يوم 6 ابريل

[mohmaher]

وصلني هذا الايميل ... و قرأت عن هذا الاضراب ... هل تعرفون شيء عنه .؟؟ هل تؤيدوه ؟؟؟

إتفقت كافه القوي الوطنية في مصر علي

أن يكون

يوم 6 إبريل

يوم إضراب عام في مصر

يوم 6 إبريل

خليك قاعد في البيت أو شاركنا فى الميادين العامة

أوعي تنـــــــــزل لكن شاركنا

ماتروحشي الشغل

ماتروحشي الجامعه

ماتروحشي المدرسة

ماتفتحشي المحل

ماتفتحشي الصيدليه

ماتروحشي القسم

ماتروحشي المعسكر

عايزين مرتبات تعيشنا

عايزين نشتغل

عايزين تعليم لأولدنا

عايزين مواصلات أدمية

عايزين مستشفيات تعالجنا

عايزين دواء لأطفالنا

عايزين قضاء منصف

عايزين أمن وأمان

عايزين حرية وكرامه

عايزين شقق للعرسان

مش عايزين رفع أسعار

مش عايزين محسوبيه

مش عايزين ظباط بلطجية

مش عايزين تعذيب في الإقسام

مش عايزين أتاوات

مش عايزين فساد

مش عايزين رشاوي

مش عايزين إعتقالات

مش عايزين تلفيق قضايا

قول لأصاحبك مايروحوش الشغل همه كمان وخليهم يدخلوا الإضراب

) حزب العمل المصري- حركة كفاية - الإخوان المسلمين - حزب الكرامه - حزب الوسط - حركة موظفي الضرائب العقاريه - عمال غزل المحلة - حركة إداريي وعمال القطاع التعليمي - نقابة المحامين - حركة أستاذه الجامعات(

6أبريــــــــــــ...

أضراب عام في مصر سلمي

أبعت رسايل لخمسة من أصحابك

ولو كل واحد بعت لخمسة

في ظرف يومين البلد كلها حتعرف

بالموبايل

بالأرضي

بالأيميلات

أو حتي رسايل عالشات في قنوات التليفزيون

أنسخوا رسالتنا وأبعتوها تعليق على كل المقالات ألي بتقروها

بيكوا وبينا البلد دي حتتغير أنشاء الله

[hazempasha]

أؤيد الاضراب لكن ان كان سيؤتي ثماره .. اضراب بلا نتائج كالزرع في صحراء جرداء

اؤيد محاربة الغلاء بالاستغناء

انا اذا غلي عليّ شئ تركته , حتي يكون أرخص الي مما كان .

خلي الفول اللي كان ب 6 جنيه الكيلو بقا ب 10 جنيه يخلل عند الراجل

خلي الزيت والسكر و الرز يتملو سوس وحشرات في المخازن , محدش هيشتري لمدة اسبوع ان لم يكن شهر

الاسعار هتنزل تاني

والبدائل متوفره .. فقط, الا رغيف العيش .

[mohmaher]

أفضل ما قرأت عن أزمة رغيف العيش :-

يا جماعه انا لسه راجع من رحله بقالها تلات ايام علشان اجيب عشر ارغفه عيش.... رحت انا وخمسه من صحابى واللحمد لله رجعت ... صحيح انى معرفتش اجيب عيش لكن اللحمد لله رجعت ... اما صحابى فواحد استشهد ووقع اربع اسرى.

[processor]

أنا أؤيد الإضراب في هذا اليوم ان شاء الله مستبشر خير

ومصـــــــــر راجعة ان شاء الله

وياريت كل مصري يؤيد الإضراب ومنصورين بإذن الله

[se_ Elsyed]

ما كنتش عايز اتكلم في الموضوع ده لاني ضده من زمان

انا مع المظاهرات السلمية المحترمة والهادفة

اما الاضرابات الشاملة فهي خراب بيوت مستعجل وقتل عمد للكثيرين

مش فاهم يعني ايه دعوة " ما تروحش المستشفى " ... اومال العيانين دول يموتوا ويغوروا في داهية ؟

ولما الظباط والعساكر ما يروحوش القسم ... اومال من يحميك من اللصوص وعديمي الضمير ؟

هناك اساليب كثيرة للتعبير عن الضجر من الظروف السيئة التي تسببت فيها تلك الحكومة الفاسدة .. ولكن ليس منها الاضرابات الجماعية التي تؤدي الى شلل الحياة

[shawshank]

مش فاهم يعني ايه دعوة " ما تروحش المستشفى " ... اومال العيانين دول يموتوا ويغوروا في داهية ؟

ما حضرتك هما بيموتوا لما يروحوا المستشفى .

ولما الظباط والعساكر ما يروحوش القسم ... اومال من يحميك من اللصوص وعديمي الضمير ؟

ماهم مش بيحموني حضرتك من اللصوص وعديمي الضمير .

هناك اساليب كثيرة للتعبير عن الضجر من الظروف السيئة التي تسببت فيها تلك الحكومة الفاسدة .. ولكن ليس منها الاضرابات الجماعية التي تؤدي الى شلل الحياة

ذي ايه يا فندم ؟

[se_ Elsyed]

إذا كانت دي رؤيتك لدور المستشفى أو أقسام الشرطة يا شاوشنك ... تبقى مشكلة فعلاً ..

فمهما كانت التجاوزات إلا إن لكلٍ دوره الهام في المجتمع ..

وأتمنى من كل قلبي ألا يواجه أحد منا مشكلة في يوم مثل هذا وما يبقاش عارف يروح فين وييجي منين ويرجع يقول ياريت اللي جرى ما كان ...

أما عن أساليب التعبير فمنها :

1- عدم الإعتماد على يوم إضراب واحد كل عدة سنوات ... ونبقى عاملين كده بالظبط زي الإحتفال بعيد الأم يوم 21 مارس ... يعني حب ماما يوم واحد في السنة وخلاص ...

2- وبالتالي لازم الجميع يتكلم ويرفض مظاهر الفساد يومياً ... لإن طرقة واحده في العام على رأس النظام سيتحملها ويتجاوزها ويمكن يخرج أقوى من الأول .. اما الطرقات المتتالية وإن كانت ضعيفة .. فسوف تُسقطه وتكشف فساده وسؤته ولو بعد حين.

3- كل واحد في مكانه لابد أن يكون محارباً للفساد .. مش مشارك فيه زي ما بيحصل من تساهلنا في دفع الرشوى أو الرضوخ للإهانة وضياع حقوقنا مثلاً ... وبعد كده لما خطر الفساد يستفحل ويبقى ديناصور ... نرجع نعيط .

4- المشاركة في الحياة السياسية بفاعلية ... هتقول ماهو الأحزاب إيدك منها والأرض ... هاقول لحضرتك إن في أحزاب جديدة زي حزب الجبهة الديمقراطية اللي بيضم ناس محترمة وذوي فكر راقي مثل د / يحي الجمل و أسامه الغزالي حرب .... ولو سيبنا الناس دي تحارب لوحدها زي ما ما عملنا كلنا في حركة كفاية واتخلينا عنها يبقى على الدنيا السلامة .. ومن المشاركة أيضاً .. الحرص على دورنا في الإنتخابات حتى لو كانت بتتزور ... فهناك أمل وإلا ما كانش 88 واحد من الإخوان نجحوا غصبٍ عن الحكومة ...

[seeem]

إذا كانت دي رؤيتك لدور المستشفى أو أقسام الشرطة يا شاوشنك ... تبقى مشكلة فعلاً ..

فمهما كانت التجاوزات إلا إن لكلٍ دوره الهام في المجتمع ..

وأتمنى من كل قلبي ألا يواجه أحد منا مشكلة في يوم مثل هذا وما يبقاش عارف يروح فين وييجي منين ويرجع يقول ياريت اللي جرى ما كان ...

أما عن أساليب التعبير فمنها :

1- عدم الإعتماد على يوم إضراب واحد كل عدة سنوات ... ونبقى عاملين كده بالظبط زي الإحتفال بعيد الأم يوم 21 مارس ... يعني حب ماما يوم واحد في السنة وخلاص ...

2- وبالتالي لازم الجميع يتكلم ويرفض مظاهر الفساد يومياً ... لإن طرقة واحده في العام على رأس النظام سيتحملها ويتجاوزها ويمكن يخرج أقوى من الأول .. اما الطرقات المتتالية وإن كانت ضعيفة .. فسوف تُسقطه وتكشف فساده وسؤته ولو بعد حين.

3- كل واحد في مكانه لابد أن يكون محارباً للفساد .. مش مشارك فيه زي ما بيحصل من تساهلنا في دفع الرشوى أو الرضوخ للإهانة وضياع حقوقنا مثلاً ... وبعد كده لما خطر الفساد يستفحل ويبقى ديناصور ... نرجع نعيط .

4- المشاركة في الحياة السياسية بفاعلية ... هتقول ماهو الأحزاب إيدك منها والأرض ... هاقول لحضرتك إن في أحزاب جديدة زي حزب الجبهة الديمقراطية اللي بيضم ناس محترمة وذوي فكر راقي مثل د / يحي الجمل و أسامه الغزالي حرب .... ولو سيبنا الناس دي تحارب لوحدها زي ما ما عملنا كلنا في حركة كفاية واتخلينا عنها يبقى على الدنيا السلامة .. ومن المشاركة أيضاً .. الحرص على دورنا في الإنتخابات حتى لو كانت بتتزور ... فهناك أمل وإلا ما كانش 88 واحد من الإخوان نجحوا غصبٍ عن الحكومة ...

طبعاً اللي ذكره العزيز shawshank هو شئ بسيط من الحقيقة ...

فالناس يتتسرق كلاويها وأعضاءها لما بتدخل أي مستشفى من إياهم.

والضباط في الأقسام إستباحت العرض والشرف والقفا ... وتلفيق التهم.

اما عن جعل اسلوب الرفض يوم واحد ... وبح

لن يحرك شعرة في جسد الحكومة

حايعتبروه يوم جمعة زيادة وخلاص ... أو نوّة جت على غفلة

يوم = 24 ساعة = أجازة ظريفة

انا معاك ياسين سين في كل اللي قلته ...

فالأحزاب تتكون بالأساس من الشعب والبني آدمين ... يعنى أنا وانت وانتوا ... كل بني آدم عايز يوّصل صوته ويغير من ظروفه

تحياتي

:wub:

[se_ Elsyed]

طبعاً اللي ذكره العزيز shawshank هو شئ بسيط من الحقيقة ...

فالناس يتتسرق كلاويها وأعضاءها لما بتدخل أي مستشفى من إياهم.

والضباط في الأقسام إستباحت العرض والشرف والقفا ... وتلفيق التهم.

ليس صحيح يا سيم

وبالرغم من إني أشد المعارضين لأي إنتهاك لأدمية الإنسان

إلا إن ما تتحدثون عنه هو حالات نادرة

وهاقولك ليه نادرة

يعني لما تلاقي مثلاً حالة أو إتنين سرقة كلاوي في العام من ضمن 70 مليون بيتعالجوا .... يبقى نقفل بقى المستشفيات وبلاها علاج .. مع إن مثل هذه الحوادث بتحدث غالباً في مستشفيات تحت بير السلم .

كذلك الشرطة وانتهاكها لأدمية الناس .. أقصد قليل من الناس مقارنة بالخدمات المختلفة التي تُقدمها ولا نستطيع أن نُنكرها ...

تخيل حضرتك كنت مغترب مثلاً وراجع في اليوم ده وضباط الجوازات عملوا إضراب .. هاتدخل البلد إزاي ؟

أو تخيل الحرامية وهجامة شموا خببر إن الشرطة مأجزة في اليوم ده ... هل تأمن على نفسك وأنت في بيتك

سيدي الفاضل ... وجود أخطاء وتجاوزات في بعض الاجهزة لا يعني إلغاءها ولو لمدة 24 ساعة ...

وخلي بالك المستشفيات والشرطة والجامعات هي جزء ممن يقع عليهم ظلم الحكومة ... وبالتالي دعنا نهاجم رأس الفساد أولاً والذي إذا أنصلح فسينصلح باقي الجسد ..

لكن لا أُخفي عليكم سعادتي بإن مجرد بزوغ فكرة مثل هذه ستؤرق مبارك نفسه وستجعل رسالة هامة تصل إليه مفادها " إن بالبلد على وشك الإنفجار "

الإنفجار الشعبي يعني القاعدة العريضة

مش إنفجار كفايه اللي سيبناهم ضهرهم للحيط أو إنفجار الإخوان المسلمين اللي الميديا جعلتنا ننظر إليهم على إنهم وحوش ادمية تتحين الفُرصة لتنقض على الشعب المصري المرفه اللي حكومة الحزب الوطني معيشاه في هنا وساعدة ونعيم لا ينقطع ...

إذاً رؤيتي وأعتقادي إن حال البلد هاينصلح لما تتحرك القاعدة الشعبية كتلةً واحده ... وللأسف اللي هايخليها تتحرك واتوقع إن سنة 2008 هاتبقى سنة سودا على دماغ الحكومة واللي جابوها ... للأسف لقمة العيش او المم ..

يعني الشعب اللي ما تحركش عشان نكسة القانون 76 وتزوير الإنتخايات لأكثر من ربع قرن .. ممكن يتحرك عشان غلاء الأسعار ..

وللأسف أخشى ما اخشاه أن يتم تثبيتنا وتنويمناً مغناطيسياً عن طريق تخفيض بعض الأسعار لفترة ... وترجع بعدها ريما لعادتها القديمة وكله يشد اللحاف وينام نوم أهل الكهف لمدة 25 سنة جايين في عهد الرئيس القائد جمال حُسني مبارك أعزه الله وادام ظله بالإشتراك مع زوجته ماما خديجة مبارك ربنا ينتعها بالسلامة .

[mohmaher]

في ناس هنا كتير .. زى كل حته ...

بيحبوا يكلموا كتير ... و يتناقشوا كتير ..

و عمرهم ما بيعملوا حاجة مفيدة ...

نفسنا مرة نعمل حاجة من غير كلام كتير ...

[seeem]

ليس صحيح يا سيم

وبالرغم من إني أشد المعارضين لأي إنتهاك لأدمية الإنسان

إلا إن ما تتحدثون عنه هو حالات نادرة

وهاقولك ليه نادرة

يعني لما تلاقي مثلاً حالة أو إتنين سرقة كلاوي في العام من ضمن 70 مليون بيتعالجوا .... يبقى نقفل بقى المستشفيات وبلاها علاج .. مع إن مثل هذه الحوادث بتحدث غالباً في مستشفيات تحت بير السلم .

كذلك الشرطة وانتهاكها لأدمية الناس .. أقصد قليل من الناس مقارنة بالخدمات المختلفة التي تُقدمها ولا نستطيع أن نُنكرها ...

تخيل حضرتك كنت مغترب مثلاً وراجع في اليوم ده وضباط الجوازات عملوا إضراب .. هاتدخل البلد إزاي ؟

أو تخيل الحرامية وهجامة شموا خببر إن الشرطة مأجزة في اليوم ده ... هل تأمن على نفسك وأنت في بيتك

سيدي الفاضل ... وجود أخطاء وتجاوزات في بعض الاجهزة لا يعني إلغاءها ولو لمدة 24 ساعة ...

وخلي بالك المستشفيات والشرطة والجامعات هي جزء ممن يقع عليهم ظلم الحكومة ... وبالتالي دعنا نهاجم رأس الفساد أولاً والذي إذا أنصلح فسينصلح باقي الجسد ..

لكن لا أُخفي عليكم سعادتي بإن مجرد بزوغ فكرة مثل هذه ستؤرق مبارك نفسه وستجعل رسالة هامة تصل إليه مفادها " إن بالبلد على وشك الإنفجار "

الإنفجار الشعبي يعني القاعدة العريضة

مش إنفجار كفايه اللي سيبناهم ضهرهم للحيط أو إنفجار الإخوان المسلمين اللي الميديا جعلتنا ننظر إليهم على إنهم وحوش ادمية تتحين الفُرصة لتنقض على الشعب المصري المرفه اللي حكومة الحزب الوطني معيشاه في هنا وساعدة ونعيم لا ينقطع ...

إذاً رؤيتي وأعتقادي إن حال البلد هاينصلح لما تتحرك القاعدة الشعبية كتلةً واحده ... وللأسف اللي هايخليها تتحرك واتوقع إن سنة 2008 هاتبقى سنة سودا على دماغ الحكومة واللي جابوها ... للأسف لقمة العيش او المم ..

يعني الشعب اللي ما تحركش عشان نكسة القانون 76 وتزوير الإنتخايات لأكثر من ربع قرن .. ممكن يتحرك عشان غلاء الأسعار ..

وللأسف أخشى ما اخشاه أن يتم تثبيتنا وتنويمناً مغناطيسياً عن طريق تخفيض بعض الأسعار لفترة ... وترجع بعدها ريما لعادتها القديمة وكله يشد اللحاف وينام نوم أهل الكهف لمدة 25 سنة جايين في عهد الرئيس القائد جمال حُسني مبارك أعزه الله وادام ظله بالإشتراك مع زوجته ماما خديجة مبارك ربنا ينتعها بالسلامة .

كلامك سليم وفي الصميم

بس مشاكل المستشفيات لا تنحصر في حالات نادرة ... وحضرتك أعلم وأدرى مني بذلك

الرعاية الصحية لاهي صحية ولا دياولو ... وطوابير العيش اكبر وأعرض أمام المستشفيات العامة

اما عن أقسام الشرطة فمستحيل تقدر تقنعني ان المعاملة في الأقسام بقت آدمية وميت فل واربعتاشر ...

بس بغض النظر عن الكلام في ده او في دكهية

الموضوع نفسه - لو حصل - حتبقى رسالة قوية لإتفاق جماعي بين أفراد الشعب ... وده طبعاً ممكن يتحول لحاجات تانية

يارب سلم مصر

تحياتي

[محمد عبدالعزيز]

لو واحد عنده شوية برد ممكن نقوله خدلك أسبرينة ولمون بالعسل وحتبقى تمام.

إنما لو واحد عنده الزايدة يبقى لازم يدخل العمليات فوراً ويعمل العملية وإلا يموت.

مصر بقى دلوقتى زى اللى عنده الزايدة, محتاجة تدخل جراحى, والتدخل الجراحى بيبقى مؤلم لكن لابد منه عشان المريض يعيش.

فكرة الإضراب موجودة فى العالم كله مش بدعة يعنى إنه يحصل إضراب فى مصر. وأشهر الإضرابات اللى باسمع عنها بتاعة عمال النقل والمواصلات فى دول أوروبية كتيرة, وبتكون البلد فعلاً مشلولة ومتوقفة, لا أعتقد إن فى حد بيقول لهم لا الإضراب حيوقف البلد ولو فى واحد راجع بلده فى اليوم ده مش حيلاقى تاكس يوصله من المطار للبيت.

بالنسبة للمستشفيات والأطباء فهم أوعى من إنهم يعرضوا حياة الناس للخطر بإضراب شامل, ولكن هذا لا يمنع إنهم يعبروا عن مشاركتهم بشكل رمزى.

أما أقسام البوليس وضباط الشرطة فهما كده كده مش فاضيين يحمونا من الحرامية, والغلاء والفساد المنتشر هيحول ناس كتير قوى لحرامية لسد احتياجاتهم إذا الغلاء ده ماتوقفش.

أنا باتمنى إن الإضراب ده فعلاً يتنفذ ويكون حقيقى مش إشاعة.

[مصرى77]

سلام عليكم

تمشياً مع دعوة عمال غزل المحلة لعمل إضراب يوم ٦ ابريل و نتيجة الزيادة الجنونية في الأسعار، تم إنشاء هذا الجروب على موقع ألفيس بوك . عدد أعضاء الجروب في خلال ٥ أيام زاد عن ٣٥٠٠٠ مصري وهو رقم قياسي كما تم إنشاء جروب على موقع ياهو اليوم ٢٩/٣/٢٠٠٨

رجاء نشر الموضوع والتضامن لنكون قوة واحدة. أخبر كل مصري تقابله فالشارع فالشغل، فالجامعة ،في كل مكان عن الإضراب

يا رب نشوف مصر أحسن بكتير في حياتنا قبل مماتنا ، لأنها هتنهض إن شاء الله شئنا أم أبينا

رابط ألفيس بوك : http://www.facebook.com/group.php?gid=9973986703

رابط ياهو : http://groups.yahoo.com/group/Generalstrike_6April/

[se_ Elsyed]

رويداً رويداً

إحنا مش ملاحقين على الموضوعات من هذا النوع ...

يارب 6 أبريل ييجي ونرتاح

هاضم الموضوع مع إخواته منعاص للتشتت

ويارب اللي بيدعوا للإضراب يكونوا هما أول ناس إيجابيين وما يجروش من أول خرزانه

[مصري أصيل]

أظن أن هذا الأضراب الذي تم الإعلان عنه يوم 6 أبريل سيكون له بالغ الأثر علي الحكومة .لان كما قال المثل يا فرعون أيه فرعنك قال ما لقيتش حد يلمني. فالحكومه عماله ترفع في الأسعار والشعب ساكت بس أظن أن كل شيء وله أخر وكان المفروض يحصل كده من زمان .

يعني لما حب السادات يرفع تمن رغيف العيش من قرش إلي قرشين قامت الدنيا وما قعدتش وثار الشعب وحدثت أحداث 18 & 19 يناير عام 1977 فيما أسماها السادات بعد ذلك بأنتفاضة الحراميه وعندما رجع الي مصر وكان وقتها خارج مصر زعم أن ما تم لم يكن علي علم به وأرجع الأسعار الي سابق عهدها . ولكن في هذه الفتره التاريخية ترتفع المواد الغذائية كل يوم ولا تجد الحكومة من يوقفها حتي وصل رغيف العيش الي 25 قرش وياريته موجود . فأنا من أشد الناس تأيداً للأضراب وحتي لو وصل الي مظاهرة تعبر فيها الناس عن غضبها فلا مانع أن كان ذلك سيجعل الحكومه تستحي علي دمها شويه وتفكر في الغلابه اللي مش لاقيين رغيف العيش .

[badroora]

الاضراب دا سلاح زوحدين

السلاح الاول هو انه للاسف هو دا السبيل الوحيد لحكومتنا المصونه التى لا تخضع الا بلوى الدراع .

الثانى انه هيجي على دماغ ناس تانية نفسها تشارك فى الاضراب ,يعنى مثلا لو مجموعة شاغلين فى مستشفي يوم 5 ابريل شفت ليلي والمفروض الصبح يروحوا ولما يجي الصبح محدش هيجي يستلم منهم وطبعا مش معقول هيسيبوا المرضي لوحديهم بدون رعاية ؟

لو هدفنا الاضراب لتصحيح او تعديل فليس من المعقول ان نقابلة بتخريب .

الفكرة طبعا جميلة ولكن محتاجة دراسة ومين اللى يشترك ومين لاء

يعنى الافضل انه يتم ارسال مجموعة من كل مكان فى مصر فى مختلف المجالات بحيث ان الدنيا بردوا تبقي ماشية وكل واحد ياخد حقه وبردا مندفعش ناس تانية تمن شيء هما ملهمش ذنب فيه .

الشيء السيء

ان طبعا لو تم الاضراب هيبقي شكلنا وحش اوى قدام الدول الاخرى وخصوصا اكيد الاعلام المصري هيعمل اضراب فى الشارع وباقي الفضائيات هتتفرج علينا ومش بعيد امريكا ترسل قوات حفظ سلام بين الشعب والحكومة او تتدخل لحل ازمة العيش والغلاء

شيء تانى ماهى اكيد الحكومة عارفة ان فيه اضراب يوم 6 ابريل ومش معقول مش هتاخد احتياطتها وتمنع دا

سؤال اخير

ايشمعنى يوم 6 ابريل بالذات هل مجرد مصادفة ولا اليوم دا فيه شيء مخصوص.

ربنا يستر على مصر والمصريين

تم تعديل 29 مارس 2008 بواسطة Badria Mekkawy

[shawshank]

وبالرغم من إني أشد المعارضين لأي إنتهاك لأدمية الإنسان

إلا إن ما تتحدثون عنه هو حالات نادرة

وهاقولك ليه نادرة

يعني لما تلاقي مثلاً حالة أو إتنين سرقة كلاوي في العام من ضمن 70 مليون بيتعالجوا .... يبقى نقفل بقى المستشفيات وبلاها علاج .. مع إن مثل هذه الحوادث بتحدث غالباً في مستشفيات تحت بير السلم .

كذلك الشرطة وانتهاكها لأدمية الناس .. أقصد قليل من الناس مقارنة بالخدمات المختلفة التي تُقدمها ولا نستطيع أن نُنكرها ...

لا إذا كان الفساد حالات نادرة وفردية في مصر ومش فساد نظام ، يبقى أنا شايف مفيش داعي للإضراب خالص ، أو لأي أسلوب اعتراض تاني . هنعترض على إيه حضرتك ؟

[mohmaher]

ماحبكتش المستشفيات :closedeyes:

خلوها شغالة ... قال يعني المستشفيات شغالة !!!

واضح ان فيه ناس بتتلكك وخلاص ....

[محمد عبدالعزيز]

سؤال اخير

ايشمعنى يوم 6 ابريل بالذات هل مجرد مصادفة ولا اليوم دا فيه شيء مخصوص.

لأن عمال غزل المحلة أعلنوا إن اليوم ده حيكون يوم إضراب عام لهم للمطالبة بحقوقهم اللى الحكومة بتماطل معاهم فيها, وبدأت جهة بعد أخرى تتضامن معاهم وتعلن إنها هتشاركهم فى الإضراب.

الشيء السيء

ان طبعا لو تم الاضراب هيبقي شكلنا وحش اوى قدام الدول الاخرى وخصوصا اكيد الاعلام المصري هيعمل اضراب فى الشارع وباقي الفضائيات هتتفرج علينا ومش بعيد امريكا ترسل قوات حفظ سلام بين الشعب والحكومة او تتدخل لحل ازمة العيش والغلاء

بتتكلمى بجد ولا بتهزرى يا أستاذة بدرية؟!!!

تم تعديل 30 مارس 2008 بواسطة محمد عبدالعزيز

[badroora]

بتتكلمى بجد ولا بتهزرى يا أستاذة بدرية؟!!!

لا والله بتكلم جدا !!! :)