عاشت المحلة حرة مستقلة وعيدها القومى 6 ابريل

[samaa]

مهما سمعتم ومهم هتسمعوا مش زى اللى عاش فى المعركة

ايوا والله معركة

الدنيا قامت ومش عايزة تنام انا .... يا سلام عليكى يا محلة وعلى عمالك لعيبة بجد .... واه عليك يا امن يا مركزى هتقدر على ايه والا ايه .... بجد يا جماعة هاحكى لكم اللى حصل عندنا فى المحلة بجد بجد حاجة ولا فى الخيال ....

الاول طلعوا عمال الشركة فى مظاهرة سلمية وطبعا كان بيكللهم رجال الامن المركزى بس مش بالورود لا بالعصيان والمدرعات بس كانت سلمية

الناس ماشية ولسه المظاهرة سلمية ........

لسه سلمية برضه .....

وفجأة

وبدون مقدمات لقى رجال الامن المركزى رصاص من كل اتجاه

ده مش رصاص رصاص دى حجارة وطوب اه والله عارفين انتفاضة الحجارة كانت فى المحلة

الناس كلها طلعت ده حتى اللى فى بيوته بيرمى طوب وبيقولوا اضربوا الحكومة ... اضربوا الحكومة ....

فكرونى بايام ما الفرنسيين حاولو يدخلوا مصر والناس ضربتهم فى رشيد بالحلل والماية السخنة ....

طبعا اسفرت المعركة عن تكسير المحلات اكيد وخراب بيوت الناس ومات ناس والله ماتوا فعلا واصابة الاخرين واللى طلع عليه الحكومة قبضت عليه

المشكلة باه ايه

ان اهل الناس اللى اتصابوا وماتوا واتقبض عليهم ما سكتوش

يعنى الناس كانوا فى بيوتهم عرفوا كده عن عيالهم

طبعا مش هيسكتوا ويكون فى عونك يا حكومة

وتعيش رجالتك يا محلة طول عمرهم رجالة

معكم سما من المحلة الكبرى

وسنوافيكم بكل جديد وياريت كده اسمع اسئلة واجابات واللى عنده اى جديد يقول

[لخبطه]

حاولى تشرحي بالضبط

يعني خرجوا من شارع الانتاج راحوا على فين في اتجاه السبع بنات ولا في اتجاه مدرسة طلعت حرب ووصلوا لشارع البحر ولالا والمعركة كانت فين بالضبط وهل فعلا ناس ماتوا وكام واحد ولو فيه صور يبقا أحسن

عاشت الرجبي وابو شاهين والزراعة والششتاوي والشون أحرار مستقلين

[samaa]

يعنى انت فى المحلة ومش عارف هم خرجوا ازاى على العموم ارض المعركة كانت الشون انا عندى فيديو مش صور لو ينفع ارفعه وتعرف ازاى قولى وانا ارفعهلكم

[إيزيس]

يا أستاذة سما الأستاذ لخبطة مش في مصر أصلا في الخليج و منتظرين الصور و التعليق

تم تعديل 6 أبريل 2008 بواسطة قرنفل

[samaa]

طبعا يا استاذة قرنفل انا ما اعرفش ان استاذ لخبطه فى الخليج وبالتالى فانا رديت كده وبعدين بالراحة شوية على ده انا لسه جديدة هنا ومش المفروض انى اعرف كل الناس !!!!!!!! wst::

على العموم انا اقتصيت بعض الصور من الفيديو عندى وحملتها لكن الفيديو طبعا اشد عشان بتسمع صوت الرصاص وكده ....

وبرضه مراسلتكم سما من المحلة الكبرى

snapshot20080406223348.bmp

snapshot20080406223333.bmp

snapshot20080406223314.bmp

snapshot20080406223348.bmp

[محمد عبدالعزيز]

ده رابط لفيديو يصور الأحداث فى أرض المعركة:

http://www.youtube.com/watch?v=iBp6HSxtZo0

والكذاب تامر أمين لسه من شوية فى البيت بيتك بيقول سلوك حضارى من المواطنين والأمن, يا أخى كانوا بيعلمونا زمان اللى بيكذب بيروح الناااااااااااار.

تم تعديل 6 أبريل 2008 بواسطة محمد عبدالعزيز

[echo_eg]

wst::

ما يحدث فى المحلة هو خروج عن الاضراب السلمى و خروج عن الطريق السليم ولا يمكن ان يكون هذا ما كنا نتمنى او نتطالب بة ان كنا نختلف سياسيا و لنا مطالب فيجب مطلبتها بطرق سلمية....

ماذا بعد التخريب ان كان الغرض هو البناء و محاربة الغلاء فمن يدفع فاتورة التخريب ان كنا لا نتفق مع الحكومة فنحن الان الاسواء واقصد بكلامى كل من يتبنى الاضراب الغير سلمى ارجو التعقل لمن يريد ان يكن غدا افضل فيجب ان تنظر من منظور سلمى.

هل يصح احتراق مدارس وغلق طرق فى اعمال عنف بين العمال وقوات الأمن بالمحلة كما جاء بموقع مصراوى

[~Heba~]

فيديوهات من اليوتيوب حولما حدث فى المحلة

http://www.youtube.com/watch?v=iBp6HSxtZo0

http://www.youtube.com/watch?v=2yYIq4M0D6I

و الله مآآآآسى

لك الله يا مصر

[se_ Elsyed]

عاشت المحلة حرة مستقلة وعيدها القومى 6 ابريل

وفجأة

وبدون مقدمات لقى رجال الامن المركزى رصاص من كل اتجاه

ده مش رصاص رصاص دى حجارة وطوب اه والله عارفين انتفاضة الحجارة كانت فى المحلة

الناس كلها طلعت ده حتى اللى فى بيوته بيرمى طوب وبيقولوا اضربوا الحكومة ... اضربوا الحكومة ....

فكرونى بايام ما الفرنسيين حاولو يدخلوا مصر والناس ضربتهم فى رشيد بالحلل والماية السخنة ....

طبعا اسفرت المعركة عن تكسير المحلات اكيد وخراب بيوت الناس ومات ناس والله ماتوا فعلا واصابة الاخرين واللى طلع عليه الحكومة قبضت عليه

أقسم بالله اني لم أصدق تلك السطور التي أقرأها الان !!!!!!!!!!!!!!!!

وهل هو فعلاً كلام صادر من مصريين !!!

يعني مصريين مصريين من اللي عايشين معانا في مصر وبياكلوا من خيرها ؟

يا مدام سما ... بقى عاشت المحلة حره مستقرة ؟

طب ما تلجأوا للأمم المتحده وتطلبوا الإنفصال وتبقوا دولة مستقلة عاصمتها زفتى ؟

والحمد لله إن حضرتك اللي قولتي بنفسك إن فجأة وبدون مقدمات لقى جنود الامن المركز طلقات الحجارة تنهال عليهم من كل حدب وصوب

والناس المصريين الوطنيين اللي في المظاهرة كانوا بيقولوا " إضربوا الحكومة .. إضربوا الحكومة " شيء عجيب !!!!!!!!!!!!!!!!!!

وبدأوا بقى والله اكبر والنصر لنا والموت للحكومة المصرية .. وبدأوا يحرقوا عربيات الناس الغلابة اللي راكنه في الشارع بالصدفة واللي من بينها تاكس بتاع واحد معدوم العافية وهو كل اللي حيلته من الدنيا بعد ما خرج معاش وخدمة 25 سنة في الحكومة ولسة عليه أقساط وبيجري على رزق عياله .. او محل بقالة بتاع أرمله عجوز عندها 5 أيتام وبتبيع شوية شيبسي على قزازتين بيبس في اليوم عشان تأكل كوم اللحم ده

هاسألك سؤال وتجاوبي بصراحة ؟

لو عربية سيادتك أو عربية والدك او محلكم اللي مالكمش غيره كمصدر رزق في الدنيا هو اللي إتحرق .. كنتي هاتقولي برضوا عاشت المحلة حره مستقرة والمحل والعربية فداكي يا ميت غمر ؟

عيب يا مدام سما .............. ده اللي إنضربوا دول إخواتنا وأهلنا .. واللي إتحرقت دي ممتلكاتنا .. فما يصحش نهلل ونعمل احزاب ومعسكرات ... ولنا في ما يحدث بلبنان والعراق والصومال خير عِبرة .... فوجود الجماعة في دولة ظالمة .. خير من التشرذم والحروب الأهلية التي تحصد أرواح الجميع .. وكل من بداخلها خاسرون .

والمحلاويين الحلوين اللي طلعوا ستات ورجالة وحرقوا إطارات سيارات على قضبان القطارات ورشقوا قطارات لا بها ولا عليها يمكن قطار فيهم يكون رايح الصعيد ولا إسكندرية وفيه ناس غلابه برضوا .. كل دي ممتلكات مصرية ...

حتى لو كان العمال مظلومين .. فالإضراب السلمي والصوت العالي الذي يقول الحق بهدؤ هو أفضل وسيلة لتحقيق المطالب

وطبعاً لا نستغرب إن جنود الامن المركزي يلاقوا نفسهم بيترشقوا بالحجارة زي المحتل الفرنسي زي ما حضرتك شبهتيهم هنا .. وبعد كل ده هايسكتوا

فكانت النتيجة إن في ناس ماتوا

وممكن برضوا يكونوا قرايبك وقلبكم إتحرق عليهم

يا مدام سما .. تجاوزات بعض رجال الامن لا تعني إننا نحولها إلى حرب أهليه تأكل الأخضر واليابس .. لإن الضحية من الطرفين هو إحنا وبلدنا ...

وإذا كل واحد بص لقريتة أو مدينته على إنها دولة مستقلة ذات قوانين خاصة بها ... يبقى على الدنيا السلامة

[muslim4ever]

الفاضلة سما

وماذا بعد

هذا ليس باضراب وليس الطريق للاصلاح

هل تظنين ان السلطة سوف تتاثر قيد انملة بما حدث .... بالطبع لا

ما حدث هو تخريب لممتلكات الاخرين وتعدى على الحقوق .. التى من المفروض اننا ننادى بها .. فلا تلموا احد بعد الان عندما يتعامل معكم كما تتعاملون

ما شاهتة ليس باضراب انما بلطجة وهمجية لن يحل المشكلة وانما سيعقدها اكثر ويعطى الذريعة للسلطة بزيادة الاستبداد والظلم

[لخبطه]

على فكرة الامر مختلط شويه ياجماعه

الناس في المحلة أمبارح ما طلعتش على القطر وقفته أول حاجه ولا ولعت في محلات في البداية الاضراب أساسا بدأسلمي ( دا بناء على كلام ناس حضرت فعلا ) ولما يتحول لصدام إلا لما الأمن ضرب رصاص ( الشرطة اللى هي أخوى واخوك زي ما قال الفاضل سي السيد ) ضربوا رصاص حي على الناس وعليه الأمن هو اللى بدأ عايز يموت الناس و الناس جن جنونها وتحول الموضوع لصراع وطبعا دا ما يعجبش أي حد أن المحلات تولع ولا حد يموت ، يعني اللى حول الموضوع لصدام الغباوة بتاع الأمن مش الناس اللى طالعة تطالب برغيف خبز خالى من المسامير ،، احنا هنا قاعدين بتكلم بالعقل وبالمنطق لكن الموضوع يختلف شويه مع الناس اللى كانت موجودة فعلا في وسط الحدث لأنها تصرفت بتلقائية ،، لاقيه شرطة عايزه تموتها هتعمل أي حاجه بدون النظر في مدى مشروعتيها ،،

عاشت المحلة مستقله

انا توقعت أنه هزار مش المقصود المعني أبداً

[desert_eagle70]

الاخ العزيز سى السيد .. توضيح للأمور .. الأمر زى ما سمعنا وشوفنا لحد بعد لبعصر كان سلمى جداً .. ايه اللى ممكن يحول الشكل السلمى .. إلى اللى شفناه ده .. وليه اللوم على المواطنين ليه ميكونش زى بتوع احداث يناير .. وليه ميكونوش بلطجية الحكومة عشان تلم الله هى عايزاه .. أخى الكريم سى السيد كلنا ننبذ العنف ونكره الفوضى والأعمال التى تسبب ضياح الحقوق .. ولكن لا تختلف معى ان الشخص الجائع إنشان غاضب .. ولا توجد اخلاق مع الفقر إلا فى حالات نادرة .. كما ان معروف ان الحكومة هى التى تبدأ ورجالتها كتير ، محدش ينكر غن فى حرامية فى الموضوع .. بس لازم نقر ان الحكومة بستفز لدرجة اللى حصل ووصل للدرجة دى ومش هيقف هى أبتدت ومش هتقف .. واللى حصل فى المحلة حصل فى أسكندرية .. وبيحصل فى أوروبا وأسيا حتى اللى فيها ديموقراطية .. طيب إحنا بقى ولا ديموقراطية ولا فاهمين حاجة متوقع يبقى الوضع ايه .

[النجم الثاقب]

هوه ده الأمن الحقيقى

معلش الصور بعيده شويه

[النجم الثاقب]

[النجم الثاقب]

تم تعديل 7 أبريل 2008 بواسطة النجم الثاقب

[أبو محمد]

هوه ده الأمن الحقيقى

معلش الصور بعيده شويه

الفاضل / النجم الثاقب

هل تريدنا أن نصدق ما تحاول أن تقنعنا به ؟

هل كنت مجندا ؟ .. أقصد هل كنت جنديا ؟ .. هل تعرف مدى العلاقة بين الجندى والمُعدَّة التى يعمل عليها ؟ .. هل تعلم مدى مسئوليته عنها ؟ .. هل تعلم ما يتعرض له إن لم يحافظ عليها ؟ ..

كان من الممكن أن أصدق ما تحاول قوله إن كان أفراد الأمن المركزى (وهم مجندون) يحاولون كسر زجاج السيارة بحجر أو بأى آلة أخرى .. فالعذر هو أن ذلك الحجر قد ألقاه أحد المتظاهرين عن بعد .. أما أن يتم نزع زجاج السيارة فى وجود (الجنود) فهذا عار عليهم (بالتعبير العسكرى) ... هل تعتقد أنهم يجلبون العار على أنفسهم ؟

أنظر إلى الصورة الأولى .. ستجد أن الركن اليمين الأعلى خارج من مكانه .. لو الصور بالترتيب الذى وضعته .. فالاستنتاج المنطقى هو محاولة تثبيته وليس نزعه ..

إن هذه الصورة تذكرنى بالصور التى نتلقاها فى البريد الإلكترونى عن الفتاة التى سخطها الله ، أو عن الشجرة التى تنمو على شكل الشهادتين ...

رفقا بعقولنا ياسادة !!!!!

[شموع]

كان نفسي الموضوع يكون سلمي وميحصلش خسائر فيه ...

[رمضان]

عاشت المحلة حرة مستقلة وعيدها القومى 6 ابريل

وفجأة

وبدون مقدمات لقى رجال الامن المركزى رصاص من كل اتجاه

ده مش رصاص رصاص دى حجارة وطوب اه والله عارفين انتفاضة الحجارة كانت فى المحلة

الناس كلها طلعت ده حتى اللى فى بيوته بيرمى طوب وبيقولوا اضربوا الحكومة ... اضربوا الحكومة ....

فكرونى بايام ما الفرنسيين حاولو يدخلوا مصر والناس ضربتهم فى رشيد بالحلل والماية السخنة ....

طبعا اسفرت المعركة عن تكسير المحلات اكيد وخراب بيوت الناس ومات ناس والله ماتوا فعلا واصابة الاخرين واللى طلع عليه الحكومة قبضت عليه

أقسم بالله اني لم أصدق تلك السطور التي أقرأها الان !!!!!!!!!!!!!!!!

وهل هو فعلاً كلام صادر من مصريين !!!

يعني مصريين مصريين من اللي عايشين معانا في مصر وبياكلوا من خيرها ؟

يا مدام سما ... بقى عاشت المحلة حره مستقرة ؟

طب ما تلجأوا للأمم المتحده وتطلبوا الإنفصال وتبقوا دولة مستقلة عاصمتها زفتى ؟

والحمد لله إن حضرتك اللي قولتي بنفسك إن فجأة وبدون مقدمات لقى جنود الامن المركز طلقات الحجارة تنهال عليهم من كل حدب وصوب

والناس المصريين الوطنيين اللي في المظاهرة كانوا بيقولوا " إضربوا الحكومة .. إضربوا الحكومة " شيء عجيب !!!!!!!!!!!!!!!!!!

وبدأوا بقى والله اكبر والنصر لنا والموت للحكومة المصرية .. وبدأوا يحرقوا عربيات الناس الغلابة اللي راكنه في الشارع بالصدفة واللي من بينها تاكس بتاع واحد معدوم العافية وهو كل اللي حيلته من الدنيا بعد ما خرج معاش وخدمة 25 سنة في الحكومة ولسة عليه أقساط وبيجري على رزق عياله .. او محل بقالة بتاع أرمله عجوز عندها 5 أيتام وبتبيع شوية شيبسي على قزازتين بيبس في اليوم عشان تأكل كوم اللحم ده

هاسألك سؤال وتجاوبي بصراحة ؟

لو عربية سيادتك أو عربية والدك او محلكم اللي مالكمش غيره كمصدر رزق في الدنيا هو اللي إتحرق .. كنتي هاتقولي برضوا عاشت المحلة حره مستقرة والمحل والعربية فداكي يا ميت غمر ؟

عيب يا مدام سما .............. ده اللي إنضربوا دول إخواتنا وأهلنا .. واللي إتحرقت دي ممتلكاتنا .. فما يصحش نهلل ونعمل احزاب ومعسكرات ... ولنا في ما يحدث بلبنان والعراق والصومال خير عِبرة .... فوجود الجماعة في دولة ظالمة .. خير من التشرذم والحروب الأهلية التي تحصد أرواح الجميع .. وكل من بداخلها خاسرون .

والمحلاويين الحلوين اللي طلعوا ستات ورجالة وحرقوا إطارات سيارات على قضبان القطارات ورشقوا قطارات لا بها ولا عليها يمكن قطار فيهم يكون رايح الصعيد ولا إسكندرية وفيه ناس غلابه برضوا .. كل دي ممتلكات مصرية ...

حتى لو كان العمال مظلومين .. فالإضراب السلمي والصوت العالي الذي يقول الحق بهدؤ هو أفضل وسيلة لتحقيق المطالب

وطبعاً لا نستغرب إن جنود الامن المركزي يلاقوا نفسهم بيترشقوا بالحجارة زي المحتل الفرنسي زي ما حضرتك شبهتيهم هنا .. وبعد كل ده هايسكتوا

فكانت النتيجة إن في ناس ماتوا

وممكن برضوا يكونوا قرايبك وقلبكم إتحرق عليهم

يا مدام سما .. تجاوزات بعض رجال الامن لا تعني إننا نحولها إلى حرب أهليه تأكل الأخضر واليابس .. لإن الضحية من الطرفين هو إحنا وبلدنا ...

وإذا كل واحد بص لقريتة أو مدينته على إنها دولة مستقلة ذات قوانين خاصة بها ... يبقى على الدنيا السلامة

انا استغرب ردك هذا يا سي السيد

الا تعلم ان للحرية ثمن وضمن الثمن هذا خسائر في الارواح والمتتلكات

يا اخي ما اخذ بالقوة لا يسترد الا بالقوة واعتقد ان لا احد يختلف معي في ان مصر اخذت منا بالقوة حتى لو قوة داخلية وليست خارجية

يا اخي ما الفرق بين الجنود الفرنسيين والحكومة المصرية على الاقل لما نعاني ايام الحملة الفرنسية من نقص في المواد الغذائية

لابد ان يدفع الجميع الثمن والا سنظل نعاج للابد

[النجم الثاقب]

الأخ الفاضل / أبو محمد

اشكرك على المشاركه

انا مكنتش مجند و الحمدلله، ولا أعرف العلاقه بين المجند و المعده التى يعمل عليها ، لكنى لا استبعد أى شىء فى ظل وجود الكثير من المسؤلين الفاسدين ، و كمان المجند غالبا لو تم تكليفه بأمر من رؤسائه بيطيع الأوامر دى وفى الحاله دى أعتقد موضوع العار مش وارد فى رأيى .

طبعا انا لم أؤكد الكلام اللى الصور بتقوله بس برضه لم أستبعده

[أبو محمد]

نحن أمام روايتين متناقضتين

الأولى بكل فخر من الفاضلة / samaa وتقول إنها شاهدة عيان

وفجأة

وبدون مقدمات لقى رجال الامن المركزى رصاص من كل اتجاه

ده مش رصاص رصاص دى حجارة وطوب اه والله عارفين انتفاضة الحجارة كانت فى المحلة

الناس كلها طلعت ده حتى اللى فى بيوته بيرمى طوب وبيقولوا اضربوا الحكومة ... اضربوا الحكومة ....

فكرونى بايام ما الفرنسيين حاولو يدخلوا مصر والناس ضربتهم فى رشيد بالحلل والماية السخنة ....

والثانية من الفاضل / لخبطه

الاضراب أساسا بدأسلمي ( دا بناء على كلام ناس حضرت فعلا ) ولما يتحول لصدام إلا لما الأمن ضرب رصاص ( الشرطة اللى هي أخوى واخوك زي ما قال الفاضل سي السيد ) ضربوا رصاص حي على الناس وعليه الأمن هو اللى بدأ عايز يموت الناس و الناس جن جنونها وتحول الموضوع لصراع

طيب بالعقل كده .. لماذا لم يحدث هذا إلا فى المحلة ؟

إذا كان اتجاه الأمن هو إثارة التخريب ، لماذا الانتظار إلى قرب انتهاء اليوم ؟ ... وإذا كان الأمن عنده تلك التعليمات .. أليس الأمن فى النهاية أفراد من هذا الشعب ؟ .. ألن يحكى هؤلاء الأفراد لذويهم ؟ .. هل منا من سمع من أحد أقاربه المنتمين إلى الأمن (العدو) شيئا من هذا ؟

فلننظر إلى الصور الآتية ... هل هؤلاء النسوة اللاتى يلقين بالحجارة يردون على إطلاق رصاص ؟ هل هؤلاء الأطفال الذين يخربون كبائن التليفونات يردون على إطلاق رصاص ؟ :

كل ما أستطيع قوله هو .. إننى آسف وحزين ..

إلى ما بعد العصر كنت راضيا وسعيدا وإن لم تكن سعادتى كاملة بهذا الإضراب السلمى المتحضر الذى وجه رسالة واضحة إلى الحكومة ... إختفى الرضا بعد أن علمت بما حدث فى المحلة ..

أفسد سعادتى سارقوا الفرح .. من هم ؟ .. أنا أعرفهم بنسبة 90 % .. وال 10 % لأنهم من بين ثلاثة أيديولوجيات تتسم لغتهم بالعنف والتخريب فى جميع أنحاء العالم إلى جانب احتمالين رابع وخامس :

1) التطرف الدينى

2) التطرف العنصرى

3) التطرف اليسارى

4) الشرفاء الذين يردون على واحد من الثلاثة السابقين

5) أستثني الثائرين على الظلم والفساد والاستبداد .. لأن الجميع يعانون منه واعترضوا عليه فى طول البلاد وعرضها باللغة المناسبة ..

أما اللغة التى ظهرت فى المحلة فلن تخرج عن لغة الأيديولوجيات الثلاثة الأولى