهلال والنجمة "

س س : إيه ده مش الهلال والنجمة دول كانوا رمز لماركة مقشات في مصر .

جرمون : أي نعم .

س س : طب إنتوا أختلستوه بأي مناسبة ؟.

جرمون : أنا أقول لك يا أخي .. المقشة هي رمز للنزاهة أقصد النظافة .. وهي رمز للقوة أيضاً .

س س : يا سلامممممممممممممممم .. شوف إزاي .. ممكن تشرح لأخوك الغلبان بمزيداً من التفاصيل ؟.

جرمون : بكل تأكيد ... أنت تعلم بإن مهمة المقشة هي النظافة .. ونحن بعون الله سننظف الساحة السياسية من المندسين والعملاء والخونة والبيمبيرياليين والرأسماكيين ( اللي هما يعني خليط من الرأسماليين والإشتراكيين .. وده صنف جديد مُهجن )

س س : يا سلام يا ولاد ده العلم نورن ... طب النظافة وعرفنها ... طب والقوة ( معليش أنا بأحرجك بأسألتي البايخه دي ) ؟

جرمون : ألا تُلاحظ يا أخي الكريم بإن في نهاية كل مقشة بتكون هناك عصا أو ممكن أن نقول شومه .

س س : آه عارفها .. أصل ماما كانت بتضربني بها وأنا صغير عشان تأدبني ، لذلك حمدت الله كثيراً على إختراع الفاكيوم ماشين لإني إترحمت من ساعتها وماما ما بقتش تلاقي حاجة تضربني بها .

جرمون : أحسنت .. بارك الله فيك وفي أمك التي ربتك فأحسنت تربيتك ... أهي العصا دي ستُستخدم لردع الخارجين عن النظام .

س س : الله الله ... لأ ده كثر .. ده اللي الواحد بيسمعه ده درر وحاجة كده زي المشعلقات العربية القديمة ... إنما قولي يا جرمون عدم اللامؤخذه .. إيه اللي حضرتك معلقة في رقبتك ده ... دي عمل ( إسود ومهبب ) ولا حجاب ؟

جرمون : هأ هأ هأ هيييييييييييييع ( ضحكة نابعة من الكرش من بتوع كمال الشاذلي ) .... يا اخي هي ليست بعمل أو بحجاب .. ولكنها تعويذه تجلب لنا الحظ ... ومن أجل التوضيح أقول لك بإنها نص المادة 76 فلقد قررنا نحن أنصار الحزب الوطني ان نُعلق تلك التعويذة في رقابنا إلى يوم الدين دليلاً على إنجازاتنا .. والله أكبر ...

س س : روح يا شيخ .. ربنا يكثر من أمثالكم ... عشتم زخراً وسنداً للحزب الوطني ...

وقبل أن أستكمل كلامي .. وجدته ينحسب ويتلاشى بهدوء وهو يُردد ...

أيوه معانا المبايعات .. إحنا بتوع الإستفتاءات ... بايع يا أخي المؤمن يبني لك الله قصراً في الجنة ... قال سيدنا حسني مبارك " من بايعني مره .. مش هيندم بالمره ... وبايعوني كل سنة مره "

وصحيت من النوم لقيت شعري منكوش ونفسي مكروش ولقيت الواد عمر ساحب الغطا من عليه .. فجريت على الحمام وطسيت وشي بشوية ميه وأستغفرت ربنا وأستعذت بالله من الحزب الوطني وأتباعه ..

[عصام]

أعتذر عن المقاطعة يا س س يا فنان ..

لكن أنا فعلا نفسى أسأل جرامون كام سؤال ..

- إنت فى سبيل إيه ممكن تستعدى كل من يكن لك قدر من المحبة والاحترام؟

وأقصد بهذا أنك بالفعل وكما أرى بدأت تفقد بعض هؤلاء الناس نتيجة تغير فى نظرتهم إليك

- كيف تتصور حجم نجاحك فى تحقيق هدفك ( والذى لا أعلمه حتى الآن ) فى ظل الهجوم الشرس الذى تواجهه من الزملاء سواء هنا أو فى أى محيط آخر؟

- وما هو تصورك المستقبلى لعلاقاتك الطيبة (التى واضح أنها بدأت تضطرب) بكل المحيطين بك والرافضين لأفكارك الجديدة سواء فى العالم الحقيقى أو التخيلى؟

- هل فعلا الأمر يستحق؟

- أحس أحيانا أنك تستميت فى الدفاع عن حسنى مبارك والحزب الحاكم لدرجة أننى أتصور أنك فى منازلة فكرية دينية مع أحد الملاحدة فى أحد المنتديات العلمانية فهل أنت مؤمن بأفكارك بنفس قدر إيمانك بالله؟ :rolleyes: وهل هى كالعقيدة الراسخة التى لا تحتمل أن تشوبها شائبة؟

- آخر سؤال .. إيه اللى عمل فيك كدا؟ :lol: عشان أحاول إنى أتجنبه

[Guest Mohd Gramoun]

هقهه

تم تعديل 12 يونيو 2005 بواسطة Mohd Gramoun

[se_ Elsyed]

لو أتفصلت من الشغل النهاردة هيبقي بسببك ...موش قادر أمسك نفسي من الضحك...من القهقهه

وهو أنت محتاج شغل ياخويا ؟

مانت عاملهم على قلبك قد كده .. وكله من خيرات الحزب اللاوطني .. وطبعاً تلاقيهم بيقبضوكوا بالدولار .. لأ وإيه مش بسعر الصرف العادي أبو 5.80 ج بتاع الغلابة .. ده أنتوا تلاقي ليكوا سعر خاص ممكن يعدي 7 ج .. اللهم صلي عالنبي .. ده مش حسد .. ده قر ...

ما تاخدنا تحت جناحك يا عم جرمون .. شوف أي وظيفة لأخوك س س الغلبان إن شاء الله وظيفة مساعد أمين عام السياسات الحلزونية في الهيئة العُليا لأمانة الحزب بمحافظة كفر الشيخ ..

وأهو يبقى لك الأجر والثواب ...

ومن ناحية السيرة الذاتية فأنا أعجبك قوي .. فأنا هتيف كبير ولي مآثر وصولات وجولات .. وكأن أخرها لما خرجت مع جموع الشعب الهادرة في مظاهرات تُطالب الزعيم الخالد أبو خالد بعدم التنحي ...

ولي برضوا بعض المحاولات الشعرية في مدح الريس حسني مبارك والتعديد بإنجازاته ... بص الحتة اللي جايه دي ..

يا مبارك يا حبيب الكل .. قلبك أبيض زي الفًل ..

في أول عصرك كان عندي كحه .. دلوقتي قلبت أنيميا وسُل

إنت بابا وسوزان ماما .. وإبنك جمال ده سيد الكُل

على فكرة أنا هاحاول أجمع كل القصايد والإرهاصات اللي كتبتها في بابا حُسني وهاسمي الديوان ده " نهج الإستبياع "

س س مُشتاق

[Guest Mohd Gramoun]

[

تم تعديل 12 يونيو 2005 بواسطة Mohd Gramoun

[عصام]

- آخر سؤال .. إيه اللى عمل فيك كدا؟  عشان أحاول إنى أتجنبه

ساحاول تجنب الإجابة

أنا بانكشك بس والله يا محمد وانت عارف :rolleyes:

طيب طالما تحول الموضوع إلى "حوار مع مفكر" أبقى انا نجحت فى ما كنت أحاوله ..

شوف يا ابو حميد .. خلينا نكمل الحوار بهدوء وبالراحة وبعيدا عن التعصب السياسى والتحزب الحزبى .. ماشى؟

الدفاع عن شخص الرئيس وأسرته تجاه إتهامات حقيرة و ألفاظ بشعة و تدني حواري واجب بالنسبة لي و لا يعتبر تطفلا او تحيزا. و لك ان تربطه بالمنازلات الفكرية إذ أن الفكرة واحدة و هي النزال الفكري إلا أن الهدف مختلف بين عقيدة و إنتماء

طيب وما قولك فيمن يهاجم منصبه وآداؤه وتاريخه دون النيل من شخصه؟ .. يعنى نفترض أن اسمه "سيد احمد" بدل حسنى مبارك .. وضع هذا السيد احمد فى حذاء السيد الرئيس لمدة الأربع والعشرين سنة الماضية .. ودعنا نناقش "إنجازات سيد احمد" خلال تلك السنوات دون الخوض فى عائلته أو غيره! فهل يتوافق هذا معك؟

هجومي بني علي أساس فكرة المواطنة التي لم تجد آذانا صاغية هنا و هي اداء الواجبات هي الباعث للحصول علي الحقوق

"اداء الواجبات هي الباعث للحصول علي الحقوق" .. قلت هذا فى وصف المواطنة .. إذن فأنت ترى أن من ضمن واجبات المواطنة أن أدافع عن الرئيس وتوجهاته السياسية والحزبية بصرف النظر عن مدى صحتها أو خطأها .. فهل هذا ما تريد ان تقول؟

لطالما شجعت سياسة المنتدي علي التطاول الجارح و السئ علي من اقدره و احبه

هنا أريدك أن توضح للجميع أسباب ذلك التقدير وذلك الحب .. عساهم يحبوه ويقدروه مثلك .. خاصة أننى لا أرى أى صلة قرابة أو نسب أو صداقة أو غيرها من الأسباب الشخصية للتقدير والحب ..

إذن تقديرك وحبك نابعين من مواطن لرئيس .. أكون شاكرا إن استطعت أن تسرد لنا دوافع هذا التقدير

للحديث بقية بعد ردك إن شاء الله

[Guest Mohd Gramoun]

[quote=عصام

تم تعديل 12 يونيو 2005 بواسطة Mohd Gramoun

[عصام]

مبدئيا يا محمد عايزين بس نتفق ما نتوهش بعض .. وخللى الكلام مباشر وصريح .. وبمنتهى الأمانة أنا لو ما عنديش الإجابة هاقول .. وكذلك انت لو ما عندكش إجابة مافيش داعى نتوه بعض .. تمام؟

لا سأرد عليك بطريقة أفضل و أقول يجب ألا نختزل الدولة في شخص الرئيس ولكن دعنا نناقش إنجازات و إخفاقات مؤسسات الحكم في مصر و تشمل الرئاسة و السلطة التشريعية و السلطة التنفيذية و احزاب المعارضة و نشاطاتها و برامجها بإعتبار كل ما سبق هو المنظومة السياسية للدولة

بدات كلامك بمغالطات .. فانت وأنا ونحن وهما والعالم الخارجى وحتى الكائنات الفضائية نعلم أن مصر وليبيا والسودان وكوبا وكوريا الشمالية واللى زيهم مافيهاش نملة بينداس عليها إلا بموافقة السيد الرئيس "حفظه الله ورعاه وأطال فى عمره ومتعه بالصحة .. إلخ زى ما بنسمع فى التليفزين كل يوم واخد بالك؟"

وأكبر دليل إننا ما فكرناش نعدل الدستور ولا أثير الأمر من الأساس إلا لما هو قرر .. مع إن هو برضه اللى كان مقرر قبلها بأسبوعين العكس تماما .. والأمثلة كثيرة جدا إذن ما تحاولش فى موضوع "إختزال الدولة فى شخص الرئيس" دا لأنه غير مقبول ..

أما إذا كنا هانناقش إنجازات و إخفاقات مؤسسات الحكم في مصر فكلنا أيضا يعلم أن مصر فى الأساس (((ليست دولة مؤسسات))) من أصله.. فأى مؤسسات تلك التى تريد ان تحاسبها ..

وإن فرضنا جدلا أنها دولة مؤسسات فهى مؤسسات قضائية وتنفيذية وتشريعية "عرائسية" .. حاجة كدا زى الليلة الكبيرة .. وهو كما تعلم نفس المبدأ المتبع فى بالمرور ومجمع التحرير ومصلحة التليفونات .. رئيس مجلس الإدارة أو المدير هو ظل الله على الأرض ومافيش حد بيشرب كوباية شاى إلا بمباركة وموافقة من سعادته.. صباح الخير .. إصحى يا محمد النهار طلع

أن مواطن أو ما يسمي مواطن و يتخلي عن واجباته و يستعدي و يستقوي بالخارج علي مواطنيه و علي وطنه ليحصل علي ما يسمي في مفهومه بحق الحكم

ادافع عن كل وطني أدي واجباته كمواطن أحترام القانون و أحترم المجتمع و الوطن و المؤسسات و المواطنين و عند مطالبته بحقوقه ستجدني أدافع و أهرول لأقف بجانبه

وهنا بالتحديد مشكلتك بشكل عام .. فأنت تعمم الأمر .. يا سيدى ليس كل رافض عميل وخائن ويتلقى أموال من الخارج .. فأنا مثال صريح لهذا الوطنى اللجدير بدفاعك .. أحترم القانون والمجتمع والمؤسسات والمواطنين وابويا وامى واخواتى .. وفى ذات الوقت لا أنا عميل ولا خائن .. لكن لا ييعجبنى الوضع وأطلب التغيير .. فكيف هو الطريق الذى أسلكه حتى لا أتهم بالعمالة .. وخليك موضوعى وبلاش الكلام العايم

و ما هو مصدر الحب الذي جمعني بك او بأحمد او بهاندي او ب س س هل توجد صلة قرابة أم إحترام فكر و مبادئ و أشخاص دون مصلحة او غرض، ولكن سأكون صريحا أكثر ....سأحكي لك قصة طريفة..

دع أحمد وعصام و س س وغيرهم على جنب .. فلا مكان من الأساس للمقارنة وأنت تعلم هذا جيدا .. ولا أرى فى قصتك العاطفية سوى حب مجهول الدواف أنا غير مطالب بأن أنساق خلفه .. الله؟ إنت إنسان عاطفى يا اخى أنا لأ!!

[Guest Mohd Gramoun]

أfyftfty

تم تعديل 12 يونيو 2005 بواسطة Mohd Gramoun

[عصام]

أعتقد ان أستمرار الحوار شبه مستحيل وذلك لأن الحوار بدأ يأخذ منحني السخرية مرة اخري و الذي ألام عليها لاحقا

- أنا لم أسخر على الإطلاق .. وأتحدى أن تأت لى بأى لفظ أو جملة ساخرة .. وهاهم الزملاء يقرأون .. ويهيأ لى يا محمد إنك برضه واخد راحتك فى الكلام شوية اليومين دول .. والإدارة متفهمة .. بس خليك عادل مع نفسك واقرا مداخلاتك تانى وهاتلاقى إنك فعلا خدت راحتك بعض الأحيان وراعت الإدارة تحمسك لرأيك ولم تلفت حتى انتباهك.

بصراحة أصابتني الدهشةو انا اقرأ جملك الأخيرة

لا تسء فهم جملتى الأخيرة يا محمد .. فأنا لم أعنى أكثر من أنك كنت عاطفيا فى رد فعلك تجاه الرئيس بينما أنا لست كذلك .. مسألة اختلاف شخصى بينك وبينك .. وبرضه قصدت إن علاقتك باحمد وعصام وس س مختلفة تماما لأنها محكومة بعوامل غير تلك التى تحكم علاقتك برئيسس دولتك .. فاهمنى؟ فعلا ما تزعلش :rolleyes: ما كنتش أقصد

وأخيرا حضرات القضاة والمستشارين .. فأنا أطالب بإتاحة الفرصة كاملة لخصمى كى يكتب ويكتب .. ويعبر عن رأيه كما يشاء .. فما المحاورات إلا ساحة للرأى الحر .. وهى أيضا ساحة للرأى "الآخر" الحر برضه :lol:

الزملاء الأعزاء .. بعد المداخلة الأخيرة لأخى وحبيبى محمد جرامون .. ليس لدى أقوال أخرى ..

[New]

ايه التناقض ده؟؟؟

قمت بعملية بحث عن مداخلات جرامون السابقة فى ابواب السياسة الداخلية ومحاربة الفساد والسياسة الدولية... كلام غير اللى بيكتبه حاليا... اتجاه معاكس تماما...

روابط لمواضيع سابقة

http://www.egyptiantalks.org/invb/index.ph...topic=8458&st=0

http://www.egyptiantalks.org/invb/index.ph...wtopic=8976&hl=

http://www.egyptiantalks.org/invb/index.ph...wtopic=8628&hl=

http://www.egyptiantalks.org/invb/index.ph...topic=11014&hl=

http://www.egyptiantalks.org/invb/index.ph...topic=10982&hl=

سبحــــــان الله.

بصراحة بعد قرأتى لمداخلاته السابقة و مقارنتها بمداخلاته الحالية لا تعليق لدى غير

لا حول ولا قوة الا بالله. :rolleyes:

[se_ Elsyed]

ألعب بعيد يا جدع إنت وهو وما تلغوصوش في الموضوع بتاعي .

[عصام]

ايه التناقض ده؟؟؟

قمت بعملية بحث عن مداخلات جرامون السابقة فى ابواب السياسة الداخلية ومحاربة الفساد والسياسة الدولية... كلام غير اللى بيكتبه حاليا... اتجاه معاكس تماما...

روابط لمواضيع سابقة

http://www.egyptiantalks.org/invb/index.ph...topic=8458&st=0

http://www.egyptiantalks.org/invb/index.ph...wtopic=8976&hl=

http://www.egyptiantalks.org/invb/index.ph...wtopic=8628&hl=

http://www.egyptiantalks.org/invb/index.ph...topic=11014&hl=

http://www.egyptiantalks.org/invb/index.ph...topic=10982&hl=

سبحــــــان الله.

بصراحة بعد قرأتى لمداخلاته السابقة و مقارنتها بمداخلاته الحالية لا تعليق لدى غير

لا حول ولا قوة الا بالله. :lol:

<{POST_SNAPBACK}>

الحقيقة مش عارف اقول ايه لكن سبحان من يغير ولا يتغير .. :rolleyes:

وواضح كمان ان س س بيلعب فى عداد عمره .. انا يابنى مشرف ازرق .. أكتب مكان ما يعجبنى .. واخدلى بالك؟ :lol:

[New]

ما هو انت يا س س شعللتها ومشيت....... وانا حبيت بس ادى عصام شوية دعم معنوى. :rolleyes:

[disappointed]

أيها الناس:

إنه...الأحكم ...بل أحكم الحاكمين

و هو الأفضل و الأوحد ليوم الدين

إنه... بدر الدجى، وبياض الياسمين

و هو الأب الروحى ,وخير المرسلين

قولوا له إبق و تربّع على الكرسى المتين

من ترى يحكم بعده..... هؤلاء الطيبين؟

من سيشفى بعده الأبرص والأعمى

ومن غيره ....يحيى عظام الميتين؟

*************

أيها الناس:

من بعده ...يحضر لنا ضوء القمر؟

من غيره.... يرسل للناس المطر؟

من بعده ........أقدر على جَلْد البشر؟

من غيره...يصلب الناس فوق الشجر؟

من بعده......سيقضى من الشعب الوتر؟

من غيره.......سيجعلنا مواشى كالبقر؟

**********

أيها الناس:

كلما.... فكرت أنه راحلُُ

فاضت دموعى كالغمامة

من بعده.........قد يمتطينى

من الآن...إلى يوم القيامه؟؟

***********

أيها الناس:

إنّه.....السلطانُ فيكُم

فاكسروا أصنامكم بعد الضلالِ

و.......اعبدوه

إنّه.....البطلُ الهمامُ

أسدٌ هصورٌ بعد الهوان

فـــ.....بايعوه

هيّا اتركوا أطفالكم

من غيرِ خبزٍ

و.....اتبعوه

هيّا اهجروا زوجاتكم

من غير بعلٍ

و.....اقتفوه

إن قال أحَدَكُمُ: كَفَى

فالقفوا الأحجارَ لقفاً

و كالبغايا......ارجموه

*********

أيّها الناس:

هلاّ حمدتّم ربّكم

أَهْدَى لكم مَن كانَ

التاريخ لا يُكْتَبُ دونه

فاق ابن يعقوب بــ"حُسنِه"

و كالأولياء كان "مُبارَكاً"

هلاّ لَثَمْنَا جَبينهُ

الجوهرُ المكنونُ فى فَمِهِ

قوموا نصلّى و سأبتهلْ

كى يحرُسَ الخلاّقُ عيونه

من غيرَهُ ذاك الذى

كان سخيّاً فى الوفادةِ

و فتح أبواب سجونه

***********

أيها الناس:

إنّه.......روميو البلاد

فزفّوا إليه نجوعكم

تحت قبّةِ....برلمانْ

إنّه......مجنونُ ليلى

فلا تمضِ قيسٌ

إبقَ حتى ينتحرُ الزمان

************

أيّها الناس:

إنه......أبٌ رؤومٌ

أرضُ الكنانةِ زوجته

فأمامه...هيا اخضعون

إنه......بدرُ الزمانِ

و بمثله ما جاد ربّك

منذ آلاف القرونْ

***********

أيّها الناس:

إنّهُ.......ملكُ الملوكِ

فدعوهُ يملككم و كونوا

خيلاً لهُ......كعبيدِهِ

إنهُ....سيّدُ الأسيادِ

فدعوه يمشى فوقكم

كونوا سَجاجيدَ قصرهِ

هيّا...اخضعوا

و إذا تنحنحَ فاركعوا

ولتفرحوا....بقيامِهِ

هيّا....ابتغوا

من فضله و لتسجدوا

ما أن تروه بقعودِهِ

هلاّ فهمتم أنه

قد وجدكم منذ الخليقةِ

بين صكوكِ جدودِهِ ؟؟

**********

أيها الناس:

فلتحرصوا...و لتحذروا

لا تقرأوا أى كتابٍ

فهو يقرأُ عنـْكُمُ

فلتحرصوا....و لتحذروا

لا تكتبوا أى خطابٍ

فهو يكتبُ عنـْكُمُ

فلتحرصوا...و لتحذروا

فقط إحرثوا

و هو يحصدُ عنـْكُمُ

فلتحرصوا..... و لتحذروا

وله إسمعوا

فهو سيطرَبُ عنـْكُمُ

***********

أيّها الناس:

إنّه.....بدرُ البدورِ

علاّمُ الغيوبِ

و بنواياكم عليـمْ

فإذا دخلتم قبركم

من غير إِذْنِهِ , فلتخجلوا

من الإثمِ العظيــمْ

و إذا تكلّم فاخرسوا

و للسانكم هيّا اقطعوا

فكلامهُ.... قرآنٌ كريم

[وليد صفوت]

قال السيد جرامون ( قبل التعديل ) رداً على العضو مودى مُستنكراً سياسية الحزن الوطنى تجاه تغيير بعد الكراسى بين الوزراء ( لعبة الكراسى الموسيقية ) , و التى هى بالأساس لا تتم إلا بمباركة و موافقة ( بل و أحياناً بمبادرة السيد رئيس الحزب ) , كتب يقول :

عليه العوض...

كان هناك بصيص من الأمل أن يغور غراب الخراب و شلته بعدما فلسوا البلد..

ولكن من الواضح ان البلد لسه فيها شوية فكة...محتاكة فاكيمز(مكانس كهربا) تشفطهم.

طبعاً لا تعليــــــــــــــــــــــــــــــــــق

..................................

و كتب ايضاً ( قبل التعديل ) يسخر من الدنيا التى جعلت الطفل الفقير ( ماجد يموت فى بالوعة الصرف الصحى دون إهتمام من أى شخص , بينما يأمر الرئيس ( الذى هو مسؤل عن موت هذا الصغير ) بعلاج الفنان أحمد زكى على نفقة الدولة ( يعنى بفلوسنا احنا الشعب ) ! و يترك بالوعاتنا فى شوارعنا لتلتهمنا ,.... قال :

هذا وقد امر السيد الرئيس بمتابعة مرض الفنان أحمد زكي و تكليف السيد رئيس الوزراء بمتابعة يومية و عمل تقرير عن حالة الفنان الذي بدوره أمر وزير المالية بتوفير نفقات سفر الفنان لإستكمال علاجه بالخارج من اموال الضرائب و الرسوم التي تم جبايتها من الشعب الطيب.

كما أصدر سيادته امرا لوزير الطيران بتوفير طائرة خاصة مجهزة لنقل الفنان لباريس علي نفقة الدولة(الشعب الساذج).

يسالني أحدهم ما علاقة هذا بذاك و ما شأن ماجد بزكي؟؟؟

أرد و أقول .... قال عمر بن الخطاب رضي الله عنه ... والله لو أن دابة عثرت بالعراق لسألت عنها.!!!!

رحم الله الفاروق و ازاح عنا الخازوق

لا تعليــــــــــــــــــــــــــــــــــق !!!

................................

و قال ايضاً السيد جرامون ( قبل التعديل ) مُستنكراً سياسة الدولة و القمع و الفساد :

نريد إنتخابات حرة نزيه... بدءا من المحليات و مرورا بالمجالس النيابية و إنتهاءا برأس الدولة.

الشعب له الحق في تقرير مصيره و تقرير ممثليه و تقرير رئيسه....

لا نريد تلك الوجوه التي اضفت علينا المذلة و الإستعباد.... نريد رئيسا يخاف الله ولا يخوف شعبه....نريد رئيسا يعمل من اجل الوطن لا أن يسخر الوطن للعمل من أجله

.

لا تعليـــــــــــــــــــــــــــــــــــــــــــــــــــــــــــــــــق !!!

.................................

و قال سيادته - مش الرئيس , جرامون - قبل التعديل فى آرائه :

وهل وفرسيادة الرئيس لل 70 مليون الطعام.....؟؟؟ هل يذكر كلمته الشهيرة تحت قبة البرلمان عن سعر الخيار.... بيئولوا الخيار غلي... متكلوش خيار...!!!!!

هل وفر لهم الطعام بسعر ثابت أم كل يوم ترتفع فيه أسعار السلع الغذائية الضرورية...

هل رحمهم من طوابير الإنهاك الآدمي أمام المخابز؟؟؟؟

هل يعلم سيادته أن طوابير الجمعية و التموين قد عادت؟؟؟؟

هل يعلم سيادته أن اللحم أصبح سعره 23 جنيه إلي 40 جنيه حسب المنطقة و القطعية!!!؟؟؟

هل وفر سيادته ل 70 مليون مواصلات آمنة ام أن حوادث الطرق تشهد علي سؤ الرصف و هلهلة المرور ... هل سيادته يعلم عما يسمي بمافيا الميكروباص... وهل يعاني سيادته مما يعانيه الفقراء ممن لا يقوون علي دفع تذكرة القطار فيتسطحونه أو لا يقوون علي دفع تذكرة المترو فيتشعبطوا في الإتوبيسات؟؟؟

هل يتذكر سيادته جريمة قطار الصعيد... وقبله حوادث الطيران و القطارات و الإتوبيسات؟؟؟

وهل يعلم سيادته انه في عهده الميمون أصبحت القاهرة أنظف مدينة في العالم حيث زاد تراكم الزبالة في كل الأحياء مع وجود شركات عالمية للنظافة... معذور فزبالته يشيلها الخدم و الحشم كل دقيقة أو دقيقتين....

و نسيت سيادتكم ان أتسائل ...عن المعجزة البيئية التي ظهرت في عهدكم الميمون و هي السحابة السوداء... التي تدل علي سواد نهار و ليل المواطن المصري الكادح...

و هل يشعر سيادته براحة الضمير تجاه مجهوداته في مجال الصحة العامة و زيادة نسب الأمراض المستعصية و تفشي وبائي السرطان و الإلتهاب الكبدي بين المواطنين أم انها وسيلة لقصف أعمارهم لتخفيف الضغط السكاني؟

و الحقيقة أنا أتعجب بشدة من شيئ هام ,......

ليس التغيير فى آرائه , فلا عجب فى ذلك ,..... فربما تغيرت أفكاره بناءً على توجه فكرى جديد يتوافق و مصلحته الشخصية التى تخصه وحده و لا دخل لنا بها ,....

و لكنى أتعجب من رواية رواها تتناقض بشدة و كلماته التى قالها ,...

طبعاً الرواية رواها ( اليومين دول ), و ملخصها انه كاد أن يموت كمداً على سيادة الرئيس - الذى يعتبر علاقته به كعلاقته بعصام شوقى ( العضو هنا ) و س س و أبن مصر ! - عندما علم بالخطأ انه قد قُتل فى حادثة أديس أبابا !!! :)

و طبعاً الحادثة كانت منذ سبع سنوات أو أكثر , فكيف يكون الشخص ساخطاً على أى بنى آدم , ثُم يموت كمداً عليه لما يعلم أنه مات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طبعاً أنا لا أوجه الكلام الى السيد جرامون و لكن الى الأعضاء جميعاً , لذلك أنا لا انتظر إجابة منه , و لكن يكفينى تذكر التناقد الواضح بين الشخصيتين ( قبل و بعد التعديل ) عندما أقرأ مقالاته التى تضاهى مقالات سمير رجب عن ( الإزدهار و التقدم و الرخاء ,......و مش عارف ايه تانى )

تحياتى,.........

[وليد صفوت]

أسأل بعض الأسئلة الأخرى للسادة الأعضاء ,...

بما اننا نريد التفكير بعقلانية و ليس بعاطفية ( كما نصحنا السيد جرامون جزاه الله خيراً ) , ... فما يهمنا كمواطنين هو النتائج , و ليس المُسببات , فلا يهمنا كم المشروعات التى اُنشئت طالما لم تُدر ربحاً و تقدماً ملحوظاً فى إقتصاديات الدولة , و لا يهمنا كم المشاكل التى واجهت سيادته فى سنوات حكمه , و التى - فى رأى سمير رجب و زمرته - أخرت من التقدم و ........................... الإزدهار ,...

نريد أن نسأل :

- كم كان سعر الجنية أمام الدولار وقت أن تولى سيادته الحكم ,و الأن ؟؟؟؟

- كم كان فائض الميزانية ( إذا كان هناك فائض ) , أو عجز الميزانية وقت أن تولى الحكم و الأن ؟؟

- كم كانت نسبة الفقر بين المواطنين أول فترة حكمه , و الأن ؟؟؟

- ما هى نسبة النمو السكانى أول فترة حكمه , و الأن ؟؟؟ ( و للأمانة أنا لن أسأل عن عدد السكان , و لكن السؤال عن نسبة النمو السكانى هى التى تكشف النظام و صدقه آذاء تلك القضية )

إذا عرفنا إجابة هذة الأسئلة , سنعرف بالتالى جدارة الجالس على كرسى الحكم ,.....

و أخيراً , أحب أن أقول أن مصر ولادة و مليئة بالرجال الجديرين بالمسؤلية ,....

تحياتى,.......

[Scorpion]

واضح انكم ما فهمتوش حاجة ...

سي السيد قالها صريحة .. ما حدش يلغوص في الحلة بتاعته ... و لما المعلم الكبير يطلب حاجة .. لازم تتنفس ...

يالالا يا بابا منك له ....

خش يا أسطي ...الحارة فضيت يا معلمي ........

بس قبل ما تاخدوني في دوكة .....آه .. مصر طول عمرها دولة المؤسسات ... و كل اهل شبرا عارفين كده كويس ... اقف علي أي محطة اوتوبيس من أول الترعة و أسأل : اتوبيس 167 و 132 بشرطة رايح فين ؟.. اي واحد حتي العيال الصغيرة حيردوا عليك : " المؤسسة" ...

كل دقيقتين تلاتة .. حيعدي عليك ميكروباز و طالع من شباكه دماغ واد صغير عمال ينادي "مؤسسة .. مؤسسة " يعني اكتر من واحدة ... يعني مؤسسات .. و ده عيل جاهل ما بيفكش الخط .. مش انتم يا متعلمين يا بتوع المدارس و الجامعات...

هو فين الجدع ده اللي كان دايمآ بيقول : أففففف مليتوا البلد ....

[New]

يا اخ سكوربيون انت بتقول ايه بس الله يكرمك الحارة دى فاضية من زمان..........

الراجل بقاله كام يوم ممسوك فى حى الاستمرار شارع الازدهار وسكان العمارة 1 و 2 و3 نازلين فيه ضرب وشباب كفاية مقطعين ليه هدومه.... :) :blush: :lol:

حد من الاعضاء غير المشاركين يخطف رجله لغاية قهوة المحاورات ويكتب افشتين على الموضوع ده ويحط الشاي على النار لغاية الخناقة دى ما تتفض. mfb:

[مصرى]

الازتهرار من أجل الاستحمار :)