السكن فى كندا حاليا ياعم الصعايده

[الصعيدى]

:closedeyes: :angry: :angry: :sad:

السلام عليكم ورحمة الله وبركاته يا ولاد عمى الكنديين

واد /عمى ا/ هادى

عامل ايه انا مشتاق الى كلامك ونصائحك الغالية وانا كنت مشغول الفتره السابقة عن المنتدى ولكن كنت دائما ادخل واقرا الموضوعات بتعتك

وانا ليه عندك كام استفسارين وكالعادة انت مش هتبخل عليه علشان انت صعيدى اصيل

1 - اريد ان اعرف اماكن السكن الرخيصة يعنى فين وفى حدود كام بالظبط اليومين دول وانت ساكن فين بالظبط (الحى -المدينة -بكام -والشقة فيها ايه من الاجهزه) والله يباركلك .

2 - قريت انك قلت قبل كده ان مستوى الجريمة منخفض فى كندا وبعدين قلت ان فى ناس عمتضرب بعض بالنار فى الشوارع . طيب ايه هى الحتت اللى مفهاش ضرب نار وسكنيه 100% بس بردك تكون رخيصة

:wub: :wub: :P :P

[الصعيدى]

:

ph34r: :closedeyes: :ph34

نسيت اقولك حاجه مهمة جدا ياعم الصعايده تما

تذاكر الطيران الرخيصه حاليا الى كندا هى على انه خطوط

وبلاش تطنشنى ورد عليه بسرعة ياواد عمىr:

يعنى مرددش عليه

فيه ايه

السلك موصلش ولا ايه

النظارة هتلقيها فى الدرج اليمين

متكسلش

ياله رد عليه

:angry:

[الصعيدى]

ايه ياعمدة نجع تورنتو - مركز اوتاو - محافظة كندا

السلوك موصلاش عنديكم ولاايه

الصعيدى يتحدث اليكم من الاراضى المقدسة

ايــــــــــــــــــــــــــــــه ياواد عمى هادى عيب عليك سيبنى مبتردش علية

هيقوله عليه ايـــــــــــــــــــــــــــــــــــــــــــــــــــــــــــه دلوكيت

هيقول واد عمك / هادى عمده تورنتو معميردش عليك ومهيعبركش ليـــــــــــــــــــــــــــــــــه

ايه ياعمدة نجع تورنتو - مركز اوتاو - محافظة كندا

السلوك موصلاش عنديكم ولاايه

الصعيدى يتحدث اليكم من الاراضى المقدسة

ايــــــــــــــــــــــــــــــه ياواد عمى هادى عيب عليك سيبنى مبتردش علية

هيقوله عليه ايـــــــــــــــــــــــــــــــــــــــــــــــــــــــــــه دلوكيت

هيقول واد عمك / هادى عمده تورنتو معميردش عليك ومهيعبركش ليـــــــــــــــــــــــــــــــــه

[sendrella119]

ايه يابو العربي

انت مستني هادي ..........لسة بدري

راعي فرق التوقيت

الساعة 6 مساء في كندا .. دلوقتي

حوالي يعني

ومع ذلك راجع اللي اتكتب في الملف الاصلي حتلاقي كل الاجابات علي اسئلتك

انا رديت عليك علشان انت واد عمي

شايفاك بتنادي علي هادي هادي

وكفاية كده لحسن الشيخ بدار يزعل مني

بالتوفيق

[هادي]

اسمع ياسيد الناس

تروح دوكتي و طوالي ع الصفحة دي

http://163.121.20.10:5078/sources/AirlinesDic.asp

فيها عناوين وتلفونات كل شركات الطيران في مصر

تاخد منها عنوان الشركة الطيران الاوكرانية .. وتسأل السعر عنديهم يوصل كام

لاحظ

السعر في الصيف عالي

السعر في الشتا بيكون أقل كتير

وبعد ما تاخد منهم السعر

تروح تسأل كمان في الخطوط التشيكية

وبعدها تسأل في الخطوط اليونانية - اولمبيك

يعني تشد تلات تلفونات في سلك واحد

وتعرفني بالنتيجة

وسلامنا لسوهاج واهل سوهاج كلاتهم اعمامنا وتاج راسنا من فوق ..

واد عمك .. هادي

---------------------------------

شكر خاص لـ (sendrella119)

معلهش ..

ما انتوا عارفين الصعايده دمهم حامي حبتين

واخويا الصعيدي بيستعجلني وفاكر ان النضارة لساتها ف درج المكتب

مش عارف اني بعت المكتب و معاها الصالون المًدهب كمان

خلاص

الدنيا عطتنا من وسع والحمد لله

رجعنا للحصيرة والقلة القناوي

ربنا يديمها علينا نعمه :unsure:

[الصعيدى]

:unsure: :blink: :wub: :wub:

من الصعيدى واد عمكم الى بت عمى / سندريلا

طبعا اشكرك على ردك واحب اعرفك اننا كلاتنا بنسلم عليكى

وعمنقول الحمد لله الله يكتر من ولاد اعممنا فى كندا

وجدى بيسلم عليكى وعميقولى متنساش بت عمك ببلصين مش علشان تقدر ع التلج هناكها

ph34r: :D :o

تم تعديل 11 مايو 2006 بواسطة الصعيدى

[الصعيدى]

:unsure: :blink: :wub: :wub: :D

اشكرك ياوادعمى الاستاذ / هادى هو دا العشم لان انت من بدنتنا فى الاصل وعمدة تورونتو - مركز اونتاريو - محافظة كندا.

دلوكيت فى حاجه انت قلتليه على التذكره بس مقلتليش على اخبار السكن دلوكيت عنديكم ايه كام (مندره و ديوان و عفشة مايه ومنافحها) و (مندرتين وديوان وعفشة مايه ومنافحها) بكام .

وعلى فكرة انى ميرضنيش ان واد عمى الكبير يجعمس على حصيرة

انى هبعتلك مصطبه بتاع جدى الكبير

:o :D :D :ph34r:

[الصعيدى]

<_< :lol: :lol:

ايــــــــــــــــــــــــــــــــــــــــــــــــــــــــــــــــــــــــه ياواد عمى الاستاذ / هادى عمدة نجع تورنتو - مركز اونتاريو - محافظة كندا

مفيش اخبار جديدة عن اسعار الشقق ولا ايه

ولا السماسرة بتوع نجع تورنتو عملو ا قروش كتير ولاايـــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــه

[sendrella119]

وجدى بيسلم عليكى وعميقولى متنساش بت عمك ببلصين مش علشان تقدر ع التلج هناكها

عليك وعليه السلام

ومدام الحكاية فيها بلاليص .........تبقي عسل ....

انا عايزة فطيرة الصنية بتاعتنا :P

طفاسة :)

الي جانب الشركات اللي قالك عليها واد عمي هادي

بص بالمرة علي الهولندية

وخلي بالك شركات الطيرا بمية كلمة

يعني كلمهم اكتر من مرة لغاية ما تلاقي سعر ثابت

يريحك

[الصعيدى]

:lol: ;) ;) :wub: :wub: :P

من جوه صينية الفطيرة المشلتته وكمان من جوه بلاص المش وزلعة العسل

ارسل كل الشكر الى بت عمى / سندريلا

وليه اسفسار بسيط كل الوصلات بتاعت السكن قديمه جدا من سنين لو عندك فكرة عن السكن فى الحى

حى كذا بسعر كذا وحى كذا بالسعر من كذا لكذ يعنى كل حى فى حدود من كذا الى كذا

مع تحيات واد عمك / الصعيدى كذا ابو كذا :D :D ;)

وجـــــــــــــــــــــــــــــــدى عميسلم عليكى

[maksoof]

الأستاذ الصعيدى

سألت لك الأخ العزيز فري عن السكن فى تورونتو (حيث إنه مقيم بها) و أهه الرد بتاعه:

مع تحياتى و تمنياتى لك بالتوفيق

شكرا عزيزى مكسوف على السؤال .. احياء تورونتو كلها آمنة و لله الحمد .. ما فيش غير تقاطع "جين / فينش" هوه اللى سيئ السمعه ..

فيه ناس بتفضل السكن فى "سكاربرو" و هى شرق تورونتو لأن هناك غالبية عربية هناك .. و محلات عربى و اسلامى بالهيل .. و هناك محل "نصر" الذى يستورد مأكولات من مصر ..

و لكن انا ساكن فى غرب تورونتو .. برضه فيه عرب و مسلمين كثيييييييييير .. و مساجد و كل حاجة .. و لكنه "أهدأ" من سكاربو من وجهه نظرى .. و هذه نقطة تهمنى ..

عموما السكن فى حدود 1000 دولار كندى شهريا .. يقل قليلا أو يزيد قليلا ..

السكن بتاعى 1025 + الباركنج 50 ( إذا أردت ) .. غرفتين و صالة و "سان رووم" و غرفة مخرن و حمامين .. الشقة مكيفة بالكامل سخن و بارد .. و الماء كذلك .. و هذا الإيجار شامل الكهرباء .. يعنى ما بدفعشى كهرباء .. و هناك حمام سباحة مغطى بالعمارة ..

و معاليكم صديقك ممكن يراسلنى على :

freefreer@hotmail.com

عايزين نعمل جمعية لأستقبال المهاجرين المصريين و تعريفهم بالحياة فى كندا و مساعدتهم فى ايجاد عمل و السكن و خلافة .. و استخراج الأوراق الضرورية الازمة فى البداية ..

[sendrella119]

ايه انت بتفتح الصفحة الاولي بس

انت تقلب في كل الموقع

حتلاقي شقق لكل المناطق ....

وتفاصيل كل شقة

وانت حتعرف اسعارها

وكمان الخريطه للمكان علشان تعرف هي فين بالظبط

ده مثلا

http://montreal.renting.canada.com/propert...php?qTerms=rent

انت حط الولاية اللي رايحة وخد فكرة عن كل شيئ

لان احنا ما نعرفش انت رايح ولاية ايه

انت كل ما تدور في الشقق اكتر كل ما تستفيد اكتر

وعلي فكرة محصلة بعضها

خصوصا للناس اللي بييجوا لاول مرة

ما تقلقش انت بس

وجـــــــــــــــــــــــــــــــدى عميسلم عليكى

عليك وعليه السلام :rolleyes:

[الرافعي]

:unsure: :P :P :P

السلام عليكم ورحمة الله وبركاته يا ولاد عمى الكنديين

واد /عمى ا/ هادى

عامل ايه انا مشتاق الى كلامك ونصائحك الغالية وانا كنت مشغول الفتره السابقة عن المنتدى ولكن كنت دائما ادخل واقرا الموضوعات بتعتك

وانا ليه عندك كام استفسارين وكالعادة انت مش هتبخل عليه علشان انت صعيدى اصيل

1 - اريد ان اعرف اماكن السكن الرخيصة يعنى فين وفى حدود كام بالظبط اليومين دول وانت ساكن فين بالظبط (الحى -المدينة -بكام -والشقة فيها ايه من الاجهزه) والله يباركلك .

2 - قريت انك قلت قبل كده ان مستوى الجريمة منخفض فى كندا وبعدين قلت ان فى ناس عمتضرب بعض بالنار فى الشوارع . طيب ايه هى الحتت اللى مفهاش ضرب نار وسكنيه 100% بس بردك تكون رخيصة

:ph34r: :ph34r: :ph34r: :ph34r:

كده برضه يا صعيدي ... يا كسفتي قدام العيال .. عمال أعشمهم بيك، وإنك إن شاء الله هاتسندنا هناك ونتحامى فيك من كل مقاطيع كندا، وفتوات الميكروباص....

بقى يا راجل أنا راسم لك صورة تشبه الصورة اللي حاططها الأخ أحمد محمود ، وتشبه صورة أحمد بدير لما كان بيقول هراس جاي ... هراس جاي بس قبل ما ينضرب ، كان وحش في أول المسلسل وعنده شنب محترم (فاكره ؟؟)

وتطلع تقولي عيال عم يضربوا نار ...

يااااه

تم تعديل 23 مايو 2006 بواسطة حلاوة العنتبلي

[sendrella119]

إقتباس(الصعيدى @ May 10 2006, 08:06 PM)

السلام عليكم ورحمة الله وبركاته يا ولاد عمى الكنديين

واد /عمى ا/ هادى

عامل ايه انا مشتاق الى كلامك ونصائحك الغالية وانا كنت مشغول الفتره السابقة عن المنتدى ولكن كنت دائما ادخل واقرا الموضوعات بتعتك

وانا ليه عندك كام استفسارين وكالعادة انت مش هتبخل عليه علشان انت صعيدى اصيل

1 - اريد ان اعرف اماكن السكن الرخيصة يعنى فين وفى حدود كام بالظبط اليومين دول وانت ساكن فين بالظبط (الحى -المدينة -بكام -والشقة فيها ايه من الاجهزه) والله يباركلك .

2 - قريت انك قلت قبل كده ان مستوى الجريمة منخفض فى كندا وبعدين قلت ان فى ناس عمتضرب بعض بالنار فى الشوارع . طيب ايه هى الحتت اللى مفهاش ضرب نار وسكنيه 100% بس بردك تكون رخيصة

كده برضه يا صعيدي ... يا كسفتي قدام العيال .. عمال أعشمهم بيك، وإنك إن شاء هاتسندنا هناك ونتحامى فيك من كل مقاطيع كندا، وفتوات الميكروباص....

بقى يا راجل أن راسم لك صورة تشبه الصورة اللي حاططها الأخ أحمد محمود ، وتشبه صورة أحمد بدير لما كان بيقول هراس جاي ... هراس جاي بس قبل ما ينضرب ، كان وحش في الأول وشنب محترم (فاكره ؟؟)

وتطلع تقولي عيال عم يضربوا نار ...

لا اسمحلي كده يا معلم حلاوة

ده بس الكثرة تغلب الشجاعة

وعلي العمموم ..........مفيش كسفة قدام العيال ولا حاجة

والعشم.... ;) في محله

غيرش بس الزمن :)

[الصعيدى]

r: :) ;) :angry2: :angry2:

قليله يابت عمى سندريلا هانم ميخافش عشم واد عمى حلاوه بيـــــــــــــــــــه فى محله

وراس جدى لاخد فرفر معايا وعطخ اى نفر فى تورنتو يقف فى وشنه وهنشوف الفـــــــــــــــــــــــــــــــــــــرفـــــــــــــــــــــــــــر ولا التكنولوجيا بتعتهم

وقول لعيالك عمكم الصعيدى هيعلمكم كيف ضرب النار على اصوله .

وجدى بيسلم عليكم :lol: :blush: :blink: :lol: :wub: :

[DEE]

السلام عليكم يا ترى اتصلت بخطوط الطيران ولا لسه ياريت تتصل بالخطوط التشيكيه كمان وتقول لنا اسعارها ايه وارخص اوقاتها لغايه 2007 بما انك فى مصر ياريت تحط لنا الاسعار ::

تم تعديل 4 يوليو 2006 بواسطة DEE

[Ghost]

عايزين نعمل جمعية لأستقبال المهاجرين المصريين و تعريفهم بالحياة فى كندا و مساعدتهم فى ايجاد عمل و السكن و خلافة .. و استخراج الأوراق الضرورية الازمة فى البداية ..

اجمل و احلى اقتراح

[badroora]

[

عايزين نعمل جمعية لأستقبال المهاجرين المصريين و تعريفهم بالحياة فى كندا و مساعدتهم فى ايجاد عمل و السكن و خلافة .. و استخراج الأوراق الضرورية الازمة فى البداية ..

اجمل و احلى اقتراح

وانا اضيف على اللى قولتوه يا ريت اخوكم الغريب تصتدفوه من 10 الى 15 سنه لحد بس مايقدر يوقف على رجلية وياخد عالجو

امال ايه الصعايدة دول ردالة ومعروف عنهم الكرم الزياد واول مالاقتراح دا يتنفذ

خبرونى الله يرضي عليكم

بنت عمكم بدها تسافر

وشكرا ليكم جميعا

[meyo]

انا عضوة جديدة فى المنتدى والحمد لله فى انتظار الفيزا وعقبال الجميع ان شاء الله

بس عندى سؤال وهو ايجاد فرصة عمل هل هو سهل وخصوصا ان زوجى يعمل كمصمم ديكور فى الكويت

واحسن ولاية للاستقرار والعمل فين؟

وشكرا لجهودكم جميعا

[madzoro]

تصفحي حضرتك المواضيع دي الحياة و الهجرة الى كندا

و اعرضي استفساراتك هناك و ان شاء الله تلاقي اجابات تساعدك