الاسلام و المسلمين في كندا

[هشام الكندي ان شاء الله]

بسم الله الرحمن الرحيم

ساحدثكم اليوم عن تاريخ الاسلام و المسلمين في كندا

بعدما اعلن عن قيام دوله كندا عام 1867 اكتشف السكان وجود نحو 13 مسلما هناك منذ ما يقرب اربعه اعوام و لا زال سر وجودهم من الامور الغريبه حيث ان اول من اسس كندا كانوا اوروبيون و لم يكن بينهم مسلم واحد تقريبا, سبحان الله! وقد تم تاسيس اول مسجد اسلامي في ادمونتون عام 1938 بعد وجود نحو 700 مسلم في كندا

و يمثل الجاليه المسلمه في كندا بعض المؤسسات منها

the Canadian Islamic Congress

the Muslim Association of Canada

the Canadian Muslim Union

هذا و لم يواجه المهاجرون المسلمون الي كندا تلك الصعوبات التي واجهها اخوانهم المهاجرون الي اوروبا لعده اسباب:

1- انهم جاليه من ضمن عده جاليات اخري منهم الهندوس و اليهود و الكونفشيوسيين و العلمانيين

2-كندا ليست مجتمع صليبي بحت مثل اوروبا

3- كندا لم تتعرض حتي اليوم لاي اعتداء من دوله عربيه او مسلمه بعكس اوروبا التي ذاقت الامرين من المسلمين الترك في زمن الدوله العثمانيه و مسلمي المغرب في الاندلس

و قد زاد عدد المسلمين بشكل ملحوظ في كندا في الاونه الاخيرة لعده اسباب

1- الحروب التي يشهدها العالم الاسلامي في لبنان و العراق و فلسطين و الصومال و البوسنه

2- فقر الكثير من البلدان الاسلاميه مما اضطر شبابها الي السفر للخارج

3- اعتناق عدد ليس بقليل للاسلام من غير المسلمين في كندا

اماكن تمركز الجاليه الاسلاميه في كندا:

ما لا تخطئه عين هو تمركز الجاليه المسلمه في كندا في كيبك و بريتش كولومبيا

و اليكم توزيع السكان المسلمين في كندا عام 2001 و عام 2017 باذن الله يكونوا اكثر من الاحصائيات الرسميه

Muslim Population 2001 2017

Canada 579,700 1,421,400

Atlantic Provinces 5,300 14,500

Alberta 49,300 100,300

Quebec 103,900 247,600

Manitoba 4,900 12,100

Saskatchewan 2,000 4,700

British Columbia 57,200 131,100

Ontario 356,700 910,600

خبر سار للاخوات المهاجرات الي كندا:

حريه ارتداء الحجاب مكفوله رسميا و بالدستور لكل فتاه او امراه مسلمه

اخيرا النصائح:

الي كل من حصل علي الفيزا الي كندا

الي كل من يفكر في الهجرة الي كندا

اول شئ يجب ان تفعله عند وصولك ان تبحث عن المسجد جيدا ثم تبدا البحث عن سكن قريب من المسجد و ليس العكس حيث ان اخوانك المسلمين سوف يساعدونك كثيرا حتي و لو معنويا و هو المطلوب

ستتزوج امراه مسلمه منهم و تعفها بذلك حيث ان الاخوات هناك لا يجدن مسلما يتزوجون منه, بدلا من ان تتزوج امراه محدش عارف اصلها و لا فصلها و لا حتي دينها

ستربي اولادك مع اولاد المسلمين, حتي و ان كانوا مش كويسين فاهو افضل من تربيتهم مع كفار

صح و لا ايه؟

اعتبر نفسك قبل ان تكون مهاجر انك سفير!

نعم سفير لدين الله الاسلام في كندا

لا تخاف من قول كلمه الحق و قولها امامهم حتي يعرفوا ان الاسلام دين الحق

اظهر تعاليم دينك امام الجميع حتي يسالوك عن دينك علهم يامنوا علي يديك

صلي في اماكن العمل و امام اصدقائك و كن حسن الخلق حتي يعرفوا ما هو الاسلام الحق

لا تنغلق علي نفسك بحجه انهم كفار, اختلط معهم لكن بذكاء و انتقي افضلهم خلقا فمن الكفار ايضا من هو حسن الخلق و منهم الردئ الخلق, فصاحب حسن الخلق و ادعوه الي منزلك و صلي الصلاه في وقتها امامه و اظهر له اكرام الضيف و حسن الخلق

عاشر جيرانك بادب الاسلام

لا تنسي مرة اخيرة انك ان اخطئت في هذه البلاد لن يقولوا فلان اخطئ لانه بشر لكن سيقولوا اخطأ لانه مسلم فاتقي الله في دينك

اخوكم

هشام الكندي ان شاء الله

[مصرية و مغتربة]

موضوعك جميل يا هشام شكرا ليك وياريت المزيد من المشاركات الفعالة.

[Automatic]

اخيرا النصائح:

حتي و ان كانوا مش كويسين فاهو افضل من تربيتهم مع كفار

لا تخاف من قول كلمه الحق و قولها امامهم حتي يعرفوا ان الاسلام دين الحق

لا تنغلق علي نفسك بحجه انهم كفار, اختلط معهم لكن بذكاء

مين بالظبط بيعتبر كافر؟

ممكن أقولهم وبصراحه أنهم كافرون و ومصيرهم جهنم؟ ÷ي دي الحقيقه؟

طيب سؤال تاني خطر علي بالي, ايه رأيك في مساعده الفقره الكافرين؟ يعني هما برده محتاجين وكمان الكافرين القادرين بيساعدو كل الناس بغض النظر عن دينهم. فهل أحنا ممكن نساعد الكافرين ولا نخلي مساعدتنا للمسلمين فقط؟

[لؤلؤة]

حريه ارتداء الحجاب مكفوله رسميا و بالدستور لكل فتاه او امراه مسلمه

دي حاجة جميلة بس يا تري النقاب ممنوع و لا مسموح بيه

[arad]

الفاضل arad..

عقب مداخلات سابقة تم توجيه تلك الرسالة لحضرتك :

برجاء كتابة تعليقاتك باللغة العربية حتي نستطيع جميعأ متابعة الحوار و عملآ بقاعدة أساسية من قواعد محاورات المصريين ... اما اذا كنت لا تملك لوحة مفاتيح عربية فبأمكانك استخدام تلك الموجودة بأقصي الصفحة الي اليسار للكتابة .... او استخدام هذا الرابط :كيبورد عربي

شاكرأ مقدمأ تفهمك و تعاونك

و لكنك للأسف لم تبذل أقل جهدآ للتواصل بصورة صحيحة .... مستمرآ في الكتابة دائمآ بالأنجليزية ... لذا فسوف نضطر آسفين منذ الآن لحذف أي مداخلة لحضرتك مكتوبة بلغة مختلفة عن اللغة العربية ...

برجاء آخذ الأمر بصورة جدية

و تقبل فائق أحترامنا

فريق المشرفين

تم تعديل 7 فبراير 2008 بواسطة Scorpion

[capitshino]

شكرا على هشام على كلامك ون شاء الله تحقق حلمك وتهاجر لكندا ...

[مزاميزو]

الأخت لؤلؤة

مفيش مشكلة في النقاب ومش هيبقى ملفت للنظر في مدينة زي تورونتو حيث يوجد كثير من الجاليات مختلفة الديانة والمذهب بس أكيد هيبقى ملفت للنظر في مدن تانية مفيش فيها تعدد جاليات زي تورونتو

ودا كلام واحد قريبي عايش في تورونتو وهو المسئول عن المعلومة والمقيمين في كندا من اللي معانا في المنتدى يقدروا يعلقوا على الموضوع ده

[se_ Elsyed]

ستربي اولادك مع اولاد المسلمين, حتي و ان كانوا مش كويسين فاهو افضل من تربيتهم مع كفار

صح و لا ايه؟

اعتبر نفسك قبل ان تكون مهاجر انك سفير!

نعم سفير لدين الله الاسلام في كندا

لا تخاف من قول كلمه الحق و قولها امامهم حتي يعرفوا ان الاسلام دين الحق

اظهر تعاليم دينك امام الجميع حتي يسالوك عن دينك علهم يامنوا علي يديك

صلي في اماكن العمل و امام اصدقائك و كن حسن الخلق حتي يعرفوا ما هو الاسلام الحق

لا تنغلق علي نفسك بحجه انهم كفار, اختلط معهم لكن بذكاء و انتقي افضلهم خلقا فمن الكفار ايضا من هو حسن الخلق و منهم الردئ الخلق,

اخوكم

هشام الكندي ان شاء الله

طب يا هشام يا كندي إن شاء الله

لما هما كفار وكررتها أكثر من مره في كلامك ... رايح عندهم ليه ؟ وإتبريت من بلدك اللي ربتك وأكلتك من خيرها وفي الأخر ورداً للجميل روحت لازق بنفسك كلمة " الكندي " بدل المصري يمكن من قبل ما تطلع جواز السفر ويا عالم هاتقبل في موضوع الهجرة ولا لأ - عايز أعيش اليوم اللي أشوف رد فعلك هايكون إيه يا هشام لو طلبك إترفض وده جايز ، ساعتها مش هانلبي لك طلبك بتغيير إسمك في المنتدى إلى " هشام الموزمبيقي " وهاتفضل الكندي كده على الورق وتبقى لا حصلت مصري ولا كندي -

وبعدين مانت عارف اهو ما شاء الله إن الكندي دي يعني الكافر بما إن يعني كندا بلاد الكفار .... فتوقع حضرتك إن لو حد معدي كده جنب المنتدى او جنب الموضوع وقرأ إسم هشام الكندي .. فهايقول هشام الــــ .................. لا مؤخذه يعني أصل كندا بلاد الكفار زي ما قلت إنت ... وبالتالي كل من يُنسب إليها فهو كافر ... ده على حسب كلامك .

ويا ترى الواحد لما يبقى سفير للإسلام زي ما انت بتقول مش برضوا يراعي شعور الأخرين حتى لو كانوا كفار وما يكررش الكلمة دي كتير عشان لا يكرهوه ؟

أصل حضرتك بالنسبة لهم تعتبر كافر برضوا ... فترضى حد يعيدها ويزيدها قدامك ؟

وبعدين الموضوع مش كلام وخلاص ... لكنه أفعال وأفعال إيجابية ...

ده الرسول الكريم اللي جاء ليخرج المجتمعات الجاهلة من الظلمات إلى النور ربنا قال له " ولو كنت فظاً غليظ القلب لأنفضوا من حولك "

وكلام زي يا كافر يا عدو الله يعتبر من أشد فظاظة القول ...

[dimo]

موضوع اكتر من رائع

[مصطفى عبد الوهاب]

بسم الله الرحمن الرحيم

السلام عليكم و رحمة الله و بركاته

يا أستاذ سيد رجاء من حضرتك مش حافظ الآية بلاش تكتبها أحسن

[مزاميزو]

ياريت تصحح الآية يا أستاذ مصطفى

[هشام الكندي ان شاء الله]

بسم الله الرحمن الرحيم

شكلنا كدا هنشخصن الموضوع مره تانيه و لا ايه!

بالنسبه للمصريه المغتربه:

ميرسي علي ذوقك و يا ريت تقوليلنا عملتي ايه في الميديكال؟

بالنسبه للؤلؤه:

ميرسي علي ردك و النقاب مسموح دستوريا, و كندا بيننا

كابتشينو و مزاميزو و ديمو:

ردودكم دفعه الي الامام و ان شاء الله نجتمع كلنا في كندا و نشرب نخب الوصول

نشرب طبعا تمر هندي

بالنسبه للاخ اتوماتيك:

لا استطيع افتائك دينيا لكن ما استطيع قوله هو ان تقول الحق مع مراعاه مشاعر الاخرين, فاسلوب الدعوه في الاسلام يعتمد علي طريقه الداعي, فاذا كنت لا تملك مهارة الخطابه فاظهر تعاليم دينك فقط علي العلن امامهم و هذا يكفيك

بالنسبه للمساعدات, فيجب عليك مساعده المسلمين الفقراء هناك اولا و هذا انا متاكد منه, اما ما بعد ذلك من مساعده المسلمين خارج كندا ام مساعده غير المسلمين في كندا فالله اعلم

بالنسبه للاخ سي السيد:

ارجو عدم الدخول في معركه شخصيه هدفها احراجي شخصيا امام الاخرين و البعد عن لب الموضوع, بدلا من ان احدثك باسلوبي لا اريد ان اتحدث به قط و قد استخدمه من قبل مع بعض الاعضاء (افتح المواضيع و شوف) و هذا اخر رجاء مني لك

خد بالك من الكلمه رجاء

نيجي بقا للرد علي ما اوردته من كلام

انا متبريتش من بلدي لاني اصلا مش واحد منها, بعدين رايحلهم علشان الاقي شويه عدل و احترام زي ما قلتم في موضوع سابق قبل كدا, بعدين ليه يا اخي تتمني لي الشر برفض الطلب و تظهر رغبه دفينه بالانتقام مني نفسيا

حتي هتمنعني من تغيير اسمي! و دا قمه التدخل في الشئون الشخصيه و اول خطوات الديكتاتوريه!

كلامك للاسف يعبر عن راي شريحه كبيرة جدا من المجتمع المصري و علشان كدا سايبين البلد لحضرتك و للي زيك يحبوها و يعشقوها و يمنعوا الناس من تغيير اسمائهم و يتمنوا لهم اي حاجه تزعلهم

الناس شايفه ان الحكومه وحشه لانها بتفرض رايها, يا ريت الحكومه تيجي تشوف الشعب اللي بيطالب بحقوق الانسان و الديمقراطيه بيقول ايه!

بعدين انا ما قلتش ان كل كندي يعني كافر و لا اقدر اقول

المقصود بان كندا ديار كفر هو ان معظم السكان لا يدينون بالاسلام, و دا مش معناه اننا نسيبهم و نقول دول كفرة, لكن نروحلهم و ندعوهم بالحسني, دا اللي انا بقوله

دا حتي مش كل اسرائيلي كافر لان فيهم مسلمين بالفعل

و المقصود في السياق اللي انا قلته هوا تربيتهم مع غير المسلمين و من المعروف لكل مسلم ان غير المسلم كافر, و لا انت شايف ايه؟

ثم اننا سنراعي بالفعل شعورهم في كثير من المسائل بعدين انا بقولها كتير هنا لاننا مسلمين مع بعضنا, وهناك في الاسلام شريحه من الناس تسمي المؤلفه قلوبهم, اسئل عنهم و خلي حد يقولك كيفيه معاملتهم و ان لهم بند في الزكاه

و بعدين يا ريت هناك حد يقعد يزيد و يعيد لي كلمه يا كافر علشان يبقي فتحي لي الباب و اثبت له اي ديانه هي الاصح بالحجه و الدليل

"ولو كنت فظاً غليظ القلب لأنفضوا من حولك "

بالفعل هذا باذن الله سيكون شعاري في كندا و هذا ما قلته بالحرف في الموضوع

"اظهر تعاليم دينك امام الجميع حتي يسالوك عن دينك علهم يامنوا علي يديك"

فلم اقل قول لهم يا كفرة! او ارفع سيفك في وجوههم بل قلت

"لا تنغلق علي نفسك بحجه انهم كفار, اختلط معهم لكن بذكاء و انتقي افضلهم خلقا فمن الكفار ايضا من هو حسن الخلق و منهم الردئ الخلق,"

كلمه اخيرة لك و لسامح و لحورس

انتقدوا فكري كيفما شئتوا, و لكن بمراعاه حريه الفرد الشخصيه و احترامه كانسان

انا احترم بعض المصريين و مصر التي استضافتني فيها غريبا لذلك لم اقل قط انا اكره مصر و لكني اقول انا مش بحب مصر و الفرق كبير جدا

ارجو الرد علي ما هو مطروح من افكار و ليس الشخصيات

اخيرا: ارجو عدم وصول المحاورات الي التكفير بين الاعضاء المسلمين سواء بشكل مباشر او غير مباشر

انتظروا قنبله المواضيع

نشأه فكرة الوطن و المواطن و المواطنه

حتي تعرفوا جيدا ما اريد تفصيلا ان اقوله

اخوكم

هشام الكندي ان شاء الله

[هشام الكندي ان شاء الله]

استغفر الله العظيم

انا اسف يا جماعه علي الاقتباس الخاطئ للايه الكريمه

[مصطفى عبد الوهاب]

بسم الله الرحمن الرحيم

" فبما رحمة من الله لنت لهم ولو كنت فظا غليظ القلب لانفضوا من حولك فاعف عنهم واستغفر لهم وشاورهم في الأمر فإذا عزمت فتوكل على الله إن الله يحب المتوكلين "

صدق الله العظيم

سورة آل عمران آية 159 الجزء الرابع صفحة رقم 71

و الله المستعان

[Automatic]

بالنسبه للاخ اتوماتيك:

لا استطيع افتائك دينيا لكن ما استطيع قوله هو ان تقول الحق مع مراعاه مشاعر الاخرين, فاسلوب الدعوه في الاسلام يعتمد علي طريقه الداعي, فاذا كنت لا تملك مهارة الخطابه فاظهر تعاليم دينك فقط علي العلن امامهم و هذا يكفيك

بالنسبه للمساعدات, فيجب عليك مساعده المسلمين الفقراء هناك اولا و هذا انا متاكد منه, اما ما بعد ذلك من مساعده المسلمين خارج كندا ام مساعده غير المسلمين في كندا فالله اعلم

المشكله هنا أنك ناوي تعيش مع ناس أنتا متحترمهمش وعايز بس تمص دمهم. ياعني أيه تتعامل معاهم بذكاء؟ تقصد تستغلهم؟

حتثق فيهم؟ حتدخلهم بيتك؟ حتوافق ولادك يصاحبو ولادهم؟

طيب تصور لو هما عملو نفس النظام وقالو عل المسلمين أنهم متخلفين وشجعو الناس علي التعامل مع المسلمن بالذكاء لأن الكنديين أحسن مننا, حتقول أيه ساعتها؟

[arad]

بسم الله الرحمن الرحيم

شكلنا كدا هنشخصن الموضوع مره تانيه و لا ايه!

بالنسبه للمصريه المغتربه:

ميرسي علي ذوقك و يا ريت تقوليلنا عملتي ايه في الميديكال؟

بالنسبه للؤلؤه:

ميرسي علي ردك و النقاب مسموح دستوريا, و كندا بيننا

كابتشينو و مزاميزو و ديمو:

ردودكم دفعه الي الامام و ان شاء الله نجتمع كلنا في كندا و نشرب نخب الوصول

نشرب طبعا تمر هندي

بالنسبه للاخ اتوماتيك:

لا استطيع افتائك دينيا لكن ما استطيع قوله هو ان تقول الحق مع مراعاه مشاعر الاخرين, فاسلوب الدعوه في الاسلام يعتمد علي طريقه الداعي, فاذا كنت لا تملك مهارة الخطابه فاظهر تعاليم دينك فقط علي العلن امامهم و هذا يكفيك

بالنسبه للمساعدات, فيجب عليك مساعده المسلمين الفقراء هناك اولا و هذا انا متاكد منه, اما ما بعد ذلك من مساعده المسلمين خارج كندا ام مساعده غير المسلمين في كندا فالله اعلم

بالنسبه للاخ سي السيد:

ارجو عدم الدخول في معركه شخصيه هدفها احراجي شخصيا امام الاخرين و البعد عن لب الموضوع, بدلا من ان احدثك باسلوبي لا اريد ان اتحدث به قط و قد استخدمه من قبل مع بعض الاعضاء (افتح المواضيع و شوف) و هذا اخر رجاء مني لك

خد بالك من الكلمه رجاء

نيجي بقا للرد علي ما اوردته من كلام

انا متبريتش من بلدي لاني اصلا مش واحد منها, بعدين رايحلهم علشان الاقي شويه عدل و احترام زي ما قلتم في موضوع سابق قبل كدا, بعدين ليه يا اخي تتمني لي الشر برفض الطلب و تظهر رغبه دفينه بالانتقام مني نفسيا

حتي هتمنعني من تغيير اسمي! و دا قمه التدخل في الشئون الشخصيه و اول خطوات الديكتاتوريه!

كلامك للاسف يعبر عن راي شريحه كبيرة جدا من المجتمع المصري و علشان كدا سايبين البلد لحضرتك و للي زيك يحبوها و يعشقوها و يمنعوا الناس من تغيير اسمائهم و يتمنوا لهم اي حاجه تزعلهم

الناس شايفه ان الحكومه وحشه لانها بتفرض رايها, يا ريت الحكومه تيجي تشوف الشعب اللي بيطالب بحقوق الانسان و الديمقراطيه بيقول ايه!

بعدين انا ما قلتش ان كل كندي يعني كافر و لا اقدر اقول

المقصود بان كندا ديار كفر هو ان معظم السكان لا يدينون بالاسلام, و دا مش معناه اننا نسيبهم و نقول دول كفرة, لكن نروحلهم و ندعوهم بالحسني, دا اللي انا بقوله

دا حتي مش كل اسرائيلي كافر لان فيهم مسلمين بالفعل

و المقصود في السياق اللي انا قلته هوا تربيتهم مع غير المسلمين و من المعروف لكل مسلم ان غير المسلم كافر, و لا انت شايف ايه؟

ثم اننا سنراعي بالفعل شعورهم في كثير من المسائل بعدين انا بقولها كتير هنا لاننا مسلمين مع بعضنا, وهناك في الاسلام شريحه من الناس تسمي المؤلفه قلوبهم, اسئل عنهم و خلي حد يقولك كيفيه معاملتهم و ان لهم بند في الزكاه

و بعدين يا ريت هناك حد يقعد يزيد و يعيد لي كلمه يا كافر علشان يبقي فتحي لي الباب و اثبت له اي ديانه هي الاصح بالحجه و الدليل

"ولو كنت فظاً غليظ القول لأنفضوا من حولك "

بالفعل هذا باذن الله سيكون شعاري في كندا و هذا ما قلته بالحرف في الموضوع

"اظهر تعاليم دينك امام الجميع حتي يسالوك عن دينك علهم يامنوا علي يديك"

فلم اقل قول لهم يا كفرة! او ارفع سيفك في وجوههم بل قلت

"لا تنغلق علي نفسك بحجه انهم كفار, اختلط معهم لكن بذكاء و انتقي افضلهم خلقا فمن الكفار ايضا من هو حسن الخلق و منهم الردئ الخلق,"

كلمه اخيرة لك و لسامح و لحورس

انتقدوا فكري كيفما شئتوا, و لكن بمراعاه حريه الفرد الشخصيه و احترامه كانسان

انا احترم بعض المصريين و مصر التي استضافتني فيها غريبا لذلك لم اقل قط انا اكره مصر و لكني اقول انا مش بحب مصر و الفرق كبير جدا

ارجو الرد علي ما هو مطروح من افكار و ليس الشخصيات

اخيرا: ارجو عدم وصول المحاورات الي التكفير بين الاعضاء المسلمين سواء بشكل مباشر او غير مباشر

انتظروا قنبله المواضيع

نشأه فكرة الوطن و المواطن و المواطنه

حتي تعرفوا جيدا ما اريد تفصيلا ان اقوله

اخوكم

هشام الكندي ان شاء الله

السلام علىكم "كَبُرَ مَقْتًا عِندَ اللَّهِ أَن تَقُولُوا مَا لَا تَفْعَلُونَ" صدق الله العطيم

الفاضل arad

أقدِّر أنك ربما لا تملك لوحة مفاتيح عربية .. ولكن هذا لايعفى من الخطأ فى كتابة الآيات القرآنية .. فمثلا كلمة مَقْتًا لا تُكتب مقتن .. وكما ترى ليس لهذا أى علاقة بلوحة المفاتيح .. لقد أعدت تحرير المداخلة ، وأعدت كتابة الآية نقلا من أحد المواقع الإلكترونية للقرآن الكريم .. إبحث عنها فى جوجل واختر ما يحلو لك منها .. وإن لم تجد أستطيع أن أدلك .. نحن نقدس كل "حرف" فى القرآن وليس كل كلمة فنرجو احترام مقدساتنا

تم تعديل 8 فبراير 2008 بواسطة أبو محمد
تصحيح نص آية كريمة

[arad]

بسم الله الرحمن الرحيم

ساحدثكم اليوم عن تاريخ الاسلام و المسلمين في كندا

بعدما اعلن عن قيام دوله كندا عام 1867 اكتشف السكان وجود نحو 13 مسلما هناك منذ ما يقرب اربعه اعوام و لا زال سر وجودهم من الامور الغريبه حيث ان اول من اسس كندا كانوا اوروبيون و لم يكن بينهم مسلم واحد تقريبا, سبحان الله! وقد تم تاسيس اول مسجد اسلامي في ادمونتون عام 1938 بعد وجود نحو 700 مسلم في كندا

و يمثل الجاليه المسلمه في كندا بعض المؤسسات منها

the Canadian Islamic Congress

the Muslim Association of Canada

the Canadian Muslim Union

هذا و لم يواجه المهاجرون المسلمون الي كندا تلك الصعوبات التي واجهها اخوانهم المهاجرون الي اوروبا لعده اسباب:

1- انهم جاليه من ضمن عده جاليات اخري منهم الهندوس و اليهود و الكونفشيوسيين و العلمانيين

2-كندا ليست مجتمع صليبي بحت مثل اوروبا

3- كندا لم تتعرض حتي اليوم لاي اعتداء من دوله عربيه او مسلمه بعكس اوروبا التي ذاقت الامرين من المسلمين الترك في زمن الدوله العثمانيه و مسلمي المغرب في الاندلس

و قد زاد عدد المسلمين بشكل ملحوظ في كندا في الاونه الاخيرة لعده اسباب

1- الحروب التي يشهدها العالم الاسلامي في لبنان و العراق و فلسطين و الصومال و البوسنه

2- فقر الكثير من البلدان الاسلاميه مما اضطر شبابها الي السفر للخارج

3- اعتناق عدد ليس بقليل للاسلام من غير المسلمين في كندا

اماكن تمركز الجاليه الاسلاميه في كندا:

ما لا تخطئه عين هو تمركز الجاليه المسلمه في كندا في كيبك و بريتش كولومبيا

و اليكم توزيع السكان المسلمين في كندا عام 2001 و عام 2017 باذن الله يكونوا اكثر من الاحصائيات الرسميه

Muslim Population 2001 2017

Canada 579,700 1,421,400

Atlantic Provinces 5,300 14,500

Alberta 49,300 100,300

Quebec 103,900 247,600

Manitoba 4,900 12,100

Saskatchewan 2,000 4,700

British Columbia 57,200 131,100

Ontario 356,700 910,600

خبر سار للاخوات المهاجرات الي كندا:

حريه ارتداء الحجاب مكفوله رسميا و بالدستور لكل فتاه او امراه مسلمه

اخيرا النصائح:

الي كل من حصل علي الفيزا الي كندا

الي كل من يفكر في الهجرة الي كندا

اول شئ يجب ان تفعله عند وصولك ان تبحث عن المسجد جيدا ثم تبدا البحث عن سكن قريب من المسجد و ليس العكس حيث ان اخوانك المسلمين سوف يساعدونك كثيرا حتي و لو معنويا و هو المطلوب

ستتزوج امراه مسلمه منهم و تعفها بذلك حيث ان الاخوات هناك لا يجدن مسلما يتزوجون منه, بدلا من ان تتزوج امراه محدش عارف اصلها و لا فصلها و لا حتي دينها

ستربي اولادك مع اولاد المسلمين, حتي و ان كانوا مش كويسين فاهو افضل من تربيتهم مع كفار

صح و لا ايه؟

اعتبر نفسك قبل ان تكون مهاجر انك سفير!

نعم سفير لدين الله الاسلام في كندا

لا تخاف من قول كلمه الحق و قولها امامهم حتي يعرفوا ان الاسلام دين الحق

اظهر تعاليم دينك امام الجميع حتي يسالوك عن دينك علهم يامنوا علي يديك

صلي في اماكن العمل و امام اصدقائك و كن حسن الخلق حتي يعرفوا ما هو الاسلام الحق

لا تنغلق علي نفسك بحجه انهم كفار, اختلط معهم لكن بذكاء و انتقي افضلهم خلقا فمن الكفار ايضا من هو حسن الخلق و منهم الردئ الخلق, فصاحب حسن الخلق و ادعوه الي منزلك و صلي الصلاه في وقتها امامه و اظهر له اكرام الضيف و حسن الخلق

عاشر جيرانك بادب الاسلام

لا تنسي مرة اخيرة انك ان اخطئت في هذه البلاد لن يقولوا فلان اخطئ لانه بشر لكن سيقولوا اخطأ لانه مسلم فاتقي الله في دينك

اخوكم

هشام الكندي ان شاء الله

وَمِنَ النَّاسِ مَن يُعْجِبُكَ قَوْلُهُ فِي الْحَيَاةِ الدُّنْيَا وَيُشْهِدُ اللّهَ عَلَى مَا فِي قَلْبِهِ وَهُوَ أَلَدُّ الْخِصَامِ (204)

وَإِذَا تَوَلَّى سَعَى فِي الأَرْضِ لِيُفْسِدَ فِيِهَا وَيُهْلِكَ الْحَرْثَ وَالنَّسْلَ وَاللّهُ لاَ يُحِبُّ الفَسَادَ (205) وَإِذَا قِيلَ لَهُ اتَّقِ اللّهَ أَخَذَتْهُ الْعِزَّةُ بِالإِثْمِ فَحَسْبُهُ جَهَنَّمُ وَلَبِئْسَ الْمِهَادُ (206)

إعدت نسخ الآيات الكريمة من سورة البقرة لاحتواء النص الذى أورده العضو الفاضل على أخطاء إملائية لا يمكن السماح بها

تم تعديل 8 فبراير 2008 بواسطة أبو محمد
تصحيح نسخ آيات كريمة من القرآن الكريم

[م.سامح المصرى]

كلمه اخيرة لك و لسامح و لحورس

انتقدوا فكري كيفما شئتوا, و لكن بمراعاه حريه الفرد الشخصيه و احترامه كانسان

انا احترم بعض المصريين و مصر التي استضافتني فيها غريبا لذلك لم اقل قط انا اكره مصر و لكني اقول انا مش بحب مصر و الفرق كبير جدا

اللهم طولك يا روح

يابنى ابعد عن سامح دا واد عصبى ومتهور وانا عارفة

يا هشام انتا عرضت موضوعك من تلت ايام انا لو كنت مستقصدك كنت اول ما كتبت الموضوع كنت رديت عليك فورا وكنت

اول رد

انما انا اكتفيت انى اقراة بس علشان انا قلت الى عندى ابل كدة

وسعتك ما عجبكش كلامى فعلشان كدة سكت وما كتبتش انما شكلك صعب عليك تفوت كام يوم إل لما يتحرق دمنا

تانى

المهم بقى

بسم الله الرحمن الرحيم

السلام عليكم و رحمة الله و بركاته

يا أستاذ سيد رجاء من حضرتك مش حافظ الآية بلاش تكتبها أحسن

ياريت تصحح الآية يا أستاذ مصطفى

تعرفو حضراتكم الاساتذة المحترمين استاذ مصطفى واستاذ ميزاميزو فكرتونى بمثل مصرى بس بجد مثل جميل

حضرتك يا استاذ مصطفى دققت فى غلطة كلمة واساسا كان مقصود بيها عظة انما حضرتك ما

دققتش فى ان واحد بيجيب دلائل دينية وايات قرأنية ويفسرها على مزاجه علشان يحللها لنفسة وما اقبحها عند الله

علشان يمشى حالة كأن بالزبط بيروح لواحد شيخ بيقولة اعملى فتوة يا شيخ علشان ما ابقاش بعمل حاجة حرام

واحد جاب دليل قرأنى ودليل من واقع قصص الصحابة يعنى قصة زى دى

سيدنا عمر بن الخطاب سافر وقت الطاعون و قالوله يا عمر اتفر من قدر الله؟ قال نعم افر من قدر الله الي قدر الله

دى بجد اول مرة اسمعها كانت منه هل افاروق عمر بن الخطاب يقول كلمة زى دى

الى النبى صلى الله عليه وسلم قال عليه لو كان نبى بعدى لكان عمر

وبعدين بيستشهد بأيات قرأنية ومش عارف معناها

وجبتله اية قرأنية تدل على الموضوع الى هوا كان فيه وفسرتهاله كلها وكذا اية تانية

بس برضو شخص ما اقتبس الاية وفسرها برضو على تفسيره هوا لا واية وذكر كمان

ومن يهاجر في سبيل اللّه يجد في الارض مراغما كثيرة وسعة. ومن يخرج من بيته مهاجرا الى الله ورسوله ثم يدركه الموت، فقد وقع أجره على اللّه، وكان اللّه غفورا رحيما)(1).

طب دى عيزالها تفسير لا دا فسرها انها مش حرام لو هاجرنا

بيفسروها غلط واية كمان بياخد زنب وزنب كل من عمل بها ليوم الدين

يعنى واحد يدخل الموضوع يلاقى الاية يقوم يعمل بالى هما كاتبينة يبقي خد زنبة وزنب من اتبعه وزنب من اتبع الذى اتبعه

دا الى كان قصدى علية

اننا نسيب المشكلة الكبيرة ونسمك فى الصغيرة وياريتها اساسا مشكلة صغيرة

دى تعتبر مش مشكلة اساسا الى حضراتكم اتكلمتوا عليها

طب ما دققتوش فى الاخ هشام لما علق على الاية وهيا غلط لية

"ولو كنت فظاً غليظ القول لأنفضوا من حولك "

بالفعل هذا باذن الله سيكون شعاري في كندا و هذا ما قلته بالحرف في الموضوع

"اظهر تعاليم دينك امام الجميع حتي يسالوك عن دينك علهم يامنوا علي يديك"

استغفر الله العظيم

انا اسف يا جماعه علي الاقتباس الخاطئ للايه الكريمه

لية بقي حضراتكم ما علقتوش علية

كأننا بنناقد نفسنا بالزبط

كتبنا موضوع واساسا احنا مش عارفين الى كتبنا فية

الاسلام والمسلمين ونيجي نشرح او حاجة ما نعرفهاش ونكتبها غلط

ايهما اقبح عند الله الى اخد كلامه وفسره تفسير خاطء ليرضى بها نفسة وشهواتة

ام الذى تعثرت معه كلمة وكان يريد بها النصح

دا حتى يبقى حرام علينا حتى

واكيد اكيد انه مقتبس الموضوع دا مش كاتبه

وارجو يا جماعة ما نتكلمش فى الشخصنة ونبعد عن جوهر الموضوع زى ما قال هشام

سلامى لكم جميعا

تم تعديل 8 فبراير 2008 بواسطة م.سامح المصرى

[se_ Elsyed]

بالنسبه للاخ سي السيد:

ارجو عدم الدخول في معركه شخصيه هدفها احراجي شخصيا امام الاخرين و البعد عن لب الموضوع, بدلا من ان احدثك باسلوبي لا اريد ان اتحدث به قط و قد استخدمه من قبل مع بعض الاعضاء (افتح المواضيع و شوف) و هذا اخر رجاء مني لك

خد بالك من الكلمه رجاء

ارجو انك تورينا الاسلوب ده يا كندي وما تبخلش به علينا عشان تشوف رد الفعل على تهديد انت لست اهلاً له

انا متبريتش من بلدي لاني اصلا مش واحد منها

انا احترم بعض المصريين و مصر التي استضافتني فيها غريبا لذلك لم اقل قط انا اكره مصر و لكني اقول انا مش بحب مصر و الفرق كبير جدا

والمكان ده اسمه محاورات المصريين واعتقد ان اي حد ما يحترمش مصر او ينكر جميلها ويتبرأ منها ... يبقى النت واسع وعنده محاورات الكنديين او الاسرائيلين يروح هناك يمكن يلاقي ديمقراطية وقلب حنين.

انا اكره مصر و لكني اقول انا مش بحب مصر

دي حلوه وماقدرتش امسك نفسي من الضحك

زي اللي ماسك في ايده كوباية ميه وبيقول للناس دي مش ميه دي إتش تو او H2O والفرق كبير جداً

[arad]

الفاضل arad..

عقب مداخلات سابقة تم توجيه تلك الرسالة لحضرتك :

برجاء كتابة تعليقاتك باللغة العربية حتي نستطيع جميعأ متابعة الحوار و عملآ بقاعدة أساسية من قواعد محاورات المصريين ... اما اذا كنت لا تملك لوحة مفاتيح عربية فبأمكانك استخدام تلك الموجودة بأقصي الصفحة الي اليسار للكتابة .... او استخدام هذا الرابط :كيبورد عربي

شاكرأ مقدمأ تفهمك و تعاونك

و لكنك للأسف لم تبذل أقل جهدآ للتواصل بصورة صحيحة .... مستمرآ في الكتابة دائمآ بالأنجليزية ... لذا فسوف نضطر آسفين منذ الآن لحذف أي مداخلة لحضرتك مكتوبة بلغة مختلفة عن اللغة العربية ...

برجاء آخذ الأمر بصورة جدية

و تقبل فائق أحترامنا

فريق المشرفين

السلام عليكم السادة المشرفين عفوالقد استلمت الرسا لة الان

تفضلو ا بقبول وافر الاحترام اراد