اضافة الزوجه والابن

[ahmedib]

اخوانى المصريون الاعزاء فى كل مكان , دائما" مكافحين وناجحين باذن الله, ونحصلكم الى الكفاح فى الغربه قريبا .

انا مصرى اعمل مبرمج حاسب الى , ORACLE ADMINISTRATOR عمرى 29 سنه.

فى عام 2005 كنت بقالى سنتين بادرس فرنساوى , وتعاقدت للاسف مع مكتب محامى الهجرة الشهير جدا "...... يوسف" , الله يسامحه وحار ونار فى جتته الفلوس اللى لهفها .

جهزت الاوراق كلها مع خبره 4 سنوات كيميائى وكله تمام . المكتب ماعملش اى حاجه غير انهم قالولى الاوراق المطلوبه وترجموها فى مكتب ترجمه ثم ارسلوها بالبريد السريع بس كل ده بـــ (2000) دولار . خلال شهر سبتمبر عام 2005 ارسلت باوراقى الى مكتب الهجرة لمقاطعة كيبيك وتم قبول الطلب واخذت رقم الملف وكله تمام.

المشكله انى كنت شايف الموضوع مطول حبتين ولسه ادامه كتير اوى, لذلك اخذت راحتى واتجوزت, لا دا كمان ربنا رزقنا بولد زى القمر منور البيت ومش مخلينى اعرف انام او اذاكر .

المهم لحد من 4 ايام فقط (فبراير 2008) لم يردنى اى خبر عن الملف او حالته من السفاره او المكتب الفاشل بتاعى ( كل ما اكلمهم يقولولى هات الفلوس ونضيفلك مراتى , اقولهم طب طمنونى على الملف الاول؟؟ يقولولى استنى شويه وهما هيردوا !!!!, بس للاسف ماكانوش هيردوا). لحد ما نصحنى احد الاخوه (اسمه بيشوى , والله بشوى ده راجل محترم وجدع ووقف جنبى من غير ما يعرف اى حاجه عنى غير اسمى) اللى بيستعد زى للهجرة انى اتكلم فى التليفون مع السفاره فى سوريا عشان اعرف ليه اتاخورا.

وكانت المفاجأة, اتاريهم بعتوا ليا جواب فى مايو 2007 عشان المقابله كانت المفروض تتم خلال نوفمبر 2007 , طبعا الجواب لم يصلنى بسبب هيئه البريد الفاشله بتاعتنا وكانوا هيضيعوا كل المجهود اللى عملته, اله يسامحهم.

لحقت الموضوع وكلمت السفاره تانى وقالولى ممكن يتحدد ميعاد جديد بس ابعت رساله اشرح فيها الموضوع.

ربنا يستر ويرضوا يحددوا ميعاد تانى.

المهم دلوقتى ان المكتب "الله يسامحهم" عايزين منى الف دولار اتعاب اضافه الزوجه والابن , انا مش واثق فيهم تانى و حرام فيهم اى مليم يدفع, دول حتى مش عايزنى اطلب من السفاره قائمه الاوراق المطلوبه( عشان يخلينى محتاجله وادفع المطلوب) .

انا شايف ان المكتب ما يستاهلش كل الفلوس دى. انا اعرف اجهز اورق زوجتى بس عايز اتاكد منها بالظبط وعايز اعرف اى form هى اللى تتملى باليانات بتاعه زوجتى وابنى عشان لازم ابعتهم الاسبوع ده ويضافوا على ملفى قبل ما يتحدد ميعاد مقابله جديد.

انا قريت مواضيع كتير على المنتدى المحترم بالناس الاصيله الخدومه اللى بتكتب فيه, بس ما لقيتش اى حاله زى حالتى ممكن اعرف اتصرف زيها ( اضافة الزوجه والابن بعد الملف وقبل المقابله) .

ارجو من الاخوه الافاضل اللى ممكن يساعدنى باى معلومه عن النماذج المطلوبه وكيفية كتابتها والاوراق المطلوبه يرد عليا بسرعه.

سؤال اخير للاخوه المبرمجين المقيمين فى كندا, عاوز اسالهم عن مجال الORACLE DEVELOPMENT و الـORCLE ADMINISTRATION فى كندا اخبار الوظايف ومتوسط الدخل ايه عشان اعمل حسابى من دلوقتى انا حيث انى خبره سنتين فيهم حتى الان.

وفى النهايه ادعوا لمص وكل شبابها بكل خير , وربنا يوفقوا جميعا ودئما يد واحده وتعاونون .

السلام افضل ختام

[deemuck]

الامر بسيط جدا ، كل اللي هتعملة هتنزل نموذج Family application من الموقع الرسمي www.cic.gc.ca

انا اديتك الموقع كله ، عشان تتصفح وتشوف ان الموضوع بسيط ومش محتاج مكاتب ولا محاميين ولا دياوله

سؤال اخير للاخوه المبرمجين المقيمين فى كندا, عاوز اسالهم عن مجال الORACLE DEVELOPMENT و الـORCLE ADMINISTRATION فى كندا اخبار الوظايف ومتوسط الدخل ايه عشان اعمل حسابى من دلوقتى انا حيث انى خبره سنتين فيهم حتى الان.

وفى النهايه ادعوا لمص وكل شبابها بكل خير , وربنا يوفقوا جميعا ودئما يد واحده وتعاونون .

السلام افضل ختام

عندك م.ايهاب سالم شغال oracle نار !!!!!!!!!!!

تم تعديل 23 فبراير 2008 بواسطة deemuck

[ahmedib]

ما شاء الله ,

فى اقل من ساعه جاء الرد.

اشكرك جزيل الشكر سيدى الفاضل.

اوعدك اشوف الموقع ده و اراجعه.

ارجو لو حد من الاخوه يوضح الاوراق المطلوبه بالضبط وتظبيطها, والمبلغ المفروض اطلع بيه كشف حساب من البنك .

بس برضه انا عايز لعرف الفورمه دى املاها ازاى بدون اى اخطاء, انا عارف الحاجات دى لازم تتملى بدقه شديده.

كمان افهم انك تنصحنى بلاش من المكتب والمحامين والنصب ده؟؟

اكرر شكرى لسرعة الاستجابه.

أخوكم احمد

[مزاميزو]

بالنسبة للضمان المالي ما تزودش عن 5000 دولار كندي

وأنت في المقابلة بتاخد ورقة تمضي عليها بالفلوس ايلي هتدخل بيها كندا أنا مش فاكر بالنسبة لحالتك بالضبط كام بس أنا كنت لوحدي في المقابلة في نوفمبر الماضي وكان الضمان المطلوب ليا 2586 دولار كندي وأنا زي حالاتك مقدم كيبيك ولما تزود فردين كمان فلا أعتقد أنها كانت تتعدى 5000 دولار وما تزودش عن ايلي مكتوب في ورقة التعهد كتير يعني أنا قربت الرقم لأقرب ألف وكتبت 3000 عشان لما توصل هناك وتحتاج دعم حكومي ما يقلوش أنت معاك فلوس أكتر ويحطوك على لائحة الإنتظار

أما بالنسبة لإضافة الزوجة فلا أفتيك فيما لا أعلم

[ahmedib]

تحياتى وشكرا للاخ مزاميزو.

ارجو المشوره من الاخوه الافاضل.

فى انتظار ردود اخرى وافكار متنوعه.

شكرا للجميع

[هشام الكندي ان شاء الله]

واضح كدا ان المكاتب دي مش مكاتب هجرة دي مكاتب نصب علني

طيب لو الواحد فعلا مش واثق في البريد المصري يعمل ايه علشان اوراقه توصل؟

ينفع يقول للسفارة ما تبعتوش بسطه و ابعتوا لي علي الايميل علي طول؟ و هل هيوافقوه؟

[ahmedib]

فعلا يا استاذ هشام.

هو ده اللى انا عملته, كتبت ى الرساله بااطلب ميعاد جديد ويتم ابلاغى بالـ email مع الجواب برضه, لكنى لازم اتابع البريد واشوف ليه الرسايل ما بتوصلش.

بالنسبه للمكاتب, انا مش قادر اقول هما كويسين ولا نصابين, بس اقدر اقول انهم بياخدوا اكتر كتير من حقهم قصاد الخدمه المقدمه, وخصوصا لو انسان بايخ وفارغ وقليل الذوق زى البنى ادم اللى انا قدمت معاه.

ليا تعليق صغير بالنبه لاسمك:- افضل يكون هشام المصرى دائما باذن الله, احنا مصريين ونفخر بذلك, لكن الظروف والصعوبات واحتياجنا لفرص افضل هو اللى اجبرنا على اتخاذ الخطوات دى, لكن انتمائنا الاساسى لمصرنا العظيمه ام الدنيا.

تحياتى

[هشام الكندي ان شاء الله]

و الله يا استاذ احمد خلاف في الراي لا يفسد من الود اي قضيه بالنسبه لموضوع الاسم دا

هيا قصه كبيره جدا بس مش مكانها هنا لان دا موضوع عن اضافه الزوجه و الابن

لو الفرصه تسنح هبعت لحضرتك علي الايميل

شكرا علي ردك يا استاذ احمد و هجرة سعيده باذن الله

[capitshino]

السلام عليكم

للاسف ان مكتب بهذا الحجم وهذا الكيان يتعامل مع الناس بهذه الطريقة ...انا لا اعبر عن ان المكان ذو مكانة طيبة ولكن قصدى بمكان المكتب فى منطقة راقية واعلانات باستمرار من عشرات السنين وفى الاخر تقابل اشخاص لا اجد وصف يناسبهم

عالعموم ربنا يرزقك الرزق الصالح ويوفقك فى موضوع الهجرة

[هشام الكندي ان شاء الله]

اخيرا كابتشينو ظهر كجددا! يا مرحبا يا مرحبا

ربنا معاك يا كابتشينو في الهجرة و نتجمه كلنا في تورنتو ان شاء الله