الوطن و المواطن و المواطنه

[هشام الكندي ان شاء الله]

بسم الله الرحمن الرحيم

كما وعدتكم من قبل بالانتهاء من دراسه الموضوع ثم طرحه عليكم

اليكم "الوطن و المواطنه و المواطن...... حقائق غائبه و تابو مفتوح"

نبدأ اولا بالتعريفات

الوطن:بالتعريف التقليدي هو كلمه تطلق علي المكان الذي يولد فيه الانسان و يحيا طفولته و يعيش جل عمره فيه, اما من الناحيه الواقعيه فهو المكان الذي ربي الفرد و علمه و اعطاه حقوقه كانسان و يشعر الفرد نحوه بالانتماء و الحب و بذل قصاري جهده في الدفاع عنه. باختصار هو بيت كبير للفرد يشاركه فيه اكثر من شخص.

المواطن: هو الفرد الذ عاش في مكان ما اعطاه كل او معظم حقوقه رسميا من مؤسسات الوطن و ليس من قبل بعض الاشخاص, و لذلك فهذا الفرد يعطي الوطن كل او ما يستطيع ان يقدمه من واجبات للوطن و يطلق عليه ساعتها كلمه مواطن

المواطنه: هي تلك العلاقه التبادليه الحميميه بين الوطن و المواطن و التي يتبادل فيها المواطن و الوطن الفعل و رد الفعل من اعطاء حق و تسلم واجب

و بناء عليه,

فالوطن هو من ينفق عليك و من يربيك و يعلمك و يعالجك اذا مرضت و المواطن الحق هو من يقدم واجبات وطنه قبل كل شئ لان وطنك هو من رباك

لكن واجب الدين مقدم علي واجب الوطن لان الله اوجدك انسانا قبل ان تعرف وطنك اصلا

و الدليل ان دوله المماليك كان انتمائها للاسلام كوطن لانهم انتشروا في اماكن كثيرة جدا في مصر و العراق و الشام و اسيا الوسطي و كانوا كثيري التنقل و الترحال

دليل اخر هو عدم اطاعه اوامر الوطن اذا خالفت تعاليم كتاب الله

ففي الحقبه الشيوعيه في مصر زمن عبد الناصر, ارسلت الجيوش الي اليمن لقتل مسلمين ابرياء فيجب علي المسلم الحق عدم اطاعه تلك الاوامر

الغزو العراقي للكويت زمن صدام اوجب علي كل مسلم عراقي حق عدم اطاعه اوامر وطنه العراق لانه مخالف لتعاليم الله

لذلك كان تفتيت البلدان الاسلاميه بحجه القوميات و الاوطان هو احد ثمرات فكره الوطن بالمفهوم الحالي

لذلك فالخدعه الكبري التي يعيشها الناس هي الانتماء لوطن لا يهتم بك اصلا

هذا ان كان يصلح ان يطلق عليه وطن

فالوطن الذي ينبغي ان ينتمي اليه الفرد هو الاسلام فقط لا غير

ثم

الوطن الذ يعتني بك و يهتم بشؤونك و شئون اسرتك و لا يتركك للمجهول او يعرضك بشكل مباشر او غير مباشر للخطر

اما اذا تعارض وطن الاسلام مع الوطن الثاني فوطن الاسلام له الكلمه العليا لان الله ادري بشؤونك اكثر من وطنك الثاني

اما المكان الذي يولد فيه الانسان فهو محل الميلاد و ليس بالضروره وطنا

هذا ما اعلم و الله اعلي و اعلم و الحمد لله علي وطننا الاسلام

[lefilsdunil]

لا أرى موضوعك شائك فقد تم طرحه كثيرا من قبل ومن أيد كلامك هذا من قبل هم من دعاة تقطيع وتمزيق الأوطان فى جنوب السودان و بعض أمازيغ المغرب العربى واكراد تركيا فهؤلا كلهم مسلمون ولكنهم لم يفهموا او تجاهلوا ان الوفاء للوطن من الدين وأنه بمجرد ولادتك بمكان فهذا يعنى معاهدته على ان تحفظ مصالحه وتحترم سيادته ايا كانت الأوضاع فلا يجوز لنا بحال من الأحوال أن ننكر فضل وطننا الذى شربنا مائه وأكلنا من خيراته ودرسنا فيه وتربينا تحت ظلاله حتى وان أتخذت الحكومات سياسات غير وطنية !!!

وليس هناك عالم دين عاقل يدعو الى عدم أحترام سيادة الوطن لما يمكن أن يؤدى من فتنه ولما جاء فى الحديث الشريف ( لا يطاع الله من حيث يعصى ) وعليه فليس ثمة تضارب أو تعارض بين طاعة الدين الاسلامي والحفاظ على سيادة الوطن .. حتى نقول ننتمى لمن ونطيع من!!!

أن الدين والوطن لله وللمجتمع في آن واحد، فالدين ينظم ويضبط المجتمع وان كان الدين مقدم على الوطن فلا يتعارض معة وعلى هذا يكون المسـلم الحق هو الوطني المخلص، وهو القومي المناضل و قد أثبت التاريخ المعاصر أن أبطـال الوطـنية في بلادنا العـربية والإسلامية كانوا إسلاميين أمثال الأمير عبد القادر في الجزائر، وأحمد عرابي في مصر، وعمر المختار في ليبيا، وعبد الكريم الخطابي في المغرب ، وأمين الحسيني في فلسطين،وغيرهم الكثير،مما يثبت أنه لا يوجد تقاطع كبير بين الخصوصيه الوطنية وبين الالتقاء تحت مظلة الإسلام باعتباره الوطن الأكبر لأبناء الأمة المسلمين وغيرهم فلم يكتفى الاسلام فقط بالاعتراف بالأخر وإنما يجعله جزءً من الرعية والأمة والدولة -أي جزءً من الذات- له كل الحقوق، وعليه كل الواجبات

تم تعديل 13 فبراير 2008 بواسطة lefilsdunil

[ahmedarab]

لا أرى موضوعك شائك فقد تم طرحه كثيرا من قبل ومن أيد كلامك هذا من قبل هم من دعاة تقطيع وتمزيق الأوطان فى جنوب السودان و بعض أمازيغ المغرب العربى واكراد تركيا فهؤلا كلهم مسلمون ولكنهم لم يفهموا او تجاهلوا ان الوفاء للوطن من الدين وأنه بمجرد ولادتك بمكان فهذا يعنى معاهدته على ان تحفظ مصالحه وتحترم سيادته ايا كانت الأوضاع فلا يجوز لنا بحال من الأحوال أن ننكر فضل وطننا الذى شربنا مائه وأكلنا من خيراته ودرسنا فيه وتربينا تحت ظلاله حتى وان أتخذت الحكومات سياسات غير وطنية !!!

وليس هناك عالم دين عاقل يدعو الى عدم أحترام سيادة الوطن لما يمكن أن يؤدى من فتنه ولما جاء فى الحديث الشريف ( لا يطاع الله من حيث يعصى ) وعليه فليس ثمة تضارب أو تعارض بين طاعة الدين الاسلامي والحفاظ على سيادة الوطن .. حتى نقول ننتمى لمن ونطيع من!!!

أن الدين والوطن لله وللمجتمع في آن واحد، فالدين ينظم ويضبط المجتمع وان كان الدين مقدم على الوطن فلا يتعارض معة وعلى هذا يكون المسـلم الحق هو الوطني المخلص، وهو القومي المناضل و قد أثبت التاريخ المعاصر أن أبطـال الوطـنية في بلادنا العـربية والإسلامية كانوا إسلاميين أمثال الأمير عبد القادر في الجزائر، وأحمد عرابي في مصر، وعمر المختار في ليبيا، وعبد الكريم الخطابي في المغرب ، وأمين الحسيني في فلسطين،وغيرهم الكثير،مما يثبت أنه لا يوجد تقاطع كبير بين الخصوصيه الوطنية وبين الالتقاء تحت مظلة الإسلام باعتباره الوطن الأكبر لأبناء الأمة المسلمين وغيرهم فلم يكتفى الاسلام فقط بالاعتراف بالأخر وإنما يجعله جزءً من الرعية والأمة والدولة -أي جزءً من الذات- له كل الحقوق، وعليه كل الواجبات

اللة عليك يا عزيزى

سلمت يداك وفيت وكفيت

فعلا انا لا ارى اى تعارض مع الانتماء للوطن واحترامة وبين طاعة واتباع دين سواء كان الاسلام او غيرة من الاديان السماوية

وفعلا المسلم الحق هو الوطنى المخلص الذى يراعي ربة فى دينة وفى وطنة وفى حياتة بكافة اشكالها.

تحياتى

[Toronto]

اما المكان الذي يولد فيه الانسان فهو محل الميلاد و ليس بالضروره وطنا

هذا ما اعلم و الله اعلي و اعلم و الحمد لله علي وطننا الاسلام

الوطن هو الاصل و ايلي مالوش اصل عفوا

الوطن هو الماضي بحلاوته و بمرارته و ايلي مالوش مضي مالوش مستقبل

الوطن هو الزكريات الجميلة فين كانت مدرستئ فين كنت بلعب الجامع ايلي كنت بصلي فيه مع ابويا و اصحابي المكان ايلي قابلت فيه اول بتت حبيتها حاجه اخيرة انا بكون اسعد انسان في الدنيا لما بكون راجع مصر وحدىبيسالني انت رايح فين اقوله I WILL BACK HOME

ايلى مالوش خير في بلده ايلي هي وطنه مالوش خير حتي في تفسه

[سلوي في مهب الريح]

كل كلامكم ده عظيم وعلى العين والراس بس ربنا يرضه قال "أرض الله واسعة" وأرض الله في مصر ضاقت على ناس كتير ومن حقهم يحسوا بالانتماء لأحلامهم اللي ممكن تتحقق مش احلامهم اللي ضاعت في مصر ولا أقكار ناس تانية عن بلدهم. وكل واحد حر. وانا كلمت بنات كتير عن هشام وعجبتهم قكرته وصراختة مع نفسه ومع الآخرين وهم بنات محترمات برضه بالزبط زي اللي ما عجبتهمش فكرته. وريما نفكر نعمل جبهة دفاع عن حقوق هشام في انه يبقى بيحلم يبقى كندي. وربنا يوفقك يا هشام ان شاء اله تبقى كندي ونص كمان. واكيد هيوفقك لانك بتسعى بجدية في تحقسق هدفك.

[هشام الكندي ان شاء الله]

كل كلامكم ده عظيم وعلى العين والراس بس ربنا يرضه قال "أرض الله واسعة" وأرض الله في مصر ضاقت على ناس كتير ومن حقهم يحسوا بالانتماء لأحلامهم اللي ممكن تتحقق مش احلامهم اللي ضاعت في مصر ولا أقكار ناس تانية عن بلدهم. وكل واحد حر. وانا كلمت بنات كتير عن هشام وعجبتهم قكرته وصراختة مع نفسه ومع الآخرين وهم بنات محترمات برضه بالزبط زي اللي ما عجبتهمش فكرته. وريما نفكر نعمل جبهة دفاع عن حقوق هشام في انه يبقى بيحلم يبقى كندي. وربنا يوفقك يا هشام ان شاء اله تبقى كندي ونص كمان. واكيد هيوفقك لانك بتسعى بجدية في تحقسق هدفك.

احسن رد شفته في حياتي و هو رد عملي بامتياز

انا كنت عارف ان ناس كتيييييييييير جدا بيحملوا نفس افكاري لكن خايفين يتكلموا لانه تابو

و احنا في مصر عندنا تابوهات كتير جدا ممنوع مجرد الكلام فيها مش مناقشتها او تحليلها

الدين , حب الوطن و المزايده عليه, الجنس , الشذوذ , حقوق المرأه , الاعراف و التقاليد, السياسه الداخليه , ................. الخ

يا استاذه سلوي عايزين نعمل فعلا رابطه او منتدي فرعي هنا او في اي مكان يعبر فعلا عن احلامنا المفقوده و ان مصر ضرتنا اكتر ما نفعتنا

يوم الماتش بتاع الكاميرون و كوت ديفوار

مكنتش عارف اروح من الشغل للبيت اخد البرشام من كتر الناس

محدش قال متفرحش, لكن متعطلنيش, انا عندي دواء و عندي مذاكرة علي الانترنت و ورايا بلاوي علشان اهاجر بسلام

ناهيك عن عدم تشجيعي لمصر فلست اشجعها و لست ايضا ضدها

زيها زي السودان و مالي و غانا بالنسبه لي

انا بشجع الارسنال و ايطاليا و طبعا المنتخب الكندي الصديق

اتشمت و كنت علي وشك ان اضرب لاني لا اشجع مصر

اتهمت بالعماله لاسرائيل و الخيانه العظمي و قياده تحالف قوي الظلام و قياده محور الشر

يا استاذه سلوي مصر ضرتنا اكتر ما نفعتنا, و رغم ذلك فلا نضمر لها العداوة هيا في طريق و احنا في طريق

يا ريت ننضم سوا و ننفذ الفكرة فعلا

هنكسر التابو الاكبر

و نعلن عن افكارنا و انا متاكد ان اكتر من نص الشباب زيي و زيك و زي اصحابك

دي مش مزايده, كذا واحد اكلمه بيني وبينه يقولي انتا كلامك صح بس مينفعش نقول كدا

واحده قالت لي انا نفسي اتجوز بس التقاليد لازم العريس يجيب و يجيب

قلتلها يحصل ايه لو مجبش؟ قالتلي ازاي كل الناس في مصر بتعمل كدا

قلتلها طيب ليه تعملي زي ما مصر بتعمل؟

قالت علشان المفروض اننا بننتمي ليها و بنحبها

قلتلها المفروض؟ يعني انتي بتحبيها اصلا؟

وشوشتني و قالت و مين قالك اني بحبها! بس لازم نعمل كدا و خلاص

دي شريحه عريضه كانت صادقه مع نفسها عكس ناس بتناقض نفسها

علي العموم يا استاذه سلوي انتي عرفتيني اني مش بفحت في البحر بس يا ريت نعبر عن راينا دون تعبير عن كراهيه او تمني الشر لمصر فمهما كان عشنا فيها كام يوم ما يعلم بيهم الا ربنا!

علي الاقل لما نسافر برا و نفتكر طوابير العيش نقول الحمد لله اننا مش في طوابير

لما نفتح الحنفيه و نلاقي ميه نقول الحمد لله احسن من المجاري اللي كنا بنشربها

(واحد صاحبي مهندس في شركه المياه جاله امراض لا حصر لها من التعامل مع المياه التي نشربها)

و لما و لما و لما

اخاكي

هشام الكندي ان شاء الله

[se_ Elsyed]

إسمح لي أقولك إن كلامك وتعريفاتك خاطئه يا هشام .. لإنها محاولة شخصية لتبرير أسباب الهجرة وخلع لقب مصري من بطاقة تعريفك ومن حياتك بشكل عام وهو شيء لا يضر مصر بل يضُرك إنت ... وهو شيء ليس مطلوباً منك أن تبرره أصلاً... لإن كل واحد حُر يعمل اللي هو عايزه ... زي بالظبط اللي بيروح يترمي تحت أقدام اليهود لإنهم دولة متقدمة وديمقراطية ومهلبية هو حر ويتحمل تبعات ونائج قراره ....

بس نفسي بقى في خضم تعريفاتك دي تعرف لنا كلمة ... أم وأب وإخوة وعِشرة وعيلة وبيت ...

ويا ترى يا هشام لو الواحد مننا إتولد ولقى لا مؤخذه أبوه كناس بيكنس في الشوارع - وده مش عيب ولا حرام وشيء يفتخر به كل إنسان شريف - ولقى والدته بتشتغل داده وكل ده عشان يربوا الحيطة والشحط اللي مخلفينه وعمالين يعلفوا فيها ... تفتكر يا هشام الشاب الفقير ده لو لقى أب وأم أغنياء وقالوا له تعالى نتبناك ونحميك ونصرف عليك ... هل يكون من الطبيعي إنه يُجاهر بكرهه لأبوه وأمه اللي خلفوه وممكن يلعن سلسفيل اللي جابوهم لا لشيء إلا إنهم فقراء وما وفروش له حياة منعمة كويسة وما كانش بيستحمى كل يوم ؟

تفتكر ممكن ده يحصل ؟ ( تخيل إنه بيحصل من ناس أنانية لا يهمها إلا نفسها ، ونفسها تعيش حياة ورد النيل اللي مالوش جذور وبينجرف مع أي تيار ومهما عيلي أو كبر .. برضوا هايفضل بلا جذور ومش بعيد يدخل جهنم حدف لإن إبن من أبناءه تأثر بأفكاره الخزعبلية وإتحول عن دينه وبقى حاجه تانية زي ما بيحص كتير في بلاد الغربة ؟ )

فالوطن هو من ينفق عليك و من يربيك و يعلمك و يعالجك اذا مرضت و المواطن الحق هو من يقدم واجبات وطنه قبل كل شئ لان وطنك هو من رباك

Totally wrong بما إن الموضوع بقى في كندا وبتاع فخلينا نتكلم شويه إنجليزي ...

وطنك هو من رباك وصرف عليك ؟؟ ده مين اللي اخترع كده ؟

يعني انا عايش في السعودية وولادي إتولدوا فيها لكن مصيري هارجع ... يبقى وطنهم هو السعودية اللي إتعلموا وإتعالجوا ونشأوا فيها ؟ ده في الاحلام طبعاً

لا ولادي عمرهم حسوا في يوم إنهم سعوديين ... وأساساً السعودية عمرها ما أعتبرتهم يوم إنهم مواطنين ... وكذلك الحال في مئات من البلدان ..

حتى في إعتقادي الشخصي وزي ما بنشوف إن أول ناس بيتشاطوا في الغرب هم المهاجرين حتى اللي بقى لهم عشرات السنين ... وديتها بس واحد دماغه طاقه يوصل الحكم وتلاقيه عمال يشوط في الاجانب اللي مش أصليين في البلد ويا سلام لو مُسلم .. فبيبقى نجم الحفلة وكرت إرهاب في الإنتخابات .

وبما إن وطني هو اللي بيصرف عليه على حسب كلامك برضوا ... طب لو وطني إتعذر في قرشين أو إتعرض لكارثة زي اللي حصلت لليابان وإيطاليا وألمانيا ومعظم دول أوروبا في الحرب العالمية الثانية أقولهم يالله يا ولاد الـــ وولاد الـــ ... والله مانا قاعد لكم فيها طالما ما بقتوش تصرفوا عليه وانط من السفينة ؟

تبريرات ليس لها أساس من الصحة

المواطنه: هي تلك العلاقه التبادليه الحميميه بين الوطن و المواطن و التي يتبادل فيها المواطن و الوطن الفعل و رد الفعل من اعطاء حق و تسلم واجب

كلام جميل ... لكنه للأسف حبر على ورق ولا يمت لصلة بأفكارك .... فقبل أن تسأل نفسك ماذا أعطاك الوطن .. ما تقعد إنت مع نفسك وقول إنت عملت إيه لوطنك اللي كرهته لمجرد إنك نسيت الدوا في البيت والطريق كان زحمة وما عرفتش تروح

لذلك فالخدعه الكبري التي يعيشها الناس هي الانتماء لوطن لا يهتم بك اصلا

هذا ان كان يصلح ان يطلق عليه وطن

كلام خاطيء تماماً أيضاً ... والدليل على ذلك أفعال واقوال الرسو الكريم نفسه سيدنا محمد عليه الصلاة والسلام اللي مالقاش من وطنه - مكه - غير كل أذى وتكذيب ومع ذلك كان يذوب عشقاً في حب هذا المكان ... وكان يعلم تماماً بإن نقطة إنطلاقة نحو العالم كله هي وطنه الأصغر ... لإن فاقد الشيء لا يعطيه ومن لم يحب وطنه اللي لحم أكتفاه من خير هذا الوطن .. فلن يستطيع أو سيحب حب منفعه لوطنه الجديد الذي إختاره ولا تعارض إطلاقاً بين أن أنتمي لديني وبين أن أنتمي لوطني ...

لو كل واحد زي ما قلت لك لقى شوية منغصات في وطنه وسابها وهج ولم يحاول أن يقدم أي شيء لوطنه ولو يبني طوبه فيه ... كانت الدُنيا خربت

فالوطن الذي ينبغي ان ينتمي اليه الفرد هو الاسلام فقط لا غير

مش فاهم ؟

يعني لما حد يسألني إنت جنيستك إيه ؟ .. أقوله الإسلام

طب يا بني إنت شكلك تايه واهلك بيدوروا عليك .. طب ساكن فين ؟ ساكن في الإسلام وتحديداً في الدور الخامس

لذلك كان تفتيت البلدان الاسلاميه بحجه القوميات و الاوطان هو احد ثمرات فكره الوطن بالمفهوم الحالي

ده كلام مُرسل وليس له علاقة بالواقع .... على كده بقى أوروبا الموحدة لا تهتم بالوطن أو فكرة الوطن هي كمان ؟

بالمناسبة يا هشام لو روحت كندا إن شاء الله وإتجوزت وخلفت وجه إبن من أبنائك يروح البيت في يوم فلقى الطريق زحمه فهايكون طبعاً متعلم منك إنه يفك وينفد بجلده من البلد المقرفة دي ويروح حتة وطن تاني الطُرق فيه رايقة وحلوه ... وهكذا بقى دوخيني يا لمونه .

وأخيراً كان نفسي كنت أصور لك فرحة أطفال المدارس من يومين تلاتة هنا في الرياض وهما فرحانين بوطنهم مصر مع إنهم ما يعرفوش يعني إيه كوره أو مين كسب مين ... لكن بمجرد ذكر إسم مصر لقيت مظاهرات في الشوارع بعد الخروج من المدرسة وشايلين الإعلام ولقيت الولا عُمر إبني راسم علم بلده على وشه وطالع فوق عربيتي وعمال يهتف " إيجيبت إيجيبت " ولما سألته إنت بتقول كده ليه وليه ما قولتش سعودية سعودية ؟ فقالي عشان إيجيبت دي بلدي اللي فيها تيتا وجدو وأصحابي اللي بأحبهم فعشان كده انا بأحب إيجيبت يا بابا .

وأخيراً ممكن تريحني وتجاوب على السؤال اللي ممكن يجيلك في الانترفيو بتاع الهجرة : لو لا قدر الله مصر حصل لها في يوم كده زي العراق وكندا بعثت قوات كندية لتحرير مصر ... هاتخالف تعاليم الإسلام وما تروحش ولا هاتسمع كلام وطنك وتروح تحارب هذا الشيء اللي إسمه مصر ؟

[إيزيس]

مش فاهم ؟

يعني لما حد يسألني إنت جنيستك إيه ؟ .. أقوله الإسلام

طب يا بني إنت شكلك تايه واهلك بيدوروا عليك .. طب ساكن فين ؟ ساكن في الإسلام وتحديداً في الدور الخامس

إيه الحلاوة دي يا سي السيد

هشام الكندي

أرجو أن تتقبل كلامي بدون زعل

انت ليه بتبحث عن مبررات ؟ في اعتقادي ده يكون عدم اقتناع بالفكرة اللي بتروج لها لكن لو مقتنع مفيش مشكلة لكن إوعدنا تحكي لنا عن تجربتك وشعورك لما تصبح كندي إن شاء الله

عن نفسي أنا لما سافرت وده كان آخر ما يخطر على بالي إني أسيب مصر لأني مصر يعني أهلي وحبايبي وجيراني ومصر اللي فعلا مهما كانت بحب ترابها المهم أنا لما سافرت والله حبيت أسوأ ما كنت أكرهه في مصر وحياتي فيها مش عارفة إزاي لكن ده اللي حصل شفت بلدي من بعيد كلها جميلة حتى بالحاجات السيئة الموجودة

منتظرينك تحكي لنا مشاعرك بكل صدق وصدقني أنا من دلوقت عارفاها

مش عارفة ليه العنوان ( الوطن والمواطنة و المواطن ) بيفكرني بالعيشة واللي عايشنها و كده يعني

[Toronto]

مش فاهم ؟

يعني لما حد يسألني إنت جنيستك إيه ؟ .. أقوله الإسلام

طب يا بني إنت شكلك تايه واهلك بيدوروا عليك .. طب ساكن فين ؟ ساكن في الإسلام وتحديداً في الدور الخامس

إيه الحلاوة دي يا سي السيد

هشام الكندي

انت ليه بتبحث عن مبررات ؟ في اعتقادي ده يكون عدم اقتناع بالفكرة اللي بتروج لها لكن لو مقتنع مفيش مشكلة لكن إوعدنا تحكي لنا عن تجربتك وشعورك لما تصبح كندي إن شاء الله

عن نفسي أنا لما سافرت وده كان آخر ما يخطر على بالي إني أسيب مصر لأني مصر يعني أهلي وحبايبي وجيراني ومصر اللي فعلا مهما كانت بحب ترابها المهم أنا لما سافرت والله حبيت أسوأ ما كنت أكرهه في مصر وحياتي فيها مش عارفة إزاي لكن ده اللي حصل شفت بلدي من بعيد كلها جميلة حتى بالحاجات السيئة الموجودة

منتظرينك تحكي لنا مشاعرك بكل صدق وصدقني أنا من دلوقت عارفاها

تسلم ايدك انا عايز اقول كدة و اتمني من الله عزوجل انك تستمر في الكتابة في حوارات المصريين بعد اربع او خمس سنوات وصولك لارض الاحلام ادامها الله للمعدبين امتالك زخرا و مرتعا حلوة مرتع دي

[أبو محمد]

السيد / هشام الكندى

ممكن تقول لى إزاى ينطبق تعريفك بإن الإسلام هو وطنك مع تعريفك بإن الوطن هو اللى بيصرف عليك ، ويربيك ، ويعالجك ؟ .. يعنى ممكن تقول لى كيفية صرف الإسلام عليك وكيفية علاج الإسلام لك لما تمرض ؟

أنت قررت الهجرة .. ماشى هذا قرارك وأنت حر فيه ، وأنت لا تحب مصر ، ماشى برضه .. هذا شعورك وانت حر فيه ... تقدر تقول لى بقى إنت بتعمل إيه هنا ؟ ... هل تمارس نوع من التبشير بعدم حب مصر (مش حنقول كراهية عشان ما تزعلش وما تضيعش وقت كتير فى شرح الفرق بين عدم الحب والكراهية) .. هل أنت تدعو المصريين اللى فى محاورات "المصريين" إلى عدم الانتماء إلى مصر ؟ إن لم يكن هذا أو ذاك .. فأرجوك قل لنا ماذا تريد من حوار مع ناس مش بتحبهم ؟

[أبو محمد]

وريما نفكر نعمل جبهة دفاع عن حقوق هشام في انه يبقى بيحلم يبقى كندي. وربنا يوفقك يا هشام ان شاء اله تبقى كندي ونص كمان. واكيد هيوفقك لانك بتسعى بجدية في تحقسق هدفك.

لأ يا سلوى .. ليه جبهة للدفاع عن حقوق هشام .. هو انتى كفى الله الشر شايفة إن هشام تم اعتقاله لأنه قرر الهجرة من مصر ؟ .. الراجل قرر الهجرة .. وماشى فى إجراءات الهجرة .. ومفيش أى معوقات والحمد لله

أنا بقى بافكر أعمل جبهة لتشجيع كل من له شعور هشام نحو مصر على سرعة الهجرة .. لأن زى انتى ما قلتى بالضبط ..

مصر ضاقت على ناس كتير ومن حقهم يحسوا بالانتماء لأحلامهم اللي ممكن تتحقق مش احلامهم اللي ضاعت في مصر ولا أقكار ناس تانية عن بلدهم. وكل واحد حر.

وكل ما كان الناس اللى عندهم شعور هشام نحو مصر يتمتعون بشجاعة هشام يكون أحسن ... عشان ما يفضلش فى مصر إلا الناس اللى عاجبها تقعد فى مصر وبتحبها ...

تصوروا يا اخوانا لو ما فضلش فى مصر إلا الناس اللى بتحبها ... يا سلام ، يمكن يكون هو ده الحل لكل مشاكل مصر .. أن يرحل عنها إلى الأبد كل من لا يحبها ... وياريت ينسوا مصر بقى وأهل مصر وأى حاجة لها علاقة بمصر بما فيها فقر المصريين ، وتخلف المصريين ، وسلبية المصريين ، واستبداد المصريين ، ومحاورات المصريين

[nash]

أخي الكريم واستاذي القدير أبو محمد.....تخيلت ما قلته بالضبط لو بقي في مصر فقط من يحبها بكل تأكيد هو الحل الوحيد لإننا لن نجد من يهبط من عزيمتنا ومن يقلل من شأن ما نقدمه من عطاء ولا من يتهكم علي من يتغنون بحب الوطن...

إذا اردت أن أزيد فلن أجد سوي ماقلته أنت ....

وياريت ينسوا مصر بقى وأهل مصر وأى حاجة لها علاقة بمصر بما فيها فقر المصريين ، وتخلف المصريين ، وسلبية المصريين ، واستبداد المصريين ، ومحاورات المصريين

سلم قلمك ودام لنا

[هشام الكندي ان شاء الله]

بسم الله الرحمن الرحيم

بالنسبه للاخ سي السيد:

اولا هذه ليست تبريرات لموقف شخصي و انما وفاء بوعد قطعته في الماضي لتوضيح ايديولوجيتي,

بعدين يا ريت تبطل موجه يهود اف ام اللي انتا شغال عليها كل شويه

بالنسبه لكم كل من يختلف في الراي

هو يهودي او صليبي

خائن

عميل امبريالي متطرف

من عبده الشيطان

من حمله البخور و من متعهدي حفلات الطهور

بالنسبه لتعريف الاب و الام و الاخوة و العشيرة فهم كل من احبوك و اعطوك حقك من تربيه و حب

ليس عيبا ان يكون ابوك كناس او امك خادمه و يحبوك و يفعلوا ما بوسعهم لتحقيق مستقبل افضل لك

لكن العيب ان يكون ابوك رجل اعمال و امك عضوة في النوادي و الروتاري و سايبينك بدون تربيه

في هذه الحاله تتبري منهم اذا نسيوك و اعتمدوا علي فلوسهم في تربيتك

اما ابوك و امك الكناسين فلو حبوك و اهتموا بيك من غير حتي ما يصرفوا عليك بسبب فقرهم فتبوس ايديهم كل يوم لانك في بالهم علي طول

واضح ان حضرتك فهمت غلط

بالنسبه لموضوع اولادك اللي بتضربهم كمثال

مش عايز اتدخل في شئونك الخاصه لكني مجبر ارد عليك بنفس المثال

و هوا ان ولادك هيتعبوا جدا اول ما يرجعوا مصر لانهم مصريين في الورق سعوديين النشاه

السعوديه مش معتبراهم مواطنين لكن الاولاد مش فاهمين و الدليل انهم بيقولوا ايجيبت مش مصر

اما يرجعوا مصر و يفهموا هتشوف هيقولوا ايه

مش بتمنالك الشر( زي ما اتمنيت لي رفض الابليكشن) لكن اسال الناس اللي رجعوا بولادهم من الخليج ولادهم عاملين ايه نفسيا علي الاقل

"متقولش مصر ادتنا ايه, قول هندي مصر ايه"

دا خلاصه كلامك, طيب اديها ازاي و انا اصلا محلتيش حاجه! و يوم ما اديها بترمي اللي انا اديته ليها

زي زويل اداها علم قالتله شكرا يا بابا روح برا احسن

زي الباز عمل دكتوراه قالوا في العيد يا حبيبي و ما حققش ذاته غير في امريكا

تصدق و تؤمن بالله

في الشركه اللي انا شغال فيها اول ما رحت قدمت مشروع متكامل للنهوض بالشركه في مجالات كتير جدا و اديته لراجل في قسم الموارد البشريه( راجل فوق ال45) قاللي انتا مش ممكن يا بني علي الاقل نص كلامك هيجيب ارباح رهيبه و وعدني انه يدخل لرئيس القطاع يناقشه في الموضوع

و دخله فعلا

قاله سيبه و هقراه

فات حوالي سنه و بسال الراجل مرة بعد مره و يوزعني لحد ما قالي ان رئيس القطاع ضيع الملف

ضيعه

اديته نسخه كانت معايا من اكتر من 6 شهور و لا رد و كل ما احاول ادخله يمنعوني كاني داخل لرئيس دوله عظمي

حسبي الله و نعم الوكيل,

فضلت شهر متواصل بعمل في المشروع بدراسات جدوي باحصائيات و توثيق معلوماتي علشان يضيع او يتم تجاهله

لو في الانترفيو سالوني السؤال بتاعك دا هقوله

لن ارفع سلاحي في وجه مسلم قط و لن احارب احدا الا من جاء معتديا علي بلدي

واحد اخواني في انجلترا قال لو دوله عربيه هاجمت انجلترا هقوم ادافع عن انجلترا(برنامج اكثر من راي علي الجزيرة الحلقه قبل الماضيه)

و انا بقول لو حد راح يحارب كندا بدافع القوميه العربيه او من باب الماركسيه الناصريه او من باب الهيمنه و العنجهيه الصداميه هقوم ادكهم و امزقهم شر ممزق لان كندا بلدي

بالنسبه لان وطنك الاسلام في الدور الخامس فاحب اقولك ان وطني الاسلام بدون استخفاف بالراي

بما ان السعوديه هترحل اولادك لو مش معاهم فيزا, عمرك سمعت ان الصحابه رحلوا سيدنا سلمان الفارسي او صهيب الرومي او بلال بن رباح الحبشي لانهم اجانب مش عرب؟

عرفت ازاي ان الاسلام جنسيتي

ارض الله كلها ارضي و انتمائي لدين الله الاسلام فقط

علشان كدا لو جه شويه صداميين او قوميين او بتنجانيين زي ما بتقول يحاربوا ارض الله كندا هقوم اكلهم بسناني لانهم هيحولوا كندا الي بلد لا تحترم فيه الحريات العامه المكفوله في الاسلام و لا حقوق الانسان المكفوله ايضا في الاسلام و سيحولوا كندا الي بلد العسكر و التجسس المحرم في الاسلام

هشام الكندي ان شاء الله

[هشام الكندي ان شاء الله]

بسم الله الرحمن الرحيم

نستكمل باقي الردود

بالنسبه للاخت قرنفل:

صدقيني انا لا ابحث عن مبررات لكني اطرح فكرتي و التي انا متاكد تماما انها باذهان نحو نصف جيلي لكنهم ممتنعون عن مجرد التفكير فيها!

و بما ان صراحتي كلفتني كثيرا جدا في هذا المنتدي, الي حد تحريض الاعضاء لعدم مساعدتي حين بدايه اجراءات الهجرة, فسوف اكمل لكم بعد الهجرة ان شاء الله ما يحدث لي هناك و لن ازيف الحقائق

بالنسبه للاخ تورنتو:

كندا ليست مرتعا و الا مكنتش رحتها او سميت نفسك باسم مدينه فيها!

بالنسبه للاخ ابو محمد:

الاسلام يعالجك بالرقيه الشرعيه و الدعاء و قد انفق عليك نفسيا و روحيا لهدايتك الي النور

يكفي ان الثمن كان في بعض الاحيان دم اشرف الناس من الانبياء و الصحابه الاطهار

يكفي انه الدين الذي سيقودك الي الجنه و لا يستطيع اي وطن دنيوي فعل هذا و لا حتي السعوديه نفسها

و المسلم كما تعلم يتقرب لله خوفا و طمعا

انا لي اعتراض علي كلمه "تبشير" لانني لا احمل انجيلا او ما شابه و ادعوكم للاستماع اليه

ثانيا من قاللك اني مش بحبكم؟ انا بحب كل من هو ديمقراطي و مثقف و محترم بغض النظر عن جنسيته

كمان انا لا ادعو الناس الي عدم حب مصر, اللي عايز يحب مصر يحبها و اللي مش عايز هوا حر انا بس بعرض وجهه نظري التي ارجو من الناس تركها فقط.

بالنسبه لمعوقات الهجرة, فربنا يستر و ميحصلش اللي انا متوقعه

و انتا فعلا عندك حق في ان اللي مش بيحب مصر لازم يمشي او يهاجر, انتا بتقلها بلهجه ساخرة لكنها الحق بعينه فعلا, يا ريت تساعدنا يا استاذ ابو محمد نعمل جبهه لتهجير من لا يحب مصر

يمكن انا عرفت ازاي اهاجر و اسحب و اعمل ايه, فيه غيري الاف مش عارفين يعملوا ايه بالظبط

انتا واضح من كلامك ان انا و امثالي هم السبب في ضياع مصر

اظن انك عارف و متاكد ان سبب ضياع مصر اسباب تانيه و ان انا و امثالي احدي هذه النتائج

بالنسبه للاخت ناش:

ميرسي علي ردك

اخوكم

هشام الكندي ان شاء الله

[عرب فلكس]

على فكره انا خلصت باتنين جنيه لب و انا بقرا الموضوع ده

المهم

اخويا المصرى هشام الكندى

حتى لو خدت الجنسه الكنديه و تخليت عن الجنسيه المصريه برضه هتفضل اخويا فى الاسلام

قبل ما ابدأ مرافعتى او ردى على الموضوع الجميل جدا ده احب اقولك

المنتديات و الحياه علمتنى ان كل بنى ادم ليه وجه نظر تستحق ان تحترم حتى لو مكنتش مقتنع بيها

و رأيك صواب يحتمل الخطأ و رأئى خطأ يحتمل الصواب

الموضوع ده هيوصل بينا ان كل واحد هيقول رأيه و فى الاخر نسيب صفحات طويله عريضه مليانه بالمشاعر الحلوه و الوحشه للناس عشان تستفيد ان شاء الله

والله عندك حق مصر ضرتنا اكتر ما فادتنا

بس هل معنى كده انى اكرهها

لأ بحبها

هتقولى ليه هقولك اهو غلاسه كده

اه وربنا

هو انا بحب والدتى ليه اكيد هى مش حسن ست فى الدنيا ولا اجملهم

بس بحبها

زى ما بحب مصر

انا وجهه اعتراضى على كلامك انى اكرها

تتمنى انك تبقى كندى ماشى يا سيدى

بس هو انت عشان نفسك تبقى كندى يبقى تكره مصر

طيب انا بكره كندا

بس نفسى اسافر كندا

ههههههههههه

الموضوع كله اراء و حالات فرديه

مصر بالنسبالك زحمه ساعت المتش مش عارف تروح تجيب الدوا بتاعك

مصر بالنسبالى سعاده شايفها على وجوه المصريين كلهم بفوزهم بكاس افرقيا

مصر بالنسبالك المدير الى بيحبطك فى شغلك مش مقدرين افكارك

مصر بالنسبالى اصحابى الى ساكنين جنبى الى بقابلهم كل يوم جمعه بعد صلاه الجمعه نقف قدام الجامع نعد نضحك و نهز ساعات كتير مش بنشوف بعض باقى الاسبوع بس كفايه ساعه واحد فى الاسبوع

انا لو اسبوع صليت فى جامع تانى ازعل اوى عشان مشفتهومش فى اليوم ده

مصر بالنسبالى اصحابى من ايام الدراسه الى بقابلهم صدفه فى الشارع نعد نفتكر بعض و ناخد نمر تلفونات بعض و نتصل ببعض و نود بعض و نعرف اخبار بعض

مصر بالنسبالى اهلى الى مشفتهومش من العيد الى فات لما يجو يزورونا و اعد معاهم و الضحكه مبتفارقش قعدتنا

مصر بالنسبالى يوم معدى فى يوم من الايام على مدرستى الابتدائيه و اعد افتكر ايام زمان و اقول ياههههههههه كانت ايام جميله والله

مصر بالنسبالى الزحمه

مصر بالنسبالى طابور العيش و الاوتوبيس

اهم الاتنين دول انجح مشاريع مصريه لحد دلوقتى عارف ليه

عشان بيخلى الناس تقف جنب بعض و تزانق فى بعض و تتعارف على بعض سعات يعنى مش دايما

او تعد تتسلى مع الى واقف وراك فى التابور

انا متأكد انك فى اى حته فى العالم لو فى طابور و سبت مكانك شويه و قلت للى وراك احجزلى مش هيحجزلك و هيبيعك الى فى مصر ترجع تلاقى مكانك محفوظ و الراجل محافظلك على مكانك

بالنسبه لموضوع اولادك اللي بتضربهم كمثال

مش عايز اتدخل في شئونك الخاصه لكني مجبر ارد عليك بنفس المثال

و هوا ان ولادك هيتعبوا جدا اول ما يرجعوا مصر لانهم مصريين في الورق سعوديين النشاه

السعوديه مش معتبراهم مواطنين لكن الاولاد مش فاهمين و الدليل انهم بيقولوا ايجيبت مش مصر

اما يرجعوا مصر و يفهموا هتشوف هيقولوا ايه

ممكن ميكونوش فاهمين بس حاسسين زى انا بالظبط كده

ولا عمرى اتفرجت على ماتش و لا بحب الكوره اساسا ولا شوفت المتش بتاع مصر و الكاميرون بس سبحان الله يا اخى و انا مروح اما المتش خلص الزحمه و فرحت الناس فى الشارع و الهيصه خلتى انا كمان افرح و اعد الف مع اصحابى و نحتفل بفرحه النصر و الفوز بالكاس و المتش الى انا مشفتوش اساسا

هى دى مصر بالنسبالى

عاوز اقولك حاجه فى نهايه كلامى

انا مش غنى ولا راكب عربيه ولا ابويا راكب عربيه

لأ انا اسف ابويا راكب عربيه بس سواق عليها مش بتاعته

عاوز اقولك ان انا مش الشعب المطحون الى بيقف كل يوم فى طابور العيش و الى بيركب موصلات و شايف الزحمه

و بياخد على قفاه احياننا من رجال الشرطه ربينا يجعل كلامنا خفيف عليهم

انا فخور بانى مصرى هتقولى ليه هقولك اهو غلاسه كده برضه

برغم كل ذلك الى انى مش طايق اعيش فيها كده

بس اهو هنعمل ايه لازم نصبر يمكن الاقى فرصه سفر اعمل منها قرشين اعيش بيهم مستريح فى بلدى على الاقل ماخدش على قفايا تانى

فى النهايه بقه عندى ليك كام سؤال يا اخويا هشام

كل الاسأله دى مبنيه على افتراضات اعزرنى معلش اصلى خيالى واسع

يا ترى هتعمل ايه لو اجرائات الهجره بتاعتك مكملتش لاى ظرف من الظروف انا مش بقاطع والله بس احب اعرف هيبقى رأيك ايه فى كندا ساعتها

يا ترى هيفضل هو ده رأيك بعد 40 سنه فى بلاد المجهر

يا ترى بعد عمر طويل يعنى تفضل انك تتدفن فى مصر ولا كندا

يا ترى لو سافرت ان شاء الله و حصلت لكندا ظروف لقدر الله ادت الى انهيار الاقتصاد الكندى و كندا بقت من دول العالم العاشر مش التالت عاوز اوصل معاك انها هتبقى اقل ساعتها من الحياه فى مصر من كل حياه سياسيا و ديننيا و اقتصاديا هتعمل ايه ساعتها

فى النهايه السؤال الى بيطرح نفسه لو كندا بعتت جنود لمساعده القوات الامريكيه فى العراق و انت كنت جندى فى الجيش الكندى ساعتها هتعمل ايه

اخر كلامى بس عاوز اقولك ان مش انت لوحدك فعلا بس انا ليا اصحابى كتير ارائهم زيك كده بالظبط

بس اعزرنى زى ما طلبت منك فى اول الموضوع انا شايف ان انتو خطأ و الزمن و الايام هى الى هتثبت مش ردك على كلامى ده هو الى هيثبت

سلام يا هشام يا اخويا و اتنمالك تحقق كل احلامك حتى لو كنت انا مش مقتنع بيها ربنا يوفقك فى حياتك و يحقق امانيك عير خير ان شاء الله

[أسد]

أتمنى من الله أن يوفق كل واحد عايز يهاجر من مصر لأنه قرفان منها بشده

إنه يخلص ورقه بأسرع ما يمكن

وأن يرحل منها في أسرع وقت ممكن

وباريت ربنا يوفقه ويلاقي له عقد عمل في أي بلد في الخليج سنة ولا اتنين على ما يخلص إجراءات الهجرة

لغاية ما يهاجر ويبقى مش مصري إن شاء الله بسرعة جداً ...

يارب

آمين

[se_ Elsyed]

اسال الناس اللي رجعوا بولادهم من الخليج ولادهم عاملين ايه نفسيا علي الاقل

ما هي دي إفتراضاتك إنت ونظرتك السوداء للامور اللي خلتك مش شايف إي جوانب إيجابية من حولك . ...

وأنا هاسأل ليه .. مانا لي عشرات الزملاء والإصدقاء رجعوا واستقروا في مصر وزي الفُل .

الاسلام يعالجك بالرقيه الشرعيه و الدعاء و قد انفق عليك نفسيا و روحيا لهدايتك الي النور

يكفي ان الثمن كان في بعض الاحيان دم اشرف الناس من الانبياء و الصحابه الاطهار

يكفي انه الدين الذي سيقودك الي الجنه و لا يستطيع اي وطن دنيوي فعل هذا و لا حتي السعوديه نفسها

لو حد فهم الجملة دي يبقى يفهمهاني يا أخواننا يا مصريين .. اصل ما بقتش أفهم كلام الكنديين ... فرق لغة وثقافة بقى يمكن ... ما تفتكرش إني بأسخر منك لا سمح الله .. لكن الكلام ده مرصوص بس مش مترابط عشان كده مش مفهوم .

مش بتمنالك الشر( زي ما اتمنيت لي رفض الابليكشن)

تفتكر هاتمنى لك الشر ليه ؟

هل بيننا سابق معرفة أو حقد او حسد ؟

انا كل اللي قولته لك .. ماذا ستفعل إذا تم رفض طلبك ؟

ولا أنت ماضي عقد معاهم ومش ممكن يخالفوه وهاتتقبل بنسبة مليون المية ؟!!!

دا خلاصه كلامك, طيب اديها ازاي و انا اصلا محلتيش حاجه! و يوم ما اديها بترمي اللي انا اديته ليها

زي زويل اداها علم قالتله شكرا يا بابا روح برا احسن

زي الباز عمل دكتوراه قالوا في العيد يا حبيبي و ما حققش ذاته غير في امريكا

ومع ذلك طمرت فيهم التربية ومع اللي وصلوا له .. برضوا مازلوا بيحبوا مصر وما بيتأخروش عنها لما تطلبهم لإنهم متربيين .

في الشركه اللي انا شغال فيها اول ما رحت قدمت مشروع متكامل للنهوض بالشركه في مجالات كتير جدا و اديته لراجل في قسم الموارد البشريه( راجل فوق ال45) قاللي انتا مش ممكن يا بني علي الاقل نص كلامك هيجيب ارباح رهيبه و وعدني انه يدخل لرئيس القطاع يناقشه في الموضوع

و دخله فعلا

قاله سيبه و هقراه

فات حوالي سنه و بسال الراجل مرة بعد مره و يوزعني لحد ما قالي ان رئيس القطاع ضيع الملف

ضيعه

اديته نسخه كانت معايا من اكتر من 6 شهور و لا رد و كل ما احاول ادخله يمنعوني كاني داخل لرئيس دوله عظمي

حسبي الله و نعم الوكيل,

فضلت شهر متواصل بعمل في المشروع بدراسات جدوي باحصائيات و توثيق معلوماتي علشان يضيع او يتم تجاهله

So waht ?

وإنت فاكر إن ده ما بيحصلش على كوكب عطارد نفسه لو كان عليه بني أدميين ؟

أو فاكر لما تروح كندا إن شاء الله هايستقبلوك بالأحضان ويشغلوك في مفاعل نووي بعربية بسواق وفيلا دورين ( دوبلكس ) ومرتب نص مليون يورو أخر كل شهر ؟

أي مكان في الدنيا فيه منغصات طالما على وجه الأرض ... والإنسان الذي يتجاوز تلك المنغصات ويحولها لشيء إيجابي بيشعر بطعم النجاح كما فعل الباز وزويل ومجدي يعقوب زي مانت قولت .

ربنا معاك ونتمنى لك الهجرة النهاردة قبل بكره .

عايز قبل ما أختم أوجه ترحيب بالاخر " عرب فلكس " وأقوله تسلم إيدك و welcome on board

[badroora]

الفاضل هشام الكندى باذن الله

تعريفك للوطن والمواطنة والمواطن اعتقد انه تعريف شخصى وانا اعتبر ما كتبته هو فقط عبارة عن خواطر خاصة بك وحدك وبنائا على تجاربك فى الحياة وتفكيرك فى المستقبل طلعت بالتعريفات دى . وانا احترمها جدا جدا لانها رايك الشخصي فى شعورك نحو وطنك كمواطن واحساسك به المواطنة

الوطن انت عرفته بتعريفة المادى واعتقد تعريفه المادى اقل بكتير من معناها المعنوى اللى محفور جوانا , انا باشتغل فى مكان ومرتاحة فيه وعائد مادى ممتاز بيغطى كل احياجاتى وزيادة الحمدلله ولكنى عمرى ماحسيت ان دا وطنى او اتمنى انه يكون وطن لى , دا فى حالة لو تعريف حضرتك صحيح .اذن انت اخلطت بين الوطن وبين المكان اللى بتعيش فيه وبتعانى من ظروف ما فيه .

المواطنة اعتقد انها التعريف المادى هيفقدها كتير من احساسنا بها ,كتير جدا مخنوقين من حال البلد وزهقانين ومع ذلك لو اصابها اى شيء هتلاقيهم فى الصفوف الاولى للدفاع عنها وعن ترابها اذن احساس المواطنة اكبر بكتير من وصف او تعريف .

المواطن بقي دى ليها عوامل كتيرة اللى مش مرتاح فى بلدة ويسافر هو حر فى نفسه يعطى ولائه وانتمائه لمين , لو واحد بيقيس الوطن باللى هيدهوله يبقي كل مصري خارج مصر مبقاش مصري وهيبقي وطنه المكان اللى فيه اكل عيشه وعايش مرتاح .

ولعلمك انا مصرية جدا وبافتخر بذلك من المقدمين للهجرة لكندا ولكن عمرى فى حياتى ما حطيت بلدى فى مقارنه مع اى بلد تانية , لان بلدى شيفاها اعظم بلاد الدنيا واقلهم فى المساويء والعيوب وعلى رغم الحال فيها واللى سبب فيه هما المواطنون سواء حكومة او رؤساء تظل مصر هى ارض الفخر والامان بالنسبة لى .

الاسلام كوطن .

تعريف غير صحيح ومش فى محله خالص

الاسلام دا الاساس اللى بتقوم عليه حياتنا , يعنى مينفعش الاسلام لوحدة والوطن لوحدة لاء

الوطن لا يتكلم لا يصدر اوامر لانه جماد اذن المواطنون هما اللى بيصدروا الاوامر على حسب اختلاف روتبهم او مكانتهم فى الوطن

هناك من يخطيء فى قراره ودا مواطن وبشر ليس اله يعنى مقبول ان يخطىء وان يتعلم .

القتال

قال الله تعالى: (وان طائفتان من المؤمنين اقتتلوا, فأصلحوا بينهما, فان بغت إحداهما على الأخرى, فقاتلوا التي تبغي حتى تفيء إلى أمر الله)

دا ردا على المثال اللى ذكرت فيه القتال وقولت الوطن بيصدر اوامر ضد الاسلام يحث فيها على القتل .

واخيرا يا اخ هشام الكندى امين يا رب

مصر او الوطن مش محتاج اللى بيتخلى عنه بل بالعكس اكيد هما اللى هيبقوا محتاجلها وعشان اصلتها مهما نغيب ونرجع بنلاقيى ابوابها مفتوحة والخير فيها مهما قل او الفقر حل محلة .

واللى مالوش وطن بيعمله وطن عشان يلاقي حاجة تربطه به وولائه يكون ليه .

وفى الاخر

هذا رايك ومفهومك وشعورك نحو انتمائك لوطنك

وما يحب على سوي احترامه لانه يخصك انت فقط

وليست قاعدة ينبغى علينا جميعا اتباعها

ونراك فى كندا ان شاء الله

تم تعديل 16 فبراير 2008 بواسطة Badria Mekkawy

[Scorpion]

أو فاكر لما تروح كندا إن شاء الله هايستقبلوك بالأحضان ويشغلوك في مفاعل نووي بعربية بسواق وفيلا دورين ( دوبلكس ) ومرتب نص مليون يورو أخر كل شهر ؟

الفاضل سي السيد

برجاء تصحيح معلوماتك الخاطئة عن كندا.. فالعملة لضخ المرتبات هناك سيدي الفاضل هي الدولار الكندي و ليس اليورو.. كما ان عصر الدوبلكس انتهي .. لذا لزم التنويه

كامل المصري الي الأبد بعون الله

[lefilsdunil]

أه اه اه اه اه اه وطنى حبيبى الوطن الأكبر

كنت أتمنى ان تكون أنت من وضعت هذه الأغنية الرائعه المخلده لفكرة الوطن والوحدة كما كنت أتمنى أن ترد على مشاركتى كما فعلت مع الأخرين بس معجبنيش ابدا فكرة الرابطة دى بأه يا راجل عايز تعمل رابطة مبنية على فكرة لو تعارض انتمائى لوطنى مع ديانتى اعمل اية زى بالظبط اللى سأل وقال هنعمل اية لو جاء رمضان فى موسم الحج وراجع مشاركتى الاولى وراح تفهم

عارف واسمحلى ارفع الالقاب واقولك يا أتش أفندى انت رافض فكرة الاحتياج لوطن ولست باحث عن وطن ونظرا لمفهومك الخاطئ ده تكونت عندك قناعة مطلقة بأن الاعتراف بالجميل لمصر هو بحد ذاته اعتراف بالحاجة اليها والاعتراف بالحاجة اليها يكرس لديك الذل والهوان ولذى تسعى بوعيك وباللا وعيك وبعد كل ما حصلت عليه حتى الأن من بلدك بدون حتى التفكير ماذا أعطيت الى افتعال تضاد والصاق ما تمارسه حكومات متعاقبه من سياسات ادت الى الظروف اللى انت بتحكى عليها فى كل موضوع الى الوطن والوطن منها براء ومقارنته دايما بهيكل سليمان بتاعك اللى هى كندا التى مازلت تسعى وتبحث عنه لكى تبرر لنفسك الهروب من مواجهته أو رفض شكره وامتننانك واعترافك للجميل له فكرتنى ببعض المصريين اللى أوقات اقابلهم هنا وقبل حتى ما تتعرف عليه يبدأ بالطعن بشكل مباشر و غير مباشر بالشخص الذي استضافه وفتح له بابه او ساعده فى البحث عن عمل أول ما شق طريقه هنا معدداً سلبياته جاهلا متجاهلا الاحساس بالامان والارتياح الذي شعر بهما عندما رآه في المطار بعد أن وطأت قدمه أرضاً هو فيها غريب الوجه واليد واللسان! فكأنه رأى فى عيناه الوطن

أخى أتش أفندى لن ابالغ حينما أقول الحاجة للوطن هى جزء من الحاجة لله وشكرك وامتننانك لوطنك هى بطاقه شكر لربك وأخيرا وليس أخرا أقول الاعتراف بالجميل للوطن ليس مذلة بل دليل عافية وثقة بالنفس ونكران هذا الجميل دليل سقم وضعف ثقة بالنفس

وتحياتى لكل من بذل جهدا للرد بموضوعية على موضوعك

تم تعديل 16 فبراير 2008 بواسطة lefilsdunil