لو عايش في السعودية .. يبقى لازم تأمن عالعربية

[se_ Elsyed]

ده موضوع هام جداً يا جماعة ومغتربين كثير بيغفلوا او بيكسلوا يعملوه ولما تقع الفاس في الراس يرجعوا يقولوا ياريت اللي جرى ما كان ..

مع إن تأمين السيارة هنا في متناول الجميع ولما تحسبها تلاقيها بتتكلف حوالي ريال في اليوم ... تخيلوا ؟

بس الريال ده بقى بيغطي لك حوادث بقيمة أكثر من 5 مليون ريال

يعني تسوق وإنت مطمئن

وكان توجه الحكومة السعودية منذ 4 سنوات إنها تعمل التأمين يبقى إجباريعلى كل رخصة قيادة .. لكن حدثت بعض التجاوزات وسوء إستخدام لهذا النوع من التأمين وبقى اللي مأمن يلبس الحادثة بدل اللي مش مأمن ، فشركات تأمين كثيرة إتخرب بيتها ومنها من أغلق أبوابه وخسر ملايين زي شركة ميثاق ..

وتأمين الرخصة كان عبارة عن تغطية الحوادث للطرف الثالث فقط ...

وأوضح ان أوضح الأتي أولاً ، العلاقة التأمينية بتتكون من :

1- الطرف الأول : شركة التأمين .

2- الطرف الثاني : حامل وثيقة التأمين

3- الطرف الثالث : أي طرف أخر يصير ضده الحادث سواء كان سيارة أو نفس بشرية أو ممتلكات عامة(0 أشجار تتكسر .. أسوار تتهدم .. طريق يُخرب نتيجة الحادث ... إلخ )

وكان تأمين الرخصة بيبدأ تكلفته من 250 ريال سنوياً .... مبلغ زهيد للغاية لكن بيغطيك لحد 5 مليون ريال .. يعني وإنت ماشي ممكن تدخل في فرح تموت الناس اللي فيه وشركة التأمين تدفع ..

لكن عيبه إنه ما بيغطيش صاحب السيارة نفسه او سيارته او الركاب معاه ...

وبالتالي منذ عدة شهور قليلة إتلغى هذا النوع من التأمين وأصبح التأمين إجباري على المركبة نفسها .. يعني ما فيش سيارة تقدر تشتريها أو تنقل ملكيتها إلا لما تثبت إنك مأمن عليها .. وتأمينها بيبدأ من 375 ريال سنوياً .. ولكنه نفس الشيء التأمين يغطي الطرف الثالث فقط ..

اللي أنا في أعتقادي اهم طرف في الموضوع فالواحد لو عربيته بقت كوم صفيح مش مهم على قد ما بيبقى قلقان لو الطرف الأخر حصلت له أصابات سواء بشرية أو في سيارته

أهم نوع تأميني في السوق هو " التأمين الشامل " وسيتم التحدث عنه لاحقاً

يُتبع

[لخبطه]

تسجيل رخصة سعودية

اقصد تسجيل متابعة :roseop:

[se_ Elsyed]

يا راعي الكورولا .. أيوه أنت يا لخبطة .. لبك على جنب وأستناني أما اعدي وأجيبلك :closedeyes:

---------

التأمين الشامل بقى بتاع كله :

- يعني يُغطي الطرف الثالث .. والطرف الطرف الثاني .. والسيارة المؤمنة ضد حوادث التصادم .. وضد الشرقة كمان ... ويُغطي الركا حسب سعة السيارة .... في حالة الإصابة أو الوفاة أو العجز الجزئي ... بل بيغطي كمان مصاريف سحب السيارة بالونش من مكان الحادث إلى ورشة الإصلاح .. وكمان مصاريف الحراسة لو سيارتك عاملة حادث في حته بعيدة ومحتاجة حارس يحرسها بدل ما تتسلك ...

وتكاليفه بتبقى أغلى طبعاً لكنه ممتاز ويجعلك مطمئن على الغير وعلى نفسك وعلى من معك وعلى اللي يتشدد لك :lol:

أما التكاليف الفعليه .. فمش عارف بصراحة بيبقى للأفراد كام تقريباً لإننا بنأمن كشركة وعندنا ييجي 500 سيارة مثلاً لكن هو بيبقى نسبة مئوية من قمية السياة يعني ممكن يبقى 4 % مثلاً يعني لو سيارتك بـ 30000 ممكن يبقى 1200 ريال .. وبحد ادنى ممكن تلاقيه 800 ريال مثلاً .. عشان ما حدش ييجي يهرج ويقول لهم أنا عربيتي تسوى 10000 ريال .. يالا خدوا 400 ريال وامنوا لي ...

وهناك شيء في التأمين إسمه " التعويض الكمال " ففي حالة تجاوز تكاليف الإصلاح نسبة 50 % من قيمة السيارة فبيتم تعويض حامل وثيقة التأمين تعويض كامل عن قيمة السيارة وبيخصموا طبعاً قيمة إستهلاك وبيشوفوا العربية دي بتسوا كام .. واللي بحدد قيمتها السوقية واحد إسمه " شيخ الدلالين " وده زي شاهبندر تجار السيارات كده وبيبقى عارف الكوفت ... وطبعاً ساعتها شركة التأمين بتاخد العربية لها وتبيعها بالكيلو ...

أرجو أن اكون قد أفدتكم وفي إنتظار أي إستفسار لو في .

[Diab]

الحمد لله أانا بتوع التأمين الشامل

but

لو خبطت ي حيطة وانا راجع مارشدير واتكسر الفانوس التأمين يغطيه ?

:closedeyes: :lol: lo::

[se_ Elsyed]

ده سؤال جالنا من إبننا " ذياب "

لو خبطت أي حيطة وانا راجع مارشدير واتكسر الفانوس التأمين يغطيه ?

:closedeyes: :lol: lo::

أولاً : أنا هاجاوبك علشان قلبي أبيض وده اللي مودينيفي داهيه لإن إنت عارف العملة السودا اللي إنت عملتها أمبارح بس مش هاسييح لك في المنتدى وأقول إنك جيت الرياض وعلى ماتصلت بك عشان أجابلك وأعزمك على نص تيس - واجب الضيافة - لقيتك في المطار راجع وجه بحري تاني .. أنا مش هاقول كده ... وإحنا عندنا ديابه صغيرين وإن الله حليم ستار ...

إبننا العزيز ذياب الكائن بحي بني مالك بجده ...

إجابة على سؤالك : نعم يا ولدي لو إنت متعلم سواقه جديدة وبتجيب مرش دير وكسرت فانوس رمضان .. لازم تبلغ الشرطة الأول وييجوا يعاينوا ويعطوك تقرير مرور وبعدين تروح بالتقرير ده شركة التأمين من شان يجيبولك فانوس غيره ( وحوي يا وحوي ) وما تنساش كمان إن ممكن تكون خرشم الحيطة و هناك حد ممكن يرجع عليك بتعويض -بجد - فالشركة هاتغطي الفانوس وتغطي الحيطه كمان ( ما عندناش فوانيس أو حيطان بتتكشف على حد غريب ...

لكن

تذكر يا ذياب يا ولدي إن في شيء إسمه Deductable amount يعني ممكن تسميه بالعربي مصروفات إدارية يتحملها حامل وثيقة التأمين عندما يبلغ شركة التأمين ويطالبهم بإصلاح سيارته بعد أي حادث ... وده ممكن تلاقيه 500 ريال تقريباً ....

وساعتها الواحد بيفكر ... يا واد يا فلان .. فانوس رمضان ممكن يساوي 300ريال .فهل من العقل إني أروح أقول للشركة خدي 500 عشان تشتري لي فانوس بـ 300 ؟

ورمضان كريم

[واحد تاني]

لو عايش في السعودية .. يبقى لازم تأمن عالعربية

طيب ... ولو طلعوا حرامية ؟

اعمل ايه أنا يا عنيا ...

بعد ما اتنصب عليا ! :blink:

[deemuck]

والله يا اخ سي السيد المعلومات جامدة جدا.. ابا عن جد

انا بقالي سنين بجدد الرخصة والاستمارة بواسطة..ولا بدفع ولا تامين ولا يحزنون

طيب اديني افضل شركة ... ومكان استخراج التأمين يكون فوري (ميأوليش تعالى كما اسبوع ولا عالبريد ) ..في الرياض؟

[deemuck]

جبت من فين كلمة "التأمين الشامل" دي..دة الموضوع بقاله سنة

شكلي انا مش عايش في الدنيا...أو عايش عالواسطة

[واحد تاني]

والله يا اخ سي السيد المعلومات جامدة جدا.. ابا عن جد

انا بقالي سنين بجدد الرخصة والاستمارة بواسطة..ولا بدفع ولا تامين ولا يحزنون

طيب اديني افضل شركة ... ومكان استخراج التأمين يكون فوري (ميأوليش تعالى كما اسبوع ولا عالبريد ) ..في الرياض؟

ممكن سي السيد يقول لك على افضل شركة ... وأنا ممكن اقول لك على اسوأ شركة

شركة عايزة تاكل عليا حوالي 80 الف ... طبعا علشان متقعش في اللي وقعت أنا فيه

مش عارف هل الادارة تسمح باني ادرج اسم الشركة والا دي تبقى دعاية

[se_ Elsyed]

واحد إبني حبيبي .. بيضربوا بيك الودع

طيب ... ولو طلعوا حرامية ؟

اعمل ايه أنا يا عنيا ...

بعد ما اتنصب عليا

أفاد السيد المسئول بإن حقك مضمون 100 % يا باشا

لإن ما فيش شركة تأمين بتشتغل هبلولي ... وكلهم حطين داون بيمنت عالي قوي قوي قوي في مؤسسة النقد عشان أي نصبه تروح تقدم فيهم شكوى وتاخد الفلوس من مؤسسة النقد بعد ما يطلعوا عنيهم

بس

بس

تكون مظبط نفسك

تقرير مرور صح الصح

تقدير شيخ المعارض في حالة الخسارة الكُلية

ما تكونش عامل تنازل ومسامح في حقك قدام الشرطة إوعى تعمل كده أو ظابط يضحك عليك ويقولك : مانت مأمن يا عم يبقى أعفو واصفحوا ... لإن في هذه الحالة شركة التأمين مش هاتلاقي طرف ثاني ترجع عليه بالتعويض اللي هايدفعوه لك وتقولك : مع نفسك يالا .. ...

ولو ماطلوك .. تاخد بعضك وتطلع على مؤسسة النقد .. بعد ما تهددهم لإن لو الكلام ده وصل لهم يبقى هايعملوا بيبي على نفسهم ... لإن ما فيش حد بيحب الهزار مع مؤسسة النقد .. لإن صوابعهم تحت ضرسها وفلوسك بتاخدها من المنبع ...

---------------

وبالنسبة لاخونا ديموك وأنت يا أبو تاني

فأفضل شركة تأمين سيارات وممتلكات على الأطلاق هي التعاونية للتأمين ncci فلوسك بتاخدها توتو على كبوتو لإن موقفهم المالي جامد جداً ,,,, ويا سلام لو إنت مأمن عن طريق شركتك معاهم .... بيبقى موقفك أقوى من ان تتعامل معهم بشكل فردي .

وممكن تقول بصراحة على الشركة السيئة بتاعتك عشان الناس تحذر منها

والشيء بالشيء يُذكر

أفضل شركات التأمين الطبي

هي

بوبا

ميد جلف

أرجو أن أكون أفدتكم ..

مع تحيات اخوكم الكاتب الكبير س س صاحب سلسلة كتب ومجلدات " الطيب والشرس والمنتوف " والحاصل على جائزة العكاز الذهبي من مهرجان الطفل المعاق ذهنياً بزيمبابوي .. والجدير بالذكر أن هذا الكتاب قد حقق نجاح منقطع الجماهير حينما تم عرضه في دور السنيما ... وكمان بأصلح ساعات .

[واحد تاني]

شركة ليدرز للتأمين واعادة التأمين

وهما ولا ليدرز ولا حاجة ... بتاعة حسين شبكشي ... اللي كان في برنامج المستثمر مع وليد الجفالي

ووضعي كالتاتي :

مفيش شهبندر التجار لأن الحادثة طرف واحد فلاداعي للتسعير من شيخ الصيادين ...

الحادثة طرف واحد فقط اللي هو أنا ... لان الطرف التاني جسم صلب (حواجز خرسانية) ...

معايا تقرير مرور زي الفل بيقول ان نسبة الخطأ 100 % عليا (اكيد مش على الخرسانة طبعا)

و معايا تسعيرة الاصلاح من التوكيل (لان العربية جديدة ومش هوديها ورش طبعا)

عندي بوليصة التأمين منهم سارية الصلاحية يادوب لسة بقالي 4 او 5 شهور عاملها ولهفوا فيها مبلغ وقدره

ومفيش حد سقاني حاجة صفرة ولا مضيت على اي تنازلات ولا مسامحات ...

تفتكر هعيش؟

وبعدين متهيألي كده ان العربية المفروض تعتبر Total Loss لأن اصلاحها تعدي 90 % من تمنها والا ايه؟

تفتكر اقدم البوليصة وتقرير المرور لمؤسسة النقد ... والا احسن أزق عليهم حد الأول من وزارة التجارة؟

[deemuck]

معلش اديني تفاصيل اكتر

اعرف ان التعاونية بتراسلك على البريد .. والكروت احيانا تضيع..في فرع جديد سمعت عنه في طريق خريص يطبعلك الكرت وانت واقف

جنب منه. ولوفي اماكن اخرى يا ريت الافادة

[deemuck]

فرع التعاونية امام كارفور - مركز غرناطة

بيدي الكارت وانت قاعد بدون مراسلة عالبريد

[شرقاوي]

و الله ياجماعة من خلال خبرتي و تجاربي مع شركات التأمين أقدر أقول أن التعاونية هي أفضل شركة رغم أنها الأعلى سعرا و كان لي تجربة معاهم قبل 4 سنوات بالدمام في سيارة تابعة للشركة و تم اهلاكها بالكامل و تم تعويضنا بقيمة السيارة بدون أي مشكلة رغم أن قائد السيارة مش على كفالة الشركة و لكن يحمل تفويض فقط و قد جربت شركات اخرى هم الأفضل بصراحة