تغيير المهنة في التأشيرة

[funny]

مساء الخير

انا عضو جديد وحبيت استفسر عن موضوع تغيير المهنة في التأشيرة

يعني المهنة اللي في التأشيرة غير اللي في المؤهل

يعني انا مثلا خريج تجارة وهسافر اشتغل في الكومبيوتر والتأشيرة بتاعتي مبرمج كمبيوتر

الموضوع ده فيه مشاكل ولا عادي؟

وهل ممكن يعترضوا في السفارة على اساس ان المؤهل غير الوظيفة اللي في التأشيرة؟

ياريت حد يفيدني في الموضوع ده ربنا يخليكوا عشان الموضوع كده عامللي مشكلة ومش عارف اسأل مين ولا اعمل ايه :lol:

[قاهرى]

عادى خالص ....... عيش

[sherifwagdy]

شوف يا اخى فانى كله يتوقف على البلد الى انت رايحها انت مسافر فين فى دوله خليجية ولا دوله اجنبية

[funny]

انا مسافر السعودية ان شاء الله وسمعت انهم لازم يعملوا امتحان عشان ينفع اسافر بمهنة مبرمج

محدش يعرف الموضوع ده ايه نظامه؟!!!

وشكرا لكل اللي ردوا

[aimen]

اهلا بك هناك

شوف يا سيدى 1- محدش حيسألك انت رايح فين ؟ امتحان مافيش على حسب علمى

2- مهنة مبرمج تم سعودتها يعنى مش عارف ازاى التأشيرة موجودة ولو موجودة هل لما تجى تجدد الإقامة تعمل مشاكل ولا ايه النظام ؟ نحتاج رأى اخونا الكبير س .س هنا

3- اهم حاجه ان المهنة تكون قابلة لإستقدام المادم بعد كده وكمان ما يكونش فيها مشاكل على السعودة او غيره اما غير كده فاعتقد مافيش مشكلة ...

[funny]

بس لما روحت السفارة قالولي لازم امتحان عشان المؤهل بتاعي تجارة مع ان الباسبور بتاعي مكتوب فيه مبرمج ومعايا شهادات خبرة ودورات في البرمجة

طيب انا بس مش فاهم موضوع الامتحان ده ايه نظامه هما قالولي هيبقى على كمبيوتر السفارة!!!!!!!

بالنسبة للاستقدام والحجات دي محلولة ان شاء الله انا متفق مع الشركة بس خايف الورق بتاعي يتعطل بسبب موضوع الامتحان الغريب ده :lol:

[se_ Elsyed]

بالفعل مهنة مبرمج كمبيوتر إتسعودت لكن هذا القرار لا يسري على التأشيرات الموجودة بالفعل وبالتالي ما فيش مشاكل بالنسبة لك .

- وطالما معاك دورات كمبيوتر في البرمجة وغيرت جوازك إلى مبرمج فمسألة الإمتحان دي لا محل لها من الإعراب .. وبعدين إنت بتتعامل مع السفارة مباشرة ليه ؟

قصدي هو الشركة اللي إنت جاي تشتغل فيها ما عملتش توكيل لمكتب عمالة محترم في مصر ليه كان شال عنك أي إتصال مباشرة بالسفارة وبالتالي التأشيرة كانت هاتجيلك وإنت معزز مكرم من غير ما تتحرك من مكانك ...

أنا عارف موضوع الإمتحان ده من زمان ... لكن عمري ما شوفت أو سمعت عن حد راح أمتحن ...

وإوعى تروح الإمتحان من نفسك أحسن دول ما بيتفهموش .. عشان لو سقطت فهاتتحط بلاك ليستد سنة على الأقل ... زي المصابين بفيروس الكبدي الوبائي كده ربنا يعافينا ...

[funny]

طيب ايه الحل دلوقتي انا اتصلوا بيا وقالولي الامتحان يوم الاحد ولازم اخلص بسرعة عشان الحق اسافر والا هيحصل في مشاكل خصوصا انهم محتاجين اني اسافر بسرعة جدا

اعمل ايه قولولي؟؟؟!!!!!!

[se_ Elsyed]

طيب ايه الحل دلوقتي انا اتصلوا بيا وقالولي الامتحان يوم الاحد ولازم اخلص بسرعة عشان الحق اسافر والا هيحصل في مشاكل خصوصا انهم محتاجين اني اسافر بسرعة جدا

اعمل ايه قولولي؟؟؟!!!!!!

ما أنت ما ردتش على السؤال ؟

إنت بتخلص الورق شخصياً بنفسك ولا عن طريق مكتب ؟

لو عن طريق مكتب ماحدش هايقولك تعالى ولا روح ....

الحل ما تروحش الإمتحان وكلم الشركة تبعت تفويض لمكتب عشان يخلص لك التأشيرة .

[funny]

صاحب الشركة راح يعمل تفويض بالتأشيرة لانه مستثمر مصري وهو اللي كلمني وقاللي لازم امتحان بعد ماراح وحاول معاهم ومعرفش يمشي الورق من غير موضوع الامتحان ده

طيب سؤالي دلوقتي لو صاحب الشركة اتعاقد مع مكتب الموضوع ده هيتحل من غير امتحان ومن غير وش ووجع الدماغ اللي انا فيه ده؟؟؟

ولو عمل كده المكتب هياخد وقت اد ايه عشان يخلصلي التأشيرة واقدر اسافر لاني المفروض اسافر الاسبوع ده بالكتير ان شاء الله؟

شكرا لردك واهتمامك بالموضوع بس انا فعلا حاسس اني تايه ومش عارف اعمل ايه.........

[afadly]

أنا أيضا عندى مشكلة مشابهة

أنا خريج هندسة كمبيوتر, لكن مكتوب فى الجواز "مهندس حر"

هل يمكن أن أشترى فيزا حرة للسعودية "مهندس مدنى" أم يجب أن يطلعوا على المؤهل؟

[jemy]

بس لما روحت السفارة قالولي لازم امتحان عشان المؤهل بتاعي تجارة مع ان الباسبور بتاعي مكتوب فيه مبرمج ومعايا شهادات خبرة ودورات في البرمجة

طيب انا بس مش فاهم موضوع الامتحان ده ايه نظامه هما قالولي هيبقى على كمبيوتر السفارة!!!!!!!

بالنسبة للاستقدام والحجات دي محلولة ان شاء الله انا متفق مع الشركة بس خايف الورق بتاعي يتعطل بسبب موضوع الامتحان الغريب ده

قول بقا انك خايف من الامتحان

:rolleyes:

[محمدالمسافر]

السلام عليكم انا خريج نظم معلومات ادارية وجتلي فيزا من السعودية بمهنة كهربائي اجهزة منزلية اعمل اية عشان اغير المهنه

للتناسب مع التأشيره ده رقمي لو حد يقدر ينجز يتصل بي او يدلني mohameds.amin@hotmail.com 0123885372

[sherifsaad]

فيدونا افادكم الله ذهبت الى مكتب الاستقدام بالرياض فرفضوا بحجة اننى قمت بتغير المؤهل علما بان المهنة السابقة عامل والحالية محاسب وقدمت شهادة التخرج ولكن رفضوا لانى قمت بتغير المهنة وان الا ستقدام على المهنة الاولى فقط هذا بالرياض فذهبت الى الدمام هناك الاستقدام مقبول حتى لو غيرت مهنة بشرط وجود فرع للشركة بالمنطقة الشرقية وبالتالى لم استطع ان احصل على تاشيرة الاستقدام الى الان فسالت ان كان هناك سبب للرفض بالرياض اجبونى انة لا يوجد اى سبب سوى عنتزة وكبرياء و وقف حال للناس حسبى الله ونعم الوكيل

[ابو يس]

السلام عليكم

انا عايز اسال عن فيزة مراقب جودة او فاحص جودة :old:

الفيزة فاحص جودة و جواز السفر مكتوب فيه المهنة مهندس كهرباء

و ممكن اجيب شهادة خبرة و عقد عمل من الشركة بالمهنة دى

فهل هذه المهنة تصلح لاخذ التاشيرة

افيدونا افادكم الله

[husaly]

السلام عليكم جميعا

عندى استفسار او يمكن بعد كده يكون مشكله مش عارف

المهم انا الوقتى هسافر على تأشيره فنى شبكات حاسب

طبعا عرفت انه لازم يكون الجوزا بنفس المهنه فغيرت البطاقه وبعد كده غيرت الجواز طبعا بعد ما طلع عينى وكده قلت انا خلاص تمام حصلت بقى مشكله صغيره او هى لسه محصلتش يعنى الشركه قالتلى يارب السفاره مترفضشى التأشيره ليك لان المؤهل بتاعى بكالوريوس نظم معلومات اداريه

السؤال بقى هل السفاره هتوافق ولا فيه فعلا مشكله كده ولو التاشيره بعيده عن المؤهل ايه الحل

شكرا ومنتظر الرد لانى هكشف بكره والورق هيروح السفاره طبعا كمان يومان بالظبط ياريت سرعه الرد لان الوقت ضيق جدا

جزاكم الله كل خير

[xlove]

ياعم متقلقش المهنه كويسه والمسمي كويس

متقلقش من اي حاجه مفيش هنا اي اختبارات علي ما اعتقد للمهن والكلام دا

انت بس ممكن الاختبارات تكون ف مصر علشان هتغير المهنه ف البطاقه وكدا

بس ان شاء الله خير

وان شاء الله تنور السعوديه قريب

[husaly]

ياعم متقلقش المهنه كويسه والمسمي كويس

متقلقش من اي حاجه مفيش هنا اي اختبارات علي ما اعتقد للمهن والكلام دا

انت بس ممكن الاختبارات تكون ف مصر علشان هتغير المهنه ف البطاقه وكدا

بس ان شاء الله خير

وان شاء الله تنور السعوديه قريب

انا مقصدشى فيه اختبارات ولا لأ

على العموم متشكر جدا وادعولى التأشيره تطلع قبل العيد الورق دخل السفاره خلاص الحمد لله

[husaly]

الحمد لله التأشيره طلعت خلاص

الحمد لله

ياريت اعرف اعمل ايه بعد كده

سمعت انه فيه حاجه اسمها تصريح سفر وكمان تصريح عمل

ياريت اعرف الاوراق المطلوبه وكمان منين والوقت

شكرا كتيييييير