كل سنة و أنت طيب يا سي السيد

[ناصر الملك و الملكية]

بسم الله الرحمن الرحيم

يصادف اليوم عيد ميلاد عظيم المتحاوريين سي السيد ( الخبر موثوق :blush: )

و قد بلغ من العمر 34 عام

كل سنة و أنت طيب يا سي السيد :sad:

و عقبال ( حط الرقم الأنت عايزه ) سنة :wub:

[shahd]

كل سنه وحضرتك طيب وبألف خير وعقباااااال دشليون سنه كلها في هنا وخير وسعاده وربنا يجعلك من احبابه

[الرافعي]

أخي الحبيب سي السيد

حبيت أكون أول المهنئين لسموكم لكن الأخ ناصر والأخت شهد سبقوا ... يالالالالالالا

توقع الواد عضمة صبيي يجي لك النهارده بحتة لحمة حلوة كدة على ذوقنا، لا مؤاخذة ما احنا مش عارفين ذوقك إيه في اللحمة.

ولو مش بتحب اللحمة البقري ، ممكن نجيب لك ضب، مش برضه انت في الرياض .. إيه رأيك في الأفندي المحترم اللي بيعدي الشارع ده ؟

[أسد]

كل سنة وإنت طيب ..

وعقبال المئوية ...

[se_ Elsyed]

- أنا جاي النهاردة يا عمي أطلب إيد بنت سعادتكم

- في الحقيقة يا إبني إنت فاجأتني ...( وهو أساساً عمال يرسم على الواد بقى له عشرين سنة ... لكن لازم يتصنع إن فوجيء يعني وكده )

في الحقيقة يا جماعة إنتوا فاجأتوني وكبرتوني وأسعدتوني ...

شكراً لكم جميعاً .. لناصر الملك والملكية والإمبراطورية ... ولأخويا عكوة الجزار اللي بأطالبه من هنا إنه يبعت لي العجل كاملاً مكتملاً وأنا أقطع القطعية اللي على مزاجي وأرجع له الباقي .. والشكر موصول لأخي في ديرة الرياض الأستاذ أسد ... وشكر خاص لطنط شهد وكل عائلة الكانتلوب .. وبأوجه شكري حتى للضب اللي كان معدي الشارع وده لو موجود هان كانوا جريوا وراه بالمشوار لو راح المريخ .. لكن حظوظ بقى .

[صفاء]

34 سنة بسسسسسسسسسسسسس

انتو متأكدين ولا دى أوشاعة

34 يا قادر يا قاسم يا واصل :blush:

طيب حيث كده كل سنة وانت طيب ياسى السيد

دلوقت هانقطع التورتة وبعدين كل واحد يقدم هديته ويقول لنا جاب ايه

[صفاء]

مين لهط التورتة ؟؟؟؟؟؟؟؟

حلاوة إب بالتورتة يا عنتابلى

اطلع بالتورتة مفيش غيرك :blush:

[الرافعي]

مين لهط التورتة ؟؟؟؟؟؟؟؟

حلاوة إب بالتورتة يا عنتابلى

اطلع بالتورتة مفيش غيرك  :blush:

<{POST_SNAPBACK}>

ما بلاش نخبط في بعض يا مودام، أحسن والله أقول لأبيه الدكتور ضياء

ما هو موجود دلوقتي هنا في المحاورات

وبعدين أنا تخصصي لحوم فقط :sad:

[الرافعي]

ولأخويا عكوة الجزار اللي بأطالبه من هنا إنه يبعت لي العجل كاملاً مكتملاً وأنا أقطع القطعية اللي على مزاجي وأرجع له الباقي ..

<{POST_SNAPBACK}>

دي آخرتها برضه - عكوه الجزار :blush:

أنا اللي غلطان

[سقراط المصري]

غريبه قوي

يظهر ان العظماء كلهم من مواليد شهر نوفمبر :blush:

مثلا سي السيد ، سقر.....

:)

ماعلينا

اخي الحبيب سي السيد

كل عام وانت وانا والناس الحلوه دي بخير :D

وعقبال لما احتفل معاك بعيدك الالفي :sad:

سقراط :D :wub: :D

ايقونه ورده

[Modest]

لحمة و كمان تورتة ... يبقى ندخل نهني بقلب جامد

أنا جيت أبارك و أهني أخويا و حبيبي سي السيد :sad: الأهلاوي :blush:

كل سنة و انت طيب يابو عمر و عقبال مانبارك لك يوم جواز الواد عمر

ماتنساش اخوك في حتة حلوة كده من الأنتركوت :wub:

.

[Folana]

يا أمة محمـــــــــــــــد؟؟!!!!! كل دى تهانى لسى السيد !!..ياصلاة النبى ..ياصلاة النبى ....طبعا ما كله لازم يقدم فروض الطاعة والولاء لمشرفنا اللى مشرفنا ورافع رأسنا ...

أخى الصغير العزيز س.س...مش عايزة اقول ابنى علشان مااكبركش(وش صباح)....كل سنة وانت طيب ...وبعودة الابام ...

ربنا يجعل حياتك كلها سعادة وفول ...ويفرحك باولادك ويباركلك فيهم وفى والدتهم ....

ويالا حالا بالا حالا ..هنوا اميتاب بتشان ...هيييه ...حيكون عيد ميلاده الليلة حفلة اخر جنان ..هيييييييه ..

وانا عن نفسى حاعمل لك كيكية قرع عسلى بالمخدرات ...قصدى بالمسكرات ..وابعتها بالدى اتش ال على الهند ..مش انت قاطن فى اليمن برضه ؟ :blush:

والسماح بقى لاخونا سكورنس ...اهو الرجل قدم السبت وجه هنا وبارك ..يالا اتنازل عن القضية بقى ....

happy new year

[الأفوكاتو]

كل سنة و أنت طيب يا ابو السيد,

و لقد رأيت تهنئة عيد ميلادك فى البارك, و لكنى فضلت تهنئتك فى بيت العائلة,

عقبال مية عام, و نيف

تحياتى.

[عصام]

ويالا حالا بالا حالا ..هنوا اميتاب بتشان ...هيييه ...حيكون عيد ميلاده الليلة حفلة اخر جنان ..هيييييييه ..

happy new year

<{POST_SNAPBACK}>

هما عرفوا ازاى؟ :blush:

هما عرفوا ازاى؟ :sad:

:wub:

[Sherief AbdelWahab]

هما عرفوا ازاى؟ 

هما عرفوا ازاى؟ 

بون بون سيما .. مش غريب عليا! :blush: :sad:

كل عام وسي السيد حبيب الملايين الناجح في الجولة الأولى بلا إعادة ولا تعيين بألف صحة وخير وسعادة ، أبقاه الله في صحة وسعادة وتوفيق وراحة بال لأهله وأحبابه وجموع المحاوراتيين .. ولا السيد أحمد عبد الجواد في زمانه..

أمييييييييينة :wub:

عتاب الأحباب :

لقيتك مغير الأفاتار بتاعك ياأبو السيد .. استغربت .. طول عمرنا متعودين على أفاتار الشيخ أحمد ياسين ، لدرجة وصلتني شخصياً للقول بإن فيك شبه كبييييير منه.. ياريت ولو فيها رزالة - على رأي عبد الرازق بتاع ريا وسكينة - تشرح لنا وجهة نظرك في تغيير الأفاتار .. رغم إن الأفاتار الجديد شكله حلو ونميس..

خلص الكلام

[ابو صلاح]

اده انت عيد ميلادك النهارده يا سي السيد :D

مش تقولو يا جماعه :blush:

نعيماً يا سى السيد :D

:sad: :wub: :)

[Handicraft]

س س يا يعيش يا يعيش .... يعيش يعيش يعيش.

كل سنة وانت طيب وبخير انت والأسرة كلها ومتعك الله بالصحة والعافية.

وخد كارت المعايدة اهو يا سيدى.

السوارس دهستنى يا سي السيد ...دوس هنا

تم تعديل 15 نوفمبر 2005 بواسطة Handicraft

[se_ Elsyed]

ياريت ولو فيها رزالة - على رأي عبد الرازق بتاع ريا وسكينة - تشرح لنا وجهة نظرك في تغيير الأفاتار .. رغم إن الأفاتار الجديد شكله حلو ونميس..

ما فيش أسباب ولا حاجة يا شرشر ..

ولكن دخلت موقع للصور فلقيت صورة الواد المكلضم ده مرميه على جنب .. فعجبتني لإن فيها شبه مني لما كنت صغير - أيامنا ما كانش في صور يابني ولكن كله كان رسم بالفحم بعد ما ينزلوه من على الشيشة -

أما صورة أحمد ياسين وكل الشهداء المجاهدين فهي في قلبي بالتأكيد .. وإن شاء الله نحصلهم ف يالجنة .. إن شالله نخدم عليهم هناك .. بس نحصلهم ...

نعيماً يا سى السيد

الله ينعم عليك يا محمود يا صالح .. أنت اللاحقون .

كل سنة و أنت طيب يا ابو السيد,

شكراً يا عم محمود ويارب نشوفك في الأفراح ..

أخى الصغير العزيز س.س...مش عايزة اقول ابنى علشان مااكبركش(وش صباح)....كل سنة وانت طيب ...وبعودة الايام ...

شكراً يا فُلانه هانم ... وجيتك من أسطنبول عشان تهني .. دي على راسي من فوق ومش هانسهالك ... فهماني ؟

ماتنساش اخوك في حتة حلوة كده من الأنتركوت

أخي العزيز موديست ... يا باشا الإنتكوت والإنترنت والدي إس إل كلهن تحت أمرك ... أنا من ساعة ما هنيتك بعيد ميلادك من كام إسبوع وأنا عارف إن اليوم ده هاييجي ..

يظهر ان العظماء كلهم من مواليد شهر نوفمبر

شكراً يابو السقاريط ..

شوفت .. أنا بره المحكمة فريندلي أوي وصاحب صاحبي ... لكن مجرد ما ألبس الروب دي شامبر .. ما بأعرفش أبويا لو كان في القفص .. آه

دلوقت هانقطع التورتة وبعدين كل واحد يقدم هديته ويقول لنا جاب ايه

شكراً للباش حكيمه صفوئه ... ونردهالك في الأفراح يا أختشي .

س س يا يعيش يا يعيش .... يعيش يعيش يعيش.

كل سنة وانت طيب وبخير انت والأسرة كلها ومتعك الله بالصحة والعافية.

وخد كارت المعايدة اهو يا سيدى.

إبننا العزيز هاندي ... تعالى هنا عندي ..

الكرت فاضي وما فيهوش فلوس ...

فين يابني النُقطة .. ولا هاتمشيها أورديحي ؟

[se_ Elsyed]

شكر خاص للدكتور محبط اللي كلمني وأنا كنت نايم في وقت الراحة ..

وشكر مع تمناياتي بموفور الصحة للبيج بوس أ / عادل أبو زيد على مكالمتة الأبوية الرقيقة التي ترفع دائماً من روحي المعنوية وتزيد حبي وأحترامي لشخصة الكريم ...

وشكر مع خمسة جنية لأخويا الكبير إبن مصر بالرغم من مشاغلة الجمه اللي أنا عارفها ..

ويارب كلنا كده نبقى مجتمعين وفرحانين على طول ....

الفرحة حلوه ياولاد وخصوصاً لما يكون فيها أكل جاتوه وكده .

[ابو صلاح]

الله ينعم عليك يا محمود يا صالح .. أنت اللاحقون .

بقالك 60 سنه بتقولى يا محمود يا صالح .. وانا كل مرة بقول غلطه مطبعية ويمكن ما خدش باله

( محمود صلاح ) لو سمحت