الأخوه المتشددين اسلاميا

[MZohairy]

سؤال بسيط في ظاهره

أنا اعتقد ان معظم المتشددين هم مخلصون و نواياهم حسنه و كلها في اعتقادهم فائده للاسلام

ولكن قد يكون الفعل أو حتى القول احيانا خالي من العقل

أو مدفوع بحماس شديد يؤدي الى نتائج عكسيه

او مدفوع من فئات معينه مصلحة الدين في آخر اهتماماتها

أو فئات أخرى بأهداف سياسيه

هل المتشددين أو المتطرفين بمختلف مسمياتهم أفادوا الدين الاسلامي و الدعوه الاسلاميه أم أضروا؟

تم تعديل 12 أغسطس 2006 بواسطة mzohairy

[otaka]

ما معنى متشدد التشدد فى الاسلام يعنى انك تنفذ الاوامر بحذافيرها و لا يغيب عنك اى شئ و تفكر الف مره قبل ان تقدم على عمل مخافه مخالفه اوامر المولى سبحانه و تعالى

اما الامر الذى اثرت فده ملوش علاقه بالاسلام دى سياسه و سياسه بحته و الدليل ان الناس دى كلها تقلك الاخره الاخره و كلهم ميتين على الدنيا واقربها عمر بكرى لما حاول يهرب من لبنان

المشكله فى الشباب اللى نفسه يعمل حاجه مفيده و بتخدعه الشعارات الرنانه دول نيتهم صافيه و لا يسعون لاى مكاسب دنيويه لكنهم اداه فى يد الاخريين و يجب ان اؤكد ان الجماعات المتطرفه نتيجه و رد فعل للحاله المترديه التى نعيش فيها و ليست سبب فيه كما يذهب البعض من اخوانا المفكريين

[MZohairy]

حاولت ان أخفف من وقع كلمة ارهابيين فاستبدلتها بالمتشددين

[وليد صفوت]

كابتن زوهيرى ....mfb:

ممكن سؤال ؟

ايه الفرق بين متشدد و بين ارهابى ؟ :wub:

[MZohairy]

حبيب قلبي و ضي عينيه وليد ملك الكمان

وجهة نظر الفقير الى الله المتواضعه أن المتشدد هو من لا يقبل الآخر أو وجهة النظر الأخرى

و الأرهابي هو من يصل بكرهه للآخر الى قتله و تدميره :ph34r:

[وليد صفوت]

عمو زوهيرى :excl: ...

يعنى التشدد هى درجة اقل شوية من الإرهاب.

طيب هل نستنتج من كده ان المتشدد فى طريقه الى انه يتحول لإرهابى ؟ و لا ممكن يفضل فى مرحلة التشدد دى و مايترقاش لإرهابى محترم ؟ :ph34r:

[MZohairy]

:excl:

شكلك كده بتختبرني يا ولوول

ربنا يقدرني و انجح في الاختبار :ph34r:

طبعا التشدد خطوه في الطريق الى الارهاب عشان مفيش ارهابي بينام طبيعي و يصحى الصبح يلاقي روحه ارهابي

انما طبعا مش كل متشدد ابدا بيبقى ارهابي

ابدا

لكن

لكل فريق دور في الحاق الفائدة أو الضرر بالدعوه الاسلاميه على الأخص

فالمتشددين هم من منعوا المرأه في السعوديه مثلا من قيادة السياره بينما سمحوا لها بالبقاء مع سائق اجنبي في كل مشاويرها!

و هذا هو سؤالي

مع افتراض حسن نوايا الفريقين

هل افادوا أم أضروا في المجمل؟

[El-Masri]

حسب كتاب ملكة البقر الدانماركية بتعرف التشدد بإنه الإيمان بوجوب تطبيق الشريعة فى كافة مجالات الحياة، وهو ده اللى الغرب خايف منه وبيطلقوا على كل من يؤمن بذلك بالإرهابى وغير المتعلمين يرددون دون وعى.

تم تعديل 13 أغسطس 2006 بواسطة El-Masri

[MZohairy]

فسره زي مانت عايز يا سيدنا الشيخ :ph34r:

اللي يعجبك و يعجب اولي الأمر

[وليد صفوت]

كلامك صح يا عمو زوهيرى ( وش عميد كلية بيسلم طالب شهادة التخرج ) :ph34r:

بس فى حاجة مهمة ..... الإسلام ليس فيه تشدد ....... دى نقطة

و النقطة التانية متعلقة بفتاوى قد تصدر فى مكان و قد يصدر عكسها فى مكان ... و ناخد نفس المثال اللى حضرتك اوردته

تعرف ان الشيخ الشافعى رحمه الله كان لما يستقر فى العراق و الناس كانت بتساله كان بيفتى بأشياء ثم يسافر الى مصر فيأتى ناس و يستفتونه فى اشياء متشابهة بنفس ما سُئل عنه فى العراق فيفتى بأشياء اخرى ... و هكذا فى اليمن و الشام و غيرها من البلاد ....

و ذلك لأن معظم الفتاوى هى اصلاً مقامة على حالة معينة و لا يجوز اننا نعمم فتوى على كل المسلمين ... فلا ننسى ان الله تعالى خلقنا شعوباً و قبائل ... و لسنا كلنا شعب واحد يعيش فى منطقة واحدة ... و نرجع للمثال يتاع سواقة السيارات ...

انا طبعاً ضد الفتوى دى .... كلن ممكن تكون الفتوى دى منفعتها اقل من ضررها و ده من قاعدة شرعية بتقول بما معناه ان صد الضرر اولى من المنفعة .... يعنى المرأة اللى تسوق سيارتها فى السعودية فى المدن او فى طرق صحراوية مثلاً معرضة لمواقف قد تشكل خطر عليها اذا ما تعطلت سيارتها مثلاً فى مكان مقفر او على الطريق بين المدن او حتى داخل المدن .... و ربما كانت الفتوى دى منذ زمن قبل انتشار الموبايل ( الله اعلم انا بخمن فقط لأنى اسمع عن الفتوى دى من زمان ) و سهولة طلب مساعدة .....و حتى لو صدرت بعد انتشار الموبايل ده مش هيخلى المرأة فى امان لو حصل لها اى مواقف مشابه .....

و كلاكيت تانى مرة انا ضد الفتوى دى لو صدر زيها فى مصر، و شايف كمان ان المملكة السعودية بتصدر منها فتاوى لا تناسب مجتمعنا المصرى خالص و بيوصل بعضها لدرجة الإستحالة فى التطبيق هنا .....

نرجع لصديقنا المتشدد:excl: ...

من علامات التشدد ( فى الرأى و ليس فى الدين ) هو ان المتشدد يتمسك بفتوى قد تكون صدرت لحالة معينة و ليست مُعمّمة للجميع فيحاول هو ان يعمّمها على كل المسلمين ..... صح و لا غلط ؟

سلامى و تحياتى ...

[MZohairy]

طبعا صح يافيولين كنج باشا

و أتفق معاك ان الاسلام ليس فيه تشدد

انما المسلمين فيهم متشددين أو متطرفين و ده في كل الأديان مش المسلمين بس

المهم هل استفدنا أم خسرنا (اتكلم من ناحية الدعوه الاسلاميه و تحبيب و تقريب غير المسلمين للاسلام)

شكرا

[El-Masri]

أنا لم أفسره، بل نقلت التفسير الخايب اللى بيتم تسويقه فى المنطقة بهدف تنفير الناس من الجهاد بدعوى أنه إرهاب أو تشدد.

[وليد صفوت]

عمر ما كان الجهاد ارهاب إلا للعدو و ده ارهاب شرعى و صحيح

.....

طيب ممكن مثال للتشدد و الإرهاب يا كابتن زوهيرى :ph34r: عشان نقدر نقيّم مفهوم التشدد و الإرهاب عند كل واحد فينا ؟

[otaka]

موضوع شائك جدا بس مفيد و يمكن نتوصل لحاجه نتفق عليها

التشدد جزئ من الدين مثال الامام ابن حنبل و ابو حنيفه الامام ابن حنبل اكثر تحفظا فى الفتاوى بتاعته لكن الاتنين من كبار الائمه و الاتنين مسلمين

الارهاب ليس من الدين فى شئ و لا علاقه له بالجهاد من اساسه

الجهاد فى الاسلام و الحرب لها معايير و محددات ثابتهو لنا فى رسول الله قدوه حسنه

اللى يخرج عن التعاليم دى ارهابى و مجرم و اللى يلتزم بيها مجاهد و ربنا عنده خير الجزاء

[El-Masri]

كويس، وإيه هوه بقى تعريف الإرهاب 2006؟

تم تعديل 13 أغسطس 2006 بواسطة El-Masri

[otaka]

كويس، وإيه هوه بقى تعريف الإرهاب 2006؟

بالكماليات و لا اتوماتيك و تكييف بس :blink:

[MZohairy]

طيب ممكن مثال للتشدد و الإرهاب يا كابتن زوهيرى :blink: عشان نقدر نقيّم مفهوم التشدد و الإرهاب عند كل واحد فينا ؟

ياعم ارحمني ابوس ايدك :blink:

هو مفيش حد في المحاورات غيري؟ :blink:

الراجل ملك الكمان ده مصطادني من الصبح

بص يا ول (بكسر الواو و تشديد اللام)

المشكله ان اللفظين شديدي المطاطيه

بمعنى أن ما يراه البعض التزام ديني طبيعي يراه البعض الآخر تشدد

وان مايعتبره البعض تشددا يعتبره البعض الآخر تطرف وانحراف وارهاب

و ما يعتبره البعض وسطيه معتدله يراه البعض انحلال و فسق

فالأمثله المطلوبه هنا تعتمد على طريقة تفكير الانسان

مفيش علل لما يأتي؟ بدل الأسئله الصعبه بتاعتك دي؟ :blink:

المهم رأيك انت ايه؟

[وليد صفوت]

هو انا كل ما اكلم حد يقوللى يا عم سيبنى فى حالى

طيب انا رأيى ان الموضوع اسهل من كده...

و اختصاره ان مادام فيه مرجعية لا تقبل التأويل يبقى ما فيش النسبية اللى حضرتك بتتكلم عليها دى ...

يعنى المرجعية هى تعاليم الإسلام ...

و تعاليم الإسلام بتأمر المسلمين بالجهاد يعنى الجهاد فرض علينا سواء جهاد الدفع او جهاد الطلب ...

طبعاً مش هنتكلم عن جهاد الطلب لأن مجرد الكلام عليه هيحولنا لإرهابيين طبقاً لتعريف الإرهاب 2006 كما قال العزيز المصرى ...

لكن فقط هنتكلم عن جهاد الدفع ... يعنى الدفاع عن ارض الإٍسلام ....

طب هتقوللى ايه اللى جاب الجهاد للتشدد فى الدين ؟

هقولك بنظرة سريعة على كلام الطفل بوش ( اللى كل ما يقول كلمة يرجع فيها و يقول مكانش قصدى و كلامى اتفهم غلط ) عن الفاشية الإٍسلامية ..و ايضاً كلام اوروبا عن المتطرفين الإسلاميين و الكلام ده كان على حماس و على حزب الله و مش هقول كان على القاعدة و عن طالبان ....

طب ممكن ناخد استراحة قصيرة و نرجع تانى ؟ :blink:

فاصل و نعود ....

[MZohairy]

انتهز فرصة وجود ملك الكمان في الفاصل و أسأل (وش مفيد فوزي)

هو تنظيم القاعده جهاد ولا ارهاب؟ قد يكون سؤال قديم انما خدني على قد عقلي معلش

[وليد صفوت]

برضو مش هقدر ارد الا بعد الفاصل ....