يا اخوانى أصحاب التجربه لاصطحاب الأهل ولاأولاد والعيشه فى الغربه أفيدونى أفادكم الله

[الشقيان]

[يا اخوانى أصحاب التجربه لاصطحاب الأهل ولاأولاد والعيشه فى الغربه أفيدونى أفادكم الله هل الست المصريه خنقه فى الغربه زى مصر ولا تغيير الجو ممكن يغير فى شخصيتها السطحيه وشكوكها من ان زوجها اول ما يغتنى هيديها بالرجل وسياسة قصقصي ريشه بتاعت الحموات

[tmtm]

معلش اسمحلي يا شقيان اني اقولك ان موضوع قصقصي ريشه والكلام دة في الأفلام وبس.....ومع ذلك ممكن يكون موجود فعلا في واقعنا بس الفكرة كلها في الست دي نفسها طبعها وشخصيتها وتفكيرها وبيئتها ايه؟؟؟؟؟؟؟

لان الست الخانقة زي مابتقول هتبقى خانقة سواء في مصر ولا في بلاد واء الواء :closedeyes: ......وبعدين مافيش حاجة اسمها غربة بالنسبة للست لان اقامة الست الفعلية هتكون جنب جوزها ايا كان مكانه لان بصراحة انا مش بقتنع باللي بيسافروا وزوجاتهم واولادهم بعيد عنهم في مكان تاني بحجة الظروف المادية لانها في النهاية بتبقى حياة مش طبيعية وبينقصها حاجات كتييير قوي.....

اختصارا لكلامي...اتكل على الله وخاللي اولادك ومراتك يعيشوا معاك منين ماتكون طالما انك اكيد هيكون اختيارك لزوجتك على اساسا سليم...وربنا يوفقك :angry2:

[ahm_ali_baba]

السؤال الهام ياسيد شقيان هو :

هل انت على اتم الاستعداد ان تخسر احلى سنوات عمرك بعيدا عن زوجتك ولما ترجع لها بالمرسيدس وفيلا الساحل الشمالى و50 مليون دولار فى البنك تقولك قوم يا سيد الرجاله انا عندى صداع وساعتها تتمنى لو الارض تنشق وتبلعك او انك تضحى بكل ثروتك مقابل عودة عفيتك الضائعه

لى زميل ارسل زوجته وابنائه الى مصر عام 1995 وهو يعيش الى الان وحيدا مع شرائط الخلاعه ويراضى صداع زوجته كل اجازة بالذهب والالماس

خذ مراتك معاك يا أفندى فى غربتك فهى سكن لك وانت ستر عليها

[الشقيان]

أختى الباشمهندسه طماطم أنا أشكرك على ردك ولو انه لاذع شويه ولكن ملاحظتى عليه ان رد على جزء من السؤال وليس كله فأنا بالأمانه هربان من زوجتى لللمره العاشره تقريبا بسبب شكوكها المستمره فيا بس المره ديه قلت أجرب بلد ما ينفعش حد يشك فى حد فيها فللعلم أنا اقامتى الان بمكة المكرمة وهنا النظام يفرض على الواحد سلوكيات معينه بس ده الحل زى برشامة الريفو بتاعة زمان اللى ماكنتش بتعمل حاجه الا الايحاء بزوال المرض أو العرض ولكن المشكله اللى أنا اتكلمت فيها انه ليه الست المصريه بصفة عامة ضد الراجل اللى عاوز يعيش حياته بطبيعتها دون تلون وبيعجبها جدا الراجل اللى له مليون وش وهى طبعا مش عارفه ان تحت السواهى دواهى بس مشكلتى انا انى واضح جدا حتى لو فيه واحه عاجبنى لبسها أو شياكتها أو اهتمامها بتفاصيل معينه بأقول على طول ومش عارف أتجنب ده مع ما يسببه ليه من مشاكل ( قس على ذلك ) حاجات كتير وبأضطر انى أحجم نفسي وأخلللى بالى من كلامى حتى حتى لا تحصل مشاكل حتى لو بهزار هى ديه المشكله اللى أنا باعتقد ما فيش حل غير الهروب عشان ما يحصلش طلاق وفيه أولاد وروابط كتير بيننا باحافظ عليها ومش عاوز اتسرع واجيبهم والاقى نفسى بين فكى الرحى الغربه من ناحيه والخنقه من ناحيه وأقول فين أيامك يا زنفل ياللى أكلك كان زى الشهد :P

[the sad man]

الاخ العزيز

الزوجة و الاولاد فى الغربة هم الوطن المفقود الذى تعود اليه كل يوم بعد عناء العمل

هم الذين يجعلونك تنسى الزمن و تنسى حتى تنظر الى النتيجة...

قبل مجئ اسرتى الى كنت احسب اليوم مرتين او بيومين دوام الصباح يوم و دوام المساء يوم اخر

كان شغلى الشاغل النظر الى النتيجة بمعدل مرة كل نصف الساعة...

تصدقنى و الله لو قلت لك اننى الان نظرت الى النتيجة و لدى واحدة من التى يتم قلبها كل شهر فوجدتها عند صفحة شهر مايو (اولادى معى من اول شهر يونيو)

انا ضد مبدأ الاخوة المصريين الذين يريدون توفير كل قرش فى الغربة .. حيققى لان المصروفات فى وجود الاسرة تتعدى 3 الاف ريال و لكن كله يهون لان الانسان لا يعيش سوى مرة واحدة و لا احد يضمن عمره فكله على الله..

اما عن الخنقة فاذا كانت الزوجة خنقة فى مصر فسوف تكون كتمة و عذاب فى الغربة...المهم الاصل.

و الزوجة الاصيلة هى التى تقف مع زوجها فى اى مكان

سواء فى مصر او خارجها

انى ابتديت احسب تانى لان المدارس قربت

ولكنى بافكر انقل الاولاد هنا و لكن يوجد بعض العقبات التى تجعله صعب شوية و لكن الله يهون....

لا شئ يغنى عن وجود الزوجة و الاولاد

انا جربت كل شئ حلال ولكن كله يصبك بالملل مثل الدش و الكومبيوتر و لاب توب ووووووو

الحياة الاسرية هى الاصل و الاهم

وهى العفة و التنشئة الصحيحة للاولاد بعيدا عن العقد

و حياكم الله

و دمتم سالمين

[nancy]

استاذ شقيان

وجود زوجتك جنبك واولادك مهم جدا ليك فى الغربة لعدة اسباب

انكم مع بعض من غير اى تدخل خارجى فبيحصل قرب بينكم اكتر وتماسك فى الاسرة اكتر والولاد بيحسوا بوجود الاب والام وبيحصل ترابط بشكل عام بينهم كلهم

الحاجة التانية لو مراتك بتغير انت ممكن متخلهاش تغير .. ازاى

عاملها بحب اكتر واهتمام اكتر وساعتها هى حتحس ان اعجابك بالاخرين دة عادى

انما متقلهاش اى كلمة كويسة وتلاقيك بتبص لازم تضايق

فحاول تهذب ردود افعالها باهتمامك بيها

[الشقيان]

[]

الاخ العزيز

تسلم على ردك البليغ والذى لخص الموضوع قى نظرية أقل الضررين بس متهيأ لى فيه لبس شويه فى موضوع رفضي عدم عودتهم للاقامة معى هنا لأن الحكايه يأخى مش حكاية توفير الا اذا كلامك بشكل عام فأنا ميسور فى عملى والحمد لله ولكن الواحد فى الغربه محتاج لحد يأنس وحدته مش ينكد عليه واعتقد انك فى اخر الرساله قربت للموضوع لما قلت اذا كانت خنقه فى مصلر هتكون خنقه هنا فالشؤال بشكل أوضح يكون هل وجودها فى الغربه بخنقتها يكون أهون من الغربه لوحدى بدون خنقه عروستى و حياكم الله

و دمتم سالمين

[الشقيان]

[

استاذ ه نانسي

صدقينى وراجعى كلامى مع ساد مان فى نفس الموضوع فالقضيه عامه مع بنات حواء غيره جنونيه - قلة ثقه - شك خصوصا بعد تيسر حالة الزوج الماديه هى ديه القضيه وأظن أي حد صاحب تجربه هيأيد كلامى أنا ليه واحد صاحبى فى الامارات مراته مش مخلياه عارف ينزل مصر بقاله سبع سنين وكل مره بحجه شكل وتطبق معاه سياسه العزله حتى مع اخواته فالبعد الايدلوجى للموضوع يتوقف على كاريزما المرأة المصرية وهى نظريه معروفه والى يتفقد هذا الموضوع يجد لكل شعب خصائصه ولكل مرأة باعتبارها نصف المجتمع شخصيتها فالمشكله عامه لماذا المرأة المصرية متسلطه مع زوجها وعاوزه تحبسه فى قفص وان كان دهب بعكس المرأه الخليجيه أو الشاميه هذا الموضوع ودمتم

[زعلان]

فالمشكله عامه لماذا المرأة المصرية متسلطه مع زوجها وعاوزه تحبسه فى قفص وان كان دهب بعكس المرأه الخليجيه أو الشاميه هذا الموضوع ودمتم

كلامك فيه تجني وغير موضوعي فلا يمكنك سحب حالة خاصة أو بعض الحلات على مجتمع بأكمله فلا يمكن أن تكون كل نساء مصر متسلطات أو نكديات ولا كل رجل مصري يقبل بأن تهيمن المرأة على زمام الأمور

عندما تعم اجواء العلاقة المصارحة والصدق والرغبة في البناء تبدأ هذه المشاكل في التقلص والاختفاء

والمسألة أولا وأخيرا إختيار ... ووفق معاير إختياره يجني الإنسان

[se_ Elsyed]

من خلال كلام حضرتك يا أخ شقيان إسمح لي أقول لك إن العيب فيك إنت

أيوه فيك إنت

مال الصراحة والوضوح والشفافية واللي في قلبي على لساني ومال الكلام اللي زي الدبش أو وجرح مشاعر الطرف الأخر ؟

هل يرضى أي زوج حر على نفسه إنه مراته تيجي تقوله في يوم : يا سلام على الولا تامر حُسني وحلاوته .. ده عليه فتحت قميص .. ولا الشعر اللي في صدره اللي مخليه عامل زي الغوريلا .. ولا حلاوة وعسولة عمرو دياب !!!! يعني من باب الصراحة ليس أكثر ..

ها في واحد يرضى كده ؟

لأ طبعاً

طب لما هو لأ .. يبقى ليه الزوج بيسمح لنفسه يتغزل في أي واحده مهما كانت أمام زوجته .. من باب لاصراحة برضوا ... وكإن اللي قدامه دي حتة طوبة أو حجر أصم بلا مشاعر ... ؟

ويرجع يقول نكدية وبتعكنن عليه حياتي ...

يا سيدي الفاضل قبل أن تنظر إلى القشة التي في عين غيرك .. عليك بالنظر إلى العامود اللي في هينك إنت ...

فراجع نفسك وشوف هل سبب نكدها ده راجع لك إنت .. ولا النكد ده Built in عندها

القصقصة والحنتفه والكلام اللي مش مفهوم ده بيبقى أساساً بين زوجين غير متفاهمين .. لإن المفروض .. أنا بأقول المفروض إن الزواج شراكة بين إتنين .. وهما بيبقوا أدرى بأمور بعض .. وليس علاقة عداء ويبقى الراجل كل ما يكون معاه قرشين تتسلط هي عليه وتفرتكهم !!!

وحتى لو كانت الزوجة كده فأنا برضوا بأرجع العيب على زوجها اللي ماعرفش يبرمجها على نظام حياته وعلى الطريقة السليمة للحياة الزوجية .. ممكن تكون لسه الزوجة دي صغيرة في السن وليس لديها من الحكمة ما يؤهلها لإدارة البيت ... يبقى ده دور الزوج إنه يعلمها .. وهكذا بالنسبة للعيوب أو النواقص التي عليها الزوجة ...

وتذكر دائماً " كلكم راع .. وكل راعٍ مسئول عن رعيته "

يعني الزوج هو القائد في البيت .. فلو في عيب في الرعية .. يبقى على القائد إنه يراجع نفسه ويشوف عيوبه هو فين .. وإذا كانت العيوب دي متأصلة لدى من يعول وخصوصاً زوجته وما نفعتش وسائل وطرق الإصلاح .. يبقى في حل سهل وأخير وهو الطلاق ...

[nash]

الأخ الكريم شقيان

اسفه والله بس ضحكت من قلبي علي الموضوع..بجد موضوع ظريف وجاد جدا..

بس اسفه يبدوأنك تحاول التبريرلنفسك بأسباب واهيه لعدم أصطحاب زوجتك معك في الغربه..

صدقني بما إني زوجه مصاحبه لزوجي هنا..فموضوع الخنقه..متبادله..يعني أنا أقوله خنقتني..وهو يقولي..خنقتيني..الحمدلله..بنحاول نشوف مين اللي هايخنق التاني أكثر..لأ بجد الأن..طريقه معاملة زوجتك لك..وأسلوبها يتوقف عليك أنت..فهي تري الحياة من منظورك..أنت في المقام الأول..ثم من منظرو أبنائك..وعليه يتحدد فلسفتها هي ومنظورها..فإن كنت مثال للصدق والصراحه..والكتاب المفتوح..أطمأنت لك..وركنت شكوكها وكل ما يتعلق بالنكد جانبا..

لكن بصراحه..ولا تزعل من كلامي..الزوج الذي يبادر بالشكوي من تصرفات زوجته ويبدأ بنقدها هكذا علنا..فهو في الواقع يجد بوادر نقص في شخصيتها..وموقعها في قلبه..يأخد مكانا قصيا..

فعلي مدار حياتي الزوجيه..ورؤيتي لإصدقاء زوجي وزوجاتهم..وجدت من يتكلم في مواضيع مشابهه سواء بالمزح أو الجد..لا يحب زوجته بالقدر المطلوب ولا يراعي مشاعرها..بالدرجه التي تريدها هي..لذلك وبسرعه أبحث عن الأسباب التي وضعتك مع زوجتك في هذا الوضع وأبدأ بإصلاحه..لإن ياسيدي الزوجه المحترمه لا تريد من زوجها إلا الإحترام المتبادل ومراعاة المشاعر..والحب الحقيقي الذي تستشعر معه بالأمان..وصدقني الكلام كثير..لكن توكل علي الله..وأبدأ في الإجراءات..وهاتها مع أولادك..ليجتمع الشمل..وتهنأ بجوارهم...

......................................................................................................................

صدقني الزوجه الوفيه..هي السكن والملجأ والراحه..والزوجه الوفيه العاقله..هي كل مايتمناه الرجل..

أختك ناش

[عصام أبوالفتح]

:

نيتك فى الجواز ايه الأول ... اعقد النية أولاً .. يعنى قول انا هاتجوز او متجوز عشان كذا وكذا ..

بعدين هتلاقى اى قرار سهل جدا لو نيتك كويسة .. سواء فى الاختيار او المعاملة او السفر

النية اساس العمل

باختصار المفروض مراتك رجلها على رجلك .. ولو رايح تحارب

[otaka]

الجيل الجديد مش بتاع غربه اصلا

ده حتى مش بتاع عيشه

الجيل ده متدلع بطريقه غريبه انا مش عارف انا بتكلم على المجتمع اللى انا عايش فيه يعنى ممكن سيده مجتمع و بتاع لكن لو عاوز وحده تحرت معاك دور على واحده من بره القاهره و لازم و حتما و لا بد يكون ابوها راجل ملو هدومه و بيحترم مراته علشان البنت تكون متربيه صح

لكن الستات عموما خنقه :)

[الشقيان]

يسلم فمك يا أخويا أوتاكا قصدى يسلم كى بوردك

أصل الناس مش فاهمه ولا حاسه ان الوااحد فى الغربه محتاج حد يقلع راسه عنده لما يروح هلكان متهان مواطن من الدرجه الخمسة عشر بيقولوا له يا مصرى ويقولو للناس المصرى اللى عندك خدلك مصرى ودي المصري هات المصرى

وساعتها الواحد ما بيكونش فيه دماغ لخنقة البيت كمان ويشيل الهم والقرف بتاع الحريم

وفين كلام شاديه كان نفسي أكون جنبك حبيبه من بلدك تسهر على راحتك

تفرحلك فى فرحك وتقاسمك فى جرحك والهم تشيله عنك والا الكلام ده كان زمان ولسه فاكر قلبى

أخويا عصام

كلامك على راسى بس احسبها كويس لو رايح تحارب ومراتك هتخليك تتهزم قلتها أحسن

روح لوحدك وارجع لها منتصر

أحسن ما تاخدها معاك وترجع يا تيتي يا تيتي زى ما روحت زي ما جيتي

[se_ Elsyed]

الجيل الجديد مش بتاع غربه اصلا

ده حتى مش بتاع عيشه

الجيل ده متدلع بطريقه غريبه انا مش عارف انا بتكلم على المجتمع اللى انا عايش فيه يعنى ممكن سيده مجتمع و بتاع لكن لو عاوز وحده تحرت معاك دور على واحده من بره القاهره و لازم و حتما و لا بد يكون ابوها راجل ملو هدومه و بيحترم مراته علشان البنت تكون متربيه صح

لكن الستات عموما خنقه :)

طب حدد يا عم أوتاكا !!!

تقصد مين بالجيل الجديد ؟

مواليد السبعينات وإنت طالع ؟

ولا الثمانينات وإنت نازل ولا التسعينات وإنت داخل شمال ؟

وبعدين البنت أو الست هي هي سواء من القاهرة أو من حلايب وشلاتين

ومعنى كلامك ده إن إحنا نسيب الخمسة ولا الستة مليون بنت اللي في القاهرة يبوروا ويعنسوا وننزح إلى القرى والنجوع نتجوز منها ؟

ومال التربية ومال المدينة اللي موجوده فيها البنت ؟ وهل بنات القاهرة ماتربوش . .. لكن بنات الريف ونعم التربية والتعليم ؟

خلي بالك إنت بكره تتجوز ولو كنت من القاهرة فبناتك هايبقوا من القاهرة برضوا .. وما قدمكش حل بقى عشان تمنع كلام الناس عن بنات القاهرة وبلاويهم إلا إنك تهرب بهن تحت جنح الظلام وتروح أي قرية تعيش فيها عشان الناس تقول " يا سلام .. بنات مأصله بصحيح "

هلكان متهان مواطن من الدرجه الخمسة عشر بيقولوا له يا مصرى ويقولو للناس المصرى اللى عندك خدلك مصرى ودي المصري هات المصرى

يا عم الشقيان .. هناك مثل إنجليزي بسيط وسهل من 5 كلمات

take it >>> or leave it

لو إنت متغرب في بلد وده شعورك وحالتك .. يبقى أنصحك ترجع بلدك فوراً على الأقل المهانة داخل البلد أرحم من المهانة خارجه .. ولو حد هانك في بلدك ممكن بمنتهى البساطة تنط في كرشه وحتى لو أتسجنت أهو هاتبقى قريب وهاتلاقي حد يزورك بالعيش والحلاوة والسجاير الفرط .. في حين إن صعب تعمل كده بره بلدك ..

[الشقيان]

أخويا سي السيد

واضح انك اسم على مسمى بس انت ما بتكلمش امينه

ما تشوف الغربه فى الوطن وعلى رأي الفيلسوف الفقر فى الوطن غربه

والغنى فى الغربه وطن

خليك انت قاعد تنكد على ياسين وعيشه وتبهدل فى أمينه

[otaka]

الجيل الجديد مش بتاع غربه اصلا

ده حتى مش بتاع عيشه

الجيل ده متدلع بطريقه غريبه انا مش عارف انا بتكلم على المجتمع اللى انا عايش فيه يعنى ممكن سيده مجتمع و بتاع لكن لو عاوز وحده تحرت معاك دور على واحده من بره القاهره و لازم و حتما و لا بد يكون ابوها راجل ملو هدومه و بيحترم مراته علشان البنت تكون متربيه صح

لكن الستات عموما خنقه :)

طب حدد يا عم أوتاكا !!!

تقصد مين بالجيل الجديد ؟

مواليد السبعينات وإنت طالع ؟

ولا الثمانينات وإنت نازل ولا التسعينات وإنت داخل شمال ؟

وبعدين البنت أو الست هي هي سواء من القاهرة أو من حلايب وشلاتين

ومعنى كلامك ده إن إحنا نسيب الخمسة ولا الستة مليون بنت اللي في القاهرة يبوروا ويعنسوا وننزح إلى القرى والنجوع نتجوز منها ؟

ومال التربية ومال المدينة اللي موجوده فيها البنت ؟ وهل بنات القاهرة ماتربوش . .. لكن بنات الريف ونعم التربية والتعليم ؟

خلي بالك إنت بكره تتجوز ولو كنت من القاهرة فبناتك هايبقوا من القاهرة برضوا .. وما قدمكش حل بقى عشان تمنع كلام الناس عن بنات القاهرة وبلاويهم إلا إنك تهرب بهن تحت جنح الظلام وتروح أي قرية تعيش فيها عشان الناس تقول " يا سلام .. بنات مأصله بصحيح "

العزير سى السيد

الجيل الجديد الذى اقصد هو الصالح للزواج حاليا الفتره الزمنيه ممكن تكون من 78 و انت طالع

و انا رشحت الزواج من خارج القاهره لانى انا فى غربه و على حد ما شفت الاصدقاء المرتبطون بسيدات من الارياف على راى القاهريين اللى زينا يعانون بشكل اقل من المتزوجين من قاهريات

و لا تقلق الملايين القاطنين فى القاهره اكيد نصيبهم هيجى بس الراجل طلب نصيحه و اكيد كلامى مش هيغير وجهه نظر المجتمع يعنى

و انا لم اقول ان مواليد القاهره اقل فى التربيه او الاخلاق كل ما تحدثت عنه هو الدلع الزائد

و بالنسبه لاولادى هيكونوا قاهريين و طبيعتهم ستعتمد على الام التى ساختار و الاختيار هيكون تبعا للظروف فلو استمريت بالغربه فغالبا لن تكون قاهريه و اذا عاودت ادراجى الى المحروسه فغالبا ستكون قاهريه

[nancy]

انا عندى كام نقطة اعتراضية

اولا حكاية الاهانة فى الغربة دى فى اغلب الاحيان بترجع للمصرى نفسة لان الكفيل ا و اهل البلد بيعاملوك على حسب احساسك انت بنفسك يعنى مش حايكلمك وحش او يتهكم لو لاقى انك بترفض الاسلوب دة وبتقف عند النقطة دى وانها حاجة متقعش تحت بند الهزار وان كرمتك فوق كل حاجة

انا ممكن اقابل ناس تقولى مش عندكم فى مصر بيقولوا يا ولا هات مش عارف اية ولا انت مش اسكندرنية مبتتكلميش نعملوا واتوا وايوه ليه

فبيكون ردى يخلى الى قدامى يعرف حدودة وميفكرش يكررها تانى حتى لو بيهزر بيعرف ان اهانة المصريين بالهزار دى عندها خط احمر

وزى ما قالك س س مش عجبك الوضع تمشى مهما كانت النتيجة

ثانيا من الاول لازم لما تيجى تتجوز تبص للام تعرف البنت حتبقى ازاى وتكون موضوعى فى رايك وتنسى العواطف والاعجاب

انما بتوع القاهرة مدلعين وبتوع الارياف حلوين دة مش حقيقى مالقاهرة فيها اماكن شعبية هى كلها المعادى ومصر الجديدة

ثالثا انت عاوز تقنعنا انك تعيش من غيرها ولا تقنع نفسك

فمن الاخر لو زوجتك مش فارقة معاك ومش بتيجى على بالك وحاسس انها خنقاك اتغرب وحدك

لان قنعاتك وراها تجربتك وقناعتنا وراها تجربتنا ... فمش حنتفق :unsure:

[otaka]

ثانيا من الاول لازم لما تيجى تتجوز تبص للام تعرف البنت حتبقى ازاى وتكون موضوعى فى رايك وتنسى العواطف والاعجاب

انما بتوع القاهرة مدلعين وبتوع الارياف حلوين دة مش حقيقى مالقاهرة فيها اماكن شعبية هى كلها المعادى ومصر الجديدة

يا اخوانا انا قلت اللى حواليه انا لم اتحدث بالعموم خالص

[الشقيان]

انا عندى كام نقطة اعتراضية

اولا حكاية الاهانة فى الغربة دى فى اغلب الاحيان بترجع للمصرى نفسة لان الكفيل ا و اهل البلد بيعاملوك على حسب احساسك انت بنفسك يعنى مش حايكلمك وحش او يتهكم لو لاقى انك بترفض الاسلوب دة وبتقف عند النقطة دى وانها حاجة متقعش تحت بند الهزار وان كرمتك فوق كل حاجة

انا ممكن اقابل ناس تقولى مش عندكم فى مصر بيقولوا يا ولا هات مش عارف اية ولا انت مش اسكندرنية مبتتكلميش نعملوا واتوا وايوه ليه

فبيكون ردى يخلى الى قدامى يعرف حدودة وميفكرش يكررها تانى حتى لو بيهزر بيعرف ان اهانة المصريين بالهزار دى عندها خط احمر

وزى ما قالك س س مش عجبك الوضع تمشى مهما كانت النتيجة

ثانيا من الاول لازم لما تيجى تتجوز تبص للام تعرف البنت حتبقى ازاى وتكون موضوعى فى رايك وتنسى العواطف والاعجاب

انما بتوع القاهرة مدلعين وبتوع الارياف حلوين دة مش حقيقى مالقاهرة فيها اماكن شعبية هى كلها المعادى ومصر الجديدة

ثالثا انت عاوز تقنعنا انك تعيش من غيرها ولا تقنع نفسك

فمن الاخر لو زوجتك مش فارقة معاك ومش بتيجى على بالك وحاسس انها خنقاك اتغرب وحدك

لان قنعاتك وراها تجربتك وقناعتنا وراها تجربتنا ... فمش حنتفق :D

المكرمه نانسي

لازم تعرفى ان دايما المراكز العليا هى الاكثر عرضه للتهكم لان ده بيرضى غرورهم مهما حاولتى تعملى لانهم بيعملوها بذكاء

يعنى لما يقولوا المصرى اللى عندك تقدرى تمسكى عليه حاجه ولما يكلمك وهو حاطط رجله فى وجهك بحجة انه قاعد فى مكتبه

ديه كلها ذوقيات ما حدش يقدر يناقش حد فيها

وكل ذلك مع انى على رأس جميع الموظفين والمهندسين اللى فى الشركه لانى المدير العام ما بالك بصغار الموظفين

اما الجزء الاخر فكلامك صح مليون فى الميه لو الناس يتظهر بوجهها الحقيقى لأنى أنا شخصيا شفت فى اسرة زوجتى قبل الزواج شيبئ وبعد الزواج كأنهم ناس تانيين يعنى كانو لابسين أقنعه بعد الزواج ما بقالهاش لزمه

وزمان قالوا الجواز ده زى البطيخه وكلامهم صح

لأن لو فيه حد بيحسب لكل شيئ هيكون أنا ولكن الله المستعان

مش بالشطاره ديه حظوظ على رأى عبد السلام النابلسي