كفيلى السعودى يرفض نقل الكفالة

[المكافح]

احبائى الكرام عندى مشكلة صغيرة وارجو مشورتكم

اعمل بالرياض منذ خمس سنوات فى مؤسسة فردية صاحب المؤسسة هو كفيلى الاصلى اى ان التأشيرة التى قدمت بها من مصر كانت علية وبالتالى عملت معة طيلة هذة الفترة ونظرا لكونة لا يعطينى ما استحقة ولا ما يتناسب مع خبراتى فقررت البحث عن عمل اخر وبالفعل وجدت وعندما طلبت منة نقل الكفالة رفض بشدة وخيرنى اما الاستمرار معة او اعطائى تأشيرة خروج نهائى

وانا معى اولادى والوقت وقت مدارس ولا ادرى ماذا افعل الان ؟ وهل من حقة عدم اعطائى نقل كفالة بعد كل هذة الفترة ؟

اجيبونى باللة عليكم

[ahmedarab]

عزيزى المكافح

كان نفسى افيدك لكن للاسف لست اعرف كثيرا عن نظم وقوانين العمل فى السعودية

بس اكيد ناس كتير قوى هنا هيرودو ويفيدك ان شاء الله

تمنياتى لك بالتوفيق للخير بإذن الله تعالى

تحياتى

[muslim4ever]

الاخ مكافح

بصرف النظر عن كونك عملت مع هذا الرجل سنوات عدة فهذا ليس مبرر للانتقال الى عمل اخر

وبما ان المسلمون على شروطهم فانت اتيت الى العمل بمحض ارادتك وبعقد بينك وبين الشخص المذكور فاذا كنت تريد ان تنهى هذا العقد فلك الحرية الكاملة وله الحرية الكاملة ايضا الا ينقل كفالتة الى عمل اخر لسبب بسيط جداً اعتقد انك سوف تقدرة لو انك فى مكان صاحب العمل وهو انه عندما يتنازل عن كفالته لك فهو بذلك يفقد تاشيرة عمل مصرح بها من مكتب العمل والجوازات ولو انها منشاة صغيرة فلن يحصل على تاشيرة اخرى الا بطلوع الروح ولكن عندما يعطيك خروج نهائى يكون له الحق فى استقدام موظفين اخرين على نفس التاشيرة

فاعتقد ياخى انه لا ضرر ولا ضرار

وبما انك قد حصلت على عمل اخر فانه يجب على هذا العمل ان يحضر لك تاشيرة عمل وتنهى علاقتك بالعمل الاول بشكل محترم وحضارى وتاتى الى العمل الجديد بشكل محترم ايضاً

وهناك طريقة اخرى وهى انك تتكلم مع صاحب العمل بشكل ودى واذا كان لك رصيد عنده اكيد لن يقف امامك

والطريق الوحيد لنقل الاقامة بشكل قانونى هو ان يمتنع صاحب العمل او الشركة عن دفع راتبك لمدة 3 شهور فى هذة الحالة انت فى حل من العقد الذى بينك وبينه ومكتب العمل يكون فى صفك بدون نقاش

تمنياتى لك بالتوفيق والسداد

تم تعديل 27 نوفمبر 2007 بواسطة muslim4ever

[khatabmohammed]

الأخ مكافح ليس من حققك نقل الكفالة لأنه كفيلك الأصلى والى انت جى على كفالته من مصر

[مسالم]

تجدون برفقته قانون العمل السعودي .. للمعرفه ..

http://www.mol.gov.sa/mol_site/forms/download_labor.asp

[قاهرى]

الاخ مكافح

والله انا مش عندى معلومات عن قانون العمل السعودى بس هقولك الى بيحصل فى الحالة دى فى الامارات يمكن يكون فية تشابه فى الموضوع ... احنا هنا فى حالة لو الواحد لقى شغل جديد حسب الشغل الجديد دة اما يقولوا جبلى موافقة من كفيلك القديم وفى الحالة دى لازم افاتح الكفيل القديم فى موضوع الشغل الجديد ومن حقة الموافقة او الرفض وفى حالة الرفض وانت سبتة بيعمل عليك حرمان لدخول البلد لمدة 6 شهور او سنة ... وفى بعض الشركات بتكون متمسكة بالشخص الجديد دة ومش بتهتم بموضوع الكفيل القديم وفى الحالة دى الشركة بتقولك هعملك تاشيرة عمل تجى منها من مصر اكنو شغل جديد وفى الحالة دى بتقدم استقالتك من عند الكفيل القديم عادى وبترجع مصر وتيجى على تاشيرة جديدة على المكان الجديد .... فانت شوف هل الشركة الجديدة دى ترضى تعملك تاشيرة جديدة وانزل مصر وبعدها تعالى على تاشيرة جديدة من الشركة القديمة ... ولو فعلا الكفيل بتاعك لى معزة جوة قلبو ليك مش هيعملك حرمان ولا هيعمم عليك وانت برة البلد

ربنا معاك وخد الموضوع هدوأ واتكلم معاة عادى وبهدوأ وانشاء الله خير

[Alex Lover]

الخوف انه بعد ما ينزل مصر الشركة الجديدة متعملوش التأشيرة يبقى لا طال بلح الشام ولا عنب اليمن

[amrhoras]

عزيزى المكافح

مساك الله بالخير

طلب نقل الكفاله لا يتقبله اغلب الكفلاء من الاخوه السعوديين اعتقد انك اتسرعت شويه لما طلبت منه نقل كفاله ومن الجيد جدا انك تنهى عقدك الحالى مع الشركه والحصول على الفيزا فى الشركه الاخرى قبل ان تخطوا اى خطوه واتباع مايلى

- تفويض من الكفيل لمكتب استقدام فى السعودية.

2- تفويض من مكتب الاستقدام فى السعودية لمكتب استقدام فى مصر.

3- أصل أو صورة تذكرة المراجعة .

وذلك من اجل التأكد من جدية هذه الفيزا ثم تقوم بالانهاء ممع التنبيه على عدم اعطائك ممانعه سنتين فهناك من يكره الخير لاخيه كما هو موجود عندى هنا

وتروح وترجع بالف سلامه انشا الله ونسمع اخبارك ديما وتطمنا عليك ان شاء الله

انتهز فرصة اجازات التيرم الاول وقم بالانهاء وربنا ييسر لك ويختارلك كل خير انشا الله

كان نفسي اقدر افيدك اكتر انما انا متابع معاك لانى نفس البروبلم اخى الكريم

اخوك عمرو

[Mohamed Fayek]

الأخ العزيز / المكافح

كلام الأخوة السابق صحيح 100% ... ليه دايما الإنسان بينظر الى مصلحته الشخصية دون اعتبار لمصالح الناس .... ياسيدى الفاضل ضع نفسك مكان كفيلك وفكر كدة عن كيفية التصرف لو مكفولك طلب منك فسخ تعاقده معك .. فماذا ستفعل وخاصة لو انك حتخسر التأشيرة وحيتضرر عملك فهل ستوافق .. اعتقد لا . وعلشان كده بقولك تخرج نهائى بس حاول تاخد شهادة عدم ممانعة وتتأكد من صحة التأشيرة قبل الإقدام على مثل هذه الخطوة وإلا يبقى لاطلت بلح الشام ولا عنب اليمن .. وربنا يوفقك

Mohamed Fayek

[SajedSoft]

ياجماعة يعنى ايه شهادة ممانعة

هو ممكن الكفيل يمنع حد انه يدخل البلد حتى لو جاى بتاشيرة جديدة

[شينكاوي]

السلام عليكم

لعنة الله علي الكفالة فقد فرقت بين المسلمين وجعلت منهم سيد وعبد

اعتقد انه عليك يا مكافح ان تتبع خطوات الأخ عمرو حورس حتي لا تتعرض

للخداع من جانب شركتك الجديدة التي تنوي التحويل اليها وبذلك تكون قد خسرت الشركتين

واعتقد ان قوانين العمل في الكويت هنا اسهل من السعودية بكتيير مع شكوي الكثيرين

وفي النهاية لعنة الله علي الكفالة .

[amrhoras]

ياجماعة يعنى ايه شهادة ممانعة

هو ممكن الكفيل يمنع حد انه يدخل البلد حتى لو جاى بتاشيرة جديدة

ممكن كشكر وتقدير وعرفان بمجهودك يعطيك عممانعه انك تدخل البلد مده سنتين يسلام يكون جزاه الله كل خير ولو بقى اشتريت فيزا حطها فى كاس ميه وبالهنا والشفا

اهم حاجه وانت بتنهى تكون متفق مع الكفيل ويكون بينكم كل ود واحترام صدقونى الاحترام والمعامله الحسنه تخليك تتجنب حاجات كتيير

وابدأوا ديما بالحسنى وان شاء الله خير

عمرو

[se_ Elsyed]

الفايدة الوحيدة من عدم الممانعة هو ان الكفيل القديم لا يقدم ضدك شكوى لو رجعت للمملكة قبل سنتين

لكن لو فرضنا روحت نهائي او حتى خروج وعودة وغيرت جواز سفرك في مصر ورجعت في منطقة تاني غير اللي انت كنت فيها وماحدش اخد باله .. يبقى عييييش ومافيش اي مشكلة يا ريس

[mohammadoto]

ياجماعة يعنى ايه شهادة ممانعة

هو ممكن الكفيل يمنع حد انه يدخل البلد حتى لو جاى بتاشيرة جديدة

[/quo

للأسف نعم بإمكان الكفيل أن يمنعك من دخول المملكة لمدة سنتين لو لم يعطيك شهادة خبرة ومكتوب فيها (ولا مانع لدينا من التعاقد معه مستقبلا ) وطبعا لازم تصدقها من الغرفة التجارية ووزارة الخارجية السعودية علشان متحصلش مشاكل لو اشتكى عليك في القنصلية السعودية بمصر وكمان بامكانه ان يشتكيك بعد ما تيجي تاني على شركة اخرى في خلال السنتين ويسفرك لو حاطك في دماغه أوي يعني لازم تكون هادئ ورزين في الوصول لحاجتك والله يوفقك وينعم عليك وأخيرا ثق تمام الثقة أن كفيلك هذا عبد من عباد الله أكال وليس برزاق الله هو الرازق وقد ضمن لنا الرزق فلا تخش غير الله أبدا واطلب رزقك الحلال بكرامة

[hesham Zahran]

أخوانى المغتربين كان الله معكم فى غربتكم

إستفسارى عنى شهادة الممانعة ، كيف يعرف الشخص إن الكفيل حاطه فى دماغه وإنه ممنوع من دخول المملكة سنتين

أفيدونى أفادكم الله

[عماد حمدي]

وهوه دا ذي ما انتم شايفين إحدي عيوب نظام الكفالة السعودية .... لكل واحد بيدافع عن النظام دا

بص يا ريس خذ نهائي وإرجع تاني

وخد بقا النصيحة دي في العضل كدا

قبل ما تنزل لازم ولابد يكون معاك التأشيرة الجديده في جيبك ومهمول التفويض الإلكتروني كمان قبل ما تنزل وقبل ما تاخد قرار خروجك النهائي .. ولو الكفيل الجديد قعد يقولك انزل انتة بس وملكش دعوه وهظبطك وهعمل وووو ويعملك من البحر طحينة أوعي أوعي أوعي وأنا بحذرك ....

اللهم بلغت اللهم فأشهد لأن موضوعك دا حاسس كدا ان سيناريو بيتعاد تاني قدام عيني والبطل المرة دي فيها هوه أنت مش أنا ..

وبالتوفيق يا جميل ... ومتنساش الإستخارة .. ومش كل ما يلمع بقا ماس .. لأنة ممكن يكون زجاج

تم تعديل 22 يناير 2010 بواسطة EMAD HAMDY

[OmarBak]

سؤال من اخ مش عضو معنا

لو واحد اشتكى كفيله والقضية استمرت سنة مثلا

هل بياخد حقوقه كامله

وهل بيكون معه عدم ممانعة طالما اشتكى ومشت الامور رسمي

يعني يعرف يرجع من غير خوف قبل سنيتن

[عماد حمدي]

سؤال من اخ مش عضو معنا

لو واحد اشتكى كفيله والقضية استمرت سنة مثلا

هل بياخد حقوقه كامله

وهل بيكون معه عدم ممانعة طالما اشتكى ومشت الامور رسمي

يعني يعرف يرجع من غير خوف قبل سنيتن

بص هو غالبا ً المواضيع دي بتاخد وقت كبير من تحقيق ومحاولة صلح ودية وان فشلت بتروح المحكمة الإبتدائية .. لكن لو اتبت في الأمر لصالح العامل فغالباً بياخد كافة حقوقة ومستحقاته من رواتب ومكافاه ترك خدمة وتذكرة سفرة وكل مستحقاتة ياعني ..

لكن هناك شيء هام لابد أن يأخذ في الإعتبار ألا وهو .. ان مكتب العمل والمحكمة الإبتدائية ليس لديها السلطات التي تجبر الكفيل ع نقل كفالة مكفولة الذي تقدم بشكوي ضده في مكتب العمل إلا إذا كانت الشكوي عبارة عن تأخر الرواتب لمدة 3 شهور متتالية .. ففي هذه الحالة من حقة نقل كفالة ..

ملحوظة تانية هامة جدا ً .. ان لو أي حد أخد خروج نهائي عن طريق مكتب العمل وحاول انه يرجع التاني المملكة فبيرجع وممنوع دخولة المملكة لمدة سنتين .. لانه بيتم التعميم عليه .. هذا والله تعالي أعلي وأعلم والساده الأعضاء برده ممكن يأكدوا كلامي هذا أو ينفوه ..

بالتوفيق وأسال الله العلي العظيم أن يفك كربه ويفرج همه وييسر له أمره ,,

اخوك

Omda2006

Emad Hamdy

تم تعديل 18 مايو 2010 بواسطة omda2006

[OmarBak]

سؤال من اخ مش عضو معنا

لو واحد اشتكى كفيله والقضية استمرت سنة مثلا

هل بياخد حقوقه كامله

وهل بيكون معه عدم ممانعة طالما اشتكى ومشت الامور رسمي

يعني يعرف يرجع من غير خوف قبل سنيتن

بص هو غالبا ً المواضيع دي بتاخد وقت كبير من تحقيق ومحاولة صلح ودية وان فشلت بتروح المحكمة الإبتدائية .. لكن لو اتبت في الأمر لصالح العامل فغالباً بياخد كافة حقوقة ومستحقاته من رواتب ومكافاه ترك خدمة وتذكرة سفرة وكل مستحقاتة ياعني ..

لكن هناك شيء هام لابد أن يأخذ في الإعتبار ألا وهو .. ان مكتب العمل والمحكمة الإبتدائية ليس لديها السلطات التي تجبر الكفيل ع نقل كفالة مكفولة الذي تقدم بشكوي ضده في مكتب العمل إلا إذا كانت الشكوي عبارة عن تأخر الرواتب لمدة 3 شهور متتالية .. ففي هذه الحالة من حقة نقل كفالة ..

ملحوظة تانية هامة جدا ً .. ان لو أي حد أخد خروج نهائي عن طريق مكتب العمل وحاول انه يرجع التاني المملكة فبيرجع وممنوع دخولة المملكة لمدة سنتين .. لانه بيتم التعميم عليه .. هذا والله تعالي أعلي وأعلم والساده الأعضاء برده ممكن يأكدوا كلامي هذا أو ينفوه ..

بالتوفيق وأسال الله العلي العظيم أن يفك كربه ويفرج همه وييسر له أمره ,,

اخوك

Omda2006

Emad Hamdy

شكرا لردك يا باشا

انا السؤال الاهم

لو اشتكى وخرج نهائي ودا مش مشكلة هو موافق القضية تستمر حتى لو سنة عادي

هل لو خرج بالطريقة دي بيكون معه عدم ممانعة او يعني اخلاء طرف ويدقر يرجع على طول

[Shimaa shosha]

السلام عليكم ورحمة الله

كفيلي رفض نقل كفالتي بعد انتهاء عقدي مع العلم إني ناقله عليه كفالة من علي زوجي عقدي انتهى وكتبت له خطاب عدم التجديد ولم يعطه لي ولكن أعطاني شهادة خبرة مبين فيها المدة فقط  وبعد انتهاء العقد بأسبوعين ولدت  ابنتي لذا لم أستطيع البحث عن مكان آخر وهو لم يستطع توفير بديل عني فطلب مني ان أعود بشكل مؤقت بالاتفاق لمدة شهر الي ان يوفر بديل ووافقت والآن أريد نقل الكفالة وهو يقول العقد تجدد تلقائي لما رجعت  وأنا غير موافقة أيه الحل وهو يريد ان يشتكي في مكتب العمل موقفي أيه مع العلم اقامتي ستنتهي بعد شهرين

سبب عد التجديد ان زوجي يعمل في بلد أخرى وأريد الذهاب معه فقط 

 

تم تعديل 23 مارس 2020 بواسطة Shimaa shosha
أخطاء املائية