الآن يُمكنك مشاهدة مباريات الأمم الأفريقية مجاناً

[se_ Elsyed]

هادخل في الموضوع على طول

أنا مارضيتش اعلن الخبر ده إلا لما ناس جربت الموضوع وإشتغل عندها 100 % ولا فراخ الجمعية .. وضربوا صالح كام في معاميعوه

لو عندك دش وفيه القمر الصناعي ( هوت بيرد ) يبقى دخل التردد التالي .. وعيش حياتك

12558

27500

3/4

Vertical

القناة إسمها ESP وهاتلاقيها بحوالي 10 لُغات ما عدا العربي ( مش قولت لكم الأرض بتتكلم إنجليش ) .. إختار اللغة اللي تناسبك ... وإتفرج على كل مباريات البطولة وعيش

[MZohairy]

انت غريب ياأخي

الواحد من غيرك يعمل ايه؟

[abofasad]

الصديق العزيز سي السيد

دخلت على التردد 12558 رأسي 27500 4/3

وقد وجدت هذه القناة، وهي فعلا بكل اللغات: بلغاري، تشيكي، الماني، يوناني، مجري، روسي، بولندي،برتغالي، روماني

ولكن للأسف كل هذه القنوات مشفرة لايوجد أي صورة .. فقط يوجد صوت كما لو كان الجمهور في الملاعب.

فهل انت متأكد ان هذه القنوات مفتوحة على مدار الساعة

[khedr]

البطوله مذاعه كذلك علي الجزيره الرياضيه 2

لكن للاسف برضه مشفره

يحيا السلك... لحد ربنا مايفك

اخويا سي السيد

(ايه رأيك مشروع من اخوك حبيبك ..هات القرشين اللي تحت البلاطه....

اوصل اسبانيا اعملهم مشروع السلك دده علشان خاطر جدو العزيز...وكله اكل عيش يا حلاوه)

عشمان.....و

طمعان

[se_ Elsyed]

بالفعل يا جماعة ..

وجدت إنها مع بعض أجهزة الريسيفر بتييجي مشفرة .. والأخرى بتيجي صوت بس .. وأخرى مفتوحة بدون أي كرت ..

أنا بصراحة مش عارف الغلط فين ( على رأي عم علي فايق زغلول ) وبعدين أنا مش هاحارب لواحدي .. كل واحد يفكر الغلط فين

[se_ Elsyed]

هافكر يا ميدو .... :)

بس تفتكر هانحتاج كام بكرة سلك ؟؟

وبعدين مين اللي هايغطس في البحر الأحمر المتوسط عشان يعمل التمديدات ؟

[MZohairy]

طلعت مشفره!!

انت غريب ياأخي

الواحد من غيرك يعمل ايه؟

[se_ Elsyed]

طلعت مشفره!!

انت غريب ياأخي

الواحد من غيرك يعمل ايه؟

<{POST_SNAPBACK}>

والله يا عم زهيري .. لي مجموعة من الأصدقاء أطباء أسنان وقاعدين عُزابيه .. وولا عندهم كرت لفك التشفير ولا يحزنون .. وشغلوا القنوات اللي قلت لكم عليها 10//10 وأنا أتأكدت بنفسي ...

معليش بقى صبر نفسك بسماع الماتشات كلها في الراديو لحد ما تُفرج

على الموقع التالي

www.akhbark.net

وبعدين إسمعوا كلكم بقى عشان نبقى على ميه بيضا .. أنا مش مغسل وضامن جنه آه

[MZohairy]

يارب ميطلعش متشفر هو كمان

انت غريب ياأخي

الواحد من غيرك يعمل ايه؟

[se_ Elsyed]

الحلوه أتكلمت ..

وطلعت قماش .. قماشمش .. قمشيش ..

إتكلمت يا زُهيري .. إتكلمت يا عمو أبو فصاد

اللي حصل إن الـ ART ما يحلاش لهم تحديث معلومات كرت الإشتراك إلا في الأوقات المفترجة دي .. وكان لازم أبعت الكرت مصر عشان يحدثوه هناك - خيبه بعيد عنكم - وطبعاً ضهري إتكشف للأعداء وقولت في عقلي بالي

يا شماتة محمد زهيري فيك يا سين سين وهو شايفني قاعد على القهوة في عز البرد وعمال أشم دخان سجار إشي مارلبورو على كليوباترا على بلمونت ..

ولكن لا شماتة بعد اليوم ..

روحت عامل محاولة في برمجة قنوات اليورو سبورت إمبارح وإشتغلت زي الحلاوة كلها .. ولا كرت ولا يحزنون .. لأ ودرجة الوضوح عندهم إيه ... إوعى

على فكرة أنا عندي 2 رسيفر .. واحد فيهم نوعه ( تكنو سات ) وده ما قبلش فيه فك التشفير ..

والثاني نوعه Havion كوري وقبل فيه من أول مره .. ومن الأنواع الأخرى أيضاً اللي شفتها أمبارح وأتأكدت بنفسي هي Star Sat ...وأسعار لاريسيفرات هنا بقت في الأرض يعني 300 ريال تجيب حاجة محترمة وبالكامه بتاعت الكرت كمان .

[MZohairy]

الاعتراف بالحق فضيله

بعض الرسيفرات زي ستار سات بتفك القنوات

بينما النوكيا والهيوماكس مثلا مبتفكش

ظلمناك ياسي السيد

أنا ندمان بشده ومش عارف أعمل ايه؟

ولو اني حاسس ان اللي مش حيتفرج على ماتش النهارده حيكون حظه أحسن بكتير ويبعد اكتر عن أمراض الاكتئاب وضغط الدم وانسداد الشريان التاجي والجلطات الدماغية المختلفه

ربنا يستر أنا خايف !!!!!!!!!

[se_ Elsyed]

الاعتراف بالحق فضيله

بعض الرسيفرات زي ستار سات بتفك القنوات

بينما النوكيا والهيوماكس مثلا مبتفكش

ظلمناك ياسي السيد

<{POST_SNAPBACK}>

أنا كده مظلوم دايماً في الدنيا دي ( وش أمينة رزق في فيلم - أنا وإنت والدموع - )

بس بجد أنصح أي حد عايز يشتري ريسيفر .. إنه يشتري الـ Havion ده فهو يتميز بإن فيه مكان للكرت built in ويتوافق مع أي كرت ART ,Orbit ..و اي كرت أخر ..

بالإضافة إلى ميزة أخرى لم أشاهدها في أي ريسيفر وهو إنه بيُمكنك من مشاهدة حوالي 6 قنوات مُختلفة في شاشة واحدة ودي ميزة كانت موجودة في التليفزيونات فقط وعديمة النفع مع الستالايت .. لإن التليفزيون بيستقبل قناة واحدة من الستالايت .. وبالتالي لا تصلح إلا مع اللي عنده دش المركزي الذي تستطيع أن تغير القنوات من خلال التليفزيون وليس الريسيفر ...

يعني مثلاً ماتش النهاردة مع ساحل العاج هايبقى في نفس توقيت مباراة ليبيا والمغرب وبالتالي ممكن تشاهد الماتشين في نفس الوقت ...

بالإضافة بقى إلى إنه سعره حنين ( 300 ريال أو 320 كحد أقصى إنت وشطارتك في تفعيص السعر ) وكما ذكرت قبل ذلك بإنه كوري الصُنع يعني مش شنكوتي ...

وعلى فكرة .. اللي ماعندوش إشتراك في الـ ART هايتحتاج قنوات اليور سبورت لإن كاس العالم بعد 4 شهور والقنوات دي بتذيع جميع البطولات اللي بيحتكرها اللي ما يتسماش ..

أي خدمة

سين سين سات ... نركب دشات ونظبط ريسيفرات وبوابير نعمر .

[se_ Elsyed]

بشراكمو ... بشراكمو

قناة الـ TV5 الفرنسية ذاعت الماتش بتاع إمبارح .. وبالتأكيد مش هاتتخلى عن الغلابه وتذيع الباقي

ترددها على العرب سات هو 11585

vertical

27500

وهابقى أجيب لكم ترددها على النيل سات بس أما أروح

بالمناسبة بقى

ماحدش يقولي يا سين سين التعليق على المباريات فيها بالفرنساوي وأنا ثقافتي ألماني .... عشان ما بطحوش .. أنا مش هادادي وأسمن وأكبر كمان..

كفايه بأموت نفسي عشان الطبقة الكادحة

[MZohairy]

عارف لو طلعت مشفره! :angry2: :angry:

[se_ Elsyed]

عارف لو طلعت مشفره! :angry2:  :angry:

<{POST_SNAPBACK}>

ما تشتريني من سوق العبيد أحسن يا زُهيري وتشغلني تحت كفالتك .. يعني عمال أجيب لكم معلومات زي البرلنت وكمان مش عاجبك ؟

لك حق .. مانت من ساعة ما حجيت وإتصورت 6 * 9 بالإحرام وما حدش بقى عارف يكلمك ...

اللي عطاك يعطيني يا سيدي وياريت تاخدنا تحت جناحك :angry:

[se_ Elsyed]

بالمناسبة يابا الحاج زهيري

عندي لك خبرين ...

واحد حلو .. والتاني موش

الخبر الحلو إن سين سين قلبو راضي عنك so far

الخبر اللي مش حلو ...

تونس ركبت الطفطف قدام نيجيريا بضربات الجزاء .. ولو فيها النهاردة عكننه وبيات على بسطة السلم .. بيت أخوك سين سين في الملز مفتوح لك وأوضة المسافرين متوضبة ومرشوشة فلت كمان :angry2:

[MZohairy]

:angry2: :angry: :angry: :angry: :D

[KANE]

مع الأدوار النهائية يمكن لمن يواجه مشاكل في يوروسبورت

ان يشاهد الأدوار النهائية على TV5 Oriant

وخلي شايلوك يولع

[MZohairy]

والله خايف يشفروها في النهائي!!!