كم عمرك ? - ما هي الشريحة السنية للمشاركين ?

[Arabisc]

اتخيل أن أغلب المشاركين في الشريحة الثالثة و الرابعة

----------------------------------------------------------

سلام عليكم

----------

عند نقل المحاروات إلى البرمجيات الحالية. اختفى هذا الاستبيان و نتائجه. ما رأيكم إن ان اعدنا الكرة ? خصوصا في وجود الزملاء الجدد

سلام عليكم

[disappointed]

ممممممم

فكره جميله جدا......وياسلام لو كملت بعمل "ستاتيستيكس" على النتائج

مش فاكر هل كان تاريخ الميلاد من ضمن الخانات الواجب تعبئتها عند التسجيل أم لا....بس لو كانت كده فممكن نجمّعها ونعمل عليها دراسه احصائيّه فى "سلايد" واحده فقط لاغير تبيّن الطيف العمرى للأعضاء فى "بايت تشارت"....مع الاعتذار للأخ "بايت" طبعا

:P  :P  :inlove:

[Ragaai]

الأخ الدكتور وليد

وحشتنا

[amr2003]

أعتقد أنني الوحيد في هذا المنتدى الذي لم يكمل 18 سنة ، أنا في سنة أولى طب !!!

على العموم هو استفتاء رائع وكنت أنوي وضعه ، ولكنك سبقتني ياأخ أرابيسك

[disappointed]

الأخ الدكتور وليد

وحشتنا

صدّقنى والله انتم اللى وحشتونى أكثر

كلّك ذوق يادكتور رجائى

:inlove:  :inlove:  :inlove:

[Byte]

فعلا ،مداخلات الدكتور وليد تضيف الملح للاكل، وبدونها تفقد الوليمة عنصر هام! :D

اما مداخلات disapointed فمابتعجبنيش، واجد ان اسلوب محبط اكثر واقعية!

مش كده يامدرسة :D

اما ما لاحظته انا هو ان ابناء الجيل الواحد غالبا ماتكون افكارهم متقاربة

[ســيد مرزوق]

إيه ده ؟؟؟؟؟

هو الدكتور وليد

والباشمهندس محبط

والسيد disapointed

قرايب وللا حاجة ؟؟؟؟

ولا تشابه أسماء ؟؟؟؟؟؟ :D  :D  :D

مع تحياتي وإحترامي لهم جميعا مرة واحدة

[Arabisc]

ممممممم

فكره جميله جدا......وياسلام لو كملت بعمل "ستاتيستيكس" على النتائج

مش فاكر هل كان تاريخ الميلاد من ضمن الخانات الواجب تعبئتها عند التسجيل أم لا....بس لو كانت كده فممكن نجمّعها ونعمل عليها دراسه احصائيّه فى "سلايد" واحده فقط لاغير تبيّن الطيف العمرى للأعضاء فى "بايت تشارت"....مع الاعتذار للأخ "بايت" طبعا

:D  :D  :inlove:

سلام عليكم

دكتور محبط :D

الحقيقة أن مجتمعات الشبكة تشكل حقول دسمة للاستبيانات و تحليل المعلومات لسهولة عمل الاستبيان و الشعور بالسرية الذي يشجع المشارك عل ملء الاستبيان

و الحقيقة ان امكانيات البرنامج المستخدم تتيح فقط عمل استبيانات بسيطة من مستوى واحد مثل " كم عمرك " " أين تقيم " " من الذي تنتظره مصر " و هكذا . فلا يمكن ربط النتائج بعضها  ببعض .  في حين لو أمكن ربط الإجابات من خلال البرنامج لخرجت بنتائج لا حصر لها . مثلا , بدلا أن تقول  40% من المشاركين في الشريحة السنية الفلانية بينما 35% من المشاركين يعيشون في دولة ما . يمكن ان تقول " مثلا " 85% من المصريين المقيمين في دولة كذا هم ن الشريحة السنية الفلانية و أغلبهم قضى عدد من السنوات على الاقل في البلد ووو ..

كل شئ ممكن :D

[Arabisc]

أعتقد أنني الوحيد في هذا المنتدى الذي لم يكمل 18 سنة ، أنا في سنة أولى طب !!!

على العموم هو استفتاء رائع وكنت أنوي وضعه ، ولكنك سبقتني ياأخ أرابيسك

أهلا بك يا أخ عمرو . . . و يا سيدي المرة القادمة تأتي بها أنت :D

[Arabisc]

اما ما لاحظته انا هو ان ابناء الجيل الواحد غالبا ماتكون افكارهم متقاربة

ده شيء طبيعي لتقارب الخبرات و الاشتراك في تجارب و مؤثرات عمرية

مثلا أغلب الاعضاء من 26 ل 40  تعلموا نفس كتب القراءة و " قلم من ? أحمد عثمان .. ثانية أول " و قرأوا نفس ألغاز المغامرين الخمسة و الشياطين التلاتاشر وربما  مارس أغلبهم لعب البنج بونج في صالة مركز الشباب و ياما سهروا لمشاهدة ستيف اوستن و الرجل الاخضر

طبعا هذا ليس كل شيء و لكن امثلة على عوامل ثانوية  كثيرة و لكنها دون شك تشكل اسلوب تفكير " و ليس تفكير فهاك فارق كبير " ابناء الجيل الواحد . و ما يقال على هذا الجيل ينطبق أيضا على  الجيل السابق و اللاحق و هكذا

[disappointed]

فعلا ،مداخلات الدكتور وليد تضيف الملح للاكل، وبدونها تفقد الوليمة عنصر هام! :D  

اما مداخلات disapointed فمابتعجبنيش، واجد ان اسلوب محبط اكثر واقعية!

مش كده يامدرسة :D

عزيزى "بايت"

شكرا لك على مداخلتك التى تبين أنك أنت المدرسه فى الذوق وانسيابيّة العلاقات الانسانيّه

:inlove:  :inlove:

أما عن موضوع الملح فلو لم يوجد الطعام ما كان للملح من فائده

وآهو أدينا بنأكل عيش وملح مع بعض على صفحات المنتدى

بس...آآآآه ياخوفى لا مداخلاتنا تخلّينا فى يوم من الأيّام نأكل عيش وحلاوه مع بعض

:D  :D  :D  :inlove:

[disappointed]

إيه ده ؟؟؟؟؟

هو الدكتور وليد

والباشمهندس محبط

والسيد disapointed

قرايب وللا حاجة ؟؟؟؟

ولا تشابه أسماء ؟؟؟؟؟؟ :D  :D  :D  

مع تحياتي وإحترامي لهم جميعا مرة واحدة

عزيزى الغالى سيد مرزوق

مداخلتك اقلقتنى من احتمال أن اكون مصابا بانفصام الشخصيّه

:0  :0  :D  :D  :inlove:

وبيتهيّألى موضوع تشابه الأسماء ده كان ممكن الكابتن"لطيف" الله يرحمه يفيدنا بيه باعتباره أول من اكتشف القرابه بين "عمر النور" و "عامود النور" وبين "فتحى مبروك" و"ألف مبروك" وبين "طاهر الشيخ" و"كفر الشيخ"

وبالمناسبه بقى....خلّينى أحكى لك هذه القصّه الطريفه للكابتن" لطيف" الذى كان يتمتع بحضور ذهنى وخفّة دم : حضر فريق تشيكى ليلعب أمام الزمالك فى أواخر السبعينيّات فكان له هذا التعليق أثناء وصف المباراه:

ستايكوفيتش......لعبها لـــ"رادوفيتش".....ادّاها لـــ"ميهاتوفيتش".....باصاها لــ"برونوفيتش".....طولت الكوره.....حتطلع آوت....ماطلعتش....واحد يسألنى...ياكابتن لطيف...هل "ماطلعتش" تقرب لــ"برونوفيتش"؟؟؟؟ أقول له...لالالالا...ده بس تشابه أسماء

:D  :D  :D  :D

[disappointed]

سلام عليكم  

دكتور محبط :D

الحقيقة أن مجتمعات الشبكة تشكل حقول دسمة للاستبيانات و تحليل المعلومات لسهولة عمل الاستبيان و الشعور بالسرية الذي يشجع المشارك عل ملء الاستبيان

و الحقيقة ان امكانيات البرنامج المستخدم تتيح فقط عمل استبيانات بسيطة من مستوى واحد مثل " كم عمرك " " أين تقيم " " من الذي تنتظره مصر " و هكذا . فلا يمكن ربط النتائج بعضها  ببعض .  في حين لو أمكن ربط الإجابات من خلال البرنامج لخرجت بنتائج لا حصر لها . مثلا , بدلا أن تقول  40% من المشاركين في الشريحة السنية الفلانية بينما 35% من المشاركين يعيشون في دولة ما . يمكن ان تقول " مثلا " 85% من المصريين المقيمين في دولة كذا هم ن الشريحة السنية الفلانية و أغلبهم قضى عدد من السنوات على الاقل في البلد ووو ..

كل شئ ممكن :D

أتفق معك تماما ياعزيزى أرابيسك

فوجود قواعد بيانات غنيّه يمكن استخدامها لعمل دراسات احصائيّه تكون على أعلى قدر من الفوائد التطبيقيه والتخطيطيه , فالاحصاء هو عمليّة تحويا الأرقام الجامده المصمته الى معلومات حيّه يمكن توظيفها والاستفاده منها

وأذكر أن أحد المراكز الطبّيه الصغيره بداخل منطقه صناعيّه بأحد دول الخليج كان ينتوى التوسّع ليصبح مستشفى , وعندما تم ايكال مهمّة دراسة هذا المشروع لى طلبت ستّة أرقام فقط من ادارة هذا المركز الطبّى , وأخرجت من هذه الستّة أرقام (بالاضافه لمعلومات استبيانيّه عن سوق النشاط الطبّى ومناخه العام وعن الوضع التنافسى للمرافق الطبيه) مايفوق العشرين بيان احصائى ومثلهم من الــ"تشارتات" التى عندما حلّلتها كانت المحصّله أن التوسع واقامة مستشفى لن يكون مشروعا مربحا بل سيضر برأس المال المستثمر وستكون خسائره كبيره , وقدمت هذه التوصيه التى رفضت , وبعد عامين من اقامة المستشفى ظهرت الخسائر الكبيره بالفعل وبدئت عمليّة تقليص النشاط بها حتّى عادت تدريجيا لقصر نشاطها على المجال الذى كانت تمارسه كمركز طبى فى السابق

وأعتقد أنه مع وجود عدد كبير من الأعضاء المحترمين فى هذا المنتدى , ومع تزايد ايجابيّتهم فى المشاركه فى مثل هذه الاستبيانات , ومع وجود صاحب سيرفر وأدفايزور واسع الادراك ومتطوّر الفكر كما أستشف كلّما تخاطبت معه , فاننى متفائل بأن المستقبل قد يحمل الكثير من التحديث والتطوير فى هذا المنتدى الذى فرض نفسه بقوّه على عرش الساحه الالكترونيّه....ومن يدرى...ربّما يأتى اليوم الذى يمثّل فيه هذا المنتدى أول مركز استطلاع رأى احصائى فى المنطقه العربيّه وأفريقيا

مع كل التمنيات بالتوفيق للمنتدى وتحيّاتى للعزيز أرابيسك

:inlove:  :inlove:

[itsme_1666]

متهيألى  سؤال الشريحة السنية ده مخصص للرجال فقط و ليس للنساء لانى لغاية دلوقتى ما شفتش اى عضوة من العضوات شاركت و قالت عن سنها  :D  و بصراحة اكتر حتى السادة الاعضاء ما جاوبوش على السؤال خالص  :sneaky2: انا اعتقد لو كبرنا الشريحة شوية هنلاقى الكل بيجاوب  على السؤال ... يعنى لو خلينا  الشريحة الاولى من عمر 18 الى 20

و الشريحة التانية من عمر 20 الى 60

و الشريحة التالتة من 60 الى  ما فوق

يبقى كل العضوات  و الاعضاء هيكونوا فى الشريحة التانية  بدون  مبالغة ولا لف و لا دوران  :D  مين قال آآآآآآآآآآآه :turn:  :th:

[Arabisc]

همممم و عرفتي إزاااااي أن و لا عــــضوة شاركت في الاستبيان ?? أنا اعتقدت أن نحو الأربعين مشتركا الذين أدلوا برأيهم حتى الآن بهم نسبة من الجنس الناعم . لكن يبدو أن لديكي معلومات آكيدة :D :D

بالمناسبة , , هل شاركتي :D :D ?

سلام عليكم

[بنت شعنونة]

اوخر ال 26 :D

بس بمناسبة الجنس الناعم في المنتدى

هما فين اصلا؟؟؟ :0

دا اللي بيكتبوا هنا

اتس مي

و ست امينة

ومدام سيدة مرزوق

وانا

وبس؟؟؟؟؟؟؟!!!!!!!!!!؟؟؟؟؟؟؟

:nervous:  :D

ليه صحيح

انتوا بتطفشووووووووووووهم؟؟

:D  :D

[ســيد مرزوق]

جرى إيه ياشعنونة ياختي؟؟؟؟؟؟؟

مين مدام سيدة مرزوق دي ؟؟؟؟

ماليش أخت بالإسم ده ......

شوفي إيه الموضوع بسرعة قبل ما أتصرف بمعرفتي ..... وإنتي عارفاني كويس ........... معايا حزام إسود 3 دان

في الكراتيه

وقد أزعر من أعزر :0

[بنت شعنونة]

اوبس

اسفة اسفة

:D

سيدة ابو زيد

اعتذر للطرفين

معلش بقى احكام السن

:D

[ســيد مرزوق]

وأنا بدوري أقبل العذر وأوجه بالمناسبة تحية أخوية للأخت الفاضلة سيدة أبو زيد والأخ الفاضل محمد أبو زيد

وخلاص ياستي مافيش كراتيه ولا حاجة

إنتي صدقتي برضه؟؟؟؟

دانا غلبااااااان :D  :D  :D

[itsme_1666]

السلام عليكم  :D

انا فى الحقيقة لسة ماشاركتش و لا جاوبتش على السؤال ده بس بصراحة لو اعرف الغرض منه إيه اجاوب بالمختصر المفيد على طولللل  :sneaky2:

يعنى السن فى رأيى لا يقاس بالسنين .. يعنى ممكن تلاقى شاب فى مقتبل العمر و عنده خبرة و ثقافة و عقل يوزن بلد بمعنى تانى لما تتكلم معاه تحس إنه اكبر من سنه و العكس صحيح  :th:  و بالنسبة للسيدات همه بيوصلوا لسن منتصف التلاتينات و مايحبوش يتعتعوا من عنده خالص  وساعات تلاقى سيدة عمرها بالسنين كبير لكن روحها مرحة و شباب  وتحب تتكلم معاها اكتر من بنت العشرين  ... وساعات العكس

علشان كده يا اخ سيد مرزوق انا  لا اقيس العمر بالسنين .. فى أحيان كتيرة اقيسه باللحظات الحلوة  المرحة والتى  تمتلىء بالضحك من القلب ... وانا شخصيا حظى منها مش كتير بسبب الغربة اللعينة  :lookaround:

بس لو عاوزين  الاجابة على بلاطة انا    عمرى حاجة و تلاتين   :D  بمقياس السنين و حاجة و عشرين بمقياس  روح المرح و الفرفشة  و حاجة  و ستين بمقياس العمق فى  التفكير و التخطيط للمستقبل  وحب معرفة كل جديد ...

:turn:  :th:  :D  :cool: