أريد مدرسة عالمية فى الرياض تحفظ القرآن

[أبو زياد]

إخوانى فى الرياض :

أريد مدرسة عالمية فى الرياض بها دراسة للتربية الإسلامية تكون جيدة

وليست مهملة

أرجو الإفادة

[se_ Elsyed]

في عندك منارات الرياض

و

الرواد

الإتنين كويسين وأسعارهم مش غاليه قوي لكن تقدر تقول فوق المتوسط ... يعني حوالي 10 آلاف / السنة

[se_ Elsyed]

وعشان ما تتعبش يابو زياد وتتعب زياد معاك

مش هاتلاقي الحاجة اللي في دماغك أو زي مانت متخيل

يعني ما فيش مدرسة عالمية تلاقيها بتخرج طفل من إبتدائي مثلاً وهو حافظ 5 أجزاء

فده مش هايحصل

ولكن هاتجدهم بيهتموا بمنهج الدين الإسلامي واللغة العربية

وإذا كان على حفظ القرآن فهناك مساجد كثيرة لديها حلقات علم وتحفيظ قرآن للأطفال ..

والأفضل من هذا أن تقوم بالتعاقد مع أحد المشايخ وييجي البيت يحفظ الأولاد .. ويا سلام لو كانوا مجموعة صغيرة بيحفظوا مع بعض عشان عامل التشجيع والتحفيز ...

وربنا يوفق الجميع لما فيه خير الدنيا والأخرة

[أبو زياد]

جزاك الله عنا كل خير يا استاذ س س

و قريب قوى حنرشحك زعيم الجالية المصرية

فعلا مافيش مدارس عالمية زى مناهج التحفيظ فى المدارس الحكومية فالبديل هو الحلقة

جزاك الله خيرا مرة اخرى و دعواتك لزياد و إلى لقاء قريب

[nemr111]

الله ينور عليك يا استاذ زياد المدرسة العالمية لا تصلح الا للاخوة الاسيويين اصحاب هز الرقاب و نطق الانجليزية بلهجة ركيكة ، فكيف يتم تحفيظ القرآن فيها و حرف الحاء ينطق هاء .. جمعيات و حلقات تحفيظ القرآن متوفرة بكثرة و معظمها يراعى مواعيد مدارس الاطفال ، حتى لا ترهقهم

*******

[أبو زياد]

ولكن ما هو الحل فى نظركم حتى يتعلم الطفل لغة جيدة

وانتم تدركوا أهمية ذلك

وفى نفس الوقت يتربى تربية دينية

إن ما يرمينا على المدارس العالمية فقط هو عامل اللغة و التى هى اصبحت متاحة فى مدارس مصر و لم تتح هنا حتى الآن

[se_ Elsyed]

ولكن ما هو الحل فى نظركم حتى يتعلم الطفل لغة جيدة

وانتم تدركوا أهمية ذلك

وفى نفس الوقت يتربى تربية دينية

إن ما يرمينا على المدارس العالمية فقط هو عامل اللغة و التى هى اصبحت متاحة فى مدارس مصر و لم تتح هنا حتى الآن

ماحنا قولنا يا ريس

خليه في المدرسة .. وفي نفس الوقت إشترك له في حلقة من حلقات تحفيظ القرآن المنتشرة في المساجد .. أو جيب له حد في البيت يعلمه يومين أو تلاتة إسبوعياً

[أبو زياد]

شكرا جزيلا يا أبو السيد

ولا حرمنا الله من مشاركتك و اهتمامك

[يوسف رضوان]

الله ينور عليك يا استاذ زياد المدرسة العالمية لا تصلح الا للاخوة الاسيويين اصحاب هز الرقاب و نطق الانجليزية بلهجة ركيكة ، فكيف يتم تحفيظ القرآن فيها و حرف الحاء ينطق هاء .. جمعيات و حلقات تحفيظ القرآن متوفرة بكثرة و معظمها يراعى مواعيد مدارس الاطفال ، حتى لا ترهقهم

*******

"اصحاب هز الرقاب" امل ان لا يفهم من كلامك سخريه بهؤلاء ونحن نتحدث عن حفظ القرأن واداب القران تحدثنا "لا يسخر قوم من قوم عسى ان يكونوا خيرا منهم".

[أبو زياد]

جزاك الله خيرا أخى يوسف

و مرحبا بك معنا و فى قلوبنا

[بندر]

ابو زياد ..

بصراحه انا شايف انك تعبتك سي معاك كل شوي طالع بي سؤال

وسي سيد فاضي .. ولا دوام ولا شغل ..

بتروح الشغل امتي يا سي سيد .. ولا طلعت ع المعاش

اسمع اقول كل عشان خاطر زياد ..

هناك مدارس تحفيظ القرأن الاهليه . واسعارها مناسبه .ومعقوله .. جدا . ومنتشره في الرياض..

ابحث عن المدرسه الاقرب لمكان سكنك..

مدارس تحفيظ القران تركزي كبير علي حفظ القرأن بالمرحله الابتداءيه ..ووتجويده وتفسيره في المراحل الاخري .

لكن لا تعطي العلوم الاخري نصيب كبير .. التركزي علي القران الكريم

[أبو زياد]

أخى العزيز بندر

أولا س س لو كان سايب شغله عشان يشاركنا إحنا مستعدين نتعاون ونديله ضعف مرتبه

وهو عودنا ألا يألو جهدا فى التعاون معنا فيما هو كبير و صغير

و أفضل إنسان هو الذى لا يمل من مساعدة الآخرين - معلش و الله كلمة حق و لازم تتقال

انا عارف إنك تمزح

بس لو لاحظت حتلاقى س س بيدخل ف أوقات سريعة جدا لا تتعدى دقائق ثم يعود لعمله أكثر من مرة فى اليوم و ده خدمة لينا و جزاؤه عند الله

المهم شكلك كنت سهران يا أخى العزيز و متنشن شوية

إحنا كلنا عارفين مدارس التحفيظ بس انت قلت بنفسك إنها لا تركز على العلوم الأخرى و هذا شىء مهم

و الإخوة فى التعليم هنا ما زالوا قائمين على إدخال اللغات للصفوف الإبتدائية و دة خد وقت كبير

ختاما اخى الحبيب الموضوع ليس خاص و لم اطرحه فى الموضوعات الخاصة لأنه يخص كل بيت مغترب

و شكرا لك على متابعتك و اهتمامك