لعبة عجب ...

[واحد تاني]

حد يجرب اللعبة دي ...

من هنا

غريبة فعلا ...

كل مرة يعرف الرقم ...

(ملاحظة جانبية: الرسوم فرعونية ... والموقع انجليزي ... يا ترى ليه؟ )

[عصام]

شوف يا عمنا ..

اللى انا لاحظته هو:

- ترتيب العلامات بيتغير مع كل مسألة ..

- إن الإجابة لازم هاتكون العلامة اللى أمام الأرقام التالية (0-3-9-18-22-27-36-45-54-63-72-79-81) لأنهم بيبقى قدامهم نفس العلامة كل مرة بينما بيختلف ترتيب العلامات الباقية واللى فى اعتقادى مالهاش لازمة .. غلوشة يعنى :blink:

فى اعتقادى ان المسألة دى حلها لن يخرج بأى حال عن واحد من الأرقام دى .. مهما اختلف الرقمين اللى هانفكر فيهم

بس خلاص :wub:

[واحد تاني]

بس يا استاذ عصام انا فاتحها قدامى اهه ...

الصفر قدامه حازونه

والتلاته قدامها قله

والاتنين وعشرين قدامها مشط

والتسعة وسبعين قدامها عين

يعنى حاجات مختلفة اهه :blink:

ازيك بجاااا :wub:

[عصام]

:wub:

طيب .. هو غالبا خطأ شوفى .. سلامة الشوف يعنى ... الشوف بتاعى يعنى مش بتاعك ;)

خلينا فى الأرقام اللى بتقبل القسمة على 9 .. يعنى ...

(0-9-18-27-36-45-54-63-72-81)

إبدأ العب .. ولما تظهر لك العلامات هاتلاقى ان كل الأرقام اللى بتقبل القسمة على 9 لها نفس العلامة ..

وهى دى اللى هاتكون الحل ..

صباح القشطة

:D

:blink:

[yacho]

شكلى كان وحش قوى ادام ابنى اللى كان بيلعب معايا عالنت اللعبه بتاعتك دى يا واحد تانى

الولد كان بيبصلى بتعجب شديد لانه شايفنى قاعده اعيد اللعبه 20 مره عشان اعرف سر شويبس

وانا فى حاله ازبهلال ;)

المهم انه بكل بساطه سالنى: ما اخدتيش بالك يا ماما ان اى رقمين بنختارهم الناتج بتاعهم ف الاخر

بيقبل القسمه على 9..فعلا يا حبيبى ... وان كل الارقام اللى بتقبل القسمه على 9 لها نفس الشكل ..ايوه يا حبيبى :blink:

واكسفتاه :wub:

بس برضه ميرسى واحد تانى

تم تعديل 17 يونيو 2006 بواسطة yacho

[Hammer]

من غير لا سحر و لا شعوذة ...

كله بالهندزة :blink:

أي رقم ح تختاره ح يكون ..

10 س + ص

نطرحهم من مجموع الرقمين ...

( 10س+ ص ) - ( س + ص) = 10س+ ص - س - ص = 9 س

إذا كل مضاعفات التسعة ح يكون ليها نفس العلامة اللي ح تطلع في الحل :wub:

[واحد تاني]

عصام و Hammer :

احسن وحوش :angry:

قال ويقولك ان العلم لا يكيل الا بالبدنجان

yacho :

ميرسي آ فو يافندم :D

[بنت شعنونة]

:D

لحد 9س وانا فاهما

لكن بعد كدا مش فاهما ولا كلمة :wub: :angry:

[واحد تاني]

إذا كل مضاعفات التسعة ح يكون ليها نفس العلامة اللي ح تطلع في الحل :angry:

الترجمة (بعد اذن Hammer) :

اذن كل مضاعفات الرقم 9 سوف يكون بجوارها نفس الشكل(وهو الحل الذي توقعه الفار الساحر)

اساس اللعبة اختيار رقم مكون عددين يعنى من 10 الى 99

احد الخانات هي الآحاد نسميها (ص)

الخانة الاخرى العشرات ونسميها (س) * 10

على اساس ان (س) هو رقم عددي من صفر وحتى 9

يبقى الرقم اللى اختارناه هو (ص) + 10(س)

نرجع نطرح منه مجموع الرقمين اللى هو ص+س

الناتج 9(س) يعنى 9*(رقم عددي من صفر وحتى 9)

اللى هو الصفر و مضاعفات التسعة

(والتى لن تتجاوز الرقم 81 لاننا لن نحصل على الرقم 90 او 99 من ناتج رقم مكون من عددين مطروحا منه مجموعهما)

طبعا انا عارف ان حضرتك كنتى فاهمة 99 % من الكلام ده ... بس انا كنت بترجم لنفسي بصوت عالى عشان اتأكد انى فاهم صح :D

[مريوم المصرية]

أهلا :angry:

أصل إيه بقا...أنا ماليش في الرياضيات خالص.مع اني هخش علمي

بس معلش.أحسن حل للعبة دي انك تقفل النت والكمبيوتر خاالص.

باي.أنا مالي انا ومال التسعة

[مصرية يعني مصرية]

مرسي بوكو

يواحد تاني

يس

:)

:lol: :D

أنا ماليش في الرياضيات خالص

:D :P

و مش فاهمة حاجة خاليــــــــــــــــص

:D :D

[shiko]

اللعبة دى ...استوقفتنى ...جربوها ...وياريت حد يفهمنى المعادلة ...بتاعتها..ولا بلاش علشان انا حاولت واكتشفت انى ح....م...ا....رة :closedeyes: