نصيحة لكل الشباب قبل الزواج

[قاهرى]

السلام عليكم ورحمة الله وبركاته

نصيحة الى كل الشباب قبل الزواج !!!!!!!!!!!!11 :sad:

اثبتت الدراسات التي اجريت من قبل ان للشعر الطويل مساوىء عده

اولا :

تستهلك شامبو اسبوعيا اذا هذا صار شعرها ناعم

يعني اذا خشن ضم معاها البلسم وحمام الزيت

يعني تحدد ميزانيه لنظافة شعر زوجتك وحيويته ولمعانه

ثانيا :

تستهلك كميه كبيره من المياه عند غسل شعرها

تقعد تغسل في شعرها بالماية حوالي ساعتين بالكثير لين

تخلص الماية السخنة عنك ويمكن تخلص ماية البيت كلة.

ثالثا :

تستهلك الكهرباء

تقعد تستشور شعرها مده مش اقل من ساعتين

وتسحب من هالكهرباء ومايحتاج الفاتوره جالسة تحسب وانت يامسكين تسدد

رابعا :

في المناسبات والاحتفالات الله يكون في عونك

بتروح الصالون وشعرها طويل يعني لازم تسريحه مش اقل من

الف ريال؟؟

خامسا :

تتعبك نفسيا

يعني اذا جات من عزيمه ووقعت شعره من شعرها

تقعد تنوح اليوم بكبره وتقول حسدوووووووووووووني

وتأخذك وتجرك من شيخ الى شيخ ....

من غير الفلوس الى راح تدفعها حق الزيت والماي المقري فيه وغيره

سادسا :

تتعبك جسديا

راح تلقى شعرها في كل مكان في صحنك وثوبك

واخرتها هتروح في المستشفى لاستخراج الحصوى اللي بمعدتك

ملاحظه : الحصوه شعرها تجمع في معدتك

سابعا :

لازم تعمل اشتراك شهرى مع احد السباكين

طبعا عشان تفتح المجاري المسدوده بسبة شعر زوجتك المصون

اقول واعيد اية بلاوي متلتله

وبعد كل دة

بتقولون

عايز واحده شعرها طويل ؟؟

فى انتظار ردود .... هل تفكر فى زوجة شعرها طويل ؟؟؟؟ :lol:

[miramar]

والمسكينة الي شعرها طويل تعمل ايه

يعني تقصه طيب مش حرام تربيه سنين وسنين وفي الاخر في الزبالة

شكرا يا قاهري على تطفيش العرسان

شكلك كدة ناوي على بنت صلعة

مرمر

[عبدالقادر]

الحقيقة يا اخى العزيز الست المسرفة ممكن تكون مسرفة فى اى اتجاه وليس فقط موضوع الشعر

بس برضه انت مكبر الموضوع اوى عن الطبيعى حاول متفكرش كتير فى الموضوع ده عشان انت لو قستها كده فى كل حاجة هتتعب ومش هتفكر تتجوز قد ما تفكر فى مشاكل الجواز

ربنا يوفقنا جميعا للى فيه الخير

[قاهرى]

شكراااا يا ست مرمر على ذوقك ..... ردك صدمنى بس انا هطلع احسن منك وحش هرد عليكى !!!!

عبد القادر .. الموضوع منقول وانا كمان حطة فى دعوة للابتسامة يعنى مش عارف اعمل اية اكتر من كدة علشان يتفهم ان الموضوع مجرد هزار ...

ارجو يا جماعة ان متغلطوش فى الشخص صاحب الموضوع لمجرد وضع موضوع منقول بشكل كوميدى ,

ولو فى تعلقات تكون على الموضوع نفسة مش على صاحب الموضوع .

يا خسارة بجد

[amrhoras]

لــــون شعرك وبتغيريه ..........

اده انا كنت معدى من هنا سمعت زعيق جيت جرى ايه ياعموا قاهرى مالك ياحاج بس انت قلبت ليه وش جد كدى؟

والله المحاورات صابتها عين :blink:

بس انا راضى مسرفه مسرفه بس شعرها يكون طويل :happy: انا كده عمال احط مواصفات جوزتى فى كل موضوع يعنى اللى تغلط وعوزه تعرف مواصفات فتاة احلامى تدخل على كام موضوع وهى تعرف وتجيلى على ايميل ابيض ف ابيض بما اننا بنتعامل بالايميلات بقى عوضا عن الحمار قصدى الحصان

عجبتني اوى الكلكيعه اللى فى المعده دى :lol: ضمنت انها مش تفلي الجاكته بتاعة البدله كل يوم عن شعر حريمي

انتى فين يا جوزتى بس :wub:

تحياتى عمرو هدوا نفسكم انتو ف الابتسامات مش ف الخناقات

[نانا]

السلام عليكم ورحمة الله وبركاته

جميل من حضرتك إنك تفتح الموضوع ده ولو بنوع من الهزار لكن أنا أريد حقا أن أتكلم بجدية عن هذا الموضوع نذرا لأهميته البالغة ولاننا نجد كثيرا من الشباب يريدون النصيحة الحقيقية قبل الزواج

فإن نصيحتنا للمقبل على الزواج هو وصية رسولنا عليه الصلاة والسلام

(فاظفر بذات الدين تربت يداك) كما أرجو أن تخلص في نيتك، وأن تجعل مراسيم الزواج موافقة لهدى النبي صلى الله عليه وسلم مع ضرورة أن تؤسس علاقتك مع زوجتك على التقوى والإيمان، كما أرجو أن تضع النقاط على الحروف وتبين لأهلك ما تحبه وما ترفضه والفلاح أن يكون كل ذلك حسب أحكام الشرع، ولا بأس من أن تسمع منها وتتعرف على الأشياء التي تهواها وتلك التي ترفضها، ولا بد من تقديم بعض التنازلات ليكون الملتقى في منتصف الطريق، وأرجو أن تقول لها كما قال أبو الدرداء لزوجته ليلة بنائه بها ( إذا غضبتُ فرضني وإذا غضبتِ رضيتك وإلا لم نصطحب). ونحن نتمنى أن يدرك الشباب والفتيات أن الزواج عهد وميثاق ومسئولية وهذا يجعل الجميع يراقب الله في كل تصرفاته.

وهذه بعض الوصايا المختصرة:

1- عليك بكثرة اللجوء إلى الله فإن الخير بيديه.

2- اعلم أن بيوتنا وحياتنا تصلح بطاعتنا لله.

3- احرص على التأسي بالنبي صلى الله عليه وسلم الذي كان يلاطف أهله ويصبر عليهن وهو الذي قال: ( خيركم خيركم لأهله وأنا خيركم لأهلي).

4- حافظ على أسرار بيتك واجتهد في حصر كل مشكلة في إطارها الزماني والمكاني واتفق مع زوجتك على هذا.

5- لا تكثر من اللوم والعتاب وتجنب الكلمات الخارجية فإن الأنثى تحتفظ في ذاكرتها بالمواقف السالبة

6- تذكر أن الرسول صلى الله عليه وسلم أوصى الرجل بالمرأة لكونها أسيرة عنده وضيفة بل إن شريعة الله وضعت عنها بعض التكاليف لضعفها، وأخبرنا صلى الله عليه وسلم : بأنها خلقت من ضلع أعوج وهذا يدعونا إلى احتمال ما قد يحصل والحكمة في التصويب والتصحيح.

7- احرص على اختيار الألفاظ المناسبة والأوقات المناسبة عند الحوار.

8- إبدأ حياتك بصلاة ركعتين وبالأذكار الواردة

9- لا تذكر نساء أخريات أمامها فإن ذلك يثير غيرتها، وتجنب ذكر الملفات القديمة ولا تسألها عن سيرتها الخاصة، وأرجو أن يقبل كل منكما بشريكه كما هو.

وهذه وصيتي لك بتقوى الله،

[vipwithyou]

تعقيبا على كلام الأخ قاهرى

أولا هو حد يطول ان زوجته يكون شعرها طويل دى حاجة

الحاجة التانية بينى وبينك يعنى بس متقولش لحد

أنا الحمد لله كاتب كتابى وبحب خطيبتى جدا المهم

للى لسة متجوزوش يعنى انت بتنصحهم كدة قبل ما يخطبوا يمشوا فى الشارع يشوفوا شعر البنات الأول ولا ايه

ولا فى أول قعدة مع خطيبته يسألها اول سؤال هل شعر طويل ؟ أم لا ؟ وعلى أساس الرد يقبلها زوجة ولا لا

وحاجة تانية مهمه جدا

فاظفر بذات الدين تربت يداك

ومعنى تربت يداك أى امتلأت بالخير الوفير

متفرقش بقى شعرها طويل ولا قصير يا راجل يا طيب

شكرا وسورى على التعليق اذا دايقك

أخوك

تامر السيد

[vipwithyou]

الأخت نانا لم أقرأ تعليقك قبل أن أرد على الأخ قاهرى

لكن بعد أن قرأته أنا مؤيد تماما لكلام حضرتك بجد

بأفكر أضع بعض النصائح للى متجوزين بقى علشان يعيشوا حياة سعيدة باذن الله

أحاول اليوم باذن الله

شكرا

[vipwithyou]

بسم الله الرحمن الرحيم

بصوا يا رجالة والستات ميبصوش علشان مايعرفوش بنخطط لهم ايه

عايزين زوجاتنا ميفكروش فى أى حاجة غيرنا أو أى حاجة

تشغلهم عننا

على فكرة دة تصورى باذن الله لحياتى فى المستقبل ان شاء الله

أولاً لابد أن يكون الزواج عن اقتناع تام وياريت عن حب المهم اقتناع وقبول ورضاء تام من الطرفين

بص بقى الحاجات الخفيفة دى بس للمتزوجين

اولا ياسيدى ممكن قبل ما تنزل الصبح تقبل زوجتك حتى لو هى نايمة ويُفضل لو نايمة

طبعاً متصيحاش علشان تعملك الفطار أساساً الواحد مبيكونش ليه نفس الصبح

( بس هى تبقى جدعة بقى لو هى اللى حافظة على فطارك من نفسها )

أنا يا جماعة بأقول الحاجات دى للمتزوجين علشان محدش يزعل منى

المهم واذا زوجتك كانت صاحية وجهزت لك الفطار قبل ما تنزل الشغل ياريت

وهى بتوصلك للباب علشان تخرج لشغلك تعمل نفسك نسيت حاجة مهمه وتروح

راجع لها وبعد اذنكم واخدها حضن دافئ طبعاً وقبلة خفيفة كدة وتسيبها وتمشى

ثم ممكن اذا انت دخلت الحمام قبلها الصبح تغسل وشك وهى كانت صاحية

وهتدخل وراك الحمام عادى يعنى ممكن تكون أخدت صباع روج من بتوعها

الكتير اللى انت جايبهوملها بس علشان تستخدمهم فى البيت وتروح على

المراية اللى فى الحمام وكاتب لها بحبك يا ... وتكتب الاسم اللى بتحب تسمعة هى منك كدلع لها مثلا

يا سلام بقى لما تسيب لها ورقة فى مكان تعرف انها هتشوفة أول ما تصحى من

النوم على مخدتك مثلاً او على المرايا أو أى حاجة المهم وتكتب لها بحبك برضوا مش هتخسروا حاجة صدقونى

ولا تسيب لها وردة على المخدة بتاعتك اذا نزلت قبل ما تصحى

يا سلام كمان لو اشتريت عصافير من غير ما هى تعرف وخليتها نايمة وجبتهم صحيتها بيهم

ممكن كمان تكونى بتتفرجوا فى السوق وتعجبها حاجة معينه بس خليها تحس انك مش عايز تشتريهالها ومتشتريهاش

فى وقتها لأى ظروف ممعكش فلوس أو حتى مش مقتنع بيها أو متشتروهاش وخلاص

فى الوقت دة بس بعد يومين أو ثلاثة فاجأها بانك اشتريت الحاجة اللى

حبتها دى من غير متكون عارفة انك هتيجبها لها

ياريت وانت فى الشغل لما تعرف انها بتصحى فى وقت معين يا سلام تروح متصل

بيها وتقولها حبيبتى وحشتينى وكنت عايز أسمع صوتك ومقدرتش أستنى لما

أرجع على الغداء وتكون باقى لك بس حتى نصف ساعة وتروح كويس

حاول تحسسها انها هى اللى ماسكة ميزانية البيت مش شرط تكون هى فعلاً

ماسكاها لكن هما فعلاً بيوفروا وياسيدى لو عايز انت حاجة خليها تجيبهالك

( بعض السيدات بيحبوا كدة والبعض الآخر مبيحبوش يشغلوا دماغهم بالمصاريف )

صدقونى كلكم فى ايدينا نعيش حياة سعيدة بأبسط الأشياء ومش شرط تكون

الحالة المادية عالية لكن أنا متأكد ان الحنان وحدة يكفى ان زوجتك

متتمناش من الدنيا حاجة تانية غير رضاك عنها وحبك ليها صدقونى

واللى عندة رأي تانى يقولهولى يمكن أنا عايش فى الخيال

أشكركم واذا فى جديد ها أقولكم عليه

أخوكم

تامر السيد

تم تعديل 1 ديسمبر 2007 بواسطة vipwithyou

[seeem]

بسم الله الرحمن الرحيم

بصوا يا رجالة والستات ميبصوش علشان مايعرفوش بنخطط لهم ايه

عايزين زوجاتنا ميفكروش فى أى حاجة غيرنا أو أى حاجة

تشغلهم عننا

على فكرة دة تصورى باذن الله لحياتى فى المستقبل ان شاء الله

أولاً لابد أن يكون الزواج عن اقتناع تام وياريت عن حب المهم اقتناع وقبول ورضاء تام من الطرفين

بص بقى الحاجات الخفيفة دى بس للمتزوجين

اولا ياسيدى ممكن قبل ما تنزل الصبح تقبل زوجتك حتى لو هى نايمة ويُفضل لو نايمة

طبعاً متصيحاش علشان تعملك الفطار أساساً الواحد مبيكونش ليه نفس الصبح

( بس هى تبقى جدعة بقى لو هى اللى حافظة على فطارك من نفسها )

أنا يا جماعة بأقول الحاجات دى للمتزوجين علشان محدش يزعل منى

المهم واذا زوجتك كانت صاحية وجهزت لك الفطار قبل ما تنزل الشغل ياريت

وهى بتوصلك للباب علشان تخرج لشغلك تعمل نفسك نسيت حاجة مهمه وتروح

راجع لها وبعد اذنكم واخدها حضن دافئ طبعاً وقبلة خفيفة كدة وتسيبها وتمشى

ثم ممكن اذا انت دخلت الحمام قبلها الصبح تغسل وشك وهى كانت صاحية

وهتدخل وراك الحمام عادى يعنى ممكن تكون أخدت صباع روج من بتوعها

الكتير اللى انت جايبهوملها بس علشان تستخدمهم فى البيت وتروح على

المراية اللى فى الحمام وكاتب لها بحبك يا ... وتكتب الاسم اللى بتحب تسمعة هى منك كدلع لها مثلا

يا سلام بقى لما تسيب لها ورقة فى مكان تعرف انها هتشوفة أول ما تصحى من

النوم على مخدتك مثلاً او على المرايا أو أى حاجة المهم وتكتب لها بحبك برضوا مش هتخسروا حاجة صدقونى

ولا تسيب لها وردة على المخدة بتاعتك اذا نزلت قبل ما تصحى

يا سلام كمان لو اشتريت عصافير من غير ما هى تعرف وخليتها نايمة وجبتهم صحيتها بيهم

ممكن كمان تكونى بتتفرجوا فى السوق وتعجبها حاجة معينه بس خليها تحس انك مش عايز تشتريهالها ومتشتريهاش

فى وقتها لأى ظروف ممعكش فلوس أو حتى مش مقتنع بيها أو متشتروهاش وخلاص

فى الوقت دة بس بعد يومين أو ثلاثة فاجأها بانك اشتريت الحاجة اللى

حبتها دى من غير متكون عارفة انك هتيجبها لها

ياريت وانت فى الشغل لما تعرف انها بتصحى فى وقت معين يا سلام تروح متصل

بيها وتقولها حبيبتى وحشتينى وكنت عايز أسمع صوتك ومقدرتش أستنى لما

أرجع على الغداء وتكون باقى لك بس حتى نصف ساعة وتروح كويس

حاول تحسسها انها هى اللى ماسكة ميزانية البيت مش شرط تكون هى فعلاً

ماسكاها لكن هما فعلاً بيوفروا وياسيدى لو عايز انت حاجة خليها تجيبهالك

( بعض السيدات بيحبوا كدة والبعض الآخر مبيحبوش يشغلوا دماغهم بالمصاريف )

صدقونى كلكم فى ايدينا نعيش حياة سعيدة بأبسط الأشياء ومش شرط تكون

الحالة المادية عالية لكن أنا متأكد ان الحنان وحدة يكفى ان زوجتك

متتمناش من الدنيا حاجة تانية غير رضاك عنها وحبك ليها صدقونى

واللى عندة رأي تانى يقولهولى يمكن أنا عايش فى الخيال

أشكركم واذا فى جديد ها أقولكم عليه

أخوكم

تامر السيد

استاذ تامر. مش عارف اذا كنت اتجوزت ولا ليه لكن اسمحلي اقول انك جوابك لذيذ جدا وفعلا بيجيب نتيجة هايلة ((عن تجربة))

اما عن موضوع الشعر فطبعا طويل حتى لو خسرت نصف الميزانية .....

[قاهرى]

الاخوة الاعزاء جميعاااااا .. والله انا مقتنع جدا بالكلام الى كتبتوه ان اهم حاجة فى اختيار الزوجة هى صاحبة الاخلاق والدين الطيب ((فاظفر بذات الدين تربت يداك) طبعاااااااااااا

اما بالنسبة لناحية الشعر بالعكس انا اتمنى جدااااااااااااا جدا جدااااا ان تكون زوجة المستقبل شعرها طويل لانى بحب الشعر الطويل اساسا الشعر الطويل دة تاج المرة

بس يا جماعة انا مش عارف انتى لية مش بتفرقوا بين الاسلوب الكوميدى والحقيقة . انا حاطط الموضوع فى دعوة للابتسامة .. يعنى الموضوع كوميدى .. دة غير طبعا ان الموضوع فية شىء من الهزار فى المصاريف الى هتتصرف لو زوجتك شعرها طويل (طبعا الموضوع فية مبالغة) بس هو اساسا موضوع كوميدى مش اراء شخصية او وجه نظر صاحب الموضوع

انا يا استاذ تامر مش كاتب الكلام دة بغرض اخلى الخطيب يسال خطبتو ازاى كان شعرها طويل ولا لا وبعدها يتجوزها اكيد لا طبعا مش دى نيتى فى كتابة الموضوع .. وبيتهيالى انت عارف بردوا كدة . بس مش عارف لية التعليقات السلبية على الموضوع من الناحية الحقيقة .. لو كونت انا كاتب الموضوع فى جزء المواضيع الجادة او بقولكم الموضوع بصورة مش منقولة .. تبقوا تهجمونى بالشكل دة لكن والله انا بهزررررررررررررررررر .. اية يا جماعة

مدام نانا متقبل جدا كلمك انك عرفة ان الموضوع فية نوع من الهزار واحب اضافة الجزء الحقيقى فى النصائح للشباب المقبل على الزواج الى انا منهم انشاء الله تعالى

وانا كمان هحاول اضيف نصائح حقيقية للشباب من وجه نظرى الشخصية زى نصائح ا/ تامر كدة

واعزرونى لو كونت رديت رد غير مناسب مع اى حد من الاعضاء وارجو ان محدش يزعل منى علشان رديت علية رد قاسى شوية .. بس بجد انا زعلت ان لقيت معظم التعليقات اكنى كاتب الموضوع على انها افكار شخصية وان دى بجد نصايح للشباب مش موضوع فية نوع من الكوميديا والهزار

شكرا لجميع الاعضاء المحترمين

[vipwithyou]

انا يا استاذ تامر مش كاتب الكلام دة بغرض اخلى الخطيب يسال خطبتو ازاى كان شعرها طويل ولا لا وبعدها يتجوزها اكيد لا طبعا مش دى نيتى فى كتابة الموضوع .. وبيتهيالى انت عارف بردوا كدة . بس مش عارف لية التعليقات السلبية على الموضوع من الناحية الحقيقة .. لو كونت انا كاتب الموضوع فى جزء المواضيع الجادة او بقولكم الموضوع بصورة مش منقولة .. تبقوا تهجمونى بالشكل دة لكن والله انا بهزررررررررررررررررر .. اية يا جماعة

ماشى يا سيدى هذر براحتك اصل الحوار فيه نصيحة للشباب قبل الزواج فكيف يعرف شعرها قبل الزواج باعتبار ان الشاب يبحث عن ذات الدين فلن يعرف شعرها طويل ام قصير قبل الخطوبة صح كلامى ولا لا ؟؟

دة اللى خلانى أرد كدة ومتزعلش منى يا سيدى

احنا اخوات

اخوك

تامر السيد

[نانا]

السلام علكمةوحمة الله وبركاته

جميل جدا كلام حضرتك أستاذ vipwithyou

آسفةما أعرفش اسم حضرتك فعلا كلام حضرتك صح آسفة إني بصيت بس فعلا كلام حضرتك جميل جدا وأنا موافقاك إن الست مش بتبقى عايزة أي حاجة غير الحب والحنان لو حبت جوزها بجد بتديله كل حاجة وبتكون مثال للزوجة الصالحة لكن أهم حاجة يقدر الزوج يحافظ على ده بعد الزواج مهما طالت المدة ما تكونش في الأول بس بجد ده هيحقق سعادة تقدر تتغلب على كل مشاكل الحياة

والأستاذ قاهري والله إحنا عارفين إن كلام حضرتك نوع من الهزار وأنا عن نفسي ضحكت جدا أول ما قرأته لكن حبيت أتكلم في الموضوع ده بشكل واقعي لأنه مهم وبشكر حضرتك إنك لفت نظرنا وخليتنا نتكلم في موضوع مهم جدا لأي حد

وأنا نانا من غير مدام أنا لسة شوية على مدام

[vipwithyou]

انا كنت بأهزر فى ان السيدات ميبصوش بس ياريت كمان الفتيات يبصوا لأن ممكن يكون فى زوج مش واخد بالة من الحاجات الخفيفة دى

ودة مبيكونش غلط ولا حاجة بس ما بيكونش بيفكر غير فى شغلة والدنيا ومشاكلها

بس برضوا يا جماعة يا فتيات مش كل حاجة على الزوج يعنى ابقوا كبروا دماغكم شوية يعنى ميبقاش تفكيركم فى بعض الأحيان تفكير العصافير

لأن ضغط الحياة أكيد انكم عارفين انه بيكون أكتر على الزوج لكن لما يحس ان زوجته شايلة همه وتفكر لمستقبلهم وحياتهم مع بعض

أكيد هياخد باله منها كويس ويقول دى فعلا بنت الحياة اللى بتكمل معاه مشوار عمرة كله

وبلاش مشتريات ملهاش لازمة ها ؟؟ صح ولا لا ؟؟ مش لازم كل شوية برفانات ومكياج وكلام من دة

بأهزر طبعاً بس على حسب ظروف الزوج وميكونش فى ضغط عليه أرجوكم

شكرا لكم

أخوكم

تامر السيد

[vipwithyou]

ايه رأيكم يا جماعة كل واحد يقول الأفكار اللى عندة وياريت الفتيات يشاركونا علشان تكون الحياة سعيدة بين الزوجين وبالتالى الحياة العامة على أثرها هتكون بالتأكيد سعيدة

[نانا]

فيه حاجات أساسية طبعا للحياة الزوجية إنها تقوم على البر والرحمة والحاجة اللي شخصية بالنسبالي وتعتبر اهم حاجة بالنسبالي الصراحة سواء بين الزوجين أو اللي لسة بادئين حياتهم لو فيه صراحة هيبقى فيه كل حاجة حلوة والصدق في المشاعر والأفعال والوضوح دول اهم حاجة لانهم مفاتيح أي شخصية وأي شخصية لازم تكون باينة أدام الطرف الآخر بكل ما فيها عيوب ومميرزات واللي أقدر اقوله كمان إن لو فيه صراحة بين الطرفين وكل طرف مقدر أوي النقطة دي عند الطرف التاني بجد ممكن يغفرله أي عيوب في شخصيته وهيكون في نظره أكمل إنسان طالما فيه حب وإخلاص دي أهم حاجة في رأيي

لكن طبعا فيه أمور لازم نعديها وأمور مش لازم أبدا نقولها زي مثلا لو واحد شاف بنات كتير حلوة ما ينفعش يقول لخطيبته أو زوجته أنا شوفت أحلى منك كتير لكن حبيتك إنتي آي نعم ممكن يكون قال إنه حبها في سبيل رضاها لكن بيكون في الحقيقة ما ركزتش على حبه ليها أد ما ركزت على إنه شاف أحلى منها ممكن تداري لكن بيأثر في نفسيتها بجد الواحدة بتبقى عايزة تحس إنها اللي ملت عيوون زوجها أو خطيبها وإنها أجمل واحدة شافها أو ملت عينه بمعنى أصح

وطبعا ده يكون بردو من ناحيتها ما تقولش شوفت أجمل منك أو عاجبني حاجة في شخص معين مش موجودة فيك وهكذا

الصراحة بتكون في صفات أو مشاعر أو كلام لكن في مواضيع زي اللي قولتها ما ينفعش تتقال

بردو لازم يكون متوفر بجانب الطرفين ناحية الغفران لخطأ معين مش مستاهل إنه يبقى مشكلة كبيرة ولازم كل طرف يقدر لحظات الغضب عند الطرف التاني والموضوع ده محتاج تقدير جامد ومتساوي سواء كان الطرف رجل أو ست

ده أهم حاجات جات في بالي دلوقتي واللي بتكون مهمة جدا من ناحية تفكيري

[vipwithyou]

فيه حاجات أساسية طبعا للحياة الزوجية إنها تقوم على البر والرحمة والحاجة اللي شخصية بالنسبالي وتعتبر اهم حاجة بالنسبالي الصراحة سواء بين الزوجين أو اللي لسة بادئين حياتهم لو فيه صراحة هيبقى فيه كل حاجة حلوة والصدق في المشاعر والأفعال والوضوح دول اهم حاجة لانهم مفاتيح أي شخصية وأي شخصية لازم تكون باينة أدام الطرف الآخر بكل ما فيها عيوب ومميرزات واللي أقدر اقوله كمان إن لو فيه صراحة بين الطرفين وكل طرف مقدر أوي النقطة دي عند الطرف التاني بجد ممكن يغفرله أي عيوب في شخصيته وهيكون في نظره أكمل إنسان طالما فيه حب وإخلاص دي أهم حاجة في رأيي

لكن طبعا فيه أمور لازم نعديها وأمور مش لازم أبدا نقولها زي مثلا لو واحد شاف بنات كتير حلوة ما ينفعش يقول لخطيبته أو زوجته أنا شوفت أحلى منك كتير لكن حبيتك إنتي آي نعم ممكن يكون قال إنه حبها في سبيل رضاها لكن بيكون في الحقيقة ما ركزتش على حبه ليها أد ما ركزت على إنه شاف أحلى منها ممكن تداري لكن بيأثر في نفسيتها بجد الواحدة بتبقى عايزة تحس إنها اللي ملت عيوون زوجها أو خطيبها وإنها أجمل واحدة شافها أو ملت عينه بمعنى أصح

وطبعا ده يكون بردو من ناحيتها ما تقولش شوفت أجمل منك أو عاجبني حاجة في شخص معين مش موجودة فيك وهكذا

الصراحة بتكون في صفات أو مشاعر أو كلام لكن في مواضيع زي اللي قولتها ما ينفعش تتقال

بردو لازم يكون متوفر بجانب الطرفين ناحية الغفران لخطأ معين مش مستاهل إنه يبقى مشكلة كبيرة ولازم كل طرف يقدر لحظات الغضب عند الطرف التاني والموضوع ده محتاج تقدير جامد ومتساوي سواء كان الطرف رجل أو ست

ده أهم حاجات جات في بالي دلوقتي واللي بتكون مهمة جدا من ناحية تفكيري

أنا مؤيد تماما كلام الأخت نانا بإن الصراحة أهم حاجة بين الزوجين

وفعلا بجد بجد بجد يدايق الزوج جدا ان زوجته أو حتى خطيبته تذكر له صفة عجبتها فى شخص آخر حتى لو كانت متوفرة فيه لكن الغيرة دى حاجة فى نفس الإنسان ميقدرش يغيرها وكمان متبينلوش انها بتحب فنان معين لأن دة أكيد هينرفزة حتى لو شرحت له انها بتحب فقط أغانيه

دى ملحوظة مؤقتاً ردا على نانا لغاية لما نحضر بقى حاجات مهمه للسعادة الزوجية

شكرا

أخوكم

تامر السيد

[vipwithyou]

طيب أقولكم أحسن 33 حاجة فى الدنيا

يلا بس ادعولى بقى

1 - انك تحب وتتحب

2 - انك تضحك لدرجه ان عينك تدمع من كتر الضحك

3 - انك تاخد حمام دافئ بعد يوم عمل شاق

4 - انك تستقبل جوابا تنتظره من فتره

5 - انك تدخل السرير في عز البرد و تنام في الدفا علي صوت المطر

6 - انك تجد الجاكيت اللي كان نفسك تجيبه بنصف السعر

7 - انك تشرب نيسكافيه أو كاكاو سخن و انت بردان

8 - انك تملأ البانيو , و تحط فيه صابون , و تنط ....

9 - ان حد يقولك " قد ايه انت هايل و جميل" .. ويا سلام لو الحد دة زوجتك ؟؟

10 - انك تقعد تحكي و تتكلم مع صديق بتحبه

11 - انك تصحي الصبح بدري علشان تروح الشعل , تبص في الساعه تلاقي ان لسه قدامك ساعه تنام فيها

12 - انك تحط ايدك في جيب الجاكيت اللي بقالك سنه ملبستوش و تلاقي فيه 20 جنيه

13 - انك تسمع اول كلمه حب في حياتك

14 - انك تجيب العصافير أو الحيوانات الأليفة اللي كان نفسك فيهم و تقضي وقتك كله و انت بتلعب معاهم

15 - انك تحلم حلم جميل

16 - انك تتمرجح علي المرجيحه الي بتحبها وياسلام برضوا لو الزوجة موجودة

17 - انك تدخل فيلم رومانسي مع حبيبك ( زوج أو زوجة ) طبعا ً

18 - انك تشوف الفرحه في عيون صديق اول حبيب لما تجيب له الهديه الي كان عايزها من زمان

19 - انك تكسب في مسابقه ( زى ما أنا كسبت فى القرعة الأخيرة للأراضى كدة وعيطت وأنا بأشوف اسمى )

20 - انك تدخل المطبخ و تعمل الاكله الي انت بتحبها بنفسك و تستمتع بأكلها

( دا طبعا ً مش للرجالة علشان مبنعرفش نعمل حاجة غير البيض المسلوق دا اذا كمان ماباظش مننا )

21 - انك تمسك ايد حبيبك ( زوجة أو زوجة )

22 - انك تقعد وقت الغروب في وسط الغيطان و تتفرج علي الساقيه ( أحلام طبعاً لكن لنحلم وباذن الله يتحقق الحلم )

23 - انك تلاقي حد يضحكك و انت دموعك علي خدك - يااااااه بجد بترتاح وقتها جدا ً

24 - انك تقعد علي البحر وقت الشروق أو الغروب المهم فيه بحر وخلاص

25 - انك تلاقي حد يطبطب علي ظهرك وانت مضايق

26 - انك تشرب حاجه ساقعه قوي في يوم حر قوي

27 - انك تلاقي حد ينظر لك النظرة الخاصه اللي كنت بتتمناها

28 - انك تلاقي حد يلمسك بحنيه ... في الوقت اللي انت محتاج فيه حنيه

29 - انك تشرب حاجه سخنه و انت واقف تحت المطر

30 - انك تاخد راحه و تتمشي في الجنينه وسط الخضره

31 - ان حد يعملك مفاجأه جميله

32 - انك تصحي من النوم كل يوم الصبح , و تبتسم , و تشكر ربنا علي يوم تاني جميل هاتعيشه ان شاء الله

33 - أهم من دا كله انك تكون راضى عن نفسك

---- والاهم بقى انكم كلكم تكونوا راضيين عنى هههههه دى أهم حاجة خلوا بالكم

أخوكم

تامر السيد

تم تعديل 1 ديسمبر 2007 بواسطة vipwithyou

[vipwithyou]

أما بخصوص ما أطلبة من الأزواج لتكون حياتهم صعيدة فلنناقش الشباب لماذا لا يفعل كل منا ما قلته فى مشاركتي السابقة من

رعاية وحنان لزوجته

ماذا يطلب الرجل من الزوجة ليفعل لها كل ذلك ؟

اولاً أن تكون له العون فى الحياة الصعبة ولو بمجرد الكلمة لن تعينه مادياً لكن احساسة بخوفها على حياته العملية يدفعة للتقدم فيها

ايه تانى عايزة الراجل من زوجته انها تكون الوجة الحسن له طيب ازاى

وتربية الأولاد وتجهيز الأكل وتنظيف البيت والبصل والكلام دة وعايزها تكون

الوجه الحسن له أيوة بأقولك ممكن جداً بسهولة ان شاء الله أولاً أنا لست مع

عمل المرأة ليس لمجرد منع المرأة من العمل ولكن لصيانتها من الشوائب

الموجودة فى سوق العمل بالتالي تكون المرأة فقط لزوجها وأولادها طيب

متقدريش فى الساعات بتاعة الصبح اللى زوجك فيها تكون جهزتى كل حاجة

الاول أنا عارف الستات شاطرين جداً وخصوصاً فى الأكل أنا متغرب وعارف بالتالى موضوع

الأكل قضية منتهية وكمان تقدرى تخلى البيت جنه فى نصف ساعة أو ساعة بالكتير

وياستى لو فى حاجة ثقيلة فى البيت أكيد البيه ( احم يا رجاله إنتوا فين ) مش هيأخر انه يساعدك فيها

من غير ما تطلب الزوجة طبعا يا جماعة ولا ايه ؟

بس كملى الأول يبقى كدة خلصتى موضوع الأكل وكمان الأولاد مش هياخدوا منك

حاجة ثانى أهم حاجة تخلى بالك من وزنك يعنى ايه يعنى أروح النادى ألعب

رياضة لا ياستى لو ظروف زوجك متسمحش اعملى رياضة فى البيت ودة سهل جداً

بس احنا اللى بنكسل غير ان ممكن خروج بالليل للفسحة ويكون فيها مشى

شوية يحرق أى أكل أكلناه المهم ان الست تخلى بالها من نفسها وصحتها بس

مش طول النهار قدام المرايا ماشى يا فتيات طيب لما يرجع الراجل للبيت ويلاقى الأكل

جاهز دى أهم حاجة طبعاً أصلنا مفاجيع أنا عارف ويلاقى زوجته بتقولة حمدالله

بالسلامة يا حبيبي وتجري عليه على انه وحشها ولا هو وحشها ولا حاجة لكن

تعمل كدة وخلاص صدقونى يا جماعة لو هو متدايق ومتنرفز من الدنيا كلها بس

بمجرد اللقاء دة لازم حالته النفسية تتغير فوراً صدقونى والله ودة ميمنعش

برضوا انها كل شوية كدة تعملة أى حاجة من اللى قلناها يعنى وردة ولا صنية بسبوسة

أو حلة محشى مسبكة كدة مع لحمة ضانى المهم كدة أى حاجة

وبالنسبة لصحيان الزوجة لإفطار زوجها دا مش ضرورى قوى لأننا ما بنفطرش اصلا لكن اذا حصل بيخلى يوم الزوج رائع من بدايته

على فكرة يا جماعة والله أعرف واحد صاحبى متزوج وواحدة كمان مكانش بينه وبينها حب قبل

الجواز لكن هو راعا ربنا فيها وهى كمان بتراعى ربنا فيه تعرفوا يا جماعة هو عارف الوصفة السحرية دى مني قبل الجواز

ومكانش متخيل انه هيقدر يعمل كدة حتى من قبل الجواز لكن بيقولى أهه بعد سنه انه بيعمل كدة فعلاً

ولو يقدر يعمل أكتر من كدة كان عمل تخيلوا بيقولي ان مرة هو بس

رجع البيت بالليل زهقان من قرف الدنيا والشغل والناس وكدة ودة طبيبعي وكلنا بنتعب بس هو فى اليوم دة كان عندة صداع بسيط شوية

وبس مجرد قال لزوجته أنا ها أنام شوية علشان عندى صداع تخيلوا بيحلف ليا

انها فضلت صاحية جمبة وهو نايم وهى بتعيط لغاية الساعة الواحدة والنصف بالليل لما فاق ولقيها بتعيط مصدقش نفسة

وسألها خير فى ايه هو فاكر ان فى حاجة كبيرة حصلت لكن تقوله انها خايفة عليه وبتعيط علشان هو نام وعندة صداع

شوفوا بقى طيب هو يعمل ايه ؟ تعرفوا بيقولى والله وقتها نسى الصداع ونسى الدنيا كلها وافتكر زوجته وبس فسهل يا جماعة نعيش حياة سعيدة

ومن غير غرامة لأن الكلام الحلو مش بالفلوس بس فعلاً كلمة واحدة حلوة ممكن تخلى زوجتك عايشة أسعد أيام حياتها وأهى كلمة مش هتكلفك حاجة

وهى كمان تحاول متقصرش فى حقك ولا فى نفسها وتعيشوا كلكم حياة سعيدة

أشكركم وحاسس انى طولت عليكم

أخوكم

تامر السيد

تم تعديل 1 ديسمبر 2007 بواسطة vipwithyou

[قاهرى]

اية يا عم تامر الكلام الحلو دةةةةة كلووووووووووووووو احنا مش قد الرومانسية دى .......

بجد فعلا الحب دة من اجمل حاجة ربنا خلقها فى الدنيا .. الانسان لما بيحب وحدة او الانسانة لما بتحب واحد بيبقى كل طرف فيهم مستعد يديلو عيونو للطرف التانى بس هو يرضى .. انت عارف فعلا الكلمة الحلوة ليها تاثير كبير على الزوجة وياسلام لما بتكون من القلب وبجد حاسسها هى هتستمتع بيها اوى وانت كمان هتستمتع بيها وبحب حببتك بالكلمة دى ... المفاجأت : مفيش زوجة مش بتحب المفاجأت يعنى طبعا دى على حسب قدرة الزوج يعنى ممكن يجبلها وردة مرة مرة تانية يجبلها حاجة كانت نفسى فيها لو ربنا مثلا كرموا زى موبيل او حاجة تانية ..... ويا سلام على الزوجة لما يكون جوزها راجع من الشغل تكون عملالو كيك او بسبوسة او حاجة حلوة علشان لما يجى يريح كدة تقدمهالو مع كباية الشاى الجميلة

لا ويا سلام لو هو باء بعد لما اكل وشرب الحجات الحلوة دى يقولها تسلم ايديك يا حببتى ويبوس ايدها .. دى تخليها مبسوطة اكتر واكتر

بس انا ليا سوال هى الحجات دى كلها حجات حلوة وجميلة واى انسان فى الدنيا كلها بيكون فعلا بيحب مراتو بيعملها ولو حتى جواز تقليدى بيعملها .. بس السوال هنا ( ازاى الواحد يحافظ على الحب الجميل دة لية الواحد بعد الجواز بفترة كبيرة مش بيعمل كدة ؟ ولية بردوا اهتمام الزوجة بزوجها بعد الجواز بفترة مش بيكون زى الاول؟ وازاى الواحد يعرف يحافظ على الحب دة بدون ميكون بيعمل حاجة مجرد علشان يريها وبس .؟ طبعا السووال موجه للناس الى متجوزين وعندهم خبرة فى الموضوع دة....

بجد تامر باشاااااا وانسة نانا (اسف طبعا على مدام) وانشاء الله نبقى انا وتامر او 2 نباركلك لما تتجوزى)

شكرااااااا بجد لهتمامكم بالموضوع شكرا للنصايح دى وفى انتظار ردود على اسالتى والمزيد من النصايح الى بتزيد الحب بين الزوجين ,,,,

قاهــــــــــــــــــــــــــــــــــــــــــــــــــــــرى