ما هو انتماءك؟

[مفروس]

اخواني صباح الفل...

سؤال جايز يكون غريب و لكنه بيلف في دماغي بقاله سنين...

و الغريب اني لقيت انه تقريبا من أكبر أسباب مشاكلنا و بيعتمد على حله حل مشاكل كتير قوي بتقابلنا...

تحديد الهوية و الانتماء...

الموضوع ده أطول كتير جدا من انه يتلم في مقالة أو خواطر...

علشان أي أمة تتحضر و تتنظم و تتقدم لازم يكون فيه منظومة عمل اجتماعى يكون الكل فيه يعملون معا بدافع انتماءات معينة للوصول لهدف معين...

وكلما زاد الانتماء زاد التفاني و الانتاج و ترابط المجتمع...

زمان كان المصري بينتمي لمصر...الفلاح المصري و التاجر و الجندي و حتى فرعون كانوا كلهم منتمين لكيان واحد.....مصر

لغاية ايام الملك الله يرحمها كان الانتماء لمصر...و بعدين للعرب بحكم الجيرة و التاريخ المشترك و أخيرا الدين...

مش بمعنى انهم كانوا قلالات الدين بالعكس...كان الدين هوية تعارف و اسلوب حياة و لا يمثل أي مشكلة بين الجيران و مش محتاجين ندي أمثلة...

جاء عبد الناصر و بنرجسيته و جنون العظمة عنده حس ان مصر مش كفاية عليه...

بقى عايز يبقى زعيم الأمة العربية و زعيم عدم الانحياز و زعيم العالم الحر و وصل بيه الجبروت انه يمحي اسم مصر من على الخريطة و تبقى الاقليم الجنوبي في الجمهورية العربية المتحدة...الله يرحمه مسح الاسم اللي اتذكر في القرآن...مسح 7000 سنه علشان يكبر زعامته...

و دخل في حروب و حرق جيشنا في اليمن و استثار اسرائيل و امريكا و اداهم فرصة يدمروا الجيش المصري في 67 علشان خاطر زعامته...

المهم...ما بقيناش مصريين بقينا عرب...

و بعد كده الحكومة وجدت الموضوع جميل جدا...

و بدأت تأصل انتماءات أخرى و تعمل مشاكل بينهم...

اشى مسيحي و مسلم...اشى زمالك و اهلي...

و هاتك يا تقطيع في جسد الأمة الغلبانة دي علشان ما توصلش تانى في يوم ان الشعب ده كله يفوق لقضيته الأولى و هي التخلص من الفساد و الحكام الفاسدين...

ما يحصلش ان المصريين دول كلهم يقفوا ورا زعيم حقيقي زي سعد أو النحاس و يثوروا لأجل ما هم جميعا منتمين اليه...مصر

ممكن نشوف رأيكم في الموضوع ده؟؟

[Proud Muslim]

هو بصراحة يا أستاذ مفروس .. هو موضوع الانتماء ده مضايق حضرتك في ايه ؟

يعني اذا كنت أرى انا شخصيا أن أهم انتماء لي هو انني مسلم .. فهو انتماء انا اخترته بشخصي و بقناعتي ( و هكذا يجب ان يكون حال كل مسلم و مسيحي ) ..بينما انا ولدت مصريا و لم يكن لي اي دخل و لست أطمح في أن أحمل اي جواز سفر آخر .. على الأقل في الوقت الحالي .. فما المشكلة ؟؟

صدقني يا سيدي الفاضل .. ليست المشكلة في أن يرى البعض أن أولوية انتمائه لدين او عرق .. و لكن المصيبة في أن تطغى بعض الاولويات على حقوق الاولويات الأخرى ..

و سترى انه بعد فترة من الزمان سيختفي الفرنسي و سيحتفي الهولندي و الالماني ليصبحوا اوروبيين فقط .. هل هذا سيؤدي الى اختفاء الحضارة الاوروبية ؟

ما أريد قوله أن من يعتقد انه لكونه مسلم فهذا يجعل من مصر شيئا ثانويا تماما .. فهذا مخطيء ..

يعني ما تكونش مصر محتاجة مجهود و و و و .. اروح دولة تانية اسلامية هي الأخرى و أقول الاسلام اولا و كلها أرض الاسلام !!

هنا نقول .. الأقربون أولى بالمعروف !!

ان يجعل الانتماء الأولى الانتماءات الأخرى ليس لها قيمة فهذا عين الخطأ ..بل إنني أحسب أن كل الانتماءات تخدم بعضها بعضا ..

دعنا من سياسة .. صباعي اللي يوجعني أقطعه ... فهذا ليس حلا ..

ليس لأن البعض أساء فهم انتماءاته و ترتيبها و حقوقها .. فهذا يعني ان يفرض البعض على البعض الآخر ترتيبا معينا لأولوياتهم ..

و لك تحياتي .

[سقراط المصري]

و سترى انه بعد فترة من الزمان سيختفي الفرنسي و سيحتفي الهولندي و الالماني ليصبحوا اوروبيين فقط .. هل هذا سيؤدي الى اختفاء الحضارة الاوروبية ؟

عباره جميله احييك عليها يا براود.

[ابو حلاوه]

هو بصراحة يا أستاذ مفروس .. هو موضوع الانتماء ده مضايق حضرتك في ايه ؟

يعني اذا كنت أرى انا شخصيا أن أهم انتماء لي هو انني مسلم .. فهو انتماء انا اخترته  بشخصي و بقناعتي ( و هكذا يجب ان يكون حال كل مسلم و مسيحي )  ..بينما انا ولدت مصريا و لم يكن لي اي دخل و لست أطمح في أن أحمل اي جواز سفر آخر .. على الأقل في الوقت الحالي .. فما المشكلة ؟؟

صدقني يا سيدي الفاضل .. ليست المشكلة في أن يرى البعض أن أولوية انتمائه لدين او عرق .. و لكن المصيبة في أن تطغى بعض الاولويات على حقوق الاولويات الأخرى ..

و سترى انه بعد فترة من الزمان سيختفي الفرنسي و سيحتفي الهولندي و الالماني ليصبحوا اوروبيين فقط .. هل هذا سيؤدي الى اختفاء الحضارة الاوروبية ؟

ما أريد قوله أن من يعتقد انه لكونه مسلم فهذا يجعل من مصر شيئا ثانويا تماما .. فهذا مخطيء ..

يعني ما تكونش مصر محتاجة مجهود  و و و و .. اروح دولة تانية اسلامية هي الأخرى و أقول الاسلام اولا و كلها أرض الاسلام !!

هنا نقول ..  الأقربون أولى بالمعروف !!

ان يجعل الانتماء الأولى الانتماءات الأخرى ليس لها قيمة فهذا عين الخطأ ..بل إنني أحسب أن كل الانتماءات تخدم بعضها بعضا ..

دعنا من سياسة .. صباعي اللي يوجعني أقطعه ... فهذا ليس حلا ..

ليس لأن البعض أساء فهم انتماءاته و ترتيبها و حقوقها .. فهذا يعني ان يفرض البعض على البعض الآخر ترتيبا معينا لأولوياتهم ..

و لك تحياتي .

<{POST_SNAPBACK}>

عزيزي براود

علي مدي السنوات الثلاثة الماضية قرأت الكثير من مشاركاتك في المنتدي .... الحقيقة مداخلاتك تغيرت كثيرا واشعر انها تتسم بقدر كبير من النسبية ........ بصراحة مداخلاتك الاخيرة اصبحت اكثر عمقا و امتاعا

[kotoz9]

انا أخترت مسلم - مصرى-عربى

مش معنى انى وضعت مصر فى المرتبة التانية انى بأكرهها وانى غير وطنى او كما يقول البعض ممكن اروح دولة اسلامية تانية

المسألة انى سألت نفسى كام سنة حاعيش مصرى وكام سنة حاعيش مسلم؟؟؟؟

وجدت ان انتمائى لمصر ينتهى بمجرد موتى اما الشئ الوحيد الذى يستمر معى الى يوم القيامة هو اسلامى.....بس خلاص

[dr/alfa]

السلام عليكم ورحمة الله وبركاته

تحية من القلب طيبة لاخى براود مسلم

ما أريد قوله أن من يعتقد انه لكونه مسلم فهذا يجعل من مصر شيئا ثانويا تماما .. فهذا مخطيء ..

يعني ما تكونش مصر محتاجة مجهود و و و و .. اروح دولة تانية اسلامية هي الأخرى و أقول الاسلام اولا و كلها أرض الاسلام !!

هنا نقول .. الأقربون أولى بالمعروف !!

أعرف تماما أنه قد خانك التعبير لا أكثر ,

ولكن الحب فى الله يقتضي التصحيح .

و أقول الاسلام اولا و كلها أرض الاسلام !!

طبعا الاسلام اولا وقبل كل شيء و قبل مصر وقبل أسرتي حتى وقبل عملى ,

لأنه دين الله ,

والرسول صلى الله عليه وسلم قال (( لا يؤمن أحدكم حتي يكون الله ورسوله أحب إليه مما سواهما ))) أو كما قال صلوات الله عليه وتسليماته .

فالدين اولى بالتلبية من الوطن , فمصر هى وطننا والاسلام ديننا .

والاسلام اولي حينما تقتضي الظروف والأقدار المفاضلة .

هنا نقول .. الأقربون أولى بالمعروف

طبعا محدش قال حاجة

الاقربون أولى بالمعروف

ولكن قد يكون هناك تعارض -او هكذا فهمت - بين هذه الجملة وما سبقها من كلام يفهم منه المرء أن المفاضلة المقصودة هنا بين إما الاسلام أو الوطن المتمثل فى مصر .

وهذا مرفوض طبعا . وانت لا تقصده بالطبع .

واما الجملة الأخيرة فيفمهم منها المفاضلة بين خدمة الاسلام والمسلمين داخل الوطن اوخارجه , وهذا مقبول طبقا للاولويات والمصالح المتحققة منه .

والله الهادي الى سواء السبيل .

[dr/alfa]

الى الاستاذ/ قطز 9

وجدت ان انتمائى لمصر ينتهى بمجرد موتى اما الشئ الوحيد الذى يستمر معى الى يوم القيامة هو اسلامى.....بس خلاص

تحية واجبة على هذا التعبير الرائع النابع من قلب مخلص لدينه .

هذا تأييد لحديث النبي صلى الله عليه وسلم :((( لا يؤمن أحدكم حتي يكون الله ورسوله أحب إليه مما سواهما ))))

ولا شك أن تفضيلك للدين على وطنيتك أو قل لجنسيتك , هو نابع من حب صادق لله ورسوله .

فجزاك الله خيرا .

تم تعديل 20 نوفمبر 2005 بواسطة dr/alfa

[مفروس]

اخواني صباح الفل

صديقي براود مسلم...اسمحلي ارد عليك..

هو بصراحة يا أستاذ مفروس .. هو موضوع الانتماء ده مضايق حضرتك في ايه ؟

أولا انا موضوع الانتماء مش مضايقني أكتر من اني معتقد انه علشان الناس تشتغل و تنتج و تتقدم لازم تكون منتمية لفكر معين أو قضية أو حتى قومية معينة تجمعهم في منظومة واحدة ليصلوا لنتيجة معينة...

المشكلة اني حاسس هنا في مصر ان الناس مجلجلين شوية في الموضوع ده...

صديقي انت أكيد من احتكاكك بالناس شفت ده برضه...او جايز لأ...

يعني اذا كنت أرى انا شخصيا أن أهم انتماء لي هو انني مسلم .. فهو انتماء انا اخترته  بشخصي و بقناعتي ( و هكذا يجب ان يكون حال كل مسلم و مسيحي )  ..بينما انا ولدت مصريا و لم يكن لي اي دخل و لست أطمح في أن أحمل اي جواز سفر آخر .. على الأقل في الوقت الحالي .. فما المشكلة ؟؟

مافيش مشكلة خالص...بالعكس...انت اخترت شيئ بنفسك و طالما انك مقتنع تماما بيه و منتمي اليه فده شيء صحي و جميل...أكيد كده أفضل من انك تكون منتمي لدين أو قوميه لمجرد انك اتولدت فيهم أو خايف تعارضهم أو تفكر فيهم خوفا من المجتمع حواليك أو لأي سبب آخر...

صدقني يا سيدي الفاضل .. ليست المشكلة في أن يرى البعض أن أولوية انتمائه لدين او عرق .. و لكن المصيبة في أن تطغى بعض الاولويات على حقوق الاولويات الأخرى ..

معاك مليون في الميه

و سترى انه بعد فترة من الزمان سيختفي الفرنسي و سيحتفي الهولندي و الالماني ليصبحوا اوروبيين فقط .. هل هذا سيؤدي الى اختفاء الحضارة الاوروبية ؟

معلش أنا باختلف معاك في دي... لا الفرنسي ولا الهولندي ولا غيرهم حيختفوا....حتفضل الثقافة و الجذور موجودة...و حتفضل الحدود القومية موجودة بس الناس دي فهمتها صح...

شافوا المصلحة فين و راحولها...من غير شعارات طنانة ولا أغاني و أناشيد ولا اوبريت الحلم الأوروبي ولا أي حاجة من الهجص ده...بس لسه كل واحد فيهم محتفظ يقوميته و لغته و ثقافته...

ما أريد قوله أن من يعتقد انه لكونه مسلم فهذا يجعل من مصر شيئا ثانويا تماما .. فهذا مخطيء ..

يعني ما تكونش مصر محتاجة مجهود  و و و و .. اروح دولة تانية اسلامية هي الأخرى و أقول الاسلام اولا و كلها أرض الاسلام !!

هنا نقول ..  الأقربون أولى بالمعروف !!

معاااااااااااااااااااااااااااااااااااااااااااك الله ينور عليك

ان يجعل الانتماء الأولى الانتماءات الأخرى ليس لها قيمة فهذا عين الخطأ ..بل إنني أحسب أن كل الانتماءات تخدم بعضها بعضا ..

المفروض....

دعنا من سياسة .. صباعي اللي يوجعني أقطعه ... فهذا ليس حلا ..

ده شغل عادل أدهم و حواديت فارغة

ليس لأن البعض أساء فهم انتماءاته و ترتيبها و حقوقها .. فهذا يعني ان يفرض البعض على البعض الآخر ترتيبا معينا لأولوياتهم ..

بس يا صديقي انت مش واخد بالك من حاجة...أنا ما كنتش بافرض أي ترتيب ولا باطالب بتغيير معتقدات أي حد...

انا حبيت بس أعرف تكير الشباب المحترم اللي هنا متجه لفين؟؟

مجرد معلومة ليا و لأي شخص هنا ممكن يفكر في هذه النقطة...

أنا آسف جدا لو سؤالي ضايق أي حد أو استفز أي حد هنا...

و لك تحياتي .

و لك كل احتراماتي.

<{POST_SNAPBACK}>

[ناصر الملك و الملكية]

طبعاً إخترت مسلم عربي مصري

و ممكن أزود بعد مصري - قاهري

[Mena0064]

إضطريت أختار "مصرى - مسيحى - عربى"

لأن مفيش "مصرى - أفريقى"

فى رأيى الإنتماء الدينى مش المفروض يقارن بالإنتماء الوطنى دى تفاحة و دى برتقانة.

أما عن الإنتماء العربى فهو شئ مصطنع ليس إلا طبعا إلا لمن هو من نسل يمتد لقبائل شبة الجزيرة العربية. فقط لأننا نتكلم عربى لا يجعل منا عرب، كام بلد فى العالم بتتكلم إنجليزى و فرنساوى لكن لا أظنها تعتبر نفسها إنجليزية أو فرنسية.

من المؤسف كمان إننا ننسى إنتمائنا الأفريقى، القارة اللى إحنا جزء منها و اللى خرج أجدادنا الفراعنة من بطنها.

عايز أسأل سؤال للأخوة بمناسبة "الأقربون أولى بالمعروف"

من أقرب لك الأجنبى المسلم أم المصرى المسيحى؟

تم تعديل 20 نوفمبر 2005 بواسطة Mena0064

[ابو حلاوه]

في اغنية لمحمد منير ( انا قلبي مساكن شعبية ) بيقول مكتوب في بطاقتي الشخصية الاسم الكامل انسان و الشعب الطيب والديا ....... ترتيب اولويات الانتماءات يختلف تماما حسب الظروف .... في فرنسا انا كنت باعامل كعربي و في امريكا انا شرق اوسطي احيانا او ابيض كلما طلب معرفة العرق يعني اسرائيلي او عربي الاثنين واحد عند الامريكان ....في قعدة مع اصدقائي المصريين المسيحيين باكون مسلم و عندما التقي ببعض الاصدقاء من الجابون والسنغال المقيمين هنا بينقح علي انتمائي لأفريقيا ... اتفق مع براود ان مسالة ترتيب اولويات الانتماء دي شئ مصطنع تماما و ليس حقيقي و بالنسبة لسؤال الاخ مينا عن من اقرب ليس الاجنبي المسلم ام المصري المسيحي ابن بلدي هو ابن بلدي و عشرة و عيش و ملح و ما يؤذيه يؤذيني و المسألة لا تستحق السؤال اصلا

[سقراط المصري]

في اغنية لمحمد منير ( انا قلبي مساكن شعبية ) بيقول مكتوب في بطاقتي الشخصية الاسم الكامل انسان و الشعب الطيب والديا  ....... ترتيب اولويات الانتماءات يختلف تماما حسب الظروف .... في فرنسا انا كنت باعامل كعربي و في امريكا انا شرق اوسطي  احيانا او ابيض كلما طلب معرفة العرق يعني اسرائيلي او عربي الاثنين واحد عند الامريكان ....في قعدة مع اصدقائي المصريين المسيحيين باكون مسلم و عندما  التقي ببعض الاصدقاء من الجابون والسنغال المقيمين هنا بينقح علي انتمائي لأفريقيا ... اتفق مع براود ان مسالة ترتيب اولويات الانتماء دي شئ مصطنع تماما و ليس حقيقي و بالنسبة لسؤال الاخ مينا عن من اقرب ليس الاجنبي المسلم ام المصري المسيحي  ابن بلدي هو ابن بلدي و عشرة و عيش و ملح و ما يؤذيه يؤذيني و المسألة لا تستحق السؤال اصلا

<{POST_SNAPBACK}>

مداخله ملهاش حل.................... يعني رائعه.

ابو حلاوه............... تقديري وتحياتي

مداخلة براود مسلم + مداخلة ابو حلاوه = رأي سقراط الكسلان عن الكتابه

تحياتي

سقراط

[dr/alfa]

عايز أسأل سؤال للأخوة بمناسبة "الأقربون أولى بالمعروف"

من أقرب لك الأجنبى المسلم أم المصرى المسيحى؟

انت إيه رأيك انت فى الموضوع ده يا استاذ مينا ؟؟؟؟؟؟

يعني لو قلبنا السؤال وقلنا لواحد نصراني نفس السؤال بس بصيغة أخري :-

(( النصراني الأجنبي أمريكي بقي او كندي أقرب لك أم المسلم المصري ؟؟؟ )))

اسأل أقباط المهجر .

[سقراط المصري]

انت إيه رأيك انت فى الموضوع ده يا استاذ مينا ؟؟؟؟؟؟

يعني لو قلبنا السؤال وقلنا لواحد نصراني نفس السؤال بس بصيغة أخري :-

(( النصراني الأجنبي أمريكي بقي او كندي أقرب لك أم المسلم المصري ؟؟؟ )))

اسأل أقباط المهجر .

<{POST_SNAPBACK}>

مش عارف ، مدخلتك يا دكتور استفزتني ونرفزتي كمان.

الراجل بيسأل سؤال ، يكون الرد بسؤال.

وإيه اللي دخل اقباط المهجر في الموضوع.

وهو كل واحد مسيحي في مصر يبقى صفته ونعته زي اقباط المهجر................... مش لازم نفصل شويه الامور ومنخلطهاش.

لاإله إلا الله ، محمد رسول اله

سقراط

[ناصر الملك و الملكية]

عايز أسأل سؤال للأخوة بمناسبة "الأقربون أولى بالمعروف"

من أقرب لك الأجنبى المسلم أم المصرى المسيحى؟

<{POST_SNAPBACK}>

كدا هندخل في عقيدة الولاء و البراء :sad:

و لكن قطعاً الأقرب إلي هو أخي

[dr/alfa]

مش عارف ، مدخلتك يا دكتور استفزتني ونرفزتي كمان.

ولا تنرفز نفسك ولا حاجة

أنا كلامي موجه للأستاذ العزيز مينا

واذا كنت مضايق من عدم ردي على سؤاله

فأنا بأرد بإن المسلم ولي المسلم , يعنى ينصره اذا احتاج النصر ويشد من أزره عند الشدائد و مصداقا لقوله تعالى ( انما المؤمنون اخوة ) ولقول النبي صلى الله عليه ( المسلم أخو المسلم )) .

ولو تريد أن أوضح أكثر من كدة ممكن 0000000 بس مش عاوزك تتنرفز ... بالله يا شيخ مش مستاهلة .

[Mena0064]

أبو حلاوة، أفحمتنى و سعيد بإجابتك الجميلة، آسف إذا كان السؤال خارج الموضوع بس أنا حسيت إن الحوار إتجهة للنقطة دى شوية.

د الفا، أنا من "أقباط" المهجر و أقدر أقولك بمنتهى الثقة إن الإنسان المصرى الكويس أيا كان دينة أقرب لى من الف مسيحى أجنبى. لعلم حضرتك إن المسلمين و المسيحيين فى البلاد الغربية سمن على عسل أنا مش عارف البعض واخد الفكرة السيئة دى منين الا من الإعلام المشوش. ثانيا أكيد إنت عارف إن كلمة "أقباط" دى معناها مصريين و مش شرط مسيحيين يعنى إنت قبطى مسلم بينما أنا قبطى مسيحى.

[Mena0064]

فأنا بأرد بإن المسلم ولي المسلم , يعنى ينصره اذا احتاج النصر ويشد من أزره عند الشدائد و مصداقا لقوله تعالى ( انما المؤمنون اخوة ) ولقول النبي صلى الله عليه ( المسلم أخو المسلم )) .

<{POST_SNAPBACK}>

الحقيقة تعليقك غريب شوية يعنى إنت بتستنكر ما قد تكون سمعتة عن أقباط المهجر المسيحيين، فى نفس الوقت بالفم المليان واخد موقف مماثل. يعنى لو إفترضنا مجازا إن الأقباط المسيحيين بيفضلوا الأجانب على المسلمين، يبقى بتستنكر ده لية و إنت بتقول نفس الكلام مع إستبدال المسيحية بالإسلام.

لعلمك إن حتى العرب و الشرق أوسطيين عموما بيحتقروا المصريين فى بلادهم و البلاد الغربية كمان، و الحكاوى فى الموضوع دة عايزة مجلدات!

و بعدين ماحدش قال إن معنى كدة المسلم ما يبقاش أخو المسلم. المصرى أخو المصرى فى الوطن و المسلم أخو المسلم فى الدين و كل البشر إخوة فى الإنسانية. لما تكون قضية وطن يبقى الأوية لإبن بلدك ولما تكون مسألة عقائدية يبقى شئ تانى.

طول ما كل واحد بيجدف فى إتجاة هنتقدم ببلدنا إزاى؟

[Mina]

على اسم مصر

أحسنت في القول صحيح يا ولد يا متنبي

جبت اللي جوه الفؤاد عن مصر متعبى

وحكمت بالعدل لكن بعضنا انظلموا

" يا أمة ضحكت من جهلها الأمم "

العلم كان عندنا من صغره متربي

لكنه هاجر وعدى البحر متخبي

لما الإيران هجموا ثم اليونان هجموا

ثم الرومان دمروا ثم التتار هدموا

ثم الجميع كل واحد جه مسح قدمه

على اسم مصر

[dr/alfa]

يعنى لو إفترضنا مجازا إن الأقباط المسيحيين بيفضلوا الأجانب على المسلمين، يبقى بتستنكر ده لية و إنت بتقول نفس الكلام مع إستبدال المسيحية بالإسلام

انا لا أستنكر ذلك على الاطلاق بل هذا طبيعي

بعضكم أولياء بعض .