الهجرة الى نيوزلاندا

[eldbahhhh]

انا طالب فى السنة النهائية طب

وبفكر فى موضوع الهجرة

وطبعا علشان اهاجر لازم ابدا فى تحضير شهادة معادلة

وبالتالى انا طبعا محتار ابدا فى ا شهادة معادلة

لان دى مرتبطة بالبلد اللى عاوز اهاجرها

عاوز اعرف معلوما ت عن نيوزلاندا

فرص الهجرة ليها

فرص العمل للاطباء حديثى التخرج

ارجوكم ساعدونى فانا محتااااااار جدا

:ninja:

واللى هياجاوبنى ليه عندى كشف مجانا

[Dr.mmfriend]

يا دوك انا كمان بدور زيك

بس انا اكبر منك بسنتين تقريبا

بقضي التكليف لسه

حاول تفكر فى كندا

قولي ليه

علشان نبقي مع بعض لو فيه نصيب

انا بس عاوز انصحك

هاجر الاول وبعدين ابقي اعمل المعادله

ده اللي انا بفكر فيه بالنسبه لكندا

ويا سيدي مستغني عن الكشف المجاني.

ربنا يوفقك

[New]

للاسف ماعنديش معلومات عن طريقة الهجرة لنيوزيلاندا.. الرابط ده موقع حكومى وفيه معلومات اتمنى انها تفيدك...

http://www.immigration.govt.nz

[eldbahhhh]

متشكر على ردودكم

اما بالنسبة للسفر قبل المعادلة

فانت بتتكلم بالنسبى لكندا لان الخطوات كلها هناك لكن امريكا او نيوزلاندا فالامر مختلف

واكيد انت عارف الكلام دا

اتمنى حد يفيدنى بمعلومات ارجوكم عن نيوزلاندا

وبدل الكشف يبقى اتنين المهم تردوا

[حشيش]

قطعت نفسى لحد ما لقيت لك الموقع ده ...... على الله ينفع :)

http://www.mcnz.org.nz/

[المدهش]

يا حشيش سيب الناس الحلوة دي في مصر وما تجرجرش رجليهم لبره..كفاية انت يا حبيبي ..

[eldbahhhh]

متشكر استاذ حشيش

مش عارف اقلك ايه

بس خدها منى نصيحة الحشيش مضر جدا بالصحة

[ابو حلاوه]

في رايي ان الهجرة لنيوزيلاندا او لكندا بدون المعادلة الامريكية خطا ........... الشهادة المصرية غير معترف بها و لكي يحترمك العالم و يعاملك علي انك طبيب انت في حاجة لشهادة طبية لها وزنها اذا كنت تريد الهجرة فقط اذهب حيثما تريد و لكن اذا كنت تريد ان تهاجر و تعمل بالطب في نفس الوقت نصيحتي لك ان تحصل علي المعادلة الامريكيه اولا و بعد كده افعل ما شئت

[ابو حلاوه]

في رايي ان الهجرة لنيوزيلاندا او لكندا بدون المعادلة الامريكية خطا ........... الشهادة المصرية غير معترف بها و لكي يحترمك العالم و يعاملك علي انك طبيب انت في حاجة لشهادة طبية لها وزنها اذا كنت تريد الهجرة فقط اذهب حيثما تريد و لكن اذا كنت تريد ان تهاجر و تعمل بالطب في نفس الوقت نصيحتي لك ان تحصل علي المعادلة الامريكيه اولا و بعد كده افعل ما شئت

[حشيش]

بس خدها منى نصيحة الحشيش مضر جدا بالصحة

شكراً على النصيحة ياسيدى :angry2:

[eldbahhhh]

انا شاكر جدا لردودوكم الجميلة

بس انا عاوز اعرف هل الهجرة ليونزلاندا صعبة ولا لا

يعنى لو طلبت الهجرة ايه الوضع

فرص انهم يقبلونى ايه

اتمنى الافادة من اهل الخير

[M.ESSAM]

السلام عليكم أخى eldbahhhh

هذه أول مشاركة لى فى هذا المنتدى الرائع الذى استفدت منه كثيرا خصوصا فى موضوع الهجرة الى كندا حيث انى زميل ليس فى الطب ولكن فى مشوار الهجرة :wub: بالرغم من انى مشترك فى المنتدى من مدة كبيرة المهم طولت عليك......

من خلال بحثى عن مواقع الهجرة بوجه عام وقع تحت يدى هذا الموقع والذى يعتبر جديدا من نوعه حيث أنه يوفر وظيفة مع الهجرة الى نيوزلندا و لكن

بمبلغ مالى بسيط حوالى ( 297 $ ) و أتمنى أن تستفيد من الموقع وأتمنى أن أكون قد أفدت حضرتك .....

و هذا هواسم الموقع ( www.newjobz.co.nz )

السلام عليكم

[eldbahhhh]

fhhghjghjhjghjشاكر جدا لسيدتك مجهودك المشكور

اتمنى لكى حظ سعيد لاهدافك

[Dr.mmfriend]

خدوا الموقع ده يفيد برضه

http://maxforums.net/showthread.php?t=54701

جود باى هنيي

[mesh2005]

انا مهندس كومبيوتر خريج هندسة اسكندريه. انا قدمت هجره لنيوزيلانده والطلب اتوافق عليه لكن لازم ابعت شهادتى عشان تتعادل فى نيوزيلانده

المهم انا بعتها من اربع شهور ولسه مجاليش رد ولما سألتهم ليه التأخير قالولى انهم بعتوا لجهه فى مصر عشان يتأكدوا من صحه الشهاده وللأسف الجهه مردتش رغم انهم بعتوا بالفاكس وبالبريد. حاولت اعرف منهم مين الجهه دى بالظبط لكنهم رفضوا

المشكله ان المده المحدده عشان احضر الورق واعادل الشهاده حتنتهى فى خلال اسبوعين يعنى حأخسر الف دولار بسبب موظف كسلان مش عايز يرد على الفاكس

يرضى مين ده بس؟ حد يقدر يساعدنى؟ حد يعرف ممكن يكونوا سألوا مين بالظبط؟

[mohamedta]

طبيعى جدا انهم بعتو الشهادة لكليتك

او المكان الى انت واخد الشهادة منه

[aghanem]

لازم تروح كليتك وتسأل في شؤون الخريجين عن ورقك وتشوفهم بالمعلوم (طبعا هما فكرينك هتسافر وتغرف فلوس وترجع) طبع الورق غالبا ما بيروح لمعيد أو مدرس مساعد يملأه وبعض الدول بتطلب نسخة من الشهادة وشهادة المواد لأربع سنوات (لازم تدفع تمن إستخرجهم) وبعدين تحط كل ده في ظرف من الكلية ويتختم بختم الكلية (غالبا عند الوكيل) ويرسل كأن الكلية هي التي أرسلته (إحذر أن يعرف أحد في نيوزولندا إنك من قام بهذه العملية) وبالتوفيق

[nightmare]

م Mesh2005

اولا : ربنا يوفقك في إجراءات هجرتك وتخليص أوراقك

ثانيا : لو ما فيهاش تعب ,, انا بجد هموت وحد يقولي كيفية التقديم للهجرة الى نيوزيلاندا , لإن الموضوع ده في دماغي من زمان لكن ما اعرفش اي حاجة عن إجراءات الهجرة فياريت لو تكرمت تقولي الخطوات اللى اتبعتها للتقديم للهجرة الى نيوزيلاندا. واكون شاكر جدا ليك

[mesh2005]

متشكر جدا على الردود يا جماعه. ان شاء الله انا حاروح اسأل فى الكليه يمكن اوصل لحاجه

بالنسبه للتقديم فى نيوزيلاندا الموضوع سهل بس محتاج شوية وقت (طبعا متنساش الروتين المهبب اللى احنا عايشين فيه)

المفروض تتأكد الأول ان عندك نقط اكتر من 100 من على الموقع الرئيسى www.immigration.govt.nz

وبعدين الخطوات تعتمد على شهادتك واذا كان عندك فرصة عمل هناك ولا لأ

لو معندكش فرصة عمل يبقى لازم تعادل شهادتك وبعدين تبدأ تبعت EOI

انا عندى تفاصيل كتير بس للأسف انا مش بعرف اكتب عربى كويس على الكومبيوتر فياريت نتقابل على اى ماسنجر عشان نتكلم

[mesh2005]

طبيعى جدا انهم بعتو الشهادة لكليتك

او المكان الى انت واخد الشهادة منه

هما اساسا عايزن يتأكدوا ان الكليه دى معتمده فمنطقى انهم مبعتوش ليها ولا ايه؟