autoscriptor بتاريخ: 1 أغسطس 2007 تقديم بلاغ مشاركة بتاريخ: 1 أغسطس 2007 (معدل) في موضوع (عاجل جدًا......) في قسم المغتربين المصريين كتب الأخ tahereyad تعقيبًا على مشاركتي في الموضوع ومخالفًا لي في الرأي: ربنا خلقنا كده,,, أنا كده,, و مش لوحدي,, كلنا كده و بنفكر كده و مش هاينفع نفكر غير كده,, و ما خالف ذلك فهو المخالف... أنا أرى أن هذه اللغة هي تلخيص سريع لأزمة الحوار بيننا. أو قل عدم امكانية الحوار أو الكلام أصلاً. من قال أننا جميعًا كما قال هو (كده). هذه مجرد أوهام مهما كان العدد المؤيد لفكرة ما هنا في هذا المنتدى أو غيره. ان عدم تصور صاحب أي فكرة لوجود رأي يخالفه وأحلام صاحب هذه الفكرة أو الرأي بأن رأيه هو الرأي الصواب والسائد لدى كل الناس وكل من يخالف ذلك فهو الشاذ الغير طبيعي صاحب الأفكار الهدامة، هو بالفعل السبب في أغلب مشاكلنا في هذه المنطقة من العالم. ربنا خلقنا كدة: هي مقدمة ثيلوجية حتمية نهائية تجب كل ما يتبعها وهي أقوى حجة من الممكن أن يرمي بها في وجه المتحاوريين، لأن تحديها يعني تحدي المشيئة الإلهية. وتهمة كهذه من الممكن أن تحكم على المخالف أحيانًا بالموت. أنا كدة: هنا تقرير بالتماشى مع المشيئة الإلهية وهو أيضًا يقرر أنه نتاج للناموس الطبيعي بعكس المخالف له في الرأي الذي "ليس كدة" ومش لوحدي كلنا كدة: زيادة في التأكيد على عزل الطرف الأخر وتقزيمه وجعله أقلية ضعيفة منزوية بدليل "كلنا كدة" وانت مش معانا انت مع التانيين. وبنفكر كدة: أي أننا جميعًا اشتركنا في هذا الرأي وأن هذا هو الرأي السائد وأن رأي المخالف رأي شاذ غريب ضد طبيعة الأشياء ومش حينفع نفكر غير كدة: هنا نفي لأي أمل في امتداد الحوار وعلى أصحاب الرأي المخالف السكوت نهائيًا ومن خالف ذلك فهو المخالف: وهنا اصدار الحكم بالاقصاء ومن خالفنا فليس منا تم تعديل 1 أغسطس 2007 بواسطة Salwa رابط هذا التعليق شارك المزيد من خيارات المشاركة
badroora بتاريخ: 1 أغسطس 2007 تقديم بلاغ مشاركة بتاريخ: 1 أغسطس 2007 (معدل) الزميل الفاضل بصراحة مش عرفة هل حضرتك فتحت الموضوع دا هنا للنقاش وهل من حقنا المشاركة والتعقيب ام لاحضرتك فى نفس الموضوع كتبت الاتى وبعد اذنك انى جبت اللى كتبته هما حضرتك كتبت أنا مش فاهم أية حاجة. يعني إيه ذل وهوان لما يبقى فيه شغالة مصرية في الإمارات ولا في الهند. إيه إللي يمس كرامة سعادتك في الموضوع دة. ليا واحد صاحبي هنا في دبي بيبوس رجل الناس في الجنسية والاقامة يجيب شغالة من مصر علشان مش عايز ولاده يتكلموا انجليزي أو أوردو وهما صغيرين. لأ بجد فيها إيه لما تبقى الشغالة مصرية. هل معنى ذلك أن مصر كلها شغالات؟ (مع احترامي لمهنة الشغالة) مالنا نحن والهبل والمعاتيه من جنسيات الدول الأخرى عندما يفكروا بهذه الطريقة. أرى أن هذا الموضوع هو مجرد تطييب خاطر. زي مانقول كدة انو يعني احنا عندنا كرامة أصلاً والدليل اننا ما نرضاش على بناتنا يشتغلوا في بيوت الخليجين. جاتنا نيلة، طيب ما احنا أصلاً كرامتنا متنيلة بستين هباب في مصر. انت فاكر ان كرامتك مصانة في بلدك لما تحميها برة؟ لو كرامتك مصانة ماتخافش من الضابط ومعاه سلك كهربا أو عصاية غلية أو قرطاس ورق. كرامتنا مهانة يا سادة كل يوم وانت بتركب الأتوبس والمترو. كرامتك تهان لما تشوف أمين الشرطة بيضرب واحد لابس زيك بالظبط في ميدان التحرير وماتقدرش تقوله حاجة. كرامتك يا آنسة يا مصرية (أي واحدة مصرية بما فيهم أختي) مهانة لما حد يتحرش بيكي وماتقدريش تثتغيثي بالشرطة لأنهم ممكن يعملوا فيكي أكتر من المتحرش. كرامتنا كلنا بتتهان لما لما نشوف بعيونا استمارات الانتخاب وهما بيقفلوها زي ما يكونوا بيعملوا شيء عادي. فين الكرامة؟ حد كدة يشاورلي عليها. فين الكرامة لما الدولة تتوقع ان الموظف يامل ويشرب ويركب مواصلات ويدخل ولاده المدارس ويتعالج ويركب جلدة للحنفية اللي بتخر بالمرتب الحكومي. فين الكرامة عند شعب مش بيعرف يعيش إلا بالرشوة والمحسوبية والكوسة. فين الكرامة لما متفوق سياسة واقتصاد ينتحر من فوق كوبري على النيل لأنه غير لائق اجتماعياً في نظر وزارة الخارجية. الكرامة لا تتجزأ ولا يوجد شيء اسمه كرامة شعب بأكمله. الهند من أعظم البلاد على وجه الأرض فيها من أول العمالة غير الماهرة الرخيصة إلى علماء الذرة ومديروا الشركات الكبرى وأصحاب أعمال مليونيرات ولا تجدهم يتكلمون هذا الكلام الفارغ عن جرح كرامتهم لوجود عامل نظافة هندي. مالها الخدامة؟ تجرح مشاعرك في إيه لما يكون في خدامة مصرية؟ وانت مالك لو الخدامة مشيت مشي بطال، ولا هي عسل على قلبنا لما تمشي مشل بطال مع المصريين ومع الخليجيين لأ. كونوا واقعيين. أفيقوا أرجوكم. شوفت حضرتك اخدت كلام الاخ طاهر بحساسية زيادة ازاى فحين ان محدش مننا اعترض وبما فيهم انا على الكلام المعلم علية بالاحمر لانى قدرت شعورك ومن طريقة كتابتك وكلام واللهجة اللى كتبت بها شكلك كان مضايق فالتمست لك العزر ومحدش علق اما كلام الاخ طاهر انا طبعا مش بدافع عنه لانه ببساطة يقدر يتكلم ويوضح موقفة ولكن بما ان حضرتك فتحت موضوع ومن حق الجميع المشاركة فحبيت اقول اللى يملى علية ضميري حضرتك جمعتنا فى جاتنا نيلة وكرامتنا مش متصانه برا مصر يبقي هتتصان براهاولو اى بنت مصرية مش هتقدر تدافع عن نفسها .....الخ اقول لحضرتك لااااااااااااااااااااااءانا كرامتى فى بلدى كانت متصانه وبراها بردة متصانه بلدي ادتنى علم وخبرة وفوقهم كرامة ودى اللى وصلتنى للمكان اللى انا فيه ومن خلال خبرتى فى مصر ووضعى فيها اخدت وضعى هنا لازم نفرق بين امنايتنا ان بلدنا تكون احسن بلد وبين ان بلدنا مبعتره كرامتنا>انا مش شايفة كدا بصراحة كونا ناقمين على الحكومة بس مش احنا لوحدنا ولو نزلنا بلدنا هنلاقي وضعنا وهنشتغل بس الفرق اننا المستوى اللى احنا عاوزينه وهو اللى مش بنلاقية بس بردة حياتنا الطبيعية فى حدود المعقول والمقبول موضوع الخادمة كشغل مش عيب طبعا طالما مهنة شريفة ولكن اخى الفاضل سبب غضبنا اخى الفاضل هو الضعف وقلة الحيلة بمعنى الخادمة فى مصر عالاقل فى مصر محدش متحكم فيها فاى وقت هتلاقي اهلها حواليها شرطة ممكن تاخدلها حقها اما المسكينه لو مسافرة برة وجواز سفرها مع الكفيل ويقعد يبيع ويشترى فيها ولا هتلاقي حد ينصفها ]وغير اننا كمصريين وعرب مطمع من كل الخليجين ودى حقيقة لابد من عدم تجاهلها . ]اما الهنود او اى جنسية اخرى دول بنادمين زينا اوك بس ليهم ظروف خاصة غيرنا واطباعهم غير طباعنا ] ومش لازم نقارن نفسنا بيهم مش عشان احنا احسن منهم لا سمه الله لا بس عشان هما عادتهم وتقالدهم وظروفهم غيرنا] نرجع بقي لموضوع لو حد تحرش باى بنت مصرية وليه لاء ايه المانع انها تستغيث وتبهدل اللى بيتحرش بها اما مرة فى تاكسي فى ميدان لبنان وكنت رايحة الهرم قام ظابط وقف التاكسي وركب بدون ميسأذن ولا يسأل السواق رايح فين وقالة الكيتكات فالسواق بيرجع قمت انا مسكتش وقولتله مش من حقك تعمل كدا والمفروض تسأذنى هل هوافق انك تركب ام لاء والسواق انت ازاى توقف وانا معاك ليه مقولتلوش مشغول قالى اصل دول الشرطة ولازم نوقف لهم وحتى مش بيدفعوا فلوس طبعا الظابط اعتزر ونزل من التاكسي ولا همنى منه لان دا حقي كونهم بقي مستعبدين الناس فدا بقي هما السبب فيه المهم اخى الفاضل انا بس حبيت اوضح ان كلامك بردة كان فيه كلام ممكن تاخد عليك وتلاقي تعارض انت بتجمع ليه ومع ذلك محدش عمل كدا . اتمنى ان لا تأخذ الموضوع بحساسية ليس منا هنا من يحجر على راى او يفرض سيطرته على راى زميل اخر . ومع ذلك حضرتك كتبت كلام كثير ليس له اساس من الصحة وبالعكس يتاخد عليك ومع ذلك محدش منا عمل كدا . كل واحد منا ليه وجهة نظر وبيفكر ويحكم عالامور بها وليس راى هو الصح او رايك انت الصح ولازم يتبع . تحياتى وارجوا ان لا تمل من اطالتى نجفة تم تعديل 1 أغسطس 2007 بواسطة نجفة المغرورة A liberal is a man or a woman or a child who looks forward to a better day, a more tranquil night,and a bright, infinite future . رابط هذا التعليق شارك المزيد من خيارات المشاركة
autoscriptor بتاريخ: 2 أغسطس 2007 كاتب الموضوع تقديم بلاغ مشاركة بتاريخ: 2 أغسطس 2007 (معدل) عندك حق في كل اللي قلتيه يا نجفة. طبعًا ممكن أكون غلطان ومتشائم زيادة ومتمرس على أطلاق أحكام تعمييمة غير مبررة وبلا دليل. ملاحظاتي كانت على طريقة سخيفة يستخدمها البعض لانهاء الحوار بوضع الطرف الآخر وكأنه ضد قيم المجتمع والدين وعاداتنا وتقاليدنا. فيضطر الآخر للدفاع عن نفسه ويضيع الموضوع الأصلي. شفتي انتي قولتي إيه في الآخر؟ قولتي ان كل واحد فينا ليه وجهة نظر صح؟ أنا بس كنت برد على واحد بيقول ان "كلنا كدة وبنفكر كدة ومش حينفع غير كدة". هذا مجرد مثال على ثقافة أصبحت ترفض الاختلاف. والاختلاف عزيزتي قيمة بشرية كبيرة تعزز تقدمنا كبشر وهي مصدر كل حضارة كبيرة عل وجه هذا الكوكب. وبدونها لا نختلف كثيرًا عن قطعان الماشية. وهناك مقولة شهيرة لا أذكر من قالها تقول: "قد اختلف معك في الرأي، ولكني في نفس الوقت قد أدفع حياتي ثمنًا لتستطيع أنت أن تقول رأيك هذا" تحياتي تم تعديل 2 أغسطس 2007 بواسطة autoscriptor رابط هذا التعليق شارك المزيد من خيارات المشاركة
tahereyad بتاريخ: 2 أغسطس 2007 تقديم بلاغ مشاركة بتاريخ: 2 أغسطس 2007 يا نهار أبيض,,, ايه ده كلّه,, حضرتك فاتح التوبيك ده مخصوص عشاني,,, ربنا يخليك لينا يا رب,, يافندم مافيش بينّا اي أزمه حوار ولا أي حاجه و ماتزعلش مني,,, حقّك عليه يا فندم.. و بعدين الموضوع مش مستاهل التحليل و الكلام الكبير ده كله,,, يعني ايه "ثيلوجيه"؟؟؟؟؟,,, جايه من كلمة "ثلج" ســـــــــــالمة يا سلامة روحنا و جينا بالسلامة رابط هذا التعليق شارك المزيد من خيارات المشاركة
autoscriptor بتاريخ: 2 أغسطس 2007 كاتب الموضوع تقديم بلاغ مشاركة بتاريخ: 2 أغسطس 2007 ضحكتني بجد ... أيوة ثيلوجية جاية من ثلج .... وقد أثلج كلامك صدري وخلاص صافي يا لبن :-) رابط هذا التعليق شارك المزيد من خيارات المشاركة
badroora بتاريخ: 2 أغسطس 2007 تقديم بلاغ مشاركة بتاريخ: 2 أغسطس 2007 برافوا عليكم والله مافيش احسن من التسامح واحنا مهما نختلف فى الراى فى النهاية اخوات ودول هدية منى ليكم على روحكم الجميلة الحلوة التى نتمنى ان نتحلى بها جميعا لكم منى كل الود والاحترام A liberal is a man or a woman or a child who looks forward to a better day, a more tranquil night,and a bright, infinite future . رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان