موسوعة الأمثال الشعبية

[abofasad]

لغتنا العامية غنية بالأمثال الشعبية، بعضها يقال بالعامية والبعض الآخر بالفصحى

واللي عنده مثل لا يكتفى فقط بكتابته ولكن يكتب معاه شرحه ومناسبة ذكره

سأبدأ انا بمث معروف وهو:

إكِتِمٍ سِرًَك تِـملِك أًَمرَك

ويضرب هذا المثل لحث الشخص على كتمان سره أي إذا كتمت سرك ملكته وإذا أفشيته ملكك

مثل آخر

أقول له أغا يقول ولاده كام

يضرب هذا المثل لمن لا يفهم ما يقال له

[abofasad]

هناك مثل بيعجبني كتير وهو

أعز من الولد ولد الولد

وهو يضرب لمعزة الأحفاد لدى الأجداد

وهو حاليا موجه لمدام سلوى لأنه الظاهر أن الحفيد الجديد واخد وقتها كله وماعندهاش وقت تتحفنا بموضوعاتها الشيقة

[صفاء]

فى مثل سورى لطيف قوى بيقول

الجواز شر مالو دوا والنسوان بالعتمة كلن سوا

:rolleyes:

[Folana]

السلام عليكم ورحمة الله ............

جدو ابو فصاد ..موضوع جميل ..كان نفسى حد يبدأ بكتابته ...

صفاء ...حمدلله على السلامة كنت غايبة فين ....؟؟...مثلك جميل طبعا ... :rolleyes: انا مش عارفة انت بتجيبى الكلام ده ازاى :wub: ....وحشتنى فعلا ...كل سنة وانت طيبة

انا ممكن اكتب امثال بس مش حاعرف اشرحها ...

بمناسبة مثل الاغا ده ..فيه مثل برضهله نفس المعنى تقريبا بيقول ..

نقول ده ثور يقولوا احلبوه

..كبر البصل واتدور ونسى زمنه الاول ...

وده بتقال اعتقد للى بيطلع فيها وينسى اصله

والبقية تاتى بس اما افتكر ...

[abofasad]

إنْ طَار قَد ما طار، يِفْضَلْ مِنه قِنْطار

أي مهما ينقص منه الباقي لسه كتير، ويضرب هذا المثل أيضا للسيدة الجميلة تشيخ ولسه فيها لمحة من الجمال

إن كان اللي بيتكلم مجنون يكون المستمع عاقل

مش محتاج شرح

الحرامي على راسه ريشة

يحكى ان شخصا سرقت وزته في السوق فذهب يشكو للحاكم، فجمع الحاكم الناس وخطب فيهم قائلا: ارى ريشة على رأس الذي سرق وزة جاره، فمد اللص يده ليمسح رأسه، فصرخ الحاكم: ها هو اللص .. خذوه

[abofasad]

فينكم يا جماعة

وفين امثالكم الحلوة

الشر ان بات فات

ومعناه ان الخصومة والزعل ان مر عليه يوم اتنسى

[Folana]

...ارمى جوزك فوق السطوح ..لو لك نصيب فيه مش حيروح

المثل ده له ذكريات معايا ...كنت اول مرة اسمعه من جدة جوزى ..اول ما اتجوزت ..وطبعا لما كبرت وفهمت الحياة عرفت هى كانت بتقولى كده ليه ..كان نفسها اسيبه فوق السطوح علشان تجوزه لبنت بنتها ... :rolleyes: :wub:

[abofasad]

يا ست فلانة

على ذكر الأزواج .. خدي المثل ده

الجوز موجود والابن مولود والأخ مفقود

وده معناه عند فقد الزوج يمكن تعوبضه وعند فقد الابن ايضا يمكن تعويضه ام فقد الأخ فلا..

وهناك قصة مفادها ان حاكما على زوج امرأة وابنها وشقيقها بتهمة ما، وحكم على الثلاثة بالاعدام، ولكنه اصدر قرارا بالعفو عن واحد فقط تختاره المرأة. وكان يظن انها ستختار ابنها ولكنها اختارت اخاها. ولما عرف الحكمة من ذلك عفا عن الثلاثة . وهذا المثل يضرب في محبة وعزة الاخوان

[khedr]

استاذنا حمد الله علي السلامه

اسمع كلامك اصدقك اشوف عمايلك استعجب

تقال الي الاخوه اعضاء مجلس الشعب

[alshorok]

السلام عليكم ورحمه الله

اهم مثل نفسى اللى بالى بالكم يعرفه؟؟؟؟ أو يمكن دى حكمه؟؟؟ موش عارف بصراحه

لو دامت لغيرك ماوصلت اليك!!!!!!

تحياتى

الشروق

[Folana]

جدو ابو فصاد ....خد دول ....:

هم ممكن نعتبرهم مقولتين مش مثلين ...انا بأطبقهم فى حياتى وحاطهم مبدأ هام باتعامل من خلاله ....

الجدار العالية تصنع الجيرة الحسنــــــة............

وطبعا واضح معناه ...ان الانسان لازم يحط حدود ومسافات فى التعامل بينه وبين الناس ...لان زيادة التداخل والاختلاط ممكن يؤدى الى مشاكل ..والناس اللى بتحب بعض النهاردة ..تنقلب الى اعداء بكره ...

واللى بيوضحه او بيأكده اكتر ..المقولة التانية ..

...الناس كالقنافذ ...كلما تقاربوا لمسا للدفء ..تشواكوا ...

وبرضه واضح معناه ..ان الناس دايما تحب تتقارب من بعضها من باب الونس والمحبة ..زى مابيقولوا الجنة من غير ناس ماتنداس ..بس دى الجنة :blush:...

الواقع ان الناس بتقرب من بعض جدا ..وفجاءة يبعدوا عن بعض وينفروا من بعض ..ليه ؟....لانهم لغوا المسافات بينهم ..ودى طبيعة البشر ....

حافكر لك تانى واجى لك ...

[khedr]

ودول كمان

في الوش مرايا وفي القفا سلايه

طبعا انتم عارفين شرحه...النفاق والكذب والخداع عندما تكون حاضرا

وعندما تغيب.... فالويل كل الويل لك وللي.....

فارضي الله يمنع عنك البشر

ولا تركن الي الناس فتصبح محتاس(خالتي بمبه)

[abofasad]

جوز الاتنين عريس كل ليلة

معناه ان كل زوجة تريد ارضائه بالتزين له لتنال الحظوة عنده دون الأخرى

الغني شَكته شوكة بقت البلد في دوكة

والفقير قرصه تعبان قالوا اسكت بلاش كلام

بدون تعليق

ما شافهمش وهما بيسرقوا شافهم وهما بيتحاسبوا

ما يمسح دمعتك إلا ايدك

[أبو محمد]

أردبٍ ماهولك لا تحضر كيلُه .. تتعفر دقنك وتتعب فى شيلُه

بمعنى : لاتتدخل فيما لايعنيك من باب الفضول .. فلن تجنى من وراء ذلك سوى المشاكل

[khedr]

الحظ لما يأتي يخلي الاعمي ساعاتي.

طبع معروف ومفهوم ...ومش بتكلم في السياسه

اذا الدنيا اقبلت باض الحمام علي الوتد

واذا ادبرت بال الحمار علي الاسد

وطبعا برضه مفهوم.....

[أبو محمد]

قالوا الجمل طلع النخلة ... آدى الجمل وآدى النخلة

يقال فى الكلام الذى يكذبه الواقع ... ومثله

الميه تكدب الغطاس

[صفاء]

السلام عليكم ورحمة الله ............

جدو ابو فصاد ..موضوع جميل ..كان نفسى حد يبدأ بكتابته ...

صفاء ...حمدلله على السلامة كنت غايبة فين ....؟؟...مثلك جميل طبعا ... :lol: انا مش عارفة انت بتجيبى الكلام ده ازاى  :D ....وحشتنى فعلا ...كل سنة وانت طيبة

انا ممكن اكتب امثال بس مش حاعرف اشرحها ...

بمناسبة مثل الاغا ده ..فيه مثل برضهله نفس المعنى تقريبا  بيقول ..

نقول ده ثور يقولوا احلبوه

..كبر البصل واتدور ونسى زمنه الاول ...

وده بتقال اعتقد للى بيطلع فيها وينسى اصله

والبقية تاتى بس اما افتكر ...

<{POST_SNAPBACK}>

والله انت وحشتينى اكتر يا فلانه وكل سنه وانتى طيبة

خدوا شوية الأمثال

الفاجرة ست جيرانها

برة وجوة فرشتلك وانت يا مايل ايه يعدلك

قالوا للحرامى احلف قال جالك الفرج

ابن بطنى يعرف رطنى " يعنى اللى من صلبك او معاشرك يفهم انت عاوز تقول ايه ... رطن يرطن رطنا "

خالتى وخالتك واتفرقوا الخالات

مركب الضراير سارت ومركب السلايف غارت

صاحب بالين كداب وصاحب تلاته منافق

ان سرقت اسرق جمل وان عشقت اعشق قمر

يا مآمنة للرجال يا مآمنة للمية فى الغربال

[أبو محمد]

أخبار البلد عند مكسحينها

يقال بوجه خاص عن النساء اللاتى لايخرجن من بيوتهن .. لأنهن يستقصين الأخبار ممن يزورهن ... ومن يزورهن لا يتحفظ فى الكلام إليهن بآخر الأخبار باعتبار أنهن لايخرجن وبذلك لن ينتشر الخبر عن طريقهن

[abofasad]

الجدار العالية تصنع الجيرة الحسنــــــة............

الحسد عند الجيران والبغض عند القرايب

الحق اللي وراه مطالب ما يموتش

حط رجلك مطرح رجل السعيد تسعد

الدست قال للمغرفة يا سودة يامعجرفة قالت: كلنا اولاد مطبخ

[abofasad]

الشاطرة تقضي حاجتها والخايبة تنده جارتها

(طبعا عشان تشرح لها طريقة عمل الرز المفلفل)

الشايب لما يدلع زي الباب لما يتخلع