ضربة قاضية فنية اخرى لأحد الملاكمين

[se_ Elsyed]

يا جماعة أنا قدامكم اهو بأشهد للرئيس القائد حُسني مبارك بإنه أستاذ ورئيس قسم ومُلاكم من الدرجة الأولى :

- نرجع مع بعض كده كلاب فاش .. قصدي بلاش فاك .. قصدي فلاش باك

يا جماعة أنا قدامكم اهو بأشهد للرئيس القائد حُسني مبارك بإنه أستاذ ورئيس قسم ومُلاكم من الدرجة الأولى :

- نرجع مع بعض كده كلاب فاش .. قصدي بلاش فاك .. قصدي فلاش باك

*** جميع من وقف في وجهه في إنتخابات الرئاسة أو شم نفسه في إنتخابات مجلس الشعب التي أعقبتها ... كلهم بدون إستثناء دلوقت ركبوا الطفطف ... يعني أتفسحوا ... يعني راحو يشموا هوا وما رجعوش

- نبدأ بأيمن نور .. ربنا يفك سجنه ......

- ثم أتبعه جدو نُعمان جمعه ... ربنا يسترها معاه ويطلع من القضية اللي لسه شغاله والراجل صحته مش حمل قلم ...

- خلصنا على أكثر إتنين كانوا يناوشوا من بعيد ويادوب هما الإتنين أخدوا 9 % من أصوات الناخبين في إنتخابات الرئاسة .... لكن ولو .. هيبة الملك أتهزت .... والملك يا ينجح بـ 99 % يا بلاش .. او على رأي أخواننا السوريين " اهل سوريا أدرى ببشارها .. ... أو طلبنا من الله المدد فرزقنا بحافظ الأسد ... ومن بعديه إبنه " لذلك ولكل هذا فكان لازم يتأدبوا هما الإتنين ويعرفوا إن عاشور الناجي فتوة درب الهوا عمر ما حد يقف قدامه ... وكان لابد من قتل الفتنة في مهدها عشان لما الريس يعيش لحد إنتخابات 2011 واللهم صالي عالنبي يبقى عنده 83 سنة وينزل الإنتخابات لفترة سابعة .. ساعتها ما حدش من الحرافيش يقدر يبمبك و يقول أنا هاتحدى عاشور الناجي ... وعلى رأي المثل " إضرب المربوط .. يخافو بقية المربوطين ..

- خلاص ظبطنا نور وجمعه ... خش عالتقيل

الحزب الوطني هيبته أتهزت يا رجالة .. وفاز بنسبة 30 % بس من كراسي الصالون البرلماني ... يا نهار مش فايت ؟!!!!!!!! دي نسبة نجاح ما تدخلش حتى دورة المية .... طب والعمل ؟

أيوه أيوه ... بس لقيتها .. إحنا ننزل شوية عيال صيع وبلطجية الإنتخابات ونقول عليهم مستألين ... ومستقلين يعني دول ناس أستقلوا عن ابوهم وامهم وهما صغيرين... وبعد ما ينجحوا بالطول والعرض والتزوير والتحوير والتدوير ... يطلعوا لسانهم للسبعين مليون مصري ويقولوا لهم : هأو أو أو .. وضحكنا عليكو وإحنا حزب وطني بس كنا متنكرين ....

مش بس كده ... ده الحزب الوطن كان نايم في المهلبية ولا يعرف حجم وقوة وتنظيم الاخوان المسلمين الذين بشهادة الجميع لا مارسوا بلطجة ولا قلة أدب من بتاعت الحزب الوطني وفازوا بـ 88 مقعد من أصل منافستهم على 125 مقعد وبالرغم من التزوير والسحل اللي إتعرضوا له

العملية دي مش لازم تعدي على خير يا عاشور ....

فما العمل يا بني خُزاعة ؟

- دعونا نستحيي نساءهم ... ونقتل رجالهم ... ونسجن نوابهم ... ونقلوظ تُهم ظلم لقادتهم

واديلوا ياريس .. إعتقالات يومياً زي الرز ... ومنع أي واحد من السفر خارج البلاد .. عافيه وبلطجة وبدون أي تهمة ... ورفع الحصانة عن بعضهم بحجة إنه كان مجتمع في مزرعة احد الاخوان المسلمين يوم جمعه وقاعدين ياكلوا بط وفطير مشلتت وعسل في المنوفية من اسبوعين ...

- طب الإخوان ونتفنا دقونهم .. فاضل مين يا معلم ؟

- هاتوا العيلين قرايب السادات واللي تجرأوا ونزلوا الإنتخابات في شبين الكوم حيث معقل الحزب الوطني ورجالاته الأوفياء وفزاوا بإكتساح ..

تقصد طلعت السادات ؟

أيوه هو ده

تُهمته جاهزة يا معلم .. إيه رأيك في تهمة العيب في الذات الملكية ؟

ملكية إيه وملوخية إيه يا غبي ؟ الملك فاروق راح في الوبا من زمان

آه صح

طب إيه رأيك في تُهمة " العيب في هيئة القوات المُسلحة ؟

أيوه هي دي ... إرموه في غياهب الجُب لمدة سنة ... وطبعاً هايطلع يمشي جنب الحيط .. او يمكن عالحيط

فاضل أخوه القبطان " محمد أنور السادات "

أيوه خلاص .. ده مش هاياخد في إيدينا غلوه

إسقاط عضوية النائب محمد أنور السادات

اللجنة التشريعية رفضت منحه مهلة أسبوعين

كتب مجدي عبدالرحمن:

وافقت اللجنة التشريعية بمجلس الشعب في اجتماعها الليلة الماضية برئاسة د. آمال عثمان علي إسقاط عضوية النائب محمد أنور السادات بعد صدور حكم نهائي من محكمة استئناف القاهرة بإشهار إفلاسه.

أعلنت اللجنة التزامها بحكم المادة 588 من قانون التجارة التي تنص علي أنه لا يجوز لمن يشهر إفلاسه أن يكون ناخباً أو نائباً.

رفضت اللجنة طلب العضو منحه مهلة 15 يوماً لحين صدور حكم محكمة النقض بوقف تنفيذ الحكم في الطعن الذي تقدم به.. ومثل السادات أمام اللجنة التشريعية عقب عودته من قطر.

أوضحت مناقشات أعضاء اللجنة انقسامهم إلي فريقين.. الأول: نواب الحزب الوطني الذين تمسكوا بضرورة تنفيذ القانون واللائحة والثاني.. رأي منح النائب المهلة التي يطلبها. وانتقد التسرع في مناقشة الموضوع. وأسلوب المفاجأة الذي اتبعته اللجنة.

يا كبد أمك ياخويا .. دول لسه كانوا مستضفينه في العاشرة مساءً من يومين .. واتكلم كلام جامد قوي بصفته عضو في لجنة تقصي الحقائق عن المصيبة اللي عملها سيدنا وتاج راسنا ممدوح باشا إسماعيل ومعاونه زكريا عزمي الشهير بزيكو العجيب

يالله خد الشر وراح

مش بأقولكم ... عمليا نضيفة 100 % ... وضربات قاضية فنية .. ملعوبة

فلازم يبقى عندنا روح رياضية ونشجع اللعبة الحلوة

[Ghost]

و الله انا خايف عليك يا س س لتاخدلك زغدة من كوع الريس

احنا يا عم مش قد الزعيم , طويل العمر يطول عمره وينصره على من يعاديه , هاي هيه