سؤال عن مدن السعودية

[Yasser_71]

السلام عليكم

لدي عرضي عمل للتدريس بالجامعات السعودية في جامعة الملك فيصل بالدمام و جامعة الملك خالد بأبها. العرضان يتساويان في القيمة المادية وطبيعة العمل والأجازات وخلافه.

سؤالي هو عن طبيعة الحياة كأسرة في المدينتين وكذلك بالنسبة لتعليم الأولاد (7 و 4 سنوات) و تكاليف السكن و المعيشة

وشكرا

[أسد]

الحياة في الدمام أفضل بكثير ..

المدارس أفضل بالطبع ..

المناخ في أبها أفضل بدرجة كبيرة . وان كان بارد شتاء ..

أنا شخصياً أقترح الدمام

الحياة أكثر إرتفاعاً في الدمام طبعاً ... ولكنها أعلى جودة

[Yasser_71]

شكرا أخى اسد على المعلومات

لا زال امامى شهر لأتخاذ القرار

وأهلا بأى اراء أخرى

[MZohairy]

الدمام و الخبر أكثر مدنيه من ابها بطبيعة الحال

و لكن طقس الدمام ابشع بمئات المرات (شديد الرطوبه و الحراره صيفا)

ابها اجمل كمدينه سياحيه 100 مره و طقسها افضل طبعا واعتقد ممكن تكون ارخص الى حد ما وليس كثيرا

و لك الإختيار

[Yasser_71]

شكرا علي ردك أستاذ mzohairy

لا زلت فى مرحلة التفكير وان كنت أميل الى أبها

[osaimi]

طبعا الخبر أحسن مفيش وجه مقارنه وأساسا فى الصيف بتكون أجازه يعني مفيش مشكلة وقريب من معظم دول الخليج وبرضه المدارس أفضل وحتي الجامعات فى البحرين موجوده (جامعات خاصة طبعا) ، لكن لو عايز توفر بقى فلوسك ومبتحبش تصرف فلوس ولا تخرج ولا ترفه عن نفسك ، خليك فى أبها أحسن لك

تم تعديل 9 مارس 2008 بواسطة osaimi

[Yasser_71]

الأخ osaimi

أعتقد هناك أسلوب أفضل لعرض رأيك خاصة مع عدم وجود سابق معرفة بيننا

شكرا لك على كل الاحوال

[osaimi]

الأخ المحترم ياسر

أنا لا أقصد الإساءة لا سمح الله بس حبيت أعرضلك رأيي بشكل بسيط والمصريين اللي بييجوا السعودية أو دول الخليج عموما فيهم ناس بيكونوا محددين هدف معين وبالتالي بيعتبروا نفسهم فى مهمة خاصة لتحقيق الهدف والسفر بعده مباشرة الي مصر وفى الحالة دي مش عيب انه يحوش فلوس علي أد مايقدر ويشتغل فى مكان ليس فيه أوجه كتيرة للصرف - والموضوع بيختلف تماما مع الناس اللي تأقلموا علي العيشة فى السعودية وبقالهم مدد كبيرة فأعتقد ان الواحد لازم بعيش هو وعائلته حياته بشكل جيد و خير الأمور الوسط _ معلش خرجنا عن الموضوع لكن حبيت اوضحلك المقصود من الرد وربنا يوفقك فى أبها أو الخبر أو أي مكان تاني وعموما لو جيت الدمام هنكون سعداء بخدمتك ولك مني التحية

[Yasser_71]

أخى osaimi

مفيش مشاكل خالص يمكن أنا ما وضحتش وجهة نظرى فى تفضيلى لأبها أنا زرت لبنان وعشت فى أمريكا 5 سنوات لذلك أنا اعشق الطبيعة والجبال والهدوء وأفضل الحياة فى مدينة صغيرة عن المدن الكبيرة لكن الأسرة والأولاد طبعا مع المولات ووسائل الترفية

أما بخصوص الهدف من السفر والمدة فليس لدى معالم واضحة حتى الان بس اللى أعرفه انى زهقت من الحياة في مصر حبتين بعد 3 سنين من العودة من أمريكا عدوا هواااااا :happy:

تقبل تحياتى

[aikh]

السلام عليكم أخ ياسر

انا من المصرين العاملين فى جامعة الملك فيصل بالدمام ولكنى فعلين أعمل فى المستشفى التعليمى التابعه للجامعه وحقيقة الخبر او الدمام من المدن الجميله والرائعه بس فعلا اسعارها مرتفعه عن المناطق الاخر نظرا لوجود شركة ارمكو السعوديه والتى يتسلم موظفيها رواتب مرتفعه وبالتالى مستوى الحياه مرتفع وبالتالى توجد مدارس جيده للاولاد ولكن يعاب على المنطقه اقصد الدمام والخبر جوها الصيفى الصعب من حيث الحراره والرطوبه الرهيبه ولكن مع وجود السياره والاماكن المكيفه مفيش مشكله.

اما عن ابها فلا اعلم عنها إلا ان جوها جميل وهى منطقه سياحيه.

وحبب اقولك خليك مع الجامعه الافضل بغض النظر عن المكان يعنى شوف ترتيب الجامعه بالنسبه للجامعات السعوديه وده له إمتيازات كتير مش هتعرفها إلا لما تعيش فى السعوديه.

وسلام

[Yasser_71]

شكرا أخى aikh على مشاركتك

أنا في الحقيقة ما فكرتش فى موضوع الترتيب دة قبل كدة يمكن لتصورى ان الجامعات كلها قريبة من بعض فى الترتيب

انما القسم اللى المفروض أشتغل فيه فى جامعة الملك خالد (اذا أراد الله) هو قسم جديد ودى ما أعرفش ميزة ولا عيب

تقبل تحياتى

[aikh]

السلام عليكم أخ ياسر ..

أولآ لاشكر على واجب وده حقك عندى كأخ عزيز من بلدى...

وأحب أن اوضح لك ما قصدته من موضوع ترتيب الجامعات...

فى السعوديه تختلف الجامعات من حيث الرواتب والبحوث وغيره من المكافأت نظرا لاختلاف حصة الجامعه من الدوله فمثلا جامعة الملك سعود هى من أفضل الجامعات فى ذلك يليها جامعه أخرى ثم جامعة الملك فيصل، والحقيقه نحن المتعاقدين نتأثر بذالك فبعد إرتفاع الاسعار فى السعوديه هذا العام طبقت بعض الجامعات المحترمه زيادات فى الرواتب وبعضها لم يطبق ذلك لأسباب عديده ومنها جامعة الملك فيصل.

فهنا فى جامعة الملك فيصل دائما العلاوات للأخوه السعودين وهذا حقهم طبعا لأنهم اولاد البلد ومصروفاتهم غير.

اما نحن المتعاقدين تأتى الزياده بصعوبه ومنخفضه ولم نكن نعانى من ذالك إلا بعد زيادة الاسعار بشكل رهيب منذ شهرين تقريبا وهذه زياده عالميه كما تعرف فى كل الدول.

النقطه المهمه ايضا هى البحث العلمى ومستوى الجامعه يختلف من جامعه لاخرى ولذالك من الافضل لك ان تركز على هذه النقاط..

وعلى سبيل المثال الزيادات فى رواتب العاملين بجامعة الملك سعود وجامعة البترول والمعادن وغيرها أعلى منا ...

ذالك للتوضيح وربنا يوفقك لما هو صالح وافضل لك.....

[Yasser_71]

اخى العزيز aikh

أشكرك على المعلومات وكذلك على الاهتمام بالموضوع

لى سؤال بخصوص السكن. عاوز أعرف تقريبا ايجار شقة غرفتين فى مكان كويس قريب من الجامعة يتكلف كام وأيضا أسعار المدارس الخاصة المعقولة فى حدود كام

وشكرا مرة أخرى

[aikh]

أخى العزيز ياسر ....

شقه معقوله وبمكان جيد ومعقول تبداء من 15000 ريال سنويا.

والمدارس الخاصه المناسبه فى حدود 500 ريال شهريا......

بس بالنسبه للسكن الجامعه راح توفر ليك سكن ممتاز مفروش وداخل الجامعه وذلك حسب كدرك العلمى والوظيفى....

[mkhvip]

بصراحة الاخ ياسر كان نفسي اقول لك معلومات جديدة بس الاخ aikh ليناردو ديكابوري مسبشي حاجة وبما اني من العاملين في نفس الجامعة ونفس المستشفى هقولك على حاجة ان احنا موجودين معاك هنا من اول ما تنزل المطار لا من اول ما تبعت الفاكس عشان الجامعة تستقبلك لحد ما تقف على رجلك وتقول لينا انا معتش عاوزكم تحياتي

بس انت امامك جامعتين والاخ aikh مقصرشي مفيش امامك غير انك تصلي ركعتين استخارة وانت استشرت واعمل ما يطمئن قلبك له وتأكد طالما فعلت كدا ان ربنا كتبلك في اختيارك الخير وان الله سبحانه وتعالى مش هيضيعك لان لا خاب من استخار ولا ندم من استشار

تحياتي ولازم لو اخترت الدمام تقول لينا عشان نقوم معاك بالواجب

[Yasser_71]

الاخوة mkhvip و aikh

جزاكم الله كل خير على معلوماتكم وعلى روحكم الجميلة

ان شاء الله لو ربنا أراد لى العمل بالدمام هاستأذنكم واتصل بيكم

تحياتى

[Yasser_71]

الحمد لله استقريت ع الدمام وحجزت علي اول سبتمبر

لى سؤال بخصوص المدارس ما هى افضل مدارس اهلية او عالمية و ما هى اسعارها

أنا عندى بنت فى تانيه ابتدائى وولد فى كى جى 1

ايضا ما هى افضل الاحياء القريبة من الجامعة

وشكرا

[MZohairy]

معلومه على الماشي

معن الصانع رجل الاعمال السعودي و صاحب مستشفى سعد بالخبر يقوم بشراء المجمعات السكنيه و اخلاء السكان منها و دفع اي مستحقات للسكان المطرودين

يعني مبياكلش عليهم فلوسهم

لكن ما حدث انه قام بشراء قرابة ال 5 مجمعات سكنيه خلال العامين الماضيين في الخبر و طرد سكانهم (اكثر من 1000 اسره)

و اخيرا قام بشراء مجمع البلاد 1 و 2 و مجمع الجولدن بلت و طرد السكان

و هو يقوم بذلك لكي يجدد المكان و يعيد تأجيره و لكن بضعف السعر او استخدامه لكبار موظفيه

ما يحدث ان مئات الأسر اصبحت تبحث عن سكن آخر فجأه و في وقت واحد

مما أدى الى ارتفاع كبير جدا في اسعار السكن في الخبر و الدمام

[Yasser_71]

شكرا mzohairy

ربنا يطمنك :rolleyes:

يا ريت يا جماعة لو حد عندة معلومات عن المدارس الاهلية والعالمية في الدمام يقولى افضلهم وكمان اسعارهم

[Dr orl]

السلام عليكم

ياريت لو حد عنده فكرة عن بيشة

وعن محافظة الإحساء

و لكم جزييل الشكر