موسوعة الأمثال الشعبية 2

[moody00x]

· ما قدرش على الحمار جاى يقدر على البردعة

· مال تجيبه الريح تاخده الزوابع

· ما كلوا إلا اما شبعنا و لا لبسوا الا اما قلعنا و لا حجوا الا اما رجعنا

· المال السايب يعلم السرقة

· المال الحلال بيجى

· مال الكنزى للنزهى

· مال كسبته كله

· مالك مربى قال من عند ربى

· مال لحمتك مشغته قال جزارى معرفة

· مالك يا بخت من دون البخوت لبخت ، اتلناس تلبخ فى اللزق و أنا من سوء بختى فى النشف لبخت

· مالك نازل ترن قال من كتر الدق على دماغى

· مالها إلا النبى

· المال الميرى سايب

· ما لقوش للرز عيبة قالوا له يا أبو دنيبة

· ما لقاش البواب الدكة عملها حجة

· مال ما هو لك عضمه من حديد

· المال له كلاليب من حديد

· مال الناس كناس

· طور ما هو لك عصبه من حديد

· ما محبة إلا بعد عداوة

· ما لقاش فى الورد عيب قال له يا احمر الخدين

· ما يموتش على السد إلا قليل الفلاحة

· ما نابه من غربته إلا عوجة ضبته

· ما نجارة إلا بوية

· ما عدش فى الخم ريش لا مفصص و لا بلا تفصيص

· ما ياخد الروح إلا اللى خالقها

· ما ورا الصبر إلا القبر

· ما يجيب الزيت إلا المعصار

· ما يتبلش فى بقه فولة

· ما يحوشك عن الرقص إلا قلة الأكمام

· ما يحسدش المال إلا أصحابه

· ما يحك لك إلا إيدك

· ما يحوش عن الرقص إلا قلة الصاجات

· ما يحزن على الميت إلا كفنه

· ما يحطوش واطى و بيلبسوا البلاطى و متقمعين و جيبهم فاضى

· ما يروحش من رزقك حاجة

· ما يخاف من القبانى إلا اللى أرطاله ناقصة

· ما يساعدك فى الطلاق الا اللى مش غرمان حاجة

· ما يروحش من نصيبك حاجة

· ما يشكرش فى نفسه إلا ابليس

· ما يشوفش عشاه إلا إذا كان رز بلبن

· ما يعجبكش طولها الزين و لا لفتها فى الملاية عليها عرقوب يدبح الطير ، مناخيرها قد الدواية خلت فطور عشايا

· ما يضورش على اللى مات بيضور على التلات كحكات

· ما يعجبكش الباب و تزويقه يا ترى صاحبه فطر و الا على ريقه

· ما يعجبكوش العجب و لا الصيام فى رجب

· ما يغلب الزمن الا من رضى به و لا يضحك على الأيام الا أبو قلب خالى

· ما يعجبكش حمار الخد يا شارى من بره مزوق و من جوه هباب عالى

· ما يفرح فى الزفة إلا قليل الخلف

· ما يغلب ابن آدم إلا التراب

· ما يقطع بك يا متعوس يروح البرد ييجى الناموس

· ما يقعد على المداود إلا شر البقر

· ما يموتش حق وراه مطالب

· ما يمدح السوق إلا اللى كسب فيه

· ما يملا عين ابن آدم إلا التراب

· ما يمسحش دمعتك إلا ايدك

· ما ينفعك إلا عجلك ابن بقرتك

· ما ينوب المخلص إلا تقطيع هدومه

· ما يجى من البيوت شئ يقوت و لا يحيي النفوس بعد تموت

· ما ييجى من دماص إلا كل بلاص

· المبشة و لا أكل العيش

· مبسوط اللى مات جحيشه ايش حال اللى باعه بيع

· المحتاج يقلب على النقاشة

· المتغطى بالأيام عريان

· مخدة العز شوك ريحان و مخدة الفقر ريش نعام

· المخايلة خى البلا

· المدفونة تكسر المحرات

· مخدة بطبيب و لا الربيب

· مرة ابن مرة اللى يطاوع المرة

· مرات الأب خدها يا رب و إن كانت حورية من الجنة

· مركب الضراير سارت و مركب السلايف غارت

· مرضية العيلة قليلة يا بخيل

· المركب اللى فيها ريسين تغرق

· مراية الحب عميا

· المركب اللى تودى أحسن من الى تجيب

· المركب اللى تعديك تعدى غيرك

· مركب مسخر و لا مركب مجفر

· المركب اللى تسير تجيب القمح و الشعير

· مزين جديد بأقرع استفتح

· مزاجى و لا أولادى

· المستعجل و البطى على المعدية يلتقى

· المسامح كريم

· مسكوا القط مفتاح اللبن

· مسكوا القط مفتاح الكرار

· مسيرك يا أخ جار

· مسمار فى الحيط و لا جاموسة فى الغيط

· مسيرها تيجى البر و لو ألواح

· مسير الحى يتلاقى

· مش للحسابين ده للموعودين

· مش للمحسوبين دا للموعودين

· مش كل الطير اللى يتاكل لحمه

· مش متحملة المزمر يغنى

· مش لاقى العيش يتعشى اشترى فجل و قعد يتعشى

· مش كل من لبس الحرير بقى سيد

· مش صنعه و لا خلو بال دى تلاهى للرجال

· مش كل مرة تسلم الجرة

· مشغوف و ملهوف

· مش صنعتك و لا فنك روح شوف لك حاجة غير دى أحسن لك

· المشى و لا الركوب العار

· المشى أحسن من الركوبة العرجة

· المصلحة قبلاها الثوب الحرير

· مشيوا مشيتهم و فرشوا حصيرتهم

· مصير الباب ييجى على عقبه

· المصارين بتتشاكل مع بعضها

· مكروه البيت ساكنه

· مطرود الدار ساكنها

· معجون بمية عفاريت

· المعاملة بالمفارقة

· معزة الفقير فى المراح باينة

· المعداوى القديم مرحوم

· معزة قايمة و معزة قايمة

· معزة تعلم امها الرعية

· المغلوب مغلوب و فى الآخر بيضرب بالطوب

· معزة الغلبان جنب المراح نايمة

· مفيش فى القلع ريح

· مفيش أجمد من كتف الطور غير عين الأحبة

· المقدرة فوق كل حاجة

· المشى و لا الركوب العار

· مكتوب على ورق الحلاوة ما محبة إلا بعد عداوة

· مقطع السمكة و ديلها

· المكتوب على الجبين لازم تشوفه العين

· مكتوب على ورق الخيار من سهر بالليل ينام بالنهار

· مكسور الجناح لا يهش و لا ينش

· المكتوب منهوش مهروب

· الملافظ سعاد

· المكنسة حاجة و الثوب الحرير حاجة

· ما لقوش العيش يتعشوا جابوا بصل و قعدوا يدشوا

· الملقى نصيب

· المليانة ما تلقش

· الملك من هيبته بيتشتم فى غيبته

· من آسى عليك أحسن له كفى المآسى فعله

· الممنوع مرغوب

· من آيس باع

· من إى إى شمر

· من ادى لابنى بلحة دخلت حلاوتها بطنى

· من استكتر غموسه كل حاف

· من بره طق طق و من جوه فاش و بق

· من بره هلا هلا و من جوه يعلم الله

· من باعك بيعه و ارتاح من قهره و ان كنت عطشان ما تورد على نهره

· من بره ورده و من جوه قردة

· من بنى و علا راح و خلى

· من بص لحاله انشغل باله

· من جاب ولد و التانى بقى عجوز فانى

· من جاب و تنى ما عاد يستنى

· من جاور الحداد انحرق بناره

· من جابت اتنين فى صباها عدمت حيلها و قواها

· من جاور السعيد يسعد و من جاور الحداد اتحرق بناره

· من جاور الحداد انكوى بناره

· من حالك و أعذر أخوك

· من جه بلاش راح بلاش

· من حبنا حبناه و صار متاعنا متاعه و من كرهنا كرهناه حرم علينا اجتماعه

· من حب نفسه كرهته الناس

· من حبه ربه خده

· من حبنى و كره اختى لا له خير فى و لا فى أختى

· من حسب الحسابات فى الهنا يبات

· من حكم فى ماله ما ظلم

· من خد و ادى صار المال ماله و من خدم الناس صارت الناس خدامه

· من حط عقله فى راسه يعرف خلاصه

· من خد الأجر حاسبه الله بالعمل

· من خد الأجر حاسبه الله بالعمل

· من داق التحويش ينصعر

· من خد شئ قال له الزمان هاته

· من ده أخاف و من ده اخاف و استخبى تحت اللحاف

· من داق الطعمية ياكل بالطاقية

· من رضى بقليله عاش

· من رعانى بعين أراعى له بالاتنين

· من ساب قديمه تاه

· من زق بابنا كل لبانا

· من شاف أبوه و جده يمشى على قده

· من سرح بدرى روح بدرى

· من عاش بالحكمة مات بالمرض

· من شاف بلاوى الناس هانت عليه بلوته

· من عان شئ قال له الزمان هاته

· من عاشر القوم ثلاثين يوم صار منهم

· من عاير ابتلى

· من عجبه صوته علاه

· من غسل و شه و رجليه بان الحموم عليه

· من عرف الشحات بابه يا طول عذابه

· من قدم شئ بيداه التقاه

· من قدم السبت يلقى الحد قدامه و من خدم الناس صارت الناس خدام

· من القلب للقلب رسول

· من قرصه تعبان من حبل يرجع

· من قلة بختنا العيال بتحبنا

· من قال الحمد لله شبع

· من قلة المحبة خدنا لنا من بيت العدو حبيب

· من قلة حيلتها و مروتها عملت الطبلة صنعتها

· من كتر نومه قرب يومه

· من قل عقله تعبت رجليه

· من كتر خطاياها بارت مسى عليها الليل و احتارت

· من قلة خيولهم شدوا على الكلاب سراج

· من كل عيش الناس بارد يرده مقمر

· من كان فى شئ و رجع ليه يستاهل ما يجرى عليه

· من ماله و لا يهنا له

· من لعب بالنار حرقته

· من همه اتجوز قد أمه

· من محبته فى الكمون اتمرغ فى ترابه

· من يوم ما شفتكم يا ولادى ما هنا لى زادى

· من يريحهم يتعبوه و من تعبهم يريحوه

· المنحوس منحوس و لو دقوا فى راسه فانوس

· من يوم ما ولدونى فى الهم حطونى

· مهما طال الليل لابد له من فجر

· منفوخ على الفاضى

· الموت راحة

· موت البنات سترة

· موت يا حمار على ما يجيلك العليق

· الموت مالوش كبير

· الموفرة غلبت المشورة

· موتة الشباب لها غارة و لو كان مش من الحارة

· موت و خراب ديار

· المؤمن منصاب

· المية تكدب الغطاس

· الميكانيكية باشوات مدارية

· المية ما تجريش فى العالى

· الميه فى الزير تحب التدبير

· مية نيلى و وشوش طينى

· مية مالحة و وشوش كالحة

· مين باعك بيعه

· مية من تحت تبن

· مين فاضى ينبش فى الماضى

(ن)

· النار تخلف رماد

· ناديتك و اهتديت و الطبع فيك غالب

· ناره قش

· النار ما تاكلش حطبها كله

· النار ما تحرقش الا اللى ماسكها

· النار ما تحرق الا اللى كابشها

· ناس تخاف و لا تختشى

· الناس بلوتها السبت و الحد و انت اللى خيبتك ما وردت على حد

· ناس فى أولتها و ناس فى أخرتها

· ناس فايقة و ناس مدايقة

· ناس فى سكته و ناس فى هرية و نكته

· ناس بأولتها و ناس بأخرتها

· ناس لها بخت و ناس ما لهاش و ناس بتقضى حياتها بلاش

· ناس ليها بخت و ناس لها قلايط

· الناقة العويلة سلبتها طويلة

· الناس مقامات

· النايم ميت

· ناموسية العرايس كحلى

· النبى تبسم

· نبحتر الحبهان و نلم الكسبرة

· النبى وصى على سابع جار

· النبى عربى وبلاده بعيده

· كشكاله دايمة و لا علامة مقطوعة

· نخالة دايمة و لا علامة مقطوعة

· النسوان هديات و رزيات

· نزلنا من الوسع للضيق

· النسب زى اللبن أقل شئ بيغيره

· النسب إما حمى و إما درا

· النسب عصب و إن طال يبقى أهلية

· النسب زى اللبن بيروق و يتعكر

· نشفت البركة و بان زقازيقها

· نشبع البقرة و ندبر البرسيم

· نص العمى و لا العمى كله

· نص البلد ما تعجبنى يا ترى أنا أعجب مين

· نص القبر من العين

· نص الفطرة خروب

· نظرة يا سيد

· النصاب ياخد من الحافى نعله

· النعجة العياطة تحمى ولادها من الديب

· النعجة بتولد خروف و الكلبة بتولد ألوف

· نعم السكك

· نعجة الغلبان ةفى باب المراح باينة

· نعمة و اللى يكرهها يعمى

· نعمل المعروف ننضرب بالكفوف ؟!

· النفس الحلوة لها الجنة

· نعيب و العيب فينا و ننازع و الروح فينا

· نقبك على شونة

· نقاية تسند الزير

· نقول الشرق يقول الغرب

· نقسم البلد بلدين

· النهاردة قهر و بكرة قهر هو العمر فيه كام شهر ؟! ..

· نكد على صاحبك و بات غنى

· نوم الظالم عبادة

· النوم سلطان

· نيتك مطيتك

· نية المرء خير من عمله

· الحاجة فى السوق تقول خبينى خبينى لما يجى الخايب يشترينى

· نينى نينى لما يجى المعفن اللى زيى يشترينى

( هــ )

· هادى من بلاده جه الحر زاده

· هات الجره و احلب الضره الشرش جوه و القشطة بره

· ها تاكل إه النملة من قوت الفيل

· هبلة مسكوها طبلة

· هتجيبه فى القدح و تقول لها سمى يا أمه ده بلح

· هتجيبه فى الكيلة و تقول لها خدى يا أمه ده هيزين العيلة

· هدومك يا هبيل دابت من الغسيل

· هتربط حمارك جنب حمار الكتبة

· هم البطن حرق الدقن

· هدوء السر بركة

· الهم فى الدنيا مفرق

· هم بطنى عبطنى

· هفتكر منك ايه يا بصلة و كل عضة بدمعة

· هم الناس فى الناس و هم الأقرع فى الراس

· هننونى و بننونى ما أعرف الا اللى ولدونى

· هنكركرب فى النحاس

· هو بعد حرق الجرن جيرة

· هنيالك يا فاعل الخير

· هو دخول الحمام زى خروجه

· هو بعد العيد يتفتل كحك

· هو عضم التربة بيتباجل

· هو كل من طبخت غرفت

· هو السؤال حرم

· هو حد يفر من اللى له

· هى الحنية بتنشحت

· الهوا غلاب

· هى كل من نفخت طبخت

· هى صنعة و لا خلو بال ؟ قال هى صنة و عاد و قال له : هى صنعة و لا خلو بال ؟ قال : خلو بال

· هين قرشك و لا تهنش نفسك

( و )

· واحد يفكر و التانى يصطاد

· واحد شايل دقنه و التانى تعبان ليه

· واد و مات و لا السكات

· الواحدة اللى ما بتخلفش تبقى عند الراجل زى الضيفة

· وجع ساعة و لا كل ساعة

· و الله يا خال جيتنا ممسى قال : الليل على طويل و لا بنامشى

· الوحدة عبادة

· وحدانى و مخلف عيال

· الوحشة فى بيت أبوها تترد

· الوحدة قاسية

· ودوا تستحبوا غيبوا حبة تزيدوا محبة

· ودن من طين وودن من عجين

· وردة وسط شوك

· ودوا ميتكم و داروا على وليتكم

· وش بشوش و لا مال بملو الكف

· وش بشوش و لا جوهر بملو الكف

· الوش مكبب و الكعب مدبب

· الوش قد البنينة و الراس قد الجنينة

· وقت القصعة تبقى تسعة و وقت الحاجة تبقى وحادى

· وصى بالوالد ما وصاش بالمولود

· وقع زى الرطل الحلال

· وقت الشوية تبقى حدية و وقت القصعة تبقى تسعة

· وقوع البلا و لا انتظاره

· وقعات الدبان فى العسل ياما

· الوعاية المليانة تكب على الفاضية

· وقف على السلم يرقص لا اللى فوق شايفه و لا اللى تحت شايفه

· ولاد بطنى ما فيهمش خير قاسيين على و حنينيين على الغير

· و لا تاخد ابن الأرملة و لا اللى معذب روحه سنة

· ولادة كل يوم و لا سقط سنة

· الولادة زى الحرامى

· ولد لخاله

· الولد الخايب يجيب لأهله النعلة

· و لسه يا ما فى الجراب يا حاوى

· ولاد المليحة فضيحة

· و النبى يا أمه ما تجوزينى غريبة دا الغربة كربة و تذل الأصول

· و النبى يا أمه ما تجوزينى غريبة ده الغربة تربة و البلاد بعيدة

( ي )

· يا أبو البنت ما تعوزها مسيرها لبيت جوزها

· يا ابرتى إنتى غرامى و غيتى

· يا ارض انهدى ما عليكى قدى

· يا اطخ طخة يا اكسر مخه

· يا امه علمينى الخيابة قالت : تعالى فى الهايفة و اتصدرى

· يا ما جوزينى فى بيت عيلة قالت لها : انت صغيرة يا اختى قالت لها : لكن على لسان طول كده

· يا أهل القبور كلوا ترمس و فول

· يا أمى يا حاملة همى

· يا بانى فى غير ملكك يا مربى فى غير ولدك

· يا با شرفنى أما يموت اللى يعرفنى

· يا بخت من بكلنى و بكى علي

· يا بت مالك مرعوبة آل من ديكى النوبة

· يا بخت من قدر و عفى

· يا بخت من زار و خفف

· يا بخت من كان النقيب عمه كتر عيوبه و رجعه لأمه

· يا بخت من كان النقيب خاله كتر عيوبه و رجعه داره

· يا بخت من نفع و استنفع

· يا بخت من له يا شقاوة من عليه

· يا بخت الناس برجالتنا و يا تعاستنا برجال الغير

· يا بخت من وفق راسين فى الحلال

· يا بركة دعا الوالدين

· يا براد مالك بتظو و رزقك عند الله مضمون

· يا بو يا بو ما يحلى الكلام إلا بو

· يا بصل حوالك عسل

· يا بو عين يا بو مفيش

· يا بو يا بو ما يطيب الحديث إلا بو

· يا جحا حمارتك عيانة بالسخونة قال : عويل و فاضى لها

· يا جاى بالليل و متعطر تعالى بالنهار و شوف

· يا جوزى ما تنصفنى الا لما يموت اللى يعرفنى

· يا جحا مرات ابوك بتحبك قال : هى كانت اتجننت

· يا حلاته يا طوله على المغتسل باين

· يا حامل همك و هم غيرك تموت و انت واقف على حيلك

· يا حيرتى فى اللى ما هو لى كمان شوية يقلعه لى

· يا حلوة كونى نغشة

· يا خبر بفلوس بكرة يبقى ببلاش

· يا خاين و عامل من الليل ستارة بكرة يروح الليل و تظهر الأمارة

· يا داخل بين الحلة و غطاها ما ينوبك غير صداها

· يا داخل بين البصلة و قشرتها ما ينوبك إلا صنتها

· يا داخل بيت عدوك ليه قال : حبيبى فيه

· يا داخل التربة و معاك فاس هتحمل همك و لا هم الناس

· يا داخل بين العتر و الريحة ما ينوبك إلا الفضيحة

· يا داخل بين المسكة و الريحة ما ينوبك إلا الفضيحة

· يا دارك زى جارك يا تقلع باب دارك

· يا دار ما دخلك شر

· يا دارى يا ساتره عارى يا منيمانى للضحى عالى

· يا دارى يا ساتره عارى

· يا دى الدياره ما عليكى نور احنا الثلاثة و الثلاثة عور

· يا دخلتى على اللى ما يحبونى لا سلامات و لا وحشتونى

· يا دى الزمان الشخشيخة اللى المرة عملت فيه شيخة

· يا دى الدياره ما عليكى نور فيكى ثلاثة و الثلاثة عور

· يا راكب قول للماشى الدنيا زوال ما منهاش

· يا دى الشيلة يا دى الحطة رحنا على جمل و جينا على قطة

· يا رايح كتر من الفضايح

· يا رايح الفلاحين بلا مشورة إن ما شغلكش الراجل تشغلك المرة

· يا رايح بدسا خد غداك لتنسى

· يا رايح مصر على اسم باشا فيه الف زيك

· يا رايح الخانكة على حمار ما ينوبك من السفر قد المشوار

· يا رايح حنوت خد غداك لتموت

· يا رايح ميت نابت اربط على بطنك بحزام ثابت

· يا رايح العايشة لقمتك بايشة

· يا ريت أبويا ما كان خد أمى و لا تشاركوا الاتنين فى همى

· يا روح ما بعدك روح

· يا ريتنى بيضة و لى بربور و الله البياض عند الرجال مقبول

· يا ريت على الطلق الشديد غلام ما تكونش بنية و تشمت الجيران

· يا ريتنى بيضة و لى ضب و الله البياض عند الرجال يتحب

· يا ريتنى بيضة و لى عرقوب و الله البياض عند الرجال مقبول

· يا زيحة زيحى الزيحة

· يا ريتهم يموتوا فى قمايطهم قيبل ما يكبروا و تكبر نصيبتهم

· يا ساكن الكفور يا ساكن القبور

· يا زيك زى جارك يا تقلع باب دارك

· يا سوق بلا رجالة و ايش تعمل النسوان

· يا سعد محناش سعدانين يا فقر جميلك على الصرمة

· يا شارى بيت مبنى يا لاقى كيس مرمى

· يا سيدنا الشيخ ضربة تكسر لوحك قبل ما تعدل على الناس عدل على روحك

· يا شمس يا شموسة خدى سنة الجاموسة و هاتى سنة العروسة

· يا شامته ما تشمتى النهاردة لى بكرة لك

· يا صاحب العقل ما عندكشى تبيع منه

· يا شيخ العرب يا أبو قبة ما كنتش بحبك فى الدنيا عنت بحبك فى التربة

· يا صياد اصطدتشى اللى اصطادته آهو مشى

· يا صعيدية جوزك قبل قالت قلبى على الفراق اتدبل

· يا طالب الصبر روح القبر و اتفرج

· يا طابت يا اتنين عور

· يا عجوزة من لحم يا وحاشة على عضم

· يا طالب المال لوقف الحال العمل عمال و المال همال

· يا عيش بلا أصحاب كل يا كلي و اتهنى

· يا عم حسوبة فى المشى تك تك و فى الأكل لهلوبة

· يا غزالة الأقمار ايش حاشك بالنهار

· يا غاسلة ما تغسلى توبى لا فرشة تحتى و لا غطا فوقى

· يا فرخة يا قطاطية اللى فيكى هاتيه فيه

· يا فاحر لأخوك المسلم حفرة لابد من وقوعك فيها

· يا فقر مانا فقران يا سعد فى البلغة القديمة

· يا فرعون ايش فرعنك ؟ قال : ما لاقتش حد يردنى

· يا قلبى فضك من خراب العقول زى ما يخش يقول يطلع يقول

· يا قاعدين يكفيكو شر الجايين

· يا قلبى يا كتاكت ياما أنت سامع و شايف

· يا قلبى يا كتكت ياما بتسمع و تسكت

· يا كاتبة يا ساحرة لا نايبك من الدنيا و لا من الآخرة

· يا قائل الآه هى الآه كام معنى الآه تلاتة أربعة و كل آه لها معنى

· يا للى الجديد ولفك و رجعت لقديمك هو الجديد و لفلك و لا شرب خيمك

· يا كمون هاتوا مجنون : يا فلفل هاته يفتل

· ياللى طالعين القرافة انتوا أولى بالفطير

· ياللى زينا تعالوا حينا

· يا مآمنة للرجال يا مآمنة للمية فى الغربال

· ياللى عليكى الحى الحجة لصاحبة البيضة

· يا ما تحت البراقع سم ناقع

· يا ما أحلى طولى فى اللى ما هو لى كمان شوية يقلعهولى

· يا ما جاب الغرب لأمه

· ياما تحت السواهى دواهى

· يا ما دنى أقول عفب الزمان ارتاح كتر شقاى و اللى معاى راح

· ياما الجمل كسر بطيخ و ياما البطيخ كسر جمال

· يا ما فى الحبس مظاليم

· يا ما شربتى يا جمجمة راسى من المر و الحنضل القاسى

· يا متبع الزول يا خايب الرجا

· يا ما فى السجن مظاليم

· يا محاور لا تشاور

· يا مجامل الغرب تفتخر بيهم جامل أهل بيتك تكسب أجرهم

· يا مدارى عيوب الناس دارى عيوبك

· يا مخلفة البنات يا دايخة للمات

· يا مركب الزفت أنا قرفت منكم كم صدكم ردكم عيب جرت منكم ، لو كان كلامكم عسل ما بقتش أكلمكم

· يا مرحباً يا سيب لما جيت مع السلامة يا صبا لما وليت

· يا مزكى على أهل بره زكى على أهل جوه

· يا مزكى حالك يبكى

· يا مسترخص يا متفصص

· يا مزين ورينى شعر راسى قال : دلوقت هينزل على حجرك و تشوفه

· يا مستكتر الأيام أكتر

· يا مستعجل عطلك الله

· يا مفرقينه و مشتهينه اقعدوا جنب الحيط و كلوه

· يا معداوى عدى هى الايد اللى بتاخد بتدى

· يا منتظر من النملة سمنة حرمت عليك التقلية

· يا مكبرنا يا مصغرنا

· يا نحلة ما تقرصينى و لا أنا عايزة منك عسل

· يا مولاى كما خلقتنى

· يا هارب من قضاى مالك رب سواى

· يا هادى ودى الشيطان غادى

· يا واخد القرد على كتر ماله بكرة يروح المال ويفضل القرد على حاله

· يا واخد البيض يا مقضى الزمان فرحان ضيعت مالك على جوهر و عود ريحان

· يا وحشة كونى نغشة

· يا واخد مغزل جارك هتغزل بيه فين

· يا ويل اللى ما تسقف له يجى لك راقص

· يا ويل اللى علته مرته يوت و الطبيب حداه

· يا خسارة النار تخلف رماد

· يا وارث من يورثك يا حى من يبقيك

· يبقى المال مال ابونا و الناس يضربونا

· ياكل كيلة و ينكد على العيلة

· يبيع المية فى حارة الساقيين

· يبقوا اختين و لهم طبعين

· يتشعلق فى حبال دايبة

· يتجوز أمى أقول له يا عمى

· يتيم و عربيد

· يتنشأ بالشبه و جاى يلقلق فى الضبة

· يحسدوا البين على كتر شواربه

· يجمعهم الطبل و تفرقهم عصا

· يحسدوا العمى على مشى السكك

· يحسدوا الأعمى على طول عكازه

· يحسدوا الغجر على ضل السجر

· يحسدوا العمى على وسع الطريق

· يخلق من الشبه أربعين

· يحضر الشوالى قبل اللبن

· يخلق من ضهر العالم فاسد

· يخلق من ضهر الفاسد عالم

· يدخل العتبة يقطم الرقبة

· يخلق ناس و يتحفهم و يخلق ناس و يحدفهم

· يدى الأقرع كسكته و يدى المكسح بسكلته

· يدور على الحسك و يسيب الجمل

· يدى سره لأضعف خلقه

· يدى الحلق للى بلا ودان اللبان للى بلا أسنان

· يدور على الأوتاد قبل ما يجيب البقر

· يدور على المداود قبل ما يجيب البقر

· يرزق قليل الحيلة لما يستعجب صاحب الحيلة

· يربطوا حمارهم جنب حمار العمدة

· يسبو الحره و يقطعوا الجُرة

· يركب الزعرة و يحارب بذيلها

· يسرق الكحل من العين

· يسرح بالديب و يروح بالغنم

· يشتمنى فى زفة و يصالحنى فى عطفة

· يسيب الحمار و يعض فى البردعة

· يشكر السوق اللى باع جديه

· يشحت و يدى المكحت

· يصعب على يتيم الأم من يرضيه مرات أبوه تضربه و أبوه يكش فيه

· يصطاد فى المية العكرة

· يطلع البيض على البيض يفقشه

· يصلى الفرض و ينقب الأرض

· يعملوا للجمل بعرور

· يطيب العليل و ينسى جميل المداوى

· يغنى عن المش مش

· يعملوها الصغار و يقعوا فيها الكبار

· يغور القاعود اللى يجى من ناقة جربة

· يغور الشرك و لو فى الغدا

· يفتى على الإبرة و يبلع المدرة

· يغور اللبن من وش القرود

· يفوت عليا ما يقولش عوافى و أنا مربياه من لحم كتافى

· يفحت البير بإبرة

· يقتل القتيل و يمشى فى جنازته

· يقبحوا و يصبحوا

· يقرف الليمون على سجره

· يقرص و يلبد زى الحية

· يقول افطروا و انتطروا و اتغدوا و اتمدوا و اتعشوا و اتمشوا

· يقطع من هنا و يوصل من هنا

· يكون لك و لا يكون عليك

· يقول المستخدم لا أرى و لا أسمع و لا أتكلم

· يلطم بحجارة و يقول البن خسارة

· يكون ماتت ناس و حيت ناس

· يمشى على العجين ما يلغبطوش

· يمسك الكسبانه يلاقيها خسرانه

· يمشى المراكب على البلاط

· يمشى المراكب على الرمل

· يموت الزمار و شنبه بيلعب

· يموت الإنسان ناقص علام

· يموت المعلم و لا يتعلم

· يموت الزمار و صوابعه بتلعب

· ينشال على الرفوف للى فى الكفوف

· يموت و عينه فى القوت

· يولد الحوت فى القربة

· ينفات لكم بلاد

· يوضع سره فى أضعف خلقه

· يوديك البحر و يجيبك عطشان

· ييجى من بره يكسر الجره

· يوم السداد عيد

· ييجى من حلق جره و يروح من خرم ابره ا

[عصام]

كنت عارف انك راجع :ph34r:

ألف حمد لله على السلامة .. أقعد بقى وبلاش تسافر :unsure: