فرص عمل التمريض فى اونتاريوا/ اوتاوا

[المر]

أخواتى و اخوانى

السلام عليكم و رحمة الله و بركاته . انا بكالوريوس تمريض 1997 جامعة الاسكندرية و اعمل انا و زوجى فى مستشفى كبير بالسعودية .

قدمت على الهجرة الى كندا ( فيدرالى) و الحمد لله انا فى انتظار طلب الباسبورات بتعتى انا و زوجى و بناتى الاثنين . يعنى فى الخطوات النهائية و الحمد لله. انا دخلت مواقع كثيرة لمعرفة ظروف العمل بالنسبة للتمريض فى كندا و لكن لم تكن و اضحة بالقدر الكافى .

انا بأناشد اخواتى و أخوانى المقيمين بكندا لو عندهم اى فكرة عن سوق العمل للتمريض بكندا و ما هى الاجراءات المطلوبة للعمل كممرضة بكندا علما بأننى خبرة 10 سنوات. جزاكم الله كل خير :lol:

[badroora]

اسمحيلي انا بالرد عليكي موقتا الى حين رد الاخوة الميقيمن بكندا .

عشان تقدرى تشتغلى فى كندا كممرضة قانونية يجب ان تحصلي على البورد الكندي .

طريقة التسجيل

مثلا انت مقدمة الهجرة ل اونتوريوا يبقي سجلي فى جامعة تورونتوا الجامعة دى الوحيدة غير كل الجامعات يعنى كل الجامعات تقدرين تحميل الابليكيشن من ع الويب سايت مالهم وملئه وارسالة لهم اما تورونتو الوحيدة اللى لازم تراسليهم الاول وتكتبي بياناتك صحيحة وبعدين هما هيرسلوا لكي طلب التسجيل بالبريد الجوى .

وبما انك كدا كدا رايحة هناك فالحقي من هنا راسليهم عشان الاوراق اللى لازم تخلصيها من الجامعة فى مصر ووزارة الصحة تلحقي تخلصيها .

ولما تروحى هناك تبقي تتابعى معاهم .

ومبدئيا لو بعد التقيم بتاعك ممكن تحصلي على تصريح عمل موقت وتقدرى تشتغلى هناك لحين اجتيازك الامتحان وحصولك على البورد الكندى .

بخصوص الشغل فى كندا

كندا من اشد الحاجة للتمريض المؤهل وانت لو اخدتى البورد ان شاء الله هتلاقي عوشرميت الف شغلانه الكلام دا من بوء الكنديين نفسهم واصدقائي المصريين هناك .

اتمنى ان احد من الاخوة الميقيمن فى كندا يجيبك باستفاضة

بالتوفيق ان شاء الله

صحيح نسيت الويب سايت

http://www.ona.org/

http://www.rnao.org/

دا كمان ممكن ينفعك تم تعديل 4 أبريل 2008 بواسطة Badria Mekkawy

[المر]

أختى بدرية مكاوى

انا متشكرة جدا على ردك السريع و المفيد جدا وان كلامك اعطى لى بعض الاطمئنان.

لو سمحتيلى هو انت زميلة مهنة التمريض. يا ريت نتواصل و نستفيد و نتبادل الخبرات لو معندكيش مانع.

ألف عشرميت مليون شكر

[badroora]

دا شرف لى يا فندم اننا نتواصل وانا تحت امرك فى اىشيء يخص مليء الابليكيشن وانا عموما مسجلة فى جامعتين البرتا وانتوريوا شوفي عاوزة ترسي على انهى وانا تحت امرك .

انا ارجح لك البرتا لانهم متسهلين حبيتن عن تورونتو والمهم فى الاخير انك وانس حصلتى على الترخيص من اى مقاطعة فيهم تقدرين تشتغلى فى حته فى كندا

تحياتى

[المر]

أختى بدرية

انا متشكرة اوى على ذوقك.

ده شرف ليه انا و الله اننا نتواصل . انا دخلت على الموقع الاول و دخلت على موقع كلية انتاريوا للتمريض و ارسلت بياناتى كاملة و بعد ذلك ارسلوا لى ايميل انهم سوف يرسلوا لى package information بعد حوالى 21 يوم و فيها كل التفاصيل و المصاريف المتعلقة بالتسجيل .

بانلسبة لجامعة تورونتو ممكن لو سمحتى تقوللى الخطوات للوصول الى تحميل الابيلكيشن من على النت لانى حاولت كتير و ما

وصلتش. انا اسفة طلباتى منك كتير . جزاك الله كل خير .

بالتوفيق انشاء الله

[badroora]

لا سورى شكل خلط الامور تورونتو هى انتوريوا ومايصير تحملين الابليكيشن من عالنت طالما راسلتيهم هما محترمين اوى اقل من 21 يوم هتلاقي الابليكيشن وصل ومطبوع عليه اسمك وبياناتك هو دا نظامهم .

بس شوفى تورونتوا فيها عيب مادرى بالنسبة ليكي الامور ايه بخصوص الانجلش يعنى مثلا

College of Nurses & association of Alberta .

English score

speaking 7

over all 6.5

College of Nurse of Ontario.

speaking 7

reading 6.5

writing 6.5

listening 6.5 .

لو الانجليزي بتاعك اوك وتقدرى او جبتى الاسكور دى توكلى على الله

او مع الابليكيشن اللى هيبعتوه هتلاقي اسكور تانية.

عموما انا معى نسخة من الابليكيشن لو تحبي تاخدى فكرة ابقي اعمل لك اسكنر واجبهوملك .

يلا بالتوفيق ان شاء الله

تم تعديل 6 أبريل 2008 بواسطة Badria Mekkawy

[المر]

اختى العزيزة

متشكرة على ردك السريع و المفيد. الانجليزى الحمد لله كويس و ذلك بحكم تعاملى اليومى مع جنسيات مختلفة فى مكان عملى .

بالنسبة للسكور بتاع الانجليزى الكلية فى انتاريوا انا ببعت لهم صورة من نتيجة الايلتس و لا هما بيمتحنونى ولا ايه . معلش النقطة مش

واضحة لى لو سمحتى ممكن توضحى اكتر .

ممكن ترسلى الابليكشن على الاميل الخاص بى . www.olatarek2000@yahoo.com

انتى امتحنتى الايلتس ولا لسه ووصلتى لحد فين فى الاجراءات الهجرة .

بالتوفيق انشاء الله

[badroora]

بالنسبة للسكور بتاع الانجليزى الكلية فى انتاريوا انا ببعت لهم صورة من نتيجة الايلتس و لا هما بيمتحنونى ولا ايه . معلش النقطة مش

لا لو انت امتحنتى اولريدي يبقي بتروحى البريتش كونسيل وتقوليلهم يرسلولك النتجية على الجامعة نفسها مايصير ترسلي انت النتيجة

ولازم الامتحان يكون فاليد يعنى لم يتعدى عليه 2 سنه .

بخصوص انا دخلت الامتحان وجبت

SPEAKING 7

OVERL ALL 6 AND I NEED 6.5 OVER ALL SO AM PALNING TO SIT AGAIN FOR THE EXAM .

بخصوص اجراءت الهجرة انا مش مستعجلة خالص انا مقدمة بقالى سنه وعندى اوفر هناك ولسه فى الاجراءات وربنا يسهل

وان شاء الله فى اقرب وقت هارسل لكل الابليكيشين على الاميل

تحياتى وبالتوفيق ان شاء الله

تم تعديل 6 أبريل 2008 بواسطة Badria Mekkawy

[المر]

لا لو انت امتحنتى اولريدي يبقي بتروحى البريتش كونسيل وتقوليلهم يرسلولك النتجية على الجامعة نفسها مايصير ترسلي انت النتيجة

ولازم الامتحان يكون فاليد يعنى لم يتعدى عليه 2 سنه .

البريتش كونسيل بيأخذ رسوم مقابل ارسال نتيجة الامتحان.

[badroora]

البريتش كونسيل بيأخذ رسوم مقابل ارسال نتيجة الامتحان.

yeah here in Bahrain 14 BD =140 SR.

Dn't know how much there in KSA you can phone them and ask how much .

goodluck

تم تعديل 8 أبريل 2008 بواسطة Badria Mekkawy

[المر]

انا استلمت ( packege of information ) بالبريد من كلية التمريض فى انتاريوا و من ضمن طلباتهم عايزين عدد الساعات اللى انا اشتغلتها من مكان العمل الحالى . المستشفى التى أعمل بها ممكن يقدموا هذه الخدمة لى . :)

[badroora]

انا استلمت ( packege of information ) بالبريد من كلية التمريض فى انتاريوا و من ضمن طلباتهم عايزين عدد الساعات اللى انا اشتغلتها من مكان العمل الحالى . المستشفى التى أعمل بها ممكن يقدموا هذه الخدمة لى . :)

ماشاء الله بسرعة كدا ؟

هى طبعا مافيهاش حاجة بس هاحكيلك على حسب المستشفي محترمه فى التعامل مع العاملين فيها ام لاء

جربي دا مافيهاش حاجة

بس قوليلي اقرى الابليكيشن كويس عشان هتلاقي كمان محتاجين ورقة من المستشفي نفسها يعنى هتملى الجزء الخاص بيكى وهما هيكملوا الباقي ولازم المستشفي هى اللى تبتعتها مش انت .

اقرى كويس وبعدين هاشرحلك الفرومات واحدة واحدة انت بس شوفي ايه اللى مش مفهوم واكتبيه هنا

[المر]

على افتراض ان المستشفى رفضت ان تملئ هذا الابليكشن تنصحينى بايه . هل يوجد حل تانى :)

[badroora]

على افتراض ان المستشفى رفضت ان تملئ هذا الابليكشن تنصحينى بايه . هل يوجد حل تانى :)

لو قدمتى على البرتا مش محتاجين اى شيء من المستشفي بتاعتك

ففى الحالة دي ممكن تقدمى على البرتا .

[المر]

ممكن موقع البرتا على الانترت .

هل سوف أرسل لهم بياناتى و بعدين سوف يرسلوا لى بالبريد الابيلكشن و لا سوف عمل downlod للأبليكشن من الانترنت.

انا أسفة انا بكتر عليك فى الاستفسارات بس انا عارفة كرم خلقك و انك لا تبخلى اى احد بمعلومة . جزاك الله خير

( ان الله فى عون العبد ما دام العبد فى عون أخيه )

ألف شكر

[badroora]

لا عااااااااااااااادي جدا انا تحت امرك مافيش اى مشكلة اسالى براحتك .

تحميل الابليكيشين من هنا

Application for Assessment Form

Documentation of Nursing Experience

Education Transcript Request Form

Verification of Registration Form

Accepted English Language Tests and Scores

download all forms, except the last form Employer Reference Only if u're working in canada it self or USA. so for u no need that form .

any service ya moon am present

If you have further question don't hesitate to ask. you 're more than welcome . :happy:

تم تعديل 8 أبريل 2008 بواسطة Badria Mekkawy

[المر]

شكرا على ذوقك و اخلاقك الجميلة . انا انشاء الله عندما انجح فى الاختبار فى البرتا هل ممكن ان اعمل فى انتاريوا. بصراحة انا كنت ناوية اسافر الى انتاريوا لكن لما لاقيت ان من ضمن طلبات كلية انتاريوا معلومات من صاحب العمل و ان المستشفى ممكن تندل معايا و لا تعطينى هذه المعلومات للكلية قلت ادور على كلية تانية. وهل فرص العمل بالبرتا زى انتاريوا . cr((:

thanks a lot

[المر]

معلش انا نسيت.

بالنسبة للتسجيل ممكن ابدأ اراسلهم قبل كم شهر من وصولى الى كندا و ال process بتاعت التقييم و ارسالهم الموافقة بتاخد كام شهر. ,و هم بيرسلوا الموافقة فى شكل خطاب موافقة و لا كارت من الكلية . و بالنسبة للموافقة بتكون لها expire date :roseop thanks alot cr((:

[badroora]

معلش انا نسيت.

بالنسبة للتسجيل ممكن ابدأ اراسلهم قبل كم شهر من وصولى الى كندا و ال process بتاعت التقييم و ارسالهم الموافقة بتاخد كام شهر. ,و هم بيرسلوا الموافقة فى شكل خطاب موافقة و لا كارت من الكلية . و بالنسبة للموافقة بتكون لها expire date :roseop thanks alot :unsure:

سلام عليكم

الفكرة هو انك تكونى تحملين البرود الكندى وبعدها تقدر تشتغلى فى اى حته فى كندا ,هو جمعات مختلفة ولكنها تقع جميعا تحت نقابة تمريض واحدة .

بعد تحميل الابليكيشين ودفع الفيز وارسال الاوراق سوف يتم فتح ملف لكى وبعدين تقدرين تتابعيهم بالاميل هما محترمين جدا ومش بيتاخروا على اى تساؤل .

وبعد ما كل اوراق يستلموها اللى من الجامعة واللى من وزارة الصحة قسم التراخيص وامتحان اللغة الانجليزية

تقيم الفايل بياخد 6 شهور لو ورقك كامل .

وعشان تعرفي اكتر حاولى تقري كتير عن التمريض فى كندا ودى سهلة اوى عن طريق البحث فى جوجل

موقع البرتا نفسه اقريه كويس هتطلعى منه بكم معلومات لا بئس به .

بالتوفيق ان شاء الله

[المر]

وبعد ما كل اوراق يستلموها اللى من الجامعة واللى من وزارة الصحة قسم التراخيص وامتحان اللغة الانجليزية

تقيم الفايل بياخد 6 شهور لو ورقك كامل .

هل وزارة الصحة فى مصر و الجامعة لها رسوم مقابل انه ترسل الاوراق الى جامعة البرتا . وهل ممكن بعد ان تختم وزارة الصحة و الجامعة الاوراق و يخلصوا شغلهم ان ارسل الاوراق بنفسى لانى بصراحة خايفة انهم يضيعوها او ينسوا ان يرسلوها.

بالتوفيق ان شاء الله :baby: