سؤال للأخوة في أمريكا

[الرافعي]

أخواني وأخواتي الأعزاء والعزيزات المقيمين والمقيمات (مش هاتخلصوا :sad: ) في الولايات المتحدة

أرجو إفادتي بما يترتب على حصول الشخص على ال green card ، فما هي الحقوق المترتبة له والواجبات المترتبة عليه، وكيف ومتى يمكن له التقدم للحصول على الجنسية الأمريكية، وهل هناك شروط لذلك.

ولكم جزيل الشكر والتقدير ، وكيلو بتلو من الموزة مع حتتين مواسير للشوربة :sad:

[الرافعي]

صحيح أنا لم أتلق أي رد بعد على الموضوع، لكن أطمع في سؤال آخر :sad:

ما هو موقف التمييز العنصري في الوظائف وغيرها من الشئون الحياتية في أمريكا مقارنةً بما يحدث الآن في فرنسا؟

وشكراً

[New]

الاخ العزيز حلاوة

الحاصل على الـ Green Card يحق له حرية الدخول والخروج من البلد فى اى وقت ولكن لا يحق له الاقامة خارج البلد لفترة طويلة... بعد فترة زمنية اظن انها خمس سنوات يحق للحاصل على الـ Green Card طلب الجنسية مع احتفاظه بالجنسية المصرية...

بعد وصول الحاصل على الـ Green Card بعدة اسابيع يحصل على الـ Social Security Number فيحق له العمل بطريقة شرعية و دفع الضرائب وبناء تاريخ ائتمانى لنفسه (مهم جدا)...

بالنسبة للتمييز العنصرى فى الوظائف وغيرها مقارنة بفرنسا فعلى ما سمعت من ناس كانوا فى فرنسا ان عموما امريكا افضل بفارق ملحوظ...

خذ فى اعتبارك ان مش كل امريكا زى بعضها فاهل الجنوب عندهم ضيق افق وعنصرية... وكل ولاية هنا لها مميزاتها وعيوبها...... بشكل اخر هذا يعتمد انت حتسكن في اى ولاية وفين فى الولاية...

مش عارف ليه مابحبش اهل جورجيا والاباما وميسيسبي واللى حواليهم... :blink:

شئ اخير... بغض النظر عن حالة الاقتصاد نصيحتى للمهاجر الاسراع بمعادلة شهادته او الانضمام لكليه لاخذ شهادة من هنا... لان ده بالطبع حيديله اختيارات اكتر وفرص عمل افضل وفوق ده كله وسط افضل للتعامل معه حتى لو كان فى الجنوب..

اخيرا ياعم انت ايه قصتك .... لو عايز تدفع اجرتك مواسير و لحمة يا ريت تبدلهم بكشرى وسندوتشات فول وطعمية.... :D

تم تعديل 8 نوفمبر 2005 بواسطة New

[الرافعي]

الاخ العزيز حلاوة

الحاصل على الـ Green Card  يحق له حرية  الدخول والخروج من البلد فى اى وقت ولكن لا يحق له الاقامة خارج البلد لفترة طويلة... بعد فترة زمنية اظن انها خمس سنوات يحق للحاصل على الـ Green Card طلب الجنسية مع احتفاظه بالجنسية المصرية...

بعد وصول الحاصل على الـ Green Card  بعدة اسابيع يحصل على  الـ Social Security Number فيحق له العمل بطريقة شرعية و دفع الضرائب وبناء تاريخ ائتمانى لنفسه (مهم جدا)...

بالنسبة للتمييز العنصرى فى الوظائف وغيرها مقارنة بفرنسا فعلى ما سمعت من ناس كانوا فى فرنسا ان عموما امريكا افضل بفارق ملحوظ...

خذ فى اعتبارك ان مش كل امريكا زى بعضها فاهل الجنوب عندهم ضيق افق وعنصرية... وكل  ولاية هنا لها مميزاتها وعيوبها...... بشكل اخر هذا يعتمد انت حتسكن في اى ولاية وفين فى الولاية...

مش عارف ليه مابحبش اهل جورجيا والاباما وميسيسبي واللى حواليهم...  :blink:

شئ اخير... بغض النظر عن حالة الاقتصاد نصيحتى للمهاجر الاسراع بمعادلة شهادته او الانضمام لكليه لاخذ شهادة من هنا...  لان ده بالطبع حيديله اختيارات اكتر وفرص عمل افضل وفوق ده كله وسط افضل للتعامل معه حتى لو كان فى الجنوب..

اخيرا ياعم انت ايه قصتك .... لو عايز تدفع اجرتك مواسير و لحمة يا ريت تبدلهم بكشرى وسندوتشات فول وطعمية....  :lol:

<{POST_SNAPBACK}>

أخويا الحبيب New

تصدق بالله أنا مش عارف أرفع وشي فيك :D

ما حدش عبرني بالرد إلا سعادتك، ودايماً كاسفني

لكن لو سعادتك تشرف الإمارات ينزل لك أحلى طلب كشري، حواوشي، مسقعة .... whatever

وأخيراً تحياتي لسعادتك يا ذوق

معلهش هي أرديحي المرة دي، لكن يمكن نتقابل قريباً في NJ :lol:

خالص التحية لسعادتك

[الرافعي]

شئ اخير... بغض النظر عن حالة الاقتصاد نصيحتى للمهاجر الاسراع بمعادلة شهادته او الانضمام لكليه لاخذ شهادة من هنا...  لان ده بالطبع حيديله اختيارات اكتر وفرص عمل افضل وفوق ده كله وسط افضل للتعامل معه حتى لو كان فى الجنوب..

<{POST_SNAPBACK}>

أخي الحبيب New

حبيت أعرف، هل ممكن التسجيل في دراسات عليا عن طريق Distance Learning Prog إذا كنت لم أذهب بعد ، وهل يكون ذلك مفيداً ؟

تقلنا عليك يا بطل :blink:

[New]

لا يا باشا ماتقولش الكلام ده خالص...

تعرف مشكلتى انى باكتب بالماوس... والكتابة بالماوس تشل... فعلشان كده مشاركاتى قليلة شوية بس بصراحة لما يكون فيه موضوع بيشدنى او سؤال فى حاجة اعرفها يبقى لابد اشارك.... فردى على اسئلتك واجب بالنسبة لى.

وان شاء الله ممكن تفيد ناس ويفتكرونا فى دعائهم...

اما بالنسبة للعزومة انا كنت باحسبك فى مصر بس يا سيدى ملحوقة فى NJ. :blink:

بالنسبة للـ Distance Learning فيه جامعات بتعمله كتير.. انا بصراحة مجربتوش ... كانت دراستى عادية بس لو فكرنا شوية فى النظام ده ماكانتش جامعات كتيرة تعملة الا اذا كان فيه اقبال ... لو فيه اقبال يعنى فيه ناس استفادت منه....

نصيحتى لو كنت مقدم على ال Green Card فاستنى لغاية ماتيجى الاول لان مصاريف دراستك فى الجامعات الاهلية حترخص بشكل ملحوظ بعد اقامتك لمدة سنة فى الولاية اللى حتدرس فيها ... وده يكون الاختيار الافضل.

تحياتى .. :D

تم تعديل 8 نوفمبر 2005 بواسطة New

[الرافعي]

اسمح لي أرفع القبعة تحيةً واحتراماً لسيادتك يا فراس المائدة المستديرة (مع الاعتذار للأخ لانسيلوت)

[الرافعي]

الأخوة الأفاضل المشرفين والأعضاء

يعني هانعيد من تاني ...

أليس من أقل قواعد الديمقراطية يا أعزائنا ، أن تخبروني عندما تغيروا اسم الموضوع ... ها كلاكيت المرة الكاااااااااااام ؟؟؟ أهو من الصعب جداً عندما يقوم المشرف بتغيير الاسم أن يرسل رسالة حتى على ورقة ممزقة لكاتب الموضوع يقول له ياللي ما تتسمى .. غيرنا اسم الشيء اللي انت حاطه مع صورة (صورة واحد قرفان)

طبعاً ده موضوع متكرر، وسؤال سأله أعضاء كثيرين، وطبعاً دمه تقيل..

لكن هو في الحقيقة شيء غير لطيف بالمرة .. اسم الموضوع كان عن US DV Lottery وطبعاً المقصود ليس الفذلكة والكتابة بالإنجليزية، إنما لأن الموضوع اسمه هكذا، وأحببت أن ألفت الانتباه والاهتمام سواءً من المجيبين أو من الأعضاء الذين تهمهم معرفة الموضوع -مثلي-

إذاً فالاسم ليس بعيداً عن الموضوع وليس به ما يخل بالحياء، أو قواعد المحاورات، وحتى لا أنسى .. الأخ New الوحيد الذي قام بالرد عندما كان الموضوع باسمه القديم حتى لا يقول قائل .. أرأيت يا فتى ... عندما تغير الاسم جاءتك الإجابات وتفاعل الأعضاء حيث كان الاسم القديم مبهم، على كل حال الرجل كفى ووفى وقد أفاد من الموضوع من أفاد ، وعلى كل حال ... الإدارة الكريمة أشكركم

ولا أعلم ممن أتت هذه التحية، لكن أشكركم

قبل أن ينبري المدافعون عن هذا التصرف والمهاجمون للروح الشريرة فيه، أرجو التريث وأن يضع كل واحد منا مكان الآخر

ولكم التحية

تم تعديل 17 يناير 2006 بواسطة حلاوة العنتبلي

[عادل أبوزيد]

لكن هو في الحقيقة شيء غير لطيف بالمرة .. اسم الموضوع كان عن US DV Lottery وطبعاً المقصود ليس الفذلكة والكتابة بالإنجليزية، إنما لأن الموضوع اسمه هكذا، وأحببت أن ألفت الانتباه والاهتمام سواءً من المجيبين أو من الأعضاء الذين تهمهم معرفة الموضوع -مثلي-

<{POST_SNAPBACK}>

ببساطة محاورات المصريين باللغة العربية فقط ... و لكنى أتعاطف معك فى أن العنوان الجديد أكثر بعدا و إبهاما عن العنوان الأصلى و أعتذر لك بالنيابة عن محاورات المصريين و لعل "سؤال عن يانصيب الهجرة لأمريكا" يكون عنوانا أكثر مناسبة.

و أدعوك و الجميع إلى إلتماس العذر لفريق الإشراف فالأعباء كثيرة جدا و يوجد أسبوعيا ما يزيد عن ألف مداخلة .

أنا شخصيا ما كنت أستطيع التوصل إلى عنوان مناسب للموضوع إعتمادا على العنوان الأصلى باللغة الإنجليزية ... و أكيد ستوافقنى أن قارئ محاورات المصريين له كل الحق فى معرفة محتوى الموضوع من العنوان.