بنات حوا

[yasovinas]

اجمل ما في الكون بنات حوا

دي حقيقة لا يمكن ان ننكرها فالحياه بدونهم لا طعم لها ولا لون ولا رائحه ،،،، مش مهم ايه الطعم بس اهو في طعم

مش مهم لو اللون اسود او كحلي جانجاه :unsure: بس اهو لون مش مهم الريحه تقلية بصل ترجيع الواد عمر كلور الغسيل كووول دا مش مهم المهم يكون في ريحه وطعم ولون

علشام كده وقبل ما حبيباتي بنات حوا وحفيدات ريا يفرحوا بالبوقين الحامضانين دول احكي لكم شوية حكايات عن ارفع بنات حوا ملكات واميرات من ماركة حوا

الملكة فاندين : أمرت بسجن حلاقها الخاص مدة 3 أعوام حتى لا يعلم أحد أن الشيب قد ملأ شعرها . شايفين الحنيه والرقه

* الملكة فيكتوريا : أمرت برش شوارع مدينة كوبنرج الإنجليزية بماء الكولونيا إحتفالاً بزيارتها هى والبرنس ألبرت لها عام 1845 .يا سلام ناس محترمه صحيح

* الملكة العذراء : الملكة إليزابيث الأولى ملكة بريطانيا جلست على العرش وهى عذراء فى الخامسة والعشرين من عمرها .. وبقيت ملكة لمدة 45 عاماً أعطت فيها كل حبها لبلادها .. حتى الزواج كانت تنفر منه وكانت دائماً تقول .. أننى أفضل أن أتسول بلا زواج على أن أكون ملكة متزوجة .والله وفرت

* آن برلين : زوجة الملك هنرى الثامن كانت تلبس القفاز بصفة مستمرة صيفاً وشتاء وذلك لتخفى إصبعاً سادساً من يديها .لا تعليق حتى الصوابع طمعوا فيهم

* كليوباترا : ملكة مصر كانت إذا أرادت أن تفتح شهيتها تأكل قطعة من الشمام مُتبلة بالثوم .مش دي عندنا هنا في المحاورات حتى بالامارة بيدلعوها ويقولوا لها يا كليو

وللحديث بقية ،،،،،، اذا كان في العمر بقية

[Tafshan]

ما لكش حق يا ياسو mfb:

دى نمازج مشوهه من بنات حواء السكر العسل اللى ما فيش منهم :unsure:

يا سلام عليها و هى رايحة السوق ... مهاوده جداً و ثابته على رأيها و مش مترددة خالص :happy: بسرعة بسرعة تشترى الحاجه في اقل من 12 ساعة و تروح على طول .. و طبعاً شجاعة جداً :blink: تجري على غرفة القياس و لو لاقيت نفسها تخنت سنتى و لا اثنين و لا بيهمها ... و لا بتتنرفز و لا بتتعفرت و لا بنقضى بقيت الشهر بروكلى و جزر مسلوق و لا اي حاجه :blink:

و يا سلام عليه و على التليفون ... كلمتين و بس ... في اقل من 6 ساعات بتبقى المكالمة خلصت و بتبقى ما جابتش سيرة غير 5 او 6 مليون بنى آدم بس B)

حقيقي .. ما لاكش حق يا ياسو :wub:

[yasovinas]

والله يا طفطف يا اخويا انا عارف وحاسس ومؤمن بكل كلم قلتها {وحتى اللي ما قلتهوش } انا عارفه وموافقك علية بس وللامانه المدام عندي - خالتك ام محمد - مش بتدخل المحاورات فمش خايف زي ناس :unsure: جومانه وامها وصلوا بالسلامه ومن ساعتها بقى مؤدب ومهزب وشكله كده اعيد ترويضه :blink:

وعلى راي الشاعر عبدة ابو ذراع لما قال :blink:

يا ميت ندامه على اللي طفش وما طالش mfb:

وطبعا لقب ابو ذراع اطلق عليه لفقدة ذراعه في مناقشه مموضوعيه مع المدام

ومرة تانية

للحديث بقية اذا كان في العمر بقية

[ATHENA]

الملكة فاندين : أمرت بسجن حلاقها الخاص مدة 3 أعوام حتى لا يعلم أحد أن الشيب قد ملأ شعرها . شايفين الحنيه والرقه

مش كويس انها مامرتش بقطع رقبته زي ما غيرها بيفكر دلوقتي يا ياسو :blink: ..و لا زي سي شهريار اللي موت نص بنات الدنيا :unsure:

* الملكة العذراء : الملكة إليزابيث الأولى ملكة بريطانيا جلست على العرش وهى عذراء فى الخامسة والعشرين من عمرها .. وبقيت ملكة لمدة 45 عاماً أعطت فيها كل حبها لبلادها .. حتى الزواج كانت تنفر منه وكانت دائماً تقول .. أننى أفضل أن أتسول بلا زواج على أن أكون ملكة متزوجة .والله وفرت

و الله حكيمة بتدي حقن و جابتها من الآخر mfb:

* آن برلين : زوجة الملك هنرى الثامن كانت تلبس القفاز بصفة مستمرة صيفاً وشتاء وذلك لتخفى إصبعاً سادساً من يديها .لا تعليق حتى الصوابع طمعوا فيهم

مش أحسن من أخوانا اللي عندهم كرشه و صلعة و ماشيين بتعكس الشمس زي المراية... :wub:

ما لكش حق يا ياسو

دى نمازج مشوهه من بنات حواء السكر العسل اللى ما فيش منهم

قوله يا طفشان الحمش :blink: و هعمل نفسي مش شفت موضوع البروكلي و التلفون :happy:

احلى حاجه انك يا ياسو عارف الناس بتفكر في ايه لما يكتب مواضيع حوا دي و بتقول لو كان في العمر بقية B)

تم تعديل 9 مايو 2006 بواسطة ATHENA

[yasovinas]

طول عمرك فاهماني يا ايزو ودا عيبك

ما علينا نقول كمان وكمان ما دام في العمر بقية

* كاترين العظمى : كانت إذا أرادت أن تدخل البهجة على نفسها أمرت أن تُزغزغ فى أقدامها .. وكانت تشرب فى إفطارها خمسة أكواب من القهوة .

* مارى تريزا : إمبراطورة النمسا وكانت من أسعد الأمهات إذ كانت أماً لستة عشر ولداً وبنتاً وكان من بينهم 2 إمبراطور و 3 ملكات .

* لوليا بولينا : زوجة قيصر كاليجولا ، كانت ترتدى أثواباً لا يقل ثمن الثوب الواحد عن 200000 دولار إضافة إلى عقد اللؤلؤ الذى كان يبلغ ثمنه 3.500.000 دولار .

* ايننزى كاستور : زوجة بيدرا الأول ملكة البرتغال ، إغتالها أحد الأفراد فلما أصبح زوجها ملكاً أخرج جثتها من القبر ونصبها على العرش وقال لشعبه أنها ملكة البرتغال فأصبحت أول ملكة تحكم شعبها بعد موتها .

[ocha]

يعنى يا ياسو هو دا ايلى ربنا قدرك عليه تقوله فى بنات حوا طب افتكرلها كام حاجه من ايلى بتشوفه من ولاد ادم نسيت نسيت قعدته طول الوقت امام النت لو مابيكلمش حد يبقى بيدور على برامج او تسجيل ونقل برامج وياسلامممممممممممممممم لما يرجع من الشغل تعبان واول ما يفتح الباب يجرى على حبيبه البرامج يشفها خلصت شحن والا لسه ولما حد يسال عامل ايه نقول دا غلبان يبقى احسن لها انها تقول كلمتين فى ست ساعات بدل ما تقعد طول اليوم مستنيه تسمع كلمه غير هاتى دا واعملى دا مش يبقى حرام وانبى

[yasovinas]

اوشا يا غاليه حمداً لله على السلامه mfb: لي كام يوم مش بشوفك صح :wub:

شوفي يا ست الكل اللي قلتيه كووووله صح بس في حاجتين لازم نوضحهم اللي هم اييييه؟؟؟؟ :wub:

اول حاجه ما ينفعش نقول " اولاد آدم ليهم بلاوي اكثر من كده بكثير خصوصا الملوك منهم "

لان الطبيعي وحسب الفطرة ان الراجل هو الانسان القاسي الغليظ الديكتاتور :wub: احيانا ؛؛ اما بنات حوا mfb: فالمفترض انهم النسمه الحلوة الطرية والمشاعر الرقيقة والقلب الحنين وال،،،، يعني كل البكش دا :wub:

تاني حاجه اللي قلتيه انت على بنت حوا المطحونه في البيت واللى ابن ادم مغلس عليها كما ذكرتي ؛؛؛هو دليل قاطع ونوهائييي اذا ما وضعناه بجوار ما ذكرت وما سوف اذكر فيما بعد ان بنت حوا لو دفيت واستريحت وملكت السلطه بتبقى ؛؛؛؛؛؛؛؛؛؛؛؛؛؛؛ يا مغيث يا لطيف الطف بعبادك من ابناء ادم

وللحديث بقية ؛؛؛؛ اذا كان في العمر بقية

[yasovinas]

قلنا خلاص سيب بناتحوا في حالهن وخلي كل واحد شايل في قلبة وساكت لكن (وآه من لكن ) لانها من بنات حوا بل لانها من رموز بنات حوا ودليل قاطع على كل ما قلناه عن بنات حوا رجعت حفيدة ريا وسكينة المدعوة بكليو بطه واعلنت الحلاب لذلك فنحن لها

نتوكل على الله و نقول

* الملكة مارجريت :ملكة النمسا زوجة فيليب الثالث ، رفضت أن تستلم هدية قدمها لها أصحاب الجوارب الحريرية ، ووبختهم بشدة على هديتهم .. وقد زال غضبهم وحدتهم بعد أن عرفوا أن ملكة أسبانيا تكره ساقيها النحيفتين .هاهاهاها هي هي هي هوهوهوهو :wub: :angry2:

* ولهلمينا ماريا :أميرة أورانج دناسو أصبحت فيما بعد ملكة هولندا وحين تنازلت عن العرش عام 1948 قدرت ثروتها بــ 500.000.000 .{ربنا على المفتري}

* كليوا باترا : عندما إرتقت عرش مصر بعد وفاة والدها بطليموس الحادى العاشر تزوجت أخاها الأصغر بطليموس الثالث عشر بناء على وصية والدها .. ثم تزوجت رجلين من أشهر زعماء أوروبا .. الأول يوليوس قيصر عام 47 ق .م والثانى مارك أنطونيو 41 ق . م . { ادي كليو بطة وعمايلها}

وللحديث بقية ؛؛؛؛؛؛؛؛؛ اذا كان في العمر بقية

[yasovinas]

موتشيه ثيان : كانت خادمة فى القصر الإمبراطورى فى الصين ، وأصبحت بعد فترة إمبراطورة الصين بعد أن قتلت أختها وأخاها وأمها والإمبراطور . :wub:

* الإمبراطورة أوجينى :زوجة نابليون الثالث : كانت لاتلبس حذاء مهما غلا ثمنه أكثر من مرة واحدة . :wub:

* إليزابيث ملكة النمسا :

كانت لا تنام إلا بعد أن تلف وسطها بمنديل مبلل بالماء لإعتقادها أن هذا المنديل يحفظ لخصرها الرشاقة والنحافة .

ولسه يا ما في الجراب يا حاوي

انتظرونا :wub:

[مصرية يعني مصرية]

والله دي حاجات غريبة فعلا ...... B)

و أول مرة أسمعها... :blush:

كمل ..ياسر

كمل

دا انا حتى لو مكتبتش بتابع مواضيعك كلها :rolleyes:

[yasovinas]

روحي يا شيخة ربنا يجبر بخاطرك

حاضر هكمل بس حوشي عني ريا وسكينه قصدي حفيداتهم كوكو وثوثو

* أما قيصرة روسيا :

حكمت مرة على أحد الأمراء الذى تآمر عليها بأن يصبح كالدجاجة لذا أحضرت قفصاً ووضعته داخل مجموعة من البيض وأرغمته على دخول القفص والجلوس فوق البيض وأن يصيح كما يصيح الدجاج . {شايفين الجبروت }

* كريستيان ايرهاردن

ملكة بولندا ظلت ملكة لمدة ثلاثين عاماً ، منذ عام 1697 - 1727 علماً أنها لم تطأ قدماها بولندا أبداً .(يعني ملكة من منازلهم)

* ديزى كلارى

ابنة أحد تجار مارسيليا خُطبت لثلاثة جنود ، صار كل منهم فيما بعد ملكاً .. الجندى الأول نابليون بونابرت والثانى جوزف برنادوت ، لكنها تزوجت برنادوت الذى تولى عرش السويد . ايوة كدا ادي الحريم اللي قدمها اخضر :rolleyes: