كل ما بكبر

[أحمد عمر]

[align=center]

أنا كل ما بكبر.............. بكبر

وأحلامي معايا ...........بتكبر

والجرح فقلبي ..........بيصغر

فبحب الدنيا ...........أكتر

............

وهعيش على قد ما هقدر

أزرع فالدنيا وأخضر

بحروف من نور راح أسطر

تاريخ منقوش بمرمر

............

بالحب حياتنا ......تعمر

والمر يصبح .....سكر

وندوب فيه أكتر وأكتر

يا قلوب .....زي السكر

............

عن حبي ليكو ....بعبر

وشوقي ليكم ....اكبر

وبقول من فوق المنبر

أنا ..كل ما بكبر....بكبر[/align]

[هشام الجنيدى]

وانا كل ما بكبر بلقا

ان الاحزان مش فارقه

وان يوم حسيت بالخنقه

اخرج وابص لفوق

والاقى سمانا الزرقا

والشمس جميله وفايقه

والنسمه عليله ورايقه

انسى ان انا مخنوق.............

رااااااااااااااااااااااااااائع يا ابو حميد رااااااااااااااااااااااائع بجد استفزتنى كلماتك واخرجت من قلبى كلمتين كنت عاينهم لوقت عوزه :D ورجعتليه الامل المفقود وانت ترى الحياه بهذا المنظور المتفائل

وعجبنى قوى المطلع بتاعك ( انا كل ما بكبر ...........بكبر ) جمييييييييييييييل جدا جدا جدا

بجد انا برحب بيك هنا وسطنا واتمنى لك دوام التفاؤل والتوفيق :P

تم تعديل 30 نوفمبر 2005 بواسطة هشام الجنيدى

[أحمد عمر]

أكيد يا هشام لازم نكبر علشان

مصر تكبر كمان وكمان

وأنا سعيد بتعقيبك على كلماتي وأتمنى أن تنال دائما وأبدا

اعجابكم

أحمد عمر

تم تعديل 30 نوفمبر 2005 بواسطة أحمد عمر