لكل مصرى فى الرياض

[mira]

سلام عليكم

زوجى ذهب للرياض من 5شهور واخيرا تمت الموافقة على استقدامى ولكن قال لى انه فى انتظار ورقة يوجد بها رقم وذلك لارساله لى للذهاب للقنصلية لاخذ التاشيرة

اود ان اعرف كم تاخذ مدة هذه الورقة وماهى بالظبط وبعد ذلك ما سافعله بالتفصيل لانى لوحدى ومعرفش ايه ترتيب خطوات الاجراءات وكم ستاخذ وقت

والمعيشة فى الرياض كيف الحال وخصوصا حى الفلاح و

جزاكم الله خيرا

[se_ Elsyed]

الورقة دي يا إسمها تأشيرة الإستقدام

وممكن يبعتهالك في يومين تلاته أول ما يستلمها

تكوني إنتي مجهزة جواز سفرك وواخده حد من قرايبك زوجك لإدارة الجوازات مع قسيمة الجواز عشان تثبتي في الجواز رسيماً بإن زوجة فلان الفلاني وكمان تثبتي الأولاد على جواز سفرك .

وبعدين لازم تعملي شهادة صحية للخلو من الامراض المعينة اللي محدداها السعودية ...

نصيحة لوجه الله إعمل تحيلي فيروس الكبد الوبائي في أي معمل بره الأول .. عشان تتأكدي لإن لا قدر الله يعني لو عمليت التحليل ده في المستشفيات المعتمدة من وزارة الصحة المصرية ومقبولة من القنصلية السعودية .. النتيجة بتروح من بره بره من المستشفى للقنصلية في ظرف مقفول فلو لا قدر الله طلع عندك لو شبة فيروس حتى .. فبيحطوكي بلاك ليستد لمدة سنة ما تقدريش تسافري السعودية لإنهم للأسف إلى الأن لا يفرقون بين حامل الفيروس والمصاب بالفيروس ... ممكن اي حد سافر قريب يقولك إيه هي المستشفيات اليومين دول وأعتقد منها مستشفى المروة ومستشفى القاهرة في مصر الجديدة قدام الميريلاند

بعد ما توصلك الورقة - ورقة الإستقدام مش الورقة الوحشة التانية :) - يكون معاكي الجواز وعملتي الشهادة الصحية .. تروحي بقى اي مكتب إلحاق عمالة معتمد من القنصلية - ده إجراء جديد بقى له ييجي إسبوعين فقط وكان الأول الأفراد بتتعامل عادي مع القنصلية .. دلوقت ممنوع ولازم تتعاملي من خلال مكتب معتمد وتدفعي له قد 300 أو 400 جنيه عشان يخلص لك الأوراق وده بياخد يمكن إسبوع زمان بالكتير ...

ولما التأشيرة تطلع تحجزي التذكرة وتسافري وما تنسيش تجيبي معاكي بط وسمنة بلدي ولحمه بلدي برضوا والله يخليكي جيبي لي معاكي كيلو لب سوبر ...

وحمد الله عالسلامه

[mira]

جزاك الله خيرا

يعنى انا بعد ميبعت الورقة وهاروح اعمل الشهادة الصحية وبعدين اروح القنصلية ولا مكتب السفريات وبعدين اروح تانى للقنصلية بالباسبور علشان يدونى الفيزا فى ساعتها ولا بعد اد اه

وانا عملت موضوع اثبات الزوج على الباسبور وبعته بالاميل للزوجى وهو اقدمه

والمصارف لكل دة فى حدود اد ايه

وبالنسبة للبط والسمن البلدى والله الاسعار هنا بقت مولعة نار متهيالى عنكوا ارخص لما اجى ان شا ءالله هجيبلك واعملهملكم وانا اسمى ام عمر

[se_ Elsyed]

جزاك الله خيرا

يعنى انا بعد ميبعت الورقة وهاروح اعمل الشهادة الصحية وبعدين اروح القنصلية ولا مكتب السفريات وبعدين اروح تانى للقنصلية بالباسبور علشان يدونى الفيزا فى ساعتها ولا بعد اد اه

وانا عملت موضوع اثبات الزوج على الباسبور وبعته بالاميل للزوجى وهو اقدمه

والمصارف لكل دة فى حدود اد ايه

وبالنسبة للبط والسمن البلدى والله الاسعار هنا بقت مولعة نار متهيالى عنكوا ارخص لما اجى ان شا ءالله هجيبلك واعملهملكم وانا اسمى ام عمر

عاشت الأسامي

بصرررره أنا كمان أبو عمر

يا ستي إنتي مش هاتتعاملي مع القنصلية مباشرةً كل التعامل هايكون مع المكتب ...

المصاريف اللي انا قولتها دي أتعاب المكتب

وبالنسبة للبط والسمن البلدى والله الاسعار هنا بقت مولعة نار متهيالى عنكوا ارخص لما اجى ان شا ءالله هجيبلك واعملهملكم

إيتدينا بقى شغل التحويش

طب اللب هو كمان غلي ؟!!

[mira]

فهمت معلش اول مرة اسافر وانا كبيرة وبالنسبة لحى الفلاح والمعيشة فى الرياض والجو عنكوا دلوقتى عامل ازاى

اللب بسيطة بس يارب ميكونش مغشوش حاكم فى البلد دلوقتى نادر متلاقى حاجة اصلية كله تقليد

[mira]

يعنى الموضوع كله من بعد اخد ورقة الاستقدام لحد مااخد الفيزا تاخد وقت اد ايه

[se_ Elsyed]

الروق والحبشتكانات كلها ممكن تخلص في إسبوعين أو تلاته

حي الفلاح بصراحة ما أعرفوش ممكن يكون معروف بإسم تاني دارج لكن الرياض بشكل عام مدينة ظريفة جداً وهادئة اللهم الا المناطق الشعبية فبتحسي إنها زي مصر

الجو دلوقت دافي وظريف .... بس لما بندخل على شهر 5 بيصرفوا هنا بابور لكل مواطن عشان يولع في وشه وبنفضل كده لحد نهاية شهر 8 .. تقدري تقولي إن في الصيف ممكن تشوي دُرة على حرارة الشمس

اللب بسيطة بس يارب ميكونش مغشوش حاكم فى البلد دلوقتى نادر متلاقى حاجة اصلية كله تقليد

ليه كده يا ميرا ... إنتي تقربي لناس متشائمين هنا في المنتدى ؟

ليه النظرة التشاؤمية دي ؟

ده انا لسه جايلي من مصر ام الدنيا من اسبوع فضلة خيرك كيلو لب سوبر وكيلو أبيض وكيلو خروب - آه والله - إنما إيه ... بصراحة حاجات بتعمل دماغ أحلى من البانجو

وبعدين بكره نقعد على الحيطه ونشوف إنطباعك عن الغربة والبعد عن بلدنا حبيبتنا بكل ما فيها

[mira]

حى الفلاح فى شمال الرياض بجانب حى النفل عند مخرج 7 ناحية طريق عثمان بن عفان وبعدين انا لسه عروسة جديدة هاروح اجوز هناك بداية حياة يعنى فبصراحة قلقانة ادعى لى

[se_ Elsyed]

عامل لك أحلى شغل أهو يا ميرة وكله بحسابه وفي إنتظار إمدادات اللب :bro:

جبت لك أرار حي الفلاح

حي الفلاح يا ستي طلع من الحاجات الهاي لايف وحي راقي في شمال الرياض وقريب من مطار الملك خالد - مطار الرياض -

أي خدمة

طبعاً عشان طلع حي راقي يبقى مش هاتعرفي اللي عايشين في عشش الصفيح من أمثالي :)

[mira]

لا متقلش كدة ياسيدى حى راقى مش راقى المهم حسن العشرة وان البيت يكون هادى احنا هنعمل ايه ببرة ماعلينا الحمد لله

جزاك الله خيرا واسفة انى تعبتك معايا بس انا بقالى 5شهور منتظرة ورقة الاستقدام بس فتحس ان الواحد روحه طلعت وزوجى قالى انه على الاسبوع القادم ان شاء الله هيبعت ورقة الاستقدام بالميل فحبيت اعرف الوقت المتبقى علشان اعمل حسابى لانى زى مقلت انا عروسة جديدة ادعيلى ربنا يجمع بيننا فى خير وعلى خير ويحفظنامن اعين الجن والانس قولوا امين

[se_ Elsyed]

حى الفلاح فى شمال الرياض بجانب حى النفل عند مخرج 7 ناحية طريق عثمان بن عفان

عرفت وجبت لك أراره في المداخلة اللي فوق

-----------------

عروسة جديدة !!!!!

لأ يبقى كده لب وكحك وفطير مشلتت من بتاع العرايس

هاقولك على حاجه مش هاتصدقيها يا ميره ؟

بالرغم من إن الرجالة ممكن تعاني هنا من ضغوطات العمل والغربة والقرف والحركات ..

إلا إن مافيش واحده ست مغتربة فيكي يا سعودية إلا ومزقططة وعايشه عيشة الأميرات ومتستته بحق وحقيق

فالراجل هو اللي بيشتغل ويشقى

وهو اللي بيروح السوبر ماركت ينفي الباميه ويفحص الكوسه ويفلي في البسلة وبعدين يطلع على الجزار يشتري اللحمه اللي من بيت اللوح والبفتيك المبطط عشان البفتيك والمواسير بتاعت الشوربة عشان البهاريز .... ويروح محود على الفرارجي زي احمد مظهر في فيلم الأيدي الناعمة ويجيب الفراخ العتاقي والديوك الرومي والبط البلدي اللي إنتي مستخسارة فينا مع إني عمال أقولك نصايح تستاهل ربع خروف محشي ..

وبعد ده كله ينتع كل الحاجات دي على دماغه ويطلع بها تالت دور عشان ما فيش أسانسير

كل ده وست الحسن والجمال قاعده تتفرج على مسلسل العائلة والناس أو يوميات زوج معاصر وولا في دماغها ويادوب شوية التنفيض على غسيل الحلتين اللي في الحوض

يعني ستات تعيش في مطار الأنفاق .. والرجالة عمالين يكحوا تراب

فأطمئني خالص هاتنبسطي جداً جداً هنا

واجدع حاجه في الغربة للستات .. إن لا في سلفه تضايقها ولا حما تعكنن عليها عيشتها ولا جارة تنقط عليها من غسيلها اللي فوق ولا حاجه .. وصحباتك وجيرانك إنتي اللي لكي مطلق الحرية إنك تختاريهم ...

وممكن تشعري بالممل شويه خصوصاً إذا كان زوجك بيقضي وقت طويل في العمل .. لكن الويك إند وخروجاته بيعوض ذلك .. لحد ربنا ما يرزقكوا باطفال هما اللي يملوا عليكي البيت ..

ده بإختصار سيستم العيشه هنا

[mira]

حى الفلاح فى شمال الرياض بجانب حى النفل عند مخرج 7 ناحية طريق عثمان بن عفان

عرفت وجبت لك أراره في المداخلة اللي فوق

-----------------

عروسة جديدة !!!!!

لأ يبقى كده لب وكحك وفطير مشلتت من بتاع العرايس

هاقولك على حاجه مش هاتصدقيها يا ميره ؟

بالرغم من إن الرجالة ممكن تعاني هنا من ضغوطات العمل والغربة والقرف والحركات ..

إلا إن مافيش واحده ست مغتربة فيكي يا سعودية إلا ومزقططة وعايشه عيشة الأميرات ومتستته بحق وحقيق

فالراجل هو اللي بيشتغل ويشقى

وهو اللي بيروح السوبر ماركت ينفي الباميه ويفحص الكوسه ويفلي في البسلة وبعدين يطلع على الجزار يشتري اللحمه اللي من بيت اللوح والبفتيك المبطط عشان البفتيك والمواسير بتاعت الشوربة عشان البهاريز .... ويروح محود على الفرارجي زي احمد مظهر في فيلم الأيدي الناعمة ويجيب الفراخ العتاقي والديوك الرومي والبط البلدي اللي إنتي مستخسارة فينا مع إني عمال أقولك نصايح تستاهل ربع خروف محشي ..

وبعد ده كله ينتع كل الحاجات دي على دماغه ويطلع بها تالت دور عشان ما فيش أسانسير

كل ده وست الحسن والجمال قاعده تتفرج على مسلسل العائلة والناس أو يوميات زوج معاصر وولا في دماغها ويادوب شوية التنفيض على غسيل الحلتين اللي في الحوض

يعني ستات تعيش في مطار الأنفاق .. والرجالة عمالين يكحوا تراب

فأطمئني خالص هاتنبسطي جداً جداً هنا

واجدع حاجه في الغربة للستات .. إن لا في سلفه تضايقها ولا حما تعكنن عليها عيشتها ولا جارة تنقط عليها من غسيلها اللي فوق ولا حاجه .. وصحباتك وجيرانك إنتي اللي لكي مطلق الحرية إنك تختاريهم ...

وممكن تشعري بالممل شويه خصوصاً إذا كان زوجك بيقضي وقت طويل في العمل .. لكن الويك إند وخروجاته بيعوض ذلك .. لحد ربنا ما يرزقكوا باطفال هما اللي يملوا عليكي البيت ..

ده بإختصار سيستم العيشه هنا

لا متقلش كدة ياسيدى حى راقى مش راقى المهم حسن العشرة وان البيت يكون هادى احنا هنعمل ايه ببرة ماعلينا الحمد لله

جزاك الله خيرا واسفة انى تعبتك معايا بس انا بقالى 5شهور منتظرة ورقة الاستقدام بس فتحس ان الواحد روحه طلعت وزوجى قالى انه على الاسبوع القادم ان شاء الله هيبعت ورقة الاستقدام بالميل فحبيت اعرف الوقت المتبقى علشان اعمل حسابى لانى زى مقلت انا عروسة جديدة ادعيلى ربنا يجمع بيننا فى خير وعلى خير ويحفظنامن اعين الجن والانس قولوا امين

[إيزيس]

ربنا يحفظك يا ميرة ويسعدك و يبعد عنكأعين الإنس و الجن

قولوا آآآآآآآآآآآآآآآآآآآمين

ملحوظة شكلك طيبة جدا مش عارفة ليه حسيت بكده و ربنا هيسعدك إن شاء الله وهتقولي خالتشي قرنفل قالت

[mira]

ربنا يخليكى يا خالتى قرنفل

الله على كلامك والله دة انا مكتئبة اوى من الانتظار والوحدة وكلامك جه فى وقته ربنا يجازيكى خير يا رب امين

هو حضرتك فى الرياض

[osaimi]

لكن الرياض بشكل عام مدينة ظريفة جداً وهادئة اللهم الا المناطق الشعبية فبتحسي إنها زي مصر

تشجيعة أومال

[mira]

السلام عليكم ورحمة الله وبركاته،،

جزاك الله خيرا وربنا يجعل حياتنا هادية دايماوعليكم السلام ورحمة الله وبركاته،،

[mira]

ايه يا جماعة مفيش حد موجود فى الرياض ولا ايه

[إيزيس]

لا أنا في الإمارات و بعدين سي السيد الله يكرمه قاللك كل المعلومات بالتفصيل و ماتخافيش الرياض مليانة مصريين أكيد هتقابلي ناس كويسين و أسمع إن الرياض جميلة و اتكلي على الله وإهدي علشان العريس اللي منتظرك تفرحوا و تتهنوا سوا

:wub: :) :110: :110:

[vipwithyou]

اتطوع بمقابلة اى شخص ( رجل ) قريب لك ان كان اخ او اب او قريب لزوجك لإنهاء الاوراق معه

اعرف الطريق ان شاء الله او المطلوب تحديدا ً

من الكشف للقنصلية لكن حللى الفيروس برة زى ما قالك الأستاذ سى السيد للاطمئنان

تم تعديل 4 مارس 2008 بواسطة vipwithyou

[mira]

شكرا يا جماعة وجزاكم الله خيرا بالنسبة لموضوع التحليل برة يعنى لقدر الله لو عرفت هو فى علاج سريع او اكيد هياخد مدة طويلة

خليها على الله توكلت على الحى الذى لايموت والمرض مش بايد حد وبالنسبة لاقارب الزوج من الرجال مش عارفة حاسة انى غلط اروح مع حد اما اخواتى او لوحدى هعمل ايه ادعولى بان ربنا يرزقنى الرضا