بص على المصريين فى بلد الغربه

[الاسكندرنى]

السلام عليكم اخوان الغربه

اعرفكم بنفسى

الاسم. امير يوسف

السن.27 سنه

بلد الغربه. لبنان وايطاليا ,اخيرا فرنسا

الحاله الاجتماعيه. متزوج من فرنسيه و الحمد لله اسلمت ولى منها طفله

الوظيفه . غواص تجارى

الدراسه . خريج الاكاديميه العربيه للعلوم

بلد الاصل . جمهوريه مصر العربيه الاسكندريه

القصه.........

باختصار انا شاب عادى جدا كان لى اصحاب فى كل متر فى بلدى و بعدين الواحد فاق لنفسه قال ايه اعمل ايه بقه فى دنيتى بس فالقيت ابو واحد صاحبى كان غواص قعدت معه كتير ومن كلامه عن الغوص حبيته اوى فاقررت اتجه الاتجاه ده و ابتديت الدورة و خلصتها و حظى كان فى السماء لان ابو صحبى ده كان لسه فاكرنى و اتوسطلى فى الشركه اللى كان فيها و اشتغلت فى مصر لمده مش كبيره اوى و بعدين تبدا حكايتى مع الغربه

اولا .... لبنان

رحت مع الشركه ده اللى لبنان فى مشروع مده 6 شهور بس و كنت مقيم فى بيروت شارع الحمرا * اف جامد طحن*

و تعرفت طبعا على ناس اشكال و الوان مصريين و عرب بهوات و حرافيش

بس فى الست شهور ده كان الوحد ظبط نفسه تمام التمام فى لبنان * مصرى بقه ماقولكمش عليه * واتعرفت على بنت هناك حته من القمر و كان الكلام اتجوز و اعيش فى لبنان

و الايام تمر و يخلص المشروع و كل واحد بيتك بيتك و هنا هوبا هوبا احساس جامد و انت نازل بلدك تانى الحقيقه انا فى اول مره سفر ما فهمت معنى غربه

كنت فى اجازه شهرين بعد الرحله ديه فى الشهرين دول كرهت نفسى و البلد و اللى فيها بسبب حالت الملل اللى الواحد شفها فى مصر اهى مده و راحت خلاص رجعت شغلى بس المره ديه فى مشروع فى جبل الزيت فى السويس لو بتسمعوا عنه اشتغلت هناك كانت اجازتى 15 يوم و شغل 21 يوم

و بعدين الشركه طلبت الغواصين الملمين بلغات الاجنبيه

فا كنت انا من اول المتقدمين خير ياريس ايه فى ايه قالك فى شغل فى ايطاليا مع ناس اجانب و الشغلنه ده طويله سنتين على الاقل انا الحمد لله باتقن الانجليزيه و الايطاليه و الفرنسيه و العربى و صلى على النبى

الايطاليه بجد يامير بتكلم ايطالى ايوه ياريس و الله العظيم كمان طيب اتعملى امتحان تحديد مستوى فى السفاره و الحمد لله ناجحت بس ياعم

ثانيا.... ايطاليا

اخدت تاشيرة اول بلد اوربيه فى باسبورى و انا عندى بتاع 22 سنه و سافرت كان الكلام بقه ان انا مترجم و غواص و فى سجن فى نفس الوقت *خايفين على المجموعه كلها لحسن حد يهرب * المهم اشتغلنا وكله كان تمام

بس كان فى نواقص يعنى مافى اجازات ولا حتى نت ولا تلفون علشان تطمن اهلك

طبعا و كالعاده قبلت و شفت ناس ناس ناس

اقولكم على حاجه شفت مصريين هناك مش مصريين * الحدق يفهم يعنى اللى عملى فيها ابن الحاجه مافيا *

و رجعت على مصر عمرى 24 سنه و شويه طبعا ماوصفش ايه كان الاحساس بعد سنتين لا حس و لا خبر تترمى فى حضن الحاجه و تنسى الدنيا و هى بتعيط لانها لمستك تانى و سمعت صوتك تانى طبعا روحت قاعد جانب الحاجه حوالى 6 شهور كانت اجازتى كلها و حصل نمره بقه من الشركه وقفت المرتب ليه ياعم * لانك طبعا رجع من بره قابض باليورو و بتدور على مرتب مصرى و الله العظيم اتقالتلى باللفظ * طبعا انا احتجيت و منت على اخرى من ولاد الحراميه فى الشركه يعنى بعد حبسه و غربه و شغال شغلانتان مترجم و غواص و لما ترجع يقلولك *.......... *

تركت الشركه و كنت فى حاجه فعلا الى راحه راحه طويله يعنى الحمد لله الواحد معه ارشين قولت اعمل مصلحه و اقعد بقه جنبها و ربنا يسهل الحال طبعا انا بفكر فى ده و كل صحابى فى منهم اللى بيفكر معايه و فى منهم اللى بيقولى ارجع لعقلك يابنى مشروع ايه اللى تعمله فى الزمن الاغبر ده فعلا الكلام ده صحيح علشان ادور انا حعمل ايه كمشروع حعيش عليه قولت اعمل قهوة او كافتيرا على مستوى عالى اروح ابص القى مليون قهوه و كافتيرا

طيب سيبر انترنت على دلع و حركات اف فين المكان و حتدفع كام تحت التربظه للرخصه ومشوار وصلات الدش ديه والله مشيت فيه و فجات انها بلطجه صايع المنطقه هو صاحب الوصله .و...........

المهم خلعت من الحوارات .. و رجعت ريمه لعادتها القديمه .. دورة على شغل غواص تانى و الحمد لله لقيت قريه سياحيه فى مرسى علم على البحر الاحمر قبل حدود السودان ب 160 ك م اشتغلت هناك بقه اعمل ايه قولت اخلع من حالات الياس الواضح و ضوح الشمس بين اصحابى اللى كان فى احلام عاوز يحققها و لما شاف زمنه اتقهر و مابيعمل حاجه غير كوبه و دبوس و حبة اعشاب و سجاره و ميه مسه و البنت و المدام اللى هى بنت بس مش كويسه * علشان خاطر عموا المشرف :rolleyes: * المهم انا خلعت و لسه بدماغى لسه ما اتجنت اخدت دماغى و رحنا اشتغلنا فى مرسى علم وراحت ايام و رجعت ايام و طلعت فى دماغى تانى فكرت السفر بره مصر عند الناس اللى لسه بيستخدموا عقلهم المهم انا شغلى ده كان مع اجانب معظمهم كان فرنسويين المهم فى الشغل ده اتعرفت على صحاب جديده اللى من القاهرة و اللى من اسكندريه و اللى من الاسماعيليه و السويس

منهم واحد اسمه .......... هو اللى طالع الفكره ده تانى فى دماغى

وعليه ابتدا شقاوة الغواص السياحى المتقن عدة لغات لحد ما تقع الفاس فى الراس و اقابل زوجتى

والله ياشباب انا حفيت وراها و برده مش عارف المهم الاحداث تتلاحق و اتجوزت و ترجع تقيم معى فى محل عملى و بعدين استقلت من الشغل و رجعت اسكندريه و اقامت معى و مع اهلى فى مصر اكثر من سنه

و بعدها طلبت انا منها اننا نسافر نقيم فى فرنسا

ثالثا . فرنسا

دخلت فرنسا عمرى 26 سنه تقولى كسبت كام لما قعدت السنتين فى مصر اقولك كسبت السيجاره بتتلف ازى

عايش فيها سنه او اقل بشويه ما تسالش انا ناوى اقعد اد ايه فى الغربه المره ديه لان بجد مصر بتدهور اوى الايام ديه و انتم اظن متابعين اللى بيحصل هناك و دوشه و مسحيين و مسلمين بيولعوا فى بعض و الاخوان دخلوا المجلس.

طيب الاخوان لما هما جمدين و شداد اوى كده ما كان قدمهم الرياسه كلها ليه الوقت ده دخلوا المجلس و الريس مبارك زى ماهو كل ده يوضح ان مصر فى الشهور والله شهور اللى جايه حنقول كانت مصر فى الحته ده من خريطه العالم و يعينى يا عينى على شباب مصر دلوقتى فى اللى هما فيه ده من مخدرات بالهيله والله المخدرات ممكن تجبها بالسبت بتاع البلكونه المخدرات كمان التقيله مش بانجو ولا حشيش لالالالا اتقل و انيل

بس ياعم اقوى شباب فى العالم اهم خلاص ناموا حلمهم دلوقتى ,,,,,,,,,,,,,,,,,,,,,,,,,,,,,,,,

ممكن يكون دخول الاخوان المجلس بتسليط امركانى بمعنى الامركان قالوا لمبارك انت قاعد كمان 1سنه

بس تدخل الاخوان المجلس ماهى دموقراطيه برده و بعدين فى اول انتخابات تانيه تخلع و تشرف فى امريكا تستريح من تعب السنين ده بس واحنا بعدين نقول الارهابين المطلوبون دوليا جميعهم موجودين فى مصر و احنا حنروح نشوف ده صحيح ولا لا بس تعرفوا حاجه الامركان عمرهم ما حيخشوا مصر زى العراق ولا زى ما ناوين لسوريا لالالالالالالا بان ان احنا فراعنه مصريين و الامركان عارفين ده كويس عمرهم ما حيخشوها كده لانهم بيستعملوا دينا علينا ازاى يعنى القرآن قال خير جنود الارض الامركانى كده عمره ما حيستعمل جنود :D تعرف حيستعمل ايه الاموال و الراحه و اساليب الترفيه علشان يكمل السلطنه للشاب المصرى كيف ونسوان و رفاهيه و فلوس

[daktara]

انت دماغ

[se_ Elsyed]

إزيك يابو سكندر .. مرحباً بك في وطنك يا مان ...

بُص إنت لحد حاكوي الغُربة والبلانصات كنت 100 % .. لما دخلت بقى على لاسياسية في بعض الأمور غرقت منك ..

على سبيل المثال : الإخوان كانوا مُستحيل يدخلوا سباق الرئاسة أمام مبارك لإنهم ليسوا حزب سياسي .. وكان مسموح بالترشيح للأحزاب السياسية بس .

وبعدين أنا برضوا مش معاك في النقطة اللي جاية دي

لان بجد مصر بتدهور اوى الايام ديه 

لا دهورة ولا هولة يا مان .. اللي بيحصل ده هو الثمن البسيط الذي يجب أن يدفعه الباحثون عن الحرية .. أو على رأي الإسكندرانية ( ماحدش بياكلها بالساهل )

يعنى القران قال خير جنود الارض

ده الرسول اللي قال كده مش القرآن ..

[الاسكندرنى]

السلام عليكم

يا اخى بص برده المصرى بيرد ازى

اولا , الاخوان بيدرسوا تحويل الجماعه الى حزب سياسى طيب ليه ده ماحصلش من الاول

ثانيا, مصر بتدهور اصحى وفوق كده اللى ما بيشفش من الغربال بيبقى اعمى يا اخ se_ Elsyed

لو تسمح سوال انت مقيم فى الخارج ولا انت شاهد عيان على حالت مصر دلوقتى و لوسمحت انت بتشتغل ايه ايوههههههههههههه كنت حنسى الحريه اه طيب حريه مع الاخوان طيب طيب ماتزعلش اللى يعيش ياما يشوف

ثالثا, الحمد لله انا عارف القران بيقول ايه و رسولى بيقول ايه و كنت عن قصد ان اكتب القران بدل الرسول

ولاسف العضو الجليل se_ Elsyed وقع فى هذا الفخ ولا يكتب اى شى اخر على الموضوع ده غير قصده التهكم

عموما المصرى كده فى الهيفه تلقيه

[الاسكندرنى]

عموما الحاج حببنا المتفاءل

تعرف ديون مصر كام ياللى بتبحث عن الحريه 614 مليار و622 مليون جنية !!!.

يعنى انت مثلا مديون بحوالى 7600 ادفع اللى عليك يامعلم الاول و بعدين انا حسيبك تعمل اللى انت عاوزه حريه بقه رفاهيه زى ما انت عاوز بس سد اللى عليك علشان تقد ر ترفع راسك :rolleyes:

[se_ Elsyed]

يا اخى  بص برده المصرى بيرد ازى

   

    عموما المصرى كده فى الهيفه تلقيه

<{POST_SNAPBACK}>

شكراُ على حُسن الإسلوب ...

[الاسكندرنى]

ايه احنا بنعيط ولا ايه

ده اسلوب الساخر لو انت اسلوبك غير كده انا حقبله بكل روح رياضيه

المهم انت بجد لو زعلت معلش بس حاول ترد على كلامى بكلام يفحمنى :rolleyes:

[سقراط المصري]

إالى الاسكندرنى

كم هو جميل ان نقرأ قصص النجاح ، لاسيما عندما يكون احد اطرافها شاب مصري. فالنجاح شيء يعد غايه جميله نسعى إليها جميعاً.

وكم سعدت عندما قرأت ان سر نجاحك يكمن في تعلمك وفي تفوقك للكثير من المهارات فمثلاً:

انا الحمد لله باتقن  الانجليزيه و  الايطاليه و الفرنسيه    و العربى  و صلى على النبى الايطاليه    بجد يامير بتكلم ايطالى ايوه  ياريس  و الله العظيم كمان طيب اتعملى امتحان تحديد مستوى فى السفاره  و الحمد لله  ناجحت بس ياعم

<{POST_SNAPBACK}>

طبعاً شاب عنده 27سنه يتقن ثلاث لغات اجنبيه ، بجانب اللغه العربيه تعد مهاره عاليه تحسد عليها بالفعل.

فعن نفسي ، وبالرغم من تأليفي لكتاب علمي ضخم باللغه الانجليزيه ، وحضوري وتقديمي لندوات ومؤتمرات دوليه خارج مصر بالإنجليزيه ، فلازلت انكر على نقسي اتقان مثل هذه اللغه ، وبالرغم معيشتي ولمده خمس سنوات في المانيا ، وتحدثي اليومي بالالمانيه وجميع معاملاتتي بتلك اللغه، فلازلت انكر على نفسي اتقان مثل هذه اللغه، ولاتستغرب ان حدثتك عن عدم قدرتي على التعبير النحوي الصحيح باللغه العربيه والتي هي لغه الام كما يطلقون عليها.

وعليه فانا متعايش مع ثلاث لغات وبحاول امشي بيهم اموري الى ان اخرج من هذه الدنيا بسلام.

كما ان مؤهلاتك العلميه ماشاء الله ، تعينك على مستقبل مشرق، يتيح لك العمل في مصر او خارجها بمرتب يطلق عليه مرتب مغري.

الوظيفه . غواص تجارى

الدراسه . خريج الاكاديميه العربيه للعلوم

<{POST_SNAPBACK}>

فأنت اسعد حظاً من الكثيرين بهذا المنتدى، فبعضهم من حملة الماجستيروالدكتوراه من جامعات اوروبيه وامريكيه ويابانيه ، ولكن لظروف كثيره منها الاهل والوطن وتربية الاولاد ، فهم مضطرون للإقامه بمصر والتعايش السلمي مع المرتبات المصريه وبالعمله المحليه " الجنيه".

بل كم انت سعيد الحظ في تجولك وزيارتك لبلدان مختلفه كثيره ، منها العربيه ومنها الاوروبيه فمثلاً:

بلد الغربه. لبنان وايطاليا ,اخيرا فرنسا

<{POST_SNAPBACK}>

فهنا في هذا المنتدى، يوجدالكثيرون الذين اثروا حياتنا بقصصهم عن رحلاتهم إالى الصين وتركيا وفرنسا وامريكا واسبانيا، فالبعض هنا يعدون عين ثالثه لنا يحكون ويقصون علينا بأدب جم ،تجاربهم وخبراتهم وحنينهم للوطن بعدما رأت عينهما أجمل بقاع الارض ، والتى حرم منها البعض منها هنا في هذا المنتدى.

بل انت كنت موفق في الحصول على العمل بمجرد وصولك فمثلاً:

اولا .... لبنان

رحت مع الشركه ده اللى لبنان  فى مشروع مده 6 شهور  بس  و كنت مقيم فى بيروت شارع الحمرا *  اف  جامد طحن*

.

.   

ثانيا.... ايطاليا 

اخدت تاشيرة اول بلد اوربيه فى باسبورى و انا عندى بتاع  22 سنه  و سافرت  كان الكلام بقه  ان انا مترجم و غواص و فى سجن فى نفس الوقت    *خايفين  على المجموعه كلها لحسن حد يهرب *  المهم اشتغلنا  وكله  كان تمام 

بس كان فى نواقص يعنى مافى اجازات  ولا  حتى  نت ولا تلفون  علشان تطمن اهلك 

.

.

ثالثا  . فرنسا 

دخلت  فرنسا  عمرى  26 سنه

<{POST_SNAPBACK}>

فالبعض هنا للأسف عندما ذهب للغربه، بدأ يدرس من جديد ، ودخل في دوامة معادلة شهادات وخلافه ، وقد عافاك الله منها والحمدلله.

فمرحباُ بك معنا في وسط هذا الكم من التعساء ، واتمنى ان تقضي وقت سعيدنا معنا ، وارجوا ان تتحملنا ، فنحن هنا نتخاطب بإحترام متبادل ، ولا يوجد بيننا مكان لمن له الفاظ سوقيه همجيه.

تحياتي

سقراط

[Folana]

إالى الاسكندرنى

:

فمرحباُ بك معنا في وسط هذا الكم من التعساء ، واتمنى ان تقضي وقت سعيدنا معنا ، وارجوا ان تتحملنا ، فنحن هنا نتخاطب بإحترام متبادل ، ولا يوجد بيننا مكان لمن له الفاظ سوقيه همجيه.

تحياتي

سقراط

<{POST_SNAPBACK}>

الاخ الفاضل سقراط المصرى..............لك عميق الشكر وتحياتى الخاصة..........................................................................

......... :rolleyes:

[الاسكندرنى]

السلام عليكم

الى الاخ سقراط

يسعدنى من قلبى تعليقك المحترم الى سردى و ارحب بافكارك و هذا يدل على خبرة بالحياة مما يجبرنى على ان احترم و اقدر رائى شخص فى قدر ثقافتك

اما عن اتقان اللغات الاجنبيه التى ذكرتها فانا ارى انك من المتوضعين جدا لان من مثلك و يملك مهارات اللغات ديه افضل من حاقد لا يفقه شى و لا يفيدك بشى غير تهكمه عليك

بسم الله الرحمن الرحيم

(قل اعوذب رب الفلق من شر ما خلق و من شر غاسق اذا وقب و من شر النفثت فى العقد و من شر حاسد اذا حسد)

صدق الله العظيم

بس يا اخ سقراط انا شايف ان فى شباب كتير فى مصر كمان نجاح و مرتبتهم بالدولار مش عمله محليه تعرف ليه لان الشباب ده عرف هو عاوز ايه من الدنيا و سعى اللى تحقيق ذلك لكن تبوص تلقى الغالبيه الاخرى محلك سر ليه برده علشان دماغه كده عاوزه على طبق من دهب او مش عارف يخلق لنفسه فرصه مثال انا خريح اكاديميه قسم اداره اعمال و لما اشتغلت قولت شهاتى سلام و شفت مستقبلى فى حاجه تانيه ماربطش نفسى جانب شهاتى الكلام ده لحملة الماجستيروالدكتوراه ( الريس ذات نفسه خلع من اول وعد له فى برنامجه الانتخابى بتوظيف مدرسين جدد و انت لسه متمسك برايك و شهاتك الحمد لله انك حصلت على شهادة فى الظروف ديه و شكرا لولديك انت صاحب موهل مش جاهل فا اصنع لك فرصه )

اما عن الاخوه اللى كانت رحلة الغربه معهم صعبه جدا اسال سوال هنا انت دخلت بلد الغربه ده ازى كنت رافع راسك ولا كنت بتختفى لما تشوف بوليس فان كنت من دخلوا بلاد الغربه بطريقه سليمه فلا اعتقد انك و جهت من المشاكل الكثير لانك بسبب صغير كنت حاسب حتعمل ايه من قبل السفر علشان تنجح و ترفع راسك و تعرف تقول بكل شرف انك مصرى اما اللى دخل بلد الغربه هربان و مش عارف ايه اقول ايه ربنا معه بقه بس ولا ترى اعمالكم اللى التى من صنع ايديكم

و اخيرا

الى كل من الاخ سقراط و الاخ folana

مافيش مشاكل انا حقبل اخر سطر انت كتبته و الاخ علق عليه مع انه مهين بعد الشى بس المشكله انى مش شايف انى استخدمت الفاظ سوقيه همجيه زى ما انتوا قولتوا المشكله ان الاخ se_ Elsyed اللى رديت عليه نايم بيردد كلام الاعلام المصرى ( غمض عنيك و امشى بخفه و دلع الدنيا هى الشابه و انت الجدع تبصها تعجبك تبص لخطوه رجلك تقع عجبى ) مما اسفر عن اسفذاذى بعض الشى و لما تلقى واحد بيقولك بلنصات و........ وكان هو ده ردى

عموما انا اسكندرانى حر مصرى حر اقول رائى بحريه بصراحه و لا اكن اى بغيضه اللى اى واحد داخل هذا المنتدى

[Folana]

السلام عليكم ورحمة الله.....

الى الاسكندرانى الحر......

ولو انى مش باحب ادخل فى مناقشات هات وخد دى ...لكن لفت نظرى شىء هام وعاجل حبيت انى الفت نظرك له برضه حيث اننا حنكون زملاء خير انشاء الله فى المنتدى وحيجمعنا باذن الله برضه كل احترام ومودة فى التعامل ...

اخى الفاضل الكريم ....واضح ان اتقانك لاكثر من لغة وغربتك الطويلة وثقافتك المختلطة ..فانت تجمع بين اخلاق ابن البلد وبين طباع الاجانب....كنت باقول ان واضح ان سيادتك نسيت ان تاء التأنيث بتدل على ان المتحدثة تنتمى للجنس اللطبف ...فالاسم هو فلانة وليس فلان ...يعنى انا سيدة وليست رجل ....مثلا لايجوز ان تقول ذهب زينب الى المدرسة ...

تانى حاجةوالاهم ...انا كنت موجهة كلامى لاخى الفاضل سقراط باعتباره اشاد بكل المجموعة المنتمية للمكان ده ...فكنت باشكره على اخلاقه العالية وشياكته فى الكلام ....

اما موضوعك اللى سيادتك تفضلت وعرضته ..فالحقيقة هو خارج نطاق اهتماماتى ومش باسفهه ولكن حبيت اوضح لسيادتك انى ردى كان موجهه للاخ سقراط .....وماقصدتش ابدا انى اهنيك لانى ماقريتش الموضوع كويس ...ومتهيالى مافيهوش حاجة تستدعى اعتقادك ده

بس هو الملاحظ فى الفترة الاخيرة ان اصبح هناك شبه ظاهرة فى المنتدى ارجو انها ماتستمرش كتير ..ان ماحدش بالع كلام حد !!!!!!!!!!!!!!!!!!!!!!!1

اما بالنسبة لاخى الفاضل سى السيد ....فانا عارفة كويس انه يملك حق رد الكلمة ولن ازيد ....

ربنا يوفقك يازميلى الفاضل وانشاء الله تمتعنا جميعا بمواضيعك ومغامراتك ...

وتفضل منى فائق الاحترام ..........

اختك فى الله .....فلانة

[yasovinas]

الاخ العزيز الاسكندراني

مرحباً بيك "يا بلد" هنا في محاورات المصريين معلش انا بس لي عتاب عندك بحق اننا بلديات طبعا الموضوع اللي حضرتك حكيته موضوع جميل وقصة كفاح سمعناها كتير وفرحنا باصحابها كتير

نيجي بقى للجزء المهم وهو انك بتبدي رايك في احوال البلد وده من حقك بس مش انت متفق ايضاً ان من حق الغير انه يبدي رايه والذي قد لا يكون متفق مع رايك

س س من اكثر الناس اخلاقاً وادباً ولا اذكيه او اشكر فيه لهدف او لغرض ولكنها شهادة حق وجب علي ان اشهد بها

ولو انك كلفت نفسك قليل من الوقت وقرات بعض المواضيع خاصة تلك المتعلقة بالسياسه والانتخابات سوف تعرف انك ظلمت العزيز س س

معلش انا بس حبيت اقول لك كلمة حق

وطبعا الاسكندراني الجدع طول عمرة ما بيستكبرش انه يقر بتسرعه لو حس بيه

منين بقى من اسكنريه انا من سيدي جابر وحاليا مقيم في محرم بيك

[Abofady]

يعنى كتبت قصة كفاكك وساحبنا معاك . واقول الصبر يارب . ومنتظر تكون حصلت على جائزة نوبل .او اخترعت دواء للسرطان مثلا...

او شيى من هذا القبيل .وبتقول متعلمتش حاجة فى ستة شهور غير لف السجارة. يااخى عيب الكلام ده . اذا كان ربنا عطاك قرشيين

وبتنزل مصر اللى مش عجباك دلوقتى وبتتمنظر على البلد وعلى زملائك خلاص خليك بره و ريحنا . اما انا عندما اشتريت سيارة جديدة

من الخارج وكنت اذهب بها الى قريتى كنت اتركها خارج البلد حتى لا اؤذى مشاعر اهلى واقاربى من الفقراء .حبيبى عيش عيشة اهلك

لتهلك .

[الاسكندرنى]

بسم الله من اعزنا بدينه

السلام عليكم

انا والله مش عارف اقول ايه ربنا معكم

اولا .Abofady بتاع دواء السرطان

هو الاخ منين اصل بتقول البلد فكنت عاوز اعرف و اللى عمله هو ان اشتريت عربيه و درها من الناس كل ده كويس و جميل بس الظاهر انك معك فلوس بالكيله علشان تشترى عربيه و ترجع بيها مصر ربنا يزيدك بس كنت ممكن تلاقى اختها بالظبط فى مصروارخص من جماركك من عند علاء بيه مبارك حبيبك عموما موضوع العربيه ده مش عاجبنى لان اللى عاش غربه صح بيعرف يوفر ارشه ازى فمن كده اقولك انت اللى تبطل منظره

اما اعيش عيشه اهلى فانت لا تعرفنى ولا شفتنى بس بحكم القريه اللى انت نشاة فيها اقولك

انت نشاة فى قريه انا نشاة فى مدينه و تتولى الفروق يا عزيزى .................................سلام

ثانيا .yasovinas

اهلا بجوا اسكندريه كله علشان اسلوبك ده يا برنس انا بقولك فعلا انت ممكن تكون على حق بس لو عاوزنى اقر بتسرعى اضف لى موقع بيتكلم عن موضع س س و شكرا و انا اسف لو ممكن تكون قرات لفظ خارج فى موضعى العام او عن س س

انا من سيدى بشر بحرى بجوار فندق رمادا برج القاهرة

ثالثا folana

والله الذنب مش ذنبى اسمك بالفرنسوى انجليزى ايطالى ما ينطق غير فلان العربى المتافرنج ده ما اعرفهوش اوى علشان اكون ضليع فى صيغته الاملائيه و عموما شكرا على التوضح و اسف يا فلانه هانم اخجل تواضعا

ايوه كده انتى بتردى على سقراط و شياكته فى الكلام طيب على فكره البدله اللى هو لبسها كمان تحفه

عموما موضعى عمره ما حيفيد بنت لانه عن حياة فتى فى غربه و من هنا افهم ان ده مش من اهتمامتك

[Alshiekh]

بسم الله من اعزنا بدينه 

السلام عليكم 

انا والله مش عارف اقول ايه  ربنا معكم 

اولا .Abofady  بتاع دواء السرطان

هو الاخ منين  اصل بتقول  البلد فكنت  عاوز اعرف    و اللى  عمله هو ان اشتريت عربيه  و درها من الناس    كل ده كويس  و جميل بس  الظاهر انك معك فلوس بالكيله  علشان تشترى عربيه و ترجع بيها مصر ربنا يزيدك  بس كنت ممكن تلاقى اختها بالظبط فى  مصروارخص من جماركك  من عند علاء بيه مبارك    حبيبك    عموما موضوع العربيه ده  مش عاجبنى لان اللى عاش غربه صح بيعرف  يوفر ارشه ازى فمن كده  اقولك  انت  اللى تبطل منظره

اما  اعيش عيشه اهلى فانت لا  تعرفنى ولا شفتنى    بس بحكم القريه اللى انت نشاة فيها اقولك

انت نشاة  فى قريه  انا نشاة فى مدينه  و تتولى الفروق  يا عزيزى .................................سلام

ثانيا .yasovinas

  اهلا بجوا اسكندريه  كله علشان اسلوبك  ده  يا برنس    انا بقولك  فعلا انت ممكن تكون على حق بس لو عاوزنى اقر  بتسرعى    اضف لى موقع بيتكلم عن موضع س س و شكرا    و انا اسف لو ممكن تكون قرات  لفظ خارج فى موضعى  العام  او عن س س

انا من  سيدى بشر  بحرى  بجوار  فندق  رمادا  برج القاهرة 

ثالثا folana

والله  الذنب مش ذنبى  اسمك  بالفرنسوى انجليزى  ايطالى ما ينطق غير فلان    العربى المتافرنج  ده ما اعرفهوش اوى علشان اكون ضليع فى  صيغته الاملائيه و عموما شكرا على التوضح و اسف  يا فلانه  هانم اخجل  تواضعا 

ايوه كده  انتى بتردى على سقراط و شياكته فى الكلام    طيب  على فكره البدله اللى هو لبسها  كمان تحفه 

عموما موضعى عمره ما حيفيد بنت  لانه  عن حياة  فتى فى غربه  و من هنا افهم ان ده  مش من اهتمامتك

<{POST_SNAPBACK}>

الاستاذ ( حلوة الاستاذ دى ، مش كده برضه ) الاسكندرنى ، بس انا متهيأ لى انهم بينطقوها الاسكندرانى ( الف بين الراء والنون )

انت حكيت قصة حياتك وكتاب حياتك وقلنا ده شاب مكافح ، حلو قوى ان فيه شباب مصرى بيكافح وبيتعلم وبيثبت نفسه فى الغربة .

لكن من ساعة مادخلت المنتدى وانت نازل تلويش فى الاعضاء يمين وشمال ، عامل بالظبط زى ماتكزن ماسك لى سيف وعمال تلوش بيه وتقول " اللى حايقرب من حاشرحه " .

الاسلوب ده ماينفعش هنا يابو اسكندر ، الاعضاء هنا كلهم ناس محترمين ، ذوى مراكز محترمة ، سواء رجال او سيدات ، وياريت تغير اسلوبك فى الحوار او حتى الرد على الآخرين ، فلسنا فى معركة أو قاعدين على قهوة بلدى.

وبعدين لامؤاخذة انت بتقول من سيدى بشر بحرى جنب فندق رمادا برج القاهرة ، مش المنطقة دى بتاعة ترب سيدى بشر ودار عيسى وكباين البنا ، والا يمكن من أرض المحمرة؟

اذا كانت هى دى المنطقة اللى فى بالى ، ياريت تسيب اسلوب الناس بتوعها وتغيره شوية خصوصا انك بتقول انك فى فرنسا دلوقتى،

يعنى بالبلدى كده بلاش منظرة وكلام مايصحش يتقال هنا ، هذا اذا كنت عايز تتكلم وتبدى رأيك وتلاقى ناس تشاركك فى حديثك ، والا فستجد نفسك بتغنى وترد على نفسك.

[أسد]

ياريت محدش يرد هنا على الراجل ده

[وليد صفوت]

ياريت محدش يرد هنا على الراجل ده

<{POST_SNAPBACK}>

شرحه

[abofasad]

اخي العزيز س. س.

انت عملت طيب انك ما رديتش على هذا العضو الاسكندراني وانا لا أرضى لك أن تنزلق في هذا الحوار العقيم الغير مجدي

ونصيحتي للمشرفين على المنتدى : ان كل شخص جديد يريد الانضمام لهذا المنتدى المحترم انه يقدم (CV) للإدارة توافق عليه. لأنه من غير المعقول ان كل من هب ودب ينضم الى هذه العائلة المتحابة ويفرق بينهم.

اخوك ابو فصاد

[mAs]

ياريت محدش يرد هنا على الراجل ده

<{POST_SNAPBACK}>

موافقه :D

[الاسكندرنى]

السلام عليكم

والله يا جماعه انتوا اللى مش عارف

عموما انا مش خسران حاجه بس انا كنت بقول ارئى بصراحه و بدون محيده

و انا كنت برد بنفس الاسلوب اللى كان بترد فيه على موضوعى المستهر برد عليه بستهتار واللى كان بيسخر كنت بسخر منه