النهارده اول ماتش للاهلى في اليابان

[nora]

يا تري تتوقع النتيجه هتكون ايه طبعا تقبل المشاركه قبل الماتشB) بعد كده هنلم الكور

[رمضان]

ان شاء الله الاهلي هيكسب فرق اسكور

يعني 2/1 باذن الله

[Diab]

2 - صفر

[هيثم نافع]

4 -صفر

[se_ Elsyed]

أول مره أعرف إن نورا لها إنتماءات قروية

عامة مش لازم أكسفها ولو إني مابحبش التوقعات

3/0 بإذن الله

فلافيلو

عماد موتعب

أبو طريقه

وبإذن الله الأهلي هايبقى مكسبه مضمون لو إتصل بي صديقي اللدود " موديست باشا " اللي بأتفاءل به قبل أي ماتش .. حتى لما الأهلي بيلاعب الزمالك وموديست يتصل بي .. سبحان الله .. ربنا بيفتح على الاهلي فتوح العارفين وأقل مكسب بنكسبه هو 4/0 ...

بالمناسبة : أنا بأحترم العالم الجابانيز دول قوي .. شوفتوا حتى محترمين في مواعيدهم وجايبين الماتش وقت البريك بتاعي بالرغم من فرق التوقيت بيننا .... :blink:

دولة بقى مش محترمة زي أمريكا تلاقي الماتش جايلك الفجر مثلاً أو تاني يوم الصبح

[nora]

هنشوف انا اتوقع 2\1

متقليش ليه الواحد بس احساس

س س

انا من ساعت متجوزت وانا بقى عندي ميول قرويه ومطبخيه بحكم الجواز اصل جوزي متعصب اهلاوي شديد :blink:

ومش هقولك ان كل يوم السهر بتكون الكورة على دريم:blink:

فخلاص عرفت كل الاسماء واللعيبه من الحضري للمتعب:)

[bassem_2009]

أنا أتوقع (يا رب)2-0 (يارب) للأهلي (يااااااااااااااااااارب)

تم تعديل 10 ديسمبر 2006 بواسطة bassem_2009

[abo 3ali]

لقاء اليوم مختلف قليلا . فهو بين مدرستين فى الكوره

اوكلاند بيمثل الكوره الانجليزيه الكلاسيكيه القديمه . كور طويله من وراء لادام و من على الاجنحه للعمق

اللعب ده بيتعب الباكات و بيختصر مسافات و كر و فر فى نص الملعب

الاهلى ان شالله لازم يلعب لعبه الطبيعيى الكوره على الارض و لمسه و لعبه لحد ماتوصل لاحد ثلاثى مثلث برمودا المرعب ( تريكه - متعب _ فلافيو )

الماتش حيكون مش سهل بس ان شالله الاهلى يكسب 2 - صفر او 2-1

[se_ Elsyed]

أنا من ساعت متجوزت وانا بقى عندي ميول قرويه ومطبخيه بحكم الجواز اصل جوزي متعصب اهلاوي شديد :blink:

ومش هقولك ان كل يوم السهر بتكون الكورة على دريم:blink:

فخلاص عرفت كل الاسماء واللعيبه من الحضري للمتعب:)

أختشي نورا

مونكن أبعت لك الموبيل بتاع مراتي تكلميها وتعقليها وتديلها دروس في الإنتماء القروي وإن لابد للزوجة أن تُشارك زوجها هواياته - المُزعجة - احسن انا حاسس إن حياتي الزوجية أصبحت على كف عفريت .. مع إن الكورة مع دريم بيقعد كل يوم ساعة ونص بس وعندي حوالي 12 قناة رياضية - بس - وباتفرج على ييجي 5 ماتشات إسبوعياً - على الأقل - بس ,,,

تحياتي لزوجك الاهلاوية المتعصب جداً وقوليله سين سين يُقرئك السلام وبيوقلوك إن شاء الله هانكسب كأس العالم للاندية ومصر والسودان لنا وإنجلترا إن أمكنا ... والله أكبر فوق أيدي المعتدي

لو لا قدر الله حصل ما لا يُحمد عقباه النهاردة ... يبقى هأعتذر عن التواجد قد إسبوعين تلاته من الكسوف

[أبو حميد]

تشكيل الأهلي

1 عصام الحضري حارس مرمى

12 أحمد شديد مدافع

2 إسلام الشاطر مدافع

7 شادي محمد مدافع

20 محمد صديق مدافع

6 وائل جمعة مدافع

13 حسام عاشور وسط

22 محمد أبو تريكة وسط

17 محمد شوقي وسط

9 عماد متعب مهاجم

23 فلافيو أمادو مهاجم

ويمكن متابعة المباراة على موقع Filgoal للي مش عارف يتفرج على الماتش

[drhouba]

إنتهى الشوط الأول من مباراة الأهلى و أوكلاند بالتعادل السلبى بعد سيطره ظاهريه شبه كامله للأهلى و الملاحظ إن الفريق النيوزيلندى ضعيف للغايه و بالتوفيق للى فى بالى :blink:

تم دمج الموضوعين

الإدارة

تم تعديل 10 ديسمبر 2006 بواسطة صبح

[Modest]

انتهى الشوط الأول بالتعادل 0/0 مع ضياع فرص عديدة للتسجيل من الأهلي.

عصام الحضري لم يُختبر و الكرة معظم الوقت حول منطقة جزاء أوكلاند مع تعدد الضربات الثابتة للأهلي حول المنطقة بلا فائدة :blink:

ربنا يكرم و نكسب في الشوط الثاني.

الجو بررررررررررررررررررد في اليابان.

و بالنسبة لسؤالك يا نورا... أتوقع انتهاء الشوط الأول بالتعادل بدون أهداف :blink:

.

تم تعديل 10 ديسمبر 2006 بواسطة Modest

[Modest]

جووووووووووووول

فلافيو أحرز هدف جميل في الدقيقة 5 من الشوط الثاني.

1/0 للأهلي.

.

تم تعديل 10 ديسمبر 2006 بواسطة Modest

[Modest]

جوووووووووووووووووووووووووووول لأبو تريكة في الدقيقة 28 من كرة ثابتة من على حدود منطقة الجزاء.

2/0 للأهلي.

[Modest]

أتوقع فوز النادي الأهلي 2/0

.

[رمضان]

هنا تقبل التهاني بفوز الاهلي العظيم على فوكلاند الهزيل

تم دمج الموضوع

الإدارة

تم تعديل 10 ديسمبر 2006 بواسطة صبح

[Diab]

عيبببببببببببببببببببببببببببببببببب مش قلتلكم

[bassem_2009]

هو ده الكلام

مش قلت لكم

[se_ Elsyed]

مبروك يا ولاد

والله وعملوها الرجالة في ألو ظهور رسمي عالمي للأهلي

فريق أوكلاند سيتي تعبان لكن هذا لا يمنع من أن الاهلي ادى اداء عالي جداً وكتب أسماء لاعبيه بحروف من النور باداء جماعي راقي وأعتقد إن الفرق الأخرى قد شاهدت الأهلي وستعمل له الف حساب

مبروك للأهلي صانع الأفراح

وشك حلو يا موديست .... أنا بأفكر أجيبك على كفالتي عشان أتفاءل بيك قبل كل مباراة ... ده انا ممكن أخد بك كأس العالم والله ...

[هيثم نافع]

ومبروووووووووووووووووووووووووووووووك لمصر

يا معلي راية الحرية ... يحميك لمصر و ليا

غالي علينا وضي عنينا .....

إخترناك إخترنا يوم ما عبرت و قلوبنا معاك