لماذا لا توجد مدارس مصرية في الخليج

[مصري أصيل]

لماذا لا توجد في دول الخليج مدارس مصرية تقوم بتدريس المنهج المصري ؟؟ ففي الكويت مثلا توجد المدارس الإيرانية والمدارس الهندية والباكستانية وحتي الفلبينيه وخلافة من مدارس الجنسيات الأخري . فلماذا لا توجد مدارس تدرس المنهج المصري في دول الخليج . ومن من المفترض أن يكون مسؤول عن أنشاء هذه المدارس هل هي الدولة نفسها أم مستثمرون من هذه الدولة يقوموا بأنشاء مثل هذه المدارس وبالرغم من أن الجنسية المصرية من أكبر الجنسيات الموجودة في الكويت إلا أنه لا توجد مدرسة مصرية واحدة علي أرضها وأظن أن نفس الشيء بالسعودية وسائر دول الخليج . فمن لدية أجابة علي سؤالي فليتفضل مشكوراً بالأجابة عليه.

لقد ألمني وحز في نفسي عندما أتت أبنتي بقصيدة شعر عن الكويت وطلبت مني أن أقوم بتحفيظها لها ولكني لم أستطع أن أقوم بذلك وهل علي كل مقيم أن يستبدل تحفيظ نشيد بلده ويقوم بتحفيظ أولاده أنشايد بلد إقامته.

وأيضا جائت أبنتي منذ أيام لتقول لي أن هناك حفلة ستقوم المدرسة بإقامتها يوم الخميس القادم أحتفالا بأعياد التحرير والعيد الوطني لدولة الكويت يوم 25 & 26 من شهر فيراير الحالي . وشرط علي كل طالب وطالبة لحضور الحفل أرتداء زي يمثل العلم الكويتي وأحضار علم كويتي في يده . فهل هذا عدل ؟ أن تكون أبنتي مصرية ويرغموها علي أرتداء زي يمثل العلم الكويتي و حمل علم غير علم بلدها. وكان الحل عندي أنني سأقوم بمنعها غداً من حضور الحفل وهذا أكرم لي ولأبنتي من حضوره . والعجب العجاب أن هذه المدرسة ربما تكون الجنسية الكويتية هي الأقل تسجيلا فيها لأن معظم الكويتيون يدخلون المدارس الحكومية. فمن لدية معلومه عن كيفية أنشاء هذه المدارس فليذكرها ولكم الشكر.

[أسد]

حسب علمي ..

حسب الاتفاقيات بين الدول العربية من خلال جامعة الدول العربية

فإنه لا يسمح لأي دولة عربية فتح مدارس خاصة بها في الدول الأخرى

وأن الطلبة العرب المقيمين في أي دولة يدرسون نفس المناهج التي تدرس في تلك الدولة

هذا المضمون العام ..

[ايهاب سالم]

انا لا اعلم شئ عن دول الخليج الاخرى

لكن انا كنت مقيم في قطر لمدة عشر سنوات .. ويوجد مدرستين مصريتين هناك

واحده عاديه وواحده لغات

المدرستين تحت اشراف السفاره المصريه ويدرسون المنهج المصري و يقومون بتحية العلم المصري في طابور الصباح و يحتفلون بالاعياد الوطنيه المصريه

و المدرستين موجودين من زمان و ليست حاجه مستحدثه

و كل الجاليات الاخرى لها مدارس مماثله مش المصريين بس

تم تعديل 20 فبراير 2008 بواسطة ايهاب سالم

[مصري جدا]

السلام عليكم

أنشاء مدارس مصريه في الدول المختلفه أعتقد أنه طلب كل المصريين .....بالنسبه لنا هنا المصريين في ليبيا

رغم أن عدد المصريين كتير لكن النوعية مختلفة عن دول الخليج....يعني معظمهم عمالة بدون عائلاتهم ... المهم مشكلة المدرسة اللغات والعاديه مازالت صداع في رؤوسنا والحل اللي عملناه او بمعني أصح لقيناه هو مدرسة خاصة تقوم بتدريس المنهج المصري بمدريسين مصريين {نسبه كبيرة منهم أولياء أمور الطلبه} طبعا والأمتحانات بتكون في السفارة {أبناؤنا في الخارج} ....وتقابلنا عدة مرات مع السفير القنصل العام عندنا في بنغازي لبحث أنشاء مدرسة تحت أشراف السفارة ووزارة التربيه والتعليم لكن للأسف لم نصل لشئ حتي الأن ولازلنا نحاول.....

أتمني يكون لنا صوت كمصريين مغتربين ......صوت عالي يوصل لوزارة التربيه والتعليم واتمني أن نبدأ من هنا ...من محاورات المصريين ....نبدأ بانشاء جمعيه أو رابطة للمغتربين ونوصل صوتنا لمصر

من حوالي شهرين زارنا مساعد وزير الخارجيه السفير أحمد القويسني...وقال أنهم بيفكروا ينشئوا هيئه أو جمعية لرعاية المصريين في الخارج وهو حيكون رئيسها وكلمناه في موضوع المدرسة بس للأسف الموضوع مش من الخارجيه فقط ..لازم وزارة التربية والتعليم ...يعني عاوزة قصة طويلة ...بس أنا ناوي أبدأها وياريت نبدا سوا وتكون البدايه من هنا :unsure:

[nash]

حسب علمي ..

حسب الاتفاقيات بين الدول العربية من خلال جامعة الدول العربية

فإنه لا يسمح لأي دولة عربية فتح مدارس خاصة بها في الدول الأخرى

وأن الطلبة العرب المقيمين في أي دولة يدرسون نفس المناهج التي تدرس في تلك الدولة

هذا المضمون العام ..

ماقاله أخي الكريم أسد حقيقي والسبب الرئيسي لعدم وجود مدارس مصريه ..وخاصه في المملكه..

هنا نظام المجاميع المصريه وهو عبارة عن بيت أو مكان يجتمع فيه الطلبه ومجموعه من المدرسات يجتمعن للتدريس وهذه المجاميع تعرض نفسها للخطر في حال إكتشاف أمرها

[ايهاب سالم]

حسب علمي ..

حسب الاتفاقيات بين الدول العربية من خلال جامعة الدول العربية

فإنه لا يسمح لأي دولة عربية فتح مدارس خاصة بها في الدول الأخرى

وأن الطلبة العرب المقيمين في أي دولة يدرسون نفس المناهج التي تدرس في تلك الدولة

هذا المضمون العام ..

ماقاله أخي الكريم أسد حقيقي والسبب الرئيسي لعدم وجود مدارس مصريه ..وخاصه في المملكه..

مصر وقطر اعضاء في جامعة الدول العربيه

لماذا لم تسر عليهم هذه الاتفاقيه

تم تعديل 20 فبراير 2008 بواسطة ايهاب سالم

[مصري أصيل]

حسب علمي ..

حسب الاتفاقيات بين الدول العربية من خلال جامعة الدول العربية

فإنه لا يسمح لأي دولة عربية فتح مدارس خاصة بها في الدول الأخرى

وأن الطلبة العرب المقيمين في أي دولة يدرسون نفس المناهج التي تدرس في تلك الدولة

هذا المضمون العام ..

الأستاذ الفاضل أسد

أشكر لك مداخلتك ولكن كيف تتفق الدول العربيه علي أعطاء هذا الحق لدول غير عربيه كأيران والهند وباكستان والفلبين ولا تعطي الحق للعرب و الله مبدأ غريب فعلاً فهل عند حضرتك تفسير لهذا ؟؟؟؟؟؟

[مصري أصيل]

انا لا اعلم شئ عن دول الخليج الاخرى

لكن انا كنت مقيم في قطر لمدة عشر سنوات .. ويوجد مدرستين مصريتين هناك

واحده عاديه وواحده لغات

المدرستين تحت اشراف السفاره المصريه ويدرسون المنهج المصري و يقومون بتحية العلم المصري في طابور الصباح و يحتفلون بالاعياد الوطنيه المصريه

و المدرستين موجودين من زمان و ليست حاجه مستحدثه

و كل الجاليات الاخرى لها مدارس مماثله مش المصريين بس

الأخ أيهاب المحترم

علي حسب كلامك فيه مدارس في قطر تدرس المنهج المصري وتحت أشراف السفارة فلمذا لا يطبق هذا الموضوع علي سائر الدول العربية و هل هذا يتم برغبة الجاليات الموجوده أم بتدخل من السفارة ؟

وحضرتك بتقول أن فيه مدرسة عادية والأخري لغات

المشكلة هنا في الكويت أنك لو دخلت أولادك مدرسة عادية تبقي حرمتهم من اللغه وإذا فكرت تدخلهم مدرسة لغات يبقي هتدخلهم مدرسة هندية أو باكستانية ومشكلة المدارس دي أن مستواها اللغوي عالي جداً قليل من المصريين الذيين يستطيعون مجاراته وأيضاً إذا التحق أولادك بها فلننسي اللغه العربيه والتربيه الدينيه لأن التدريس يكون هامشي في الأثنين ويوجد أيضاً المدارس ثنائية اللغه ولكن هذه المدارس الرسوم الدراسية بها خياليه جداً قد تتعدي سنوياً ما يعادل 25 ألف جنيه.

[مصري أصيل]

السلام عليكم

أنشاء مدارس مصريه في الدول المختلفه أعتقد أنه طلب كل المصريين .....بالنسبه لنا هنا المصريين في ليبيا

رغم أن عدد المصريين كتير لكن النوعية مختلفة عن دول الخليج....يعني معظمهم عمالة بدون عائلاتهم ... المهم مشكلة المدرسة اللغات والعاديه مازالت صداع في رؤوسنا والحل اللي عملناه او بمعني أصح لقيناه هو مدرسة خاصة تقوم بتدريس المنهج المصري بمدريسين مصريين {نسبه كبيرة منهم أولياء أمور الطلبه} طبعا والأمتحانات بتكون في السفارة {أبناؤنا في الخارج} ....وتقابلنا عدة مرات مع السفير القنصل العام عندنا في بنغازي لبحث أنشاء مدرسة تحت أشراف السفارة ووزارة التربيه والتعليم لكن للأسف لم نصل لشئ حتي الأن ولازلنا نحاول.....

أتمني يكون لنا صوت كمصريين مغتربين ......صوت عالي يوصل لوزارة التربيه والتعليم واتمني أن نبدأ من هنا ...من محاورات المصريين ....نبدأ بانشاء جمعيه أو رابطة للمغتربين ونوصل صوتنا لمصر

من حوالي شهرين زارنا مساعد وزير الخارجيه السفير أحمد القويسني...وقال أنهم بيفكروا ينشئوا هيئه أو جمعية لرعاية المصريين في الخارج وهو حيكون رئيسها وكلمناه في موضوع المدرسة بس للأسف الموضوع مش من الخارجيه فقط ..لازم وزارة التربية والتعليم ...يعني عاوزة قصة طويلة ...بس أنا ناوي أبدأها وياريت نبدا سوا وتكون البدايه من هنا

والله يا أستاذ مصري جداً فعلاً بحييك علي رغبتك دي وأنا بكل تأكيد معاك بس البداية تكون أزاي ممكن أعرف بداية الخيط اللي ممكن يوصلنا ؟

[مصري أصيل]

حسب علمي ..

حسب الاتفاقيات بين الدول العربية من خلال جامعة الدول العربية

فإنه لا يسمح لأي دولة عربية فتح مدارس خاصة بها في الدول الأخرى

وأن الطلبة العرب المقيمين في أي دولة يدرسون نفس المناهج التي تدرس في تلك الدولة

هذا المضمون العام ..

ماقاله أخي الكريم أسد حقيقي والسبب الرئيسي لعدم وجود مدارس مصريه ..وخاصه في المملكه..

هنا نظام المجاميع المصريه وهو عبارة عن بيت أو مكان يجتمع فيه الطلبه ومجموعه من المدرسات يجتمعن للتدريس وهذه المجاميع تعرض نفسها للخطر في حال إكتشاف أمرها

الأخت ناش المحترمة

لم أفهم مداخلتك . فما أعرفه أن هذه المجاميع ستكون كالدروس الخصوصية في مصر ولكنها في الأخير تقوم بتقوية الطالب في المنهج الذي يدرسه أي المنهج السعودي. أم أن هذه المجاميع تقوم بتدريس شيء ثاني كتقوية اللغه مثلاً أرجوا التوضيح وشكراً

[se_ Elsyed]

مجاميع التقوية أو الشرح بتقوم بتدريس المنهج المصري ... والواحد بيبقى مسجل أولاده في السفارة وبيروحوا يمتحنوا هناك في مدارس تؤجرها السفارة فترة الإمتحانات فقط بحيث الطالب لما يتسقر في مصر لا يشعر بأي فرقة في المناهج .. لكنها عملية قاتلة لنفسية وتنشئة الطفل - في إعتقادي - حيث إن وجود الطفل في المدرسة هو تربية في حد ذاته وبيبقى ده أول خطواته في الغحتكاك بفئات وعقليات وثقافات مختلفة في المجتمع ..

يعني موضوع الدراسة مش بس هي إن عندك كتابين بتذاكرهم وتروح أخر السنة تمتحنهم فقط ...

عشان كده معظم الطلبة دول لما بيكبروا ما بتلاقهمش أسوياء نفسياً زي الطلبة المخربشة اللي بيدرسوا في مدارس ..

وما يتحدث عنه الاخ إيهاب كان موجود بالفعل في جميع دول الخليج ولكن دلوقت لأ ...

ونحن نستعيض عن عدم وجود مدارس مصرية بالمدارس العالمية ( إنترناشونال ) وهي كويسه وكل حاجه لكنها لا تذكر شيء عن جغرافية أو تاريخ بلادنا وهذا شيء يحز في نفسي فعلاً .. فنحن كنا نخرج من إبتدائي عارفين كل شيء عن بلدنا من أول الفراعنة لحد ثورة عرابي والعائلة العلوية .

[nash]

حسب علمي ..

حسب الاتفاقيات بين الدول العربية من خلال جامعة الدول العربية

فإنه لا يسمح لأي دولة عربية فتح مدارس خاصة بها في الدول الأخرى

وأن الطلبة العرب المقيمين في أي دولة يدرسون نفس المناهج التي تدرس في تلك الدولة

هذا المضمون العام ..

ماقاله أخي الكريم أسد حقيقي والسبب الرئيسي لعدم وجود مدارس مصريه ..وخاصه في المملكه..

هنا نظام المجاميع المصريه وهو عبارة عن بيت أو مكان يجتمع فيه الطلبه ومجموعه من المدرسات يجتمعن للتدريس وهذه المجاميع تعرض نفسها للخطر في حال إكتشاف أمرها

الأخت ناش المحترمة

لم أفهم مداخلتك . فما أعرفه أن هذه المجاميع ستكون كالدروس الخصوصية في مصر ولكنها في الأخير تقوم بتقوية الطالب في المنهج الذي يدرسه أي المنهج السعودي. أم أن هذه المجاميع تقوم بتدريس شيء ثاني كتقوية اللغه مثلاً أرجوا التوضيح وشكراً

أخي الكريم مصري...

المسئله لا تكون شبيهه بالدروس الخصوصيه لإنها في بعض الأحيان يتعدي فيها عدد الطلاب ال100 طالب...

وبالتالي تكون شبيهه بالمدارس الخاصه وبدون ترخيص...

قرار جامعه الدول العربيه مبني علي أساس أن الدوله ناطقه باللغه العربيه وبالتالي لا يسمح بتدريس منهج عربي داخل منهج عربي أخر...

وتعويضا عن ذلك هناك خيار المدارس الدوليه ...وطبعا غان عن الذكر أن كل المواد فيها تدرس باللغه الإنجليزيه ...

المجاميع بالفعل تؤثر علي الحاله النفسيه للأطفال بالذات لإختلافها جذريا عن جو المدرسه الطبيعي..ولكنها أرخص كثيرا بالنسبه لغير القادرين ماديا أو لديهم عدد كبير من الأولاد....

الأسر لجأت ايضا للمجاميع عندما أنضمت السنه الدراسيه للصف الخامس والسادس في مصر ليكسبوا عام دراسي...ولكن بعد قرار عوده الصف السادس كثير من الأسر عادت إلي المدارس ثانيه...

[نانو]

مشكله بنعاني منها كلنا في دول الخليج ....هنا في الكويت من 3 سنين بالضبط قال لنا أحد أصدقائنا إن السفاره المصريه ناويه تفتح مدارس تابعه لها تدرس المنهج الحكومي مدرسه باللغه العربيه و وأخري إنجليزيه وفرنسيه كمان ..بس مطلوب تسجيل علي الأقل أسماء 3000 طفل علشان يتشجعوا ويشرعوا في التنفيذ ..لدرجه روحت السفاره وإتكلمت معاهم وقالي واحد هناك

أن مقر المدارس ديه إحنا محددينه بالفعل بس ياريت تبلغوا أكبر عدد من الجاليه من معارفكم علشان نسرع أكتر في البدايه

وبعدها اتنسي الموضوع و من فتره سألت بالتليفون عن أخر الأخبار والرد إن الموضوع ده ممنوع نهائي و غير مطروح حتي مستقبليا

بالمناسبه ...واضح يا مصري إن بنتك في نفس مدرسه بناتي و هما النهارده في الحفله فعلا ...و كمان حفظتهم النشيد الوطني في حب الكويت ...بس هما كمان حافظين النشيد الوطني المصري

مش عيب أبدا إن الطفل يكون عنده إنتماء للمكان إللي نشأ فيه ....و ده جزء من تعليم أسس الانتماء و إلا الطفل هايكون مزعزع نفسيا

أنا بأشجعهم كتير أوي علي حب البلد هنا و التفاعل مع المجتمع وإلا هابقي أنا السبب في شعورهم بالغربه و بإنهم أقليه في المجتمع اللي بينشأو فيه...لكن في نفس الوقت أنا نفسي بافوجأ بإنتمائهم وحب الكبير جدا لمصر وفي أي لحظه بأقولهم تعيشوا في مصر ولا في الكويت ...الرد بيكون عفوي و سريع جدا وفي نفس واحد .....مصر

[أسد]

أريد توضيح نقطة ..

قرار جامعةالدول العربية بالتأكيد هو غير ملزم .. فهو بمثابة توصية .. من منطلق الوحدة العربية والكلام ده ..

ومن حق أي دولة أن تطبقه أو لا تطبقه ..

في السعودية .. كانت هناك مدارس خاصة .. أو انترناشيونال تدرس المنهج المصري ..

والحكومة السعودية (ومش عارف ليه) رفضت هذا الأمر .. وأغلقت كل تلك المدارس ..

حتى السفارة المصرية كان عندها ما يسمونه فصول التقوية . وكانت بجوار السفارة القديمة في العليا بجوار مستشفى الحمادي .. وتم إغلاقها أيضاً ...

وحتى تلك المجموعات .. كان يتم إغلاقها والقبض على المدرسين الذين يديرونها .. وكان يقوم بهذا الدور هيئة الأمر والمعروف .. وكانت في الغالب تغلق بحجة الإختلاط ..

وفي السنوات الأخيرة ألاحظ أن الحكومة في السعودية .. تغض البصر عن المجموعات الموجودة حالياً .. ولا تتبعها وتتربص بها مثلما كان يحدث في السابق ...

أنواع المدارس الموجودة في السعودية ..

هي مدارس حكومية .. وهي تدرس المنهج السعودي العربي

مدارس خاصة .. وتدرس منهج سعودي .. عربي .. ومنها ما يهتم بتدريس منهج إنجليزي متقدم ..

مدارس عالمية .. وهي تدرس المناهج الأمريكية والبريطانية والاسترالية (وهي الأشهر .. مزيج بين البريطاني والأمريكي) .. والفلبينية والهندية .. الخ .. وكلها غير عربية .. وتتبع لإدارة اسمها التعليم الأجنبي في وزارة التربية والتعليم ...

ويحظر على السعوديين الدراسة في تلك المدارس مطلقاً .. إلا باستثناءات وقواعد صارمة لأبناء الدبلوماسيين على سبيل المثال (برضه محدش يسألني ليه علشان مش عارف) ...

وفي السنة الماضية فقط .. أي 2007 .. قررت وزارة التربية والتعليم السعودية الموافقة على فتح وإنشاء مدارس تدرس المنهج العالمي (البريطاني أو الأمريكي) للسعوديين .. وتحصل على ترخيص خاص .. ويسمح بالطبع للسعوديين بالدراسة فيها ..

المصريين اللي عايزين ياخدوا المنهج المصري بيدرسوا في المجموعات الخاصة اللي هي في منازل أو في بعض الأماكن المعدة لذلك وكلها غير نظامية أو غير قانونية .. ولا ينطبق عليها المناخ المدرس والذي أشار سي السيد إلى أهميته القصوى في تربية وتعليم الطفل . وفي آخر العام يقدمون للإختبار عن طريق السفارة المصرية .. وهذه من الصف الرابع الإبتدائي أو الثالث مش متأكد وحتى الأول الثانوي فقط ..

واشتهر بين المصريين الإهتمام بتدريس أبناؤهم المنهج المصري فيما سبق نظراً لأنهم كانوا يوفرون على أبناؤهم سنة دراسية .. عندما كانت الإبتدائية خمس سنوات فقط .. وكان بعضهم يخرج إبنه من المدارس السعودية بعد الصف الرابع .. ويمتحن الصف الخامس (مصري) في السفارة أو في مصر ثم يحاول إعادته إلى المدارس السعودية مرة أخرى في الصف الأول الإعدادي ..

إلا أن السعوديون أدركوا تلك الحيلة وفهمومها مباشرة .. ورفضوا أن يقبلوا أي طالب مصري في الصف الأول الإعدادي إلا إذا أظهر شهاة دراسة الصف الرابع والخامس معاً .. فإذا كانوا من مصر قبلوه .. وإذا كان الرابع سعودي والخامس مصري .. قالوا له لأ .. يقبل في الصف السادس إبتدائي ياحلو ..

وبالتالي كثير من المصريين الذين قاموا بهذا الأمر إضطروا إلى استكمال دراسة ابناؤهم في المجموعات المصرية والامتحان في السفارة في نهاية العام ....

ومنهم من قبل بأن يرجع إبنه سنة في سبيل أن يدخلهم مدارس سعودي ..

أما المدارس العالمية فهي لا تقبل أي طالب في منصف المراحل الدراسية إلا إذا إجتاز إختبارات تقييم يصعب على من لم يدرس في مدارس لغات من يومه أن يجتازها ..

هذا بالمختصر المفيد

اي خدمة

[مصري أصيل]

مجاميع التقوية أو الشرح بتقوم بتدريس المنهج المصري ... والواحد بيبقى مسجل أولاده في السفارة وبيروحوا يمتحنوا هناك في مدارس تؤجرها السفارة فترة الإمتحانات فقط بحيث الطالب لما يتسقر في مصر لا يشعر بأي فرقة في المناهج .. لكنها عملية قاتلة لنفسية وتنشئة الطفل - في إعتقادي - حيث إن وجود الطفل في المدرسة هو تربية في حد ذاته وبيبقى ده أول خطواته في الغحتكاك بفئات وعقليات وثقافات مختلفة في المجتمع ..

يعني موضوع الدراسة مش بس هي إن عندك كتابين بتذاكرهم وتروح أخر السنة تمتحنهم فقط ...

عشان كده معظم الطلبة دول لما بيكبروا ما بتلاقهمش أسوياء نفسياً زي الطلبة المخربشة اللي بيدرسوا في مدارس ..

وما يتحدث عنه الاخ إيهاب كان موجود بالفعل في جميع دول الخليج ولكن دلوقت لأ ...

ونحن نستعيض عن عدم وجود مدارس مصرية بالمدارس العالمية ( إنترناشونال ) وهي كويسه وكل حاجه لكنها لا تذكر شيء عن جغرافية أو تاريخ بلادنا وهذا شيء يحز في نفسي فعلاً .. فنحن كنا نخرج من إبتدائي عارفين كل شيء عن بلدنا من أول الفراعنة لحد ثورة عرابي والعائلة العلوية .

فعلاً الدراسة مش بس كتابين بنذاكرهم زي ما حضرتك تفضلت . وكمان البنت لسه في أولي أبتدائي يعني لما تدخل في الجد المفروض بدل ما تحفظ الشعر لشعراء مصريين تحفظه لشعراء خليجين والا ايه الحكايه مش عارف والمفروض بدل ما تعرف تاريخ بلادها من أول مينا موحد القطريين لغاية حرب أكتوبر تعرف تاريخ بلد أقامتها من أول معركة الجهراء 1920 الي موقعة القيرين 1990؟

[مصري أصيل]

أخي الكريم مصري...

المسئله لا تكون شبيهه بالدروس الخصوصيه لإنها في بعض الأحيان يتعدي فيها عدد الطلاب ال100 طالب...

وبالتالي تكون شبيهه بالمدارس الخاصه وبدون ترخيص...

قرار جامعه الدول العربيه مبني علي أساس أن الدوله ناطقه باللغه العربيه وبالتالي لا يسمح بتدريس منهج عربي داخل منهج عربي أخر...

وتعويضا عن ذلك هناك خيار المدارس الدوليه ...وطبعا غان عن الذكر أن كل المواد فيها تدرس باللغه الإنجليزيه ...

المجاميع بالفعل تؤثر علي الحاله النفسيه للأطفال بالذات لإختلافها جذريا عن جو المدرسه الطبيعي..ولكنها أرخص كثيرا بالنسبه لغير القادرين ماديا أو لديهم عدد كبير من الأولاد....

الأسر لجأت ايضا للمجاميع عندما أنضمت السنه الدراسيه للصف الخامس والسادس في مصر ليكسبوا عام دراسي...ولكن بعد قرار عوده الصف السادس كثير من الأسر عادت إلي المدارس ثانيه...

ألف شكر للتوضيح ونظام المجاميع غير موجود في الكويت أما قرار جامعة الدول العربيه فأتمني أمنية شخصية وأظن أيضاً أنها أمنية عامة أن يتم مراجعته لأنني بصراحة لا أجد له أي معني أو أي مبرر.

[مصري أصيل]

مشكله بنعاني منها كلنا في دول الخليج ....هنا في الكويت من 3 سنين بالضبط قال لنا أحد أصدقائنا إن السفاره المصريه ناويه تفتح مدارس تابعه لها تدرس المنهج الحكومي مدرسه باللغه العربيه و وأخري إنجليزيه وفرنسيه كمان ..بس مطلوب تسجيل علي الأقل أسماء 3000 طفل علشان يتشجعوا ويشرعوا في التنفيذ ..لدرجه روحت السفاره وإتكلمت معاهم وقالي واحد هناك

أن مقر المدارس ديه إحنا محددينه بالفعل بس ياريت تبلغوا أكبر عدد من الجاليه من معارفكم علشان نسرع أكتر في البدايه

وبعدها اتنسي الموضوع و من فتره سألت بالتليفون عن أخر الأخبار والرد إن الموضوع ده ممنوع نهائي و غير مطروح حتي مستقبليا

بالمناسبه ...واضح يا مصري إن بنتك في نفس مدرسه بناتي و هما النهارده في الحفله فعلا ...و كمان حفظتهم النشيد الوطني في حب الكويت ...بس هما كمان حافظين النشيد الوطني المصري

مش عيب أبدا إن الطفل يكون عنده إنتماء للمكان إللي نشأ فيه ....و ده جزء من تعليم أسس الانتماء و إلا الطفل هايكون مزعزع نفسيا

أنا بأشجعهم كتير أوي علي حب البلد هنا و التفاعل مع المجتمع وإلا هابقي أنا السبب في شعورهم بالغربه و بإنهم أقليه في المجتمع اللي بينشأو فيه...لكن في نفس الوقت أنا نفسي بافوجأ بإنتمائهم وحب الكبير جدا لمصر وفي أي لحظه بأقولهم تعيشوا في مصر ولا في الكويت ...الرد بيكون عفوي و سريع جدا وفي نفس واحد .....مصر

الأخ نانو

فرحت كثيراً عندما قرأت بداية مداخلتك ولكن الفرحة لم تكتمل عندما أكملت المداخلة . و أنت بتقول مش عيب أن يكون الطفل عنده أنتماء للمكان اللي نشأ فيه . و أنا مش بقول عيب ويمكن حضرتك عندك حق بس فعلاً مش قادر أعمل كده . مش قادر أحفظها شعر وطني كويتي وكمان مش قابل أنها ترفع علم غير علم بلدها . ده مش كرهاً في البلد هنا بالعكس أحنا بنحب البلد هنا جداً وبنشارك في أحتفالات 25 & 26 بس فعلاً الحاجه دي مش قادر أغصب نفسي عليها يمكن أنا غلط.

[مصري أصيل]

أريد توضيح نقطة ..

قرار جامعةالدول العربية بالتأكيد هو غير ملزم .. فهو بمثابة توصية .. من منطلق الوحدة العربية والكلام ده ..

ومن حق أي دولة أن تطبقه أو لا تطبقه ..

في السعودية .. كانت هناك مدارس خاصة .. أو انترناشيونال تدرس المنهج المصري ..

والحكومة السعودية (ومش عارف ليه) رفضت هذا الأمر .. وأغلقت كل تلك المدارس ..

حتى السفارة المصرية كان عندها ما يسمونه فصول التقوية . وكانت بجوار السفارة القديمة في العليا بجوار مستشفى الحمادي .. وتم إغلاقها أيضاً ...

وحتى تلك المجموعات .. كان يتم إغلاقها والقبض على المدرسين الذين يديرونها .. وكان يقوم بهذا الدور هيئة الأمر والمعروف .. وكانت في الغالب تغلق بحجة الإختلاط ..

وفي السنوات الأخيرة ألاحظ أن الحكومة في السعودية .. تغض البصر عن المجموعات الموجودة حالياً .. ولا تتبعها وتتربص بها مثلما كان يحدث في السابق ...

أنواع المدارس الموجودة في السعودية ..

هي مدارس حكومية .. وهي تدرس المنهج السعودي العربي

مدارس خاصة .. وتدرس منهج سعودي .. عربي .. ومنها ما يهتم بتدريس منهج إنجليزي متقدم ..

مدارس عالمية .. وهي تدرس المناهج الأمريكية والبريطانية والاسترالية (وهي الأشهر .. مزيج بين البريطاني والأمريكي) .. والفلبينية والهندية .. الخ .. وكلها غير عربية .. وتتبع لإدارة اسمها التعليم الأجنبي في وزارة التربية والتعليم ...

ويحظر على السعوديين الدراسة في تلك المدارس مطلقاً .. إلا باستثناءات وقواعد صارمة لأبناء الدبلوماسيين على سبيل المثال (برضه محدش يسألني ليه علشان مش عارف) ...

وفي السنة الماضية فقط .. أي 2007 .. قررت وزارة التربية والتعليم السعودية الموافقة على فتح وإنشاء مدارس تدرس المنهج العالمي (البريطاني أو الأمريكي) للسعوديين .. وتحصل على ترخيص خاص .. ويسمح بالطبع للسعوديين بالدراسة فيها ..

المصريين اللي عايزين ياخدوا المنهج المصري بيدرسوا في المجموعات الخاصة اللي هي في منازل أو في بعض الأماكن المعدة لذلك وكلها غير نظامية أو غير قانونية .. ولا ينطبق عليها المناخ المدرس والذي أشار سي السيد إلى أهميته القصوى في تربية وتعليم الطفل . وفي آخر العام يقدمون للإختبار عن طريق السفارة المصرية .. وهذه من الصف الرابع الإبتدائي أو الثالث مش متأكد وحتى الأول الثانوي فقط ..

واشتهر بين المصريين الإهتمام بتدريس أبناؤهم المنهج المصري فيما سبق نظراً لأنهم كانوا يوفرون على أبناؤهم سنة دراسية .. عندما كانت الإبتدائية خمس سنوات فقط .. وكان بعضهم يخرج إبنه من المدارس السعودية بعد الصف الرابع .. ويمتحن الصف الخامس (مصري) في السفارة أو في مصر ثم يحاول إعادته إلى المدارس السعودية مرة أخرى في الصف الأول الإعدادي ..

إلا أن السعوديون أدركوا تلك الحيلة وفهمومها مباشرة .. ورفضوا أن يقبلوا أي طالب مصري في الصف الأول الإعدادي إلا إذا أظهر شهاة دراسة الصف الرابع والخامس معاً .. فإذا كانوا من مصر قبلوه .. وإذا كان الرابع سعودي والخامس مصري .. قالوا له لأ .. يقبل في الصف السادس إبتدائي ياحلو ..

وبالتالي كثير من المصريين الذين قاموا بهذا الأمر إضطروا إلى استكمال دراسة ابناؤهم في المجموعات المصرية والامتحان في السفارة في نهاية العام ....

ومنهم من قبل بأن يرجع إبنه سنة في سبيل أن يدخلهم مدارس سعودي ..

أما المدارس العالمية فهي لا تقبل أي طالب في منصف المراحل الدراسية إلا إذا إجتاز إختبارات تقييم يصعب على من لم يدرس في مدارس لغات من يومه أن يجتازها ..

هذا بالمختصر المفيد

اي خدمة

الأخ أسد أشكر لك مجهود وشرحك بأستفاضه لموضوع الدراسة داخل المملكة العربية السعودية . ولكن حضرتك تقول أن قرار جامعة الدول العربية غير ملزم ومن حق كل دولة تطبيقة أو عدم تطبيقة . إذا من هي الجهة التي نستطيع مخاطبتها لكي ننقل لها رغبة المصريين في أنشاء مدارس تقوم بتدريس المنهج المصري . إن كان عند حضرتك أجابة فأرجوا مشكوراً التفضل بها.

[osaimi]

شكرا علي هذا الموضوع الرائع ، وفعلا نحن هنا فى السعودية فى حيرة شديدة ولا ندرى ما هو مستقبل أبناءنا المشكلة أن مدارس الحكومة كثيرا منها لا يقبل الأجانب (غير السعوديين) وحتي لو قبلوا معندناش إستعداد ندخل ولادنا فيها واللي عايش فى السعودية عارف ليه ، المدارس اللغات للأسف تنقسم إلي مدارس عالمية وتكلفتها عالية جدا جدا (حوالي 15 الف وانت طالع فى السنة) ومدارس اللغات اللي مستواها كلها زى الزفت وأسعارها من 6 آلاف وانت طالع ، هذا بخلاف مشاكل المناهج التي تكلم عنها الإخوان بالسابق ، وعشان تعرفوا مدي المعاناه اللي غحنا فيها رغم الفلوس الكتير اللي بندفعها ، يكفى ان تعرفوا أن جميع المدرسات هما أساسا مش مدرسات هما فقط جايين مع أزواجهم بتأشيرة إستقدام وبيزودوا رزقهم بالتدريس فيهم نسبة قليلة كويسين لكن معظمهم للأسف غير مؤهلين للتدريس بالمرة هذا بخلاف كثرة تنقلهم من مدرسة إلي أخري بسبب البحث عن راتب أكبر وطذ فى المدرسة و والطلاب ، اللي أنا مستغربله أن الحكومة السعودية تمنع تأشيرات المدرسين لمدارس اللغات مش عارف ليه طالما انها صرحت بوجودها ، إلا طبعا للمدارس الأمريكية أو البريطانية اللي منقدرش علي مصاريفها ، هذا بخلاف الطامة الكبرى عند وصول أولادنا لمرحلة الثانوية العامة ودخولهم فى التنسيق والمآسي اللي بنشوفها ، والله إحنا متبهدلين هنا وحكومتنا مش ناصفانا لا بره ولا جوه ،

لازم نوصل صوتنا للمسوءلين فى مصر عشان يحلولنا المشكلة دي ، بس إزاى إقترحوا ، أنا بقول ممكن نبعت عنوان الموضوع ده لبرامج مثل العاشرة مساءا و90 دقيقية إيه رأيكوا ؟؟؟

[مصري أصيل]

لازم نوصل صوتنا للمسوءلين فى مصر عشان يحلولنا المشكلة دي ، بس إزاى إقترحوا ، أنا بقول ممكن نبعت عنوان الموضوع ده لبرامج مثل العاشرة مساءا و90 دقيقية إيه رأيكوا ؟؟؟

أقتراح رائع بجد أحيك عليه . لو حد عنده أيميل البرامج دي أو فاكساتها يا ريت يتفضل ويكتبه مشكوراً .