اول اجتماع للرابطه المصريه فى مونتريال, كندا

[Gihan]

السلام عليكم

ايه رايكم فى يوم السبت 6 يناير الساعه 11:00 الصبح؟

المكان : محل العصير اللبنانى على Lacadie

اعتقد اسمه عنتبلى

او ابعتوا اقتراحكم ليوم او وقت او مكان تانى

وياريت تبلغوا كل معارفكم المصريين حتى لو مش مشتركين فى المحاورات

تحياتى

[walidsm]

المكان و الزمان مناسبين جدا

الى اللقاء

[Gihan]

السلام عليكم

وجدى بعت الرساله دى

----------------------------------------

السلام عليكم ورحمة الله...

معلش أنا مش عارف ليه مش قادر أكتب في المنتدى...

أنا لسة شايف الموضوع دلوقتي بتاع الإجتماع الأول....ووشي منكم في الأرض...

أصل أنا رايح يومها الconcert بتاع Michael Flatley... وحاجز التذكرة بقالي 3 شهور وكدة... فا يعني لو مافيهاش رزالة وسوء أدب مني ينفع نخليها الجمعة أو الأحد.... أو حتى السبت بدري شوية...

وكل عام والكل بخير وسلامة...

تحياتي

------------------------------------------------------

انا الجمعه ماينفعش لكن الاحد ممكن

ايه رايكم الاحد 7 يناير الساعه 11 الصبح فى نفس المكان؟

[walidsm]

للاسف انا الاحد العيال بيروحوا تدريب الباتان (الله يرحموا بقى كان بطل التزحلق على الطين) و السباحة ولازم نستنى معاهم. لو تحبوا السبت بدري شوية حوالي الساعة 10 يبقى ماشي لان العيال بيكونوا في الجامع من الساعة 9:30. و اذا كان صعب السبت دا يبقى نخليها السبت اللي بعدوا لو تحبوا.

[wagdi]

ألو ألو...واحد إتنين تلاتة...

سامعني..

أيوة أهو .... العيب طلع من عندي مش من الكوبانية... :lol:

السلام عليكم ورحمة الله...

معلش يا أخوانا نؤسف على العمش إلى جالي...أنا لسة واخد بالي إنه السبت الساعة 11 الصبح...

مش عارف ليه كنت فاكر الساعة 6 بالليل...الفتة بقى وكل عام وأنتم بخير... :lol:

الميعاد كدة (11 صباحاً) يناسبني أوي أوي خالص...

نؤسف مرة أخرى على سوء الفهم...

[Gihan]

واضح ان وجدى تقل فى الفته :closedeyes:

خلاص يبقى السبت الساعه11 عند العنتبلى ان شاء الله

وحنعتمد عليك بقى يا وجدى فى موضوع العلم المصرى على الترابيزه والا حنضطر نحط ورده حمره فى زر البدله عشان نعرف بعض

اشوفكم بخير

[nancyezat]

صباح الخير كل سنة وانتم طيبين

انا ببعت عشان اقولكم اني معاكم بقلبي وعقلي لغاية منيجي كندا ان شاء الله ولو عايزين اي حاجة ياريت تتطلبوها بدون تردد , وربنا معاكم ويوفقكم ان شاء الله

[walidsm]

الى اللقاء يوم السبت الساعة 11

[wagdi]

فين بقى العنتبلي؟؟؟:unsure:

[Gihan]

Cocktail Antabli

Adresse : 9254, boulevard de l'Acadie, Montréal, QC H4N 3C5

Téléphone : 514-381-0823

[nancyezat]

بالروح والدم افديكى يارابطة

مع تحيات اسامة ونانسى

[نانو]

ها يا ولاد ....مش تحكوا لنا كيف كان اللقاء

احنا مستنين اهوه :P

ده احنا لما اتقابلنافي الكويت ....فرجنا الدنيا علينا

اقصد الدنيا كلها اتفرجت علينا...و الاذاعات و التليفزيونات جات و صورتنا واجرت لكاءات صحفيه كثيره جدا :wub:

[Gihan]

عزيزتى نانو

احنا هنا على قدنا قوى ولا صحافه ولا اعلام

بس كانت مقابله حلوه وعلى راي وجدى كانت مقابله مصريه حقيقي يعنى اكلنا وشربنا وحكينا وبس خلاص :huh:

لابجد كانت فرصه تعارف ممتازة والحمد لله واتفقنا على المقابله الجايه اللى حنبدا نشتغل فيها على تفاصيل الرابطه

وعموما حنديلكم الاخبار اول باول بس عايزين تشدوا حيلكم معانا تبعتولنا زباين

[desert_rock70]

يعنى بصراحة انا فرحان جداً للى عملتوه ... ومتجمعين دايماً فى الأفراح .

[nancyezat]

الف الف مبروك على اللقاء .

بس يعني عايزين نخش في الجد احنا مستعجلين على النتائج .

واعتبرينا يا جيجي اول الزبائن ان شاء الله